HZ UMAR FAROOKH (RA) KE DAUR E KHILAAFAT ME KAHAT (DROUGHT) KA EK MANZAR:

Bismillahiirahmanirraheem

HZ UMAR FAROOKH (RA) KE DAUR E KHILAAFAT ME KAHAT (DROUGHT) KA EK MANZAR:

Sayyedena Umar Farookh (Ra) Ke Daur E Khilaafat Me Ek Baar Madeena Munawwara Aur Aas Paas Ke Elaaqon Me Qahat'saali (Drought) Hui,

Hawa Chalti Toh Har Waqt Khaak Udti Nazar Aati,

Chunanche Us Saal Ko "Aam Ul Ramadah" Yani Khaak Udne Ka Saal Kaha Gaya,

Sayyedena Umar Farookh (Ra) Ne Qasam Khaayi Ke Wah, Ghee, Dhoodh Aur Ghost Us Waqt Tak Istemaal Nahin Karenge Jab Tak Log Pahle Jaisi Zindagi Par Na Laut Aayen,

Ek Baar Bazaar Me Ghee Ka Ek Dibba Aur Dhoodh Ka Ek Katora Bikne Ke Liye Aaya,

Kisi Khadim Ne Sayyedena Umar Farookh (Ra) Ke Liye Ye Cheezein 40 Dirham Me Khareed Li Aur Arz Kiya

"Ameerul Momineen ! Allah Ne Aapki Qasam Poori Farma Di Hai,

Allah Tala Aapko Zyada Ajr Se Nawaaze ! Hamne Aapke Liye Ye Ashya E Khurdani Khareedi Hain Qubool Farmaayen"

Sayyedena Umar Farook (Ra) Ne Farmaya

" Tumne Mere Liye Itne Mehenge Daamon Me Ye Cheezein Kyon Khareedi ?? Jao Inhe Sadqa Kar Do, Maine Khaane Me Asraaf Harghiz Pasand Nahin Karte, "

Fir Farmaya

"Mujhe Awaam Ke Dukh Ka Us Waqt Tak Sahih Andaaza Nahin Ho Sakta Jab Tak Khud Main Bhi Unhi Haalaat Se Na Ghuzrun Jin Haalaat Se Awaam Ghuzar Rahi Hain"

Fir Ek Mauqa Aisa Aaya Ke Mehengayi Ho Gayi, Khaas Taur Par Ghee Mehenga Ho Gaya, Logon Ko Mehengayi Ka Saamna Karna Pada, Aam Logon Ki Tarah Hz Umar Farookh (Ra) Ne Bhi Mehengayi Ka Muqabla Kiya, Unhone Ghee Khana Mauqaf Kar Diya, Aam Khurdani Tel (Oil) Par Ghuzaara Karne Lage, Iske Nateeje Me Unka Pet Kharaab Ho Gaya,

Ek Dafa Pet Se GudH Gudh Ki Aawaaz Aayi Toh Pet Ko Mukhaatob Karke Farmaaya

"Tum Gudh Gudh Karo Ya Khamosh Raho, Tum Ghee Maangte Hoge, Allah Ki Qasam ! Jab Tak Sab Meri Riyaya Ke Log Ghee Na Kha Sakenge Tujhe Bhi Mayassar Na Hoga"

Hz Abdurrahman Bin Auf (Ra) Aapki Baat Sun Kar Wahan Se Nikal Aayen, Aur Rote Jaate Aur Kahte Jaate

"Aiy Umar ! Tumhare Baad Log Barbaad Ho Jaayenge, Tumhare Baad Log Barbaad Ho Jaayenge (Yani Log Aap Jaisi Mutawazin Aur Misaali Shakhsiyat Kahan Se Laayenge)"

(Manaqib Ameer Ul Momineen Ibn Jawzi Page 101, Tabqaat Al Kubra 3/218)

#UmairSalafiAlHindi
#Islamicleaks

SHIA AUR AHLE BAYT- (PART-3)

Bismillahirrahmanirraheem

SHIA AUR AHLE BAYT- (PART-3)

Shia Musannif Ibn Qaimi Jiska Laqab Sadooq Hai Apni Kitab Me (Jo Inki Sihah Arba Me Shumaar Ki Jaati Hai) Is Qaul Ko Nabi E Akram (Sws) Ki Taraf Mansoob Karta Hai Aur Riwayat Naqal Karta Hai Ke

Jabir Bin Abdullah Ansari (Ra) Ne Ek Din Sawaal Kiya

"Ya Rasoollullah (Sws) ! Hamara Ye Haal Hai Toh Aap (Sws) Ka Kya Haal Hoga, Aur Aap (Sws) Ke Baad Jo Wasi Paida Honnge Unka Kya Haal Hoga ??"

Nabi (Sws) Kuch Der Khamosh Khade Rahe Aur Fir Farmaya

"Aiy Jaabir Tumne Badi Baat Poochi Hai Aur Iska Mustahmal Wahi Ho Sakta Hai Jise Bahut Zyada Rahmat Se Nawaaza Gaya Ho, Yaqeenan Ambiya Aur Wasia Azmat e Khuda'wandi Ke Noor Se Paida Hue Hain, Khuda Unhe Paakeezah Pushton Aur Pakeeza Rehamon Me Wadiyat Karta Hai, Unki Hifaazat Khuda Ke Farishte Karte Hain, Unki Parwarish Khuda Ki Hikmat Se Ki Jaati Hai, Ilm Khda'wandi Ki Ghiza Di Jaati Hai, Unki Poori Tareef Nahin Ki Ja Sakti, Unke Ahwaal Tum Nahin Samjh Sakte, Kyonke Wah Zameen Par Khuda Ke Sitaare Hain, Kaaynaat Me Uski Nishaaniya Hain, Uske Bandon Par Hukmaran Hain, Unke Noor Se Shaher Roshan Hain, Uski Makhlooq Par Hujjat Hain,

Aiy Jaabir ! Ye Makhfi Ilm Aur Khazana Hai, ISe Iske Ahl Ke Siwa Poseeda Rakhna"

