NABI E AKRAM SALLALAHO ALAIHI WASALLAM (PBUH) PAR IMAAN LAANA

Bismillahirrahmanirraheem





hamare Nabi e akram sallalaho alaihi wasallam (pbuh) ne hamari hidayat ke liye umar bhar takleef sahan kiye, gaaliyan suni, patthar khaaye, ghar baar chhoda, raat din ka chain aur sukoon haram kiya, jis zaat ne hamen paida karne waali aur malik se pahchaan karaaya, aqeeda tawheed ki samjh paida ki, hamen sone, , jaagne, uthne, baithne, chalne, phirne, khaane, peene, pahanne, baat cheet karne yahan tak ki paaki aur taharah tak ki adaayegi sikhaayi, na jaane paak umar ki kitni raatein hamari maghrifat ke kiye ro rokar guzaari,


7 aasmaano ke uper jaakar bhi hamen bulaaya nahi gaya, zindagi ki aakhiri saans tak hamari hidayat aur maghfirat ke liye pareshan aur bechain rahe, qayamat ke din bhi hamari maghfirat ki khaatir allah taala ke saamne lambi muddat tak sajda me rahkar shafaat ki ijaazat haasil karenge, pareshani ki haalat me kabhi hisaab ki jagah par, kabhi meezaan ki jagah par aur kabhi siraat par hamari khabar'giri farmaayenge, jahannum me jaane ke baad bhi logon ko jahannum se rihaayi dilaane ke liye baar baar allah ke saamne sazda karte honge,


Kya is mohsin e aazam Nabi e akram sallalaho alaihi wasallam (pbuh) ke ham par bhi koi HAQ hain ya nahi ??

Agar hain, toh kaun se HAQ hain ??

Kya hamne kabhi un HAQON ko jaanne kaur ADAA karne ki koshish ki hai ???


Ham aapko un haqon ke baare me rubaru karaate hain Jisme pahla haq hai nabi e akram sallalaho alaihi wasallam (pbuh) par imaan laana




NABI E AKRAM SALLALAHO ALAIHI WASALLAM PAR IMAAN LAANA:



Nabi e akram sallalaho alaihi wasallam (pbuh) ki bait e mubarak ke baad mashrik wa maghrib ke tamam jinn wa insaan par yah waajib hi ki Nabi e akram sallalaho alaihi wasallam (pbuh) par imaan laayen,

aisa imaan, jaisa sahaba kiram (ra) laaye they, na toh kaafiron ki be'panaah taaqat aur quwwat unhe dara saki na hi kaafiron ke zulm unke himmat me koi kapkapahat paida kar sake,


kuch misaalein dekhiye


1- HZ BILAL HABSHI (RA)


Quraishi sardar umayya bin khalf ke they, hz bilal (ra) ko saza dene ke liye umayya unhe makka ki shakht garm reit (sand) par litaakar bhaari patthar seene par rakh deta taaki harkat na kar saken,

hz amar bin al'aas (ra) kahte hain ki maine bilal (ra) ko aisi tapti zameen par lete dekha hai ki us par agar ghosht rakh diya jaata toh wah bhi jal jaata,

kabhi umayya, hz bilal (ra) ko ladkon ke Hawaale kar deta, we aap (ra) ke gale me rassi daal kar makka ki galiyon aur ghaatiyon me ghaseet'te firte, shaam ke waqt hz bilal (ra) ke haath pair baandh kar qaid me daal diya jaata aur raat ke waqt kodon se maara jaata, in saar barber zulmon ke ba'wajood hz bilal (ra) ke iraadon me zarra baraabar kami paida na hui,


2- HZ KHABBAAB BIN ARAT (RA)


Hz khabbab (ra) ek patthar dil aurat umme ammar ke ghulam they, hz khabbab (ra) imaan laaye toh unke kapde utarwa kar dahakte angaaron par lita deti aur seene par bhari patthar rakh deti ya kisi aadmi ko seene par khada kar deti ki pahlu na badal sake, kabhi aap (ra) ko lohe ki zirrah pahna kar dhoop me lita deti, kabhi loha garm karke hz khabbab (ra) ke sar ko daaghti, hz khabbab (ra) ye tamam holnaak zulm sahte rahe, lekin apne imaan par pahaad ki tarah sarbuland rakhen,


3- HZ ABU FAQEEHA (RA)


Imaan laane ke jurm me hz abu faqiha (ra) ko bhi hz bilal (ra) jaise zulm sahne pade, yah bhi umayya bin khalf ke ghulam they, ek din umayya ne hz abu faqeeha (ra) ke pair me rassi baandhi aur ghaseet'te hue baahar le gaya, tapti reit par lita diya aur itne zor se gala dabaya ki hz abu faqeeh (ra) ki zabaan baaher nikal aayi,


4- AAL E YAASIR (RA),


Aap yemen ke they aur banu makhzoom ke ghulam they, abu jahal unhe bhi be'hadh zaalimaana sazaayen deta, paani me gote dena, garm reit par litaana, dhoop me khade rakhna aur kode se maarna, rozaana ki sazaayen thi,


mushrikeen e makka ke ye dil dahla dene waale ye zulm ghulaamo ke liye khaas na they balke imaan laane waale azaad logon ke saath bhi yahi zaalimaana suluk kiya jaata, ghulaamo ko toh unke malik saza dete aur azaad logon ko unke qareebi rishtedaar,


quraishi sardar suhail bin amr ke dono beton hz abu jundal (ra) aur hz abdullah (ra) ne islam qubool kiya toh baap ne dono beton ke pair me bediyan daal Kar qaid kar diya, dono bhai kai saal qaid wa band ki museebat jhelte rahe,

hz zubair bin awwaam (ra) musalman hue toh unke chacha nofil bin khuwelad ne unpar zulm karna shuru kar diya, chataayi (mat) me lapet kar sulgaata aur duni dekar islam chhodne par majboor karta,

hz mus'ab bin umair (ra) ek ameen gharaane ke laadle they, imaan laaye toh ghar waalon ne haath pair baandhkar qaid me daal diya, imaan par date rahe toh ghar se nikaal diya aur phir khaali haath habsha rawaana ho gaye,

hz talha bin obaidullah (ra) ko unka bada bhai usman bin obaidullah rassiyon se baandhkar peet'ta,

hz ayash bin abi rabi'a ra (maa ki taraf se abu jahal ke bhai ) ,hz salma bin hisham ra ( baap ki taraf se abu jahal ke bhai ) ,aur hz khalid bin waleed bin mugheerah ra (hz khalid bin waleed ke bhai ) teeno ko imaan laane ke jurm me makka ke sardaaron ne bediyan pahna kar qaid kar diya, jahan teeno log kai saal tak qaid Ki museebatein sahan karte rahe,


hz abu zar gifari (ra) imaan laaye toh makka ke mushrikon ne haram shareef ke andar hi itna maara ki saara badan lahu luhaan ho gaya,


hz abdullah (ra) imaan laaye toh unhe chacha ne na sirf ghar se nikaal diya balke badan ke kapde tak utarwa liye, maa ne taras khakar tan dhaanpne ke liye ek chadar di, hz abdullah (ra) ne chadar ke do tukde kiye, ek tah'band bana liya aur ek kandhon par daal liya, hz abdullah (ra) isi haalat me akele madeena munawwara rawaana ho gaye, Nabi e akram sallalaho alaihi wasallam (pbuh) ne aapko zul'badain (do kapdon wala ) ka laqab diya,


