Thursday, May 24, 2012

HAMARI DAWAAT.





Auzu Billahi Minashaitannir Rajim Bismillahir Rahmannir Rahim



.HAMARI DAWAAT.

12.108 Aap keh dijiye kay meri raah yehi hai. Mein aur meray muttabeyeen Allah ki taraf bula rahey hain pooray yaqeen aur aetmaad kay sath. Aur Allah pak hai aur mein mushrikon mein nahi.

-------------------------------------------------------------------------------------
Surat-Ikhlaas 112

112.01 Aap kehydijiye kay Woh ALLAH TALAH aik(hi)hai.

112.02 Allah bey niaz hai.

112.03 Na uss say koi paida hoa na who kisi say paida hoa.

112.04 Aur na koi uska humser hai.

-----------------------------------------------------------------------------------

02.208 Eman walo! Islam mein pooray pooray dakhil hojao aur shetan kay qadmon ki tabeydari na kero woh tumhara khula dushman hai.

----------------------------------------------------------------------------------

03.102 Aey eman walo! Allah Taalaa say daro jitna uss say darna chahaiye aur dekho martay dum tak musalman hi rehna.

-----------------------------------------------------------------------------------

24.51 Emaan walon ka qol to yeh hai kay jab unhen iss liye bulaya jata hai kay Allah aur iss ka rasool inn mein faisal ker dey to woh kehtay hain kay hum ney suna aur maan liya. Yehi log kaamyaab honey walay hain.

-----------------------------------------------------------------------------------

04.59 Aey eman walo! Farmanbardari kero Allah Taalaa ki aur farmanbardari kero rasool (PBUH) ki aur tum mein say ikhtiyar walon ki. Phir agar kissi cheez mein ikhtilaf kero to ussay lotao Allah Taalaa ki taraf aur rasool ki taraf agar tumhen Allah Taalaa per aur qayamat kay din per eman hai. Yeh boht behtar hai aur ba aetbaar anjam kay boht acha hai.

------------------------------------------------------------------------------------

Rasool Sallallahu Alaihi Wasallam ne Farmaya
Main Tum main 2 cheeze chhorh kar ja raha
Hoon jab tak inko Mazbooti se thaame rakhoge Gumrah na hoge, Ek Allaah ki kitab
( Aur Doosri) Uske Nabi SAWW ki Sunnat.
( Mo'atta Imam Malik )


Sunday, May 20, 2012

VED ME NARASHANS (PROPHET MUHHAMMAD)--- DUSRA MANTRA








Bismillahirrahmanirraheem



VED ME NARASHANS (PROPHET MUHHAMMAD)--- DUSRA MANTRA:



" uski sawaari oont hogi aur uski 12 patniyan hongi, uska darja itna buland aur uski sawaari itni tez hogi ki wah aasmaan ko chhuegi phir utar aayegi "


yah mantra prophet muhammad sallalaho alaihi wasallam (pbuh) ke baare me bilkul saaf pesangoyi hai, iski har baat aap par fit baithti hai aur aap hi ke saath khaalis hai, yahan ishaara diya ja raha hai,


oont aapki sawaari thi, safar me, jungon me aur dusre aam mauqon par aap oont hi ki sawaari farmaya karte they,

naraashans ki sawaari oont hone se ek nateeja yah bhi nikalta hai ki uska aagman motors aur hawaai jahaaz (aeroplane) ke us daur tak ruka na rahega, balke us zamaane me hoga jab oont aur us jaise jaanwar sawaari ke taur par istemaal ho rahe honge, iske maana yah hain ki us rasool ke aagman ka zamaana guzar chuka,....

Aainda uske aane ka intezaar... Jaisa ke Hindu hazraat kar rahe hain, sahi nahi,


isse yah bhi nateeja nikalta hai ki iska aagman registaani (desert) ilaaqe me hoga kyonki oont registaani ilaaqe ki sawaari hai aur maalum hai ki mulk arab ek registani ilaaqa hai,


isse yah bhi malum huwa ki yah paighambar hindustan me paida na hoga, brahaman ya arya nasl se bhi na hoga, aur hindu dharm par bhi na hoga,

kyonki hindu dharm me paighambaron ke liye oont ka ghost aur dhoodh haraam hai, aur brahaman ke liye oont ki sawaari haraam hai,

brahman agar kisi dabaao ke beghair apni marzi se oont ya gadhe par sawaar ho jaaye to bhrast (napaak) ho jaata hai,

aur jab yah paighambar brahaman na hoga to arya nasl se bhi nahi ho sakta kyonki arya nasl me paighambari aur nubuwwat brahaman ke saath khaas hai,

jab yah taiy ho gaya ki naraashans registaani ilaaqe se hoga aur arya ya hindu na hoga toh yah bhi taiy ho gaya ki wah arab se hoga,


wah tajarrud (brahmacharya) ki zindagi guzaarne waala (brahmachaari) na hoga, balki shadi karega aur shadi bhi ek nahi 12 aurton se karega aur yah baat theek theek prophet muhammad sallalaho alaihi wasallam (pbuh) par sahi aati hai,

aapki kul 12 patniyan thi, jabki aapke siwa kisi aur nabi ki patniyon ki yah tadaad na hui, aapki 12 patniyon ke naam ye hain:

1- sayyida hz khadija binte khuwailad (ra)

2- sayyida hz sauda binte jam'a (ra)

3- sayyida hz aisha binte abu bakr (ra)

4- sayyida hz hafsa binte umar (ra)

5- sayyida zainab binte khuzaima (ra)

6- sayyida umme salma binte abi umayya (ra)

7- sayyida zainab binte jahash (ra)

8- sayyida rehana binte zaid (ra)

9- sayyida juweriya binte haris (ra)

10- sayyida umme habeeba binte abu sufyan (ra)

11- sayyida safiya binte hai bin akhtab (ra)

12- sayyida maimoona binte haris (ra),


Note: is mantra ke pahle slok ke dusre alfaz ke anuwaad (translation) me thoda Sa ikhtelaaf hai, sanskrit ke mashoor hindustani aalim pandit " ved prakash upadhyay" ne apni kitab "narashans aur antim rishi" ke page no 14 me wahi anuwaad kiya hai jo guzar chuka hai,

lekin kuch dusre aalim kahte hain ki yahan ved ki pratiyon me ikhtelaaf hai, aam pratiyon me dwirdash (twelve) hai, yani dwaal aur sheen (both are arabic alphabets) ke beech ra zyada hai,

aur is prati ke mutabik yah arth kiya gaya hai ki " uski patniyan hongi aur uski sawaari ke liye 2 khoobsoorat oontniyan hongi, yah arth bhi prophet muhammad sallalaho alaihi wasallam (pbuh) par hi fit aata hai,

aapke paas sawaari ke liye do khoobsurat oontniyan thi, ek ka naam " qaswa" aur dusri ka naam " azba" tha...


Kuch ne " door desh " ka arth kiya hai " double 10" yani 20...... Aur anuwaad (translation) yun kiya hai.

" uske paas 20 oontniyan hongi jin par wah khud sawaar hoga aur apni patniyon ko sawaar karega"

ab yah bhi Ajeeb baat hai ki prophet muhammad sallalaho alaihi wasallam (pbuh) ki milkiyat me kul 20 oontniyan thi, 2 sawari ke liye khaas thi, baaqi se dhoodh haasil kiya jaata tha lekin zarurat ke waqt wah sawaari ke liye bhi istemal ki jaati thi, khaaskar safar ke dauran aap patniyon ko unpar sawaar farmate they....

(dekhiya tabqaat ibne saad 1/494-495, ma'aarif ibne qateeba page 143, talqihul mafhoom ibne jawzi page 14)


yahan yah baat bhi yaad rakhne kaabil hai ki prophet muhammad sallalaho alaihi wasallam (pbuh) ki patniyon ke elawa kisi aur nabi ki patni ya patniyon ne oont ki sawaari nahi ki...

Is mantra ke dusre slok me isra aur meraj ke waqeya ke taraf ishaara hai, is waqeye me aapko " burraq" par sawaar kiya gaya jiska qadam wahan padta tha jahan uski nigaah jaati thi, usne raaton raat aapko aasmaano ki sair karaayi phir makka me la utaara, yah baat bhi prophet muhammad sallalaho alaihi wasallam(pbuh) Ke elawa kisi aur me nahi paayi gayi......



MANTRA NO -3 TO BE CONTINUED IN NEXT ARTICLE

QAYAMAT KI ALAAMATEIN (SIGNS)














Bismillahirrahmanirraheem



QAYAMAT KI ALAAMATEIN:



Yaqinan aakhirat aur uske sawaab wa azaab par imaan laana imaan ka ek aham ruqn hai, deen e islam ki buniyaad hai, allah taala ne qayaamat se pahle kuch aisi nishaaniyan muqarrar ki hain jo qayamat ke qareeb hone par dalaalat karti hai, nabi e akram muhammad sallalaho alaihi wasallam (pbuh) qayamat ko badi khatarnaak cheez samjhte they aur jab bhi nabi e akram muhammad sallalaho alaihi wasallam (pbuh) qayamat ka tazkirah karte toh aapka chehra surkh ho jaata, awaaz buland ho jaati...


Sahaba kiram (ra) aapas me qayamat ke baare me bahut zyada gustugu karte they,

hz huzaifa (ra) kahte hain ke nabi e akram muhammad sallalaho alaihi wasallam (pbuh) hamare paas aaye, aur ham log aapsi guftugu me masroof they, aapne sawaal kiya:-" kis cheez ke baare me guftugu kar rahe ho ? Hamne kaha:- qayamat ke baare me ! Qur'an wa hadith me qayamat ke baare me Be'shumaar dalail aur alaamatein bayaan ki gayi hain aur unme se beshtar waqu pazeer ho chuki hain,"

sahaba kiram (ra) qayamat ke mutaallik hadith suna karte they toh be'inteha usse khauff khaate they,

qayamat ki bahut si nishaaniyan zaahir ho chuki hain, nabi e akram muhammad sallalaho alaihi wasallam (pbuh) ki qayamat ke baare me pesangoiyan saabit ho chuki hain, jinse ahle imaan ke imaan me izaafa hi hota hai, aisi haalat me momino ke liye waajib hai ke deen e islam ko mazbooti se thaam len, safar aakhirat ke liye taiyyar ho jaayen,

kyonki nabi e akram muhammad sallalaho alaihi wasallam (pbuh) ne farmaya:-" jab qayamat ki badi nishaaniyan zaahir hongi to ek dusre ke peeche is tarah zaahir hongi jaise ki motiyon ka haar tootne par motiyan ek dusre ke peeche tezi se nikal jaati hain, nabi e akram muhammad sallalaho alaihi wasallam (pbuh) ne farmaya:- jo nishaani bhi (qayamat ki) zaahir hogi toh Dusri uski tatbeeh karegi"

(rawah muslim)


" qayamat ki nishaaniyan ek haar ke motiyon ki tarah hain agar use todh diya jaaye toh ek dusre ke peeche nikal padengi "

(musnad ahmad)


nabi e akram muhammad sallalaho alaihi wasallam (pbuh) ke ba'asat qayamat ki nishaaniyon mese ek nishaani hai,

nabi e akram muhammad sallalaho alaihi wasallam (pbuh) ne farmaya:-" meri ba'asat aur qayamat dono jama ho gayi hain aur qareeb hai ke qayamat mujh par sabqat kar jaaye "


nez nabi e akram muhammad sallalaho alaihi wasallam (pbuh) ki wafaat bhi bahut badi nishaani hai,


qayamat ki alaamat me ye baat bhi hai ke qayamat ke qareeb ek bahut bada fitna zaahir hoga, jo haq ko baatil se madgan karne ke saath saath imaan ko mutazalzal kar dega...


Hz ibn masood (ra) kahte hain ke:-" tum logon par ek aisa zamaana aane waala hai ke koi shakhs maut ko paa le toh use bhi bechne ke koshish karega"

nabi e akram muhammad sallalaho alaihi wasallam (pbuh) ne farmaya:-" qayamat se pahle ek fitna uthega, aadmi haalat e imaan me subah karega toh haalat e kufr me shaam karega, imaan ki haalat me shaam karega toh kufr ki haalat me subah karega"

(rawah ahmad)


is ummat ke aakhiri logon par badi badi aafatein aayengi...


nabi e akram muhammad sallalaho alaihi wasallam (pbuh) ne farmaya:-" ummat ke pichhle logon ke liye aafat hi aafiyat thi aur ummat ke aakhir me aane waalon ko aisi musibatein pahunchengi ke wah unhen na'pasand karenge aur aisa fitna zaahir hoga jo logon ko aapas me lada de ga, momin pukaar uthenge , wah fitna yahi hai ! Wah fitna yahi !, jo shakhs jahannum se bachna aur jannat me daakhil hona chaahe toh use aisi haalat me maut aaye ke wah allah aur yaum e aakhirat par imaan rakhta ho "....


