ROZE'DAR KHWATEEN KE NAAM: (Last part)

Bismillahirrahmanirraheem

ROZE'DAR KHWATEEN KE NAAM: (Last part)

4- Islami Bahno ! Bazaar Jaane Aur Marketing Se Parhezz Karen, Aztaraari Soorat Me Agar Ghar Se Baaher Nikalna Ho Ya Bazaar Jaana Ho Toh Be Pardah Make Up , Scent Aur Khushboo Laga Kar Na Niklen,

Jo Ayyam Ghuzar Jaate Hain Wah Dobara Laut Kar Nahin Aate Hain Kya Maalum ye Sunehra Mauqa Zindagi Me Dobara Aaye Ya Na Aaye..

Lihaza Jo Kaam Mufeed Aur Sood'mand Na Ho Usme Apne Waqt Ko Zaaye Na Karen,

5- Meri Pyari Bahno ! Allah Taala Ki Taameel Zaroori Hai Toh Pardah Ye Allah Ka Huqm Hai,

Allah Taala Ke Farman Ki Taameel Karte Hue Ba'hijaab, Baalon Ko Dhal Kar Nikla Karen Taake Allah Ki Raza Wa Khushnoodi Haasil Karke Jannat Ka Parwaana Le Len..

6- Islami Bahno ! Ye Jaan Lo Ke Har Ek Ki Maut Ka Muqarrar Waqt Hai, Aur Ho Sakta Hai Ke Ye Ramzaan Aapki Zindagi Ka Aakhiri Ramzaan Ho, Kyonki Zindagi Allah Taala Ke Haath Me Hai,

Pata Ni Kab Ghaflat Ki Haalat Me Maut Aa Jaaye,

Ramzaan Ul Mubarak Ka Maheena Gunaahon Se Tauba Wa Istaghfar, Dua Ki Qubuliyat Wa Maghfirat Ka Maheena Hai,

Lihaza Is Pur'bahar Maheene Ko Apne Liye Ghaneemat Jaan Kar Zyadah Se Zyadah Tauba Wa Istaghfar Me Mashgool Rahen,

Maloom Nahin Aindah Is Pur'bahaar Mausam Ke Fuyooz Wa Barkaat Se Lutf Andoz Hone Ka Mauqa Mile Ya Na Mile..

7- Islami Bahno ! Maah E Ramzaan Ke Bahut Se Faayede Hain, Inme Se Ek Khaas Aur Aham Faayeda Ye Hai Ke Roza ek Tarah Ki Roohani Wa Akhlaaqi Training Wa Tarbiyat'gaah Hai,

Nez Roza Ek Tarah Se Refresh Course Ka Bhi Kaam Karta Hai,

11 Maheenon Me Jab Musalman Ki Quwwat Amali Me Kamzori Aa Jaati Hai Toh Allah Taala Apni Inaayaton Ka Maheena Naazil Farmata Hai,

Ramzan Ul Mubarak Ki Aamad Musalmano Ko Dobara Naye Josh Wa Kharosh Wa Nayi Taaqat Se Dobara Maidaan E Amal Me La Khada Karta Hai,

Toh Muslim Bahno! Aap Is Muqaddas Maheene Me Zaroorat Se Zyada Apna Waqt Ibaadaat Me Lagaaye, Aur Apna KeeMti Waqt Zaaye Na Karen,

Zikr Wa Azkaar, Tilawat Quraan Aur Dusri Nekiyan Khoob kiya Karen, Aur Faaltu Kaamo Se Parhez Karen..

7- Islami Bahno ! Ye Maheena Khair Khwaahi , Shafqat Wa Hamdardi Ka Maheena Hai, Waalidain Wa Rishtedaaron Ke Saath Husn Sulook Wa Nek Rawaiyya Akhtiyar Karo..

10- Apne Shauhar Ki Itaaat Wa Farma'bardari Karo, Unse Ladaai Jhagde se Ghurez Karo, Umoor khaana'daari Wa Gharelu Kaam Acche Taur Se Anjaam Deti Raho, kisi Kaam Me Kotaahi Wa Susti Na Barto, Aur Na Hi Adhura Chhodo, Kyunke Tun Ghar ki Zimmedar Nigran Wa Mallika ho..