imaan laane ke maamle me sirf mardon ne hi nahi balke aurton ne bhi bahaduri ki aisi anokhi misaalein pesh ki ki zameen wa aasmaan dang rah gaye, imaan par saabit qadmi aur sabr ke maamle me hz sumayya binte khabbat (ra) ka naam naami aasmaan par chamakta huwa aisa sooraj hai kiski shwaayen (rays) se Imaan waale qayamat tak apne imaan ko roshni bakhste rahenge,


abu jahal hz sumayya (ra) ko lohe ki zirrah pahnakar dhoop me khada kar deta, gaaliyan bakta aur kahta " muhammad ke deen ka maza chakh " kamzor wa budhi aurat ki imaan par mazbooti se pareshan hokar ek din bad'bakht ne hz sumayya (ra) ki sharmgaah par neza maara jisse wah shaheed ho gayi,...... Inna lillahi wa inna ilaihi raajiun


hz zinera (ra) par abu jahal ne itni shakhti ki, ki wah aankhon ki roshni se mahroom ho gayin,

hz lubeena (ra) ko hz umar bin khattab (ra) maarte maarte thak jaate aur kahte " main tumhe taras khaakar nahi chhod raha balke thak gaya hun isliye chhod raha hun "

hz lubina (ra) ka ek hi jawaab hota:-" muhammad ka deen bilkul nahi chhodungi "


hz nahadiya (ra) aur hz umme abees (ra) ne bhi imaan laane ke jurm me be'panaah zulm bardaasht kiye, lekin unke paaye istaqlaal me zarra baraabar bhi kamzori na dikhaayi,


Makka mukarrama me makka ke mushrikon ke zulmon ke toofan jab na sahne waala ho gaya toh momin mardon aur aurton ne apne ghar baar, karobaar, jaayedaad, aur rishtedaaron ko chhodne me zarra bhar ke liye takalluf na kiya aur tan badan ke do kapdon me lambi doori ajnabi mulk habsha (eithopia) rawaana ho paya ya phir yasrib (madeena) me panaah li,


yah hai wah imaan jo Nabi e akram sallalaho alaihi wasallam (pbuh) ke haqon me sabse aage hai,

shariat ka mutaalba yah hai ki imaan laana hai toh waisa laao jaisa sahaba kiram (ra) imaan laaye they..


(surah baqarah ayat 13)


TO BE CONTINUED........

TAHREEK AHLE HADITH KA JURM

Bismillahirrahmanirraheem




TAHREEK AHLE HADITH KA JURM:



Hamare mukhalifeen hamen, wahabi, ghair muqallid, la'mazhab, kharji, hashowi, shia ke bhai wagerah laqab se nawaazte hain

(shaniyatul khateeb pg 21, irshad ul shia pg 149, fath ul mubeen pg 442, 453,455 wagerah )



is propaganda ko is qadr hawa di gayi ke aaj , ghair muqallid, wahabi wagerah ka lafz ek GAALI ban kar rah gaya hai,

aakhir ham logon ne unka kya bigaada hai ? Kisi jaaydaad par qabza kiya hai ya izzat nafs majrooh ki hai ?

Nahin ! Hargiz nahi, toh phir hamare saath ye imtiyazi sulook kyon kiya ja raha hai,

halaanke taleem quraan hai ke

" mushrikeen ke maboodan e baatila ko gaaliyan mat do "

(surah anam 108)


qaabil e ghaur baat ye hai ke kya hamara itna hi na'qaabil jurm hai ke hamen chidhaane ke liye bure naamon se yaad kiya jaata hai, baaz firqa baatila ki taraf hamari nisbat ki jaati hai,

khasiyat e illahi ko bila e Taaq rakhkar hamari taraf wah cheezein mansoob ki jaati hain jin ko ham bhi kufr kahte wa gumrahi kahte hain, buzurgon ke gustakh, aimma e deen ki tauheen karne waale toh hamen aam kaha jaata hai,

halaanke ham barmala kah rahe hain ke ham ummat e marhooma mese kisi bhi buzurg ki shaan me gustakhi karne waale nahin,

jin naamon se aap hamen mukhatib karte hain unke saath hamara sire se koi mazhabi rishta wa taalluq hi nahi,

magar in logon ko hamari qasmein jhooti dikhaai deti hai, namazein riya maalum hoti hain, itteba e sunnat ka jazba unko numaish maalum hota hai, qur'an wa sunnat ki khidmat ko ye log hawa e nafs ka naam dete hain,

maine kai baar ghaur kiya ke aakhir hamara jurm kiya hai ??

Jiski itni sangeen saza hamen sunaayi ja rahi hai,

bhaiyyon ! Jahan tak meri aqal wa fikr ne kaam kiya toh mujhe ye kasoor nazar aaya ke hamne TAQLEED ke bajaaye ITTEBA E RASOOL ko odhna bichona banaya,



HIDAYA ki bajaaye QUR'AN ki taraf bulaaya,

QUDOORI ki bajaaye HADITH E RASOOL padhne ke liye logon ko tohfa diya,

tarajim FIQH ki bajaaye QURAAN WA HADITH ke tarajim kiye,

angrezi GHULAMI ki bajaaye JIHAD FI SABILILLAH ko farogh diya,

mulk me FATAWA AALAMGIRI ke bajaaye QURAN WA SUNNAT ke nefaz ka mutaalba kiya,

BIDAT ki bajaaye SUNNAT ki aabyari ki,

SHIRK ki bajaaye TAWHEED ka dars diya,


yahi kasoor un logon ki nigaah me na'qaabil maafi jurm ban gaya,

jaisa hamare pyare nabi e akram sallalaho alaihi wasallam (pbuh) ko ' jaahil ' kaha gaya, usi tarah hamen la'mazhab ka lagab diya gaya,

jaise nabi e akram sallalaho alaihi wasallam (pbuh) ko mazmum kaha gaya, waise hi hamen zaal ka laqab diya gaya,

jaise nabi e akram sallalaho alaihi wasallam (pbuh) ko tawheed ke dars par maaboodan e baatila ka gustakh kaha gaya, waise hi hamen dars e tawheed par awliya allah ka gustakh qaraar diya gaya,

Jaise sahaba kiram (ra) ko itteba e rasool ki wajah se bewaqoof kaha gaya, usi tarah hamen bhi ghair faqeeh kaha gaya,

(surah baqarah 13)


jaise sahaba kiram (ra) ko uswa e rasool ki pairwi wajah se saabi kaha gaya usi tarah itteba e rasool ki wajah se hamen aawaara ( ghair muqallid ) kaha gaya,


afsos sad afsos ke agar " aami (jahil)" ko hidaya padhne ke liye diya jaaye toh wah hidayat par rahega, agar qur'an wa bukhari di jaaye toh gumraah aur aawaara ho jaayega,

IS ZYADATI KI KOI INTEHA HAI !!!


