Wednesday, February 26, 2014

KAMSIN LADKI SE SHADI:





.Bismillahirrahmanirraheem

KAMSIN LADKI SE SHADI:


Sharai Wa Aqal Ka Taqaaza Hai Ke Shauhar Wa Biwi Ki Umaron (Ages) Me Mawafiqat (Difference) Ho,

Be'jodh Rishta Umooman Na'khushgawaar Saabit Hota Hai, Khaas Kar Budhaape Me Nau'umar Ladki Se Rishta, Mard Ke Liye Zehar Qaatil Hai Aur Us Ladki Ki Haq Talfi Bhi Hai

Allah Taala Ka Irshaad Hai

"Aurton Ke Liye Bhi Acche Tareeqe Par Aisi Hi Huqooq (Rights) Hain Jaise Mardon Ke Huqooq Un Par Hain"

(Surah Baqarah)

Yani Mard Wa Aurat Ke Huqooq Barabar Darjah Hain, Agar Aurat Ka Haq Poora Na Ho Jaisa Ke Budhe Shauhar Ke Saath Hota Hai Toh Ye Badi Na'insaafi Aur Haq'talfi Ki Baat Hai

Rasoollullah (Sws) Ka Irshaad Hai

"Koi Shakhs Kaamil Momin Usi Waqt Ho Sakta Hai Ke Jo Acchi Cheez Apne Liye PasaNd Karta hai Wahi Apne Bhai Ke Liye Bhi Pasand Kare"

(Bukhaari, Tirmizi)

Zaahir Hai Ke Mard Apne Liye Ziyada Umar Waali Ladki Pasand Nahin Karta Hai,

Toh Fir Kamsin Ladki Ke Liye Apne Budhaape Ko Pasand Nahin Karna Chahiye

Dusri Hadith Me Irshad Hai

"Kisi Musalman Ko Kisi Qism Ka Nuqsaan Pahunchaana Jayez Nahin"

(Ibn Majah)

Imam Ibn Jawzi (Rh) Apni Kitab "Sayyidul Khwaatir" Me Likhte Hain

"Sabse Bada Be'waqoof Wah Budha Hai Jo Kamsin Ladki Ki Talab Me Pade"

Mahmood Mahdi Istanbuli Apni Kitab "Tohfatul Urus" Me Likhte Hain

"Nau'jawaan Biwi Kasrat Jama Ki Khwahish'mand Hoti Hai, Aur Budha Mard Is Par Qaadir Nahin Hota, Agar Mashaqqat Uthakar Aisa Kare Bhi Toh Aurat Ki Muraad Poori Nahin Ho Sakti Aur Ye shkahs Jald Hi Apni Zindagi Se Haath Dho Baithega, Lihaaza Munaasib Ye Hai Ke Apni Shahwat Jama Ke Fareb Me Na Pade Kyonke Uski Shahwat Subah Kaazib Jaisi Hai"

Mumkin Hai Yahan Par ye Shubah Paida Ho Ke Rasoollullah (Sws) Aur Hz Aisha (Ra) Ki Umaron (Ages) Me Kaafi Farq Tha Uske Ba'wajood Aap (Sws) Ka Hz Aisha (Ra) Se Rishta Qayem Karna, Nau'umar Aur Kamsin Khatoon Se Shadi Karne Ki Masnoon Niyat Par Daleel hai,

Ba'zaahir Ye Baat Dusrust Malum Hoti Hai Lekin Ye Haqeeqat Na'qaabil Tardeed Hai Ke Allah Taala Ne Rasoollullaj (Sws) Ke Azdawaaji Maamle Ko Ummat Ke Azdawagi Maamle Se Mushtashna Qaraar Diya Hai,

Aap (Sws) Ki Biwion Ki Kasrat Wa Hurmat, Nikah Ki Kaifiyat Aur 40 Jawaanon Ke Baraabar Taaqat Wagerah Khususi Masail Hain, Jin Par Daleel Pesh Karne Ki Zaroorat Nahin Hai.....

NIKAH KE LIYE KISI KO PAIGHAM PAR PAIGHAM DENA KAISA HAI:




Biamillahirrahmanirraheem

NIKAH KE LIYE KISI KO PAIGHAM PAR PAIGHAM DENA KAISA HAI:


Agar Kisi Ne Nikaah Ka Paigham Bheja Hai Toh Usme Dusre Ki Dakhal Andaazi Ya Muqaabla Baazi Ko Shariat Islaamiyah Bilkul Bar'daast Nahin Karti,

Ye Insaaniyat, Sharaafat Aur Hamdardi Se Giri Hui Mazmoom Harkat hai,

Ye Malum Hote Hue Ke Kisi Shakhs Ne Falan Ladki Se Nikaah Ka Paighaam Bheja Hai KhuD Bhi Paighaam Bhejna Apne Musalman Bhai Ko Taqleef Pahunchaana, Uski Izzat Wa Waqaar Ko Majrooh Karna Aur Uske Haq Ko Chheen Lena Hai Aur Ye Haram Hai, Allah Taala Ka Farmaan Hai

"Jo Log Musalman Mardon Aur Aurton Ko Be'ghair Gunaah Je Taqleef Pahunchaate Hain Toh Unhone Jhoot Toofaan Aur Sareehi Gunaah Uthaaya"

(Surah Ahzaab)

Rasoollullah (Sws) Ka Irshaad Hai

"Koi Shakhs Apne Bhai Ke Paigham Par Paigham Na De Jab Tak Ke Pahla Shakhs Apna Paigham Chhod Na De Ya Dusre Ko Paighaam Dene ki Ijaazat De"

(Bukhaari)

Matlab Yah Hai Ki Jab Pahle Paighaam Ka Faisla, Haan Ya Nahin Ki Soorat Me Ho Jaaye Ya PaHle Paighaam Dene Wala Khud hi Dusre Ko Paighaam Dene Ki Ijaazat De Toh Dusre Ko Paigham Dena Jayez Hai,

