NOOR YA BASHAR KA AQEEDA AUR GUMRAH FIRQE: (PART-14)

Bismillahirrahmanirraheem

NOOR YA BASHAR KA AQEEDA AUR GUMRAH FIRQE: (PART-14)

INJEEL KE NAQSE QADAM PAR :

Deobandion Ne Bashariyat Ka Inkaar Karte Hue Likha

1-“Ye Maslihat Aisi Hai Ke Jaise Ek Glass Sadi Mitti Se Banaya Gaya Hai Aur Dusra Chandi Se Bana Hua Hai Aur Ek Isi Saanche (Frame) Ka Glass Tamam Anmol Here Jawahraat Ko Gala Kar Dhal Diya Gaya Ho, Toh Wah Sadi Mitti Ka Glass Yah Kahe Ki Ye Jawaharat Se Dhala Glass Bhi Hamari Tarah Ka Ek Glass Hai Toh Intehaayi Be’waqoofi Ki Baat Hogi, Sadi Mitti Wala Glass Zara Apne Daam Bazaar Me Lagwa Le Aur Fir Anmol Jawaharat Wale Glass Ka Daam Lagwa Le Isko Toh 2 Paise Milenge Aur Us Glass Ki Qeemat Sultan E Waqt Bhi Nahin De Sakta”

(Maarfat E Ilaahi, Maulana Abdul Ghani Fool’puri Page 308,309 Maktab Al Falah Deoband)

Aur Is Tarah Deobandion Ne Nabi Sallalaho Alaihi Wasallam Ki Bashariyat Ka Inkaar Kiya Aura Am Aadmi Me Sadi Hui Mitti Ka Bana Hua Maana Aur Nabi Sallalaho Alaihi Wasallam Ko Noor Ka Yani Chmakta Hua Roshan Jawaharaat Shay Yani Noori Makhlooq Kaha

Pichle Post Me Aap Ne Dekha Ki Allah Tala Ne Farmaya

“Yahood Aur Nasaara Ne Beta Kaha Aur Farmaya Ke Ye Inki Muh Ki Baatein Hain, Agle Mushriko Se Suni Hui ”

(Surah Tauba Ayat No. 122)

Malum Hua Ye Shirkiya Aqeeda In Barelwi Aur Deobanion Hi Ka Nahin Balke Inse Pahle Yahood O Nasaara Ka Tha Aur Unse Pahle Bhi Kai Qaumon Ka Tha Jinki Taqleed Me Inhone Ye Aqeeda Gada Tha Unme Se Ek Qaum Hai “Yezdi” Jisko Aajkal Media Wale “Yazidi” Ke Naam Se Famous Kar Rahen Hain Take Duniya Ko Ye Tassur Diya Ja Sake Ke  Musalmano Ka Ek Giroh Musalman Hi Ke Kisi Dusre Firqe Ko Qatal Kar Rahen Hain,

Baherhaal Yezdi Qaum Majoosion Ki Mumaselat Rakhta Hai Balke Majoosi Kahna Zyada Theek Hai Aur Ye Log Yazdaan Ki Pooja Karte Hain, Yazdan Parast Hone Ki Munasibat Se Inhe Yezdi Ya Yazdani Kahte Hain, Aajkal Inki Kuch Jhadpen Iraq Me ISIS Se Ho Rahi Hai, Duniya Me Aaj Jitni Qaumon Ke Calendar Maujood Hain Inme Sabse Puraana Calendar Yazdani Ka Hai, Inke Calendar Ke Hisaab Se Dekha Jaaye Toh Inka Calendar 6724 Wa Saal Chal Raha Hai, Is Hisaab Se Dekha Jaaye Toh Inka Calendar 5750 Saal Qabl Maseeh Shuru Hua, Ye Calendar Apne Aap Me Hi Ek Suboot Hai Ki Yazdani Qaum Duniya Kiqadeem Tareen Mazaheb Me Sare Fehrist Hai

