SAUDE KA AIB CHHUPAANE AUR DHOKA'DEHI SE BACHNA CHAHIYE:

Bismillahirrahmanirraheem

TIJARAT (BUSINESS) KE CHAND AADAAB (MANNERS)-- PART-3

SAUDE KA AIB CHHUPAANE AUR DHOKA'DEHI SE BACHNA CHAHIYE:

1- Hz Uqba Bin Amir (Ra) Bayan Karte Hain Ke Maine Rasoollullah (Sws) Ko Farmate Hue Suna

"Musalman Musalman Ka Bhai Hai Aur Kisi Musalman Ke Liye Halal Nahin Ke Wah Apne Bhai Ko Koi Aib'daar Cheez Farokht Kare Siwaaye Uske Ke Saude Ka Aib Bayan Kar De"

(Sahih Targheeb 1775, Arwa ul Ghaleel 1321 Ibn Majah 2246)

2- Hz Abu Hurairah (Ra) Se Riwayat Hai Ke Nabi E Akram Sallalaho Alaihi Wasallam Ghalle Ke Dher Par Se Ghuzre Toh Aapne Apna Haath Usme Daakhil Kiya, Aapki Ungalion Ko Tari Mahsoos Hui Toh Aapne Farmaya

"Aiy Ghalle Ke Malik ! Ye Kiya Hai ?"

Usne Arz Kiya

"Aiy Allah Ke Rasool ! Is Par Barish Padh Gayi Thi"

Aap (Sws) Ne Farmaya

"Tumne Use Ghalle Ke Uper Kyun Na Rakha Tha Ke Log Ise Dekh Lete ?? Jisne Dhoka Diya Usse Mera Koi Taalluq Nahin"

( Muslim 106 Kitab Ul Iman, Abu Dawood 3452, Tirmizi 1315)

ZYADA QASMEIN KHAANE SE BACHNA CHAHIYE:

1- Hz Salman (Ra) Se Riwayat Hai Ke Rasoollullah (Sws) Ne Farmaya

"3 Aadmi Aise Hain Allah Tala Unki Taraf Qayamat Ke Din Nazar E Rahmat Nahin Farmaayega

1- Boodha Bad'kaar
2- Faqeer Mutaqabbir
3- Aur Aisa Shakhs Jise Allah Tala Ne Samaan Se Rakha Hai Aur Wah Use Nahin Khareedta Magar Qasam Ke Saath Aur Na Hi Use Bechta Hai Magar Sirf Qasam Ke Saath"

(Sahih Targheeb 1788 Kitan Ul Buyu, Majma Ul Zawaid 6335, Jame us Sagheer 3972)

Hz Abu Hurairah (Ra) Se Riwayat Hai Ke Nabi E Akram (Sws) Ne Farmaya

"4 Bandon Se Allah Tala Nafrat Karte Hain, Bahut Zyada Qasmein Khakar Khareed Farokht Karne Wala, Mutaqabbir Faqeer, Budha Badkaar, Aur Zalim Hukmaran"

(Sahih Targheeb 1790 Kitab Ul Buyu, Nisai 5/86, Baiheqi Fi Shoebul Iman 4753, Ibn Habban 5532)

3- Hz Qatadah (Ra) Se Riwayat Hai Ke Nabi E Akram Sallalaho Alaihi Wasallam Ne Farmaya

"Tijarat Me Bahut Zyada Qasmein Khaane Se Bacho Kyonke Ye Sauda Toh Bikwa Deti Hai Lekin Barkat Khatm Kar Deti Hai"

(Muslim 1607, Nisai 4460, Ibn Majah 2209, Musnad Ahmad 5/297)

BAZAAR ME SHOR'GUL MACHAANE SE BACHNA CHAHIYE:

Hz Ata Bin Yasaar (Ra) Ne Kaha Ke Maine Hz Abdullah Bin Umar Bin Aas (Ra) Se Mila Aur Arz Kiya Ke Rasoollullah (Sws) Ki Jo Siffaat Tauraat Me Aayi Hain Unke Mutaalliq Mujhe Kuch Bataayen, Unhone Kaha

"Haan ! Qasam Khuda Ki ! Aap (Sws) Ki Tauraat Me Bilkul Baaz Wahi Siffaat Aayin Hain Jo Quraan Shareef Me Mazkoor Hain Jaise Ke

"Aiy Nabi ! Ham Tumhe Gawaah Aur Khush'khabri Dene Wala, Daraane Waala, Aur Unpadh Qaum Ki Hifaazat Karne Wala Bana Kar Bheja Hai, Tum Mere Bande Aur Mere Rasool Ho, Maine Tumhara Naam Matuqal Rakha Hai, Tum Na Toh Bad'khwaah Ho, Na Shakt'dil Aur Na Bazaaron Me Shor'gul Machaane Waale"