11- Apni Aulaad Ki Tarbiyat Par Zyadah Se Zyadah Dhyan Do,

Aapki Thodi Si Tawajjah Aapke Jigar'goshon Ko Amaal E Sualeh Ka Aadi Bana Degi,

Bachpan Me Hi Unme Imaan E Tawheed Ki Rooh Phoonk Do,

Bachpan Hi Se Unki Ghutti Me Imaan E Risaalat Wa Aqeedah E Tawheed Aisa Racha Basa Do Ke Un Ke Baad Me Unke Imaan Me Laghzish Na Aane Paaye Aur Na Unke Kadam Kisi Tarah Dagmagaayen,

Aap Hargiz Un Aurton Me Se Na Bano Jo Sirf Apne Bacche Ke Khaane Peene Ka Ehtemam Karti Hain Aur Unhe Apni Aulaad Ke Akhlaaqi Wa Deeni Tarbiyat Ki Qatai Fikr Ni Hoti....

The End

( Maimoona Mahmood Idrees)

Apno Ki Laashon Ke Dheron Par Takht Sajaaya Jo Tumne

" Apno Ki Laashon Ke Dheron Par Takht Sajaaya Jo Tumne,

Aur Khoon Ke Bahte Dariya Me Ek Jashn Manaya Jo Tumne,

Wo Jashn Chalega Kitne Din, Is Takht Ki Muddat Kitni Hai ??

Ghairat Ki Qeemat Par Sun Lo, Jo Taj Khareeda Jaata Hai,

taarekh Ke Safen Poochte Hain, Us Taj Ki Muhlat Kitni Hai ??

 

Millat Ki Quba Tukde Tukde, Aur Laash Padi Beghairo Kafan,

Zakhmon Se Dilon Me Dard Utha, Us Dard Ki Shiddat Kitni Hai ??

 

 Islam Ke Shaaho Batlaao, Jahan Muslim Betiyan Bikti Hain,

Jo Khud Tumhi Ne Tanwaaye, Un Neelaam'gharon Ki Qeemat Kitni Hai ??

 

Yah Raat Andheri Khaak Basar, Chasm- girya Zanzeer Bakaf,

Ye Pooch Rahen Hain Aabla Pa, Ab Aur musaafat Kitni hai ??

 

Yah Muslim Sab Hi Ghaazi Hain Aur Allah Raazi Hai Sabse,

Imaan Ki Haalat Kaisi Hai, Iman Ki Shohrat Kitni Hai ??

 

Jo Sar Ko jhukaaye Saf Aara, Marne Ko Hain Taiyyar Khade,

Koi Haath Pakadkar Qaatil Ka, Dekhen Toh Zurrat Kitni Hai ??

 

Main Gham Ke Sutoono Par Qaayem, Khusyion Ki Aarzi Deewarein,

Apne Anjaam Se Be'parwah, Ghaafil Ye Millat Kitni Hai ??

 

Kabul, Pelestine......Aur Chechen Se Barma Tak Ladte,
 

Chand Allah Walon Ki, Dahshat'gardon Ki Dahsahat Kitni Hai ???

 

Jab Haath Uthega Beti Par, Toh Kisse Poochne Jaoge ??
 

Uski Asmat Ko Bachaane Ki, Khud Mujhe Ijaazat Kitni Hai ??

 

Eema Ki Haraarat Se Khaali, Yah Daawe Kaam Na Aayenge,

Kuch Taul Ke Baazu Dekh Apne, Haathon Me Quwwat Kitni Hai "

AULAAD KE HUQOOQ--CHHOTON AUR BADON KE HUQOOQ:

Bismillahirrahmanirraheem 




CHHOTON AUR BADON KE HUQOOQ: 



Jis Tarah Waalidain Ke Aulaad Par Huqooq Hain Usi Tarah Aulaad Ke Kuch Huqooq Waalidain Par Bhi Hain, 

