KYA HAAFIZ E QUR’AAN 10 AADMION KO JANNAT ME DAAKHIL KAREGA ??

Bismillahirrahmanirraheem

KYA HAAFIZ E QUR’AAN 10 AADMION KO JANNAT ME DAAKHIL KAREGA ??

Qur’an Padhne Ki, Use Hifz Karne Ki Be’shumaar Fazeelat Hai, Is Silsile Me Be’shumaar Sahih Hadithen Hain, Main Yahan Ek Zaeff Hadith Ki Baabat Latlaata Hoon Taaki Aap Bhi Is Baat Se Ba’khabar Rahen, Logon Me Jo Ye Baat Mashoor Hai Ke Hafiz E Qur’aan Ap[Ne Saath 10 Aadmion Ko Jannat Le Jaayega Ye Baat Nabi E Akram Muhammad Sallalaho Alaihi Wasallam  Se Saabit Nahin Hai, Aiiyye Iise Mutaalliq Hadith Dekhte Hain,

1-      “Wo Hafiz E Quraan  Jo Iske Halaal Karda  Ashya Ko Halaal Aur Haraam Kadah Ashya Ko Haraam Karta Hai Wah Apne Gharaane Ke 10 Afraad Jin Par Jahannum Waajib Ho Chuki Hogi, Shifaarish Karega”

(Shoebul Imaan)

Ise Allama Albaani Ne Zaiff Kaha Hai, (Zaeef Ul Jame 4662)

Imam Bayheqi (Rh) Ne Bhi Is Hadith Ki Sanad Ko Zaeff Kaha Hai (Shoebul Imaan 2/1038)

2-      “Jisne Quraan Padha, Use Hifz Kiya Uske Halal Kardah Ashya Ko Halaal Aur Haram Kardah Ashya Ho Haaram Karta Hai Wah Apne Gharaane Ke 10 Afraad Jin Par Jahunnam Waajib Ho Chuki Hogi, Shifaarish Karega”

Khud Imam Tirmizi Ne Is Hadith Ki Sanad Ko Sahih Nahin Bataya Hai,

Sheikh Albaani Ne Ise Shakht Zaeef  Qaraar Diya Hai (Zaeff Tirmizi 2905)

Shareh Tirmizi Sheikh Mubarakpuri Ne Zikr Kiya Hai Isme Hafas Bin Sulemaan Hain Jinhe Hafiz Ne Matrook Ul Hadith Kaha Hai,

Upen Ki Dono Hadith Se Pata Chala Ke Hafiz Quraan Ka 10-10 Afraad Ki Shifaarish Karna Jiske Liye Jahunnam Waajib Ho Gayi Thi Saabit Nahin Hai, Isliye Ye Baat Bayaan Nahin Karni Chahiye,

Saath Saath Yahan Ye Main Ye Bhi Bata Dena Chaata Hoon Ke  Jo Log Quraan Padhte Aur Padhaate Hain, Sabse Bahtareen Log Hain (Bukhaari), Hafiz E Quraan Sahaba Kiram Ke Sath Honge (Bukhaari), Aur Jo Uske Mutaabik Amal Karte Hain Kal  Qayaamat Me Allah Ke Fazal Se  Badi Kaamyaabi Se Ham’kinaar Honge,

Nabi E Akram Muhammad Sallalaho Alaihi Wasallam Ne Farmaaya

“Sahab E Quraan Ko Kaha Jaayega Ke Jis Tarah Tum Duniya Me Tarteel Ke Saath Quraan Majeed Padhte They, Aaj Bhi Padhte Jao Jahan Tum Aakhiri Aayat Padhoge Wahi Tumhari Manzil Hogi”

(Silsila Tus Sahiha 5/281)

Aur Ye Quraan Khud Qayaamat Me Safee Ban Kar Aayega Jo Iski Tilawat Karte Hain, Chunanche Nabi E Akram Muhammad Sallallaho Alaihi Wasallam Ka Farmaan Hai

“Hz Umama (Ra) Bayaan Karte Hain Ke Maine Nabi E Akram Muhammad Sallalaho Alaihi Wasallam Ko Farmaate Hue Suna : Qur’aan Padha Karo, Isliye Ke  Qayamat Ke Din Ye Apne Padhne Waale  Saathion Ke Liye Shifaarishi Ban Kar Aayega”

(Sahih Muslim)

Alhamdulillah Hafiz E Quraan Ki Badi Fazeelat Sahih Hadith Me Maujood Hain, Hamen Zaeff Hadithn Ki Qata’i Zaroorat Nahin, Har Jagah Hamari Rahnumaayi Quraan Aur Sahih Hadith Karti Hai….

Allah Taala Ham Sabko Quraan Aur Sahih Hadithon Par Chalne Waala Banaaye….. Aameen

DAIF HADITH- MAIN ILM KA SHAHER HOON

Zaeef Riwayat #2 

RasoolULLAH Sallallaho Alaihewasallam ne farmaya: 

"Mein Ilm ka Shaher Hun aur Ali (raziAllahoanho) Us (shaher) ka darwaza." 

Is Mozoo Riwayat ko Muhaddithin e Karam in kutub me laye hain 

([1]-Majmua uz Zawaid, Kitab ul manaqib, Hadees#14670, [2]-Mozuaat ul Kubra Page: 71, Number: 251 (Mulla Ali qari), [3]-Al Mozooaat (Ibn ul Jozi) Jild:1, Page:350, Kashful khafa, Al-Fawaid-ul-Majmua waghera...) 

Or Is Riwayat kay Mangharat hone ki kafi wajoohat main: .