(Man Hajrah Al Faqeeh 4/414- 415 Bab Ul Nawa Fi Ahwaal An Ambiya Walaad Wasia Fil Waladah)

Shia Musannif Kulaini Likhta Hai Ke

"Mansab E Imamat Nubuwwat, Risaalat Aur Khillat Se Bhi Bila'tar Hai"

Apne 6th Imam Jafar Bin Muhammad Bakar Ki Taraf Jhooti Nisbat Karke Ye Riwayat Bayan Ki Ke

" Khuda Ne Pahle Ibraheem Ko Abd Banaya, Phir Nabi Banaya, Pahle Nabi Banaya Fir Rasool Banaya, Pahle Rasool Banaya Fir Khaleel Banaya Aur Pahle Khaleel Banaya Tab Imam Banaya"

(Hujjatul Man Usool 1/175)

Kulaini Abu Abdullah Se Ek Aur Riwayat Bayan Karta Hai

"Jo Ali (As) Lekar Aayen Hain, Use Apna Lo Aur Jisse Unhone Mana Kiya Hai Ruk Jao, Un (Ali) Ko Aisi Fazeelat Di Gayi Hai, Jaisi Fazeelat Muhammad (Sws) Ko Di Gayi Hai, Aur Muhammad (Sws) Tamam Makhlookaat Me Afzal Hain,

Ali Ke Ahkamaat Mese Kisi Cheez Par Bhi Nukta'cheeni Karna, Unki Kisi Chhoti Ya Badi Baat Ko Radd Karna Khuda Ke Saath Shirk Karne Ke Baraabar Hai,

Ameerul Momineen (As) Ek Aisa Darwaaza Hain Ke Usse Ghuzar Kar Nabi Ke Paas Pahuncha Ja Sakta Hai, Jo Unke Raaste Ho Chhidkar Dusre Raaste Par Chala, Halaaq Hua,

Usi Tarah Ek Ke Baad Dusre Aane Waale Tamam Ambiya Ko Fazeelat Di Gayi Hai, Khuda Ne Unhe Zameen Ke Sutoon Banaya Hai Jispar Ahle Zameen Baste Hain, Wah Zameen Ke Uper Aur Pataal Ke Neeche Khuda Ki Hujjat Hain,

Ameerul Momineen (As) Aksar Kaha Karte They, Main Jannat Aur Dojakh Ka Taqseem Karne Wala Hoon, Main Farookh E Akbar Hoon Aur Main Hi Sahab E Kaha (Hz Moosa Ka Laqab) Hoon,

Mere Baare Me Tamam Farishton, Jibrael Tamam Rasoolon Ne Aisa Hi iQarar Kiya Hai, Jaisa Iqrar Muhammad (Sws) Ke Liye Kaha Tha, Mujhpar Waisi Hi Cheez Naazil Ki Gayi Hai, Jaisi Muhammad Sallalahi Alaihi Wasallam Par Naazil Ki Gayi Thi, Jo Rabb Ki Taraf Se Naazil Shuda Hai,

Rasoollullah (Sws) Dua Karte They Toh Ata Kiya Jaata Tha, Main Dua Karta Hoon Toh Ata Kiya Jaata Hai, Wah Bhi Uske Kalaam Se Ghuftughu Karte They, Main Bhi Uske Kalaam Se Ghuftughu Karta Hoon, Mujhe Aisi Khoobiyan Di Gayi Hain Jo Mujhse Pahle Kisi Ko Nahin Di Gayi, Mujhe Aafaton Aut Museebaton Ka Ilm Diya Gaya Hau, Insaab Aur Fazal E Khitaab Ka Ilm Diya Gaya Hai, Jo Meri Nazaron Se Ojhal Hai"

Is Tarah Bhi Bahut Si Riwayat Shia Kitabon Me Bhari Padi Hain Ham Ispar Hi Iktefa Karte Hain,

Al'gharz Ye Tasawwur Hai Aimma Ka Shia Ke Yahan Aur Ye Wah Giroh Hai Jiske Baare Me Wah Samjhte Hain Ke Ye Unse Muhabbat Karne Waale Hain,

Apne Aapko Unki Taraf Mansoob Karte Hain Aur Ye Ahle Bayt Hain Jinki Pairwi Karne, Unke Afkaar Wa Khyalaat Ko Apnaane, Unke Aqwaal Wa Fa'al Par Amal Karne Aur Unke Ahkamaat Aur Fatwon Ki Itteba Karne Ki Wajah Se Log Unse Na'khush Hain,

Ye Tamam Aqwaal Wa Riwayaat Aur Daawe Shia Hazraat Ki Apni Kitaabon Aur Unke Apne Alfaaz Me Naqal Kiye Gaye Hain,

Haasil Kalaam Ye Hai Ke Shia Ek Aisa Tabqa Wa Giroh Hain Jo Hz Ali (ra) Aur Aulaad E Ali (Ra) Me Se 11 Aadmion Ki Pairwi Ka Daawa Karta Hai, Unhe Allah Ke Nabion Aur Rasoolon Jaisa Masoom Balke Unse Aur Allah Ke Muqarrib Farishton Se Bhi Zyada Afzal Samjhta Hai,

Ye Log Daawa Karte Hain Ke Unka Mazhab Unhi (Ahle Bayt) Ke Afkaar Wa Khyalaat Par Mabni Hai,

Is Bahes Me Ye Baat Waazeh Ho Chuki Hai Ke Ahle Bait Se Nabi (Sws) Ke Ahle Bayt Harghiz Muraad Nahin Khud In Logon Ne Is Baat Ki Nafi Ki Hai,

Jahan Tak Daawa Ahle Bayt Ali (Ra), Un Mese Chand Makhsoos Hazraat Ki Pairwi Wa Ita'at Ka Taalluq Hai Unke Baare Me InShaAllah Aage Post Me Bayaan Karenge...

