Monday, December 19, 2016

DUSHMAN MULK E SHAAM ME JAMA HONGEY






Bismillah Hir-Rahman Nir-Rahim


*Mafhum-E-Hadith: Dushman Mulk-E-Shaam Mein Jama Hongey Musalmano Se Ladney Ke Liye*


Yasir Bin Jaber Radi Allahu Anhu Se Rivayat Hai Ki Ek Baar Kufa Mein Laal (Red) Aandhi Aayee , Ek Shakhs Aaya Aur Kahney Laga Ki Eh Abdullah Bin Masood Qayamat Aa Gayee Ye Sunkar Abdullah Bin Masood Radi Allahu Anhu Baith Gaye Unhoney Kaha Ki Qayamat Us Waqt Tak Nahi Aayegi Jab Tak Meeras Ka Maal Batna Band Na Ho Jaye Aur Maal-E- Ganeemat Se Khushi Hona Band Na Ho Jaye , (Kyunki Koi Waris Hi Zinda Nahi Rahega To Meeras Ka Maal Kaun Lega Aur Jab Koi Ladaii Se Zinda Wapas Hi Nahi Aayega To Maal-E- Ganeemat Se Khushi Na Hogi) .

Phir Apney Haath Se Ishara Kiya Shaam Ke Mulk Ki Taraf Aur Kaha Ki Dushman ( Nasara) Jama Hongey Musalmano Se Ladney Ke Liye Aur Musalman Bhi Unsey Ladney Ke Liye Jama Honge, Mainey Kaha Dushman Se Tumhari Murad Nasara Hai Unhoney Kaha Haan Aur Us Waqt Sakht Ladaii Hogi , Musalman Ek Lashkar Ko Aagey Bhejengey Jo Marney Ke Liye Aagey Badega Aur Bagair Galbey Ke Wapas Na Lautega ( Yani Is Iradey Se Aagey Jayengey Ki Ya Shaheed Ho Jayengey Ya Fateh Hokar Aayengey) ,

Phir Dono Lashkar Jung Karengey Yahan Tak Ki Raat Ho Jayegi Phir Dono Taraf Ki Faujain (Army) Laut Jayegi , Kisi Ko Jeet Hasil Nahi Hogi, Jo Lashkar Jung Ke Liye Gaya Tha Wo Bilkul Fana Ho Jayega,



Phir Musalamn Ek Lashkar Aagey Bhejengey Jo Shaheed Honey Ke Liye Ya Jeetney Ke Liye Jayega Aur Jung Hoti Rahegi Yahan Tak Ki (Phir) Raat Ho Jayegi Aur Dono Tarak Ki Faujein Laut Jayegi Aur Kisi Ko Jeet Hasil Nahi Hogi Aur Wo Lashkar Bhi Fana Ho Jayega , (Isi Tarah) Jab Chotha ( Fourth Day) Din Hoga To Jitney Musalman Baqi Rah Gaye Hain Wo Sab Aagey Badengey Us Din Allah Subhanahu Kaafiron Ko Shikast Dega Aur Aisee Ladaii Hogi Ki Kisi Ne Na Dekhi Hogi Yahan Tak Ki Parinda Unkey Upar Se Udega Aur Wo Aagey Bhi Nahi Pahuchega Ki Wo Murda Hokar Gir Jayengey ( Yani Us Daur Mein Latest Weapon Ki Wajah Se Ek Prindey Ke Udney Se Bhi Jaldi Log Mar Jayengey ) Aur 100 Mein Se Sirf 1 Shakhs Hi Zinda Bachega, Aisee Halat Mein Kaunsa Maal-E-Ganeemat Se Khushi Hogi Aur Kaunsa Meeras Ka Maal Taqseem Kiya Jayega. Phir Musalman Esee Halat Mein Hongey Ki Ek Aur Badi Aafat Ki Khabar Sunegey ,

Ek Pukarney Wala Kahega Ki Dajjal ( Anti Christ) Unkey Baal Bachcho ( Family) Ke Beech Aa Chuka Hai, Ye Suntey Hi Jo Kuch Unkey Haatho Mein Hoga Usko Chod Kar Rawana Hongey Aur Das Sawaron Ko Pahley Aagey Rawana Karengey ( Dajjjal Ki Khabar Laney Ko) Rasoollallah Sallallahu Alaihi Wasallam Ne Farmaya Main Un Sawaron Ke Aur Unkey Walid Ke Naam Janta Hu Aur Unkey Ghodo ( Horse) Ke Rang
Janta Hu Wo Sari Zameen Ke Behtar Sawar (Riders) Hongey Ya Behtar Sawaron Mein Se Hongey Us Din.


*Sahih Muslim, Vol 6, 7281**!

*(Fitono Aur Qayamat Ki Nishaniyon Ka Bayan)*

Ibn Hawalah Radi Allahu Anhu Se Rivayat Hai Ki Rasoollallah Sallallahu Alaihi Wasallam Ne Farmaya Anqareeb Aisa Waqt Aayega Jab Tumharey Lashkar Juda Juda Ho Jayengey Ek Lashkar Sham Mein Hoga To Ek Yaman Mein To Ek Iraq Mein , Ibn Hawala Ne Kaha Ki Mainey Arz Kiya Ya Rasoollallah Sallallahu Alaihi Wasallam Agar Main Us Waqt Ko Paa Lu To Kis Lashkar Mein Jauu , Aap Sallallahu Alaihi Wasallam Ne Farmaya

“ Mulk-E-Sham Ko Ikhtiyar Karna Kyunki Mulk E Sham Allah Ki Zameeno Mein Se Behatreen Mulk Hai , Allah Subhanahu Is Mulk Mein Apney Behatreen Bando Ko Jama Farmayega Aur Ye Manzur Na Ho To Phir Yaman Ko Ikhtiyar Karna Aur Apney Hawzo ( Water Tanks) Se Pani Pelaye Rahna Allah Subhanahu Ne Meri Wajah Se Mulk-E-Sham Ko Aur Ahl-E-Shaam Ki Kifayat Ki Hai

*Sunan Abu Dawud, Vol 2, 711 (Sahih)*