1-Majmua uz Zawaid me Ek Rawi 

"Abu Balat, Abdus Salam bin Saleh AlHarwi" he. Jo k Kazzab yani khud ahadith garhne wala tha. Imam Nesaee rahmatULLAH kehte hain Yeh Siqa nahi, Imam Darqutni or Imam Ibn Adi ne Mutahim (accused) kaha he 

(Meezan Ul Aitdal, Jild:4, Page: 348, Number: 5056) . 

2-Mozuaat ul Kubra Kitab un ahadith ko jama kar k likhi gai he Jo k Khudsakhta (fabricated) mangharat hain, unhe main ye hadith bhi shamil he jis me Mulla Ali Qari ne Imam Bukhari RahmatULLAH Alaih ka Ye qaul naqal kia he ke 'ye riwayat Jhooti hai or Is ki koi haisiyat nahi he', or Kai Muhaddithin rahmatULLAH alaihim ke qaul is Riwayat k jhoota hone pe paish kie hain) . 

3-Al Mozooat bhi unhe kutub me se he Jin me Jhooti Ahadith jama ki gai hain or Ye riwayat bhi usme naqal ki gai he or Is riwayat ki kafi deegar Zaeef Asnaad (chain of narrators) bhi bayan ki hain. Aisi riwayat in Alfazo se bhi ati he ke RasoolULLAH Sallallaho Alaihewasallam ne farmaya: 

"Mein Hikmat ka Ghar hun Aur Ali (raziAllahoanho) Us ka darwaza." 

(Tirmizi, kitab ul manaqib, Hadees# 3744) .

Imam Tirmizi ne is riwayat ko Munkar kaha he Is Riwayat ki sanad Mein 

"Muhammad bin Umar Al Romi" 

he jo Kazzab he. Imam Abu Daud kehte hain Ye Zaeef hai, Abu Khateem kehte hain k Is ne 'Sharik' se Munkar riwayat bayan kee 

(Meezan Ul Aitdal, Jild: 6, page:279, Number: 8008, Tehzeeb Ul kamal, Jild: 8, Page: 232, Number: 6230) 

Is Riwayat Ki Jitni Asnaad, hadith ki Kitabon me milti hain Sab Zaeef ya Majhool (unknown) hain. 

* Kuch Kam ilm hazrat Is Jhooti Mangharat hadith ko Sahih samajhte hue is se kuch ka kuch Aqeedah banalete hain or Musalmano ko Asal Islam se hata kar khud sakhta Mazhab se dhoka dete hain, AlhamdoLILLAH Hamare Muhaddithin e karam RahmatULLAH Alaihim ki mehnat or Allah Rabbul Izzat k fazal se un Kazzabo ki koi jaal sazi nahi chalti or wo Mayoos ho kar he lot te hain. Is he Mozoo ko samne rakhte hue Ek or Zaeef Hadith Bhi paish ki jati he Jis ko Mazkoora Paish karda riwayat ka mukammal Hissa bata kar Aam musalmano ko mazeed gumrah karne ki koshish ki jati hai us ka zikr aise hai: . 

RasoolULLAH Sallallaho Alaihewasallam ne farmaya: 

" Mein Ilm ka Shaher Hun, Abu bakar (RaziAllahoanho) us ki Asas hain, Umer (RaziAllahoanho) uski deewarein hain, Usman (RaziAllahoanho) uski Chhat hain aur Ali (raziAllahoanho) Us (shaher) ka darwaza. Ye Riwayat Bagher Mukammal Sanad (Trustworthy Source) k In kutub Main mojood hai 

([1]-Kashful Khafa, Jild:1 Page: 185, [2],Fatawa e Hadisia, Page:355, [3]-Lisaan ul Meezan, Jild: 2, Page: 151,Number: 1206,[4] Musnad al-Firdaus waghera....) . 

Is Riwayat Ki Wajuhaat e Zauf: >1-Kashful Khafa me Allama Ajluni Ne Zaeef kaha he or Musnad ul Firdaus k hawale se farmaya ke ye Bagher Sanad ke Marfoo (Yani Jhooti) kahi gai hai. .
2-Ibn e Hajr Makki ne Fatawa e hadisia me isay Zaeef kaha he or Musnad ul Firdaus he ke hawale se Besanad qarar dia. . 

3-Hafiz Ibn e Hajr ne Lisaan ul Meezan me Ek Kazzab Raawi "Ismail bin Ali bin AlMuthana" ka zaikr karte hue kehte hain : 

"Ke jab ye shakhs Damishq me logo ko Waaz karrha tha, to Aik shakhs ne Is se "

Main ilm ka sheher or Ali darwaza

" is riwayat ke mutalliq pucha, To is ne Kaha ke Ye hadith Mukammal Nahi Asal Hadith ye hai: 

"Main ilm ka sheher, Abu bakr uski Bunyad, Umar.........., darwaza hain" 

Jab us Shakhs ne Kaha ke Apni sanad ko is (Mukammal) Hadith ke silsilay me Bayan karain to Kaha Baad Me Bataunga (Yani Besanad Jhoot kaha). . 

4-Musnad ul Firdaus besanad riwaayaat ki kitab he Jis me Riwaayaat ki Sanad mojood he nahi hoti Ye Riwayat sms or internet par 'Sahih Al Bukhari Nuzhat ul majalis' k hawalo se bheji jati hain magar Ye Jhoot hai or Ye riwayat ManGharat hai. 

Koi Bhi riwayat Qubul karne se pehle uski tehqeeq lazmi kijiye q ke Har achi cheez hamare Deen mein he Magar har Achi cheez Deen nahi hai....

