Al Tamur Traders

Monday, September 15, 2014

NAJD KI HADITH KA JAWAB



Question:-Brother Syed Shoaib Mohammad Najd ka sahi mafhum kya hai aur hadis najd se murad kaun h?
.
Answer:- Batil parst hmesha ahle haq ke bare me mukhtalif qism ke ke propganda karte rahte h lekin Allah ke fazl wa aihsan se haq numaya aur mash'hur hokr raha arab ki sharzamin par jb shaikhul islam muhmmad bin abdul wahab rh. ne tauheed ka aalam buland kiya aur shirk wa bid'aat ka sar kuchala to kalima go mushriko ne nabi karim s.a.w ki ahadis ka m'ana wa mafhum badlkar unhe shaikul islam par chaspa krna shuru kar di in hadiso me se ek hadis najd h jiska sahi matlab iraq ki sarzamin hai jaha bahut se gumrah firko ne janam liya
-
[ TADAAD-E-NAJOOD ]
.
Arab main NAJD k naam se jo jo elaqay maroof hain unki mukhtasar fehrist "Allama Zubaidi ne Taaj-ul-Uroos Sharah Qamoos" or "Allama Hamvi ne Moajamul Bildaan" main di hai jo k pesh pesh hai,
.
1- Najd Al Wazz
2- Najd Aa'jaa
3- Najd Barq
4- Najd Khaal
5- Najd Al Shari
6- Najd Azar
7- Najd Al Oqaab
8- Najd Kabkab
9- Najd Mare'ee
10- Najd Al Yaman
(jisy aaj kal NAJD SAUD kaha jata hai)
11- Najd Al Iraq
12- Najd Al Hijaaz
( Taaj-ul-Uroos Sharah Qamoos J.2 P.511 Az Allama Zubaidi,Moajamul Bildaan J.19 P.265 Az Allama Hamvi )
-
QARN-UL-SHETAAN KONSA NAJD HAI ??? ]
Is sawal k jawab k lie sabse pehle hum Hadees-e-Nabwi ko he lete hain,Hazrat Abdullah Bin Umar R.z.a raawi hain k RasoolAllah Sal'lal'laho Alehi Wasal'lam ne dua farmayi k "ay ALLAH hamare lie shaam main barkat dy hamare lie yaman main barkat dy,Sahaba R.z.a ne arz kiya k Ay Allah K Rasool Sal'lal'laho Alehi Wasal'lam hamare NAJD main (bhi barkat ki dua kijiye),Aap S.a.w.w ne phir dua farmayi k ay ALLAH hamare lie shaam main barkat dy hamare lie yaman main barkat dy,Sahaba R.z.a ne phir arz kiya k Ay Allah K Rasool Sal'lal'laho Alehi Wasal'lam or hamare NAJD main (bhi barkat ki dua kijiye),(Raawi Ibn-e-Umar R.z.a) ne kaha mera khayal hai k 3sri martaba (Sahaba R.z.a k jawab main) Aap S.a.w.w ne farmaya k wahan zalzalay or fitne honge or wahen se shetaan ka seeng (Qarn-ul-Shetaan) zahir hoga"
( Sahi Bukhari J.2 P.1051 )
-
Hazrat Imam Bukhari Aleh Rehma is hadees ko "Al Fitan Qabal ul Mashriq" k unwaan k tehet la kar hadees main mojud lafz "Wa Fi Najdana" ki wazahat karna chahte hain k NAJD se muraad is jaga konsi sarzameen hai,Is tashreeh k lie Imam Bukhari R.h.a ek or hadees laye hain kHazrat Abdullah Bin Umar R.z.a raawi hain k "unho ne RasoolAllah Sal'lal'laho Alehi Wasal'lam ko mashriq ki taraf mu kar k ye kehte hue suna k khabardar beshak fitna yahan se niklega jahan se shetaan ka seeng nikalta hai"
( Sahi Bukhari J.2 P.1050 )
Is hadees ne ye baat saaf kardi k Nabi Aleh Salato Was'salam ne peshgoi farmate hue mashriq ki taraf ishara karte hue farmaya tha k Qarn-ul-Shetaan is taraf hai,Ab sawal ye peda hota hai k Syed-ul-Arab Wal Ajam Hazrat Mohammad Mustafa Sal'lal'laho Alehi Wasal'lam ne kab or kis jaga khare ho kar mashriq ki taraf ishara kiya tha
