Al Tamur Traders

Sunday, April 3, 2011

MASLA HAZIR O NAZIR AUR BARELWI DALAIL

BISMILLAHHIR RAHMANIR RAHEEM


BARELWI AQEEDE ME SE EK AQEEDA YAH HAI KI NABI (S.W.S) HAR JAGAH HAAJIR WA NAAZIR HAIN AUR EK WAQT WE APNE PAAK JISM KE SAATH KAI JAGAH PAR MAUJOOD HO SAKTE HAIN,


YE AQEEDA NA SIRF QUR'AN WA HADITH KI KHULI MUKHALIFAT HAI BALKI AQL AUR SAMJNE ME BHI ALAG HAI, ISLAMI SHARIAT IS TARAH KE BEQAR AUR HINDUAANE AQEEDE SE BILKUL PAAK SAAF HAI,


MAIN PAHLE BARELWI DALEEL PESH KARUNGA USKE BAAD INSHAALLAH ALLAH KA KALAAM BAYAN KARUNGA,


BARELWI AQEEDA RAKHTE HAI-" KOI JAGAH AUR KOI WAQT HUZOOR (SWS) SE KHAALI NAHI"

(MASLA HAZIR WA NAZIR 85)


EK BARELWI LIKHTE HAIN-"AULIYA ALLAH EK WAQT ME KUCH JAGAHON PAR HO SAKTE HAIN AUR UNKE EK SAATH KAI JISM KO SAKTE HAIN"

(JAAL HAQ 150)


MATLAB JAB AULIYA KIRAM KE LIYE YAH CHEEZ JAYEZ HAI TO BHALA NABI (SWS) SE KYON NAHI

AAGE PADHIYE

"HUZUR (SWS) KO DUNIYA KI SAIR KARNE KA APNE SAHABA KI ARWAH KE SAATH AKHTIYAR HAI AAPKO BAHUT SE AULIYA NE DEKHA HAI"


(JAAL HAQ 154)

DAWA AUR DALEEL DONO EK SAATH LIKH DIYE GAYE HAIN, DAWA YAH KI NABI (SWS) SAHABA KIRAM KE SAATH ALAG ALAG JAGAHON PAR MAUJOOD HO SAKTE HAIN AUR DALEEL YAH HAI KI BAHUT SE AULIYE NE DEKHA HAI,


AAGE LIKHTE HAIN-"APNI UMMAT KE AAMAL PAR NIGAAH RAKHNA, UNKE LIYE GUNAHON SE ASTAGHFAAR KARNA, UNSE BALAON KA DOOR KARNA, ZAMEEN KE CHARON TARAF AANA JAANA, USME BARQAT DENA AUR APNI UMMAT KA KOI NEK AADMI MAR JAAYE TO USKE JANAZE ME JAANA YAH HUZOOR (SWS) KA MASHGALA(HABIT) THA"

(JAAL HAQ 154)


AB JANAB AHMAD RAZA KHAN KA BUZURGANE KIRAM KE BAARE IRSHAAD SUNIYE-"UNSE POOCHA GAYA KI KYA AULIYA EK WAQT KE KUCH JAGAH HAAJIR HONE KI TAAQAT RAKHTE HAI?? TO JAWAB DIYA-" AGAR WO CHAHEN TO EK WAQT ME 10 SHAHRON ME 10000 JAGAH KI DAWAT QUBOOL KAR SAKTE HAIN


(MALFOOZAT 113)

NABI (SWS) KE BAARE ME LIKHTE HAIN-

"NABI SWS KI ROOH KAREEM TAMAM DUNIYA ME HAR MUSALMAN KE GHAR TASHRIF FARMA HAI"

(KHALISUL ETIQAD 40)

"NABI SWS MILAD, NAAT KHWANI NEK LOGON KE NAMAZ E JANAZA ME APNE PAAK JISM KE SAATH TASHRIF FARMA HOTE HAI"

(ETIQAD 156)

"NABI SWS NE HZ ADAM AS KA PAIDA HONA, UNKA SAMMAN(RESPECT) HONA, AUR GALTI PAR JANNAT SE NIKAALA JAANA, AUR PHIR TAUBA QUBOOL HONA, AAKHIR TAK UNKE SAARE MAAMLE JO UNPAR GUZRE SABKO DEKHA AUR JIS WAQT RUHE MUHAMMADI KI TAUBA HAMESHA KE LIYE HZ ADAM SE HAT GAYI TAB UNSE BHOOL WA USKE NATIJE HUE"

(JAAL HAQ 115)