SHIA AUR AHLE BAYT- (PART-2)

Bismillahirrahmanirraheem

SHIA AUR AHLE BAYT- (PART-2)

Jahan Tak Shia Hazraat Ka Talluq Hai Wah Iske Bar'ashq Chalte Hain, Aur Ahle Bayt Un Nabi Ko Sirf Chaaron Hz Ali, Fatima, Hasan Wa Hussain (Ra) Tak Mahdood Samjhte Hain Aur Inke Elawa Kisi Ko Ahle Bayt Nahin Samjhte,

Ek Aur Dilchasp Nukta Ye Hai Ke Husnain (Ra) Ko Chhod Kar Hz Ali (Ra) Ki Baaqi Saari Aulaadon Ko Ahle Bayt Se Khaarij Samjhte Hain,

Inke Nazdeek Hz Ali (Ra) Ki Aulaad Muhammad Bin Hanfiya (Ra), Abu Bakr, Umar, Usman, Abbas ; Zafar, Abdullah, Abdullah Wagerah 12 Bete Aur 18 Ya 19 Betiyan (Ba'ikhtelaaf E Riwayat) Sab Ahle Bayt Se Kharij Hain,

Shia Rasoollullah SallalahO Alaihi Wasallam Ki Beti Hz Fatima (Ra) Ko Bhi Ahle Bayt Mese Nikaal Dete Hain,

Kyonki Wah Aap (Sws) Ki Betion, Zainab, Umme Kulsum Aur Unki Aulaadon Ko Ahle Bayt Mese Nahin Samjhte,

Ye LAteefa Bhi Khoob Hai, Aisa Hi Wah Hz Ali (Ra) Ke Bete Hz Hasan (Ra) Ke Saath Bhi Karte Hain Aur Unki Aulaad Ko Bhi Ahle Bayt Me Daakhil Nahin Samjhte,

Isi Par Bas Nahin, Isse Zyada Dilchasp Baat Ye Hai Ke Hz Hussain (Ra) Ki Har Har Aulaad Ko Ahle Bayt Se Khaarij Kar Dete Hain Jo Unke Be'buniyaad Maslak Ki Pairwi, aur Unki Man'chahi Baaton Par Chalne Se Inkaar Karta Ho,

Hz Hussain (Ra) Ki Aulaad Mese Bahut Se Logon Par Unhone Jhoota, Fasiq Wa Faajir Aur Kafir Wa Murtad Hone Ke Fatawe Lagaaye Hain,

Rasoollullah Sallalaho Alaihi Wasallam Ke Chacha Zaad Bhaiyyon, Phoopion Aur Unki Aulaad Ko Gaaliyan Din Aur Kaafir Tak Kaha Hai,

Hatta Ke Hz Ali (Ra) Ko Chhodkar Abu Talib Ki Dusri Aulaad Ke Saath Bhi Yahi Bartaao Kiya Hai,

Ye Baat Bhi Laiq Zikr Hai Ke Shia Hazraat, Hz Fatima (Ra) Ke Elaawah Aapke 3 Betion, Aap (Sws) Ki Aadawaaj E Mutahharaat Aur Unki Aulaad Ko Bhi Ahle Bayt Me Shamil Nahin Samjhte,

Ham Ye Nahin Samjh Paaye Ki Ye Kaisi Taqseem Hai Aur Kyon ye Taqseem Ki Gayi Hai,

Kis Buniyaad Par Wah Aisa Kahte Hain ??

Zyadah Theek Aur Waazeh Lafzon Me Yun Kaha Ja Sakta Hai Ke Shia Hazraat Ke Yahan Ahle Bayt Ka Tasawwur,

Hz Fatima (Ra) Ki Aadhi Shakhsiyat, Hz Ali (Ra) Ki Aadhi Shakhsiyat, Hz Hasan (Ra) Ki Aadhi Shakhsiyat, Hz Hussain Se Lekar Hasan Askari Tak 9 Imamon Aur 10we Khyaali Hon Aur Jo Na Paida Hua Hai Aur Na Aaindah Kabhi Paida Hoga...... Se Qayem Hai,

Ye Mafhoom Hai Shia Ke Nazdeek Ahle Bayt Ka, Agar Ham Is Bahes Ko Mazeed Failaana Chaahe Toh Baat Lambi Ho Jaayegi, Ham Sirf Isi Baat Par Iktefa Karte Hain Jo Baat Aur Masla Samjhne Me Kaafi Hai,

Lafz "Shia" Ke Baare Me Mashoor Zabaan'daan Zubaidi Kahta Hai

"Har Wah Giroh Jo Kisi Ek Cheez Par Mutawaffiq Ho Jaaye Use Shia Kaha Jaayega, Jo Bhi Kisi Dusre Aadmi Ki Madad Kare Ya Uske Giroh Me Shamil Ho Jaaye Use Kaha Jaayega "Shia'tullah" Shia Mashait Se Makhooz Hai Jiske Maane Ita'at Ghuzaari Aur Itteba Karne K Hai

"

(Tajul Ardas 5/405)

Mashoor Arabi Zaban'daan Ibn Manzoor Afriki Likhta Hai

"Shia Logon Ke Us Giroh Ko Kaha Jaata Hai Jo Kisi Ek Cheez Par Ittefaaq Rakhte Hon, Lekin Ab Zyada Tar Unke Baare Me Bola Jaane Laga Hai Jo Ali (Ra) Aur Unke Ahle Bayt Ke Pairo'kar Hain"

(Lisaan Ul Arab 8/188)

Mashoor Shia Imam Nau'bakhti "Farq As Shia" Me Likhta Hai

"Shia, Ali Ibn Abu Talib (Ra) Ki Jamat Ke Logon Ko Kahte Hain, Nabi E Akram (Sws) Ke Zamaane Me Use Shian E Ali Kaha Jaata Tha, Iske Baad Sirf Shia Kaha Jaane Laga,

Ye Hz Ali (Ra) Ke Imamat Ke Qayel Hain, Shia 3 Firqon Me Bat Gaye Hain,Ek Firqa Kahta Hai

Rasoollullah (Sws) Ke Baad Hz Ali Imam Hain , Unki Ita'at Farz Hai Aur Unki Wafaat Ke Baad Bhi Unki Imamat Ka Silsila Jaari Hai,