-
To iski tashreeh k lie Imam Bukhari R.h.a ek 3sri hadees Imam Salim R.h.a k waastay se laye hain jisme ye alfaz hain k "Nabi Aleh Salato Was'salam ne ye baat minbar ki ek janib khare ho kar kahi thi"
( Sahi Bukhari J.2 P.1050 )
Is hadees se ye baat khul kar hamare saamne ajati hai k Nabi Aleh Salato Was'salam ne Madina Taiyyaba main mashriq ki taraf ishara karte hue kaha tha k Qarn-ul-Shetaan is taraf se niklega or Madina Taiyyaba se aeen mashriq ki taraf Najd Iraaq hai jo k Ahlul Raaye ka markaz hai,Isilie Allama Tahir Fatni Hanfi is hadees ka ma'ana bayan karte hue Najd Shetaan ki tashreeh main farmate hain k "ye ek khaas jaga ka naam hai jo hijaaz k alawa iraaq k saath milti hai"
( Majmua Bihaar-ul-Anwaar J.4 P.680 )
-
[ MAZEED WAZAHAT ]
Hazrat Hasan R.h.a raawi hai k "Allah K Rasool Sal'lal'laho Alehi Wasal'lam ne dua ki, ay ALLAH hamare Madina ko hamare lie barkat wala bana, ay ALLAH hamare shaam main hamare lie barkat ata farma, ay ALLAH hamare yaman ko hamare lie babarkat bana,Ek admi ne kaha k Ay Allah K Rasool Aleh Salato Was'salam iraaq k lie bhi dua farmayen qk wahan se hamare lie gandum or degar zarorat ka saman ata hai,Aap S.a.w.w khamosh rahe,Usne ye dekh kar phir guzarish ki,Aap S.a.w.w phir khamosh rahe,Phir farmaya k wahan se shetaan ka seeng niklega wahan zalzalay or fitnay barpa honge"
( Kanzul Aa'maal J.14 P.77 Hadees #38273 )
-
Hazrat Abdullah Bin Umar R.z.a raawi hain k "RasoolAllah Sal'lal'laho Alehi Wasal'lam ne subha ki namaz ada farmane k baad muqtadio ki taraf mu k main hamare lie barkat dy,Is per ek admi ne phir guzarish ki k Ay Allah K Rasool Aleh Salato Was'salam iraaq (k lie bhi barkat ki dua kijiye)To Aap S.a.w.w khamosh rahe phir wohe dua farmayi jo pehle farmayi thi,Phir ek admi ne kaha k iraaq k lie barkat ki dua kijiye, To Nabi Aleh Salato Was'salam ne farmaya (main wahan k lie kese dua karun) wahan shetaan ka seeng zahir hoga or fitne fasad josh marenge"
( Kanzul Aa'maal J.14 P.71 Hadees #38228 )
.
Is hadees ko mulaheza kijiye jo kisi hashiya arayi ki mohtaaj nahi bal k apne tafseer aap kar rahe hai qk yahan NAJD k bajaye saaf Iraaq ka lafz mojud hai jiska saaf matlab hai k Bukhari Shareef ki riwayat main jo NAJD lafz aya hai is se muraad Najd Iraaq hai Najd Yaman jisy aaj kal Najd Saudia kehte hain wo muraad nahi,Yehi waja hai k Imam Bukhari R.h.a ne is hadees ko "Baab ul Fitan Qabal ul Mashriq" k tehet la kar is baat ka ishara kiya tha k yahan NAJD se wo NAJD muraad hai jo Madina se janib e mashriq hai or sab jante hain k Madina se mashriq ki janib Iraaq hai jisme basra o kofa jese sheher abaad hain jo k Ahlul Raaye or Ahle Taqleed k markaz or fitno ki sarzameen hain,
.
