DO LAANAT WAALE KAAM

✿✿Assalamualaikum Warahmatullahi Wabarakatuhu✿✿

*** Bismillah hir-Rahman nir-Rahim ***

Abdullah ibn Mas'ud Radi Alllahu Anhu se rivayat hai ki Jinno ki ek Jamaat Rasoollallah Sallallhu Alaihi Wasallam ke khidmat mein hazir huyee unhoney arz kiya ki,

" Eh Muhammad SallAllahu Alaihi Wasallam ! Aap apni ummat ko mana farma dijiye Haddi (bones) , Leed ( Gobar) aur koyley se istinja karney se kyuki ALLAH Subhanahu ne ismein hamari Rozi rakhi hai",

Iskey baad Rasoollallah Sallallhu Alaihi Wasallam ne aisa karney se mana farma diya.

Sunan Abu Dawud, Vol 1, 39 (Sahih)

*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´¸

Hazrat Abu Hurairah Radi Allahu Anhu se rivayat hai ki Rasoolallah Sallallhu Alaihi Wasallam ne farmaya,

" Do Laanat waley kaamo se bacho".

Sahaba Radi Alllahu anhuma ne pucha," Wo Do kaam kaun se hain"?

Aap Sallallhu Alaihi Wasallam ne farmaya," Kisi Raahguzar mein Pakhana karna , ya Sayaadar jagah mein pakana karna".


Sunan Abu Dawud, Vol 1, 25 ( Sahih)

*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´¸

Hazrat Abu Hurairah Radi Allahu Anhu se rivayat hai ki Rasoollallah SallAlllahu Alaihi wasallam ne farmaya,

" Jo shaksh ALLAH aur Qayamat ke deen par yakeen rakhta ho usey liye jayaz nahi ki wo Peshaab pakhana Rok kar ke Namaz parhey yahan tak ki wo insey Faraghat hasil kar le".

Sunan Abu Dawud, Vol1, 91

TAYAMMUM KA BAYAN

✿✿Assalamualaikum Warahmatullahi Wabarakatuhu✿✿

*** Bismillah hir-Rahman nir-Rahim ***

Taimum ka Bayan
▬▬▬▬▬▬▬▬▬▬▬▬▬▬
Paani na milne ki surat mein Taharat se paak Mitti ka Qasad ker ke Hathon aur Moo par malna Taimum kehlata hai

*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´¸

'Imran bin Husain Al-Khuza'I Radi Allahu Anhu se rivayat hai ki RASOOLALLAH Sallallhu-Alaihi-Wasallam ne ek Aadmi ko dekha ki Alag khada hua hai aur Logon ke saath Namaz mein sharik nahi ho raha AAP Sallallahu Alaihi Wasallam ne farmaya ki Eh falah tumhey logon ke saath Namaz parhney se kis cheez ne rok diya

Usney Arz kiya ya RASOOLALLAH Sallallhu Alaihi Wasallam main Junubi hu (Yani mujhe Ghusal ki jarurat hai) aur pani nahi hai AAP Sallallahu Alaihi Wasallam ne farmaya,

" Phir tumko paak Mitti se tayyamum karna jaruri tha , wo Tumharey liye kaafi ho jata".

Sahih Bukhari, Vol1, 318

*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´¸

RASOOLALLAH Sallallhu Alaihi Wasallam ne farmaya ,

"Paak Mitti Musalmano ka Wudu hai agar che Dus baras paani na paye ".

(Abu Dawod 332 333. Nisayi 171, Tirmidhi 124 )

(Tashreeh :Dus Baras se Kasarat Mudaat murad hai )

Taimum ka Tariqa
▬▬▬▬▬▬▬▬▬▬▬▬▬▬
Hazrath Ammar Radi Allahu Anhu bayan karte hain ke Safer ki halat mein Janabi hogaye aur Pani na milne ki wajase Qaaak per laote aur Namaz padhli

Phir safer se aker ye haal RASOOLALLAH Sallallhu Alaihi Wasallam ke samne bayan kiya to aap ne Farmaya,

◄Tumhare liye yehi kafi tha aur phir RASOOLALLAH Sallallhu Alaihi Wasallam ne dono hath Zamin per Marey aur in per Phunk mari

◄Phir inke sath apne Moonh aur dono Hathon per Massa kiya yani Ulte Hath se Sidhe Hath par aur Sidhe Hath se Ulte hath par Massa kiya

◄ Phir dono Hathon se Cehra ki Massa kiya".


(Bukhari 338 ,Muslim 368, Abu Dawood 321)

MOZON (SOCKS) PAR MASAH KA BAYAAN

✿✿Assalamualaikum Warahmatullahi Wabarakatuhu✿✿

*** Bismillah hir-Rahman nir-Rahim ***

Mozon per Massa ka Bayan
▬▬▬▬▬▬▬▬▬▬▬▬▬▬▬▬▬▬▬▬▬

Hazrath Mugheerah Radi Allahu Anhu kehte hain ek Safer mein Mai Rasoollallah SallAllahu Alaihi wasallam ke Hamrah tha

Maine Wudu ke waqt caha ke Aap SallAllahu Alaihi wasallam ke dono mozey utaardoo Ap SallAllahu Alaihi wasallam ne farmaya,

" Inhein rehne do ". Maine inhein Taharat ki halat mein pahena tha".