Ek Firqa Kahta Hai Ke Hz Ali Nabi E Akram (Sws) Ke Sabse Zyada Qareeb Aur Haqdaar They,

Dono Firqe Hz Abu Bakr Aur Hz Umar (Ra) Ki Imamat Ko Sahih Qarar Dete Hai,

Wah Kahte Hain Ke Hz Ali (Ra) Ne Khud Iqtedaar Unke Supurd Kar Diya Tha Aur Is Baat Par Khush They, Aur Ali Ne Majboor Hokar Nahin Balke Khush'dili Se Dono Ke Haath Par Bait Ki Thi"

(Farq As Shia Page 39-42 Abu Muhammad Hasan Bin Moosa Naubakhti)

Mashoor Shia Musannifeen Muhsin Ameen Apni Kitab Me Azhari Se Naqal Karte Hue Likhta Hai

"Shia Us Giroh Ka Naam Hai Jo Nabi E Akram (Sws) Ke Khaandaan Ko Bahut Azeez Rakhta Aur Unki Pairwi Karta Hai"

(Ayaan Al Shia 1/11 Bahas Awwal, Taba Berut 1960)

Ham Inhi Hawalon Par Iktefa Karte Hain, Ham Bata Chuke Hain Ke Shia Tamam Ahle Bayt Ko Chhodkar, Sirf Chand Aadmion Ko Ahle Bayt Samjhte Aur Unki Pairwi Karte Hain, Balke Ahle Bayt Ki Mukhalifat Karte Hain, Unki Asli Taalimaat InShaAllah Dusre Post Me Bayaan Ki Jaayengi,

Mashoor Shia Musannifeen Mughniya Kahta Hai

"Shia Wah Hai Jo Hz Ali (Ra) Se Aur Unke Muttabe'een Se, Unse Muhabbat Karne Walon Aur Unke Manne Walon
Se Muhabbat Karen"

(Ash Shia Fil Meezan Page 18- 19)

Shia Musannif Muhammad Hussain Aal Kaashif Al Ghata Likhta Hai

"Ye Lafz (Yani Shia) Ali (Ra) Aur Aulaad E Ali Ke Muttabe'een Par, Aur Unke Maanne Walon Par Is Qasrat Se Bola Jaane Laga Ke Unka Naam Ban Gaya"

Ye Giroh Muttabe'een Ali (Ra) Aur Aulaad E Ali (Ra) Ki Madah Wa Tareef Me Mubaalgha'aaraayi Se Kaam Lete Hue Tamam Hudood Se Ghuzar Gaya, Is Par Unhone Apne Deen Wa Mazhab Ki Buniyaad Rakhi Aur Yahi Unka Mustaqbal Deen Ho Gaya,

Ek Aisa Deen Jo Us Deen Se Yaksar Be'talluq Aur Alag Hai Jo Sacche Muhammad Sallalaho Alaihi Wasallam Lekar Aaye They,

Mauzu Hadith Gadh Li Aur Kahne Lage

"Deen Sirf Ali Ke Pairokaron Unki Aulaad Aur Unse Muhabbat Karne Walon Ka Hai"

Chillaate Firte Hain Ke Hamen Unse Bada Talluq Aur Muhabbat Hai, Unke Liye Bada Ehteraam Karte Aur Unke Farma'bardar Hain,

Unki Taraf Jhooti Nisbatein Karte Hain,

Apni Kitab Al Kafi Me Naqal Karte Hain

"Yazeed Bin Muawiya Se Riwayat Karte Hain Wah Kahte Hain Ke Main Mina Ke Fastaat Ke Maqam Par Abu Jaafar (As) Ke Paas Maujood Tha Unhone Kati Hui Taangon Waale ziyaad Al Aswad Ko Dekha, Uspar Taras Aaya Toh Usse Poocha

Tumhari Taango Ko Kya Hua ??

Usne Jawab Diya

Main Apne Oont Se Gir Pada Tha,

Toh Abu Jaafar Ne Usse Ham'dardi Ka Izhaar Kiya, Usi Dauran Ziyaad Ne Kaha Ke

Mujhe Apne Gunaahon Par Baaz Auqaat Bahut Nadaamat Hoti Hai Hatta Ke Mujhe Khyaal Ghuzarta Hai Ke Main Tabah O Barbaad Ho Chuka Hoon, Lekin Jab Main Sochta Hoon Ke Mujhe Aapse Muhabbat Hai Toh Meri Nadaamat Khatam Ho Jaati Hai

Toh Abu Jaafar (As) Ne Kaha

Deen Muhabbat Hi Ka Naam Hai....

Ek Aadmi Nabi (Sws) Ke Paas Aaya Aur Kaha Ke,

Main Namaz Nahin Padhta Lekin Namazion Se Muhabbat Karta Hoon, Khud Roza Nahin RaKhta Lekin Rozedaron Se Muhabbat karta Hoon Toh Rasoollullah (sws) Ne Farmaya

Tu Uske Saath Hoga Jisse Muhabbat Karta Hai Aur Tujhe Apne Kiye Ka Badla Milega,"

iske Baad Abu Jaafar Ne Kaha

Tum Kya Chaahte Ho ? Agar Aasmaan Se Koi Museebat Naazil Ho Toh Har Qaum Apni Apni Panaah'gaahon Ki Janib Lapke Gi Aur Ham Apne Nabi (Sws) Ke Yahan Panaah Lenge Aur Tum Hamare Yahan Panaah Loge"

(Kitab Roza Man Al Kafi 8/80, Tasneef Abu Jafar Muhammad Bin Yaqoob Qulaini 319 Hijri Bab Waseeyatul Nabi)

Isi Tarah Ki Ek Riwayat Shia Ki Mashoor Kitab "Usool Al Kafi" Me Naqal Ki Gayi Hai

Shia Ke 5we Imam Hz Jaafar Ne Kaha

"Hamari Muhabbat Imaan Hai Aur Hamse Bughz Kufr Hai"

(Usool Al Kafi 1/188)

Kafi Me Ek Aur Riwaayat Manqool Hai Jiske Mutaalliq Unke Imam Ghaib Ka Kahna Hai Ke

"Ye Kitab Hamare (shia) Ke Liye Kaafi Hai"

(Muntahi Al Maal Page 298, Saafi 1/4)

Is Kaafi Me Wah Abu Hamza Se Naqal Karte Hain Ke Usne Kaha Mujhse Abu Jaafar Ne Kaha

"Allah Ki Ibaadat Wahi Karta Hai Jo Allah Ki Ma'aarifat Rakhta Hai, Jo Allah Tala Ki Ma'aarifat Nahin Rakhta Wah Be'khabri Wa Gumrahi Hi Me Ibadat Karta Rahta Hai,

Maine Kaha Aap par Qurbaan Jaun, Allah Ki Ma'aarifat Ka Kya Matlab Hai ??

