MASTER AMEEN SAFDAR OKARWI DEOBANDI SAHAB KA AQEEDA:

Bismillahirrahmanirraheem

OKARWI KA TAQ’QUB: PART- 2

MASTER AMEEN SAFDAR OKARWI DEOBANDI SAHAB KA AQEEDA:

Waseela, Duniyawi Hayat Un Nabi, Wa Sama Moti (Murdon Ka Sunna) Ke Elaawa Okarwi Sahab Ka Ye Aqeeda Bhi Hai Ke

“Ek Selaani Buzurg Sayyed Shamsul Haq Shah Sahab Quddus Sirrahu Jo Faazil Deoband They Tashreef Laaye…. Farmaya : Wali Muhammad (Okarwi Sahab Ke Waalid)! Ghabraao Nahin Tum Allah Ke Fazal O Karam Se 7 Beton Ka Munh Dho Ge.. ….Mere Baad 6 Bhai Paida Hue Aur Waalid Sahab (Rh) Ne Waqi 7 Beton Ka Munh Dhoya ”

(Tajalliyat E Safdar 1/10)

“Hazrat Aqdas (Rh) Ne Bade Pyaar Se Mere Sar Par Haanth Pherte Hue Farmaya : Wali Muhammad ! Ye Ladka Molwi Banega, Munaazir Banega”

(page no.11)

OKARWI SAHAB AUR AHLE HADITH:

Okarwi Sahab Din O Raat Ahle Hadith Ko Shab O Sitam Karte Rahte Hain, Unke Khaas  Mustanad Rahnuma “Zahid Kawthari” Ne Imam Shafai, Imam Ahmad Wagerah Aimma Hadith Balke Hz Anas Bin Malik (Ra) Wagerah Sahaba Par Shaded Tanqeed Kar Rakhi Hai Jiski Tafseel Anwar Ul Baari Man Zulmaat Me Maujood Hai,

Zikriya Sahab Tableeghi Hayaati Deobandi Muhaddiseen Par Bad’zani Karte Hue Farmaate Hain

“In Muhaddiseen Ka Zulm Suno”

(Taqreer Bukhari 3/104, Matbua Maktaba Ul Sheikh Karachi)

Main Ja Okadah Gaya Toh Maine Okarwi Sahab Ke Clean Shave Damaad (Mahmood Sahab) Se Mulaaqaat Ki, Mere Saath Muhammad Hussain Zaahiri Sahab, Abdul Lateef Sahab, Abdul Jaleel Sahab Aur Lashkar E Taiyyaba K Eek Saathi Mubasshhar Ahmad Rabbani Sahab They, Ye Damaad Maslakan Aur Khaandaani Ahle Hadith Hai, Wahan Okarwi Sahab Ke Nawaason Ko Bhi Dekha, Damaad Ne Bataaya Mere Bête Dada (Ahle Hadith) Ke Maslak (Yani Deen E Islam) Par Hain, Nana Okarwi Ke Maslak Par Nahin Hain… Alhamdulillah,

Yaad Rahe Ye Damaad Pahle Bhi, Ba’wajood Apni Khaamion Ke Maslakan Ahle Hadith Tha Aura B Bhi Hai

LADKAANA SINDH KA MUNAAZIRAH:

Ek Baar Haaji Muhammad Siyaal Sahab (Rh) Aura Al E Deoband Ke Darmiyaan  Munazirah Taiy Hua, Main Bhi Apne Ek Munaazir Dost (Taalib Urrahman Sahab)  Ke Saath Laadkaana Pahuncha Deobandion Ke Saath Sharait E Munaazirah Taiyy Ki, Unka Ek Daarhi Munda Molwi Aur Baqi Daadhi Waale Molwi They, Fariqain Ke Sharait Par Dastakhat Hue, Okarwi Sahab Ko Deobandion Ne Bulwaaya Hua Tha Unhone, Sharait Ki Mukhaalifat Karte Hue Un Sharait Ko Tasleem Karne Se Mana Kar Diya Aur Aisi Khud’saakhta Sharait Pesh Kar Di Ke Jinka Islaam Ki 1400 Salaa Tareekh Me Koi Sabot Nahin Milta, Jaise

1-      “Hadith Sahih Hai Jise Rasoollullah Sallalaho Alaihi Wasallam Sahih Kahen”