Phir Aap" SallAllahu Alaihi wasallam ne inper massa kiya

(Bukhari 206)

*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´¸

Shareeh Bin Hani Radi Allahu Anhu farmate hain Maine hazrath Ali Radi Allahu Anhu se Mozon ke massa kerne ki muddat ke mutaliq poocha to Hazrath Ali Radi Allahu Anhu ne farmaya,

Rasoollallah SallAllahu Alaihi wasallam ne Musafir ke liye Massa ki muddat Teen din Raat aur Muqeem k liye ek Din Raat muqarar farmayi hai .

(Muslim 276)

*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´¸

Safwan Bin Asal Radi Allahu Anhu riwayat karte hain ke jab Hum Safer mein hote to Rasoollallah SallAllahu Alaihi wasallam humein hukum dete ke hum apne mozey Teen din Teen Raton tak Paqana , Peshab ya Sone ku jaye se na utare balki inper Massa karein ,

Han Janabat ki surat mein Mozey utarne ka hukum detey.

(Tirmidhi 96 Sahih , Nisayi 98 , 84 ,83 )

(Tashreeh : Is hadees se malum hua ke Junubi hona Massa ki muddat ko qatam kardeta hai .Isliye Ghusal Janabat mein Mozey utarne cahiye albatta bol wabaraz Neend k baad Mozey nahi utarne cahie Balki mayena muddat tak inper Massa karsaktey hain

WUZU SE BULAND DARJAAT

 

 

 

 

✿✿Assalamualaikum Warahmatullahi Wabarakatuhu✿✿

*** Bismillah hir-Rahman nir-Rahim ***

WUDU SE BULAND DARJAAT
▬▬▬▬▬▬▬▬▬▬▬▬▬▬▬▬▬▬▬▬▬▬▬▬

RASOOLALLAH sallAllahu alaihi wasallam ne farmaya, "Wudu Aadha iman hai".

(Sahih Muslim 223)

•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´

Hazrath Abu Hurariah Radi Alllahu anhu se riviyiat hai ke Maine apne Habib muhamad sallAllahu alaihi wasallam ko ye farmate hwey suna

Jannat mein Momin ka Zewar (noor)wahan tak pahunchega jahan tak Wudu ka paani pahunchega .

(Muslim Hadees 250)
•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´

Nu'am Al-Mujmir radi allahu anhu se rivayat hai ki main Abu Hurirah Radiallahu anhu ke saath masjid ki chat (roof) par chada unhoney wudhu kiya aur kaha ki mainey Rasoollallahu Sallallahu Alaihi Wasallam se suna ki

Meri ummat ke log Wudhu ke nishaanat ki wajah se Qayamat ke din "Al-Ghurr-ul-Muhajjalun" ( Safaid Peshani aur Safaid haath paaw waley) kah kar bulaye jayengey to tum mein jo koi apni chamak badana chahta hai to wo bada le (yani regular wudhu karta rahey)

(Sahih Bukhari, Vol 1, 136)

•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´

Hazrat usman bin Affan Radi Allahu Anhu se Rivayat hai ki Rasoollallahu Sallallahu Alaihi Wasallam ne farmaya jo Shaksh achchi tarah wudhu karey to uskey gunaah badan se nikal jaatey hain, yahan tak ki naakhuno ke neechey se bhi nikal jatey hain

(Sahih Muslim, Vol1, 578)

•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´

RASOOLALLAH sallAllahu alaihi wasallam ne farmaya,

" Jis waqt Banda Momin Wudu shuru karta hai phir Kulli karta hai to iske Moonh ke Gunah nikal jate hain

Phir jis waqt Naak jhaadta hai iske Naak k gunah nikal jate hain

Phir jis waqt Cehra dhota hai iske Cehre k Gunah nikal jate hain yahan tk k iski Ankhon ki palkon ke neche se bhi gunah nikal jate hain

Cehra dhote waqt gunah dadhi k kinaron se bhi girte hain

Aur jis waqt wo hath dhota hai to iske dono hathon se gunah nikal jate hain yahan tak k dono hathon ke naquno ke niche se bhi nikal jate hain

Phir jis waqt masa karta hai to iske sar ke gunah nikal jate hain

Phir jis waqt paao dhota hai to iske dono pao se gunah nikal jate hain yahan tak k dono paao ke naquno ke niche se bhi nikal jate hain

Phir jab isne namaz padhi Allah ki tarif sana wa buzrugi bayan ki aur apna dil Allah ki yad ke liye farigh kiya to gunahon se is tarha laotta hai jaisee wo us din paak tha jab uski Maa ne Jana tha ".

(Muslim Hadees 832)

•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´

Abdullah bin umar Radi Alllahu Anhuma se rivayat hai AbuGhutayf al-Hudhali ne kaha ki Main Abdullah bin umar radi ALLAHhu anhu ke pass tha jab Duhar ki adhan huyee to unhoney Wudhu kiya aur namaz parhaayee iskey baad Asar ki Adhan huyee to unhoney Dobara Wudhu kiya mainey unsey pucha to unhoney kaha ki RASOOLLALLAH Sallallhu Alaihi Wasallam ne farmaya ki jo koi Wudhu par Wudhu kareyga uskey liye 10 nekiyan likh di jayegi

Sunan Abu Dawud, Vol 1, 62

•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´

Hazrat Usman Radi Allahu Anhu ne wudhu kiya to farmaya Main tumko EK hadith Sunata hu Agar Quran paak ki Ek Aayat (Nazil) na hoti to main ye Hadith tumko na sunata , Rasoollallah Sallallahu Alaihi Wasallam ne farmaya

'Jab bhi koi Achchi tarah wudhu karta hai to aur namaz parhta hai to uskey ek Namaz se Dusri namaz ke parhney tak ke Gunaah Maaf kar diye jaatey hain".