Abu Jafar Ne Kaha

Allah aur Uske Rasool (As) Uske Aal Aur Hz Ali Ke Muttabe'een Ki Tasdeeq Karna Aur Unki Pairwi Aur Iqteda Karna Aur Allah Ke Dushmon Se Allah Ko Paak Samjhna Is Tarah Allah Ki Ma'arifat Haasil Ki Jaati Hai"

(Usool Al Kafi 1/180)

Unke Aimma Ka Bhi Unke Nazdeek Ji Maqaam Wa Mansab Hai Wah Nubuwwat Wa Risaalat Se Kisi Tarah Kam Nahin,

Chunanche Iran Ke Hukmaran Khumaini Apni Kitab

"Wilayatul Faqeeha Hukumatul Islaamiyah" Me Kahte Hain

"Ye Baat Bhi Hamare Mazhab Ke Lawazamaat Mese Hai Ke Aimma Ko Unke Roohaani Wa Maanawi Maqamaat Par Faiz Samjhe Jin Par Koi Muqarrab Farishta, Nabi Aur Rasool Bhi Faiz Nahin Hota, Hamari Riwayaat Me Bataya Gaya Hai Ke Is Kaaynaat Ke Wajood Pazeer Hone Se Pahle Aimma Arsh E Khuda'wandi Ke Saaye Tale Noor Ki Shakal Me Maujood They Aur Aimma Ne Kaha Hai Ke Hamari Khuda Ke Saath Aisi Haalatein Hain Jin Tak Na Kisi Farishte Ki Pahunch Hai Aur Na Kisi Nabi Wa Rasool Ki, Ye Wah Asaasi Aur Buniyaadi Aiteqaadat Hain Jin Par Hamara Mazhab Qayem Hai"

Note : Asal Kitab Farsi Me Hai Jiska Naam "Wilayate Faqeeha Dar Khusoosi Hukumat e Islaami" Hai, Imam Khumaini Ke Nayab Ne Murattab Ki Hai

Janab E Khumaini Ki Ye Baat Nayi Ya Hairaan'kuN Nahin Balke Poori Shia Qaum Apne Aimma Ke Baare Me Yahi Aqeeda Hai,,,,,

To Be Continued.....

 #UmairSalafiAlHindi
#Islamicleaks

HZ UMAR FAROOKH (RA) KE DAUR E KHILAAFAT ME KAHAT (DROUGHT) KA EK MANZAR:

.Bismillahiirahmanirraheem

HZ UMAR FAROOKH (RA) KE DAUR E KHILAAFAT ME KAHAT (DROUGHT) KA EK MANZAR:

Sayyedena Umar Farookh (Ra) Ke Daur E Khilaafat Me Ek Baar Madeena Munawwara Aur Aas Paas Ke Elaaqon Me Qahat'saali (Drought) Hui,

Hawa Chalti Toh Har Waqt Khaak Udti Nazar Aati,

Chunanche Us Saal Ko "Aam Ul Ramadah" Yani Khaak Udne Ka Saal Kaha Gaya,

Sayyedena Umar Farookh (Ra) Ne Qasam Khaayi Ke Wah, Ghee, Dhoodh Aur Ghost Us Waqt Tak Istemaal Nahin Karenge Jab Tak Log Pahle Jaisi Zindagi Par Na Laut Aayen,

Ek Baar Bazaar Me Ghee Ka Ek Dibba Aur Dhoodh Ka Ek Katora Bikne Ke Liye Aaya,

Kisi Khadim Ne Sayyedena Umar Farookh (Ra) Ke Liye Ye Cheezein 40 Dirham Me Khareed Li Aur Arz Kiya

"Ameerul Momineen ! Allah Ne Aapki Qasam Poori Farma Di Hai,

Allah Tala Aapko Zyada Ajr Se Nawaaze ! Hamne Aapke Liye Ye Ashya E Khurdani Khareedi Hain Qubool Farmaayen"

Sayyedena Umar Farook (Ra) Ne Farmaya

" Tumne Mere Liye Itne Mehenge Daamon Me Ye Cheezein Kyon Khareedi ?? Jao Inhe Sadqa Kar Do, Maine Khaane Me Asraaf Harghiz Pasand Nahin Karte, "

Fir Farmaya

"Mujhe Awaam Ke Dukh Ka Us Waqt Tak Sahih Andaaza Nahin Ho Sakta Jab Tak Khud Main Bhi Unhi Haalaat Se Na Ghuzrun Jin Haalaat Se Awaam Ghuzar Rahi Hain"

Fir Ek Mauqa Aisa Aaya Ke Mehengayi Ho Gayi, Khaas Taur Par Ghee Mehenga Ho Gaya, Logon Ko Mehengayi Ka Saamna Karna Pada, Aam Logon Ki Tarah Hz Umar Farookh (Ra) Ne Bhi Mehengayi Ka Muqabla Kiya, Unhone Ghee Khana Mauqaf Kar Diya, Aam Khurdani Tel (Oil) Par Ghuzaara Karne Lage, Iske Nateeje Me Unka Pet Kharaab Ho Gaya,

Ek Dafa Pet Se GudH Gudh Ki Aawaaz Aayi Toh Pet Ko Mukhaatob Karke Farmaaya

"Tum Gudh Gudh Karo Ya Khamosh Raho, Tum Ghee Maangte Hoge, Allah Ki Qasam ! Jab Tak Sab Meri Riyaya Ke Log Ghee Na Kha Sakenge Tujhe Bhi Mayassar Na Hoga"