Via- Ayan Khan Salafi

KYA ADAM (AS) NE MUHAMMAD (SWS) KA WASEELA LIYA

Assalamoalaikum,
 

Islam Dushman Kuffar, Mushrik or Munafiqeen ne jahan Islam ko Nuqsanat pohnchane ke lie Shirk or Kufr ko Musalmano me Phelaya, Wahin In Main Aqeedat or Jhoot se Dhoka dete hue Inko Deen ke naam par Mangharat Riwaayaat or Jhooti Ahadith paish kin, Jinhain 

AlhamdoLILLAH 'Muhaddithin e karaam (rahmatULLAH alaih) ne dhoond nikala or Bayan karne wale ka Jhoot us ke he moo pe la khara kiya. Is he koshish ko Aap k samne Mustanad Hawala jaat se Un chand Riwayaat ki nishandahi karwai jarhi he jinhain Hamare haan Aam tor par Islam samajh kar Amal or Aqeedah Banaliya jata he magar wo Besanad Bekar hota he.
 

Or Jesa ke Janab e RasoolUllah Sallallaho Alaihewasallam Ka farmaan he:
 

"Mat Jhoot Baandho Mere Upar, Jo koi Mujh Pe Jhoot Baandhega Wo Jahannum Me Jayega"
 
(Sahih Bukhari, Kitab ul Ilm, Hadees# 106),

Jaan bujh kar jhoot bayan karne Wala Jahannum me Apna thikana bana rha hota he, Hamain Apne har Aqeeday ko Quran or Sahih ahadith kay mutabiq banana chahiye, or Koi Hadith ya Daleel Bayan karne ya Apnane se pehle us ki tehqeeq zaroor karni chahiye.

Zaeef Riwayat #

RasoolULLAH Sallallaho Alaihewasallam ne farmaya: 

"Jab Hazrat Adam Alaihissalan se bhool hui to Unhon ne Arz kia ke Ay Parwardigar! me tujhse Bawasta e Muhammad Sallallaho Alaihewasallam sawal karta hun ke meri maghfirat farmade, 

Allah taala ne irshad Farmaya: 

Ae Adam (alaihissalam) tu ne Muhammad Sallallaho Alaihewasallam ko kese pehchana Hala ke abhi me ne inko (dunia me) paida bhi nahi kia? 

Ap (Alaihissalam) ne Arz kia: Ae mere Rab! me ne unhain is tarah pehchana ke jab tune mujhe apne Dast e Qudrat se paida farmaya or Apni taraf se Mere andar Rooh Phoonki, me ne Sar utha kar dekha to Arsh ke payon par ye likha hua tha (LAAILAAHAA ILLALLAHO MUHAMMADUR RASOOLULLAH) so mene jaan lia ke Tu ne apne muqaddas naam k sath aisi hasti ke naam ko milaya he jo tere nazdeek tamam makhlooq se ziada piari he, 

Allah taalaa ne farmaya: Ae Adam(alaihissalam)! Tum ne sahih samjha, Waqi Muhammad Sallallaho Alaihewasallam mere nazdik tamam makhlooq se ziada piare hain or jab tumne un ke waste se mujhse Darkhuast ki he to Mene Tumhari maghfirat ki aur Muhammad Sallallaho Alaihewasallam na hote to mein tumhain bhi paida na karta."

Is Jhooti riwayat ko Muhaddithin in Kutub me laye hain
 

(Mustadrak ul Hakim,2/486 :4228,
Tibrani Osat 6/313: 6502,
Majmua uz zawaid, Tarikh e damishq, Albidaya wannehaya waghera..)

Or Is Riwayat kay Mangharat hone ki kafi wajoohat hein jin me

>> Is Riwayat ki Sanad me Ek Raawi (riwayat bayan karne wala) "Abdur Rahman Bin Zaid bin Aslam" he, Jo bil Ittefaq Muhaddithin e karaam ke nazdeek Kazzab/ Zaeef he Yani Muhammad Sallallaho Alaihewasallam par Jhoot Bandhne wala he. Is Rawi ka zikr karte hue Imam Hakim or Imam Abu Naeem RahmatUllah Alaih ne farmaya ke ' ye Apne Walid se Mozoo (fabricated) ahadith bayan karta tha.'

Imam Ibn ul Jozi farmate hain k Is rawi k Zaeef hone pe Sab ka ijma he.
 
(Tehzeeb ut Tehzeeb, Jild:4, Page:91 Number: 3974, -

Tehzeeb ul kamal, Jild:5, page: 412, Number: 3889,

- Meezan Ul aitdaal, Jild: 4, Page: 282, Number: 4873)

>>Ye riwayat Ayat e Qurani se takrati he jis Me Allah Subhanahu wataalaa farmate hein: " Aadam (alaihesalam) ney apney Rab say chand baaten seekh lin aur Allah Taalaa ney unn ki tauba qabool farmaee Be-shak wohi Tauba Qabool kerney wala aur Reham kerney wala hai."
(Al Baqrah: 37)

" Dono ney kaha Aey Humaray rab! Hum ney apna bara nuksan kiya aur agar Tu humari maghfirat na karay ga aur hum per Reham na Karay ga to Waqaee hum Nuksan paney walon mein say hojayen gay.
(Al Aaraaf: 22,23)

*Yani wo Kalmat ye the, na ke Mazkoora khud-saakhta Riwayat k alfaz.
>>Or Allah Subhanahu wa Taa'aa ne Insano or Jino ki Takhleeq ki Waja jo Quran me Bayan farmai he:

"Allah ne Nahin Paida kiya, Jino or Insano ko Magar Apni Bandagi ke liye."
(Az Zariyat: 56)

Lehaza tehqeeq se Hamain Sahih Aqeedah, Quran or Mustanad Ahadith se Milta he. Allah se dua he Hamain Sirat e Mustaqeem par qaim rehne or Deen e Islam ko samajhne ki tofeeq ata farmayen. Ameen.