Isi Tarah Agar Pahle Paighaam Dene Waala Faasiq Ya Badlakhlaaq ShakhS Hai Toh Aurat Ko Is Bure Rishta Se Bachaane Ke Liye Dusra Shakhs Paighaam De Sakta Hai,

Kyunke Rasoollullah (Sws) Ka Huqm Hai Ke

"Har Musalman Ki Khair'khwaahi Karni Chahiye"


NIKAH SE PAHLE LADKE WA LADKI KA TIBBI MU'AAYNE (MEDICAL INVESTIGATION) KAR LENA BAHTAR HAI:




Bismillahirrahmanirraheem

NIKAH SE PAHLE LADKE WA LADKI KA TIBBI MU'AAYNE (MEDICAL INVESTIGATION) KAR LENA BAHTAR HAI:


Islam Ne Azdawagi (Married Life) Ko Kaamyaab, Paayedaar Aur Pak'baaz Banaane Ke Liye Aqad Nikah Se Pahle Jin Baaton Ko Awwaliyat Di Hai Unka Maqsad Ye Hai Ke Jauzain (Pati Wa Patni) Aur Unke Sar'parast, Paigham Aur Nikaah Ke Silsile Me Soch Samjhkar Qadam Uthaayen,

Aisa Na Ho Ke Ujlat Me Teer Kamaan Se Nikal Jaaye Phir Pachhtaana Pade Ke Is Museebat Se Nijaat Kaise Haasil Ho,

Isliye Ulema Ne Is Baat Ki Ijaazat Di Hai Ke Bo'waqt Zaroorat Nikaah Se Pahle Doctari Mu'aayena Aur Tibbi Jaanch (Medical Investigation) Ke Zariye Itminaan Haasil Kar Liya Jaaye,

Kyonki Jismaani Aur Jinsi Bimaarion Wa Kamzorion Me Baaz Aise Bhi Hai Jo Ek Dusre Ke Andar Saraait Karti AuR Nuqsaan Pahunchaati Hai, Phir Anjaam Malum,

Tibbi Jaanch Ke Jayez Hone Par Sharai Dalail Me Se Baaz Ye Hain,

Rasoollullah (Sws) Ka Irshaad Hai

"Jiske Jaanwar Bimaar Hon Wah Tandarust Jaanwar Waale Par Paani Pilaane Ke Liye na Laaye"

(Bukhari)

Dusri Hadith Me Irshaad Hai

"Apne Bhai Ko Nuqsaan Pahunchaane Me Pahal Karna Ya Nuqsan Pahunchaana Islam Me Durust Nahin Hai"

(Ibn Majah)

Dusra Matloob Ye Hai Ke Koi Shakhs Aisa Kaam Kare Ke Dusre Ko Nuqsaan Pahunche Aur Uska Faayeda Ho Ya Dusre Ka Nuqsaan Ho Aur Apna Faayeda Bhi Na Ho, Ye Bhi Mana Hai,

In Hadithon Se ye Baat Zaahir hai Ke Mareez Aur Tandrust Ke Akhtalaat (Mel Jol) Se Nuqsaan Pahunchta Hai,

Aur Kisi Musalman Bhai Ko Kisi Tarah Se Nuksaan Pahunchana Jayez Nahin Hai,

Toh Phir Rishta Jauziyat Jaise Aham Maamle Me Nuqsaan Se Bachne Ke Liye Ahtiyaati Taur Par Tibbi Jaanch Kar Lena Bahtar Hai.

Dr Zainul Aabideen Apne Risaalan "Al Islam Wa Zeenah" Me Likhte Hain

"Hadithon Se Ye Baat Samjh Aati Hai Ke Nek Aurat Ka Pata Lagane Aur Mard Wa Aurat Ko Nuqsaan Se Bachaane Ke Liye Shadi Se Pahle Unki Tibbi Jaanch, Islaami Nizaam Me Waajib Hai, Khaas Kar Ye Malum Karna Zaroori Hai Ke Aurat Wa Mard Me Koi Baanjh Ya La'ilaaj Bimaari, Jinsi Kharaabi Aur Jino Me Mubtela Toh Nahin"

(Tohfatul Urus)

Zindagi Ki Salaah Wa Falaah Ke Liye Islam Ne Jin Mufeed Kaamon Ki Taraf Rahnumaayi Ki Hai Duniya Kabhi Na Kabhi Unki Aafiyat Ka Aitraaf Karne Aur Unko Amali Shakal Dene Par Majboor Hoti hai,

Chunanche Baaz Nayi Hukumaton Ne Ye Qanoon Jaari Kar Diya Hai Ke Shadi Se Pahle Jauzain Ka Tibbi Mu'aayena Zaroori Hai.....


Tuesday, February 25, 2014

NIKAH KE LIYE LADKE WA LADKI KO DEKH LENA ME KOI HARZ NAHIN BALKE BAHTAR HAI:





.Bismillahirrahmanirraheem

 


NIKAH KE LIYE LADKE WA LADKI KO DEKH LENA ME KOI HARZ NAHIN BALKE BAHTAR HAI:

Islam Me Ye baat Shakt Mamnu (Mana) Hai Ke Koi Mard Kisi Ajnabi Aurat Par Aur Koi Aurat Kisi Ajnabi Mard Par Nigaah Daale Lekin Jab Rishta Qayem Ke Liye Paighaam Dena Ho Toh Shari'at Ka Ye Huqm Hai Ke Mard Aur Aurat Ek Dusre Ko Dekh Len,