Hz Abdurrahman Bin Auf (Ra) Aapki Baat Sun Kar Wahan Se Nikal Aayen, Aur Rote Jaate Aur Kahte Jaate

"Aiy Umar ! Tumhare Baad Log Barbaad Ho Jaayenge, Tumhare Baad Log Barbaad Ho Jaayenge (Yani Log Aap Jaisi Mutawazin Aur Misaali Shakhsiyat Kahan Se Laayenge)"

(Manaqib Ameer Ul Momineen Ibn Jawzi Page 101, Tabqaat Al Kubra 3/218)

#UmairSalafiAlHindi
#Islamicleaks

SHIA AUR AHLE BAYT- (PART-1)

Bismillahirrahmanirraheem

SHIA AUR AHLE BAYT- (PART-1)

Shia Ye Samjhte Hain Ke Wah Nabi e Akram Sallalaho Alaihi Wasallam Ke Ahle Bayt Ke Pairo'kar Aur Unse Muhabbat Karne Wale Hain, Unka Mazhab Ahle bayt Ke Aqwal Wa Fa'al Se Makhooz Aur UnkI Riwaayaat Wa Khyalaat Par Mabni Hai,

Ham Chaahte Hain Ke Is Par Bahes Karne Aur Ye Saabit Karne Se Pahle Ke Ye Baat Kahan Tak Sach Aur Jhoot Hai,

Is Post Me Ye Guftughu Karenge Ke Ahle Bayt Kaun They ??

Taake Har Padhne Waala Baat Ko Poori Tarah Samjh Jaaye Aur Har Tahqeeq Karne Waala Poori Tarah Jaan Jaaye Ke Is Lafz Se Kaun Log Muraad Liye Jaate Hain ?

Shia Ka Maana Wa Mafhoom Kiya Hai Aur Lafz E Shia Bol Kar Kinko Mukhaatib Kiya Jaata Hai ??

Ahle Bayt 2 Lafzon "Ahl" Aur "Bayt" Se Murkab Hai,

Sahab E Qamoos Ne Iski Wazaahat Karte Hue Kaha Hai Ke

"Agar Lafz Ahl Ko Kisi Kaam Ki Taraf Mansoob Kiya Jaye Aur Kaha Jaaye "Ahlul Amr" Toh Iska Maana Hoga,

Kaam Karne Waale, Ahl'kaar,

Isi Tarah "Ahle Bayt" Ka Maana, Ghar Ke Afraad Yani Ahl Khaana, Aur Ahle Mazhab Ka Maana, Us Mazhab Ke Pairo'kaar Hoga,

Agar "Ahl" Ki Nisbat Kisi Mard Ki Taraf Ki Jaaye Toh Uska Matlab "Uski Biwi" Hoga,

Nabi E Akram (Sws) Ki Tarah Is Lafz Ko Mansoob Kiya Jaaye Toh Iska Matlab Hoga, Aap (Sws) Ki Biwiyan, Betiyan wa Damaad Hz Ali (Ra), Unki Biwiyan Aur Wah Sab Log Jo Unki Aulaad Me Se Hain,

Kisi Nabi Ke Saath Lafz Ahl Lagaya Jaaye Toh Usse Us Nabi Ki Ummat Muraad Li Jaayegi"

( Al Qamoos 3/432)

Mashoor Imam E Lughat Zubaidi Ne Kaha Hai

"Ahle Mazhab Ka Matlab Hai, Us Deen Ke Pairo'kar Aur Maanne Waale, Ahle Rajl, Uski Biwi, Isme Uski Aulaad Bhi Shamil Hai

Allah Tala Ke Irshad Se Bhi Iski Taeed Hoti Hai

"Aur Wah (Hz Moosa) Apne Ahl Ko Lekar Chale, Yani Apni Biwi Ko Lekar"

Ahle Nabi Ka Matlab Hai Aap (Sws) Ki Biwiyan, Betiyan Wa Damaad Hz Ali (Ra) Aur Unki Biwiyan, Ahlah Ka Matlab Hai, Us ShakhS Ki Aulaad, Usme Pote Aur Dusri Aulaad Bhi Shamil Hoti Hai, Yahi Mafhoom Allah Tala Ke Is Irshad Ka Hai

Wa'muru Ahlaka Bis'salaati Was'tabira Alaiha

Aur Is Ayat Me Bhi Yahi Mafhoom Muraad Hai

Inna'ma Yureedul'laahu Li'yuz Hiba Ana'kum Rijana Ahlal Bayt

Ek Dusri Jagah Irshad Hai

Warahmatullah Wabarkatahu Alaikama Ahlal Baut Innahu Hameedum Majeed

Har Nabi Ke Ahl Uski Ummat Aur Unki Millat Ke Log Hote Hain Jo Nasab, Deen, Pesha, Gharaana Ya Mulk Ya Shaher Ke Aitbaar Se Ba'ham Munsalak Hon, Kisi Shakhs Ke Ahle Bayt Wa Afraad Hote Hain Jo Uske Saath Ek Jagah Me Rahte Hon, Fir Is Mafhoom Me Wus'at Paida Ho Gayi, Aur Iska Ittelaaq Un Sab Jagah Par Hone Laga Jo Nas Ya Mandarjah Bala Baaton Me Mustarak Hon,"

Imam Zubaidi Aage Chalkar Likhte Hain Ke

"Aal Allah Aur Aal e Rasool Se Muraad Hai, Allah Aur Uske Rasool Ke Dost Aur Madadgaar, Huzoor (Sws) Ke Dada Abdul Muttalib Ka Waaqeya Feel Ke Waqt Kaha Hua Ye Shayer Bhi Isi Maane Me Hai

" Yani Aiy Allah aaj Ke Roz Saleeb Ke Madadgaron Aur Uski Ibaadat Karne Waalon Ke Khilaaf Apni Aal Yani Apne Madadgaron Ki Nusrat Farma"