(Inquilab Urdu Newspaper 21-03-2014 Shakeel Shamshi)

AB INKA AQEEDA DEKHEN

Allah Tala Ne Sabse Pahle Malekut Tawoos Ko Apne Noor Se Paida Farmaya Yazdani Black Book Aur Al Jalwa Ek Muqaddas Kitab Hai Jo Bahut Khufiya Rakhi Jaati Hai Usme Hai

“Malekut’tawoos Ne Kaha Jab Adam Aur Hawwa Jannat Me Rahte They Toh Main Wajood Me Tha, Is Waqt Bhi Main Tha Jab Namrood Ne Ibraheem Ko Aag Me Daala Aur Us Waqt Bhi Main Tha Ab Khuda Ne Mujhe Saaton Aasmano Ki  Hukmarani Ata Ki Aur Jannat Ka Hakim Muqarrar Kiya”

(Black Book, Al Jalwa)

Malum Hua Is Tarah Ka Shirkiya Aqeeda Sirf Barelwi Deobandion Hi Ka Nahin Hai Balke Duniya Ke Tamam Mushrilk Apne Apne Muqaddas Hastiyon Ko Jinko In Logon Ne Apna Mabood Bana Rakha Hai Allah Ka Tukda (Juzz) Banaate Hain, Aur Ye Aqeeda Rakhte Hain Ki Allah Tala Ne Swabse Pahle Hamare Mabood Ya Hamare Aaqa Ka Noor Apne Noor Se Banaya, Agar Inko Banana Maqsood Na Hota Toh Allah Kuch Bhi Na Banaata Aur Kaayanaat Ki Tamam Cheezien Inhi Se Bani Hain Jaise Ki Peeche Hawala Diya Ja Chukka Hain Ki Muhammad Sallalaho Alaihi Wasallam Ke Noor Ke 4-4 Hisse Karke Zamaane Ko Wajood Bakhsha Gaya,

Goya Duniya Ke Tamam Mushrik Is Baat Par Mutawaffiq Hain Ki Ye Kaaynaat Unke Mabood Ke Waseeele Se Bani, Agar Won A Hote Toh Kuch Na Hota, Allah Tala Ne In Zaalimon Ko Jawab Diya Aur Qur’an Me Irshad Farmya

“Hamne Jinno Aur Insane Ko Sirf Apni Ibaadat Ke Liye Paida Farmaya Hai”

(Surah Zariyat Ayat No. 56)

Malum Hua Allah Tala Ne Jinn Aur Insaan Ko Sirf Apni Ibaadat Ke Liye Paida Kiya Hai, Kisi Nabi Ke Liye Nahin, Mushrikon Ka Koi Mabood Ya Nabi Aisa Nahin Hai Ke Wo Allah Ka Juzz (Hissa ) Ho

Allah Tala Fermata Hai

“ Kah Do Allah Ek Hai Aur Be’niyaz Hai, Na Toh Wo Kisi Ke Shay Ka Juzz Hai, Aur Na Ki Koi Us Shay Ka Juzz Hai, Aur Na Koi Shay Us Jaisi Hai”

(Surah Ikhlas Surah No 112)

Isi Tarah Allah Tala Ne In Zaalimon Ko Jinhone Apne Apne Maboodon Ko Allah Ka Juzz Hone Ka Aqeeda Gada Hai Kaafir Hone Ka Elaan Kiya Aur Farmaya

“In Logon Ne Allah Ke Bandon Ko Allah Ka Juzz Bana Daala , Beshaq Insaan Khullam Khulla Kafir Ho Gaya”

(Surah Zukhruf Ayat No. 15)

2-  Aur Is Tarah Allah Ne Inke Kaafir Hone Ka Aam Elaan Farma Diya Jin Logon Ne Apni Apni Muqaddas Hastion Ko Allah Ka Tukda Ya Hissa Bana Rakha Hai, Inke Kufriya Aqeede Aur Uske Hawalon Ki Fehrist Bahut Lambi Hai..