Zalzalon ki kasrat, mashrhq me ek, maghrib me ek, aur zazeerah ul arab me ek khasoof ka waqe hona, chaupaayon ka Insaano se guftugu karna, logon ka ek dusre par zulm karna, ye sab qayamat ki nishaaniyan hain,

chaupaaya zaahir hoga aur logon se guftugu karega ke log allah ki nishaaniyon par imaan na laate they, zamaana sukadh jaayega, ek saal ek maah ki tarah, ek mahina ek hafte ki tarah, ek hafta ek din ki tarah, ek din ek ghante ki tarah ho jaayega, aurton ki qasrat aur mardon ki qillat hogi, hatta ke 50 aurton ka zimmedaar sirf ek mard hoga,


yajuj wa majuj (gog and mogog) ka zahoor hoga, sahihain me hz zainab binte jahash (ra) nabi e akram muhammad sallalaho alaihi wasallam (pbuh) se riwayat karti hain ke :-" ek martaba nabi e akram muhammad sallalaho alaihi wasallam (pbuh) unke paas ghabraaye hue aaye, aur farmaya:- allah ke siwa koi mabood nahi, arab ke liye tabaahi hai us buraayi se jo qareeb aa chuki hai, aaj ke din yajooj majooj ke liye ek halqe ke baqadar raasta khol diya gaya hai, ye kah kar nabi e akram muhammad sallalaho alaihi wasallam (pbuh) ne angoothe aur shahadat ki ungali ko milaakar baandh kar ishaara kiya "


qayamat jab aayegi toh ilm ki kami aur jahaalat ka ghalba ho jaayega, log islam ke faraiz ke baare me bhi la'ilm honge,


nabi e akram muhammad sallalaho alaihi wasallam (pbuh) farmate hain:-" islam ko is tarah sikhaaya jaayega jis tarah kapde ko naapna sikhaaya jaata hai, hatta ke kisi ko yeh tak maloom na hoga ke ROZA kya hai ? NAMAZ kya hai ? QURBANI kya hai ? Aur HAJJ kya hai ?, ek raat me kitaabullah ko utha liya jaayega aur qur'an ki ek ayat bhi baaqi na rahegi, (zameen par) budhon ki ek jamaat baqi rah jaayegi, jo ye kahte honge ke hamne, apne aaba wa ajdaad ko LA ILAAHA ILLALLAH Kahte hue suna hai, so ham bhi yahi kah rahe hain "


(is hadith ko hakim ne riwayat kiya hai aur muslim ki shart par sahih qaraar diya hai )


haraam cheezon ko aasaan aur manhayaat cheezon ko Sahal samjh liya jaayega, sharaab pi jaayegi, zina aam hoga, dilon me hars daal di jaayegi ?, Harz ki qasrat hogi,

poocha gaya harz kya hai ? nabi e akram muhammad sallalaho alaihi wasallam (pbuh) ne farmaya:-" qatal(murder) ! Hatta ke qaatil ko ye na maalum hoga ke usne kis liye qatal kiya ? Aur maqtool (marne waale) ye na jaan paayega ke kis liye use qatal kiya gaya ?"

(is hadith ko imam muslim ne riwayat kiya hai )


log duniya ki taraf poori tarah maail ho jaayenge, lambi lambi imaaratein banaayenge, allah ke deen se munh modh lenge, ummat me shirk paida ho jaayega, ummat ke kuch qabeele mushrikon se mil jaayenge,

nabi e akram muhammad sallalaho alaihi wasallam (pbuh) farmate hain:-" qayamat us waqt tak qayem na hogi jab tak ke meri ummat ke kuch qabeele mushrikon se na mil jaayen aur meri ummat ke kuch qabeele but(idol) parasti me mubtela na ho jaayen "

(rawaah tirmizi)



jab ummat deen se Nikal jaayegi, millat ko zaay kar degi, shariat ko na'pasand karne lagegi toh gumraah ho jaayegi, isi tarah jab ummat wahi (revelation, qur'an) ke elawa dusri cheezon me hidaayat talaash karne lagegi,

nabi e akram muhammad sallalaho alaihi wasallam (pbuh) farmate hain:-" qayamat us waqt tak qayam na hogi jabtak ke meri ummat pichhli ummaton ki thodi thodi cheezon me pairwi na karne lag jaaye"

(rawaah bukhaari)


"dhoka, jhoot aam ho jaayega, 30 ke qareeb dajjal zaahir honge, (hairat ki baat ye hai ke ) har shakhs samjhe ga ke wah saccha nabi hai, insaano se nek ausaaf utha liye jaayenge, amaanat lautaane waali sifat insaano se khatm kardi jaayegi , kaha jaayega ke:- falan shakhs bada amaanat daar hai aur kya hi accha hai, aqalmand aur kaamyaab insaan hai, halaanke uske dil me raayi ke daane ke baraabar bhi imaan na hoga"


(rawaah bukhaari)


amaanat k zaail karne me ye baat bhi shaamil hai ke na'ahal (ghair amaanat daar) ko kisi cheez ka zimmedaar banaaya jaayega,.....


Hz adam (as) se lekar qayamat ke qayem hone tak dajjal jaisa azeem ul khalqat shakhs koi na hoga, har nabi ne apni ummat ko dajjal ke fitne se daraaya hai, aur nabi e akram muhammad sallalaho alaihi wasallam (pbuh) har namaz me usse panaah maangte they, aur zyada tar sahaba kiram (ra) se uska tazkirah kiya karte they,

hz nawaas bin sam'aan (rh) kahte hain ke:-" hamen ye ghumaan hone laga ke wah qareeb hi khajoor ke darkhton ke jhund me hoga, jab ham wahan gaye aur use talaash karne lage toh nabi e akram muhammad sallalaho alaihi wasallam (pbuh) ne farmaya:- kya baat hai ? Hamne kaha:- ya rasoollullah ! Aapne subah dajjal ka zikr kiya tha, kabhi aap awaaz buland karte aur aahishta karte, ham samjhne lage ke khajooron ke jhund me hai, nabi e akram muhammad sallalaho alaihi wasallam (pbuh) ne farmaya:- dajjal ke elawa dusri cheezon ka Mujhe tum par khauff hai, agar wah zaahir ho jaaye aur main tum me maujood rahun toh main tumhari dhaal ban jaunga, agar uska khurooj huwa aur main tumhaare darmiyaan na rahun toh har shakhs apna difa kare ! Allah taala har musalman ki hifaazat farmaye "

(rawaah muslim )


jab ilm khatam ho jaayega toh mashriq ki jaanib dajjal niklega, jisse log darr kar bhaag khade honge, aur pahaadon me jama ho jaayenge, wah saari zameen ka chakkar lagaate hue har shaher me daakhil hoga, magar makka aur madeene me daakhil na ho sakega, allah taala ne in dono shahron me dajjal ke daakhil hone ko haraam qaraar diya hai, jab bhi wah inme daakhil hona chahega toh ek farishta nangi talwaar lekar uska istaqbaal karega aur use madeene me daakhil hone se rok dega, madeene me 3 zabar'dast zalzale ke jhatke mahsoos honge, jinse har munaafiq aur kaafir baahir nikal jaayega, madeene se nikalne waali aksar aurtein hongi, hatta ke Ek shakhs apni maa, beti, biwi, aur fufi ke paas aakar unhen is khauff se rassi se baandh dega ke wah dajjal ke paas na chali jaayen,

dajjal ka fitna bahut bada fitna hoga, uske saath do bahti hui nahren hongi, ek me safed paani to dusri me bhadakti hui aag nazar aayegi,

nabi e akram muhammad sallalaho alaihi wasallam (pbuh) ne farmaya:-" agar koi shakhs use pa le toh us naher ke paas aaye jisme aag nazar aa rahi hai, usme se sar dubo kar uthaaye, usme se paani piye, kyonke wah thanda paani hoga"

(rawaah muslim)


jis nahar me logon ko paani nazar aa raha hoga usme bhadakti hui jalaane waali aag hogi, allah taala dajjal ke zariye, use khuraaq aadat cheezein ata karke apne bandon ko aazmaayega, allah taala jis tarah tamaam cheezon par qaadir hai us taraf ki qudrat use ata ki jaayegi, misaal ke taur par dajjal ka murdon ko zinda karna, khajaano ka uske haathon me hona, uske paas jannat aur jahannum ka Hona, aur uske paas do nahron ka hona, dajjal aasmaan ko baarish barsaane ka huqm dega, toh wah baarish barsaayega, zameen ko podhe ugaane ka huqm dega toh wah ugaaye gi, unki baat na maanne waale par ye musibatein aayengi yani qahat(drought), anaaj ki qillat, chaupaayon ka marna, amwaal ka zaayel hona, wagerah,

aur ye tamaam cheezein allah ki kudrat aur uski marzi se zaahir hongi, uske baad allah taala use aajiz kar dega toh wah na kisi ke qatal par qaadir hoga aur na mardon ko zinda kar sakega...


Allah taala apne bandon ka dajjal ke zariye imtehaan lega, bahut se raah e raast par rahenge, aur bahut se log gumraah ho jaayenge, uske baare me shak karne waale bhi kufr me mubtela ho jaayenge, ahle imaan ke imaan me izaafa hoga, dajjal zameen me kul 40 din qayaam karega, uska ek din ek saal ki tarah, ek din ek mahine ki tarah, ek din ek hafte ki tarah hoga, aur baqiya ayyam aam dino ki tarah honge. Dajjal ki raftaar itni tez hogi jis tarah baadal barasne ke baad laut'ta hai...


Raha ye sawaal ki wah kaisa hoga?

Toh aayen main aapko bataata hun, dajjal naujawaan, bade jism waala, roshan kapde, chaude put'thon waala, ghane baalo aur kaana hoga, uske aulaad na hogi,

hz tamimdarimi (ra) uske baare me kahte hain ke:-" wah bahut bada insaan hoga, mazboot puthon waala hoga, uski dono aankhon ke beech kaafir likha hoga,"


imam safaarini kahte hain ke:-" ham aalim ke liye zaroori hai ke dajjal ke mutaalliq jitni bhi hadith hain unhen aurton, mardon, aur bacchon ke darmiyaan yani aam logon ke darmiyaan phailaayen, khususan hamare is daur me jabke buraaiyan aur fitne aam ho chuke hain, dajjal se bachaane waali bahut si cheezein hain jin me sar fehrist islam ko mazbooti se thaamna aur imaan se labrez hona hai, nez allah taala aur uski sifaat hasana ko qur'an wa sunnat ki roshni me jaanna hai, dajjal Insaan hoga, wah khaayega bhi aur piyega bhi aur allah taala inse paak hai, dajjal ka naam hoga, aur hamara rabb kaana nahi hai, allah taala ko koi maut se qabal na dekh sakega, magar dajjal ko momin aur kaafir donon ke dono dekh sakte hain "


dajjal se bahut zyada panaah maangte raha karo, jo use paa le surah kahaf ki shuruaati aayat padh le,

muslim ke alfaz hain:-" jo shakhs surah kahaf ki ibtedaai ki 10 aayat yaad kar lega"

aur ek riwayat me hai ke:-" aakhiri 10 ayat yaad karega toh wah dajjal se mahfooz rahega"


jab aap dajjal ke baare me sune toh usse door ho jaayen, uske paas na jaayen, ek shakhs dajjal ke paas jaayega us haal me ke wah momin hoga, magar dajjal ke shuqooq ki wajah se wah uski pairwi karne lag jaayega...


Jab dajjal aakhiri zamaane me niklega to uske fitne badh jaayenge, uske maanne walon ki tadaad be'shumaar ho jayegi, thode se musalmaan hi uske shar se mahfooz rahenge, us Waqt hz isa bin maryam (as) mashriqi damishq ke safed minaare se neeche utrenge, momin bande unko gher lenge, dajjal (ko maarne ka) qasad karke wah aur saare momin nikal padenge, us waqt dajjal bait ul muqaddas ke maqaam par hoga, hz isa (as) dajjal ko "baab ladh" ke paas paa lenge, dajjal jab unhe dekhega toh shakht ghabra jaayega,

ba'adah dajjal ke baad hz isa (as) ke mut'tabaen me shakt jung hogi, dajjal hazimiyat uthaayega aur maqtool hoga...


Hz isa (as) ka zamaana bada pur aman aur pur sukoon ka hoga, zameen se kaha jaayega ke:-" ug aa ! Aur apni barkat lauta!"