Magar kaan kholkar sun lo ! In fatawa ki allah ke yahan raayi ke baraabar bhi haisiyat nahi,

deen tumhare imam aur fuqaha ka nahi, allah aur uske rasool nabi e akram sallalaho alaihi wasallam (pbuh) ka hai,

hamen khushi hai ke hamen hamare aaqaa ki tarah sab kuch sunna padha aur ham ne sabr kiya, allah taala hamare asalaaf aur hamare liye in cheezon ko tosha aakhirat aur kaffara siyaat banaaye, aur Is amal e hasana ke waseele se hamen apne pyare aaqa nabi e akram sallalaho alaihi wasallam (pbuh) ki shafa'at aur jannat me rifaaqat naseeb farmaaye, aur in logon ko hidayat ata farmaye.... Ameen


khair in logon ki aisi harkat se ulema e haq bad'dil na hue , aur apne mission ko jaari rakha, jiske nateeje me jald hi taqleed wagerah masail ahle ilm ki mahfil se nikal kar aawaami ban gaye,

aur fiqh hanafi ke baaz ghalat aur qur'an wa sunnat ke khilaf fatawe ka mazaaq udaaya jaane laga, hanafiya ne apne andaz e fiqr par ghaur kiya aur ahle hadith ko badnaam karne ke liye nusoos par harfgiri aur taaweel wa tahreef (changes in books) ka raasta akhtiyaar kiya, in logon mese baaz naam ke allama wa fuqaha aur munazireen ne sunnat rasool par mazaaq karna apna odhna bichona bana liya, hamare maa'sir ne bhi ' khade hokar pesaab karna ', ' dauraan e namaz bache ko uthaana ', ' namaz me kundi kholne ki hadith ka Mazaaq udaaya hai

(dekhiye tohfa ahle hadith pg 10)


ahle hadith ki dushmani me bukhari wa muslim ki riwaayat par aitraaz hua, toh kabhi hujjat hadith par harf giri ki gayi, toh kabhi tadween hadith ke naam se hadith me shak wa shubu'haat pesh kiye,


jab ye aitraazaat market me aaye toh JAHLA aur BABU TYPE logon ko in aitraazaat me maaqooliyat nazar aayi, jiska nateeja waazeh tha ke unhone sire se hujjat hadith se hi inkaar kar diya,

aur millat e islamia ke ijtemaayi mauqaf ke bar'ashk ITA'AT RASOOL ka hi inkaar kar diya.......


ALLAH TAALA IN BAATIL ULEMA E SOO KO HIDAYAT DE.......AMEEN

SAHABA KIRAM (RA) KI TAQLEED SHAKHSI

Bismillahirrahmanirraheem



SAHABA KIRAM (RA) KI TAQLEED:



Deobandiyyah farmate hain ke baaz sahaba kiram mujtahid they aur kuch ghair mujtahid, toh dusre sahaba kiram mujtahid sahaba kiram ki taqleed karte they, nabi e akram sallalaho alaihi wasallam (pbuh) ke zamaane me yemen me hazrat mu'az ki taqleed shakhsi hoti rahi, shah waliullah muhaddis dehlawi apni kitab " insaaf" me farmate hain ke:-" sahaba kiram mukhtalif shahron me phail gaye, har shaher me kisi na kisi sahabi ki taqleed hoti thi, hz ibn abbas ki makka me, hz zaid bin saabit ki madina me, hz abdullah bin masood (ra) ki koofa me aur basra me hz anas ki taqleed hoti rahi "

(tohfa ahle hadith page 90)


JAWAB:


1- Ye sab kazzab wa aftara aur likhne waale ki khud'saakhta kahaani hai, hamara challenge hai ke wah kisi sahih wa motbar sanad se in sahaba kiram ki taqleed saabit nahi kar sakta,

raaqim hairan hai ke ye shakhs khuda aur rasool Par aftara karne me aur sahaba par bohtaan baandhne me is qadr diler kyon hai ?


2- hz abdullah bin masud (ra) se sahih sanad ke saath marwi hai ke:-" deen me koi shakhs kisi ki taqleed na kare "


(tabrani kabeer jild 9 page 152)


haythami farmate hain:-" iske raawi sahih ke raawi hain "

(majmua al zawaid page 185, fil nuskhatul ukhra jild 1 page 182)


hz shah waliullah muhaddith dehlawi farmate hain ke:-" bila shubah tamam sahaba kiram, tabain azam, aur taba tabien ka awwal ta aakhir is baat par ijma ho chuka hai ke koi shakhs apne mese ya saabiqeen mese kisi aalim ke sab aqwaal par amal na kare"

(aqdul zayyed page 40)

lekin is haqiqat ke khilaf deobandiyyah kahte hain ke:-" sahaba kiram ek dusre ki taqleed karte they "

INNA LILLAHI WA INNA ILAIHI RAJIUN


3- agar log sahaba kiram ki taqleed karte they toh kya wajah hai ke aap hazraat sahaba kiram ki taqleed ke bajaaye imam abu hanifa ki taqleed Karte hain ?? Aur sahaba kiram ki taqleed se mana karte hain ?

Jaisa ki ibn hammam ne " tahreer " me saraahat ki hai

(ba'hawala majmua al fatawa abdul haiy jild 3 pg 193)


kitne sitam ki baat hai ke aap kahte hain ke hz anas ki basra me taqleed hoti thi, magar aap ka aalim hz anas bin malik (ra) ke baare me bakwas karte hue tahrir karta hai ke

" is riwayat ko naqal karne me hz anas (ra) munfarad hain jo budhaape aur unpad (illiterate) hone ki wajah se qaleel ul zabt they, is tarah wah oont ka peshaab peene waali riwayat me bhi munfarad hai, aur abu hanifa ka usool ye hai ke sahaba maasoom nahi, unpad ya budhaape ki wajah se qillat zabt ki bina par unse riwayat hadith par ghalti ho sakti hai, aur hz anas ghair faqeeh bhi they aur ghair faqeeh sahi ul hifz sahaba ki riwayat faqeeh ke muqaable me marju hai "

( taaniyabul khateeb page 117, taba maktaba islamia quetta)

dekhiye aapke aalim hz anas bin Malik (ra) se marwi marfu hadith ko radd karne ke liye unke budhaape aur unpad hone ka dawa karta hai, aur unko ghair faqeeh kah kar apne khabas baatan ka izhaar kiya hai,

deobandiya apne akaabireen ki taqleed ki wajah se dar'pardah aqeedah toh yahi rakhte hain ke hz anas (ra) ghair faqeeh, unpad, wa budha hone ki wajah se inki hadith na qubool ki jaaye ( maaz'allah ),


lekin yahan sirf matlab ke liye unko basrah ka faqeeh kah kar unki taqleed saabit kar rahen hain..... INNA LILLAHI WA INNA ILAIHI RAJIOON

AAL-E- SAUD AUR ULEMA E DEOBAND

Bismillahirrahmanirraheem



AAL-E- SAUD AUR ULEMA E DEOBAND:


Hanafiyyah ne (tohfa ahle hadith pg 84) me ye batlaane ki koshish ki hai ke:-" aal e saud bhi hamare MUQALLID bhai hain "

fir kuch jazwi wa furui masail me ikhtelaaf saabit karne ke baat irshad farmate hain:-" ab batao tumhare hain ya hamare, chalo ek aur tareeqe se aajma lo aap bhi bhi imam e kaaba ke paas chalo main bhi chalta hun, main kahunga ke main imam e azam abu hanifa ka muqallid hun, aap kahen 4ron aimma mese jo kisi ki taqleed kare wah mushrik aur gumrah hai, aimma arba mese kisi ek ki taqleed saraasar gumrahi hai, phir dekhenge ke wah imam e kaaba haath kiske choomta hai aur joote kisko maarta hai, phir dekhenge saudia waale tumhare saath ya hamare saath "

(tohfa ahle hadith pg 83-84)



JAWAB:



1- Aiyye chalte hain kharcha aap ke zimme raha, kyonke dawat aapne di hai,

kaaba ke imam ko judge maan lete hain, khakisaar akaabir deoband Ke aqaid aur nazariyaat ki nishaandehi karega, phir qudrat e illahi ka karishma dekhna ke aapke baare me kya faisla saadir karte hain,


2- taqleed ko sirf hamne hi shirk nahi kaha, balke bahut se ahle ilm ne isko shirk hone ki saraahat ki hai, auron ko jaane dijiye aapke ustad mohtaram maulana sarfaraz khan safdar aur maulwi ashraf ali thanvi wagerah ne bhi shirk kaha hai,


2- maulana ahmad raza khan barelwi hanafi ne 1324 hijri me ulema e haramain se aapki takfeer par must'amal fatawa haasil kiya tha jo ' hisamul haramain ', ke naam se shaaye bhi ho gaya tha jo ab tak kai baar taba (publish) ho chuka hai aur market me dast'yab hai, uske baare me aapka kya khayaal hai, motbar hai ya ghair motbar ??

Agar ghair motbar kahte ho toh ham kis tarah maan len ke aaj ke fatawa ko maan kar apne aqaid baatil se aap ruju kar lenge !!


3- baitullah aur masjid nabwi ke imamon se ham ye bhi arz karenge ke jitni der Saudia waale ghareeb they toh deobandiyon ke akaabir aap tamaam hazraat ko FAASIQ wa FAAZIR aur JAAHIL wagerh ka fatawa lagaate they,

ab chunke allah taala ne unpar gurbat ka daur khatam kar diya hai aur maal wa daulat ke darwaje khol diye hain jiski wajah se aajke deobandiyon ne ZAKAAT,FITRAANA , SADQAAT wasool karne ki gharz se munafiqat ka roop dhar liya hai, warna ye log dar'pardah aal e saudia ki takfeer ke qayel hain


molwi anwar shah kashmiri kahte hain:-" muhammd bin abdul wahhab najdi nihayat be'waqoof aur kam ilm shakhs tha, aur wah musalmano par kufr ka huqm lagaane me bahut tez tha "

(faiz ul bari page 171)



maulwi ahmad madni deobandi hanafi likhta hai:-" sahabon ! Muhammad bin abdul wahab najdi ibteda 13wi sadi najd arab se zaahir huwa aur chunke ye khayalaat baatila aur aqaid faasidah rakhta tha... Wah ek zaalim, aur baaghi , khoon'khwar faasiq shakhs tha "

(shihab us shaaqib pg 42)

" najdi aur uski itteba ka ab tak yahi aqeedah hai ke ambiya (as) ki hayat faqat usi zamana tak hai jab tak wah duniya me they, baat wafaat wah aur deegar momineen maut me baraabar hain, agar baad wafaat unki hayaat hai toh wahi hayat unko bar'zakhi hai, aur ahadaamat ko saabit hai baaz unke hafz jism ke qayel hai magar bila rooh "

(shihab us shaqib 45)


" ziyarat rasool maqbool (sws) wa hazoori aastaanah shareef wa malaheza rozah mutahhara ko ye taifa bidat, haraam wagerah likhta hai, is niyat se safar karna mahzoor wa mamnu jaanta hai "

" unka mus'tadal hai baaz unme se safar ziyarat ko maaz'allah zina ke darjah ko pahunchaate hain, agar masjid nabwi me jaate hain to salaat o salaam zaat ul aqdas nabwi (as) ko nahin padhte, aur na uski taraf mutawajjoh hokar dua maangte hain "

(shihab us saaqib page 45, 46)


" wahabiya kisi khaas imam ki taqleed ko shirk fi risaala jaante hain aur aimma arba . Unke muqallideen ki shaan me alfaaz waahiya khabeesa ( jhooton par allah ki laanat ) istemal karte hain, aur iski wajah se masail me wah ahle sunnat wal jamaat ke mukhalif ho gaye hain, chunke ghair muqallideen isi taifa wahabiya ke pairokaar hain, wahabiya najd wa arab agarchah izhaar daawa hambali hone ka iqrar karte hain lekin amal me unka hargiz jumla masail me imam ahmad bin hambal ke mazhab par nahi hai, balke wah bhi apne faham ke mutaabik jis hadith ko mukhalif fiqh khyaal karte hain unki wajah se fiqh ko chhod dete hain, unka bhi misl ghair muqallideen ke akaabir ummat ki shaan me alfaaz gustakhaana be'adabana istemaal karna maamool ho gaya hai "

(shihab us saaqib page 62)
al'gharz is tarah ki bahut si ibaraat hain jisme madni sahab ne khasiyat e ilaahi ko bila e taaq rakh kar saudia arab ke logon par kazzabaat wa aftara karke unko faasiq wa faajir qaraar diya hai


maulwi khaleel ahmad Ambethwi deobandi hanafi ne ( tasdeeqaat ladafa al talbisaat pg 28-29) me bhi isi taraf ke gul khilaaye hain,

aur ye mashallah wah kitab hai jiski tasdeeq karne walon me maulwi mahmud hasan khan, maulwi ahmad hasan amrohi, maulwi aziz ur rehman, mufti kifayat ullah dehlawi, maulwi ashraf ali thanvi,. Maulwi shabbir ahmad usmani, aur habiburrahman deobandi wagerah shamil hain,

(matbua daarul isha'at musaafir khaana karachi )


magar hamare deobandi bhai ko ghaliban wahan se sadaqaat wasool karne ka SHAUQ hai, jiski wajah se apne akaabireen ke bar'ashq hamko lalkaar raha hai ke

" aiyye imam e kaaba se insaaf karwa lete hain "


bhai ! Jab hamne poori haqiqat kholi toh yaqinan JOOTE munafiqeen ko lagenge, ham allah ke fazal se mahfooz rahenge.....INSHALLAH 


#UmairSalafiAlHindi
#IslamicLeaks

AHLE HADITH KE TAQLEEDI MASAIL KA JAYEZA (PART 3)

Bismillahirrahmanirraheem



AHLE HADITH KE TAQLEEDI MASAIL KA JAYEZA (PART 3)



Deobandiyyah hazraat farmate hain ke:-" ghair muqallideen ki namaz ki sharait hadith se nahi milti, sharait namaz me AHNAF ki taqleed karte hain "

(tohfa ahle hadith 92)


JAWAB:


1- Sharait namaz se aapki kya muraad hai ??