Muqarrar Waqt Par Main Apne Sindhi Aur Baloch Ke Saathion Ke Saath Deobandion Ke Madarsa Me Ilmi Muzaakirah Ke Liye Pahucha,

Janab Okarwi Sahab Munaazir E Deobandiyat Aur Dr Khalid Mahmood Deobandi Sahab Apne Madarse “Jamia Islamiyah, Isha’at Ul Quran Wa Hadith” (Ladkana) Se Bhaag Chuke They, Munaazirah Toh Khair Na Hua, In Bhaage Hue Hazraat Ko Inke Apne Madarse Me Laana Joe Shair Bahaane Ke Mutraadaf Tha, Taaham Bahut Se Log Ahle Hadith Ho Gaye They, Maslan

1-      Mukhtar Ali

2-       Sikandar, Wald Qaisar Khan

3-      Haji Muhammad Azeem Jagiraani

4-      Haji Muhammad Mureed

5-      Muneer Ahmad

Ye Waqeya 22/10/1995 Ki Hua, Iska Tahreeri Sabot Mere Paas Maujood Hai, Iske Baad Bhi Wahan Bahut Se Log Ahle Hadith Hue… Alhamdulillah,

Is Munaazire Ka Zikr  Master Amen Ne Tajalliyaat E Safdar 1/103 Me Zikr Kiya Hai, Magar Jhoot Bolne Ke Muqaable Me Apne Raafzi Bhaiyyon Ko Bahut Peeche Chhod Diya Hai,

Deobandion Ke Nazdeek Taqleed Waajib Hai, Isi Tarah Unke Bhaiyyon Raafzion Ke Nazdeek Bhi Taqleed Waajib Hai Is Buniyaadi Aqeede Me Dono Mutawaffiq Hain..

To Be Continued..

#ShaikhZubairAliZai

#IslamicLeaks

#UmairSalafiAlHindi

MASTER AMEEN SAFDAR OKARWI (DB) KA TAQ’QUB: (PART-1)

Bismillahirrahmanirraheem

MASTER AMEEN SAFDAR OKARWI (DB) KA TAQ’QUB: (PART-1)

ALLAMA ZUBAIR ALI ZAI (RH) KI KALAM SE….

 Master Muhammad Amen Safdar (Okarwi) Hayati Deobandion Ke Munaazir Aur “Majmua Rasail” Ke Musannif Ki Haisiyat Se Shohrat Rakhte Hain, Mere Ek Dost Sheikh Taliburrahman Ka Unse Kohaat (Soobah Sarhad) Me Munaazirah Hua Tha, Jiske Nateeje Me Munaazirah Karaane Waala Deobandi Sultaan Naami Shakhs Ahle Hadith Ho Gaya Tha, Alhamdulillah,

Sindh Waale Munaazire Ki Tafseel Aage Aa Rahi Hai (Inshaallah), Maine Waqt Nikaal Kar Okarwi Sahab Ki Ke” Majmua Rasail” Aur “Tajalliyat E Safdar” Naami Kitaab Ka Mutaala Kiya,

GUSTAAKH E RASOOL:

Ek Sahih Hadith Me Aaya Hai Ke

“Agar (Kaala) Kutta Saamne Se Ghuzar Jaaye Toh Namaz Toot Jaati Hai”

(Sahih Muslim 1/197, Hadith No. 510)

Is Hadith Ka Mazaaq Udaate Hue Okarwi Likhta Hai:

“Lekin Aap Namaz Padhaate Rahen Aur Kutiya Saamne Khelti Rahi, Aur Saath Gadhi Bhi Thi, Dono Ki Sharm’gaahon Par Nazar Bhi Padti Rahi”

(Ghair Muqallideen Ki Ghair Mustanad Namaz Pg 43, Majmua Rasail 3/350, Hawala No. 198)

Rasoollullah Sallalaho Alaihi Wasallam Ka Namaz Ki Kisi Haalat Me , Kutiya Aur Gadhi Ki Sharm’gaahon Par Nazar Daalna Kisi Hadith Se Saabit Nahin Hai, Balke Ye Aap Sallalaho Alaihi Wasallam Ki Zaat E Aqdas Par (Okarwi Ka) Bahut Bada Afta’a Hai,