Us daur me ek jamaat sirf ek anaar se shiqm seer ho jaayegi...... Dhoodh me barqat hi barqat hogi, hatta ke ek oontni ka dhoodh ek bade qabeele ko, gaaye ka dhoodh mutaassid qabeele ko, aur bakri ka dhoodh ek chhote se qabeele ke liye kaafi hoga, zameen me aman hi aman hoga,

sheir (lion) oonton ke saath, cheete gaayon ke saath aur Bhediye bakriyon ke saath charenge, chhote chhote bacche saanpon ke saath khelenge, aur wah unhe kuch nuksaan na pahunchaayenge,uske baad hz isa (as) zameen me 7 din muqeem honge,

phir allah taala sham (syria) ki taraf se ek thandi hawa bhejega jo har shakhs ki rooh qabz kar legi jiske dil me zarrah baraabar bhi imaan hoga,

qayamat is haalat me qayem hogi ke zameen par allah allah kahne waala koi na hoga, sooraj maghrib se tulu hoga, use dekhne waale saare log imaan laayenge, magar us waqt ka imaan unko nafa na dega,

qayamat ki sab se aakhiri qayamat ka elaan karne waali alaamat ek intehaai khatarnaak aag hai, jo yemen se zaahir hogi, lognn ko maidan e hashr ki taraf haankegi, log jahan bhi maujood rahenge, use apne paas paayenge......


Momin bhaiyyon ! Allah ka waada bar'haq hai, qayamat yaqinan aanewaali hai, jo apne aapse ghaafil ho gaya aur apne auqaat zaayel kiye toh wah shadeed hasr o afsos Karega, ummeedein taweel hain, imaaratein fana hone waali hain, jiski ummeedein lambi hongi wah amal karna bhool jaayega aur maut se ghaafil ho jaayega, nek bakht aur khush'kismat wahi hai jo aane waali duniya ke liye zaad e raah aur tosha taiyyar karle,

kisi hakeem ka qaul hai:-" mujhe tajjub hai us shakhs par jo maal ke nuqsaan par gham karta hai, umar ki kami par gham nahi karta"


khoob ji lagaakar ibaadat karen ! Gunaahon par aanshun bahaayen, aur bure kaam se bachne ki dua karte rahen, nek aur accha insaan wahi hai jo apni ummeedein aakhirat ki taraf modh de, fana hone wali duniya se munh pher le,


jab muhammad bin sireen (ra) ke inteqaal ka waqt qareeb huwa toh wah rone lage, sabab poocha gaya toh kaha:-" main apne faarigh auqaat zaayel karne aur aise aise amaal na karne ki wajah se ro raha hun jo jannat ka mustahiq banaate hain"


BY:Abdul mohsin bin abdul qasim

(Imam wa khateeb masjid nabwi)


ALLAH HAMEN QUR'AAN WA SUNNAT PAR AMAL PAIRA HONE KI TAUFEEQ DE.......AMEEN

Friday, May 18, 2012

AURAT-- ISLAM AUR TAHZEEB KI KASH'MAKASH ME












Bismillahirrahmanirraheem




AURAT-- ISLAM AUR TAHZEEB KI KASH'MAKASH ME:




Allah taala ne tamaam bani nu e insaan ko ashraful makhlooqaat ka azaaza ata kiya,

usme bhi AURAT ko na'qaabil faraamosh azaazat ata kiye.. Is haisiyat se ke islam se pahle aurat haqeer (kamzor) samjhi jaati thi, mazloom thi, aur mu'aashre me uska kuch wazan na tha, zinda dafna di jaati thi,

islam ne AURAT ko buland maqaam wa martaba ata kiya, phir uske saath adal wa insaaf ka huqm aur uske huqooq bataaye, aur amal paira na hone par shakht azaab ki wa'eed sunaayi, fitri kamzori ka lihaz karte hue uske kaam ka daayerah mutaiyyan kiya...


Maujoodah daur ka tajurbah karen toh maalum hoga ke aurat ke goshe aur parde (hijab) ka kya haal hai,

na huqooq ul jawjiyat ka kuch parwah hai aur na hijaab ka kuch ehtemaam aur toh ye hai ke be'pardagi aur be'hayaai se ghoomne phirne toh tahzeeb (modern culture) ka naam diya ja raha hai..










Aur uper se ye naara baazi ke

" AURTON KO GHULAAMI KI ZANZEERON SE BAAHAR NIKAALO , AURAT KE SAATH INSAAF KARO, AURAT KI SALAAHIYAT SE FAAYEDA UTHAAO WAGERAH"


Is tarah ke naare dil ko bha jaane waale naare dar'asal apne peeche ek hi maqsad rakhte hain,

aurton ke liye islam ke jo daayera (boundary) mutayyan kiya hai, usko us daayere se baaher kar den,


isme kuch shak nahi ke dusmanaan e islam ne is darwaaze se acchhi khaasi kaamyaabi haasil kar li hai,

isme kuch ajeeb nahi ke islam ke dushmano ki in kaarwaahiyon ke shikaar ghair muslim mu'aashre hon,

tajjub aur afsos to is par hai ke hamaare wah mu'aashre , jahan " qaal allah " aur " qaal rasool " ki sadaayen hon , unke is fareb me aa jaayen...


Tareekh e islam se ye baat bilkul waazeh hai ke aurat ne islam ke ata'kardah daayere me rahte hue aise aise kaarnaame anjaam diye ke use dekh kar tahzeeb paraston ke ye matwaale bhi nahi kar sakte...











Aaj bhi mamlakut saudi arab me khwaateen ka islam ke ata'kardah daayere ko laazim pakadne ki mumaniyat ho ya mu'aashariyat har jagah acche nateeje saamne aa rahe hain, lihaaza aurton ke haq me islami huqooq faayede mand hain, islami huqood aurton ki shaan o shauqat ka baa'as hai,

isme shaq nahi ke haq wa baatil ki kash'makash se azl hai abd tak jaari rahegi, haq ke aalam bardaar hamesha se islam ke khilaaf uthne waale aag ka muqaabla karte aaye hai, aur kar rahe hain, uske ba'wajood dusman e islaam aise ghaat lagaaye baithe hain ke koi mauqa haath se jaane nahi dete,

bad'kismati se hamare bahut se kalima go bhai unke fareb me aagaye hain,

ma'aasiyat aur mu'aashariyat hoke harkaat wa saknaat ho ke tahzeeb tamaddun har cheez me un dushman e islam ke naqs e kadam par aankh band kiye chale ja rahe hai

" EUROPE ki ghulami pe razamand ho toh

mujh ko gila tujhse hai EUROPE se nahi hai "


Pyaare nabi Muhammad sallalaho alaihi wasallam (pbuh) kya hi sach farma gaye:

" tum zaroor apne se pahle logon ke taur tareeqe aur chaal chalan par beghair ki tardeed ke chaloge, hatta ke agar wah kisi goh ke suraakh me daakhil ho toh tum bhi daakhil ho jaaoge, sahaba kiram (ra) ne arz kiya: kya ye yahudi aur nasaara hain ?, aapne farmaya: haan ! "

(mutaffiq alaih )


dil ko ghamgeen kar dene waali baat ye hai ke islam ke naam lewa aur kalma go hazraat aurton ko sare bazaar la khada karne waalon, be'hayaai, be'pardagi, ki numaish karne waalon aur aurton ko fashion ki aad me khaazib nazar bana kar uske matak matak kar chalne ko tahzeeb nu ka naam dene waalo ki purzor taeed karne me mast aur magan nazar aate hain...


Isme do raaye nahi ke iske nataiz kis qadar bhayanak hain ke rozaana kitni asmatein lut rahi hain, gaaon (village) ho ya shaher har jagah asmat'jari, balaatkaar ke nit naye waaqeyaat ka zahoor roz Ka mamool ban chuke hain, iske elawa is " azaadi niswa (aurat)" ki tahreek se jo jurm, faahishaat wa hadsaat hote jaa rahe hain ek mustaqal mauzu ki haisiyat rakhte hain,

ab ghinaaoni surat haal ka tadraak yahi hai ke ISLAM ne jo daayerah khwateen ko ata kiya hai us daayere me usko rakhte hue har wah kaam isme liye jaayen jo uski tabiyat ke mawafiq hon... Warna apni aankhon ke saamne apne maa, bahno, aur bacchon ki izzat ka sarre bazaar nilaam hote dekhna laazmi hai,

isko allah taala ne surah taaha ayat no 124 me yun waazeh kiya hai

" aur jo shakhs meri yaad se ru'ghardaani karega wah duniya me pareshaan haal rahega aur qayamat ke din ham use andha uthaayenge"


waazeh rahe tahreek azaadi niswan (womens freedom) ki taareekh sirf 80 saal puraani hai,

dar'asal haqiqat iski ibtedaa 20 march 1919 ko egypt me hui, phir dekhte hi dekhte ye marz saare aalim e islam me phail gaya...


Is tahreek ka haqeeqi Target ye hain


1- be'hayaai ko saari duniya me aam karna

2- naujawaano ko iske fitne me uljhaaye rakhna

3- nayi nasal (new generation) ke saamne taareekh e islami aur salaf us saliheen ke hairat angez kaarnaamon par pardah daalna

4- aazaadi niswan ki naara baazi se be'hayaai ko mazboot karna...

Taake is raaste se aalam e islam ki takhreeb kaari ke zariye ba'aasaani ghulaami ki zanzeeron me jakda ja sake aur muslim abaadi ko deen se bezaar kar den,.....


Ulema e deen sheikh abdul aziz bin abdullah bin baaz (rh) farmate hain ke:-" bila'shak wa shubah yahud, musalmaano ko be'deen aur bad'akhlaaq banaane me koi kasar baaqi nahi chhod te, unke bahut se bade idaare hain jime se baaz tak unki rasaai ho chuki hai, aur baaz ki takmeel me hamesha kamar'bastah rahte hain, ye log ek taraf musalmano se quwwat aur aslaha se lais hokar jung karte hain toh dusri taraf unke afkaar wa khayaalaat me bigaad nihaayat Hi makkari aur chalaaki se karte hain"


(majallah al jamia tul islamia 59/ 1403H)


Yaqinan dushmanaan e islam ne islami tahzeeb wa tamaddun aur muhammadi islam ke muqaable me maghribi tahzeeb wa tamaddun aur subaayi islam ko laane ke liye tamaam aalam e kufr ke aashirwaad ke baad aasaan tareen raasta talaash kar liya hai , wah hai " AURAT KI ZAAT " kyon ke dushman e islam ye baat ba'khoobi jaante hain ke aurton ki durustgi me saare samaaj ki durustgi hai aur aurat ke bigaad me saare samaaj ki tabaahi hai, aur waise aurat fitri taur par nayi nayi cheezon ko qubool karne ki aadi hai, agarchah wah uske deen wa aabru ke khilaaf ho ,

sahih baat toh ye hai ke aurat daayera e islam me rahkar shaan wa shauqat ki mallika aur qaumon ki izzat ka baa'as hain, waise aurat ka maujoodah daur me islam ke ata kardah daayera me rahna bahut zaroori hai, sach kaha hai jisne bhi kaha hai

" yaqinan aurton ki taraf nazar Jamaaye hue mard un bhediyon ki tarah hain jo ghost ke tukde ko paane ke liye chakkar laga rahe hon "

" agar ye ghost un darindon se mahfooz na kar liya jaaye toh yaqinan be'ghair kisi chun chara ke wah usko hadap kar jaayenge "....




BE'HIJAABI KA NAARA DAR'ASAL YAHUDION KA WATEERAH:



Shuru'aati islam ka waqeya hai, abu aun ka bayaan hai:

" arab ki ek khaatoon 'bani qainuqa' ke muhalle me maal bechne le aayi, phir thodi der ke liye ek sunaar ke qareeb baith gayi, yahudion ka ek jamghat uski niqaab kusaayi(utarwaane) par tul gaya, magar wah baraabar inkaar karti rahi, itne me sunaar chupke se uske kapde ka kinaarah uski peeth se baandh diya, jab wah aurat wahan se jaane ke liye uth khadi hui toh uska satar ( private part) khul gaya jis par yahudi bahut zor se hasne lage, us aurat ne ek zor ki cheekh lagaayi, ye surat e haal dekh kar paas ke ek ba'ghairat muslim ne us sunaar ka qatal kar diya, Yahudion ne us musalman ko qatl kar diya, phir kya tha, musalmanon aur yahudion me tu tu main main shuru ho gayi,"


uske baad se aaj tak yahudi baraabar aurton ko islami qanoon se nikaalne ke liye bahut hi dil'kash aur dil'shoz naam dete aa rahen hain....