Via--Ayan khan salafi

DAEEF HADITH:- MAIN ILM KA SHAHAR HOON..

Bismillahirrahmanirraheem


Zaeef Riwayat #2 


RasoolULLAH Sallallaho Alaihewasallam ne farmaya: 


"Mein Ilm ka Shaher Hun aur Ali (raziAllahoanho) Us (shaher) ka darwaza." 


Is Mozoo Riwayat ko Muhaddithin e Karam in kutub me laye hain - 


([1]-Majmua uz Zawaid, Kitab ul manaqib, Hadees#14670,

 [2]-Mozuaat ul Kubra Page: 71, Number: 251 (Mulla Ali qari),

 [3]-Al Mozooaat (Ibn ul Jozi) Jild:1, Page:350, Kashful khafa, Al-Fawaid-ul-Majmua waghera...) 

Or Is Riwayat kay Mangharat hone ki kafi wajoohat main: 

 1-Majmua uz Zawaid me Ek Rawi "Abu Balat, Abdus Salam bin Saleh AlHarwi" he. Jo k Kazzab yani khud ahadith garhne wala tha. Imam Nesaee rahmatULLAH kehte hain Yeh Siqa nahi, Imam Darqutni or Imam Ibn Adi ne Mutahim (accused) kaha he 

(Meezan Ul Aitdal, Jild:4, Page: 348, Number: 5056) - 

2-Mozuaat ul Kubra Kitab un ahadith ko jama kar k likhi gai he Jo k Khudsakhta (fabricated) mangharat hain, unhe main ye hadith bhi shamil he jis me Mulla Ali Qari ne Imam Bukhari RahmatULLAH Alaih ka Ye qaul naqal kia he ke 'ye riwayat Jhooti hai or Is ki koi haisiyat nahi he', or Kai Muhaddithin rahmatULLAH alaihim ke qaul is Riwayat k jhoota hone pe paish kie hain) - 

3-Al Mozooat bhi unhe kutub me se he Jin me Jhooti Ahadith jama ki gai hain or Ye riwayat bhi usme naqal ki gai he or Is riwayat ki kafi deegar Zaeef Asnaad (chain of narrators) bhi bayan ki hain. Aisi riwayat in Alfazo se bhi ati he ke 

RasoolULLAH Sallallaho Alaihewasallam ne farmaya:

 "Mein Hikmat ka Ghar hun Aur Ali (raziAllahoanho) Us ka darwaza." 

(Tirmizi, kitab ul manaqib, Hadees# 3744) -

;Imam Tirmizi ne is riwayat ko Munkar kaha he Is Riwayat ki sanad Mein "Muhammad bin Umar Al Romi" he jo Kazzab he. Imam Abu Daud kehte hain Ye Zaeef hai, 

Abu Khateem kehte hain k Is ne 'Sharik' se Munkar riwayat bayan kee 

(Meezan Ul Aitdal, Jild: 6, page:279, Number: 8008, Tehzeeb Ul kamal, Jild: 8, Page: 232, Number: 6230) 


- Is Riwayat Ki Jitni Asnaad, hadith ki Kitabon me milti hain Sab Zaeef ya Majhool (unknown) hain. 

* Kuch Kam ilm hazrat Is Jhooti Mangharat hadith ko Sahih samajhte hue is se kuch ka kuch Aqeedah banalete hain or Musalmano ko Asal Islam se hata kar khud sakhta Mazhab se dhoka dete hain, 

AlhamdoLILLAH Hamare Muhaddithin e karam RahmatULLAH Alaihim ki mehnat or Allah Rabbul Izzat k fazal se un Kazzabo ki koi jaal sazi nahi chalti or wo Mayoos ho kar he lot te hain. Is he Mozoo ko samne rakhte hue Ek or Zaeef Hadith Bhi paish ki jati he Jis ko Mazkoora Paish karda riwayat ka mukammal Hissa bata kar Aam musalmano ko mazeed gumrah karne ki koshish ki jati hai us ka zikr aise hai: - 

RasoolULLAH Sallallaho Alaihewasallam ne farmaya:

 " Mein Ilm ka Shaher Hun, Abu bakar (RaziAllahoanho) us ki Asas hain, Umer (RaziAllahoanho) uski deewarein hain, Usman (RaziAllahoanho) uski Chhat hain aur Ali (raziAllahoanho) Us (shaher) ka darwaza. - 

Ye Riwayat Bagher Mukammal Sanad (Trustworthy Source) k In kutub Main mojood hai ([1]-Kashful Khafa, Jild:1 Page: 185, [2],Fatawa e Hadisia, Page:355, [3]-Lisaan ul Meezan, Jild: 2, Page: 151,Number: 1206,[4] Musnad al-Firdaus waghera....) 

Is Riwayat Ki Wajuhaat e Zauf: -;1-Kashful Khafa me Allama Ajluni Ne Zaeef kaha he or Musnad ul Firdaus k hawale se farmaya ke ye Bagher Sanad ke Marfoo (Yani Jhooti) kahi gai hai. - 

2-Ibn e Hajr Makki ne Fatawa e hadisia me isay Zaeef kaha he or Musnad ul Firdaus he ke hawale se Besanad qarar dia. - 

3-Hafiz Ibn e Hajr ne Lisaan ul Meezan me Ek Kazzab Raawi "Ismail bin Ali bin AlMuthana" ka zaikr karte hue kehte hain : "Ke jab ye shakhs Damishq me logo ko Waaz karrha tha, to Aik shakhs ne Is se "Main ilm ka sheher or Ali darwaza" is riwayat ke mutalliq pucha, To is ne Kaha ke Ye hadith Mukammal Nahi Asal Hadith ye hai:

 "Main ilm ka sheher, Abu bakr uski Bunyad, Umar.........., darwaza hain"

 Jab us Shakhs ne Kaha ke Apni sanad ko is (Mukammal) Hadith ke silsilay me Bayan karain to Kaha Baad Me Bataunga (Yani Besanad Jhoot kaha). -

 4-Musnad ul Firdaus besanad riwaayaat ki kitab he Jis me Riwaayaat ki Sanad mojood he nahi hoti Ye Riwayat sms or internet par 'Sahih Al Bukhari Nuzhat ul majalis' k hawalo se bheji jati hain magar Ye Jhoot hai or Ye riwayat ManGharat hai. Koi Bhi riwayat Qubul karne se pehle uski tehqeeq lazmi kijiye q ke Har achi cheez hamare Deen mein he Magar har Achi cheez Deen nahi hai.