Jab Ek Aam  Aadmi Ka Khyaal Us Taraf Nahin Jaata Toh Yeh Kis Tarah Zurraat Ki Ja Sakti Hai Ke, Maaz’allah Khair Ul Basher, Khtaim Ul Nabiyyeen Rahmat Ul Aalameen Muhammad Sallalaho Alaihi Wasallam In Jaanwaron Ki Sharm’gaahon Par Nazar Daalte They Ya Aapki Nazar Pad Jaati Thi….. Maaz’allah Astaghfirullah

OKARWI HAYATI KA KAZZAB AUR AFTA’A:

Okarwi Sahab Likhte Hain

Rasoollullah Sallalaho Alaihi Wasallam Ne Farmaya

“Khutba Ke Be’ghair Juma Nahin Hota”

(Salaturrasool Par Ek Nazar Page 17, Majmua Rasail 2/169)

Halaanke In Alfaaz Ke Saath  Se Hadith Marfoo Kisi Kitaab Me Bhi Nahin Hai

Is Hadith Ko Gadhne Me Okarwi Muthim Hai,

Hafiz Abdullah Ropdi (Rh) Ne Sunan Dar E Qutni, Mustarak Al Hakim Aur Sunan Kubra Lil Bayhaeqi Se Janab Hz Abu Hurairah (Ra)  Ki Ek Hadith “Aameen Bil Jahar ”  Ke Bare Me Naqal Ki Hai,

Dekhiye “ Ahle Hadith Ke Imteyaazi Masail Page No 73” … Rafulyadain Aur Aameen (Page 21),

Hafiz Sahab Farmaate Hain Ke Daar E Kutni Ne Kaha Hai:-“Iski Sanad Acchi Hai, Ise Hakim Ne Bukhari Wa Muslim Ki Shart Par Sahih Kaha Hai, Aur Bayheqi Ne Hasan Kaha Hai”

Munaazir E Deobandi Is Par Tabsirah Karte Hue Likhta Hai:

“Halaanke In Teen Kitaabon Me Ye Hadith Hai, Na Hi Un Teen Logon Ne Isko Ahih Kaha Hai”

(Ghair Muqallideen Ki Ghair Mustanad Namaz Page 27, Majmua Rasail 3/335, Zel No. 100)

Is Par Okarwi Sahab Ne “Ghair Muqallideen Ka Ajeeb Fraud” Ka Unwaan Baandha Hai, Halaanke Hadith In Teeno Kitaabon Me Maujood Hai

1-      Sunan Dar E Qutni Mai Al Taleeq Al Mughni (1/335 Hadith No.7, Matbua Dar Ul Nashar Al Kutub Islamiya, Lahore Pakistan)

Sunan Dare Kutni 1/329 Hadith No. 1259, Matbua Abbas Ahmad Al Baaz, Makkah Tul Mukarrama,

Imam Dar E Kutni Ne Is Hadith Ko Hasan Kaha Hai,

2-      Mustadrak Al Hakim 1/223 Matbua Daar Ul Kutub Al Arabi Berut Lebanon

3-      Sunan Kubra Lil Bayheqi 2/58 Matbua Dar Ul Muarfatul Berut Lebanon,

Imam Bayheqi Ne Isko Hasan Kaha Hai,

Ye Hadith Sahih Ibn Habban Me Bhi Maujood Hai ( Mawarid Ul Zaman 2/176-177, Hadith No 462)

Is Kitab Ke Arab Muhaqqiqqeen Ne Is Hadith Ke Haashiya Par Likha Hai

“Isnaad Hasan”

Ye Riwayat Sahih Ibn Khazaima Me Bhi Maujood Hai

Ise Imam Ibn Qayyim Ne Bhi Sahih Kaha (Alaam Ul Moqeen 2/397)

Bhaiyyon !