Aiy khatoon ne islam ! Tu in badmaashion ke changul me na phans, tu naujawaan mardon ki maa, aur honhaaron ki dars'gaah hai,

yaqinan jis cheez ki naarah baazi aur hangama aaraai ye log kar rahe hain, nihaayat hi khatarnaak harkatein hai..

Kisi ne kya khoob kaha hai:

" qasam ba'khuda haya baaqi na rahe toh zindagi be'gaar hai,

aisi zindagi me koi bhalaai nahi hai"



Aiy khatoon e islam ! Hamen malum hai ke aaj razail, fazail par ghaalib hain, magar kaan khol kar sun le umar jitni bhi ho baher'haal kam hi hai, ek na ek din duniya ko khairaabad kahna hai,


jis din aurat islam ke ata kardah nematon ko chhodkar in badmaashion ke daam fareb me Aa gayi us din se mardon ke saath be'jhijhak akhtalaat, maidaano, kaar'khaano, colleges, saahili ilaaqon (beaches) , parkon aur sare bazaar itni ruswaaiyyan hui ke tahatus sara tak ja pahunchi... (auzubillah)


is baat ka izhaar aalmi shohrat yaafta bahut si khwateen ne kiya hai ke:-" ham tahreek azaadi niswan ke changul me aise phanse ke na sharm baqi rahi na kuch haya! Hadd toh ye hai ke deen islam se bhi haath dho baithe, aiy meri bahno ! Tum ham se ibrat haasil karo, badmaashion aur yahud ke fareb me na aao " (allah tumhari hifaazat kare )


ab ham mukhtasar taur par un aurton ke aqwal ka zikr karenge jo akhtalaat mard'zan aur modern culture ke taweel tajurbe se ghuzarne ke baad dusri aurton ko dars-e- ibrat aur ek paigaam dena chahti hain ke islami hijab hamesha lazim pakden,, islami zindagi, tahzeeb par ba'khushi raazi hon wagerah,










ek muslim shayerah ne kaha:-" duniya ki sab se acchhi aurat wah Hai jo ghar ke kaam kaaj me masroof rahe , jab ghar me rahti hai toh ghar ki maalkin hai jiske huqm ko sab sar'aankhon par rakhte hain "

"sahi maano me aurat ka waqaar ghar me hai, bachhon ki tarbiyat karne aur shauhar ka ta'aawun karne me hai,"

" asal me aurat par zulm wah log karte hain jo aurton ko arsh se farsh par la khada kiye, jab ji chaaha unse lutf uthaya aur jab ji chaaha unko dhutkaar diya !

Afsos hai musalman agar ab bhi na jaage to........... !


Ek ghair muslim khaatoon likhti hai:-" hamare bacchon ka gharon me khidmaat ban kar rahna hazaar darjah bahtar aur kam nuqsaan ka ba'as hai usse ke wah kaarkhaano me unchi unchi naukriyon par rahen, jahan ladki unka ghulam hokar rahti hai aur aakhir me uska jeena doobhar ho jaata hai "


kaan khol kar sunlo!(muslim womans)


"Kitna accha hota ke hamare mumalik bhi muslim mumalik ki tarah saaf wa shafaaf hote, jahan izzat wa namoos ki misaal Qayem hai "


ek ameriki newspaper ki numaaya khatoon ka bayaan hai:-" mard'zan ke akhtalaat se ab bacho aur azaadi niswan (women freedom) ke naaron ko chhod do, pardah ke us daur ki taraf phir se palat jaao jisme aurton ke zariye qaumon ko urooj haasil huwa, ye tumhare liye ameriki, yahudi, aur isaayi tahzeeb (culture) aur tamaddun se bahut bahtar hai, kyunke hamne bahut tajurbah karke dekh liya, ameriki mua'shrah abaahiyat aur fahash ke rang barang manzireh pesh karne me apna saani nahi rakhta,"

"bila shaq wa shubah aazaadi niswan aur akhtalaat mard'zan(relation ship between male and females) ne kaarkhaano (working place), saahili maqaamaat (beaches), colleges, aabaahiyat khaano (clubs) me aisi ghinauni soorat e haal akhtiyaar kar li hai jiske tasawwur se kaleja(heart) muh ko aa jaata hai, aur main hawaas baakhta ho jaati hun "



ek mashoor singaar (make up) lagaane waali 'fabiyan' naami khatoon ne Bayaan diya ke::-" agar mujh par allah ka fazal wa karam na hota toh meri zindagi viraan ho jaati, kyonki maujoodah daur me insaan khwaahishaat ka ghulaam hai "


france is ek journalist khatoon me bayaan diya ke:-" maine arab ki muslim khatoon ko ba'izzat aur qaabil e ahteraam paaya hai, bar'khilaaf europi khwateen ke aur main arab ki khatoon ko badi khush'naseeb samjhti hun aur main use nasihat karti hun ke wah zulmat kadah aur fahaskaari ke markaz EUROPE ki taraf hargiz hargiz na dekhe "


america e ek filmi adakaarah (acteress) lambi mayusi ki zindagi guzaarne ke baad khud'khushi karte waqt un aurton ke naam jo cinema me amal wa dakhal ya kisi qism ka pesha akhtiyaar karne ki khwahish'mand hain ye paigham dete hue likhti hai:-" gharelu aur aaili zindagi haqeeqi sa'aadat mandi ka ba'as hai aur aurtein duniya ki zaahiri chamak damak par khush na hon, cinema me amal wa dakhal nihaayat hi shaqawat aur Bad'bakhti ka ba'as hai, lihaza koi khatoon cinema me na adna kaam ki khwahish'mand ho aur na adakaari (acting) ki "


ye mashriq(east) wa maghrib(west) ki khwateen ke chand qaabil ibrat bayanaat they jo tahreek azaadi niswan ka shikaar hui,

mazkoorah aurtein dusri tamaam aurton ke liye ibrat hai


toh aiy khatoon e islam ! Fitna wa khatrah me mubtela hone se pahle hoshiyar ho jaayen !!!


ALLAH TAALA BHOOLE BHATKE MARDON AUR AURTON KO AQL AUR DURUST RAAH SE HAMKANAAR KARE, AUR HAM SAB KO ZAAHIRI AUR BAATINI FITNO SE MAHFOOZ RAKHE........AMEEN

Saturday, May 12, 2012

VED ME " NARASHANS" (PROPHET)








Shuru allah ke naam se jo bada maherbaan aur raham karne waala hai



Pahle mantra:



" logon ! Dhyan se suno (with respect) ! Naraashans ki prashansha (tareef) ki jaayegi, ham us mujaahir... Ya shaanti ke dhwaj'waahaq (flag holder) ko 60090 dushmano ke beech mahfooz rakhenge"


(atharva ved slok no 1 )


1- aadar'poorvak (with respect) sunne ki yah taaqeed jo yahan hai, VED me aur jagahon par nahi paayi jaati, iske maayene yah hain ki jis shakhs ka yahan zikr aa raha hai, wah ved ki baaqi hastiyon se NIRAALI aur MAHAAN hai,


2- " NARAASHANS" sanskrit zabaan ka lafz hai jo asal me do lafzon (shabd) se milkar bana hai, ek lafz " nar" jiska maana hai " insaan ",

isko laakar ya bataane ka matlab hai ki yahan jis shakhs ka zikr ho raha hai wah insaano me se hai, VED ki dusri hasti ki tarah DEVTA (farishta ya jinn) nahi hai,


dusra lafz hai " NARAASHANS " iska matlab hai " wah shakhs jiski bahut Zyada prashansha (tareef) ki jaaye ",

isliye naraashans ka theek wahi matlab huwa jo lafz " MUHAMMAD " ka hai,

dono me iske siwa koi farq nahi ki " muhammad" arabic lafz hai aur "naraashan" sanskrit,

isliye agar ved me is shakhs ki aur koi tafseel na hoti, kewal (sirf) yahi mubaarak naam hota to yah is baat ko jaanne ke liye kaafi tha ki yah pesangoyi muhammad sallallaho alaihi wasallam (pbuh) ke baare me hai,

lekin aage suniye: farmaya gaya


2- "NARAASHANS" ki prashansha (taareef) ki jaayegi,


muhammad sallalaho alaihi wasallam (pbuh) ki kitni taareef ki gayi hai, iska andaaza lagaana mushkil hai, aap

muhammad sallalaho alaihi wasallam (pbuh) ki seerat (biography) aur tareef me likhi gayi kitaaben kitni hai, iska andaza lagaana bhi mumkin nahi,

musalmaan toh musalman, alag alag dharmon aur ghair muslimo ne bhi aap

muhammad sallalaho alaihi wasallam (pbuh) ki tareef me itna kuch likha hai ki Khud apne deen wa dharm ke nabi ke baare me iska thoda sa hissa bhi nahi likha, balki un nabiyon ke baare me unke paas kuch zyaada likhne ke liye hai hi nahi,


hz musa (as) se unke sad'karmo (nek kaamo) ke ba'wajood yahudiyon ko hamesha shikaayat hi rahi hai,

isaaiyon ke paas hz isa (as) ke kuch chamatkaar, kuch misaalein, kuch kadwe bayaanaat, saleeb (cross) par chadhne aur aasmaan par jaane ki ghatnaao (waqeyaat) ke siwa kuch nahi, jinme tareef kam aur apmaan ka pahlu zyada nikalta hai,

hinduon ki pavitra(pak) hastiyan aur bhi zyada parde me hain, phir un par sahih ghalat jo kuch wah likh sake wah muhammad sallalaho alaihi wasallam (pbuh) ki ki gayi tareef ke muqaable me aise hi hai jaise samundra ke muqaable me boond,


aur yah jo bhavishya ke qalime se farmaya gaya ki " NARAASHANS KI PRASHANSA KI JAAYEGI " iske maane yah hain ki is atharva ved ke sampaadan ke zamaane tak " naraashans" bheje nahi Gaye aur tamaam shodh'kartaaon (researcher) ki sahmati (ittefaq) hai ki " atharva ved" chauthi aur aakhiri ved hai, jo pahli 3 vedon se kaafi baad me likhi gayi hai, aur idhar haal yah hai ki sabse pahle ved jo bahut pahle likhi gayi thi usme sikandar ke daur ki balke uske baad ke daur ki kuch hastiyan aur kuch ghatnaao ka zikr hai,,

isliye jab sabse pahli aur puraani ved is hadh tak sanchhipt hain to kuch tajjub nahi ki sabse aakhiri ved hz isa (as) se bhi baad ki ho, isse naraashan ke prakatan ke waqt ka andaza kiya ja sakta hai,


is mantra ke dusre slok me naraashans ko " koram " kaha gaya hai, lafz " koram " ke do maane hai,

ek " mujaahir " dusre " shaanti ka dhwaj'waahaq (flag holder) "

inme se jo maane bhi karen sabse zyada

muhammad sallalaho alaihi wasallam (pbuh) is par fit baith'te hain, aap

muhammad sallalaho alaihi wasallam (pbuh) ne makka se madeena hijrat ki jo ambiya ke itihaas (history) ki sabse mashoor ghatna(waqeya) hai,


aap

muhammad sallalaho alaihi wasallam (pbuh) hi shanti ke dhwaj'waahak they, iska andaza isse kiya ja sakta hai ki aap

muhammad sallalaho alaihi wasallam (pbuh) ke aagman ke waq madeena me jahan aap muhammad sallalaho alaihi wasallam (pbuh) ne hijrat ki, "aus" wa " khajraj" ke beech 100 saal se rah rahkar ladaayi chali aa rahi thi, mashriqi (north) arab me " baqr" wa " taghlab" ke beech 40 saal se ladaayi chali aa rahi thi, jisme dono ke 70000 aadmi maare ja chuke they,

beech (central) arab me " abas" wa "zubyan" ke beech tahalka macha huwa tha,

yemen ke yahudi hukmarano ne " nazraan " ke isaayi baashindon ko zinda jala daala tha, jawab me "habash" ke isaaiyon me yemen par kabza karke wahan ki eent se eent baja di thi, fir kaaba dahaana chaaha toh allah ke azaab ne unki qamar todh di, isse faayeda uthaakar yemen par faarsi (persian) chadh aaye, Har taraf se jung wa maarkaat ka toofaan maujood tha,

qabaail apne aawaas grahon (homes) me qaid they, phir bhi hamlawaron se mahfooz na they, makaano se baahar nikalna maano maut ko daawat dena tha,

sirf dhaarmik(religious) hurmat ke 4 mahine uske liye shaanti waale they, lekin is thodi se muddat ke liye bhi jung se alag rahna unke liye mushkil ho jata tha aur wah kuch mahino ko aage peeche karke us dauraan bhi jung ka mauqa nikaal lete they,


is toofaan ke dauraan

muhammad sallalaho alaihi wasallam (pbuh) ki daawat zaahir hui, log

muhammad sallalaho alaihi wasallam (pbuh) se bhi isi dhang se pesh aaye, lekin aap muhammad sallalaho alaihi wasallam (pbuh) ne dusre tareeqe se jawab diya,

nateeja yah huwa hi poora arab sirf 8 saal ki muddat me shaanti ka gadh ban gaya,

wah jo 40 aur sau sau saalon se ladhte chale aa rahe they, is tarah bhai bhai ho gaye ki har ek dusre ki jagah apni jaan dena Apne liye sa'aadat samjhne lage, jahan kaafile raah chalte hue loote aur maare jaate they, wahan hodaj nasheen aurat akeli sainkdon meel se aati jaati aur koi tirchi nazar uthaakar dekhne waala na hota tha,


matlab yah ki ambiya ke poore itihaas me shaanti qayem karne ka yah kaarnaama muhammad sallalaho alaihi wasallam (pbuh) ke elaawa kisi ne anjaam na diya,


is mantra ke aakhiri slok me yah bhi kaha gaya hai ki allah aapke dushmano ke beech jinki taadaad 60090 hogi, aapki hifaazat (raksha) karega,


isme dushmano ki tadaad ka baareeqi ke saath bataayi gayi hai aur is bina par yah badi mahaan aur hairat'naak pesangoyi (prophecy) hai,


researchers iska badal dhoondne aur muhammad sallalaho alaihi wasallam (pbuh) par isko ghalat saabit karne ke silsile me hairaan wa pareshaan hain aur bhaag daudh kar boodhon, bacchon, aur aurton samet makka ki aabaadi ka hisaab lagaate firte hain jo bilkul ghalat hai,




