Al Tamur Traders

Monday, October 6, 2014

LOVE JIHAD










LoVE JIHaD (PΘSTMΘЯTξM)

Lafz e “love jihad” ka matlab kuch shar yani Jhagda pasand logon ke nazdeek ye hai ke
 
 
→"muslim ladkon ke zariye ghair muslim ladkiyon ko muhabbat ke jhanse me lekar zabardasti Islam me dakhil karne ki koshish karna"

Jabki jihad ka matlab hota hai..
Jaddo jehed (struggle) karna..
Burayi ke khilaf ladhna..
Shreer (evil) taqaton se jung karna..
Or iska ek hissa ye bhi hota hai ki
Apne mann ki burayi se ladhna..

Or love ka matlab hai muhabbat karna..

Isse maaloom hua ke "love jihad" jaisi koi cheez hai hi nahi Islam mein Or ye lafz “love jihad” jisne bhi Islam or musalmano par thopa hai wo ek number(Ist level) ka jaahil, islam ki adhooori knowledge rakhne wala, Nafrat phelane wala aur Aman (shanti, peace) ka dushman hai or uska sath dene walon mai jahilon ki toli hi hai..

To akhir SACH kya hai...???

Sach no 1: ISLAMIC SHARIYYAH me LBM (love before marraige) haraam hai par aajkal ki society me ye bohot aam (common) hai
 
or aisa kaam karne wala sakht gunahgar hoga lekin han islam mai sirf itni ijazat zarur hai ke ladka ladki dono shadi ka irada karein to ek dusre ko ek nazar dekhle or pasand karle or agar baat karna chahe to ladki ke gharwalo ke samne kuch der baat karle...

Sach no 2: Islam ek sacha or anchhua (untouch) mazhab hai or aaj 1400 saal baad bhi apni asli haalat mein mojud hai jabki duniya me mojood baaqi dharam granth or updeshon me waqtan fa waqtan (time to time) dharam guruon or lekhakon ke zariye chherChhaad ki gayi hai ya usko badla gaya hai isliye Allah subhana wata'la ne ye nizaam banaya ke Islam jo ki poori duniya ke liye aaya hai, iska sandesh poori duniya tak poncha diya jaaye taake duniya ka koi bhi shakhs Islam ki khoobi wa nemat se mehroom na rahe or kal qayamat ke din koi musalmano se ye nahi kahe ke tumne hamare rab ka paigham yani (Quran wa muhammad p.b.u.h ki jeevni yani hadees) ham tak kyun nahi pohchaya?

Is tarha ka paigham ponchane ko Islam me DAAWAT kaha jata hai or deen ki daawat dena musalman ke zimme hai, sunne wala chahe is daawat ko qubool kare ya na kare ye khud suunne wale ka apne DiL ka muamla hai usse Zor zabardasti islam mai haraam hai kyun ki hidayat dena to Allah ke haath me hai muslims ka kaam sirf bata dena hai...

Sach no 3: Islam kehta hai ke ek musalman ke liye ye jayez nahi ki wo kisi aur mazhab ke ladka ya ladki se nikah kare siwaye ahle kitab ke ( yani un yahood or nasaara se jo shirk na karte hon.)...

Aur inke siwa agar koi aur dharm ka ladka ya ladki ho aur wo sachChe dil se islam qubool kar lein or apne Rab ko pehchan lein or shariyat e muhammadi ko tasleem karlein to unse nikah karna tumhare liye jaa-iz hai...

Aur agar koi ladka ya ladki mushrik se nikah kar bhi le to Islam ki nazar me wo nikah hai hi nahi jo saare jahaan ke Rab yani Allah ki banayi hui hadon ko todh kar kiya jaaye...

Isse maloom hua ke kisi ladke ka kisi ladki ko zabardasti Islam me dakhil karne ka koi concept Islam me nahi hai or na hi koi sawab (poonya) ka kaam hai or na hi koi duniyawi fayeda hi pohonchta hai...

In sab baaton ka nichorh ye hai ke musalmano par “love jihad” ka ilzam lagana Be-buniyaad or jhoot se bhara hai or "aise kaamo ke liye paisa milna or training milna" ye Dhokebazon or news mai Highlight Rehne ki soch rakhne walon ki apne muh ki baatein hain or isme koi sachayi nahi...

Allah hamein haq baat ko qubool karne or fareb se bachne ki taufeeq de...
Aameen