AMBIYA APNI QABRON ME ZINDA HAIN AUR NAMAZEN PADHTE HAIN

 Bismillahirrahmanirraheen




Zaeef Riwayat . 

Hazrat Anas RaziAllaho anho Se Riwayat He ke RasoolULLAH Sallallaho Alaihewasallam ne farmaya: 

"Ambiya Apni Qabro mein Zinda Hain or Namazain Parhte Hain" 


Ye Zaeef Riwayat In Kutub e Ahadith me he: 

([1], Musnad e Abi Yaala, Page: 658, Hadees# 3425, [2] Hayat ul Ambiyah (Imam Bayhqi) Page: 3, Hadees# 2, [3] Musnad ul Bazzar, Jild: 13, Page: 299, Hadees# 6888, [4] Fatah Ul Bari, Jild: 6, Page: 602, Majmua uz Zawaid, waghera...... 


Is Riwayat ko Muhadditheen is Sanad se Bayan karte hain: 


(Mustalim bin Saeed ki Sanad Hajjaj se, Inki Sanad Sabit Al Bannani Se, inki Sanad Hazrat Anas RaziAllahoanaho se......) . 


1, Is Riwayat ki Sanad me"Hajjaj" naami rawi Mojood he, Jis Ka Mukammal Naam Malum nahi he Jese Us ki Waldiyat (Father) Or Nasb (Lineage) Mukammal Likha ho. . 

*Hajjaj Ke Mutalliq kaha jata he Ke ye Rawi Hajjaj Bin Abi Zeyad Al-Aswad (Siqah- Authentic) he , Kiun ke kuch Sanado me Iska Naam 'Hajjaj Bin Aswad' Aaya he,Jis Ke Mutalliq Imam Zahbi RahmatULLAH Alaih Farmate hain:


 "Hajjaj Bin Al-Aswad ki Sanad Sabit Al Bannani se Munkar (Yani Zaeef) He, Mere .Ilm ke Mutabiq . . Mustalim Bin Saeed ke Ilawa kisi ne Is Se ye Riwayat Bayan nahi ki, Or Wo Is Se ye 'Munkar' Khabar Laye Hain.... (Or Agay mazkoora Riwayat 'AmbiyaApni Qabro' bayan ki)" 

(Meezan Ul Aitdaal, Jild: 2, Page: 199, Number: 1730) 

Hajjaj Ya Hajjaj Bin Al-Aswad ka is sanad me Hona is Riwayat ko Zaeef sabit karta he Jesa Imam Zahbi ne bayan kia Or Imam Zahbi ne Jis 'Hajjaj Bin AlAswad' ki Riwayat ko Munkir Kaha he ye 'Hajjaj Bin Abi Zeyad' nahi Kiun ke Hajjaj Bin Abi Zeyad K Mutalliq Aap ne Farmaya 

"Hajjaj Bin Abi Zeyad 'Sadduq' wa KaanaMin asSulaaha (Yani Sache or Naik the) Or inka Naam "Hajjaj Al-Aswad Al-Qasmali" bataya Na ke Hajjaj BIN Al-Aswad. 

(Seerah Aalam An-Nubula, Jild: 6, Page: 43, Number: 1167) . . 


Yani Imam Zahbi Ne Jis Hajjaj bin AlAswad ki Riwayat ko Zaeef kaha he Wo alag he Aur Hajjaj Al Aswad Aik Alag Raawi hain. Or Imam Zahbi Ne Hajjaj Bin Al Aswad ko 

(Talkhees Al Mustadrak, Jild: 5, Page: 250, Hadees# 8113)

 ki Sanad Me Siqah bhi Kaha he Magar Yahan"Hajjaj Bin Aswad ki Sanad Muhammad Bin Wasa'e" se bayan he Or Meezan ul Aitdal me Imam Zahbi ki Jarah 'Hajjaj Bin Aswad ki Sanad Sabit' se Par he or Phir Is Puri Hadith ko Zaeef kaha he. . 


Muqaddimeen Muhadditheen me se kisi Ne bhi Is Riwayat ki Sanad me Hajjaj ko(Hajjaj Bin Abi Zeyad Al Aswad) Nahi likha. .


 2, (Imam Bayhqi) ki Kitab Hayat Ul Ambiya Me Is riwayat ki Pehli Sanad Me 'Hajjaj' ka naam 'HajjajBin Aswad' Bataya he Jis Par Imam Zahbi Ki Meezan Ul Aitdal me Jarah (Disparage) Mojud He or Sath he Is Sanad Me Ek Aur Sakht Zaeef Raawi "Hasan Bin Qutaibah" Mojood he Jis ke Mutalliq Imam Zahbi farmate hain 'Ye Halak Hone ke laiq he', 


Imam Darqutni Farmate hain

 'Ye Ahadith ko Tark (Deny) karne wala tha',

 Imam Abu Hatim Ne isay 'Zaeef' kaha he. 

(Meezan ul Aitdal, Jild: 2, Page: 270, Number: 1936) . 