(Sahih Bukhari, Vol 1, 153)

Urwah Radi allahu anhu kahtey hain wo ye Aayat ye hai “Jo log Allah ki us Nazil ki huyee Hidayat ko Chupatey hain jo usney logon ke liye Apni kitab mein bayan ki hai , Un Par Allah ki Laanat hai aur (Dusrey) Laanat karney walon ki laanat hai”

( Al Quran , Al Baqrah : 159)

JANABAT KI HAALAT ME WAZU KARKE SONA CHAHIYE

 

 

 

*** Bismillah hir-Rahman nir-Rahim ***

Janabat ki Halat mein Wudhu karkey Sona chahiye
▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬

Abdullah bin umar Radi-Allahu-Anhu se rivayat hai ki Rasoollallah Sallallhu-Alaihi-Wasallam se pucha gaya ki kya hum logon mein se koi Janabat ki halat mein so sakta hai to Aap Sallallahu-Alaihi-Wasallam ne farmaya (HAAN) jis waqt waqt wo wudhu kar le

Sunan Nasaii , Vol 1, 262 ( Sahih)

•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´

Abdullah bin umar Radi-Allahu-Anhu se rivayat hai ki Umar Radi-Allahu-Anhu ne Rasoollallah Sallallhu-Alaihi-Wasallam se pucha ki mujhko Raat je janabat ho jati hai , to Aap Sallallahu-Alaihi-Wasallam ne farmaya tum Wudhu kar lo aur sharmgaah ko dho lo phir uskey baad so saktey ho

Sunan Nasaii , Vol 1, 263 ( Sahih)

•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´

(Baab: Paki ka bayan : Agar Janubi shaksh wudhu na karey )
▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬

Ali Radi-Allahu-Anhu se rivayat hai ki Rasoollallah Sallallhu-Alaihi-Wasallam ne farmaya us ghar mein (rahmat ke) farishtey dakhil nahi hotey jis ghar mein Kutta , tasweer ya Junubi shaksh ho

Sunan Nasaii , Vol 1, 264 ( Hasan)

WAZU KA TAREEQA

 

 

 

 

✿✿Assalamualaikum Warahmatullahi Wabarakatuhu✿✿

*** Bismillah hir-Rahman nir-Rahim ***

Wazu ka Tarika:
▬▬▬▬▬▬▬▬▬▬▬▬▬▬▬▬

1. Bismillah kehna (sirf Bismillah hi kehna Ar-Rahman Nir-Raheem nahi kuy ki Nabi Sallallahu Aalaihi Wasallam ne itna hi ka hukum diya hai,

2. Nabi "Sallallahu Aalaihi Wasallam" juta pehanne, kangi karne, taharat karne aur garz tamaam kamo mein Dayi (Right) tarf se shuru karna pasand farmate,

3. Phir Dono hath pohcho tak (kalayi tak) 3 baar dhoye,

4. Hataou ko dhote waqat Hataou ki ungliyo ki darmiyaan qalal kare,

5. Phir ek chullu (pani) ley kar aadhe se kulli kare aur aadha naak mein daley aur Nak ko baye (left) hath se jhade, ye Aamal 3 baar kare,

6. Phir 3 baar Mou (face) dhoye,

7. Phir (Mard Hazrat) ek Chullu (pani) ley kar is se Thoddi ke niche daqil kar ke Dadi ka qalal kare,

8. Phir daya (right) hath kohni tak 3 baar dhoye, phir baya (left) hath khoni tak 3 baar dhoye,

9. Phir sar ka masa kare, dono hath sar ke agley hisse se shuru kar ke thuddi tak pichey ley jaye, phir pichey se aage is jagha ley aaye jahan se masa shuru kiya tha,

10. Sar ka masa ek baar karna

11. Phir kano ka masa is tarha kare ke Shahadad ki ungliya dono kano ke suraqo se guzar kar kano ki pusht (back) par Unghotou se masa kare,

12. Phir daya (right) Paou (leg) taqno tak 3 baar dhoye, aur baya (left) Paou bhi taqno tak 3 baar bhoye,

13. Jab wazu kare tou hatou aur paou ki Ungliyo ka qalal kare, Nabi (Sallallahu Aalaihi Wasallam) aapne Paou ki Ungliyo ka qalal hath ki Chungli (choti ungli) se kartey thaye

Wazu ke daleel:
▬▬▬▬▬▬▬▬▬▬▬▬▬▬▬▬

Nasayi Hadees 78
Bukhari Hadees 167
Bukhari Hadees 159
Abu Dawwd Hadees 142
Bukhari Hadees 191
Bukhari Hadees 185, 186, 192
Tirmizi Hadees 31
Bukhari Hadees 1934
Saheeh Bukhari Hadees 185
Ibne Maja Hadees 439
Bukhari Hadees 1934
Tirmizi Hadees 39
Abu dawood Hadees 148

Wazau ke baad ye Dua padhe:
▬▬▬▬▬▬▬▬▬▬▬▬▬▬▬▬▬▬▬▬▬▬▬▬

"Ashhadu Alla'ilaha illallah wahdahu La'sharika Lahu, Wa Ashhadu Anna Muhammadan Aabduhu wa Rasooluh."