[ TAREEKHI SHAHADAAT ]
1- Hazrat Umar Farooq R.z.a ko shaheed karne wala ajami tha,
2- Hazrat Usman Ghani R.z.a k ehed ka fitna iraaq he se uth kar misr tak phela,
3- Jang-e-jamal o sifeen isi sarzameen e iraaq per hui jske natijay main wo qeemti khoon baha jiski talafi rehti duniya tak na ho sakegi,
4- Hazrat Ali R.z.a ko yahen shaheed kiya gaya,
5- Khuwarij, ISLAM ka pehla gumrah firqa yahen se nikla,Jabariya or Qadaria ne bhi yahin se janam lia,ISLAM main degar firqo jese Jahimia ka fitna jiska mojad Jaham Bin Safwan tha iraaq se nikla,Motazala ne bhi yahen se sar nikala jiski waja se beshumar fuqaha o muhaddiseen ko nakabil e bardasht aziyaten sehna parhi,Aitezaal ka bani Mubani Wasil Bin Ata or Umro Bin Ubaid bhi iraaqi tha,
6- Jigar Gosha-e-Rasool Hazrat Imam Hussain R.z.a ka qaafla bhi yahen furaat k kinare luta
.
7- Shiyat jisne ISLAM ko 2 hisso m taqseem kiya yahin iraq ki pedawar hai,
8- Hujjaaj ki safakiyan isi sarzameen per hui,
9- Mukhtaar Bin Abu Ubaid ne daawa-e-nabuwat iraq se he kiya,
10- Turk o Tatari garat gariyon k natayij yahen ronuma hue,
11- Jang-e-azeem main wahid ISLAMI taqat k saath gaddario k natayij bhi yahen ronuma hue,
12- Mazi e kareeb main Abdul Kareem Qasim ka fitna bhi iraq se nikla,
13- Bahiyat or Babiyat ne yahen se janam lia or iski bigdi hui soorat Qadyaniat hamare saamne hai,
14- Iraq Iran jang jisne tamam musalmano ko tabahi k dahane per la kar khara kiya,
15- Or aakhir main Dajjaal bhi isi sarzameen se niklega.
( Mustafaaz Az Seerat un Nabi J.3 P.389 o Tareekh e Islam Az Moin uddin Nadwi )
In tamam tareekhi shahwahid ki roshni main ye baat wazeh hojati hai k iraq he Qarn-ul-Shetaan or zalzaal o fitan ki sarzameen hai,
.
Apne dekha k Najd Iraq se kitne fitno ne sar uthaya,Iske bar'aks Najd Saud yani Najd Yaman se aaj tak koi fitna khara nahi hua,Bal k Banu Tameem k ek momin-e-kamil
(Shaikh Mohammad Bin Abdul Wahab R.h.a) ne fitna parwaro ka qila'qama karte hue toheed parasto k paigham se qabar parasto ko nanga kardia,Wilayat k naam se qabaro ko maal e tijarat banne se mana kardia,Tariqat k naam se millat faroshi ko khatam kardia,Jab mushrikeen k karobaar maand parh gaye to us mard-e-haq (Shaikh Mohammad Bin Abdul Wahab R.h.a) ko is qadar badnaam kiya gaya k "Al Amaan wal Hafeez"Magar duniya ne dekha k uski dawat Hijaaz o Tahama o Yaman o Shaam tak aam hogayi or uski dawat o jihaad he k natijay main Haramain Sharifain ko unka purana waqar mil saka or unki haqeeqi hurmat o izzat bahaal ho saki,
.