Agar wahi hai jo hanafi bayaan karte hain, toh aap pahle fursat me apne ustad mohtaram soofi abdul hameed sawati ki taaleef " namaz masnoom page 264-274" tak mutaala karen, jahan unhone quraan wa hadith se sharait namaz ko bayaan kiya hai, agar unke dalail sahi hain toh aapke aitraaz ghalat hain,

2- sharait namaz me ahnaaf ne, taharah badan, taharah syaab, taharah makaan, satar aurat, qibla ki taraf rukh, aur niyat ko shumar kiya hai,

ab aap saraahat se bayaan karen ke unme se kis cheez ka quraan wa hadith me dhikr nahi ??

Magar mujhe poora yaqeen hai ke aap kisi cheez ke mutaallik dawa nahi kar Sakte, haan ! Albatta aapne aage page no 16 me namaz ki niyyat ka dhikr zaroor kiya hai, halaanke islam ka dastoor wa kanoon hai ke:-" amaal ka daaromadar niyyat par mauqoof hai "

jaisa ki hadith me hai

(bukhari jild 1 page 2, muslim jild 2 page 140)


agar aap ki niyyat se muraad awaam un naas me maroof tareeqa zabaan se niyyat karne ka hai toh uska koi bhi ahle hadith qayel nahi, balke tamaam hi ise bidat kahte hain,

kyonki namaz ki ibteda nabi e akram sallalaho alaihi wasallam (pbuh) ' allahu akbar ' se karte they,

aur aapke khud banaaye hue alfaaz ada nahi farmate they,

3- jis tarah allah ke pyaare rasool nabi e akram sallalaho alaihi wasallam (pbuh) ne namaz ada ki hai wah tamaam tareeqa hi dar'asal sharait namaz se hai,

hz malik bin huwairish (ra) ko nabi e akram sallalaho alaihi wasallam (pbuh) ne namaz ke maamle me taaqeed karte hue farmaya

" tum namaz us tarah padho jis tarah tumne mujhko Namaz padhte hue dekha "

(bukhari, kitabul musaafireen hadith 63)

isse waazeh howa ke jo shakhs jaan bhoojh kar nabi e akram sallalaho alaihi wasallam (pbuh) ke tareeqe ke mutaabik namaz nahi padhta uski namaz nahi hoti,

maslan nabi e akram sallalaho alaihi wasallam (pbuh) namaz ka salaam ke saath akhtimaam karte they, ab agar koi shakhs salaam ki jagah par jaan bhoojh kar hawa khaarij kar de toh uski namaz bekaar hai,


KYA AHLE HADITH IBN HAJAR KE MUQALLID HAIN ??


Deobandiyah farmate hain ke:-" asma wa rijaal me ghair muqallideen imam ibn hajar ki taqleed karte hain "

(tohfa ahle hadith page 92)


JAWAB


1- Iska jawab sirf LANATULLAH ALAL KAAZIBEEN kaafi hai,

2- aapne imam hafiz ibn hajar (rh) ki kutub rijaal ka ghaliban mutaala nahi kiya, warna aisa daawa na karte

bhai unhone " tahzeeb aur lisaan" me aimma jirra wa tadeel ke aqwaal ko jama kiya hai, aur raawi ke 'siqa' wa ' dhaeef' par Dalail naqal kiye hain, unko qubool karna gawaahi ki zamare me aata hai, taqleed ki taareef is par fit nahi hoti,


3- jirrah wa tadeel ki buniyaad umoor mahsoosah yani masmu'aat wa masha'hedaat par hai, na ke qayaas wa ijtehaad par,

4- taqribam tamam muqaliddeen hazraat ahle hadith ko " ghair muqallid" ke naam se mukhatib karte hain,

deobandiyyah wazaahat karen ke ahle hadith ko ghair muqallid kahne me akaabireen deoband ka kaazib hain ya nahi ??


ROZA, QURBANI KI FARZIYAT:


Farmate hain ke:-" roza farz hai, qurbani farz hai, ye hadith me lafz nahi hai, ahnaf ki taqleed karte hain "

(tohfa ahle hadith 92)


JAWAB



1- Roze ki farziyat ka toh quraan kareem me waazeh bayaan hai

" ya aiyyu'hal lazeena aamanu kutiba alaikum siyaam "

Aur "kutiba" ka yahan maana sirf aur sirf farz hai,

bhala batao quraan chhodkar fiqh hanafi ki taqleed koi ahle hadith kar sakta hai ?

2- lagta hai aapne mishkaat bhi Nahi padhi, warna hadith me aata hai ke nabi e akram sallalaho alaihi wasallam (pbuh) ne farmaya ke:-" ramzan ul mubarak ka maheena aa gaya, allah taala ne uske roze tumpar farz kiye hain "

farz allah alaikum siyaam

( musnad ahmad, nisai ba'hawala mishkaat page 173)

iske elawa roze ki farziyat toh quraan se saabit hai, aap kisi ahle hadith madarsa me daakhila lekar pahle quraan paak ka tarjuma zaroor padhen


2- ahle hadith aur jamhoor ummat ke nazdeek qurbaani sunnat hai, yahi imam ahmad aur tahaawi ka qaul hai,

tafseel ke liye dekhen
(mir'aat jild 5 pg 71)


lihaaza aapka qurbaani ki farziyat ko ahle hadith ki taraf mansoob karna hi ghalat bayaani hai, aur ise ahnaaf ki taqleed me baawar karaana double jhoot hai,


NAMAZ E JANAZA KI TARTEEB:


deobandiyyah farmate hain ke:-" ghair muqallideen janaze me jo tarteeb rakhte hain ye tarteeb hadith paak me nahi hai, yani pahli takbeer ke baad 'sana' , taa'wuz, tasmiya, fatiha, agli surat, dusri takbeer ke baad durood ibraahimi, teesre takbeer ke baad 12,13 duwaayen ikatthi karna, ye tareeqa janaaza kisi sahih hadith se saabit nahi "

(tohfa ahle hadith pg 92)


JAWAB:


1- Sirf qiraat fatiha me akhtilaaf hai, baaqi tamaam cheezon me ishtaraaq hai, ek se zayaadah duwaayen ka padhna, ahnaaf ko bhi musallam hai

(masnoon namaz page 732)

isi tarah tarteeb bhi fariqain ke nazdeek ikhtalaafi nahi, kyonki iski hadith se taeed hoti hai,

hz abu umamah, sahal bin hunaif (ra) bayaan karte hain ke:-" namaz e janaza me sunnat tareeqa ye hai ke pahle takbeer kahi jaaye, uske baad surah fatiha padhi jaaye, phir nabi e akram sallalaho alaihi wasallam (pbuh) par durood bheja jaaye, aur durood ke baad khuloos niyat se mayyit ke haq me maghfirat ki dua ki jaaye, phir past aawaaz se daayen jaanib salaam phera jaaye aur qirat sirf pahli takbeer ke baad ki jaaye"

(musannaf abi razzaq jild 3 pg 489,490, ibn abi shaiba jild 3 page 296, al mahli ibn hajam jild 3 pg 353)

Ye hadith sunan nisai jild 1 pg 228 me bhi mukhtasar marwi hai , jisme hai ke:-" sunnat ye hai ke surah fatiha ko padhe phir teen takbeeren kahe aur aakhiri takbeer ke saath salaam phera jaaye,

is hadith ki sanad sahih hai aur isse tarteeb namaz e janaja saabit hai,

jaisa ke hz ibn abbas (ra) ki sahih hadith me hai

(nisaai jild 1 pg 228, baihaqi jild 4 page 38, ibn habban jild 6 pg 69)