Dusre Mazham Me Maa Baap Ke Huqppq Ki Toh Nishaan'dehi Ki Hai Lekin Aulaad Ke Huqooq Ke Maamle me kuch Ni Kaha, 

Islam Ko Chunki Har Tabqe Ke Afraad Ki Kaarkardgi Ki Islaah Karna Aur Mu'aashre Me Aitedaal Qaayem Karna Tha, Lihaaza Isme Aulaad Ke Mutaallil Bhi Waalidain Ko Paaband Kiya Gaya Hai, 

Iski Buniyaad Sayyedena Hz Anas (ra) Se Marwi Wah Hadith Hai 

Jisme Nabi e Akram sallalaho Alaihi wasallam Ne Farmaya "Jo Hamare Chhote Par Shafqat Na Kare Aur Bade Ki Izzat Na Kare Wah Ham Mese Nahin"

 (Tirmizi 1919, Musnad Ahmad 2/207) 

Nabi e Akram sallalaho Alaihi wasallam Ka Yah Irshaad E Mubarak Chhoton Aur Badon Ke Aapas Ke Huqooq Ki Buniyaad hai,

 Is Taaleem Ke Zariye Se Islam Ne Maathat Afsaron, Mulaazimon, Aaqaaon ; Buzurgon, Aur

Azeezon Me Rabt Wa Zabt Ki Shaandar Imaarat Qaayem Ki Hai,

1- ISLAM SE PAHLE WAALIDAIN KI SANG'DILI AUR ISLAM KI TAALEEM:

Islam se Pahle Ahle Arab Apne Ladkiyon Ko Zinda Dafan Kar dete They,

Hindu Bhi Apni Ladkiyon Ko Qatl kar dete they,

Bewaon Ko Khud'kusi Karne par Majboor Kiya Jaata Tha, Usko sati Ki Rasm Kaha Jaata Tha,

Islam Ne Is Tamam rasmon Ko Khatm kar Diya,

Aulaad Ko Maar Daalne Ki Bajaaye Unki Hifaazat Ka Huqm Diya,

Allah Taala Farmata Hai

" Aur Apni Aulaad Ko Tang'dasti" Ki Darr Se Qatal Na Karo, Ham Hi Tumhe Aur Unhe Rizq Dete Hain"

(Surah Anaam 151)

Matlab Yah Hai Ki Waalidain Ka Aulaad Par Pahla Haq Yah Hai Ki Wah Unki Hifaazat karen,

Aur Us Pahle Haq Me Yah Shaamil Hai Ki Maayen Apne Bacche Ko Dhoodh Pilaayen, Kyonki Usi Dhoodh Se Unki Nasho'numa Hogi,

Unke Andar Kuwwat Wa Tawaanaayi Aayegi Aur Yun Unki Hifaazat Hogi,

Maaon Ke Us Haq Ko Allah Taala Ne Yun Bayan Farmaya Hai

" Maayen Apne Aulaad Ko 2 Saal Kaamil Dhoodh Pilaayen Jinka Iraada Dhoodh Pilaane Ki Muddat Poori karne ka Ho Aur Baap Ke Zimme Dastoor Ke Mutabik Un Maaon Ka Roti Kapda Hai "

(Surah Baqarah 266)

Agar Maa Kisi Wajah se Bachhe Ko Dhoodh Nahin Pila Sakti , Toh Islam Ne Yah Ijaazat Di Hai Ki Waalidah Ke Elaawa Dusri Aurat Bacche ko Dhoodh Pila De, Use Razayi Maa Kahte Hain,

Islam Me Razaayi Maa Ka Darja Bhi Kareeban Haqeeqi Maa Ke Baraabar Hai,

Maa Bimari aur Kamzori Ki Soorat Me Apne Bacche Ki Aam Dhoodh Se Bhi Parwarish Kar Sakti Hai, Maqsad Mu'ayyan Muddat Tak Dhoodh Pilaana Hai Taaki Uski Nasho'numa Munaasib taur Par Ho,

Waalid Par Farz Yah Hai Ki Bacche Aur Uski Walidah Ki Kafaalat Kare, Unke Kharch Bardaasht Kare,