[ IRAQ HADEES-E-NABVI KI ROSHNI MAIN ]
Hazrat Abdullah Bin Umar R.z.a raawi hain k RasoolAllah Sal'lal'laho Alehi Wasal'lam ne farmaya k "shetaan iraq main dakhil hua to wahan apni zarorat puri ki phir shaam gaya to wahan k logo ne usay bhaga dia phir misr gaya or wahan khoob anday bachay diye or wahan khoob mazay se raha"
( Tabrani Kabeer J.12 P.262 Hadees #13290,Tabrani Oost J.7 P.221 Hadees #6427,Kanzul Aa'amaal J.12 P.138 Hadees #35154,Durr-e-Mansoo­r J.3 P.112 ).
.
Imam Yaseer Bin Umro R.h.a bayan farmate hain k "main Hazrat Sehel Bin Haneef R.z.a k paas gaya or unse arz ki k muje wo bayan kijiye jo apne Nabi Aleh Salato Was'salam se suna,Unho ne kaha k (shayad tum) haroria (khawarij k muta'allik puchna chahte ho) so unke muta'allik main tumse apni taraf se barhaye bagair batata hun k mene suna Aap S.a.w.w ek qom ka tazkira kar rahe the jo udhar se niklegi,Ye keh kar aap ne iraq ki taraf ishara kiya (or farmaya k) jo Qur'aan parhenge unke halaq se neechay nahi utrega wo deen se ese nikal jayenge jese kumaan se teer,(Raawi-e-Hadees­ Yaseer R.h.a) kehte hain k mene kaha k kiya Nabi Aleh Salato Was'salam ne unki kuch nishani bhi batayi hai?Wo (Sehel Bin Haneef R.z.a) bole mene jo kuch suna tha us se ziada main kuch nahi bata sakta"
( Musnad Ahmed J.3 P.486,Tehzeeb Musnad J.4 P.36 )
.
Maloom hua k is hadees se jo Ahle Biddatt JAMAT AHLE HADEES ko mat'oon karte hain wo sarasar jhoot fareeb or unki makkaari o ayari hai,Is hadees k misdaaq unke iraqi bhai khuwarij hain or AHLE HADEES k bajaye Ahle Biddatt Ahle Taqleed is hadees k misdaaq hain qk inka ta'alluk iraq k sheher kofa se hai,
.
Iske alawa Shaikh Mohammad Bin Abdul Wahab R.h.a khandan Banu Tameem k chashm-o-chiraagh the or is qabeelay ki azmat Hadees-e-Nabvi se sabit hai,Hazrat Abu Hurera R.z.a bayan krte hain k main Banu Tameem se uswaqt se barabar mohabbat karne laga jab se mene RasoolAllah Sal'lal'laho Alehi Wasal'lam se inki 3 baaten suni,Aap S.a.w.w farmate the k "Banu Tameem meri sari ummat main dajjaal k bade mukhalif honge (jab wo khabees niklega),Or esa hua k Banu Tameem ki ek aurat Hazrat Ayesha R.z.a ki ghulaam thi Aap S.a.w.w ne farmaya k isay azaad kardo qk Banu Tameem Hazrat Ismayil A.s ki aulaad se hain,Banu Tameem ki zakat ayi to Aap S.a.w.w ne farmaya ye meri qom ki zakat hai"
( Sahi Bukhari J.2 P.626,Sahi Muslim J.2 P.307 )
.
Musalmano!Zara gor karo jis qom ki tareef Allah K Rasool-e-Barhaq Hazrat Mohammad Mustafa Sal'lal'laho Alehi Wasal'lam karen,Unki bahaduri or dajjaal k bilmuqabil imaani quwwat ki peshgoi farmayen,Unko apni qom qarar den,Sahaba Kiraam R.z.a unhe mehboob rakhen,Aaj unhe be'deen o gumraah kaha jata hai wo bhi sirf bebuniyaad or jhooti afwahon k natijay main,Tanqeed karne walo k paas koi bhi mazboot daleel nahi hai bas zabani daaway hain,Main samajta hun k ab logo per haqeeqat wazeeh hojani chahiye.Wallaho Yaahdi Maii'ya'shaa
 
 
Via- Ayan khan salafi