Ibn Manzoor Afriki Ne Likha Hai

"Ahle Mazhab ka Matlab Hai, Us Deen Ke Pairokaar,

Aur Ahlul Amr Ka Matlab Hai, Zimma'dar Afraad,

Ahle Bayt Un Nabi (Sws) Se Muraad Aap (Sws) Ki Biwiyan, Betiya Wa Damaad Hz Ali (Ra) Hain,

Har Nabi Ki Ahl Uski Ummat Hoti Hai,

Ahle Rajl Ka Matlab Hai, Us Aadmi Ki Biwi, Kaha Jaata Hai"

(Lisaan Ul Arab Ibn Manzoor Afriki Page 28- 30 Jild 11 Matbua Beerut)

Imam Raghib Isfahani Kahte Hain Ke Janab Zafar Sadiq Se Kaha Gaya Ke

"Log Kahte Hain Ke Sab Ke Sab Musalman Nabi (Sws) Ke Aal Hain Toh Unhone Kaha Ke Ye Jhoot Bhi Hai Aur Sach Bhi,

Unse Iski Wazaahat Poochi Gayi Toh Aapne Farmaya Ke ye Baat Jhoot Kahte Hain Ke Poori Ki Poori Ummat Aap (Sws) Ki Aal Hai Aur Ye Us WaqT Sach Bhi Hai Jab Wah Shari'at Ke Sharait Wah Ahkaamaat Poore Karen"

(Mufardaat Raghib Isfahani Pg 29-30)

Shia Musannifeen Muhammad Jawad Mughniya Kahta Hai

"Lughat Me Ahle Bayt, Ghar Ke Rahne Walon Ko Kaha Jaata Hai, Aur Kisi Aadmi Ki Aal, Uske Ahl Hi Ko Kaha Jaata Hai,

Albatta Aal Ka Lafz Kisi Sahab E Haisiyat Aadmi Ki Aulaad Par Bola Jaata Hai,

Quran E Pak Ki 2 Aayaton Me Ahle Bayt Ka Lafz Aaya Hai, Surah Hood Ki Ayat No 73 Jisme Irshad Hai

"Rahmatullahi Wa Barkatahu Alaikum Ahlul Bayt"

Aur Dusri Jagah Surah Ahzaab Ki Ayat 33 Me Jahan Farmaya

Inna,ma Yureedullah Li'yaz Hiba Ankumur Rijasa Ahlul Bayt Watu'harrakum Tat'heera,

Tamam Mufassireen Is Baat Par Mutawaffiq Hain Ke Pahli Aayat Me Hz Ibraheem Ke Ahle Bayt Aur Dusri Aayat Me Hz Muhammad Bin Abdullah (Sws) Ke Ahle Bayt Murad Hai,

Chunke Quran Ne Is Lafz Ko Huzoor (Sws) Ke Ahle Bayt Ke Liye Istemal Kiya Isliye Musalman Bhi Aal e Bayt 
Aur Ahle Bayt Ka Lafz Sirf Muhammad (Sws) Ke Ahle Bayt Ke Liye Istemal Karte Hain,

Aur Ab Ye Lafz Itna Maroof Ho Chuka Hai Ke Goya Huzoor (Sws) Ke Ahl Khana Ka Naam Ban Gaya Hai,

Agar Koi Khaas Qareena Na Ho Toh Ahle Bayt Ke Lafz Se Huzoor (Sws) Hi Ke Ahle Bayt Samjhe Jaate Hain, Jaisa Ke Madeena (Jiske Maane Shaher Ke Hain), Itna Maroof Ho Chuka Hai Ke Jab Bhi Bola Jaata Hai, Isse Huzoor (Sws) Ka Wah Shaher "Madeena" Hi Samjha Jaata Hai Jiska Puraana Naam Yasrib Hai,

Nabi E Akram (Sws) Ki Azdawaaz E Mutahharaat Ke Baarah Me Musalmano Ka Ikhtelaaf Hai, Baaz Unki Tadaad 18 Bataate Hain Aur Baaz Bataate Hain Ki Aap (Sws) Ki Biwiyon Ki Tadaad 11 Hain,

Baher'hal Nabi E Akram (Sws) Ne 37 Baras Biwion Ke Saath Ghuzaare, Unse Allah Tala Ne Apko Bete Aur Betiyan Bhi Din,

Lekin Aap (Sws) Ki Beti Hz Fatima (Ra) Ke Siwa, Aap (Sws) Ki Hayat E Mubarkah Me Inteqaal Kar Gaye,

Tamam Musalmano Ka Is Baat Par Ittefaq Hai Ke Ali (Ra) Bin Abu Talib, Fatima (Ra), Hasan Wa Hussain (Ra) Asal Aale Bayt Hain "

(Ash Shia Wa Meezan Pg 437 Matbua Dar us Sunnah Beerut)

In Tamam Hawala Jaat Se Malum Hua Ke Ahle Bayt Asal Me Sirf Biwiyon Ke Liye Istemal Hota Hai, Fir Tajawazan Is Lafz Ko Aulaad Aur Azeez Wa Aqaarib Ke Liye Bhi Istemaal Kiya Jaane Laga,

Quran Paak Se Bhi Yahi Baat Saabit Hoti Hai, Hz Ibraheem (As) Ke Qissa Me, Jab Allah Tala Ke Farishte Aapke Paas Bete Ki Bashaarat Lekar Aaye ,

Chunanche Quran Ki Surah Hood Ayat Me 71-73 Me Ye Lafz Aaya Hai,

Allah Tala Ne Is Lafz Ko Apne Faroshton Ki Zabaan Se Khaas Hz Ibraheem (As) Ki Jauza Mutahharaat Ke Liye Istemaal Farmaaye Hain,

Shia Ulema wa Mufassireen Ne Bhi Is Baat Ka Iqraar Kiya Hai

Tabrisi Ne Majma Ul Bayan 2/180 Taba Beerut Me Aur Kashafi Ne Manhajj Ul Saadiqeen 4/493 Taba Tahraan Me,