(Aur Tauraat Me Ye Bhi Likha Hai Ke ) Wah (Mera Banda Aur Rasool) Buraai Ka Badla Buraai Se Nahin Lega, Balke Maaf Aur Dar'ghuzar Karega, Allah Tala Us Waqt Tak Iski Rooh Qabz Nahin Karega Jab Tak Tedhi Shariat Ko Seedhi Na Karaale, Yani Log La Ilaaha Illallah Na Kahne Lagen ; Iske Elawa Wah Andhi Aankhon Ko Beena, Bahre Kaano Ko Sunwa Aur Pardah Pade Hue Dilon Ke Parde Khol Dega"

(Bukhari 2125 Kitab Ul Buyu)

Maalum Hua Ke Nabi E Kareem Sallallaho Alaihi Wasallam Ki Sifaat Me Ek Sifaat Ye Bhi Thi Ke Aap Bazaaron Me Shor'gul Nahin Machaate They Jisse Pata Chala Ke Bazaaron Me Shor'gul Machaana Ikhtaaq E Kareema Ke Manaafi Hai,

Lihaaza Isse Bachna Chahiye....

To Be Continued ....

MAAP-TOL (WEIGHING) ME KAMI SE BACHNA CHAHIYE:

Bismillahirrahmanirraheem

TIJARAT KI FAZEELAT AUR CHAND ADAAB (MANNERS OF BUSINESS)-- PART-4

MAAP-TOL (WEIGHING) ME KAMI SE BACHNA CHAHIYE:

1-Allah Tala Ka Irshad Hai

"Halakat Hai Maap Tol Me Kami Karne Walon Ke Liye, Ke Jab Logon Se Maap Kar Lete Hain Toh Poora Poora Lete Hain, Aur Jab Unhe Maap Kar Ya Tol Kar Dete Hain Toh Kam Kar Dete Hain, Kya Unhe Apne Marne Ke Baad Jee Uthne Ka Khyaal Nahin, Us Azeem Din Ke Liye, Jis Din Sab Log Rabbul Aalaameen Ke Saamne Khade Honge"

(Surah Mutaffiffeen 1-6)

2- Hz Ibn Abbas (Ra) Se Riwayat Hai Ke

"Jab Nabi E Akram Sallalaho Alaihi Wasallam Madeena Tashreef Laaye Toh Log Maap Tol Ke Maamle Me Intehaai Khabees They, Toh Allah Tala Ne Ye Aayat Naazil Farma Di

Maap Tol Me Kami Karne Walon Ke Liye Halakat Hai

Toh Uske Baad Logon Ne Maap Tol Ko Intehaai Accha Kar Liya"

(Hasan : Sahih Targheeb 1760 Kitab Ul Buyu, Ibn Majah 2223, Ibn Habban 4898, Baiheqi )

3- Hz Ibn Abbas (Ra) Farmate Hain Ke

"Jis Qaum Me Khyanat Zaahir Ho Jaati Hai Allah Tala Unke Dilon Me Ru'aab Daal Dete Hain, Jis Qaum Me Zina Fail Jaata Hai Unme Amwaat Ki Kasrat Waqe Ho Jaati Hai, Aur Jo Qaum Maap Tol Me Kami Karti Hai Allah Tala Unse Rizq Ko Kaat Dete Hain, Jo Qaum Be'ghair Haq Ke Faisla Karti Hai Unme Qatal Aur Khoon'rezi Fail Jaati Hai, Aur Jo Qaum Ahad (Agreement) Todh Deti Hai Unpar Dushman Ko Musallat Kar Diya Jaata Hai "

(Hasan Lagheerah : Sahih Targheeb 1726 Kitab uL Buyu,)

4- Hz Ibn Umar (Ra) Se Marwi Ek Riwayat Me Hai Ke Aap (Sws) Ne Farmaya

"Jo Qaum Maap Tol Me Kami Karti Hai Wah Qahat (Drought) Se Do Chaar Kar Di Jaati Hai"

(Sahih Lagheerah : Sahih Targheeb 1761 Kitab Ul Buyu, Ibn Majah 4019, Baiheqi Fi Shoebul Iman 3314)

KAROBAR (BUSINESS) ME FAYYAZI SE KAAM LENA CHAHIYE:

1- Hz Jabir Me Abdullah (Ra) Se Riwayat Hai Ke Nabi E Akram (Sws) Ne Farmaya

" Allah Tala Aise Shakhs Par Rahem Kare Jo Bechte Waqt Aur Khareed'te Waqt Aur Taqaza Karte Waqt Fayyazi Aur Narmi Se Kaam Leta Hai"

(Bukhari 2076 Kitab Ul Buyu, Ibn Majah 2203)

Jame Tirmizi Ki Riwayat Me Ye Lafz Hain

"Allah Tala Ne Tumse Pahle Logon Me Se Ek Aadmi Ko Bakhs Diya Wah Jab Bechta Tha Aur Jab Khareed'ta Tha Aur Jab Takaza Karta Tha Toh Narmi Se Pesh Aata Tha"

(Sahih Targheeb 1742, Kitab Ul Buyu, Tirmizi 1320)