3, Musnad ul Bazzar me bi 'HasanBin Qutaibah' ka Zauf shamil hai or Wahan Imam Bazzar ne 'Hajjaj' ko Hajjaj Bin Abi Usman Al Sawwaf (Siqah) likha he, Is he Lie Hajjaj Ka Mukammal Naam Pata na Hona aur Baaz Aimma Kaisay Sirf Hajjaj, Hajjaj Bin Aswad Ya Hajjaj Al Aswad Kehna bhi Is Riwayat ki Sanad ko Mashqooq Sabit karta he. . 


Aisi he Riwayat Zaeef Sanad ke saath Tareekh e Asbahan me Mojood he jis me 'Hajjaj' ke bajaye Raawi ka naam 'Shajjaj' likha hua he aur Ek Raawi Abdullah bin Ibrahim bin AlSabah (majhool) unknown he, Is ke ilawa Riwayat ke Alfaz hain"Ambiya Apni Qabro Me Namazain Parhte hain" (Zinda hone ke alfaz mojood nahi hain)


 [Tareekh e Asbahan, Jild: 2, Number: 1026] .;


Is Tafseel Se malum hota he ke Ye Ajeeb o Gharib Riwayat Sanad ke sath Matan me bhi kamzor He Aur Is ke Ilawa Islami Aqeedah ye batata he ke baad az wafaat Ambiya, Shohda aur Momineen Apne Rab ke Pass Zinda hain 


Allah Ta'ala ka Irshad He:


 "Or Jo Allah Ki Raah me Shaheed Kie gaye unhan har giz Murdah Na Khayal Karna balke Wo Apne Rab Ke Pass Zinda Hain, Rozi Paate hain." 


(Surah e Aal Imran, Ayat: 169) . 

Yani Wo Allah Rabbul Izzat ke Haan Arsh par hain Na ke Dunia me Mojood Aur Ambiya AlaihimusSalaam ka Rutba Shohda se Bhi ziada he to un ke Mutalliq ye Aqeedah rakhna ke Woh Duniya me Zinda hain kisi lehaz se Sabit nahi or Is Ayat ki wazahat RasoolULLAH Sallallaho Alaihewasallam ne Farmai ke . 


"In (Shohda) ki Roohain sabz Parindo ke Qalib me hain, Arsh ki Qandilain in ke lie hain sari jannat me Jahan kahin Chahain Charen chugain or Qandeelo me Aaraam karain..." 

(Sahih Muslim, Kitab ul Emaraat, Hadees# 4885) . 

Aur Allah Ta'ala ne Farmaya 

"Aur Jo Log Allah aur us ke Rasool (Sallallaho Alaihewasallam) ki Ita'at karte hain Wo In Logo ke saath honge Jin par Allah ne BaraFazal Kia Yani Ambiya aur Siddiqin aur Shohda aur Naik Log Aur in Logo ki Rafaqat bohothe khoob he" 

(Surah e Nisa, Ayat:69) . 

Yaani Allah ne jo Sharf apne Khaas bando ko bakhsha he wo Insan k Guman se bohot buland he or Duniyawi zindagi ko Mukammal Itaa'at k sath guzarne ke baad Allah ne unhain Jannat ka Inaam Ata kia. Jab Shohda e Karaam ki Roohain Jannat me hain to Ambiya e Karaam Alaihesalam Un se badarjaha Aalaa Jannat ke Aala o Afzal tareen Muqamat o Mehlaat me hain, Shohda ki ye Hayat Jannati, Ukhruwi o barzakhi he Is he Tarah Ambiya ki Hayat Jannati, Ukhruwi aur Barzakhi hejo Dunia se Alag he. .; 

Ye Riwayat Sanad (Chain Of Narration, Authenticity) Ke Lehazse bhi Zaeef He Or Matan (Meaning) Ke Lehaz se Bhi Kisi Sahih Hadith or Mustanad Islami Nazariye ke Mutabiq Nahi, 


Allah Taa'aala Se Dua He ke Hamain Aur Aap ko Deen Ki Wo Soch Ata farma Jo Haq Ki taraf Le jati ho Aur Jannat ka Raasta Aasan Banane Wale Aamal or Aqaid Apnane ki Tofeeq Ata Farmaye. Ameen

HADITH-E-NOOR KA TAHQEEQI JAYEZA

Bismillahirrahmanirraheem


 HADITH-E-NOOR KA TAHQEEQI JAYEZA


Allah T'ala Ne Tamam Makhlooq Ko Paida Karne Se Pahle Apne Noor Se Tere Nabi Ka Noor Paida Farmaya 

Riwayat Ki Tahqeek. - 

Hazrat Jabir RaziAllahoanha Se riwayat he ke Main ne bargah e Risalat Maab Sallallaho Alaihewasallam Arz Kia: Ya RasoolUllah Sallallaho Alaihewasallam Mere maa baap Aap (Sallallaho Alaihewasallam)par Qurban! Mujhe Batayen ke Allah taa'ala ne Sab se Pehle Kis Chez ko Paida kia? 