To Be Continued

#Umairsalafialhindi

#Irfanali

#Islamicleaks

NOOR YA BASHAR KA AQEEDA AUR GUMRAH FIRQE: (PART-13)

Bismillahirrahmanirraheem

NOOR YA BASHAR KA AQEEDA AUR GUMRAH FIRQE: (PART-13)

INJEEL KE NAQSE-QADAM PAR:

“Ibteda Me Kalaam Tha Aur Kalaam Khuda Ke Saath Tha Aur Kalaam Ki Khuda Tha Yahi Ibteda Me Khuda Ke Saath Tha, Sab Cheezein Usi Ke Waseele Se Paida Hui, Aur Jo Kuch Paida Hua Hai Usme Se Koi Cheez Bhi Uske Be’ghair Paida Nahin Hui”

(Yuhanna Ki Injeel Bab No 1, 1-3)

Malum Hua Sabse Pahle Khuda Ka Beta Maseeh Kalaam Ki Shakal Me Tha Yani Kalma Kun Ki Shakal Me Aur Wo Khuda Ke Qurb Me Tha Aur Kalaam Hi Khuda Tha Yani Khuda  Ka Hi Juzz Tha Jo Khuda Ki Zaat Se Baher Aaya Tha Kalma Kun Ki Shakal Me, Saari Kaaynaat Maseeh Ke Sadqe Me Bani Agar Bête Ko Banana Maqsad Na Hota Toh Khuda Kuch Bhi Na Banaata Aur Kaaynaat Ki Koi Cheez Uske Be’ghair Paida Nahin Hui Yani Usi Kalma Se Zameen, Aasmaan, Loh, Kalam. Arsh, Jinn Aur Insaan Wagerah Sab Ka Wajood Usi Kalma Se Hua,

Ek Taraf Isaaiyon Ka Aqeeda Injeel Se Aap Logon Ne Dekha Ab Ummat Ke Mushrikon Ka Aqeeda Bhi Dekhe, Barelwi Ke Imam Likhte Hain

1-“Beshaq Allah Ne Soorat Muhammadi Ko Apne Naam Badi’e Aur Kaadir E Bebaq Aur Croron Saal Jaat E Kareem Isi Soorat Muhammadi Me Dekhta Raha Apne Kalma Mannaan Aur Kaahir Se Fir Tajalli Farmayi Is Par Apne Naam Gaafir Se ”

(Fatawa Naeemiya Page 37 Ba’hawala Barelwiyat Page 182)

2-“ Rasoollullah Sallalaho Alaihi Wasallam Allah Ke Noor Se Hain, Aur Saari Makhlooq Aapke Noor Se Hai”

(Mawaiz Naemiya , Ahmad Yar Barelwi Page 14 Ba’hawala Barelwiyat)

3- Ek Jagah Yun Likhte Hain Ki Rab Fermata Hai

“Aiy Nabi ! Agar Aap Na Hote Toh Main Duniya Ko Paida Hi Na Karta”

(Riyazus Saqalain Page No 244)

Baat Is Tarah Hui Ke Allah Tala Ne Muhammad Sallalaho Alaihi Wasallam Ko Sabse Pahle Paida Kiya Apne Kalaam Ki Soorat Me, Yahi Noor E Muhammadi Hai Au Rise Apne Qurb Me Croron Saal Dekhta Raha Fir Qaayanaat Banana Maqsood Hua Toh Us Par Tajalli Farmayi Aur Muhammad Sallalaho Alaihi Wasallam Se Saari Cheezein Banaayi Aur Is Tarah Aap Muhammad Sallalaho Alaihi Wasallam Ke Sadqe Se Saari Duniya Wajood Me Aayi, Nabi Salllaho Alaihi Wasallam Ko Banana Maqsood Na Hota Toh Allah Kuch Bhi Na Banaata