Chunanche Hadith Me Hai

Hz Abu Hurairah (Ra) Ne Kaha Ke Main Rasoollullah Sallalaho Alaihi Wasallam Ke Saath Tha , Aapki Khidmat Me Ek Shakhs Haazir Hua Aur Bataaya Ke Usne Ansaar Ki Ek Khatoon Se Nikaah Kar Liya Hai, Aapne Farmaya Ke

"Tumne Use Dekha Hai ? Kaha Nahin,

Aapne Huqm Diya Ke- Use Dekh Lo Kyonki Ansaar Ki Aankhon Me Kuch Nuks Hota Hai"

(Muslim ,Nisaai)

Dusri Hadith Me Hai

" Jab Koi Shakhs Kisi Aurat Ko Nikaah Ka Paighaam De Aur Nikaah Ke Liye Ba'qadr Zaroorat Usko Dekhna Mumkin Ho Toh Dekh Le"

(Abu Dawood, Ibn Majah)

Note: Hadithon Me Sirh Makhtoobah Aurat Ko Dekhne Ka Zikr Hai Lekin Ye Huqm Paighaam Dene Waale Mard Ko Bhi Shamil Hai Yani Aurat Ko Bhi Chahiye Ke Apne Mangetar Ko Dekh Le,

Kyonki Uski Jo Illat Bayan Ki Gayi Hai Wah Dono Ke Ek Dusre Ko Dekhne Par Dalaalat Karti Hai,

Chunanche Rasoollullah (Sws) Ka Irshad Hai

"Ek Dusre Ko Dekh Kar Apni Pasand Se Rishta Karna Dono Ke Darmiyaan Daimi Ulfat Wa Muhabbat Ka Ba'as Hota Hai"

(Tirmizi , Nisaai),

RASM'PARASTI AUR TARAQQI PASANDI:

Ladki Dekhne Aur Dikhaane Ke Silsile Me Baaz Gharaano Ka Haal Ye hai Ke Rasm O Riwaaj Ki Pairwi Me Paighaam Dene Waale Ko Apni Ladki Dikhaana Pasand Nahin Karte,

Unke Nazdeek Ye Bahut Hi Sharm Wa Aar Ki Baat Hai,

Iske Muqable Baaz Taraqqi Pasand Photo Bhejne Ki Rasm Ijaad Kar Liye Hain,

Ye Dono Rasmein Shari'at Ke Sareehi Khilaaf Hain Aur Inke Nataij Bhi Kharaab Hain,

Dusri Tarah Maghribi Shaidaayyon Ka Ye Aalam Hai Ke Paighaam Dene Aur Dekhne Ke Bahaane Aqad Nikaah Se Pahle Hi Dono Ki Azaadaana Mulaaqaatein Hoti Hain Aur Be'ghair Kisi Nigraan Ke Ek Saath Bazaaron Me Tafreeh'gaahon Ki Sair Hoti Hai,

Taajub Hai Un Waalidain Par Jo Apni Aulaadon Ko Is Tarah Ki Na'jayez Azaadi Dekar Bad'akhlaaqion Aur Haya'soz Harkaton Ka MaUqa Dete Hain Aur Haram Akhtalaat Wa Mulaqaat Ko Mangetaron Ke Darmiyaan Munaasibat Wa Muhabbat Maalum Karne Ka Zariya Samjhte Hain,

Islam Ne Jis Tarah Zina Wa Badkaari Ko Haram Qaraar Diya Hai Usi Tarah Unke Wasail Wa Zaraaye Par Bhi Shakht Bandish Lagaayi Hai....

BAD'KAAR SE NIKAAH:




Bismillahirrahmanirraheem

BAD'KAAR SE NIKAAH:


Islam Me Zina Kabeera Gunaahon Me Se Ek Bada Gunaah Aur Intehaayi Bura Aur Ganda Jurm Hai, Usse Insaani Mu'aashre Me Kharaabi Aur Khaandani Sharf Wa Izzar Aur Nasli Sehat Ki Barbaadi Ke Saath Jismaani Bimaarion Aur Khudaai Azaabon Ka Silsila Shuru Ho Jaata Hai,

Nasal Insaani Ki Falaah Wa Baqa Is Baat Par Mauqoof Hai Ke Is Gande Fa'al Ko Qatai Taur Par Haraam Qaraar Dekar Paak Wa Saaleh Rishta Qayem Karne Ka Huqm Diya Jaaye, Aur Bad'kaar Mard Wa Aurat Ko Paak'baazon Se Rishta Qayem Karne Ke Laayeq Na Samjha Jaaye, Isliye Quraan Majeed Me Saaf Elaan Kar Diya Gaya Hai

" Zina'kaar Mard Nikah Nahin Karna Magar Zina'kaar Ye Shirk Waali Aurat Se Aur Zina'kaar Aurat Se Nikaah Nahin Karta Magar Zina'kaar Ya Mushrik Mard, Ye Imaan Waalon Par Haraam Kar Diya Gaya Hai"

(Surah Noor)

Imam Ibn Kathir Ne "Wa Hurrimu Zaalika Alal Mumineen"

Ki Tafseer Me Farmaya Hai Ke

"Zina Karna Ya Karaana Aur Badkaar mardon Aur Aurron Se Rishta Karna Haram Hai"

Imam Ahmad (Rh) Ne Is Ayat Se Istadlal Kiya Hai Ke

"Paak Daaman Mard Ka Nikaah Badkaar Aurat Se Aur Pak Daman Aurat Ka Nikaah Badkaar Mard Se Sahih Nahin Hoga Jab Tak Ke Badkaari Se Tauba Na Kar Lein"

Ek Riwaayat Me Hai Ke Hz Murshid Bin Murshid Ne Annaaq Naami Zina'kaar Aurat Se Jiske Saath Jamaana E Jaahiliyat Me Unka Taalluq Bhi Tha, Shadi Karne Ke Liye Rasoollullah (Sws) Se Ijazat Talab Ki,