RasoolULLAH Sallallaho Alaihewasallam ne farmaya: 

" Ae Jabir! beshak Allah Taala ne tamam Makhlooq (Ko paida karne) se pehle Tere Nabi Ka noor Apne Noor se Paida farmaya, Ye Noor Allah ki Mashiyat se jahan Us ne chaha Sair karta raha. Us waqt na loh thi Na Qalam, Na Jannat thi na dozakh, na (koi) farishta tha na Asman na zameen, na suraj tha na chand, na jin the aur na insan,jab Allah taala ne Iradah Farmaya ke makhlooq ko paida kare to Usne Is Noor ko char Hisson me taqseem kardia. Pehle Hisse se Qalam banaya, dusre hisse se Lohor teesre hisse se arsh banaya. Phir chothay hisse ko mazeed char hisson me taqseem kia to pehle hisse se arsh uthane wale farishte banaye or doosre hisse se Kursi or teesre hisse se baqi farishte paida kie. Phir chotay hisse ko mazeed char hisson me taqseem kia to Pehle hisse se asman banae, dusre hisse se zameen or teesre hisse se Jannat or dozakh banai, Phir chotay hisse ko mazeed char hisson me taqseem kia to Pehle hisse se Momino ki Ankho ka noor banaya, Dusre Hisse se in ke Dilo ka noor (Yani Allah ki muarfat) banaya, teesre hisse se In ke Ins ka noor (Yani Tauheed LAAILAAHA ILLALLAH MUHAMMADUR RASOOLULLAH) paida kia..." 

Ye Riwayat Bagher Mukammal Sanad (Unauthenticity) ke In Kutub Me mojood he: 

(Al Muwahib al ladunniyya, Jild:1 Page: 89, Kashful Khafa, Page: 237, Hadith# 826, Fatawae Hadithiya, Page:206, Madarij un Nabuwwah, jild:2, Page:2, waghera.... ) 


Is Riwayat Ke Zaeef hone ki Waja ye he ke Is Riwayat ki Sanad in kutub me is tarah he ' Imam Abdur Razzaq ki riwayat hay jisy unhoun nain apni Sanad say Jabir Bin Abdullah (RaziAllahoanho) say riwayat kia hay:' 


*Imam Abdur Razzaq ki Paidaish (birth) 126 hijri he 

(Tehzeeb ul kamal, Jild:6, page: 85 Number: 4185) 


or Hazrat Jabir RazirAllahoanhoki Tarikh e Wafaat (death) 78 Hijri he 

(Tehzeeb ul Kamal, Jild:2, Page:160, Number:873) 


Dono Raawio ke darmyan 48 saalka waqfa he or Is he lie ye riwayat Mangharat kahi jati he ke is ki Mukammal sanad (chain of narrators) bhi malum nahi hosaki or na Imam Abdur Razzaqki likhi jane wali kisi bhi kitab me Is riwayat ka koi nishan hai, 


Ap ki likhi hui kitabo me (

1-Tafseer ul Quran Al-sanani, 
2- Musannaf Abdur Razzaq, 
3-JamaeKabir) 

hain magar kisi kitab main bhi yeh riwayat mojood nahi. 

Taqreeban adhi sadi ke arse me Do ya Ek Rawi to Imam Abdur Razzaq ki sanad me Hona chahiye tha magar Ye Mangharat Riwayat, Sanad Munqata (breakage) ki Waja se bhi Mozoo qarar di gai he. Is Riwayat Ko katibeen ne Bagher Mukammal Sanad ke likha he or iski Nishandahi ki gai he jiski koi haqiqi hesiyat nahi he. 

Aaj k daur ke kuch Kazzabo or Firqa Parast logo ne is Hadith ko sahih sabit karne ke lie Ek Besanad Kitab (Juz al-Mafqud min al-Juz al-Awwal min al-Musannaf Abdur Razaq "Yani Musannaf AbdurRazzaq kay Pehlehissay Ka Gumshuda Hissa") 2005 me publish kar ke is riwayat ki Sanad paish karna chahi Magar AlhamadoLILLAH wois sazish me nakam hue or Musalamano ko dhoka dene me unhain Ulama e Haq ke samne sharam ka samna karna para, 

Is Kitab me in Gumrah logo ne 40 kQareeb ahadith o athar likhe hain, Agar is kitab me Is riwayat ko Pichli kutub se milaya jaye to Mazkoora Riwayat or Juz e Mafqud (Yani Jaali Juz) ki riwayatke Alfazo (matan) me Farq he jo bilkul Wazeh kardeta he ye Ye kitab bhi jhooti he Is Gumshuda Nuskhe Ka Likhne Wala 'Ishaq Bin Abdur Rahman AlSulemani' bataya jata he

 (see Juze Mafqud, Page 10), 

Jo ke Majhool (Unknown) he or Us ki Imam Abdur Razzaq tak ki sanadbhi na-mukammal (Break) he. Is Jaali Nushke or Jhooti Hisse kiPakar karte hue Musalmano ke samne iski Haqiqat paish karne ke lie Ulama ne bohot bareeki se ilmi or tehqeeqi jaiza likha he jo 


"PDF file me yahan se download kia jaskta he http:// www.muhammadilib rary.com/Books/ books-3/ Jaali%20Juzz%20K i%20Kahani%20Au r%20Ulemai%20Ra bbani.pdf Internet par is ki mazeed tafseel in links par bhi dekhi jasakti he (English Ver): http:// www.ahlalhdeeth. com/vbe/ showthread.php?t =874&%3Bhighlig ht=Maysara http:// www.ahlalhdeeth. com/vbe/ showthre... worshipers "

Baaz Log Ye dhoka dete hain ke Ye Kitab Jeddah, Saudia Arab se bhi shaye hui he Magar ye Jhoot he Wo Kitab asal me Is ka Radd (Jawab) he jo ke is ko Mangharathone ke lie Likhi gai he, Aam logo ki arabic se la ilmi ko samne rakhte hue inho ne Us kitab ke 2 pages bhi scan kie hain. 

Allah hidayat ata farmayen or Sahih Deen ko Samajhne or Is Par amal karne ki tofeeq ata farmayen or Iman me Barkat ata farmayen...