Ab Aap Dekhen In Mushrikon Ne Saara Ka Saara Aqeeda Nasraaniyon Ki Injeel Se Churaayi Hai, Ye Toh Accha Hua Ke Pahle Zameeno Me Copyright Ka System Nahin Tha Warna Ye Line Churaane Ke Jurm Me In Mushrikon Ko Jail Jaana Padhta, Kul Milaakar Is Aqeede Me Yahood, Nasaara, Hanafi Barelwi Sab Baaraabar Hain

To Be Continued

#Umairsalafialhindi

#Islamicleaks

#Irfanali

NOOR YA BASHAR KA AQEEDA AUR GUMRAH FIRQE: (PART-12)

Bismillahirrahmanirraheem

NOOR YA BASHAR KA AQEEDA AUR GUMRAH FIRQE: (PART-12)

NABI E AKRAM MUHAMMAD SALLALAHO ALAIHI WASALLAM KI HAIRAT’ANGEZ  DUA :

“Aiy Allah Mere Dil Me Noor Bana De Aur Meri Aankhon Me Noor Bana De, Mere Kaano Me Noor Bana De, Aur Mere Daayen Aur Baayen Noor Bana De, Aur Mujhe Noor Ata Farma Aur Meri Zubaan Me Noor Ata Farma Aur Mere Pat’the Me Noor Ata Farma Aur Mere Ghost Me Aur Khoon Me Aur Chamde Me Noor Bana De Aur Bada Kar Mere Liye Noor Ya Ilaahi De Mujhe Noor”

(Sahih Bukhari Bab Dua Hadith No. 6316)

Jo Log Nabi E Akram Sallalaho Alaihi Wasallam Ko Noorum Min Noorullah Maante Hain Iska Is Dua Ke Bare Me Kya Tabsirah Hoga Jo Nabi E Kareem Sallalaho Alaihi Wasallam Har Subah Ki Namaz Ke Baad Maangte They Agar Aap Sallalaho Alaihi Wasallam Noorum Min Noorullah They Toh Ye Dua Maange Ki Kya Zaroorat Thi ??

Aur Yaqeenan Is Tarah Aap Hidayat Ke Noor Ban Gaye, Aap Sallalaho Alaihi Wasallam Bolte Toh Who Bhi Noor E Hidayat Hoti, Aap Sunte Toh Wo Noor E Wahiyy Hoti Aur Apka Amal Noor E Ilaahi Ki Pairwi Hoti, Is Tarah Aap Sallalaho Alaihi Wasallam Noor E Hidayat They, Yani Aap Sallalaho Alaihi Wasallam Ka Akhlaaq E Azeema Qur’an Ki Tafseer Hai, Jaisa Ke Sayyedena Hz Aisha (Ra) Ne Farmaya

“Aap Sallalaho Alaihi Wasallam La Akhlaq Qur’an Hai”

(Sahih Muslim Bab Salatul Lail Hadith No. 746)

Aur Hidayat Ka Noor Allah Talasabhi Imaan Walon Ko Deta Hai, Toh Kya Saare Imaan Wale Noori Makhlooq Hain,

Qur’an Fermata Hai

“Aisa Shakhs Jo Pahle Murda Tha Fir Hamne Use Zinda Kar Diya, Aur Hamne Isko Aisa Noor Diya Ki Isko Liye Hue Aadmion Me Chalta Firta Hai, Kya Ye Shakhs Us Shakhs Ke Baarabar Ho Sakta Hai Jo Andheron Se Nikal Hi Nahin Paata”

(Surah Ana’am Ayat No.122)

Allah Tala Ne Is Ayat Me Bhi Noor Ko Hidayat Hi Se Taabeer Kiya Hai Ki Aadmi Kufr Aur Shirk Ki Ghalazaton Me Pada Murda Ko Hamne Imaan Ki Roshni Dekar Zinda Kiya Aur Wo Shakhs Imaan Ka Noor Lekar Chalta Firta Hai Aur Shirk Karne Wala Andheron Me Hi Rahta Hai, Wo Imaan Walon Ki Baarabari Kaise Kar Sakta Hai, Isi Noor Ko Badhane Ke Liye Nabi E Akram Sallalaho Alaihi Wasallam Har Subah Ki Namaz Me Dua Karte They..