Aapne Aaraaz (Mana) Farmaya Yahan Tak Ke Ye Aayat Naazil Hui Aapne Ye Aayat Suna'kar Farmaya

"Usse Nikaah Na Karo"

(Abu Dawood , Tirmizi)

Monday, February 24, 2014

AZDAWAAJ (MARRIED LIFE) KI DAHLEEZ PAR:





Bismillahirrahmanirraheem

AZDAWAAJ (MARRIED LIFE) KI DAHLEEZ PAR:


LAYEQ SAATHI KA INTEKHAAB:

Rishta Jauziyat Ke Awwaleen Masail Me Aham Masla Layez Aur Nek Khawind (Shauhar) Ya Biwi Ka Intekhaab (Chunaav) Hai,

Is Maamle Me Kisi Bhi Tarah Ki Jald'baazi Wa Be'ahtiyaati Karni Aur Maal Wa Jamaal Ki Hars Ki Wajah Se Tarah Tarah Ki Mushkilaat Aur Pechedgion Ka Ba'as Hoti Hai,

Aur Zindagi Ka Haqeeqi Ins Wa Suqoon Tabaah Ho Jaata Hai,

Shariat Islaamiyah Ne Azdawaaji Zindagi Ke Pech Wa Kham Ko Saamne Rakhte Hue Zindagi Ka Saathi Ikhtiyaar Karne Me Deen'daari, Khush'akhlaaqi, Aur Iffat Ko Meyaar Qaraar Diya Hai,

In Baaton Ke Elaawah Aran Wa Ajam (Non Arab) Ka Tafazil, Rang (Color), Nasab (Caste) Par Fakhr, Maaldaari Wa Faqeeri ; Zaat Biraadari Ka Farq Wagerah Har Qism Ki Doi Ka Aitbaar, Amar Jaahiliyat Aur Khilaaf Shariat Hai,

Allah Taala Ke Nazdeek Izzat Wa Sharf Ki Koi Cheez Hai Toh Wah Deen'daari Wa Nek O Kaari Hai,

Bas Is Liye Rishta Qayem Karne Me Aur Cheezon Ka Aitbaar Ghalat Hai,

Allah Tala Ka Irshaad Hai

"Allah Ke Yahan Ziyada Mu'azziz Wah Hai Jo Neki'kaari Me Bada Ho"

(Surah Hujraat)

Dusri Aayat Me Irshaad Hai

"Tum Me Jo Ghair Shadi Shuda Ya Bewa Wa Laundi Hon Aur Tumhare Ghulaam Laundion Me Jo Nek hon Unke Nikaah Kar Do"

(Surah Noor)

Rasoollullah Sallalaho Alaihi Wasallam Ka Irshaad Hai

"Jab Koi Deen'daar Aur Pasandeedah Akhlaaq Tumhare Paas Nikaah Ka Paighaam Bheje Toh Usse Rishta Nikah Qayem Kar Lo, Agar Aisa Nahin Karoge Toh Zameen Me Bada Fitna Wa Fasaad Hoga"

(Tirmizi)

Dusri Hadith Me Irshaad Hai

"4 Cheezon Ke Sabab Aurton Se Nikaah Kiya Jaata Hai, Maal Ke Sabab, Khaandaan Ke Sabab, Deen Ke Sabab Aur Jamaal (Khoobsoorti) Ke Sabab, Toh Tum Deen'daar Aurat Ke Saath Kaamyaab Ho Warna Tumhare Haath Khaak Aalood Honge"

(Bukhari Wa Muslim)

Baaz Ulema Ne Nek Shauhar Ya Biwi Akhtiyaar Karne Se Ye Naseehatein Zikr Ki Hain

1- (Ladke Ya) Ladki Ke Mutaallik Pahle Ye Daryaafat Na Karo Ke Kis Madarse Ya College Me Usne Taaleem Paayi Hai, Balke Pahle Ye Malum Karo Ke Kis Ghar Me Uski Tarbiyat Hui

2- Nek Maa Ki Aulaad Se Shadi Karo

3- Rishta Jauziyat, Zindagi Basar Karne Ki Company Hai Lihaaza Apni Ya Apne Partner Aise ShaKhs Ko Pasand Karo Jo Tumhare Akhlaaq Wa Aadaat (Habit) Aur Tabiyat Ke Mawafiq Ho...

To Be Continued...

NIKAH KARNE KA TAAQEEDI HUQM:




.Bismillahirrahmanirraheem

NIKAH KARNE KA TAAQEEDI HUQM:


Zindagi Ka Suqoon Ek Nafsaani Wa Roohaani Raaz Hai Jo Be'ghair Jauziyat (Shadi) Ke Mahsoos Nahin Kiya Ja Sakta,

Is Liye Kitab Wa Sunnat Me Nikah Karne Ki Taaqeed Aur Libaas Jauziyat Se Aaraasta Hone Ki Khususi Targheeb Di Gayi Hai,

Quran Pak Me Irshad Hai

"Nikah Karo Un Aurton Se Jo Tumhe Khush Lagen, Do, Teen, Chaar Tak"

(Surah Nisa)

"Aurtein Mardon Ka Libaas Hain, Aur Mard AuRton Ka Libaas Hain "

(Surah Baqarah)

In Mukhtasar Alfaaz Me Jauziyat Ki Intehaayi Balegh Aur Jame Tashbiyah Bayan Ki Gayi Hai,

Jis Tarah Zaahiri Libaas Insaan Ke Badan Se Mutsal Hota Hai, Zeenat Deta Hai, Garmi Wa Sardi Se Bachaata Hai, USI tarah Ye Tamam Ausaaf Libaas Jauziyat Me Maujood Hain,

Maslan Shauhar Biwi Ka Baaham Milaap,

Har Ek Dusre Ki Jaan Wa Maal Aur Izzat Wa Waqaar Ki Hifaazat, Fahash Wa Bure Kaamon Se Bachaao, Iffat Wa Paak Daamini Ki Zeenat Wagerah,