2- namaz janaza me sana ka padhna kisi ahle hadith ka mauqaf nahi, al'gharz aapka is masle ko ahle hadith ki taraf mansoob karna jhoot hai, phir use taqleed kahna double jhoot hai


allah taala aapko jhoot bolne aur likhne ki buri aadat se toba ki taufeeq de.... Ameen

==========REPLY TO THE CHALLENGE BY HANFI ON AHLUL HADITH ============ REPLY OF AL L 14 ALLEGATIONS BASED ON QUR’AN AND HADITH

BISMILLAHIRRAHMANIRRAHEEM



1)//Ahle Hadith Janaze me Pahli takbeer ke baad, Sana, Fatiha aur Soora Parhte hain, //



Reply:- Aisha siddiqa ra se riwayat hai Allah ke Rasool sws Namaz shuru kerte to kahte “ Subhanaka Allahuma wa behamdika wa tabaraksmoka wa ta’ala jaddoka wa la ilaha gairoka :Tirmizi: 243



Talha bin Abdulllah ra kahte hai ke maine ibne Abbas ra ke piche namaze janaza parha unhone soorat Fatiha aur ek aur soorat parhi aur bulnad aawaaz se Qeraat ki hatta ke hum ne suna , jab faarig hue to fermaya ke ye sunnat aur Haq hai.Nisai: 1987, 74/4_________________________________________________________________



2)// Ahle Hadith Janaze me 1 se Jyada Dua parhte hain.//



Reply:-



“Allahumagfirli hayyena wa mayyetena , wa sageerena wa kabeerena, wa jakirena wa unsaana, wa shahedena wa gaibena , Allahuma man ahyaytahu minna fa ahyehi alal Imaan, wa man tawaffaytahu minna Fatawaffahu alal islam, Allahuma la tahrimna azrahu wala todillana baa’dahu. “Abu dawood 3201.



Allahumagfirlahu wa rahmatahu wa a’afehi, wa a’afo anho wakrim nuzulohu wa wassi’a mood khalahu wagsilhu bil maa’I was salji wal bardi wa maqqihi minal khataya kama naqqaayatas sauba al baida minad danasi wab dilhu daaran khairann min da’arehi , wa ahlann khairam min ahlehi, wad khilhul jannata wa a’aizhu min azabil qabre wa azabin naar.(Muslim 963)_________________________________________________________________



3) // Namaz Janaza me teesri takbeer ke baad jab Imam ek se jyada Duaaye perhta hai to Muktad aameen aameen kahte hain.//



REPLY: YE JHOOOT HAI, AISA , JISKO DEKHNA HO MAKKA MADINA ME JANAZA PARH KE DEKH LE,_________________________________________________________________



4)// Rafadain in Takbeerat of Namaz- Janaza:-//



Reply:- Abdula bin umar ra ne fermaya Nabi sws jab Janaze me Takbeer perhte to Rafa dain karte .Darqatani ( English, 2908.)_________________________________________________________________



5) Ahle Hadith Qunooot me hath utha ker duaa kerte hai.:-



Reply:- Koi Marfooh riwayat nahi hai Lekin kuch Sahabiyoo ke Aasaar mauzood hai ke wo hath utha ker Dua karte the.( Musannif ibne abi Shaiba )_________________________________________________________________



6) Duq Qunoot ke Ikhtamaam par mooh per haath pherna:-



Reply:-



Iski sunnat se koi Daleel nahi hai , Per Agar koi aisa karta hai to ye Biddat me shumaar nahi hai. Olemao ne aisa karne ko mana kia hai, islie Haram ya Ahle HAdith Masjido ke imam Qunoot ke baad Dua parh ke Chehre pe nahi daalte balke seedhe Rukoo me ya Sazde me jaate hain._________________________________________________________________



7)// Ahle Hadith shaheed ki Ghaibana Namaz Parhte hai.//



Reply:- Jis Din Nejaashi Faut huaa , Rasulullah sws Sahaba ke Saath Nikle , Saf Bandi ki Aur 4 Takbeerat ke saath Namaz Janaza Ada ki.{Bukhari:- 1254 } Kitabu Janazaa{ Muslim:- 951 } Kitabu Janazaa



Aur Fermaya ke “ apne bhai ki Namaz-e- Janaza Ada kero kyoke Ardh Ghair me Fout hua hai. {Ibne Maza:- 1537, Baab Aljanaza , Fil Salat ala Nejaashi }_________________________________________________________________



8)// Ahle Hadith Ek Maqaami Juban aur 1 Arabi Juban me dete hain.//Reply:-



Sare Hanfi Masjidoo me ye hota hai. Aur Alhamdolillah Saudi Arab aur tamam Arab Mulk ke Ahle Hadith Masjidoo me Sirf Arabic Juban me hi Khutba hota hai. Siwaye Asian Aur Western Cuntries ko choor ke.



Qur’an ka ishara dekhte hain.Aur humne koi Paigambar nahi bheja magar wo apni Qaum ki juban bolta tha take unhe Ahkam –e- Ilahi khool khool ke bata de.Ibrahim( 14:4)



Hadith



Rasulullah sws Khutba me Quran Parhte aur logo ko Naseehat kerte. (Muslim : 862)



HANFI FIQH DEKHO: Rad Mukhtar (4/522) Khateeb Arabic ke alawe bi kisi aur Language me Khutba de sakta hai.



Ab Fatwa Sheikh bin Baaz ka parho ( Fatawa ibne baaz 12/ 372 ) Ager Masjid me Non Arab jyada ho aur wo Arabic na samjhe to isme koi harz nahi ke khutba non Arabic language me dia jaye, ya khutba Arabi me den eke baad uska tarjuma ker dia jaye..!



Naseehate us jubaan me di jaati hai jo logo ko samajh me aawe.! Ye Samjhne waali baat hai. Jahil Hanfi khud ye kaam karte hai per hum pe ungli uthhate hai,_________________________________________________________________



9)// Ahle Hadith Tahajjud me alag Adhaan dete hain. //:--



REPLY:-



Rasulullah sws ne Farmaya “ Tumhe Bilal ki Adhaan Sehri khaane se na rooke , kyoke wo raat ko adhaan dete hain take Tahazud Parhne waala lout aaye, aur soone wala Khabrdaar ho Jaaye.(Bukhari. 621)(Muslim 1093)



Abdullah bin Umar ra Fermaate hai” doono Moazzino ke Dermeyaan sirf is qadar ka Waqfa hota tha k eek Adhaan de ker utarta aur doosra Adhaan ke lie Charh Jaata.( Muslim : 1092)_________________________________________________________________



10)// Ahle Hadith Rukoo me jane se pahle, Rukoo ke baad aur 2 rekaat ke tashhud se uthne ke baad rafadain karte hain.//REPLY:-- Abdullah bin umar r.a. Shuru Namaz me, rukoo se pahle rukoo ke baad aur do rekaate perh ker khara hote waqt Rafadain kerte the aur fermate the ke Rasulullah sws bhi isi tarah kerte the.{ Bukhari 739 }



Abu Dauood Kitabusalah: Hadith Number 721,722,723,726,727,728,729,730,733,738,739,741,742,743,744,745 sub kee sub mai Rafayadain ka zikar hai khud check



Bukhari say : Kitabul Azan & Kitabusalah: Bab Number: 474 476 477, hadith number 738,735 Muslim Hadith number:390,391



Saydena Ali r,a, Fermate hai Rasululah sws Namaz ke shuru me , rukoo me jaane se Pahle aur Rukoo se sar uthhane ke baad aur do Rekaate perh ker khare hote waqt Rafa dain kerte the.{ Abu Dawood 744, } {Ibne Maza 864} {Imam tirmizi ne sahi kaha 3423}_________________________________________________________________



11) Rasulullah sws ke Aakhri umr tak Rafadain nahi kerte the.