[ Saheeh Muslim Hadees 234]

—

US SHAKHS KI NAMAZ BAHIN JISKA WAZU NAHIN

 

 

 

 

✿✿Assalamualaikum Warahmatullahi Wabarakatuhu✿✿

*** Bismillah hir-Rahman nir-Rahim ***

Hazrat Abu huraira Radi Alllahu anhu se rivayat hai ki RASOOLALLAH sallAllahu alaihi wasallam ne farmaya ki

"Us shaks ki namaz nahi jiska wudhu nahi aur us shaks ka wudhu nahi jisney iskey shuru mein BISMILLAH na parhi ho".

Sunan Abu Dawud, Book 1, Number 101

•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´

Ek Sahabi Radi Alllahu anhu rivayat kartey hain hai ki

RASOOLALLAH sallAllahu alaihi wasallam ne ek Shaks ko namaz parhtey huye dekha uskey paaw mein ek Dirham ke barabar jagah sukhi rah gayee thi to AAP sallAllahu alaihi wasallam ne usko wudhu aur Namaz ke lotaney ka hukm diya.

Sunan Abu Dawud, Book 1, Number #175:

•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´

Hazrath Abdullah bin UmrRadi Alllahu anhu se riwayiat hai k Hum RASOOLALLAH sallAllahu alaihi wasallam ke sath Makkah se Madinah ki tarf lautey,

Raste mein humein pani mila hum mein se ek Jamat ne Namaz aser ke liye jald bazi mein Wudu kiya piche se hum bhi pahunch gaye dekha ke inki Aediyan Khushk thii inko pani nahi pahuncha tha

RASOOLALLAH sallAllahu alaihi wasallam ne farmaya," Khushk Aediyon ke liye Aag se qarabi hai pas Wudu poora kiya karo".


Sahi Muslim Hadees 241

GHUSL-E-JANABAT

✿✿Assalamualaikum Warahmatullahi Wabarakatuhu✿✿

*** Bismillah hir-Rahman nir-Rahim ***

Halat-e-Janabat:
▬▬▬▬▬▬▬▬▬▬▬▬▬▬▬▬
Wajub Gusul ki halat ko Halat-e-Janabat kehtey hai, 4 halatou mein Musalmaan marad aur Aurt par Gusul karna farz hai.

1. Jhosh ke sath mani qarij hone ke baad, (is mein Ahtelaam bhi daqil hai),

2. Suhbat ke baad,

3. Hais ke baad aur

4. Nafaas ke baad (wo khoon jo pachche ki paidaish par jari hota hai).

Gusl-e-Janabat ka tarika:
▬▬▬▬▬▬▬▬▬▬▬▬▬▬▬▬

Aayesha Radi-Allahu-Anhu se rivayat hai ki Rasoollallah Sallallhu-Alaihi-Wasallam jab ghusal e janabat farmatey to

◄Pahley Aap Sallallahu-Alaihi-Wasallam dono haath dhothey

◄Phir namaz ki tarah wudhu kartey,

◄Phir sir ke baalon ka ungliyon se khilal farmatey yahan tak ki sir ke saaf honey ka yaqeen aur itnimamn ho jata

◄Phir Dono chullu bhar kar teen martaba sir par pani daaltey

◄Iskey baad sarey jism par paani daaltey

Sunan Nasaii, Vol 1,425 ( Sahih)

.•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´

Aayesha Radi-Allahu-Anhu se rivayat hai ki Rasoollallah Sallallhu-Alaihi-Wasallam ghusal karney ke baad wudhu nahi farmatey they (kyunki ghusal karna kafi ho jata hai.)

Sunan Nasaii, Vol 1, 432 ( Hasan)

.•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´

Hazrat Aayesha radi allahu anah se rivayat hai ki Rasoollallahu Sallallahu Alaihi Wasallam jab janabat ka guhusal farmatey to

◄Pahley dono haath dhotey

◄Phir usi tarah wudhu kartey jaisa namaz ke liye Aap Sallallahu Alaihi Wasallam wudhu kiya karte they

◄Phir paani mein apni ungliyan dakhil farmatey aur unse baalon ki jadon (root of hair) ka khilal kartey

◄Phir apney haathon se 3 chullu sir par daltey

◄ Phir tamam badan par paani baha detey.

Sahih Bukhari, wudhu ka Bayan (248)

.•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´

( Ghusal karte waqt ) Aurat ke liye sir ke baalon ko kholna zaruri nahi
▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬

Thawban Radi Allahu Anhu se rivayat hai ki Rasoollallah Sallallahu Alaihi Wasallam se Ghusal e janabat ke baarey mein daryaft kiya to Aap Sallallhu Alaihi Wasallam ne farmaya ki,

Mard ke liye to ye jaruri hai ki wo Apna sir khol kar ( yani baal khol kar) baalon ko dhoye yahan tak ki paani Baalon ki jado tak pahunch jaye magar Aurat ke liye sir ke baalon ko kholna zaruri nahi hai bulki isko chahiye ki wo Dono Haath se 3 martaba paani sir par Daal le".