Nabi e Akram sallalaho Alaihi wasallam Ne farmaya

"Jo Raham Nahin Karta, Us Par Raham Nahin Kiya Jaayega"

(Sahih BuKhari 5997)

Sayyida Hz Aisha (ra) Bayan Karti Hain Ki
Ek Dehati Nabi e Akram sallalaho Alaihi wasallam Ke Paas Aaya Aur Poocha:-" Kya Aap Bacchon Ko Choomte Hain? Ham Toh Unko Nahin Choomte"

Nabi e Akram sallalaho Alaihi wasallam Ne Farmaya:-" Agar Allah Ne tere Dil Se Rahmat Ko Nikaal Diya Hai Toh Main Tere liye Kya Kar Sakta Hoon"

(Sahin Bukhari- 5998)

Waalidain Par Aulaad Ka Ek Haq Yah Bhi Hai Ki Apni Aulaad Ke Darmiyaan Tafreek Na kare, 

Kyonki Nabi e Akram sallalaho Alaihi wasallam Ne Aulaad Ke Darmiyaan Musaawat Qayem Karne ka Huqm Farmaya Hai ,

Jaisa Ki Ek Sahabi Ne Apne Beton Mese Kisi Ko Ek Ghulam Hiba (gift) Kiya, Chaahte they Ki Us Baat Par Nabi e Akram sallalaho Alaihi wasallam Gawaah Hon,

Aap Nabi e Akram sallalaho Alaihi wasallam Ne Unse Poocha :-" Kya Tumne Apne Har Bete Ko Ek Ghulam Hiba Kiya Hai?"

Unhone Arz Kiya:-" Ji Nahin"

Nabi e Akram sallalaho Alaihi wasallam Ne Farmaya :-" Main Aise Zaalimaana Atiye Par Gawah Nahin Banunga "

(Sahih Bukhari -2604, Sahih Muslim- 1623)

Hamare Yahan Baaz Waalidain Yah Karte Hain Ki Kisi Ek Ladke Ke Zer e Asar Hone Ki Wajah Se Ya Unki Khidmat Se Mutaassir Hokar Apni Jaaydad Apni Zindagi Hi Me Uske Naam Kar Dete Hain, Aisa Karna Mu'allime Insaaniyat Nabi e Akram sallalaho Alaihi wasallam Ki Taalimaat Ke Khilaaf Hai,

Ladka Maa Baap Ki Khidmat Karta Hai Toh apna Farz Ada Karta Hai Us Farz Ki Adaauegi Ke Silsile Me Wah Jannat Ka Haqdaar Banta Hai,

Lekin Waalidain Ke Liye Munaasib nahin Ki Adal Wa Insaaf Ka Pahlu Haath Se Jaane Den Aur Kam Khidmat Karne Waale Nalayak Aulaad Ko Jaaydaad Se Mahroom Kar den,

Unki Yah Mahroomi Kya Kam Hai Ki Waalidain Unko Pasand ni Karte,

Aulaad Ka Ek Haq Yah Hai Ki Waalidain Unki Rizq E Halal Se Parwarish Karen,

Maayen Bhi Yah Khyaal Rakhen Ki Ayyam e Hamal Aur Dhoodh Pilaane Ke Dino Me Bacche Ki Parwarish Haram Maal Se Na Ho, Yaani  Maa Baap Halal Luqma Hi Khaayen,Warna Baccha Bada Hokar Haram Aur Halal Me Tameez Nahin Kar Sakega,

Iski Misaal Mulaaheza Kijiye,

Sayyidena Hz Abu Hurairah (ra) Bayan Karte Hain Ki

" Sayyidena Hz Hasan (ra) Chhote se They, Unhone Sadqe Ki Ek Khajoor Uthaakar Muh Me Daal Li. Nabi e Akram sallalaho Alaihi wasallam Ne Muh Me Ungali Daalkar Fauran Ugalwaayi Aapne Us waqt Farmaya Ki Sadqa Aal E Muhammad Par Haraam Hai"

(Musnad Ahmad 2/279)

Is Misaal Se Waazeh Hota Hai Ki Aulaad Ke Liye Paak Aur Halal Khuraak Ka Muhayya Karna Bhi Waalidain Ke Zimme Hai,

Waalidain Khud Bhi Halaal LUqma Khaayen , Tab Hi Wah Aulaad Ko Halal Khila Sakenge...