REPLY:- Waail bin Hazar R.a. Fermaate hai : Maine Nabi Akram sws ko dekha jab aap namaz shuru kerte to “ Allah Akbar” kahte aur apne dono haath uthhate, fir apna haath kapre me dhaank lete fir daya haath baye per rakhte. Jab rukoo kerne lagte to kapro se haath nikal lete “ Allah Akber “ kahte aur Rafadain kerte , jab rukoo se uthhte to “ Sameallah huleman Hameeda “ Kahte aur Rafadain kerte.{ Muslim 401 }



Wail bin hajar r.a. 9 Hijri 10 hijri me Rasullulah sws ke paas aaye. Lehaza ssabit hua ke Rasulullah sws 10 Hijri tak Rafadain kerte the , 11 Hijri me Nabi Rahmat sws ne Wafaat paayi._________________________________________________________________



12)// Ashra Mobasheereen se Rafadain Sabit kerna:-//Reply:-



Upar 2 Hadithe mil gai hongi jinme 2 khule Rasheen hain. Aur Rafadain ki kul 50 se Jyada hadithe maujood hai. Aur Rasulullah sws ki sunnat hone ke lie 1 hadith humare liye kaafi hai. Juroori Nahi ke har hadith har Sahabi se saabit ho tabhi wo Wajib e Aml hoti hai. Ye Mahaz Jahiliyat hai. Hadithe Hanfiyoo ki Juroorat ke Mutabiq nahi hoti, Balke Rasulullah sws aur Sahabiyo kea ml wa rawiyo ki yaad aur llm ke Mutaabiq hoti hai._________________________________________________________________



13)// Ahle Hadith Dua Qunoot ke Aakhir me “ Nastagfiruka wa natoobo Ilaik “ Parhte hain.//



Reply:- Bohtaan hai ye Ahle hadithoo pe.Ye Rasululah sws ki sikhai Dua Qunoot me Shamil nahi hai. Lehaza ye Izaafa hai aur hum ye nahi parhte.



_________________________________________________________________



14) //Ek Majlis me 3 Talaaq ko Rasulullah sws ne 3 kahi ya 1.?//



Reply:-Pahle to ye Quran ke khilaaf hai.Aye Nabi Musalmaano se kah do ke jab apni biwi ko talaaq dene lage to unki Iddat ko pesh nazar rakh ker Talaaq do. ( Soorah Talaq, 65: 1)



Abu Sahba ra ne Ibne Abbas ra se kaha” kya tumhe pata hai, Rasululullah sws ke zamane me 3 Talaaq 1 maane jate the , Aur Abu bakr ra ke zamane me bhi, aur Omar ra ke Khilafat ke 3 saal tak? Ibne Abbas ra ne jawab dia : Haa !Bukhari (English, Bk 9, 3492)_________________________________________________________________



===========HANFIYOO KE LIYE NASEEHAT QURAN KI==============So


qasam hai teray perwerdigar ki! Yeh momin nahi ho saktay jab tak kay tamam aapas kay ikhtilaf mein aap ko haakim na maan len phir jo faisla aap inn mein ker den inn say apney dil mein kissi tarah ki tangi aur na khushi na payen aur farmanbardari kay sath qabool kerlen.{ Nisa :- 65 }


ALLAH TAALA HIDAYAT DE...........AAMEEN

HADITH AUR QURAN

BISMILLAHIRRAHMANIRRAHEEM




HADITH AUR QURAN




Jis tarha Quran wahi hai Usi tarha Hadees bhi wahi hai, aur Rasul Allah sallallahu alaihi wasallam par Quran ke alawa bhi Wahi Nazil hoti thii, is haqiqat par khud Quran shahadat deta hai, Aur Allah ne Quran main Nabiyon par 3 Qism ki wahiyon ka zikar kiya hai



"Kisi Bashar ki ye Shaan Nahi ke Allah us se Kalaam karey magar 'Wahi' key Zariye Sey, Ya pardey ke peechey Sey, Ya kisi Farishtey ko uskey paas bheyj dey, Taa'ke Apne Hukm ke mutabiq Jo Wahi chahe kardey, Beshak Allah sob se buland aur Hikmat wala hai, aur isi tarha Humne Aapki taraf apne hukm se Ruh (Quran aur uska Bayaan) ko Utara hai"(Ash-Shura 42, Ayat 51)



Malum huwa ke Kisi Rasul ya Nabi par Allah ke Ahkaam nazil hone ki 3 surten hai, magar Quran majid ki wahi sirf teesri aur Aakhri Qism ki Wahi hai, khud Quran iski Wazahat karta hai, jaise Allah ne farmaya "Aap kahdijiye ke Jo koi bhi Jibrail ka Dushman hai, Wo Jaanley ke Jibrail wo hai jisne Allah ke hukm se Aap ke Dil par ayesa Kalaam nazil kiya hai Jo pahli Aasmani Kitaabon ki tasdiq karne wala hai aur Iman walon ke liye Hidayat aur khushQabri hai"(Bakhra, Ayat 97) Isi tarha iska zikar Surah Shu'ara 26, Ayat 192-194 main bhi hai......



Is Ayat se bhi sabit hai ke Quran Wahi ki teesri Qism hai, Jo Hazrat Jibrail As key Zariye se Nabi Sallallahu alaihi wasallam par Nazil huwa, Bakhi 2 Qism ki Wahiyan bhi hai Jinke Zariye Allah apne Nabiyon aur Rasoolon par Wahi karta hai, Malum huwa k Hadees teenon Qism ki wahi k Zariye Nazil huwi hai jabke Quran sirf teesri Qism ki wahi hai, Aur agar koi ye kahta hai ke Nabi sallallahu alaihi wasallam par Sirf Quran hi nazil huwa, to Ayesa Shakhs khud Quran ki taleem ke khilaaf Jata hai, aur Quran main ayesi kayi Aayaten hai jinse sabit hota hai ke Nabi sallallahu alaihi wasallam par Quran ke alawa bhi Wahi Aati thi, jaise Allah ne farmaya



"Aur Jab Nabi ne Apni Kisi Biwi se ek Baat chupa kar (Raaz ke taur'par) kahi, Magar usne Wo Baat kisi Aur Biwi ko Bataadi, Aur Allah ne Nabi ko iski Khabar kardi to Nabi ne us baat ka kuch Hissa bataya aur kuch nazar andaaz kardiya, phir jab Nabi ne us biwi ko baat batayi to Wo puchney lagi ke Aap ko kisne khabar Di? Farmaya ke Mujhe Alim o khabir ne Bataya hai"(Surah Tahrim 66, Ayat 3)



Lekin Poorey Quran main koi ek Ayat bhi ayesi Nahi hai, Jiske Zariye Allah ne Apne Nabi sallallahu alaihi wasallam ko ye khabar Di ho ke Aapki Biwi ne Aap ke Raaz ki baat Dusri Biwi se Kahdi, Quran main to Ayesi koi Ayat nahi milti, Malum huwa ke Rasul Allah sallallahu alaihi wasallam par Quran ke ilawa bhi Allah ki taraf se Wahi Aati thi.........