Agarcheh Iski Intehayi Ghalat Wa Be'buniyaad Taaweel Ki Hai Lekin Is Baat Ko Tasleem Kiya Hai

Note : Mulla FatehUllah Kashafi Bada Mutaassib Shia Hai, Isne Jo Tafseer Likhi Hai Uske Naam Se Hi Is Baat Ka Andaaza Ho Jaata Hai Chunanche Is Tafseer Ka Naam Hai "Manhajj Ul Saadiqeen Fi Ilzaam Ak Mukhalifeen" Yani Mukhalifeen Ke Ilzamaat Ke Jawaab Me Ahle Haq Ka Sahih Raasta,

Allah Tala Ne Apne Kalaam E Muhkam Me Hz Moosa (As) Ke Qissa Me Bhi Is Tarah Farmaya Hai

"Toh Jab Moosa Ne Muddat Poori Kar Li Aur Apni Biwi Ko Lekar Chal Pade, Moosa Ne Toor Ki Jaanib Aag Mahsoos Ki, Apni Biwi Se Kahne Lage, Thahro Maine Aag Mahsoos Ki Hai"

(Surah Qasas Ayat 39)

Is Ayat Me "Ahl" Se Hz Moosa (As) Ki Jauza Muraad Hai,

Is Maqaam Par Tamam Shia Mufassireen Mutawaffiq Hain Ke " Ahl " Se Muraad Aapki Biwi Hai,

Isliye Ke Us Waqt Aapki Biwi Ke Siwa Koi Dusra Aapke Saath Nahin Tha,

Shia Mufassir Tabrisi "Ahl Moosa" Ki Tafseer Karte Hue Kahta Hai Ke

"Surah Namal Me Allah Ke Is Irshad

Wa'iz Qala Moosa Li'ahlihi

Se Muraad Aapki Biwi Hai, Jo Hz Shu'aib Ki Beti Thi"

(Tafseer Majmua al Bayan 211 Surah Namal)

"Wasaara Bi'ahlihi" Ki Tafseer Me Kahta Hai

"Ahl KA Matlab Aapki Biwi Hai"

(3/250 Surah Qasas)

Qaimi Ne Bhi Apni Tafseer Me Yahi Kaha Hai

(2/139 Matbua Najaf)

Note : Qaimi Ka Poora Naam Abul Hasan Ali Bin Ibraheem Al Qaimi Hai, 3ri Sadi Hijri Ke Shia Ulema Me Mumtaz Samjha Jaata Hai, Ibtedaayi Shia Mufassireen Ka Imam Hai,

Shia Mufassir Huwezi Apni Tafseer "Noor Ul Shaqeeleem" Me Aur Kashafi "Manhajj Ul Sadeeqeen" Me Yahi Kahte Hain,

Inke Elawa Dusre Shia Mufassireen Ne Yahi Bayan Kiya Hai,

Quran Pak Ki Surah Ahzaab Ki Ayat No 33 Me Bhi Ahle Bayt Ka Lafz Aaya Hai,

Yahan Bhi Ye Lafz Khaas Taur Par Qissa Azdawaaz E Mutahharaat Ke Baare Me Irshad Hua Hai

"Aur Jahiliyat Oola Ki Tarah Barhana Na Firna"

(Surah Ahzaab)

Note: Huwezi Ka Naam Abdul Ali Bin Juma Hai, Mutaassib Shia tha 1112 Hujri Me Wafaat Hui

Jo Bhi In Aayat Ko Padhe, Wah Ba'nazar E Awwal Hi Ye Baat Poori Tarah Jaan Sakta Hai Ke Ye Lafz Khaas Nabi E Akram (Sws) Ki Azdawaaz E Mutahharaat Hi Ke Baare Me Istemaal Kiya Gaya Hai,

Isliye Ke Ibteda Ayat Me bhi Aur Saabiqa Aayat Me Bhi Mukhatib Sirf Nabi (Sws) Ki Azdawaaz Mutahharaat Hi Hain,

Dusri Aayat Me Bhi Aap (Sws) Ki Biwi Ka Hi Zikr Hai

Chunanche Ibn Abi Hatim Aur Ibn Asaakir Akrama Ki Riwayat Se, Aur Ibn Marwiya Saad Bin Zubair (Ra) Ki Riwayat Se Hz Abbas Se Riwayat Karte Hain Ke Ye Aayat Nabi E Kareem (Sws) Ki Azdawaaz E Mutahharaat Hi Ke Baare Me Naazil Hui Hai"

(Dekhiye, Daayera Mu'arif E Islamiya Ka Urdu Muqala 3/576 Taba Lahore Pakistan)

Hadith Me Bhi Ye Lafz Aaya Hai,

Hadith Me Mazkoor Hai Ke Nabi E Akram (Sws) Hz Aisha (Ra) Ke Kamre Me Daakhil Hue Aur Faramaya

"Assalamualaikum Ahl Bayt Warahmatullah"

Hz Aisha(Ra) Ne Jawab Me Farmaya 


"Walaikum As Salam Warahmatullahi Wabarkatahu"

(Sahih Bukhari Kitab Ut Tafseer)

Bait Ul Nabi Ka Matlab Hai, Huzoor (Sws) Ka Wah Ghar Jahan Aap Apni Biwion Ke Saath Rahte They,

Haasil Kalaam Ye Hai Ke Ahle Bayt Nabi Sallalahi Alaihi Wasallam Se Asli Aur Haqeeqi Taur Par Aap (Sws) Ki Biwiyan Muraad Hain Lekin Apne Wasi Tar Mafhoom Ke Aitbaar Se Aap (Sws) Ki Aulaad, Aap (Sws) Ke Chacha Aur Unke Bete Bhi Shamil Hain,

Jaisa Ke Hadith Me Aaya Hai Ke Nabi E Akram (Sws) Ne Hz Fatima, Hz Hussain Aur Hz Hasan Wa Hz Ali (Ra) Ko Apni Chadar Me Lekar Farmaya

"Ya Allah ! Ye Mere Ahle Bayt Hain"....

To Be Continued


#UmairSalafiAlHindi
#Islamicleaks