To Be Continued...

TAWHEED KI QADR

Bismillahirrahmanirraheem






Tawheed Ki Qadr Poochni hai Hai Toh Unse Poocho ! Jo Shirk ki Bastiyon Se Nikal Kar Tawheed Ki Bulandion Par Aaye,

Kaaba Ke Rabb Ki Qasam ! Tum Zindagi Ke Aakhiri Lamhaat Tak Khuda Ka Shukr Karte Raho, Toh Uske Kiye Hue Inaam Ka Shukr Ada Ni kar Sakte Ke Allah Ne Tumhe Apni Tawheed Ka Aalam bardar banaya hai..

Khata'kaaron ! Ek din Aayega Ke Tauheed Waale Ko Apni Tauheed Ki Ghairat Aayegi.

Kahega Apne farishton Ko Ke Jaao, Mujhse Apne Bandon ka Jahannum Me Jalte Hue Dekhna Gawaara Ni Kiya Jaata, Jinhone Mere saath Kabhi Shirk ni kiya.

Kahenge Allah Ye bade Gunaahgaar they Unhone Bade Jurm Kiye,

Allah Farmaayega Bade Bade Jurm Kiye Magar Mere Saath Shirk toh Ni kiya tha,

Farishtey Kahenge Allah Ye Jal kar Khaak Ho chuke honge Unki Haddiyan Koyla Ho Gayi hain, Unke chamde Jal gaye hain, Unke Chehre Badal Gaye Hain.. Unke Jismon Me toh koi Baal nahin Raha,

Allah Inko Jahannum se Nikaal kar kiya karenge,

Allah paak Farmaayege Mujhe Meri Khuda'wandi Ki Qasam hai, Main inko JaNnat Ki Naharon me Gote De de kar Is Tarah Kar dunga Jis Tarah Maa ke Pet se Aaj Hi Phoolon Ki Tarah Paida Hue Hain.

Inhone Mere Saath Kisi Ko Shareek Ni Kiya, Aur Maine Inko Ruswa Na karne Ka faisla Kar rakha hai,

Aaj Jitni Bimaariyan Hain Hamare Mulk Ki , Hamare Afraad Ki, hamri Qaum Ki, Hamari Millat Ki.

In Saari Bimaarion Ki Asal Jadh Shirk Hai

(Allama Ehsan illahi zaheer, Quran wa Sunnat Conference, Sialkot 29 feb 1987)

EK DIN ME EK QURAN KHATAAM KARNE KA WAKIYA--(FAZAIL E KARAAMAT)

EK DIN ME EK QURAN KHATAAM KARNE KA
WAKIYA




Aur Murde ko Alag Alag tareeka se Dekhna aur bakshis karne ka bayan bina Quran Hadees 



Ek nek aurat ka kissa roz me likha hai jisko bahita kahte the badi kasrat se ebadat karnewali thi
jab iska inteqal hone laga to isne apna sir aasman ki taraf uthaya aur kaha aye wo zaat jo mera tosa aur zakhira hai aur isi par mera zindagi aur maut me bharosa hai mujhe marte waqt ruswa na kijyo aur Qabar me mujhe wahsat me na rakhiyo jab wo inteqal kar gaye to iske ladke ne ye ahtemaam shruu kardia k har jumuah ko wo maa ki Qabar par jaata aur Quran Shareef padkar isko Sawab bakshta aur uske liye aur sabqabrastan walon
k liye dua karta ek din us ladke ne apni maa ko khwab me dekha aur poocha amma tmhara kia
haal hai maa ne jawab dia maut ki sakhti badi sakht chiz hai mai Allah ki rehmat se Qabar me badi
rahat se hu Rehan mere neeche bichi hue hai resham ki takiya lagehue hai qayamat tak yahi
bartao mere sath rahega bete ne poocha ki koi khidmat mere layak ho to kaho isne kaaha tu har
jumuah ko mere pass aakar quran padta hai usko na chorna. Jab tu aata hai sare Qabrastan waley
khush hokar mujhe khus khabree dene aatey hai ki tera beta aagaya mujhe bhi tere aane ki
badi khushi hoti hai aur insab ko bhi bohat khushi hoti hai. wo ladka kahta hai mai isi tarha har
jumuah ko ahtemaam k sath jaata tha. ek din maine khwab me dekha k bohat bada majmua
mardon aur aurton ka mere pass aaya to maine poocha tmkaun log ho wo kahne lagey hum falan Qabrastan k
aadmi hai hum tmhara shukria aada karne aaye hai tm jo har jumua ko mere pass aatey ho aur
humare liye duaein maghfirat karte ho isse humko badi khusi hoti hai isi ko jaari rakhna 