Okarwi Sahab Se Poochen Ke Kya Unke Paas Surma Nahin Hai ?? Unhe Chahiye Ke Aankhon Me Surma Bhi Daalen  Aur Maahir Aankhon Ke Doctor Ke Bhi Paas Jaayen Take Unhe Ye Hadith Nazar Aa Sake, Chori Bhi Kar Rahen Hain Aur Is Par Sina’jori Bhi Kar Rahen Hain,

OKARWI HAYATI KE TANAQI’ZAAT:

EK Ja’ali Mauzu Manaazire Ka Tazkirah Karte Hue Okarwi Sahab Ne Likha:

“Maine Kaha Sirre Se Ye Hi Saabit Nahin Ke Hz Ata Bin Rabah Ki Mulaqaat 200 Sahaba Se Hui Ho, Aur Ye Toh Bilkul Hi Ghalat Hai Ke Ibn Zubair (Ra) Ke Waqt Tak Kisi Ek Shaher Me 200 Sahaba Maujood Hon”

(Tahqeeq Masla Aameen Pg 44, Majmua Rasail 1/156)

Yahan Masla Aameen Bil Jahar Ka Tha Lihaaza Hz Ata Bin Rabah (Rh) Ki Ziyaarat E Sahaba Par Jirrah Kar Di, Jab Is Kitab Me Faatiha Fil Janaaza Ka Masla Aaya Toh Okarwi Sahab Ka Qalam Likhne Laga Ke

“Makkah Muqarrama Bhi Islam Aur Musalmano Ka Markaz Hai, Hazrat Ata Bin Rabah Yahan Ke Mufti Hain, 200 Sahaba Se Mulaaqaat Ka Sharf Haasil Hai”

(Namaz E Janaza Me Surah Fatiha Ki Sharai Haisiyat Page 9, Majmua Rasail 1/265)

Ek Jagah Mulaaqaat Ka Inkaar Kar Rahen Hain, Dusri Jagah Mulaaqaat Kara Rahen Hain….. Subhaan’allah

Waadi E Taanaqiz Me Manaazir E Deobandiyat Ka Kitna Bada Maqaam Hai… !

2- Ek Riwayat Par Okarwi Sahab Jirrah Karte Hue Likhte Hain

“Aur Umm Yahya Majhool Hain”

(Namaz Me Haath Naaf Ke Neeche Baandhna Page 10,Majmua Rasail 1/346)

Jabki Isi Umme Yahya Ki Riwaayat Se Dusri Jagah Par Istadlal Karte Hain

(Mard Aur Aurat Ki Namaz Me Farq Page 35, Majmua Rasail 1/322, Ba’hawala Kanzul Ummal 7/307),

Hamare Nuskhe Me Ye Riwayat Kanzul Ummal 7/431 Hadith No 19640, Par Ba’hawala Tibraani Maujood Hai,,

Al Muazzam Ul Kabeer Lil Tibrani Me (22/19) Aur Majmua Ul Zawaid (2/103) Me Ye Riwayat Maujood Hai, In Kitaabon Me “Taj’al ” Ka Lafz Hai Jise Okarwi Taksaal Me “Tar’faa” Bana Diya Gaya Hai, Aur Iska Tarjuma Bhi “Uthaaye” Likha Hai,

4-       Okarwi Sahab Ne Apni Marzi Ke Khilaaf Ek Hadith Ki Sanad Ke Raawi Muhammad Abi Layla Ko “Zaeef” Likha Hai,

(Salaturrasool Par Ek Nazar Page 12, Majmua Rasail 2/164, Zel No. 39)

NOTE:

Yaad Rahe Kaatib Ki Ghalti Se “Muhammad Bin Abi Layla” Chhap Gaya Hai Halaanke (Sunan) Ibn Majah Me Ibn Abi Layla Hi Hai

Iske Bar’khilaaf (Dusre Maqaam Par) Apni Marzi Ki (Ek) Hadith Pesh Ki Hai Jisme Yahi Ibn Layla Hai,

(Tahqeeq Mahla Rafulyadain  Page6-7, Majmua Rasail 1/182-183)

Asal Maqsad Apne Firqe Deobandiyat Ki Himaayat Hai Aur Bas!

To Be Continued..