Hifaazat ka sawaal us dushman se paida hota hai jo aapke qatl ke darpe ho, isliye aurton, bacchon aur boodhon ko ginna sahih nahi aur unko milaakar bhi makka ki aabaadi us tadaad ko bilkul bhi nahi pahunchti thi,


sahi yah hai ki dushman se muraad wah sainik hain jo talwaar lekar aapke muqaable aaye, ya jinhone khoofiya tareeqe se aapko qatl karne ki koshish ki kyonki unhi se aapko jaan ka khatrah tha,

isliye unhi se aapki hifaazat bhi karni thi aur badi hairat se suniye ki is qism ke aapke dushmno ki tadaad theek 60090 thi,

"quraish" aur unke saathi "banu gitfaan" aur unke shurka kul 10,000 they, jo jung e khandak me saath aaye they,
aur dusri jungon me chhoti chhoti toliyon ke andar,

isi tarah yahud ke wibhhinn qabeele ke sainikon ki tadaad 10,000 thi jo khaibar me lagbhag ek saath lade aur baaqi jungon me alag alag,

roomi (romans) jinhone madeena par dhaawa bolkar uski eent se eent bajaani Chahi aur jinse muqaable ke liye muhammad sallalaho alaihi wasallam (pbuh) tabook tashreef le gaye toh saamne na aaye, unki tadaad 40000 thi kul dushman 7 hue,

kapti jinhone tabuk me saath jaane se chhama yaachna kar li 80 they, aur jo tabuk me rah gaye wah 12 ya 13 they, unhone waapsi me aapko qatl karne ka bhi iraada kiya lekin naaqaam rahe,

unme se 2 ya 3 pash o pesh me they aur unhone tauba kar li, 10 kapat par qayem rahe,

is tarah unki kul tadaad 60090 hui, yun aapke qatl ke abhilaashi dushmano ki tadaad theek 60090 hoti hai, jinke beech allah ne aap muhammad sallalaho alaihi wasallam (pbuh) ki hifaazat ki,


NOTE: mantra ke is tukde me lafz " rosham" istmaal huwa hai, yah jahan dushmani ke maane me istmaal hota hai wahi zazeeratul arab ke baashindon par bhi bola jaata hai, yahan agar yah dusra maana liya jaaye toh is baat ka pata ho jaata hai ki "NARAASHANS" ka talluk zazeera tul arab se hoga,

Aur malum hai ki zazeera tul arab se sirf muhammad sallalaho alaihi wasallam (pbuh) bheje gaye hain...



Slok no- 2 should be continued in next article

Tuesday, May 8, 2012

AQLMAND MUNKIREEN-E-HADITH SE CHAND SAWALAAT

Bismillahirrahmanirraheem



AQLMAND INKAAR-E-HADITH SE CHAND SAWALAAT:



Aaj kal dekhne me aa raha hai ki ahle quraan (hadith rejectors) ka fitna badhta hi ja raha hai.....

In asbaab ke pesh e nazar sabse aham sawaal ye uthta hai ki


KYA QUR'AAN ME SAB KUCH HAI AUR HADITH KI ZARURAT NAHI ???



Inkaar e hadith (hadith rejectors) ke liye sabse aham aur buniyadi nuqtah ye talaash kiya gaya hai ke

kya quraan majeed me har masla ki tafseel bayaan kar di gayi hai, isliye hadith ki zarurat nahi?

Iske saboot me quraan ki kuch ayaatein todh marod kar aur ghalat bayaan karke ye yaqeen dilaaya jaata hai ke quraan me har masla ki tafseel maujood hai ,


munkireen e hadith ab hamaare sawaal sunen,

qur'an me murdah, khoon, suwar ka ghost aur ghairullah ke naam par zibah kiya huwa jaanwar haraam kiya gaya hai aur bahimatul anaam halaal kiya gaya hai,

"bahimatul anaam " ki tafseer qur'an me un jaanwaron se ki Gayi hai jaise oontni, oont, gaaye (cow), bail (ox), bakri, bakra, bhedh, mendha, lughat me bhi bahimatul anaam ki fehrist me yahi jaanwar bataaye gaye hain

ab sawaal ye hai ke unke elaawa duniya ke baqiya jaanwar halaal hain ya haraam ???

Maslan kutta, billi, geedadh, bhediya, cheeta, sher, tendua, bandar, bhaalu, deer, cheetal, sambhar, baarah singha, bhains, rabbit, kawwa, eagle, vulture, kabootar, wagerah ye saare jaanwar halaal hain ya haraam ???

Ya inme se kuch halaal hain aur kuch haraam ???

Aap jo bhi jawab den uska saboot qur'an se den ! Aapki aqli tarkbandiyan nahin maani jaayengi, yaani chunke aap daawedaar hain ke har masla qur'an me maujood hai is liye in jaanwaron mese jisko halaal maane uske halaal hone ka saboot qur'aan se den, aur jisko haraam maane uske haraam hone ka saboot qur'an se den


aur agar aap qur'an se na de saken ( aur yaqinan nahi de sakenge) toh ye is baat ki daleel Hai ke qur'an me har masla bayaan nahi kiya gaya, aur hadith ki zarurat hai,

kyonki in jaanwaron ke halaal wa haraar hone ka qayeda hadith me bayaan kar diya gaya hai jisse fauran maalum ho jaata hai ke kaun sa jaanwar halaal hai aur kaunsa haraam


DUSRA SAWAAL:



Ye hai ke qur'an me namaz padhne ka huqm diya gaya hai, namaz ki haalat me khade hone, ruku karne aur sajdah karne ka zikr bhi qur'aan me hai,


ab sawaal ye hai ke namaz me pahle khade hon ??

Ya pahle ruku karen ??

Ya pahle sajdah karen ? Phir khade hon toh haanth baandh kar khade hon ya latka kar ??

Ek paaon par khade hon ya dono par ??

Lughat me ruku ka maana hai " jhukna"

sawaal ye hai ke aage jhuken, ya daayen (left), ya baayen (right) ??

Phir jhukne ki miqdaar kya ho ?? Zara sa sar uncha karen ya qamar ke baraabar uncha karen ya usse bhi zyada uncha karen ??

Phir ruku ki haalat me haanth kahan ho?? Ghutno par teken ??

Ya dono Raano ke beech me rakh kar baazuon ko raan par teken ??

Ya dande (bamboo) ki tarah latakne den ?

Isi tarah sajdah kaise karen

yani zameen par sar ka kaun sa hissa teken, peshaani ka beech ka hissa, ya daaya(left) kinaara, ya baaya kinaara ??

Sazde ki haalat me haath kahan rakhen ? Raano me ghusa len ? Ya zameen me teken?

Aur agar zameen par teken toh sirf hatheli zameen par teken ya poori kuhni zameen par teken??

Sajdah ek karen ya do karen ?


In sawaalon ka jo bhi aap jawaab de uska saboot qur'an se den,


TEESRA SAWAAL:


Ye hai ke qur'aan me zakaat wasool karne ka huqm diya gaya hai, na dene waalon ko shakht azaab ki dhamki bhi di gayi hai, jis jis qism ke logon par zakaat kharch karni hai unhen bhi bata diya gaya hai,

lekin sawaal ye hai ke ZAKAAT kab kab wasool ki jaaye ?? 50 saal me ya 10 saal me ya 20 saal me ya ek martaba di jaaye ??

Ya umar bhar me ek martaba di jaaye ??

Phir ye zakaat Kis hisaab se di jaaye ? Kitni kitni di jaaye ? Yani galla kitna ho toh usme zakat di jaaye ? Aur kitne ghalla par kitni zakaat di jaaye ?

Sona aur chandi kitni ho toh zakaat di jaaye ? Aur kis hisaab se di jaaye ??

Ye saare masla quraan se saabit kijiye, agar aap quraan me ye masail na dikhla saken ( aur yaqinan nahi dikhla sakte ) toh saabit hoga ke hadith ko maane beghair quraan ke huqm par bhi amal mumkin nahi hai, kyonki in saare maslon ka bayaan hadith me hi aaya hai...


CHAUTHA SAWAAL:



Qur'an me huqm hai ke musalman jung me kuffar ka jo maal -e-ghanimat haasil karen uske 5 hisse karke ek hissa allah aur uske rasool (sallalaho alaihi wasallam) ke naam par alag nikaal diya jaaye, jo yateemon aur miskeeno aur haajat mandon wagerah me baat diya jaaye..


Sawaal ye hai ki baaqi 4 hisse kiya kiye jaayen ?

Tamaam mujaahideen par baraabar baraabar baat diya jaaye ya farq kiya jaaye ?? Kyonki baaz Log apna hathyaar, ghoda, teer, kamaan, neza, bhaala, zirrah, khud, sawaari ka jaanwar, aur khaane ka saamaan khud lekar jaate they, aur baaz ko islami hukumat ki taraf se saamaan faraaham kiye jaate they,

usi tarah baaz log badi bahaduri aur be'jigri se ladte they, baaz dabke rahte they, kuch agli saf me rahte they jin par baraah e raast dushman ka hamla hota tha,

kuch peeche rahte they jo khatrah se door rahte they,

ab agar un sabko baraabar den toh kyun de ?? Aur uska suboot quraan me kahan hai ?? Aur agar farq karen toh kis hisaab se farq karen ?

Qur'an se iska hisaab bataayen, aur agar commander ki raaye par chhod den toh qur'aan me kahan likha hai ke commander ki raaye par chhod den ?? Iski daleel dijiye


agar qur'an me is maslon ka hal nahi hai toh kaise kaha ja sakta hai ke quraan me saare masle bayaan kar diye gaye hain



PAANCHWA SAWAAL:


Quraan me huqm hai ke chori karne waale mard aur Aurat ke haanthon ko kaat do,

ab sawaal ye hai ke dono haath kaatein ya ek haanth ? Aur agar ek haath kaatein to daahina (left) kaatein ya baanya(right) ?

Phir use kaatein toh kahan se kaatein ? Baghal se ? Ya kuhni se ? Ya kalaayi se ? Ya unke beech me kisi jagah se ?

Aap jo bhi jawaab den sirf qur'an se den, aur agar qur'an se uska koi jawab nahin de sakte toh kaise kahte hain ke qur'an me har masla bayaan kar diya gaya hai



CHATHA(6th) SAWAAL:



Qur'an me ye irshaad hai ke jab jumah ki namaz ke liye pukaara jaaye toh allah ke zikr ki taraf daudo, aur khareed farokht chhod do,


ab sawaal ye hai ki jumah ke din kab pukaara jaaye ? Kis namaz ke liye pukaara jaaye ? Kin alfaaz ke saath pukaara jaaye ? Jis namaz ke liye pukaara jaaye wah namaz kaise padhi jaaye ?