YANI NABI SWS DUNIYA ME AANE SE PAHLE BHI HAAZIR WA NAZIR THEY


"NABI SWS KI RISAALAT AUR ADAM AS SE LEKAR AAPKE JISMANI DAUR TAK KI TAMAM WAQEYON PAR HAAJIR HAIN"


(JAAL HAQ 193)


BARELWIYAT KE IS AQEEDON KA ZARA ALLAH KE IRSHAADON SE COMPARE KARTE HAIN


WAMA KUNTA BIZANIBIL GHARBIYYI IZ QAZAYNA ILA MUSAL AMRA WAMA KUNTA MINASHSHAHIDEEN


"AUR AAP(NOOR PAHAD KE) PASHCIMI DISHA (WEST SIDE) ME MAUJOOD NA THEY JAB KI HAMNE MUSA KO AHKAAM DIYE THEY AUR AAP UN LOGON ME SE MAUJOOD NA THEY JO WAHAN MAUJOOD THEY"

(QASAS 44)


"AUR NA AAP MADYAN WALON ME THAHRE HUWE THEY KI HAMARI AYAATEN PADH KAR LOGON KO SUNA RAHE THEY LEKIN HUM(AAP HI KO) RASOOL BANANE WAALE THEY"

(QASAS 45)

"AUR AAP TOOR KE PAHLU ME NA US WAQT MAUJOOD THEY JAB HAMNE (MUSA KO) AAWAZ DI THI LEKIN APNE RAB KI RAHMAT SE NABI BANAYE GAYE TAAKI AAP LOGON KO DARAYEN JINKE PAAS AAP SE PAHLE KOI DARAANE WAALA NAHI AAYA TAAKI WO NASIHAT QUBOOL KAREN"

(QASAS 46)


"AUR AAP UN LOGON KE PAAS NA THEY US WAQT JAB WE QALAM DAAL RAHE THEY KI UNME SE KAUN MARYAM KI SARPARASTI KARE, AUR NA AAP UNKE PAAS US WAQT MAUJOOD THEY JAB WE AAPAS ME JHAGAD RAHE THEY"

(IMRAN 44)


"YAH(KISSA) GAIB KI KHABRON ME SE HAI HAMNE WAHIY KE ZARIYE AAP TAK PAHUNCHA DIYA, ISE ISSE PAHLE NA AAP HI JAANTE THEY NA AAPKI QAWM TO SABR KIJIYE ,BESHAK HI NEK ANJAAM PARHEZGAR LOGON KE HI LIYE HAI"



(HUD 49)


"YAH (KISSA) GAIB KI KHABRON MESE HAI JISKI HAM AAPKE TARAF WAHIY KARTE HAIN AUR AAP UNKE PAAS US WAQT MAUJOOD NA THEY JAB UNHONE APNA IRAADA PAKKA KAR LIYA THA AUR WO CHAALEN CHAL RAHE THEY"


(YOUSUF 102)


ALLAH TAALA HUZOOR SWS KE MASJID HARAM SE AQSA TAK JAANE KA KISSA BAYAN KARTE HUE FARMATE HAIN-

"WAH PAAK HAI JO APNE BANDE(SWS) KO RAATON RAAT MASJID HARAM SE MASJID E AQSA(BAIT UL AQDAS) TAK LE GAYA JISKE IRD GIRD KO HAMNE BARQAT WAALA BANA RAKHA HAI TAAKI UNKO HAM KUCH APNI KUDRAT DIKHAYEN BESHAK WAH SUNNE WAALA AUR DEKHNE WAALA HAI"

(BANI ISRAEL 1)


IN AYATON KE SAATH SAATH AUR WAQEYE BHI IS AQEEDE KA DIFAA KARTE HAIN KI AAP SWS HUJRE MUBARAK ME MAUJOOD HOTE THEY TO SAHABA KIRAM RA AAPKA MASJID ME INTEZAR FARMAYA KARTE THEY, AGAR AAP HAAJIR WA NAAJIR THEY TO SAHABA KA MASJID ME INTEZAAR KARNE KA KYA MATLAB

ISI TARAH JAB AAP MADINA ME THEY TO HUNAIN ME AAPKA WAJOOD NA THA AAP TABOOK ME THEY TO MADEENE ME AAP MAUJOOD NA THEY AUR JAB ARAFAAT ME THEY TO NA MAKKA ME AAPKA WAJOOD THA NA KI MADEENE ME


ALLAH HAMEN SACH BAAT KAHNE AUR SAMJHNE KI TUFEEQ DE...

AAMEEN