Sunan Abu Dawud, Vol 1, # 255

.•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´

(Madhi nikalney) par sirf Wudhu karna kaafi hai (Ghusal farz nahi)
▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬

Sahl ibn Hunayf Radi Allahu Anhu se rivayat hai ki Main Madhi (mazi) ke baar baar nikalne se takleef mein mubtala rahta tha kyunki main aksar iski wajah se Ghusal kiya karta tha mainey Rasoollallah Sallallhu Alaihi Wasallam se is barey mein arz kiya Aap Sallallahu Alaihi Wasallam ne farmaya,

(Madhi nikalney) par sirf wudhu karna kaafi hai mainey arz kiya Ya Rasoollallah allallhu Alaihi Wasallam agar madhi kapdo par lag jaye to kya karu ? Aapney farmaya Ek chullu paani lekar us Muqam par chidak do jahan tumhey mehsus ho madhi lagi hai

Sunan Abu Dawud, Vol 1, # 210

.•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´

Ghusal ki jarurat ho aur paani na ho to Tayyamum karkey Namz parho
▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬

'Imran bin Husain Al-Khuza'I Radi Allahu Anhu se rivayat hai ki RASOOLALLAH Sallallhu-Alaihi-Wasallam ne ek Aadmi ko dekha ki Alag khada hua hai aur Logon ke saath Namaz mein sharik nahi ho raha AAP Sallallahu Alaihi Wasallam ne farmaya ki," Eh falah tumhey logon ke saath Namaz parhney se kis cheez ne rok diya "?

Usney Arz kiya ,"Ya RASOOLALLAH Sallallhu Alaihi Wasallam ! Main Junubi hu (Yani mujhe Ghusal ki jarurat hai) aur pani nahi hai ".

AAP Sallallahu Alaihi Wasallam ne farmaya," Phir tumko paak Mitti se tayyamum karna jaruri tha , wo tumhareyliye kaafi ho jata".

Sahih Bukhari, Vol1, 318

NAAPAAKI KE HUQM AUR PAAKI KAISE HAASIL KAREN

Bismillahirrahmanirraheem



NAAPAAKI KE HUQM AUR PAAKI KAISE HAASIL KAREN



Aise ghusl ki haalat ko haalat "janaabat" kahte hain, in 4 haalaaton me musalman mard aus aurat par ghusl karna farz hota hai:

1-josh ke saath mani(semen) nikalne ke baad( usme wet dream bhi shaamil hai)

2- jama(sex) ke baad

3- menstuaration period ke baad

4- nifaas (bacche ki paidaish) ke baad"


Note: nifaas wah khoon hai jo bacche ki paidaish par jaari hota hai


HUMBISTARI AUR GHUSL E JANABAT


Sahaba kiram ra ke beech ghusl janabat ka ek masla bahas me aaya, ek giroh kahta tha ki ghusl sirf jama(sex) par farz ho jaata hai, mani ka nikalna shart nahi

dusra giroh bayan karta tha ki ghusl ke liye dakhool ke saath mani ka nikalna bhi shart hai,

yah lambi bahes kisi khaas nateeje par khatm na hui

aakhir taiy paaya gaya ki ummul momineen hz aisha ra se malum kiya jaaye

hz aisha ra ne kaha ki rasoollullah sallalaho alaihi Wasallam(pbuh) ne farmaya:-" jab mard, aurat ki 4 shaakhon ke beech baith jaaye aur uske satar(private part) ka agla hissa aurat ki sharmgaah se chhoo jaaye ( yani mard ka satar aurat ki sharmgaah ke andar daakhil ho jaaye) to ghusl waajib ho jaata hai"

(sahih muslim 349)


to masla yah saabit huwa ki sirf dakhool par hi mard aur aurat jumbi ho jaate hai aur unpar ghusl waajib ho jaata hai, mani ka nikalna shart nahi hai


rasoollullah sallalaho alaihi wasallam(pbuh) ne farmaya:-" jab tum aurat ki 4 shaakhon ke beech baithkar jama karo to tum par ghusl waajib ho gaya, jabki mani na nikle"

(bukhari 291, muslim 348)


WET DREAM KA MASLA:



ummul momineen hz salma ra riwayat karti hain ki hz umme saleen ra ne rasoollullah sallallaho alaihi wasallam(pbuh) se kaha:-" aiy allah ke rasool! Beshak hi allah haq se nahi sharmaata (main bhi aapse masla poochti hun) kya aurat par ghusl par jabki usko (wet dream) Ho ? Aapne farmaya:- haan, lekin jab paani(mani ka nishaan) dekhe", is par hz umme salma ra ne (sharm se) muh chhupa liya aur arz kiya, aiy allah ke rasool ! Kya aurat ko bhi (wet dream) hota hai?? Aapne farmaya:-" haan (hota hai) tera daahina haath khaak aalood ho"

(bukhari,ghusl 282, sahih muslim ,haiz 313,)


note: aakhiri alfaaz, bad'dua nahi, sirf ek muhaawra(idioms) hai, iska matlab khabardaar karna hota hai


malum huwa ki aurat ya mard neend se uthkar agar geelapan yaani nishaan dekhen to( yah wet dream ki alaamat hai) unpar ghusl karna farz ho jaata hai aur agar wet dream ki kaifiyat unhe yaad ho lekin nishaan na paaye to ghusl farz nahi hoga, aisi soorat me shaq karne ki zarurat nahi hai



MENSTRUAL PERIOD (HAIZ) KE KHOON SE BHEEGA KAPDA:


hz asma binte abu bakr ra riwayat karti hai ki ek aurat ne rasoollullah(sws) ne poocha jis kapde ko haiz ka khoon lag jaaye to kya kare?? Aapne farmaya: -" use chutkiyon se malkar paani se dho daalana chahiye aur phir usme namaz ada kar li jaaye


MANI KA DHONA:


"Hz aisha ra farmati hai ki main aap(sws) ke kapde se mani ko dho daalti thi aur aap us kapde me namaz padhne tashrif le jaate they aur dhone ka nishaan kapde par hota tha"