In saari baaton ka saboot qur'an se dijiye, warna tasleem kijiye ke qur'an me har masla bayaan nahi kiya gaya hai,


saaf baat ye hai ke Qur'an me rasool e akram sallalaho alaihi wasallam (pbuh) ke tareeqe ki pairwi karne ka huqm diya gaya hai, aur jo baatein ham ne poochi hain un baaton me aur usi tarah zindagi ke bahut saare masail me tanha qur'an se kisi tarah maalum nahi ho sakta ke rasool e akram sallalaho alaihi wasallam (pbuh) ka tareeqa kya tha...

Ye tareeqa sirf hadith se malum ho sakta hai, isliye jab tak hadith ko na maane khud qur'an par bhi amal nahi kar sakte....



ALLAH HAMAARE MUNKIREEN E HADITH BHAAIYON KO HADITH KO SAMJHNE KE TAUFEEQ DE...... Ameen

Sunday, May 6, 2012

SHEIKH-UL-ISLAM MUHAMMAD BIN ABDUL WAHHAB BIN SULEMAN TAMIMI (RH)










Bismillahirrahmanirraheem




SHEIKH-UL-ISLAM MUHAMMAD BIN ABDUL WAHHAB BIN SULEMAN TAMIMI (RH)



WILAADAT:


sheikh ul islam muhammad bin abdul wahhab bin suleman tamimi (rh) 1703 CE / 1115 H me ek chhote se shaher uyayna ( jo saudi arab ki daarul khilafa riyadh ke shimal me hai) ke ek bahut bade khaandaanah ilm wa fazal me paida hue,

waalid giraami sheikh abdul wahhab (rh) jaleel ul qadr aalim aur salafi al aqeedah faqeeh they,

uloom e qur'aan, tafseer, hadith, fiqh, aur adab e arabic me mumtaz haisiyat ke maalik aur uyayna ke qaazi they,

usi tarah jadd e mujahid shiekh sulaimaan (rh) bhi ilmi lihaaz se uyayna ke tamaam ulema par fauqiyat rakhte they, haakim e waqt ameer abdullah bin ma'mar ke yahan unki badi qadr thi, apne waqt ke qazi they, aur haakin unke mashwarah par faisla kiya karta tha, aapke fatawa aur faislon ke shohrat dusre shahron tak bhi jaana shuru ho gayi aur talib e ilm door daraaz Se uyayna aane lage...


TAALEEM WA TARBIYAT:



Sheikh muhammad bin abdul wahhab (rh) ek muttaqi aur aalimi khaandaan ke chash o chiraagh they,

lihaaza taqwa aur zihaanat amaanat daari wa fataanat unhen wiraasat me mili thi, ibtedaai taaleem waalid e giraami ke paas li, aur sirf 10 saal ki umar(age) me hi qur'aan paak hifz kar liya,

dauraan e taaleem mutaala me inhemaq aur quwwat e hafiza ka ye aalam tha ke 20 saal ki umar tak sahih bukhari wa muslim aur kutub e sunan ki aksar hadith hifz kar li thi,

tafseer, hadith aur aquaid ki kitaabon me gahri dil'chaspi thi, sheikhul islam imam bin taiymiyyah (rh) aur ibn qayyim (rh) ki kutub ka khusoosi ahtemaam karte they...



SAFAR HAJJ WA TAALEEM:


Hajj e baitullah ka fareeza ada karne ke liye makka mukarrama rawaana ho gaye, wahan se madeena munawwara ka rukh kiya aur aalim e shaher sheikh abdullah bin ibraaheem aal e saif ki musaahabat se istefaadah Kiya, unse sahih bukhari wa muslim, dono ki shaarhen, tirmizi, nisaai, abu dawood , ibn majah, musnad ahmad, musnad imam shafai, aur muwtta imam malik, me ijaazat haasil ki aur azeem muhaddis sheikh muhammad hayat sindhi (rh) se aqeedah e salfiya ki taalimaat haasil ki, unke elaawa sheikh ali aafandi wa deegar salafi ulema e waqt se mustafeed hue, phir basra ki tarah rawaana ho gaye taake wahan ke mashaikh se bhi kasab e faiz kar saken,

lihaaza hadith aur lughat me sheikh muhammad al ajmovi se mustafaiz hue, isi qayaam ke dauraan un aham mubahat par qalam uthaaya aur kai kitaabein likhi, wahan se al zubair, baghdad aur sham ka safar karte hue " al ahsa " pahunche aur wahan ke sheikh abdullah bin abdul lateef shafai se kasab e ilm ke baad najd ke gaon " hurmeela" chale gaye kyonke aapke waalid wahan muntaqal ho chuke they...


NAJD WA HEJAAZ-- DAAWAT SE PAHLE



Wah tamaam deeni, akhlaaqi, mu'aasharti, Ma'aasi, aur siyaasi bimaariyaan 12wi sadi me najd par musallat ho chuki thi jo 1200 saal pahle zamaana e jaahiliyat me paayi jaati thi aur rasool e akram sallalaho alaihi wasallam (pbuh) maaboos hue they,

shirk, bidat, wa khuraafaat aur toham parasti ka daur dorah tha, qabaron, darakhton aur chhattaano ke naam jaanwar zibaah kiye jaate, unse muraaden maangi jaatin aur araaf, rammaal, aur kaahin wa jaadugar aalim ul ghaib bana diye gaye they,

log allah wa rasool e akram sallalaho alaihi wasallam (pbuh) ki itaat se door hokar baaghiyaana sargarmiyon me mulawwis ho chuke they, masjiden viraan aur mazaar aabaad they, unpar qeemti kapde aur phoolon ki chaadaren chadhaayi jaati thi, aur turkey ki imaarat ki wajah se raqs , sharab khori aur qabaaili ta'aassub shabaab par they...



AAGHAAZ-E-DAAWAT:


yahi wah haalaat hain jis me kisi mujaddid ki zarurat pesh aati hai,

ek hadith hai

" bila'shubah allah Taala har sadi me ek aise shakhs ko maboos farmaata rahega jo is ummat ke liye uske deen me tajdeedi umoor sar'anjaam dega "

(abu dawood kitabul al malaaham, mustadrak haakim)


lihaaza allah paak ne tajdeed wa islaah e ummat ke liye sheikh muhammad bin abdul wahhab (rh) ko muntakhab farmaya jo shamsheer e azam liye taaghooti taaqaton aur ibleesi saazison ke taaro pod bikherne lage..

Islaah ke kaam me intehaai hikmat e ilmi se kaam liya, kabhi logon ko husn sulook aur dalail wa baraaheen se qail kiya aur kabhi zarurat taaqat e shamsheer se aqeeda e salfiya ki tarah maa'el kiya...


Dawat e tawheed ka aaghaaz hurmeela se kiya, bad'aqeedah log naraaz aur unki jaan ke dushman ho gaye, magar aap ne poore azm wa istqaamat se har dushwaar ghaati ko paar kiya aur dawat jaari rakhi...


1153 hijri me waalid e mohtaram inteqaal farma gaye , aur sheikh apne aabaai watan uyayna chale gaye,

shuru shuru me ameer E shaher usman bin ahmad bin ma'mar ne bada saath diya lekin phir baaz siyaasi wajuhaat ki bina par dushman ho gaya,

wahan se sheikh hejaz chale gaye, ameer e hejaz imam muhabbad bin saud (rh) aur aal e saud ne daawat qubool ki aur bhar'poor taa'awun kiya,

lihaaza aapne hejaz ko dawat ka markaz bana liya, wahin dars wa tadrees aur tasneef wa taaleef shuru kar di, ird gird se taalba husool e ilm ke liye aane lage, is tarah daawat aam ho gayi, kyonke jo taalba aate wah tawheed ke aalambardaar bankar waapas jaate...

Sheikh muhammad bin abdul wahhab (rh) aur imam muhammad bin saud (rh) ka wafaaq daawat e tawheed ki tarweej wa ishaat me bahut mufeed saabit huwa kyonke sheikh shahab e ilm wa hujjat they aur ameer shahab e ilm wa taaqat,

dawat e tawheed ke liye sheikh ko ameer ke yahan markaz mil gaya aur sheikh ki daawat ki barkat se ameer ke paoan (legs) mazboot se mazboot ho gaye,

allah ne apne deen ki Khidmat wa nusrat ka ohda unhin sar'zameen hejaz par mumkin kar diya,

aur aaj bhi aal e saud azeem islami mulk saudi arab par hukmaran hain aur khidmat e deen me tamaam islami mumaalik se zyaada sar'garm hai


WAFAAT:



Sheikh muhammad bin abdul wahhab (rh) abhi 20 saal ki umar ko bhi na pahunche they ke daawat e tawheed ka aaghaaz kar diya, jahan roz ba'roz jaan nisaar saathi badhte gaye, wahin mukhaalifeen me bhi izaafa hota chala gaya, kai shahron se hijrat karni padi magar farogh e dawat me koi kami nahi hone di balke apne daawat ka kaam aur tez kar diya aur tahreek ki shaakhen zazeera e arab ke elawa misr (egypt) aur turkey tak badi munazzam tak phail gayi. Aur aaj bhi tawheed ki daawat jaari hai, aur hazaaron ki tadaad me taalba madeena se tawheed ka dars lekar jaate hain aur tawheed ko aam karte hain,

aap wah khush'naseeb daee aur mujaddid they jinhone apni shab wa roz ki mehnat aur jeddo jehad Ka khush'gawaar nateeja apni zindagi me hi dekh liya..

Aap 70 saal tak tawheed ki dawat dete rahe, shawwal 1206 hijri me ek marz la'haq ho gaya aur dhul-qadah 1206 ke aakhiri din 22 june 1792 ko ye aaftaab e amal nabbe saal se zyaada muddat tak is jahan ki zameen wa was'aton me roshan rahne aur ilm ki paasbaani karne ke baad hamesha ke liye maut ki waadiyon me ghuroob hogaya....


INNA LILLAHI WA INNA ILAIHI RAAJIUN



IMAM SHOWKANI (RH) KA MARSIYA AUR KHIRAAJ-E-TAHSEEN:



Akaabir ulema ne unki wafaat par marsiye kahe aur unke kaamon ko bayaan karke unhe zabardast khiraaj e tahseen pesh kiya,

shahab e neelul awtaar allama shaukaani (rh) ne unki wafaat par ek taweel marsiya kaha, jinke chand ash'haar ye hain



" hosh karo aur gaflat se bedaar ho jaao,

beshak wa apne baap daada ya kisi qabeele ki taraf daawat na deta tha,

balke usne kitabullah aur sunnat ki taraf di jise hamare sacche nabi rasool e akram sallalaho alaihi wasallam (pbuh) ne hamara deen banaaya,

ilm ka kohe par shikwah aur raf'aton ka markaz wafaat pa gaya,

wah naadir e rozgaar ulema ki mahfil ka ma'hoor o markaz tha,

imam e hidaayat, halaakat aafarenon ko khatm karne waala,

dushmno aur adaawaton ka safaaya karne waala,

tashangaan e ilm ko faizaan e ilm se seeraab karne waala apne maqsad ko pa lene waala,

muhammad bin abdul wahhab (rh) shahab e azmat aur buland faham wa adraak ka maalik tha,

uska aalmi maqaam itna buland tha jise kisi fakhr karne waala ka paana mushkil hai,

tamaam najd is aaftaab e ilm se munawwar ho chuka hai

usne manzil e hidaayat ko quwwat e dalail se sar kiya "



is azeez shakhsiyat ke baare me likhne ko bahut kuch hai, lekin apni baat isi par khatm karta hun... Aur aakhir me dua hai


ALLAH HAMEN HAQ BAAT SAMJHNE KI TAWFEEQ DE.....AMEEN

" IST'GHAASA" KI HAQIQAT





Bismillahirrahmanirraheem



" IST'GHAASA" KI HAQIQAT:



SHUBAH - 14



Mushrikeen ke yahan ek aur aitraaz wa shubah ye bhi hai ke wah kahte hain:-" nabi e akram sallalaho alaihi wasallam (pbuh) ne farmaya hai ke qayamat ke din log hazrat adam (as) se ist'ghaasa (yani madad) talab karenge, phir hz noah (as) se, hz ibrahim (as) se, hz musa (as) se, hz isa (as) aur bil'akhir nabi e akram sallalaho alaihi wasallam (pbuh) ke paas jaayenge "


maujooda mushrikeen ke nazdeek ye waqeya is baat par dalaalat karta hai ke ghair allah se ist'ghaasa karna SHIRK nahi hai...