Ye Tamam Baatein Libaas Jauziyat Ke Muhaasin Hain,

Rasoollullah Muhammad Sallalaho Alaihi Wasallam Ka Irshaad Hai

"Aiy Jawaano Ke Giroh, Tumme Jo Koi Nikaah Karne Ki Isteta'at Rakhta Ho Wah Nikaah Kar Le, Kyonke Isse Nigaah Past (Neeche) Rahti Hai, Aur Sharm'gaah (Haram Kaam Se) Mahfooz Rahti Hai"

(Bukhari Wa Muslim)

"Duniya Faayeda Uthaane Ka Samaan Hai Aur Uska Bahtar Samaan Nek Aurat Hai, (Lihaaza Nek Aurat Se Shadi Karne Ki Koshish Karo)"

(Muslim)

" Jab Banda Shadi Kar Leta Hai Toh Uska Aadha Deen Muqammal Ho Jaata Hai Ab Usko Baaqi Aadhe Deen Ke Baare Me Allah Se Darte Rahna Chahiye"

(Muslim)

"3 Logon Ki Madad Karna Allah Par Saabit Hai, Ek Makatib Ghulam Jo Apni Azaadi Ke Liye Aaqa Ko Maal Dene Ka Ahad Kiya Hai Aur Us Maal Ki Adaayegi Ki Niyyat Rakhta Hai,

Dusra Wah Shakhs Jo Badkaari Se Bachne Ke liye Nikaah Karta Hai,

Teesra Jo Allah Ki Raah Me Jihaad Karta Hai"

(Tirmizi, Nisaai)

Subahaan Allah, Jo Nikaah, Iffat Wa Paak daamini Haasil Karne Ke Liye Kiya Jaaye Toh Wah Is Qadr Azeem Us Shaan Hai Ke Allah Ki Raah Me Jihaad Karne Aur Ghulaami Se Azaadi Haasil Karne Ke Baraabar Hai Aur Allah Ki Madad Ka Haqdaar Hai.....

Sunday, February 23, 2014

MUTASSIB TABLEEGHI KE AHLE HADITH PAR ILZAAMON KE JAWAB

MUTASSIB TABLEEGHI Defender M. Hasan KE AHLE HADITH PAR ILZAAMON KE JAWAB
 

 Inme ek Bhi Baat Zaeef nhi
.
Point No. 1.
 

Tableeg Waalay Logoun Ko Masjid ki Taraf Latay Hain-
Magr Ahle hadas Masjidoun Main Confuse Karte Hain..
"Tum hanfi Nimaz Padtay ho Ya Muhammadi."
he....he...he...! ----- Shia ki aulad he....he...he...!
.
Answer- Bhai Tabligh Kise Kahte Hai Zra Tarif Byan Kare Tabligh Gair Muslmano Me Ki Jati Hai Alhamdulillah Jisme Ahle Hadis Sabse Aage Hai Ap Islah Kah Sakte Hai Ab Apke Sawal Ka Jawab Apka Dawa Ap Masjid Ki Tarf Bulate Hai
 

Achi Bat Hai Bhai Magar Masjid Se Pahle Zaruri Hai LA ILAHA ILLALLAH Ka Mayna Kya Iska Mafoom Iska Taqaza Kya Hai Iski Dawat Dena Allah Ke Rasul s.a.w Ne Apni Makki Zindgi Me Iski Dawat Di Na Namaz Ki Na Roze Zakat Ki Sbse Pahle Zaruri Hai Tauheed Ka Ilm Pahunchana Tauhid e Rububiyat , Tauheed e Uluhiyat, Tauhee e Sifat, Sabse Aham Chez Hai Jisme Apki Jamat 0 Hai
Ap Log Sirf Agar Dawat Dete Bhi Hai To Tauhid e Rubbiyat Ki Jo To Makkah Ke Mushrik Bhi Mante The Tauhid E Uluhiyat Aur Tauhid e Sifat Isme To Ap Bhi Nahi Mante Wahdutul Wazud Aqide Ke Qayal To Ap Bhi Jo Ki Mushriko Ka Aqida Hai
.
Dalil, Surah Younus Ayat 31
.
Apka Makasd Tauheed Ki Dawat Nahi Bas Gud Gobar Ko Mix Karna Hai
Aur Agar Koi Shakhs Shirk Bidat Kare Aur Namaz , Roze Bhi To Uske Sare Amaal Barbad Hai Dalil
-
Surah Anam Ayat 88
Agar Ambiya Bhi Shirk Karte To Jo Kuch Wo Amal Karte The Sab Brbad Ho Jate

Aage Apna Kaha Ki Hanfi Namaz Ya Muhmmadi Namaz Ab Btaye Ap Ne Khud Qbul Kar Lia Ki Hanfi Namaz Ap Padhte Hai To Sawal Uthna Lazmi Hai Zra Gaur Kare Namaz Ki Shuruwat Bidat Se Karte Hai Niyat Bandhar Zaban Se Namaz Ke Dauran Kitni Ahadis Ka Inkar Hanfi Karte Hai
.
1 Ta'adile Arkan Ki Hadis Hanfi Nahi Mante,
2 Hanfi Sajde Ki Hadiso Ko Bhi Nahi Mante (aurto ko huqm dete h ki wo kuto ki tarah hatho ko zamin par bichaye)
3 Jalsa e Isterah Ki Hadis Nahi Mante
4 Ahadis Tawwarruq Ko Nahi Mante
5 Ahadis Surah Fatiya Ko Bhi Nahi Mante
6 Rafayadin Ko Nahi Mante
7 Ameen Biljahar Ko Nahi Mante
8 Ek Witr Ki Hadis Nahi Mante
9 Andher Me Fazr Namaz Ki Hadis Nahi Mante
10 Namaz Me Subhan Allah Ki Hadis Nahi Mante
11 Tash'hud Me Anguli Ko Harkat Dene Ki Hadis Ko Nahi Mante
12 Sine Par Hath Ki Hadis Ka Inkar Karte H Jb Ki Apni Aurto Ko Bandhwate H
13 Farz Ke Waqt Koi Aur Namaz Nahi Ko Nahi Mante
14 Kauma Ki Hadis Ko Nahi Mante
.
Ab Btaiye Jo Itni Hadiso Ka Inkar Kare Wo Kaunsi Namaz Hai Aur Jo Inhe Manane Ka Kahe Inki Dawat De Wo Kya Galat Hai
.
Point No. 2:
 