ALLAH KA JUZZ:

“ Yahood Kahte Hain Uzair Allahn Ka Beta Hai Aur Nasara Kahte Hain Maseeh Allah Ka Beta Hai, Ye Inke Muh Ki Baatein Hain, Agle Kaafiron Ki Si Baatein Allah Inko Ghaarat Kare, Ye Kahan Baheq Gaye Hain”

(Surah Tauba Ayat No.30)

Yahood O Nasara Ne Apne Apne Nabion Ko Allah Ka Juzz Bana Daala, Aulaad Baap Ka Juzz Hota Hai Jaisa Ki Sahih Hadith Me Hai Ki Nabi E Akram Sallalaho Alaihi Wasallam Ne Farmaya

“Fatima Mera Tukda Hai Yani Mera Juzz, Mera Hissa Hai”

Kisi Shay Ko Allah Tala Ka Juzz Samjhna Kufr O Shirk Hai Isi Wajah Se Yahood O Nasaara Kafir Wa Jahannumi Hain

Nabi E Kareem Muhammad Sallalaho Alaihi Wasallam Ne Irshad Farmaya

Hz Abu Saeed Khudri (Ra) Riwayat Karte Hain Ki Nabi E Akram Sallalaho Alaihi Wasallam Ne Farmaya

“Tum Apno Se Pahli Ummaton Ki Eke K Baalisht Ki Aur Eke K Gazz Ki Itteba Karoge Yahan Tak Ki Agar Wo Kisi Goh Ki Suraagh Me Daakhil Hue Honge Toh Tum Bhi Aisa Hi Karoge”

Hamne Poocha;-“Allah Ke Rasool, Isse Murad Yahood O Nasaara Hain”

Farmaya:-“Aur Kaun ??”

(Bukhari Jild No.8 Page No486, Hadith No.7320)

Nabi E Akram Sallalaho Alaihi Wasallam Ki Hadith Harf Ba Harf Din Ke Sooraj Ki Tarah Namudaar Hui Aur Ummat Ke Kai Firqe Yahood Aur Nasaara Ke Naqshe Qadam Par Chal Padi Aur Allah Ki Zaat E Paak Me Usi Tarah Ka Aqeeda Gada Jis Tarah Ka Aqeeda Yahood O Nasaara Ka Hai

To Be Continued..

#Irfanali

#Umairsalafialhindi

#Islamicleaks

NOOR YA BASHAR KA AQEEDA AUR GUMRAH FIRQE: (PART-11)

Bismillahirrahmanirraheem

NOOR YA BASHAR KA AQEEDA AUR GUMRAH FIRQE: (PART-11)

YAQEENAN NABI MUHAMMAD SALALLAHO ALAIHI WASALLAM INSAN HAIN

DALEEL NO.4

“Mushriko Ne Kaha ! Ye Toh Tum Jaisa Insane Hai, Tumhari Hi Khuraak Ye Bhi Khata Hai Aur Tumhare Peene Ka Paani Bhi Ye Peeta Hai”

(Surah Mominoon Ayat No.34 )

Allah Tala Ka Qalaam Hikmaton Se Bhara Hai, Nabion Ke Mutaallik Baar Baar Khane Ki Daleel Bayan Karna Iski Ahmiyat Ko Zaahir Karta Hai Ki Saare Nabi Basher Aur Khaane Peen Eke Mohtaaj They Wah Noori Makhlooq Ya Allah Ka Tukda Kaise Ho Sakte They, Aur Iski Ek Aur Umda Misaal Barelwion Ki Tafseer Naimiddeen Se Dena Sone Pe Suhaaga Hoga,

Nabi E Kareem Muhammad Sallalaho Alaihi Wasallam Ka Nazraan Ke Ek Isaayi Wafad Se Munazara Hua Unhone Kaha