JAWAB:



Ham allah ke dushmano ke dilon par muhar saabit karne waali zaat e baari taala ke tasbeeh bayaan karte hue kahte hai ke ham is ist'ghaasa se inkaar nahi karte jo kisi makhlooq se talab ki jaaye, ba'sharte ke wah kaam uske bas me ho,

jaisa ke hz musa (as) ke qisse me allah ka irshaad hai


" jo unki qaum mese tha usne dushman ke fard Ke khilaaf unse madad talab ki "

(surah qasas 15)



ya jis tarah insaan dauraan e jung ya dusre haalaat me apne saathion se aise kaamon me madad talab karta hai, jiski wah taaqat rakhte hain


Hamne toh " ist'ghaasa e ibaadat" ka inkaar kiya hai, jaisa ke ye log awliya-allah ke mazaaraat ke paas ya door'daraaz se unki adam maujoodgi me aise umoor me madad wa mushkil kushaai ke taalab hote hain jinki qudrat sirf allah hi ke paas hai,

jab ye saabit ho gaya toh qayamat ke roz logon ka ambiya wa rasool se ist'ghaasa karna ke wah allah se dua farmaayen taake logon ka hisaab wa kitaab ho aur ahle jannat us taaweel rukaawat ki pareshaani se raahat wa aaraam paayen,

is qism ka ist'ghaasa dunya wa aakhirat har do jahan me jaayez hai,

duniya me yun ke aap kisi paak baaz zinda aur haqiqi wali ke paas jaayen jo aapko apne paas bithaaye aur aapki baat sune, aap use kahen ke mere liye allah se dua farmaayen, Jis tarah ke ashaab e rasool (ra) aap nabi e akram sallalaho alaihi wasallam (pbuh) ki hayaat e ba'barkaat me yahi sawaal kiya karte they ...


Albatta nabi e akram sallalaho alaihi wasallam (pbuh) ki wafaat ke baad hargiz hargiz aisa nahi huwa ke sahaba kiram (ra) ne roza mubaarak ke paas jaakar ye sawaal kiya ho, balke salaf us saaliheen ne toh aap nabi e akram sallalaho alaihi wasallam (pbuh) ki qabr e mubaarak ke paas khade hokar allah se sawaal karne ko bhi mamnu kaha hai. Taake koi kamzor imaan waala zaeff ul aitqaad ye na samjh le ke shayad usi roza se rafa e haajat ka sawaal kar raha hai...


SHUBAH-15



Aaj ke mushrikeen ek aitraaz wa shubah ye bhi pesh karte hain ke :-" jab hz ibraaheem (as) naar e namrood me daale gaye to hz jibreel (as) hz khaleel (as) ke paas aaye aur kaha:-" koi zarurat hai ? Toh hz ibraaheem ne farmaya:- aapki zaat se ho toh koi zarurat nahi, "

agar jibreel ameen (as) Se ist'ghaasa shirk hota toh wah hz ibraaheem (as) par iski pesh'kash hargiz na karte......!!!



JAWAB:



Ye bhi pichhle shak wa shubah se hi milta julta hai, hz jibreel (as) ne usi kaam me pesh'kash ki jo unke bas me tha,

kyonke hz jibreel (as) irshaad e illahi ki ru se " shadeed ul quwa" yani bade hi taaqatwar hain,

agar allah unhe ijaazat deta ke naar e namrood, uske qareeb wa jawaar ki zameen aur pahaadon ko ukhaad kar door mashriq wa maghrib me phenk den toh ye unke bas me tha...

Agar allah huqm deta ke hz ibraaheem (as) ko us jagah se uthaa kar kisi door'daraaz maqaam par pahuncha de to ye unki liye mumkin tha,

aur agar unhen irshaad hota ke ibraaheem (as) ko aasmaan ki taraf uthaa len toh wah us par bhi qaadir the,

ye waqeya toh bilkul usi sahab e daulat wa ghani insaan ki pesh'kash jaisa hai jo kisi majboor aur mohtaaj aadmi ko dekhe aur use karz dene ki khwaahish zaahir kare ya hasab e Zarurat use yun hi kuch dena chaahe magar wah pareshaan haal muhtaaz uski pesh'kash qubool karne se maazrat karde, aur sabr ka daaman haath se na chhode, yahan tak ke khud allah taala use rizq ata kare, jisme wah kisi ghair allah ka ahsaan mand na ho,


agar maujooda mushrikeen me koi faham wa faraasat maujood hai toh bataayen ke ye ' IST'GHAASA' ibaadat aur shirk kahan hai ???



ALLAH HAMEN TAWHEED KO SAMJHNE AUR USPAR AMAL KARNE KI TAWFEEQ DE...... Ameen

Saturday, May 5, 2012

LA'ILMI ME SHIRK AUR TAWBAH:






Bismillahirrahmanirraheem



LA'ILMI ME SHIRK AUR TAWBAH:


SHUBAH - 12



Mushrikeen ye qissa sun kar aitraaz karte hue kahte hain ke wah bani israel kaafir toh na hue, isi tarah jin sahaba ne " ZAAT E ANWAT" ke liya kaha wah bhi kaafir na hue


NOTE: read previos article, "namaz roza aur mushrik kaafir"



JAWAB:


Ham kahte hain ke bani israel ne apni us hangami si khwahish ko aalmi jaama na pahnaaya aur usi tarah nabi e akram sallalaho alaihi wasallam (pbuh) se " zaat e anwaat" ka mutaalbah karne waale sahaba (ra) ne bhi amli aqdaam na kiya,

warna usme koi ikhtelaaf nahi ke agar bani israel amalan kar guzarte toh kaafir ho jaate,

usi tarah hi is par bhi ittefaaq hai ke jin sahaba (ra) ko nabi e akram sallalaho alaihi wasallam (pbuh) ne mana farmaya tha agar wah itaat na karte aur nabi e akram sallalaho alaihi wasallam (pbuh) ki mumaaniyat ke ba'wajood " zaat e anwaat" ko akhtiyaar kar lete toh Yaqinan kaafir ho jaate, aur yahi hamara matlab wa maqsad hai, ye qissa apne daaman me bahut se asbaaq(nasihat) aur faayede samaaye hue hai, maslan

1- is se malum hota hai ke na sirf musalman balke padha likha aalim bhi shirk ki kisi aisi qism me mubtela wa mulawwis ho sakta hai jise wah jaanta na ho


2-ye qissa hasool ilm ki zarurat aur aqsaam shirk se hazm wa ahtiyaat baratne ka sabaq deta hai


3- is se pata chalta hai ke jaahil ka kahna ke :-" tawheed ko hamne samjh liya hai "

bahut badi jihaalat aur ek shaitaani dhoka hai


4- ye qissa bataata hai ke mujtahid musalman agar la'ilmi me koi maujib e kufr baat kah de aur us par mutanabbeh hote hi fauran ruju karle toh wah kaafir nahi hoga


5- aur isse ye bhi andaza hota hai ke agarchah wah kaafir nahi hoga, iske ba'wajood use se shadeed tareen tanbiyah ki jayegi jaisa ke nabi e akram sallalaho alaihi wasallam (pbuh) ne ki thi....
SHUBAH-13


Mushrikeen ke paas ek aur aitraaz ya shubah wa ashkaal hai,

wah kahte hain ke nabi e akram sallalaho alaihi wasallam (pbuh) ne hz usama (ra) ko us aadmi ke qatl karne se mana farmaya jo " la ilaaha illallah" ka iqraar kare aur nabi e akram sallalaho alaihi wasallam (pbuh) ne farmaya tha

" tune use la ilaaha illallah kah dene ke ba'wajood qatl kar diya"


(hadith)


isi tarah farmaan e risaalat hai

" mujhe huqm diya gaya hai ke main unke saath jihaad karun yahan tak ke wah la ilaaha illallah kahne lage"

(bukhari, wa muslim, sahih al jame 1/292)


mushrikeen isi tarah ki dusri hadith bhi pesh kar sakte hain jo qalma e tawheed kahne waale se dast'kash wa baaz rahne ke baare me hain,

aur in jaahilon ka khyaal hai ke ye qalma kahne waala kaafir nahin hota na hi use qatl kiya jaayega wah chaahe kuch bhi kar guzre...


JAWAB:


in jaahil mushrikeen se kaha jaayega aur ye hai bhi ek haqiqat ke nabi e akram sallalaho alaihi wasallam (pbuh) ne yahud ke saath jihaad kiya halaanke wah " la ilaaha illallah " kahte they ... Aur sahaba e rasool e akram sallalaho alaihi wasallam (pbuh) ne banu haneefa se jihaad kiya , halaanke wah la ilaaha illallah aur muhammadur rasoollullah ka bhi iqraar karte they, namazen padhte aur islam ka dawa karte they, aur usi tarah hi wah log bhi hain jin ko hz ali (ra) ne aag se jalaaya tha, aur ye ganwaar, jaahil mushrikeen is baat ka iqraar bhi karte hain ke jisne qabron se uthaaye jaane (ba'as ba'ad ul maut) ka inkaar kiya wah kaafir aur waajib ul qatl hain,

agarchah wah "la ilaaha illallah" bhi kyun na kahta ho aur jisne arkaan e islam mese kisi rukn ka inkaar kiya wah bhi kaafir aur waajib ul qatl hai, chaahe wah zabaan se qalmah tawheed bhi padhta ho...


Dusri soorat ye kis tarah mumkin hai ke arkaan e islam mese kisi ek juzz ka inkaar karne par toh use qalma Tawheed faayeda na de sake, magar deen e rasool ki buniyaad " tawheed" ke inkaar ke ba'wajood " la ilaaha illallah" uske ba'as e aman wa nijaat bana rahe, dar'haqiqat allah ke dushmano ne un hadithon ka matlab hi nahi samjha


hadith e hz usama (ra) ki haqiqat ye hai ke unhone " la ilaaha illallah " kah kar islam ka dawa karne waale aadmi ko ye samjhte hue qatl kar diya ke ye sirf jaan wa maal ke khauff se islaam ka lubaaha odh raha hai,


koi aadmi jab apne musalmaan hone ka izhaar kar de toh uske qatl se dast'kash ho jaana waajib hai, yahan tak ke uske us qaul wa fael ka tazaad saaf na ho jaaye, uske baare me farmaan illaahi hai


" aiy iman walon ! Jab tum allah ki raah me shamsheer zani karo toh ( jald'bazi se kaam na lo balke) haqiqat ki tahqeeq kar lo (yani suboot haasil kar lo )

(surah nisa 94)


ye ayat qatl se dast'kash hone aur haqiqat ki tahqeeq kar lene par dalaalat karti hai aur jab us
Dast'kashi ke baad bhi us shakhs se khilaaf e islam ka kaam sarzad ho toh " fata'bayyanu" me waarid allah ke irshaad ki ru se use qatal kiya jaayega, aur agar ek martaba qalma tawheed kah dene ke baad use qatal nahi kiya ja sakta toh phir " tashabbat" ka toh koi matlab hi na howa


aise hi dusri hadith aur us jaisi deegar misaalen hain jinka maana yahi hai jo hamne zikr kiya ke jab wah tawheed aur islaam ka izhaar kar de toh uske qatl se ruk jaana waajib hai, jabtak ke usse koi aisa kaam ru pazeer na ho jo uske dawa ke mukhaalif ho.. Aur uska saboot ye hai ke nabi e akram sallalaho alaihi wasallam (pbuh) jinhone " aq'taltuhu ba'da ma qaala la ilaaha illallah " kaha aur jinka farmaan hai

" umirtu an uqatilan-naasa hatta yaqoolu la ilaaha illallah"

unhi ka khaarjiyon ke baare me irshaad hai


" jahan bhi tumhara unse saamna ho, unhen qatl kar do, agar wah mujhe mil jaayen toh main unhen aadion ki tarah Qatl kar doon "

(bukhari, kitabul ambiya 61, muslim kitabul zaqaat 143-146)





Halaanke khaarji ibaadat karne, la ilaaha illallah kahne aur tasbeeh padhne me aam logon se badhkar they, yahan tak ke sahaba kiram (ra) unke muqaable me apni namazon ko kamtar aur mamooli samjhte they, khwarij ne sahaba kiram (ra) se hi ilm bhi seekha tha, magar jab unse shariat ki mukhaalifat zaahir hui toh unhen " la ilaaha illallah " kahne se kuch bhi faayeda na huwa..