Iske bad se maine aur bhi zyada aitemaam iska shhruu kardia. 

Ek aur aalim farmate hai

 ek shkas ne khwab me dekha k ek Qabrastan ki sab Qabrein ekdum shak hogaye aur murde inme se bahar nikal kar zameen per se koi chiz jaldi jaldi chun rahe hai lkin ek shaks fareekh baitha hai wo kuch nahi chunta
maine iske pass jakar salam kia aur isse poocha kye log kia chun rahe hai is shaks ne kaha jo log kuch
sadqa dua darood waghaira kar k is abrastan walon ko bhejte haiiski barkaat samet rahe hai maine kaha
tm q nahi chunteisne kaha mujhe issey Istaghna hai mera ek ladka hai jo falan bazaar me jalabiya
(halwa ki e kisam hai jo moo ko chipakjaati hai) becha karta hai wo rozana mujhe ek quran shareef
padhkar bakshta hai main subha ko uth kar is bazaar me gaya. maine ek naujawan ko dekha wo jalabiya farokh kar raha hai aur uske honth hil rahe hai. maine poocha tumkiya pad rahe ho usne kaha
mai rozana EK QURAAN PAK KHATAM KAR K APNE
WALID KO HADYA PESH KIYA KARTA HU.

 is kissa k Arsey baad maine phir ek martaba is Qabrastan k admion ko isi tarha chunte dekha aur is martaba is
shaks ko bhi chunte dekha jisse pahli martaba bat hue thi. Phir meri ankh khul gaye mujjhen ispar taajjub tha subha uth kar phir mai isi bazar me gaya tahkeek se maloom hua is ladke ka inteqal hogaya 


Hazrat saleh marii farmate hai k mai ek martaba jumua k shab k aakhir raat me jamah masjid ja
raha tha takey subha ki namaz wahan padhu subha me dere thi rasteme ek Qabrastan tha main
wahan ek qabar k kareeb baith gaya baith te hi meri ankh lag gaye maine khawab me dekha sab
qabrein sakht hogaye aur isme se murde nikal kar hasi khushi batey kar rahe hai unme se ek
naujawan bhi qabar se nikla jiske kapde maile aur wo maghmoom sa ek taraf baith gaya. 

Thodi dadre me aasman se bahut se farishte utre jinke hantho me khwan the jinper noor k rumaal dhake hue
they wo har shaks ko ek pann dete they aur jo khwan leleta unhadya k jo zinda log apne apne
murdon ko bhejte hai mere koi aur tohai nai jo bheje ek walda hai magarwo dunya me phas rahi
hai usne dusri shaadi karlli hai wo apne khwaban me mashgool rahti hai mujhe kabhi bhi yaad
nahi karti maine issey iske ladke ko poocha aur ye khwab ussey suanaya is aurat ne kaha
beshak wo mera ladka tha mere jigar ka tukda tha meri god uski bistar tha iske baadis aurat ne mujhe ek
hazaar dirhaam diye ki mere ladke aur mere ankhon ki thandak k liye isko sadqa kardena aur
mai ainda hamesha usko duaaur sadqa se yaad rakhungi kabhi na bhulungi.




Book FAZAIL AMAAL Jild .no 1.PAGE NO
96-97-98