(Bukhari 229,232, muslim 289


DHOODH PEETE BACCHE KA PESHAAB:


Hz umme qais ra apne chhote(dhoodh peete) bacche ko jo khana nahi khaata tha, aap(sws) ke paas layin aur aapne use apni god(lap) me bitha liya, bacche ne aapke kapde par peshaab kar diya to aapne paani mangwa kar kapde par chhinte maare aur use dhoya nahi"

(bukhari 223, muslim 287)

hz lubaba binte haarish ra riwayat karti hain ki hussain bin ali ra ne aap(sws) ki god me peshaab kar diya (jo abhi dhoodh peete hi they) maine arz kiya:-" koi aur kapda pahan len aur tahband mujhe de den taaki use dho dun, to aapne farmaya, larki ka peshaab dhoya jaata hai aur Ladke ke peshaab par chhinte maare jaate hain"


(abu dawood 375, ibne majah 522, ise ibne khuzaima (282), haakim (1/116), aur zahbi ne sahih kaha hai)

PAAKI KE MASAIL

AS SALAM O ALLAIKUM WR WB


WUDHU KE MASAIL KE BAAD AB GUSL KE SAATH PAAKI KE MUTALLIQ KUCH AUR CHIZON KO QURAN AUR SAHIH HADITH KI ROSHNI ME BAYAN KIYA JA RAHA HAI:



1-HAIZ KE MASAIL


1.1 HAIZ KA MATLAB: AISA KHOON JO AURAT KE RAHAM(BACCHE DANI) SE BACCHA KI PAIDAISH AUR KISI BIMARI KE ELAWA BAALIGH HONE KE MAKHSOOS DINO ME NIKLE (LISANUL ARAB)


1.2 RANG(COLOR):
ULAMA KA IS BAAT PAR ITTEFAQ HAI KI IS KHOOB KA RANG SIYAAH(KAALA), SURK(RED), ZARD(YELLOW) AUR KHAKI (MITTI KE RANG KA)(YANI SAFED AUR KAALA) KE DARMIYAAN HOTA HAI (FATH-UL-QADIR MA HAASHIYA-TUN-INAYA)


1.3 WAQT:


HAIZ KE LIYE KAM SE KAM YA ZYADA SE ZYADA WAQT MUQARRAR NAHI,(FATAWAL MAR-ATIL MUSLIMA)


1.4 HAIZA AURAT KE AHKAAM:


JIS AURAT KE AADAT(PERIOD) KE KUCH DIN MUKARRAR HON WAH UNHI KE MUTABIK AMAL KAREGI (MUSLIM)

AUR JIS KE DIN MUQARRAR NAHI WO KARAIN KE TARAF RUJU KAREGI (ABU DAWOOD)

YANI KHOON KO PAHCHANE GI KI HAIZ KA HAI KI NAHI


HAIZ KI HAALAT ME AURAT KE LIYE NAMAZ MAAF HAI (BUKHARI)

USKE LIYE ROZA RAKHNA MANA HAI (BUKHARI)

LEKIN BAAD ME KAJA ROZE POORA KAREGI JABKI KAZA NAMAZ PADHNE KI ZAROORAT NAHI (ABU DAWOOD)

AISI AURAT KE SAAT HUMBISTARI(SEX) KARNA MANA HAI(HAIZ KI HAALAT ME) (TIRMIZI)

USKA BOSA(CHOOMNA) WA KINAAR JAYEZ HAI (MUSLIM)

AGAR KISI NE HAIZ KI HAALAT ME BIWI SE HUMBISTARI KARLI TO US PAR EK DINAAR YA AADHA(HALF) DINAR KAFFARA ADA KARNA WAJIB HAI (ABU DAWOOD)


1.5 MUSTAHAZA AURAT KE AHKAAM:

MATLAB: JAB HAIZ KE ELAWA KOI AUR SA KHOON NAZAR AAYE TO ISTIHAZA(BIMARI) KA KHOON HOGA (BUKHARI)

AISI AURAT KE LIYE HAR NAMAZ KE LIYE WUDU WAAJIB HAI (TIRMIZI)


BEHTAR YE HAI KI DO NAMAZON KO IS JAMA KARE KI PAHLE KO MUAKHKAR AUR DUSRI KO MUKADDAM KARE AUR PHIR DONO KE LIYE EK GUSL KARE YANI JUHAR WA ASR KE LIYE EK GUSL, MAGHRIB WA ISHA KE LIYE EK GUSL AUR FAZR KE LIYE EK GUSL (ABU DAWOOD)



2-NIFAAS KE MASAIL:


2.1 MATLAB:

AISA KHOON JO (PAIDAISH KE WAQT) BACCHE KE SAATH YA BAAD ME (AURAT KI SHARMGAAH YANI LING) SE NIKLE(ANEESUL FUQAHA)

2.2 WAQT:


NIFAAS KI ZYADA SE ZYADA MUDDAT 40 DIN HAI (ABU DAWOOD)


NIFAAS WAALI AURAT HAIZA KI TARAH HAI (AL-MUGNI)


ISLIYE AISI AURAT NA NAMAZ PADEGI, NA ROZA RAKHEGI AUR NAHI USSE HUMBISTARI JAYEZ HAI , HAAN ROZE KI KAZA LAAZIM HAI (AL-MUGNI)




3- KAZAYE HAAJAT(TOILET) KE MASAIL:


JISE PESAAB PAKHANE KI HAAJAT HO WAH ZAMEEN KE KAREEB HONE SE PAHLE KAPDA NA UTHAYE (ABU DAWOOD)

WAH AABADI SE DUR CHALA JAAYE YA BAITUL-KHLA ME DAKHIL HO JAYE (BUKHARI)


KAZAY HAAJAT KE DAURAAN KISI SE BAAT NA KARE (AHMAD,MUSLIM)

AUR GHAATON( RIVER BANK) ME KAZAY HAAJAT SE BACHE (IRWA UL GHALEEL)

KHULI JAGAH ME KAZAY HAAJAT KE WAQT QIBLE KI TARAF MUH YA PEETH KARNA MANA HAI (BUKHARI)

PAANI(WATER) SE ISTINJA(DHONA)(PESHAAB PAKHANA KI JAGAH KO SAAF KARNA) AFZAL(BEHTAR) HAI (IBNE MAJAH)


AGAR KOI PATTHAR YA US JAISI KOI PAAK CHEEZ ISTEMAL KARE TO KAM SE KAM 3 ADAD(PIECES) KA ISTEMAL ZAROORI HAI (MUSLIM)

KAZAY HAAJAT SE PAHLE YE DUA PADHNI CHAHIYE " ALLAHUMMA INNI AUZUBIKA MINAL KHABSI WAL KHABAISH" AUR NIKALTE WAQT YE DUA PADHNI CHAHIYE "GUFRANAKA" (ABU DAWOOD)

BAITUL KHLA ME DAAKHIL HOTE WAQT BAANYA PAIR(FOOT) PAHLE RAKHNA AUR NIKALTE WAQT DAANYA PAIR PAHLE NIKAALNA MUNASIB HAI (ABU DAWOOD)

PESAAB KARTE WAQT CHHINTON SE BACHNA ZAROORI HAI (MUSLIM, IBNE MAJAH)


KHADE HOKAR PESHAAB KARNA JAYEZ HAI (BUKHARI)

DAANY(RIGHT) HAATH SE ISTINJA KARNA MANA HAI (BUKHARI)


4-GHUSL-E- JANABAT KA TAREEQA:


PAHLE DONO HAATH DO BAAR PAANI SE DHONYE PHIR DAHNE HAATH SE BAANY HAATH PAR PAANI GIRAKAR SHARMGAAH DHOYEN, USKE BAAD HAATH ZAMEEN PAR RAGDE (YA SOAP SE) DHOYEN PHIR KULLI KARKE NAAK ME PAANI DAALKAR MUH AUR DONO HAATH DHONYEN, USKE BAAD SIR PAR PAANI DAALKAR TAMAM BADAN PAR PAHUNCHANYE PHIR US JAGAH SE JARA HAT KAR DONO PAIR(LEGS) DHONYE (BUKHARI,MUSLIM)



5-JIN CHEEZON KE LIYE GHUSL MUSTAHAB HAI:


JUMA KI NAMAZ (BUKHARI)
DO EID KI NAMAZEN (MOATTA),
MAYYIT KO GHUSL DENE KE BAAD (IRWA UL GHALEEL),
IHRAAM BAANDHNE SE PAHLE (TIRMIZI),
MAKKA ME DAKHIL HONE SE PAHLE (MUSLIM),
MUSTAHAZA (HAIZ KE ELAWAH BIMARI KA KHOOB JIS AURAT KO AAYE) AURAT KE LIYE (BUKHARI,MUSLIM),

JO SHAKS BEHOSH HO JAAYE USKE LIYE (BUKHARI)

MUSHRIK KO DAFAN KARNE KE BAAD (NISAI)

HAR JAMA(SEX) (BIWI SE MEL) KE WAQT (ABU DAWOOD)




6-JIN CHEEZON SE GHUSL WAAJIB HOTA HAI:


KISI BHI WAJAH SE MANI KA NIKALNA (AHMAD),

MARD YA AURAT KE SHARMGAAH KA MIL JAANA (BUKHARI)

HAIZ YA NIFAS KE KHATM HONE PAR (BUKHARI)

MAYYIT KE LIYE (BUKHARI)

ISLAM KABOOL KARNE WAALE KE LIYE (ABU DAWOOD)




ALLAH HAMEN TAUFEEQ DE KI HUM KOI BHI AMAL KARNE SE PAHLE USE KITAAB WA SUNNAT KI ROSHNI ME PARAKH LEN

AMEEN.....




SALFIYYA ISLAMIC RESEARCH CENTRE 581/150 FAITHFUL GANJ KANPUR U.P MO.9389962309

WUDHU KE MASAIL

AS SALAM O ALLAHKUM WR WB


NAMAZ KI DURUSTGI KE LIYE PAAKI ZAROORI HAI AUR PAAKI HAASIL KARNE KE LIYE KHAAS TAUR SE DO CHEEZON KI ZAROORAT HAI EK" WUZU" DUSRA "GHUSL"


WUDHU KA TAREEQA:


1- HAR AMAL KE LIYE NIYYAT ZARURI HAI ISLIYE WUZU KARNE SE PAHLE NIYYAT ZAROORI HAI (BUKHARI,MUSLIM) AUR NIYYAT DIL KE IRADE KA NAAM HAI (SHARHUL MUHAZZAB) ALFAZ KE SATH NIYYAT KARNA SUNNAT SE SABIT NAHI HAI