"Jab tum Apne Rab se faryaad kar rahey they to Us

ne tumhari faryad suni aur Jawab diya thaa ke "Main tumhari madad ke liye ek (1) hazaar farishtey lagataar bhej raha hun"(Al-Anfal 8, Ayat 9)



lekin Allah ki taraf se Musalmanon ki Faryad ka ye jawab Quran main kahin nahi hai, sabit huwa ke Nabi sallallahu alaihi wasallam par Quran ke ilawa bhi Wahi Aati thi.........



Aur Quran Majid Rasul Allah sallallahu alaihi wasallam par ek hi dafah Nazil nahi huwa balke thora thora kar ke Nazil huwa hai, Allah ne farmaya "Aur Hum ne is Quran ko thoda thoda karke Nazil kiya hai taa'ke Aap use waqfe waqfe se logon ko Sunate rahe aur use Hum ne ba-tadreej utara hai"(Bani israil, Ayat 106)

aur iska zikar surah Furqan, Ayat 32 main bhi milega, aur hum jante hai ke sobse pahli Wahi to Surah Alaq ki ibtedayi 5 Ayaten hai magar Quran ki maujuda tarteeb main sobse pahle Surah Al fatihah rakhi gayi hai Jabke Rasul Allah sallallahu alaihi wasallam ne Quran majid ki Nuzuli tarteeb ko apni Marzi se tabdeel nahi kiya balke Ayesa karna Namumkin thaa, Allah ka irshad hai



"Jin logon ko Hamare paas Aaney ka yakheen nahi hai unho ne (Rasul Allah sallallahu alaihi wasallam) se kaha ke Iske ilawa koi aur Quran ley Aao, Ya ise badal do, Aap kahden ke ye Mujh se nahi hosakta ke main ise apni taraf se badal dun, main to bas in Ahkaam ki pairvi karta hun Jo mujhe wahi k zariye pahunchte hai"(Yunus 10, Ayat 15)



"Is Quran ko Jamah karna aur ise Zuban se padha dena Hamare Zimmey hai"(Al-Qiyamah 75, Ayat 17)



Malum huwa ke Quran ki Maujuda tarteeb Allah ki hidayat ke Mutabiq hai aur Nabi sallallahu Alaihi wasallam ne ye apni Marzi se Nahi kiya, ab sawal ye hai k Quran main hamey ye hukm kahi nahi milta ke Uski Aayaton aur Surton ko Jamah karke Ayesi tarteeb se Joda jaye k sobse pahley surah Al Fatihah Rakhi jaye aur sobse Akhir main Surah An-Naas Rakhi jaye, lekin Quran main to Ayesa koi Hukm maujud nahi hai, Is se Sabit huwa ke wo "Wahi" Quran ke Ilawa thii, aur uski Tarteeb Quran k ilawa kisi aur Wahi ke Mutabiq Rakhi Gayi



Quran majid main Allah ne Qibley ki tabdili ka Waqia bayan kiya hai



"Aur Jis Qibley par Aap (Abtak) they, use to Humne isliye Muqarar kiya thaa ke ye Zaahir karden ke Kon Rasul ki Pairvi karta hai aur kon ulthey paa'un phir Jata hai"(Bakhra, Ayat 143)



Is Ayat se ye Sabit hota hai ke Allah ne khan e khaba ko Qibla bananey se pahle Musalmanon k liye ek Aur Qibla yahni Bait ul Muqaddas muqarar farmaya thaa, taa'ke Wo uski taraf Muh karke Namaz padha karen, magar Quran ki kisi Aayat main bait ul Muqaddas ki taraf muh karke Namaz padhne ka Hukm nahi hai, lekin Allah ne Use apni taraf Mansoob farmaya hai, manna padega ke Aap sallallahu alaihi wasallam par Quran k alawa bhi Wahi Aati thi............



Jang e badar ke khaatmey par Jab maal e Ghanimat ki taqseem ka Maslah paida huwa to Surah Anfaal Nazil huwi



"Aur tum log us Waqt ko yaad karo Jab ke Allah tumse un do Jamaaton main se ek ka "Wada" karta thaa ke wo tumhare Haath Aajayegi aur tum is tamanna main they ke ghair Musallah Jamaat tumhare haath Aajaye, aur Allah ko ye Manzoor thaa ke apne Ahkaam se Haq ka Haq hona sabit karde aur Kafiron ki Jad kaatkar rakh dey"(Anfaal, Ayat 7)



Purey Quran main koi Ayat ayesi Maujud nahi hai jisme Allah k us wadey ka zikar ho ke "Aye logon Jo Madiney se badar ki taraf Jihad k liye Jaarahe ho, Hum 2 grohon main se 1 par tumhe Khaabu ata farmayenge, is Ayat main jis wadey ki Taraf Isharah hai, wo Waeda Quran main kahin nahi hai, sabit huwa ke Rasul Allah sallallahu alaihi wasallam par Quran k alawa bhi Wahi Nazil hoti Thii.......

Tab hi to Allah ne Rasul sallallahu alaihi wasallam ki Ita'at ko Apni Itaat kaha hai



"Jisne Rasul ki Ita'at ki Usne Allah ki Ita'at ki"(Nisa 4, Ayat 80) aur farmaya "Aye Muhammed! Tumhare Rab ki Qasm, log us Waqt tak Momin nahi hosakte jabtak ke Apne tamaam bahmi Ikhtilafaat main tumko Faislah karne wala Na Maanlen phir Jo bhi faislah tum karo, uspar Apne Dilon main koi tangi mahsoos na Karen balke Dil o Jan se Tasleem karlen"(Surah Nisa, Ayat 65)



"Jo Shakhs Allah aur Uske Rasul ki Ita'at karega Use Allah un Jannaton main Dakhil farmayega Jinke Neechey Nahrein Beh rahi hongi aur Jo shakhs Allah aur Rasul ki Itaat se Muh Pherega Wo use Dardnaak Azaab deyga"(Al-Fath 48, Ayat 17)



"Yaqinan Tumhare liye Rasul Allah (sallallahu alaihi wasallam ki Zaat) main bahtareen Namuna Maujud hai, Har us shakhs ke liye Jo Allah ki aur Qayamat ke Din ki tawakka rakhta hai aur bakasrat Allah ki Yaad karta hai"(Ahzab 33, Ayat 21)



Maine sirf kuch Ayaten Quote kiya hai, jab ke Ayesi kayi Aayaten hai jinse Muhaddisin ne Munkarin e Hadees ko Muh tor Jawab diya hai......



Allah tamaam Musalmanon ko Fitnon se bachaye aur Seedhi Rah par Chalne ki taufiq ata farmaye Ameen ya Rabbal Alameen