Yahi haal yahud aur banu hanifa se jihad karne ka hai


isi tarah jab nabi e akram sallalaho alaihi wasallam (pbuh) ko ek shakhs ne khabar di ke " banu mustalaq" ne zakaat rok li hai, toh nabi e akram sallalaho alaihi wasallam (pbuh) ne unke saath jihad karne ka iraada farma liya, usi waqt ye ayat naazil hui


" aiy iman walon ! Agar koi munaafiq aapko khabar de toh pahle usi acchi tarah tasdeeq kar lo"

(surah hujraat 6)


aur waqai woh khabar dene waala aadmi tahqeeq karne ke baad jhoota saabit huwa tha, ye tamaam waaqeyaat is Baat par dalaalat kuna hain ke jin ahaadith se in mushrikeen ne apne liye oochhe sahaare taraashe hain, unse nabi e akram sallalaho alaihi wasallam (pbuh) ki muraad ye thi jiska hamne zikr kiya hai....


ALLAH HAMEN HAQ BAAT KAHNE AUR SUNNE KI TAUFEEQ DE......

NAMAAZ, ROZA, AUR MUSHRIK WA KAAFIR:







Bismillahirrahmanirraheem



NAMAAZ, ROZA, AUR MUSHRIK WA KAAFIR:



Ye baat aap par saaf ho gayi ke jin logon ke saath nabi e akram sallalaho alaihi wasallam (pbuh) ne jihaad kiya tha wah maujoodah mushrikeen se ba'aitbaar e aqal bahtar aur ba'lihaz e shirk kamtar they,

note: read previous article

ye bhi yaad rahe ke ye log hamaari kahi baat par ek aitraaz wa shubah karte hain jo in ke deegar tamaam shukook wa shubuhaat se bada aham hai... Use bhi dil lagaakar sune


SHUBAH -10


maujoodah mushrikeen kahte hain:- jin mushrikeen wa kuffar ke baare me quraan naazil huwa hai wah allah ki wahdaniyat (la ilaaha illallah ) ki shahaadat nahi they they, nabi e akram sallalaho alaihi wasallam (pbuh) ki taqzeeb karte they, quraan ko jhutlaate they aur use jaadu qaraar dete they, jabke ham shahadat dete hain ke allah ke siwa koi maabood nahi, nabi e akram sallalaho alaihi wasallam (pbuh) allah ke rasool hain, Ham quraan paak ke saccha qalaam e ilaahi hone ki tasdeeq karte hai, akhrawi zindagi par imaan rakhte hain , namaz ada karte hain, aur roze rakhte hai, phir aap hamen un mushrikeen ke saath kaise milaate hain ???


JAWAB:


Tamaam ulema e ummat ka is baat par ittefaaq hai ke agar kisi ne baaz umoor me nabi e akram sallalaho alaihi wasallam (pbuh) ki tasdeeq aur kuch baaton me nabi e akram sallalaho alaihi wasallam (pbuh) ki taqzeeb ki toh wah kaafir hai, daayera islam se khaarij hai,

isi tarah koi quraan pak ke kuch hisse par imaan rakhe aur kuch hisse ka inkaar kare jaise kisi ne tawheed ka iqraar aur namaz ke farz hone se inkaar kiya, ya tawheed aur namaz ka iqraar aur zakaat ka inkaar kiya, ya un sab ka iqraar kiya aur roze ki farziyat ka inkaar kiya, ya kisi ne un tamaam ka toh iqraar kiya magar fareeza e hajj ka inkaar kar diya, aur jab nabi e akram sallalaho alaihi wasallam (pbuh) ke zamaane me Kuch log hajj karne par tayyar na hue toh allah taala ne uske baare me ye aayat naazil farmaayi


" un logon par jo zaad e raah (kharch) rakhte hon sirf allah ke liye baitullah ka hajj farz hai aur jisne kufr kiya allah (usi se kiya) saari duniya se mustaghni aur be'niyaaz hai "

(surah imran 97)


aur jisne in sab faraiz ka iqraar kar liya lekin hayaat e aakharwi ka inkaar kar diya, unke kaafir hone aur uske jaan wa maal musalmaano ke liye bataur e ghanimat halaal hone par bhi ulema e ummat ka ittefaaq hai, jaisa ke irshad e rabbani hai


" jo log allah ke saath aur uske paighambaron ke saath kufr karte hain aur jo log ye chaahte hain ke allah aur uske rasoolon par hamaara imaan hai aur baaz par nahi aur chaahte hain ke imaan aur kufr ke beech koi raah nikaalen, yaqeen maano ke ye sab log asli kaafir hain aur kaafiron ke liye hamne ahaanat aamez (dardnaak) saza taiyyar kar rakhi hai "

(surah nisa 150-151)


jab allah taala apni kitab quraan e pak me saraahat farma chuka hai ke jo shakhs baaz umoor par imaan laaye aur baaz ka inkaar kare wah haqeeqi maano me pakka kaafir aur mazkoorah azaab ka mustahiq hai toh un mushrikeen ka aitraaz aur shubah zaail (khatm) ho gaya,


1- use kaha jaaye ke aap khud iqraar karte hain ke jisne rasool kareem sallalaho alaihi wasallam (pbuh) ki tamaam baaton me tasdeek ki aur fareeza namaz ka inkaar kiya uske kaafir hone aur uski jaan wa maal halaal hone par ijma hai,

aise hi wah shakhs jisne tamaam umoor ka iqraar kiya magar aakharwi zindagi ka inkaar kiya, usi tarah wah shakhs jisne ramzaan ul mubaarak ke roze ki farziyat ka inkaar kiya aur deegar tamaam baaton ki tasdeeq ki, uske mutaalliq kisi bhi mazhab me koi ikhtelaaf nahi, aur uske baare me toh khud quraan shaahid hai, jaisa ke hamne uper zikr kiya hai,

ye ek taiy shuda aur laazim haqiqat hai ke tawheed hi Wah azeem fareeza hai jisko le kar rasool kareem sallalaho alaihi wasallam (pbuh) tashreef laaye aur ye fareeza namaz, zakaat, roza, aur hajj sabse bada hai, toh phir ye kis tarah mumkin hai ke in umoor me se kisi ek ka inkaar karne waala toh kaafir ho jaaye agarchah wah rasool kareem sallalaho alaihi wasallam (pbuh) ke deegar tamaam ahkaam par amal paira ho ? Aur jab tamaam ambiya e rasool ke deen " tawheed" ka inkaar kare toh kaafir na ho !

Subhaanallah ! Ye kis qadr tajjub angez wa hairat khair jihaalat hai


2- use ye bhi kaha jaaye ke rasool kareem sallalaho alaihi wasallam (pbuh) ke sahaba (ra) ne "bani haneefa" ke saath jihaad kiya halaanke wah rasool kareem sallalaho alaihi wasallam (pbuh) ke saath islam la chuke they, wah shahadat dete they ke allah ke siwa koi maabood barhaq nahi aur rasool kareem sallalaho alaihi wasallam (pbuh) allah ke rasool hain, wah azaane dete aur namaz bhi padhte they . Agar wah kahe ke "banu haneefa" musailma kazzab (la) ko nabi samjhte they, toh kahiye ke yahi baat toh hamen matloob hai,

jab koi shakhs kisi ko nabi e kareem sallalaho alaihi wasallam (pbuh) ka maqaam wa martaba de toh wah kaafir hoga, uska khoon wa maal halaal hogaya,

use iqraar e tawheed wa risaalat aur namaz koi faayeda na de sake toh us shakhs ka kya anjaam hoga ? Jisne ' khaaliq wa maalik, raaziq' kisi sahaba ya kisi nabi , ya kisi peer, wali, buzurg ko is maqaam tak pahuncha diya

isliye allah taala ne farmaya:

" isi tarah allah unke dilon par muhar laga deta hai jo ke nahi jaante"

(surah rum 59)


3- use kaha jaaye ke wah log jinhe hz ali (ra) ne aag se jalaaya tha, wah sab islam ka dawa karte they, hz ali (ra) ke ashaab wa rafqa mese they, unhone sahaba kiram (ra) se ilm seekha tha, lekin hz ali (ra) ke baare me yousuf aur shams wa qamar jaisi bad'aqeedgi ka shikaar ho gaye they.

Sahaba Kiram (ra) unki takfeer aur unke saath jihaad karne par jaise jama ho gaye ?

Kya aap us zan e baatil aur kham khayaali me mubtela hain ke sahaba kiram (ra) musalmaano ki takfeer kiya karte they ?


4- use ye bhi kaha jaaye ke " banu abaid ul qadah " jo " bani abbas" ke daur me maghrib aur misr (egypt) ke hukmaran they, wah sab shahadat dete they ke allah ke siwa koi mabood nahi, rasool kareem sallalaho alaihi wasallam (pbuh) allah ke rasool hain,

wah islam ke muddai they aur jumah wah paanch waqt ki namaz pabandi se ada karte they, magar jab unhone sharai umoor me mukhaalifat zaahir ki jo hamaari maujooda ghair sharai harkaat se kahin khafeef aur kam tar thi, toh ulema e waqt unke kufr , unke khilaaf jihaad , unke mulk ko " balad e harb" qaraar dene par mutaffiq ho gaye aur musalmaano ne unke saath jung karke islami mumaalik unke changul se azaad kara liye...


5- usse poochen: jab pahle log shirk, Takzeeb e rasool kareem sallalaho alaihi wasallam (pbuh), takzeeb e qur'aan aur inkaar e ba'as (marne ke baad qabron se dobara uthaaya jaana) wagerah ki bina par kaafir qaraar nahi diye gaye balke " MURTAD" tak qaraar diye gaye.. Jaisa ke sab mazaahib ke tamaam ulema ne zikr kiya hai, aur murtad wah hai jo islam laane ke baad kufr ka artikaab kare.

Ulema e kiram ne bahut se umoor bayaan kiye hain jinka artikaab musalmaan ko kaafir aur uska maal wa jaan halaal kar deta hai,

yahan tak ke unhone ba'zaahir maamooli umoor tak ka bhi zikr kiya hai,

maslan, dil ki mawafiqat ke be'ghair sirf zabaan se kalmah kufr kahna, ya hanste hasaate bar sabeel mazaak aisa kalmah ada karna


6- aur usse ye bhi poochen ke wah log jinke baare me irshaad e rabbani hai

" allah ke qasmen khaate hain ke unhone nahi kaha, halaanke unhone kalmah e kufr kaha, aur islam laane ke baad kaafir ho gaye"


(surah tawba 74)




Kya aapne nahi suna ke allah paak ne unhe ek kalmah ki bina par kaafir kah diya hai, halaanke wah ahad risaalat me they, rasool kareem sallalaho alaihi wasallam (pbuh) ke saath jihaad me shareek hote, namazen padhe, zakaat dete, hajj karte aur allah ki wahdaaniyat par yaqeen rakhte they,

isi tarah wah log jinke baare me irshaad e rabbani hai


" unse pooche ke tum allah, uski nishaaniyon aur uske rasoolon ke saath mazaaq wa tafreeh karte ho ? Bahaane mat banaao, tum apne imaan ke baad kaafir ho gaye ho "

(surah tauba 65-66)


un logon ke mutaalliq rabbul izzat ne saraahat farma di ke wah imaandaar hone ke baad kaafir ho gaye they, halaanke wah ghazwa e tabook me rasool kareem sallalaho alaihi wasallam (pbuh) ke saath they, unhone qalmah kufr ada kiya aur kaha ke hamne toh ye sirf ba'taur e mazaak kaha tha...


SHUBAH -11



Ab unke is shubah par ghaur farmaayen: kahte hain ke tum log aise musalmaano Ki takfeer karte ho jo " la ilaaha illallah " ki shahadat dete hain, namazen padhte hain aur roze rakhte hain



JAWAB:



Iske jawab ko ghaur se sune aur acchhi tarah samjh len kyonki ye un suffaat ka nihaayat aham aur intehaai mufeed hissa hai


kalma e kufr se kaafir hone ki daleel kitabullah ka wah waaqeya bhi hai, jo bani israel ke islam aur ilm aur neki ke ba'wajood allah paak ne bayaan farmaya hai ke unhone hz moosa (as) ko kaha

" unke devtaon ki tarah hamare liye bhi koi mujassam deota (mabood) muqarrar kar den"

(surah araaf 138)


aur baaz sahaba kiram (ra) ka rasool kareem sallalaho alaihi wasallam (pbuh) ko ye kahna:


"( mushrikeen jis tarah ek darakht par apna aslaha latkaate aur usse barkat haasil karte hain) aise hi hamaare liye bhi koi darakht " zaat e anwaat" (aslaha latkaane aur barkat haasil karne ke liye) muntakhab farma den"


(musnad ahmad 5/218)


tab allah ke nabi rasool kareem sallalaho alaihi wasallam (pbuh) ne kasam kha kar farmaya ke tumhaara ye kahna bani israel ke qaul ki tarah hi hai.....


ALLAH HAMEN HAQ BAAT KAHNE AUR SUNNE KI TAUFEEQ DE...... Ameen