Tableeg Walay Sahaba e Kiram Ki Azmat Logoun Main Batatey Hain-
Magr Ahle-hadas Sahaba Ko Nahin Mantey. (Jitna hoo sake unki azmat musalmano ke dil say nikalte hai, baki jane doo Khulfa-E-Raseedein inke nazdik huzzat nahi)
.
Answer Ye Kaunsi Azmat Btate Hai Inki Hi Kitab Se Dekhte Hai Gaur Kare
Fazail E Amal
 

:- Hazrat Abu Muslim Khawlani Ne Ek Kodha Apne Ghar Ki Masjid Mein Latka Rakha Tha, Aur Apne Nafs Ko Khitaab Karke Kehte KeUth Khada Ho Tujhe (Ibaadat Mein) Achhi Tarah Ghotunga, Yahan Tak Ke Tu Thak Jayega, Mein Nahi Thakunga, Aur Jab Un Par Kuchh Susti Hoti Toh Us Kodhe Ko Apni Pindliyon Par Maarte Aur Farmaate Ke Ye Pindhliyan Pitne Ke Liye Mere Ghodhe Ki Banisbat Zyada Mustahiq Hain. Ye Bhi Kaha Karte Ke Sahaba Karaam Yun Samajhte Hain (Ke Jannat Ke Saare Darje) Wahi Udha Kar Le Jayenge, Nahi Ham Un Se (Un Darjon Mein) Achhi Tarah Muzahmat Karenge Taake Unko Bhi Maloom Ho Jaye KeWo Apne Peechhae Mardon Ko Chhorh Kar Aayen Hain. [Fazaaile A'maal, Fazaaile Sadqaat, page.593]
.
Isse Badi Koi Gustakhi Ho Sakati Hai Ye Inki Azmat Hai Aur Jaha Tak Inhone Kaha Hujat Ka To Gaur Farmaye
.
Deobndi Shaikhul'hind Mahmodul'Hasan Kahta Hai"baqi Feile Sahabi Wo koi Hujjat Nhi"
 

{ALwrdushazi:5}
.
Dosri Jagah Yahi Deobndi shaikhUmmat k sub sy bary Alim k Ek Qol Ki Tarded krty hwy likhta hy"Hm Ahnaf Qole Ibne Abbas r.z Ka Yahi Jawab Dengy wo Sahabi Ki Rai hy"
{Alwardushazi: 23}
.
,Malom hwa K Taqled'parasto k Nazek sahabi ka Faham Mutabar Nhi Aur Sahabi ki Rai B Bekar hy(Naozu'billah)
.
Sawal Ke Akhir Me Apne Kaha Ki Ahle Hadis Ke Nazdik Sahabi Ka Qaul Hujat Nahi Mere Bhai Ap Ki Aql Ko Kya Ho Gaya Hai Kya Kya Allah Ke Rasul s.a.w Ke Tarike Se Hatkar Sahaba r.a Ka Amal Tha Jo Ap Aisa Kah Kar Kya Sabit Karna Chahte Hai
 

Jab Kisi Masle Me Allah Ke Rasul s.a.w Ka Farman Pahle Se Maujud Hai To Hume Aur Kahi Dekhne Ki Zarurt Kya Hai Allah Ke Rasul Ki Itat Hum Par Farz Ki Gai Hai Jb Koi Masla Hadis Me Na Mile Us Waqt Sahabi E Rasul Ki Ray Hmare Liye Hujat Hai ,,.
.
Point No. 3
 

Tableeg Walay Har Muslman Se Do Hath (handshake) Karte Hain-
Magr Ahle-hadas Ek hi Hath se - Like Jews and Christian
.
Answer Maz Allah ,Allah Ke Rasul Ki Sunnat Ko Yahud Nasara Ka Tarika Kah Raha Hai Chaliye Ap Ki Fiqh Me Dekhte Hai Kya Kahti Hai Wo
.
Aayiye zara Mulahiza farmayiye!
Musafah dahine{right} haath se krne par ittefaq hai
 

AYNUL HIDAYA JILD 4 PJ 293
.
Musafah 1 haath se krna aksar riwayat-e-sahiha se sabit hai AYNUL HIDAYA JILD 4 PJ 293
.
Dost se mulaqat ke waqt apna haath choomna jaisa jaahil log kiya krte hain
bil-ijma makrooh hai FATAWA AALAMGIRI JILD 4 PJ 345
.
Hanfi Mazhab me hi jab 1 hath se musafa karne ka saboot maujood hai
toh isko Yahud-o-Nasara ki Mushabihat {copy} batana ye usi ka kaam ho sakta hai
Jo ahle hadis ki dushmani me bilkul andha ho chuka ho aur ise andhe pan ki lapet me apna mazhab ko bhi lee raha ho
.
Point No. 4.
 