“ Agar Isa (As) Allah Tala Ke Bête Na Hon Toh Bataayen Inka Baap Kaun Hai??? Aur Sabke Sab Bolne Lage”

Nabi E Kareem Sallalaho Alaihi Wasallam Ne Farmaya:

“Tum Nahin Jaante Ke Beta Baap Ke  Zaroor Mushaaba Hota Hai??  Isaaiyon Ne Iqraar Kiya”

Fir Farmaya:

“Tum Nahin Jaante Ke Mera Rabb Hayyul Aur Yamoot Hai, Iske Liye Maut Muhaal Hai, Aur Isa (As)  Par Maut Aane Waali Hai ?? Unhone Bhi Iska Iqrar Kiya”

Fir Farmaya:

“Kyat Um Nahin Jaante  Ki Hamara Rabb Bando Ka Kaarsaaz Aur Unka Hafiz Haqeeqi Aur Rozi Dene Walaa Hai”

Unhone Kaha: “Haan”

Nabi E Akram Muhammad Sallalaho Alaihi Wasallam Ne Farmaya:

“Kya  Isa (As) Bhi Aise Hi Hain?? ”

Kahne Lage:-“Nahin”

Farmaya:-“Kyat Um Nahin Jaante Ki Allah Tala  Se Zameen Aur Aasmano Ki Cheez Posheeda Nahin??, Unhone Iska Bhi Iqrar Kiya”

Muhammad Sallalaho Alaihi Wasallam Ne Farmaya:

“Toh Kya Isa (As) Be’ghair Taleem E Ilaahi Isme Se Kuch Jaante Hain,”

Unhone Kaha:-“Nahin”

Rasool Sallalaho Alaihi Wasallam Ne Farmaya:-“ Kyat Um Nahin Jaante Ki Isa (As) Hamal Me Rahne Walon Ki Tarah Hamal Me Paida Hue, Bachhon Ki Tarah Ghiza Diye Gaye, Khaate Peete They Aur Awariz Bashari Rakhte They,” Unhone Iska Bhi Iqrar Kiya

Nabi E Kareem Muhammad Sallalaho Alaihi Wasallam Ne Farmaya:-“Fir Wo Kaise Allah Ho Sakte Hain Jaisa Ki Tumhara Ghumaan Hai ??”

Is Par Isaayi Khamosh Rah Gaye Aur Unse Koi  Jawab Na Ban Pada, Is Par Surah Aal E Imraan Ki Awwal Se Kuch Upper 80 Ayat Naazil Hue,

(Tafseer Naimuddeen Muradabadi Aal E Imran Surah No.3 Ayat No.2, Fayeda No.2)

Jo Log Kisi Nabi Ko Allah Ka Beta Ya Tukda Maante Hain Unse Mere Nabi Muhammad Sallalaho Alaihi Wasallam Ka Munaazara Ho Chukka Hai Aur Usme Mere Nabi Ye Munaazara Jeet Bhi Chuke Hain,

Yahi Munaazara Main Aaj Ke Mushrikonn Ke Saamne Rakhta Hoon, “Hai” Koi Jisne Maadar E Ilmi Ka Dhoodh Piya Hai, Jo Merenabi Muhammad Sallalaho Alaihi Wasallam Se Munazara Jeet Ke Dikhaaye, Agar Tum Muhammad Sallalaho Alaihi Wasallam Ko Allah Ke Noor Ka Tukda Maante Ho Toh Tumhe Khula Challenge Hai Ki Allah Ke Rasool Ke Is Munaazare Ka Jawab Dekar Dikhao

Allah Tala Ka Farmaan Hai

“Beshaq Inhone Allah Ke Bandon Ko Allah Ka Juzz Bana Diya Aur Insaan Khullam Khulla Kaafir Ho Gaya”

(Surah Zukhruf Ayat No. 15)

To Be Continued

#Irfan Ali

#Umairsalafialhindi

#Islamicleaks