2- WUDHU KE SHURU ME BISMILLAH PADHNA ZAROORI HAI (ABU DAWOOD), AGAR KOI BHOOL JAAYE TO KOI HARZ NAHI (IBN MAJAH)

3- DONO HAATH(HAND) PAHUNCHU (JOINTS) TAK DHOYEN (BUKHARI)


4- PHIR EK CHULLOO LEKAR AADHE SE KULLI KAREN AUR AADHA NAAK ME DALEN (BUKHARI) ALAG CHULLU SE KULLI KARNA AUR ALAG CHULLU SE NAAK ME PAANI CHADHANA BHI SAHI HAI (TIRMIZI) PHIR MUH DHOYEN (SURAH MAIDA 6) PHIR EK CHULLU LEKAR USE THODI KE NEECHE DAAKHIL KARKE DADHI KA KHILAAL KAREN (ABU DAWOOD)

5-PHIR DAANYA HATH KUHNI SAMET AUR PHIR BAANYA HATH KUHNI SAMET DHONYE (SURAH MAIDA 6)

6-PHIR SIR KA MASAH IS TARAH KAREN KI DONO HATH SIR KE AGLE HISSE SE SHURU KARKE PEECHE KO LE JAAYEN PHIR PEECHE SE USI JAGAH AAYEN JAHAN SE SHURU KIYA THA (BUKHARI,MUSLIM)

7-PHIR KAANO KA MASAH IS TARAH KAREN KI DONO SHAHADAT KI UNGALIYAN DONO KAANO KE SURAKHO ME DAAL KAR KAANO KE PEETH PAR ANGUTHON KE SATH MASAH KAREN (ABU DAWOOD)

8- PHIR APNA DAANYA AUR BAANYA PAIR TAKHNO SAMET DHONYE (MAIDA 6) AUR UNGLIYON KA KHILAAL KAREN (ABU DAWOOD)

9- WUDHU KE AAZA KO EK EK BAAR YA DO DO BAAR DONA SAHIH HAI (BUKHARI) TEEN BAAR SE JYADA DHONA MANA HAI (ABU DAWOOD)

10- WUDHU KE BAAD YE DUA PADHNI CHAHIYE " ASH-HADU ALLA ILLAHA ILLALLAHU WAH-DAHU LA-SHARIKA-LAHU WA ASH-HADU ANNA MUHAMMADAN ABDUHU WA RASOOLUHU" (MUSLIM)

11-MAUZON (SHOCKS) PAR MASAH KARNE KI MUDDAT MUSAPHIR KE LIYE 3 RAATEN WA 3 DIN AUR MUKIM KE LIYE EK RAAT AUR EK DIN HAI (MUSLIM) MAUZON (SHOCKS) PAR MASAH KE LIYE USE WUDHU KI HAALAT ME PEHENNA ZAROORI HAI WARNA MASAH KAAFI NA HOGA (BUKHARI)

12-AGAR PAANI NA MILE YA PAANI SE NUKSAAN KA KHATRA HO TO TAYAMMUM KARNA DURUST HAI (ABU DAWOOD) TAYAMMUM KA TAREEQA YE HAI KI APNE DONO HATH ZAMEEN PAR MAAR KAR DONO KO PHOONK MAARE PHIR HAATH SE CHEHRA AUR HAATHON PAR (PAHUNCHU SAMET) MASAH KARE (BUKHARI) WUDHU KI JAGAH TAYAMMUM KARNE PAR WUDHU KI DUA PADHI JAAYEGI




WUDU TODNE WAALI CHEEZEN:


1- SO JAANA , HAWA KA KHARIJ HONA, MAZI NIKALNA (BUKHARI)(MAZI US SAFED PAANI KO KAHTE HAIN JO BIWI YA LAUNDI SE HANSI MAZAAK KE WAQT YA MANI NIKALNE SE PAHLE SHARMGAAH SE NIKALTA HAI), PESHAAB AUR PAKHANA KARNA, AURTON KO ISTEHAJA (WAH KHOON JO HAIZ KE ELAWA BIMARI KI WAJAH SE AURTON KO AAYE) KA KHOON AANA (ABU DAWOOD, BUKHARI), OONT (CAMEL) KA GOSHT(MEAT) KHANA (MUSLIM), SHARMGAAH HO BEGAIR KISI HAIYL (YANI BINA KAPDA) KE CHOO LENA (IBN MAJA)



JIN CHEEZON SE WUDHU NAHI TOOTTA:


BIWI YA LAUNDI KA BOSA LENA YA UNHE SIRF CHOO LENA (TIRMIZI) AAG PAR PAKI CHEEZ KA KHA LENA (BUKHARI), KAHKAHA LAGANA YAANI JOR SE HASNA , KOI BHI GUNAH KAR LENA.



JIN CHEEZON KE LIYE WUDHU MUSTAHAB HAI:


1-ALLAH KA ZIKR KARNA,(ABU DAWOOD) GHUSK E JANABAT SE PAHLE (BUKHARI), SONE SE PAHLE (BUKHARI) JANABAT KI HAALAT ME KHAANE YA SONE SE PAHLE (ABU DAWOOD),EK HI RAAT ME DUSRI BAAR BIWI YA LAUNDI SE HUMBISTARI SE PAHLE (ABU DAWOOD), MAIYYAT KO UTHANE KI WAJAH SE (TIRMIZI), KAI (ULTI) KARNE KE BAAD (AHMAD)





SALFIYYA ISLAMIC RESEARCH CENTRE 581/150 FAITHFUL GANJ KANPUR U.P MO.9389962309