Tableeg Waley Quran Ko Ba-wuzu Padtay Hain--
Magr Ahle-hadas Bina -Wuzu ke padhney per zoor dete hai
.
Answer. Apke Yaha To Quran Aalimo Ki Padhne Ki Chez Hai Kyo Logo Ko Bewkuf Bana Rahe Apka Ilzam Ahle Hadis Bgair Wuzu Padhne Par Zor Dete Hai Pahla Apna Dawa Dalil Se Sabit Kare Warna Ap Jhuthe Jaha Tak Ahle Hadis Ka Mazhab Wo Ye Ki Behtar Hai Afzal Quran Ko Wuzu Ke Sath Padha Jaye Magar Bagair Wuzu Bhi Tilawat Jaiz Hai
.
Dalil- Nabi Karim s.a.w Ne Surah Aale Imran Ki 10 Ayto Ki Tilawat Ki Phir Latke Huwe Mashqiza Ki Taraf Badhe Wuzu Kiya Aur Namaz Shuru Kar Di
 

Muslim
.
Point No. 5.
 

Tableeg Walay Duniya Ki Har Masjid Ko Apni Samjtay Hain-
Magr Ahle-hadas Har Muhallay Main Apni Nayi Masjid Banatey Hain.
.
Answer-Tabligh Wale Har Masjid Ko Apni Masjid Samjhte Hai Siwaye Ahle Hadis Ki Waha Kyo Nahi Jate Bhaisb Ap Ko Dawat Hai Tashrif Laye Dusra Sawal Ahle Hadis Apni Masjid Tamir Karte Hai -
Are Bhai Apko Kya Deen Se Koi Dushmani Hai Kya ?
Apko Ko Itna Bhi Pata Nahi Ki
.
Jis Ne Allah Ki Rah Me Masjid Bnai Allah Pak Us Ke Liye Jannat Me Ek Makan Bana Dega
Bukhari 450
.
Bhai Ap Kya Is Azr o Sawab Se Itni Taqlif Kyo Alhamdulillah Apko To Khush Hona Chaiye Ki Muslmano Ki Ek Aur Masjid Bn Gai
.
Point No. 6.
 

Tableeg Walay Muslmanoun Ko Tahjjud Padnay Ki Dawat Detay Hain-
Magr Ahle-hadas Tahjjud Ko Taraweeh Mantey Hain.
.
Answer- Alhamdulillah Ahle Hadis Apki Tarah Jhuth Aur Khokhle Dawe Nahi Karte Balki Na Sirf Dawat Dete Padhne Ka Ahtmam Karte Hai Aur Padhte Bhi Sunnat Ke Mutabik Aur Azan Bhi Dete Hai Sal Ke 365 Din Makkah Madina Ja Kar Dekhe Adhan Bhi Hoti Namaz Bhi Aur Agar Waha Na Ja Sake Mujhe Btaye Me Yaha Kisi Masjid Me Le Chalunga Aur Apko Challnge Karta Hu Apni Ek Masjid Btaye Jesa Apna Upar Jhuth Mara Apki Kaunsi Masjid Me Tahjjud Ki Adhan Hoti Hai?
.
Point No.7.
 

 Tableeg Walay Har Sunnat Ko Jamia Tareen Mantay Hain-
Magr Ahle-hadas Har Sunnat Ko Zayeef Kehtay Hain.
.
Answer Apna Hmeshgi Wala Khali Ek Aml Bta De Khalis Jo Sunnat Se Pura Ka Pura Sabit Hai Ye Bhi Apko Chalnge Hai Aur Chilla Katne Wala Kaunsi Sunnat Hai Allah Ke Rasul Ne Quran Ki Dawat Di Ap Shirkiya Kitabo Ki Ye Kaunsi Sunnat Hai Aur Ap Apna Dawe Ki Dalil Pesh Kare Ahle Hadis Ne Kaunsi Sahi Hadis Ka Inkar Kiya?
 

Point No. 8.
 

Tableeg Walay Fazail e Aamal , Muntakibh Ahadith ko 100/= Main Latay Hain-
Magr Ahle-hadas Free Books aur CD's Logoun Main Taqseem Karte Hain..(Pata Nahin Yeh Fund Kahan se Aata Hai.)
-
Answer Pese Lene Apke Aalimo Ki Purani Sunnat Hai Wo Bhi Angrezo Se Pensn Lete The Isme Naya Kya Hai Bhaisb Cinema Jane Ke Pese Lagte Hai Aur Masjid Fri Hai Koi Bhi Muslman Namaz Padhe Pese Lena Kamal Nahi Fri Me Dena Kamal Hai Aur Ahle Hadis Jo Kharid Nahi Sakta Use Dete Wo Bhi Quran Na Ki Ki Shirkiya Kitabe
.
Point No. 9
 

Tableeg Walay Ratoun Ko Ummat ki Fikr Main Rotay Hain-
Magr Ahle-hadas Ummat ko Taqseem Karne ki Fikr Main Lagay Rahey Hain.
-
Answer- Agar Ummat Ki Fikr Hoti To 4 Tukdo Me Na Bante Khud Tabligi Ban Kar Apni Alg Bidto Wala Mazhb Na Banate Qadriya Chistiya Deobndi Tabligi Barelvi Jamate Islami Qadiani Aur Pata Nahi Kya Kya Firke Na Banate Ap Rote Hai Hanfiyat Ke Liye Ap Rote Hai Logo Ko Jahnnam Ki Tarf Bulane Ke Liye Agr Ummat Ki Fikr Hoti To Kalma E Tauheed Ki Dawat Dete Ap Sahi Hote To Ap Par Kufr Bidat Ke Fatwe Na Lagte-
.
Point No. 10.
 