Zaeef Riwayat #3 Riwayat e Noor (Hazrat Jabir RaziAllahoanho) Apni Sanad ke lehaz se To Zaeef Sabit hoti he hai, lekin Us ka Matan (Mafhoom)bhi Quran or Ahadith e Sahiha (Authentic Ahadith) kay bhi Bilkul Khilaf he: 

Jesa Tirmizi Sharif, Abu Daud, Musnad e Ahmad or deegar Kutub e Ahaadith me Ye Sahih o Mustanad Hadith he Ubadah Bin Samit (RaziAllahoAnho) Bayan karte hain ke, 

Muhammad Ur RasoolUllah Sallallaho alaihewasallam ne farmaya: 


"Sab se Pehli Cheez Jo Allah Ne Paida farmai wo Qalam thi, Phir Usse Kaha ke Likho, To is Qalam ne kaha Kia Likhun? 

Allah ta'aala Ne Farmaya: Taqdeer likho, Qayamat tak qayem hone wali har har cheez ki." 

References: (Jamia Tirmizi, Kitab ul Qadr, Hadees Number: 2162, Abu Daud, Kitab us Sunnah, Hadees Number: 4700, Musnad e Ahmad, Jild: 5, Hadees Number: 21649, Behqi, Mishkat waghera...) 

Is Sahih Hadith e Rasool Sallallaho alaihewasallam ko samne dekh kar khud andaza hojata he ke Allah ne Sab se pehle kia paida farmaya or Kia Aqeedah Islam hamain sikhata he. ;


Hadith e Noor, Islam ke Ek is Bunyadi Aqeedah ke bhi Khilaf he ke Allah Subhanahu WaTa'aalane Poori insaniyat ke Walid Hazrat Adam Alaihesalam ko Bina Maa or Baap ke Matti se paida farmaya jesa Allah ta'aala ka farman he: 


Al Quran: Allah Ta'alaa kay nazdeek Eesa (alaih-e-salam)ki Misal Hoo ba hoo Aadam (alaih-e-salam)ki Misal jesi hai Jinhain Mitti say bana ker Farma diya kay (Insan) ho ja! Pus woh hogaya!

 (Surah Aal e Imran, Ayat: 59) 

Aur Hamare Piare Nabi Muhammad Sallallahoalaihe wasallam ke Walid or Walidah dono Mojood the aur Aap Sallallahoalaihe wasallam, HazratAadam alaihesalam he ki Aulaad me se hain Aur jesa Aap Sallallahoalaihewasallam ne Farmaya: 

"Allah Taalaa ne Farishto ko Noorse paida farmaya or Iblees ko Aag se, Aur Aadam alaihe salam ko jis cheez se Paida kia gya Wo Quran me batadia gya he. (Yani Mitti se)" 

(Sahih Muslim, Kitab uz Zohod, Hadees Number: 7495) 

Is Bunyadi Taleem or Aasan Nazariye ko Batil Firqo ne Apne tor par badalne ki koshish ki magar wo Hamesha ki tarah Nakam he hue. Sach ke aagay un ka dhakosla bilkul bekar sabit hua. Tamam Ambiya Alaihemussalam Insan (bashar) The or unki Takhleeq bhi Mitti he se hui Jese Hazrat Aadam Alaihesalam ki huior Allah ne Noor se Farishto ko paida farmaya na ke Insano ko. 

Allah ta'ala ne Apne Inhe Bando me se Hidayat phelane ke Lie Nabiyo ko chuna ta ke Poori duniya ke lie Misaal sabit hosaken Aur Hamare Aakhri NabiRehmat e Do Aalam (Sallallahoalaihe wasallam) ko Bhi Taa Qayamat Aala Misal Muntakhib kia or Buand o Behtreen Rehnumai sabit karwai. 

Allah Ta'ala Farmate Hain: 

"Aur Hum ne Aap (Sallallahoalaihe wasallam) se pehle Mard he (Bator Peghambar)Bheje, Jin ki taraf Hum Wahi bhejte the. Agar Aap nahi jante to jo Yaad rakhte hain un se Malum karlen. Aur Hum ne un ke lie Aise Jism nahi banaye the ke Khana na Khayen or Na wo Hamesha Zinda rehne wale the" 

(Surah e Ambiya, Aayat: 7 and 8) 

Aur Allah Subhanahu WaTa'aala ne Farmaya:

 "Aap (Sallallahoalaihe wasallam) farmadijie ke Mein Tumhari Tarah he Bashar (Insan) hun, (Han) Meri Janib Wahi Ki Jati he ke Sab ka Mabood Ek he Mabood (Allah) he, To Jisay bhi apne Rab se milne ki aarzu ho to usay chahiye ke naik aamaal kare aur Apne Parwardigar ki ibadatme kisi ko shareek na kare" 

(Surah e Al Kahf, Ayat: 110)

 Or Irshad Kia Ke: 

"Aap (Sallallahoalaihe wasallam) farmadijie Ke

 "Mein Tum se ye Nahi Kehta ke Mere Pas Allah ke Khazane Hain, Or na ye ke Main Ghaib ka Ilm Janta hun or Na Main tum se ye kehta hun ke Me Farishta hun, Balke me To Wahi ki Itteba karta hun jo Meri taraf bheji jati he, Aap (Sallallaho alaihewasallam)kahiye ke Andhaor Beena Kahin Barabar hosakta he, So kia tum Ghor nahi karte?" 

(Surah e Anaam, Ayat: 50)

 Hadith e Noor apni sanad or matan me bilkul Wazeh tor par Mangharat sabit hoti he Ke us ka hamare Deeni Aqaid or Nazariyatme koi wujood nahi he, 

Allah ta'aala Hamain Asal Deen ko Samajhne Or Kitab o Sunnat se Muhabbat ka jazba Ata farmayen or Logo ki Islah Farmayen Batil oBewajood Aqaid or Dalail se Hamari bhi Hifazat farmayen . Ameen