#ShaikhZubairAliZai

#IslamicLeaks

#UmairSalafiAlHindi

MUTAASSIB MUQALLID AMEEN OKARWI KE JHOOT KA BAYAN (PART -2)

Bismillahirrahmanirraheeem

 


MUTAASSIB MUQALLID AMEEN OKARWI KE JHOOT KA BAYAN (PART -2)

 

Okarwi Jhoot No. 8

Okarwi Ne Kaha

"Taqleed Shaksi Ka Inkaar Malika Victoriya Ke Daur Me Shuru Hua, Usse Pahle Iska Inkaar Nahin, Balke Sab Log Taqleed Shakhsi Karte They"

(Tajalliyaat E Safdar jild 2page 410)

TABSIRAH

Ahmad Shah Durrani Ko Shikhast Dene Waale Mughal Baadshah Ahmad Shah Bin Naseeruddin Muhammad Shah (Daur e Hukumat 1161 Hujri Se 1167 Hijri) Ke Ahad me Faut Ho Jaane Waale Sheikh Muhammad Faakhar Alahbadi (Rh) (1164 h) Farmate Hain

"Jamhoor Ke Nazdeek Kisi Khaas Mazhab Ki Taqleed Karna Jayez Nahin Hai Balke Ijtehaad Waajib Hai.....Taqleed Ki Bidat Chauthi Sadi Hijri Me Paida Hui Hai"

(Risaala Najaatiyah Page 41-42)

Sheikh Ul Islam Ibn Taimiyyah (Rh) Wagerah Ne Taqleed Shakhsi Ki Mukhalifat Ki Hai

(Dekhiye Okarwi Jhoot No 9)

Hafiz Ibn Hazam Ne Elaan Kiya Hai "Wal Taqleed Haraam"

Aur (Aami Ho Ya Aalim) Taqleed Haram Hai

(Nabzatul Qaafiyah Page 70,71)

Ye Sab Malika Victoriya Se Pahut Pahle Ghuzar Chuke Hain,

Okarwi Jhoot No. 9

Okarwi Ne Kaha

"Yahi Wajah Hai Ke Sab Muhaddiseen Aimma Arba Me Se Kisi Na Kisi Ke Muqallid Rahe Hain"

(Majmua Rasail 4/62 Taba Awwal 1995)

TABSIRAH

Shaikhul Islam Imam Ibn Taimiyyah (Rh) (727 hijri) Se Muhaddis Kiram Ke Baare Me Poocha Gaya Ke

"Kya Ye Log Mujtahideen They, Unhone Aimma Mese Kisi Ki Taqleed Nahin ki Ya Ye Muqallideen They ??"

Sheikhul Islam Ne Jawab Diya

"Imam Bukhari Aur Abu Dawood Toh Fiqh Ke imam Aur Mujtahid (Mutlaq) They, Rahe Imam Muslim, Tirmizi , Nisaai, Ibn Maja, Ibn Khuzaima, Abu Yayla, aur Bazzaar Wagerah Wah Ahle Hadith Ke Mazhab Par They, Ulema Mese Kisi Ki Taqleed Maeen Karne Waale, Muqallideen Nahin They, Aur Na Mujtahid Mutlaq They"

(Majmua Fatawa 20/39-40)

Ye Ibaarat Is Mafhoom Ke Saath Darj Zel Kitaabon Me Bhi Hai

Kalam Ul Mufeed Fi Asbaat Taqleed, Tasneef Sarfaraz Khan Safdar Deobandi Page 185

TANBIYAH

Sheikh Ul Islam Ka In Kabair Aimma Hadith Ke Baare Me Ye Kahna Ke (na Mujtahid Mutlaq They) Mahal E Nazar Hai,

Okarwi Jhoot No 10

Okarwi Sahab Ne Imam Ata Bin Rabah (Rh) Ke Baare Me Kaha

"Maine Kaha, Sire Se Hi Saabit Nahin Ke Ata Ki Mulaaqaat 200 Sahaba Se Hui Ho, Aur Ye Toh Bilkul Hi Ghalat Hai Ke Ibn Zubair (Ra) Ke Waqt Tak Kisi Ek Shaher me 200 Sahaba Maujood Hon"

(Tahqeeq Masla Aameen page 44, Majmua Rasail 1/156 Taba October)

TABSIRAH

Dusre Maqaam Par Yahi Okarwi Sahab Elaan Karte Hai

"Makka Muqarrama Bhi Islam Aur Musalmano Ka Markaz Hai Hz Ata Bin Abi Rabah Yahan Ke Mufti Hain 200 Sahaba Kiram Se Mulaaqaat Ka Sharf Haasil Hai"