Tableeg Walay Apni Jaan-Apna Maal Apna Waqt Deen K Liye Lagatey Hain
Magr Ahle-hadas Logoun Ko Ghumrah Karte Hain isse kya hoga ghar mae raho
-
Answer - Ap Apna Mal Aur Jan Lagte Hai Muslmano Me Se Jihad Ko Khatm Karna Jis Maksad Se Ap Wuzud Me Aye Tabhi Israil Me Jaha Par Dusari Koi Muslim Jamat Nahi Khali Apka Daftar Hai Yahudio Ke Numainde Bankar Kam Kar Rahe Hai Aur Mumkin Koshis Ki Jo Mujahid Waha Lad Rahe Unke Dimag Se Jihad Ko Nikala Apne Kaha Ki Ahle Hadis Gumrah Karte Hai Ye Alfaz Makkah Ke Mushrik Bhi Kahte The Ki Allah Ke Rasul s.a.w Logo Ko Gumrah Kar Rahe Magar Iman Lane Wale Us Waqt Bhi Kasrat Ke Sath Badhe Aur Aj Bhi Ahle Hadis Ki Dawat Par Log Labbaik Kah Rahe Hai -
.
Point No. 11.
 

 Tableeg Walay Ramzan Main 20 Rakaat Taraweeh Padtay Hain-
Magr Ahle-hadas Ramzanul Mubarak Main Short Cut Karte Hain..
.
Alhmadulillah Ahle Hadis Wohi Padhte Hai Jo Sunnat Hai Ap Apni Taravih Rasul s.a.w Se Sabit Karke Dikhaye Aur Apne Kaha Shrtct Alhamdulillah Me Ex Hanfi Hu Ache Se Pata Hai Ap Log 40 Mint Me Uthak Bethak Ki Tarh 20 Rakat Padh Lete Hai Ahle Hadiso Ko 8 Me Bhi 1 Hour Lgta Hai Aur Apki Kitabe Khud Gawah Hai Ki Taravih Kitni Rakat Hai
.
1) Deoband Firke Ke Baani Moulana Qaasim Naanotvi Kahte Hai 8 Rakat


(Lataaif Qasmiya,maktoob suaim safah 18)
.
2) Allaama zelyi Hanafi Farmate Hain Ki Taraaweeh Ki Sirf 8 Rakaat Hi Hain.
 

 (Nasab al rayt,fasal fee Qayaam,shahr ramzaan jild 2,safah-153)
.
3) Allaama ibn Hamaam Hanafi Farmate hain ke Taraaweeh Ki 8 Rakaat Hai.
 

 (Fatah al Qadeer, shrah hidaayat ,fasal fee qayaam ramzaan , jild no.1,safah 407)
.
4)  Allama Naeemi Hanfi Farmate Hain Ki Hamko Ye Tasleem Karne Ke Elava Koi Raasta Nahi Ki Taraaweeh Ki Rakaat Sirf 8 Hai.
 

(Aashaar al sunan,bab al taravi bashmaan rkaat ,safah 398)
.
5) Imaam Aazam k Shaagirde Aazam hasan al Shaibaani Moatta Me Farmate hain Ki Taraaweeh Ki Rakaat 8 Hi Hain Jaisa Ki Hadeeso Se Sabit Hai.
 

 (Moatta Imam muhammad,bab qayaam shahr ramzaan,vma fee mau al fazal ,safah-146,matb u qadeem qutub khana karachi).Allah iss Hanfiyat Ke Fitne say Sabko Bachaye.. Ameen.

UMMAT E MUHAMMADIA KA HAAL

Bismillahirrahmanirraheem



UMMAT E MUHAMMADIA KA HAAL


Pata hai Hum mein se 90 % Afraad ko Aqeeda Virasat mein milta hai .Masalan humarey Baap , Dada , Padhdada k Mazhabi aqeedon ko Hum apna letey hain aankh band kar ke aur iski Tasdeeq taa hayat nahi kartey hain k kiya ye Aqeede Quran aur Sahi hadees k theek mutabiq hain?
 

Kahin humarey badey Daeef hadeeson aur Shirk wa Biddat wale aqeede per to nahi they ?
 

In baaton ki Tasdeq kerne ka sirf ek hi Tariqa hai khud Quran aur Hadees padhein aur kisi Alim (jo Firqaparasti se paak ho) se Tashreeh k liye ruju karein . 

Phir apne Dil o Dimagh ko itna wasee banalein k inmein Haq baat ko samjhker qabul karne ki salahiyiat paida hosake. 

Akser Logon ko jab Daeef hadees se agah kiya jata hai to wo bajaye qabul krk khud Tasdeeq karne ke ulta bahes mein padhker khud bhi Gumrah hote hai aur dosron ko bhi karte hain .
 

 Yehi haal Quran ki tafseer ka bhi hai .

Aaj Ummath mein Buniyadi iqtelafat aur Firqaparasti Quran ki tafseer ko ghlt andaz mein kuch Siyasi Sonch rakhne wale Ulema ke pesh kerne k sabab hue hain . Humarey Indian & Pakistani Log Saudi ulema ko bura bhala kehte hain .Yahan tak k Makkah Madinah k Imam k peeche Namaz nahi hoti hai ye tak kehte hai
 

Astaghfirullah .
 


Ye humari akad nahi to aur kiya hai k ek Haq baat humein nazer nahi aati hai aur hum dekhna nahi cahte? Zara sonchiye jo Log "Harmaein" jaise Muqadas Muqamaat k Imaam muqarar kiye gaye hai Saudi authorities ki taraf se unke Aqeedon per Ungli uthane wale Hum hothe kon hai ?
 

Sirf humarey baap dada k aqeedon se in Imaam k Aqeede Mail nahi khate isiliye Hum bina haqeeqat ki tasdeeq kiye inko bura kehdein aur jhoota Fatwa lagadein k inke peeche Namaz nahi hoti ?
 


Humarey tamam Amaal Durust Aqeede (Shirk aur biddath se paak) ki buniyad per honge aur sahi aqeede ki Tasdeeq kerna hum sabka farz hai na ke andhon ki tarha apne badon ki aqeedon per ankh band krk chalte rehna .Andhi Talqeed ki manzil gumrahi ka gada hai !!