(Namaz E Janaza Me Surah Fatiha Ki Sharai Haisiyat Page 9, Majmua Rasail 1/265)

Tabsirah

Khud Hi Apni Adaaon Par Ghaur Karen,

Ham Arz Karen Toh Shikaayat Hogi,

Dusra Ye Ke In Dono Ibaaraton Me Ek Ibaarat Jhooti Hai,

Okarwi Jhoot No 11

Ek Sahih Hadith Ka Mazaaq Udaate Hue Nabi Kareem Sallalaho Alaihi Wasallam Ke Baare Me Ameen Okarwi Likhta Hai

"Lekin Aap (Sws) Namaz Padhaate Rahe, Aur Kutiya Saamne Khelti Rahi, Aur Saath Gadhi Bhi Thi, Dono Ki Sharm'gaahon Par Bhi Nazar Padhti Rahi"

(Ghair Muqallideen Ki Ghair Mustanad Namaz Page 43, Majmua Rasail 3/350 Hawala No 198, Tajjalliyat E Safdar Shaaye shuda Baad Az Maut Okarwi 5/488)

TABSIRAH

Ye Kahna Ke Nabi Sallalaho Alaihi Wasallam Ki Nazar Mubaarak

"Gadhi Aur Kutiya Ki Sharm'gaahon Par Padhti Rahi"

Kaaynaat Ka Siyaah Tareen Jhoot Hai,

TANBIYAH

Okarwi Ne Mazkoor Ibaarat Ko Kaatib Ki Ghalti Kah Kar Jaan Chhudane Ki Koshish ki Hai,

Magar Yaad Rahe Ke Ye Taweel Ibaarat Kaatib Ki Ghalti Nahin Hai Balke Master Ameen Okarvi Ke Dastakhat (Signature) Waali Kitaab "Tajalliyat E Safdar" Me Uske Marne Ke Baad Bhi Shaaye Hui Hai,

Okarwi JHOOT No. 12

Ek Riwayat Ki Sanad Darj Zel Hai

"Hadisna Nazar Qaal : Hadisna Akarama Qaal: Hadisni Umro Bin Saeed An Umro Bin Shuaib An (Abiyah) Jadah"

(Juzz Ul Qirat Lil Bukhari 63, Tajalliyat e Safdar Matbua Jamiat Ishaat Al Uloom Hanfiyah Faisalabad 3/93)

IS riwayat Ke Baare Me Okarwi Sahab Likhte Hain

"IS sanad Me Teen raawi Mudallis Hain, Isliye Zaeef Hai"

(Tajalliyat E Safdar 3/93)

TABSIRAH

arz Hai Ke Is Sanad Me Umro Bin Saeed Par Tadlees Ka Koi Ilzaam Nahin Hai,

Sirf Umro Bin Shuaib Aur Shuaib Bin Muhammad Par Mutakkhireen Ki Taraf Se Tadlees Ka Ilzaam Hai Aur ye Dono Tadlees Se Bari Hain,

Dekhiye Sheikh Zubair Ali Zai Ki Kitab "Fath Ul Mubeen Fi Tahqeeq Tabqaat Al Mudalliseen 2/60, 2/58"

Baaqi Sanad Masrah Ba Sama Hai, Ye Malum Nahin Ke Okarwi Sahab Ne Teesra kaun Sa Mudallis GhadH Liya Hai ???

 Okarwi Jhoot No 13

Okarwi Sahab Likhte Hain

"Yani Imam Sufyan Bin Uyayna Ke Daur Dusri Sadi Se Lekar Shah Waliullah Ke Daur 12wi Sadi Tak Tamam Duniya Aur Tamam Mumalik Me Awaam Aur Baadshah Sab Hanafi They"

(Tajalliyaat E Safdar, Mtbua Maktaba Imdadiya Multan 5/42)

TABSIRAH:

7wi Sadi Hijri Ke Sultan Kabeer Ameerul Momineen Abu Yousuf Yaqoob Bin Yousuf Al Marakishi Zaahiri (Rh) Taqleed Ke Shakht Khilaaf They,

Unhone Apne Daur E Khilaafat Me Huqm Jaari Kiya Tha

"Aur Log Agle Aimma Mujtahideen Mese Kisi Ki Taqleed Nahin Karenge"

(Tareekh Ibn Khalqaan 7/11)

nez Dekhiye

(Alam An Nabula 21/314)

Okarwi Jhoot no 14

Okarwi Sahab Likhte Hain

"Tamam Mumalik Me Sultanate Bhu Ahnaaf Ke Paas Rahi Aur Jihaad Bhi Unhone Kiye, Ghair Muqallidon Ko Na Kabhi Hukumat Naseeb Hui Na Jihaad Karna Qismat Me Naseeb Hua"

(Tajalliyaat E Safdar, Maktaba Imdadiyah Multan 5/45)

TABSIRAH:

Iske Radd Me Dekhen Okarwi Jhoot No 13 Par Tabsirah

Sultan Kabeer Yaqoob Bin Yousuf Al Marakisi Ki Jihaadi Muhimo Ke Liye Wafat Ul Aayaan wa Seerul Aalam Un Nabula Ka Mutaala Karen,

Okarwi Likhta hai

"Taqleed Shakhsi Ka Inkaar Malika Victoriya Ke Daur Me Shuru Hua"

(Tajalliyaat E Safdar, 2/410, Dekhiye Okarwi Jhoot No 8)

"Aur Ye Sab Malika Victoriya Se Bahut Pahle Ghuzar Chuke Hain"

Ye Aam Logon Ko Bhi Malum Hai Ke Malika Victoriya Ke Daur Se Sadiyon Pahle Hafiz Ibn Hazam Andulesi Ne Taqleed Shakhsi Wagerah Ki Shakht Mukhaalifat Ki Thi,

Sheikh Qasim Bin Muhammad Tarabulesi (276 h) Ne Kitab Al Ejah Fil Raddul Muqallideen Likhi Thi

(Dekhiye Seerul Alaam Un Nabla 13/329)

Okarwi Jhoot No. 15

Sayyidena Hz Abdullah Bin Umar (Ra) Se Riwayat Hai Ki Nabi E Akram Sallalaho Alaihi Wasallam Ne Farmaya

"Raat Ki Namaz Do Do Rakat Karke Padhni Chahiye Lekin Jis Waqt Tum Namaz Khatm Karne Ka Iraada Karo Toh Aakhir Me Ek Rakat Padh Lo Kyonki Jis Qadr Namaz Tum Padh Chuke Wah Sab Ki Witr (Taaq) Ban Jaayegi"

(Sahih Tarjuma, Sahih Bukhari Mai Urdu Tarjuma Abdul Daim Deobandi 1/553, H 948)

Ab Is Hadith ka Tarjuma Okarwi Sahab Ke Alfaaz Me Padh Len

"Raat Ki Namaz Do Do Rakat Hai Phir Jab 2 Rakat Baad Toh (Attaiyyaat Padh Kar) Salaam Ka Iraada Kare Toh Khada Hokar Ek Rakat Mila le Wah Witr Ho Jayegi"

(Majmua Rasail 2/111)

Ye Tarjuma Jhoota Aur Khud'saakhta Hai " Attaihiyaat Padh Kar"

Ke Alfaaz Hadith Me Qatan Maujood Nahin Hain,

TANBIYAH

Hakeem Sadiq Siyalkoti (Rh) Ne Sabeelurrasool Me Likha Hai

"Rasoollullah (Sws) Ki Zindagi Me Aur Hz Abu Bakr (Ra) Ki Poori Khilaafat Khilaafat Me Aur Khilaafat E Umar (Ra) Ke Ibtedaai 10 Saalon Me (Ekbaargi) Teen Talaaqen Ek Shumaar Ki Jaati Thin"

(Page No 268, Dusra Nuskha Page 144)

Is Par Tabsirah Karte Hue Okarwi Likhta Hai

TEESRA JHOOT: "isi Hadith Ka Tarjuma Karte Hue "Ekbargi" Ka Lafz Apni Taraf Se Badhaaya Jo Hadith Me Mazkoor Nahin"

(Majmua Rasail 2/12)

Maalum Hua Ke Hadith Ki Tashreeh Me Koi Jumla Ye Lafz Bracketon Me Likha Jaaye Toh Wah Okarwi Sahab Ke Nazdeek Jhoot Hota Hai....

In sha allah Okarwi Ke Aur Jhoot Next Post Me Bayan Karenge.....