3- Hz Usaman (Ra) Se Riwyat Hai Ke Aap (Sws) Ne Farmaya

"Allah Tala Ne Ek Bande Ko Jannat Me Daakhil Kar Diya, Wah Shakhs Khareed'te Waqt, Farokht Karte Waqt, Faisla Karte Waqt, Taqaza Karte Waqt Narmi (Aur Fayyazi) Se Pesh Aata Tha"

(Hasan Lagheerah : Sahih Targheeb 1743 Kitab Ul Buyu, Nisai 7/319, ibn Majah 2202)

DIN KE IBTEDAAI (SHURU'AATI) HISSE ME TIJAARAT KI KOSHISH KARNI CHAHIYE:

Hz Shakhar Bin Wada'a Ghamidi (Ra) Se Riwayat Hai Ke Nabi E Akram (sws) Ne Farmaya

" Aiy Allah Meri Ummat Ki Subahon Me Barkat Ata Farma "

Aur Aap (Sws) Jab Koi Dasta Ya Lashkar Rawaana Karte Toh Din Ke Ibtedaai Hisse Me Rawana Karte They"

Hz Shakhar (Ra) Ek Tajir They Wah Apni Tijaarat (Ka Saamaan) Din Ke Ibtedaai Hisse Me Rawaana Kiya Karte They Toh Wah Ameer Ho Gaye Aur Unke Maal Me Izaafa Ho Gaya

(Sahih Lagheerah : Sahih Targheeb 1693 Kitab Ul Buyu, Abu Dawood 2606, Tirmizi 1212, Ibn Majah 2236, Ibn Habban 2735)...

To Be Continued...

MASJID K ADAAB

Asslamu Alaikum Wa Rahamatullahe Ta'la Wa Barkathu..

Bismillahirrahmanirraheem ..

Topic :::::::::MASJID K ADAAB::::::::

>>>>>ALLAH KI IBADAT<<<<<

::::::::MASJID K ADAAB::::::::

1-Allah Rabbul e Izzat ki Nazar mme Jameen k Sabse jayada behtar Hissa wah hai, jisper Masjid Banaye jaye ! Allah paak se payar rakhne walo ki pahchan yah hai k wo Masjid se v Payar rakhte hai ! Qiyamat k Vayanak-Din me jab kahi koi Saya na hoga,Allah paak us Din apne Us bande ko Apne Arsh k saye me Rakhega jiska Dil Masjid me laga rahta ho ! Nabi(s.a.w) k Irshad hai :

''Aur Wah Admi (Arsh k Saye me hoga) jiska Dil Masjid me Atka rahta ho''
[Bukhari]

2-Masjid ki khidmat Kijye Aur Usko Abaad Rakhye, Mmasjid ki Khidmat karna Aur usko Abaad Rakhna Imaan ki Nishani hai, Allah paak K Irshad hai :

''Allah ki Masjid ko wahi loog Aba'ad rakhte hai jo Allah per Aur Uske Qiyamat k Din per Imaan Rakhte hai.''
[Sureh-9 , Ayat-18]

3-Farz Namaze Humesha Masjid me Jamat se padye ! Masjid me Azaan Aur Jamat ka Bakayda Intezaam kijye Aur Masjid k Nizam se Apne puri Jindagi k Talluk jorye ! Masjid ek Aysa Markz (Centar) hai ki Momin ki puri jindagi use k 4ro oor gardis karte hai ! Nabi(s.a.w) ne Farmaya :

''Musalmano me kuch loog wo hai jo Masjid me Jame rahte hai Aur waha se Hat-te Nahi hai,Fariste Ayse logo k Sath Uthte-Baithte hai,Ager ye loog Gayab ho jaye tou Fariste unko khozte Firte hai Aur Ager Bimaar par jaye tou Fariste unke Bimar-pursi karte hai Aur Ager Kisi Kaam me lage hote hai tou Fariste Unke Maddad karte hai,Masjid me Baithne Wala Allah ki Rahmat k Muntazir (hak daar) hota hai .''
[Musnad Ahmed]

4-Masjid me Namaz k leye Jouk o Souk se jayye, Nabi(s.a.w) ne Farmaya :

''Subah o Saam Masjid me Namaz k leye Jana Aysa hai,Jaise Zihaad k leye jana''

''Jo loog Subah k Andhere me Masjid ki Taraf jaate hai,Qayamat me unke Sath puri Rousne hoge.''

''Namaze Ba-Jamat k leye Masjid jaane wala k Her kadam ek Neke ko badata hai Aur ek Gunah ko metata hai.''

[Ibn Hibban]

5-Masjid jaaru dena,Masjid ko paak-Saaf rakhna , Masjid ka kura-karkat Bahar fekna,Masjid me khusbu karna, Khas-tour per jumma k din Masjid ko khusbu me Basana Jannat me le jane wala kaam hai''
[Ibn Hibban]

Aur Nabi(s.a.w) ne yah v Farmaya hai :

''Masjid ka kura-Karkat saaf karna Haseen Ankho waale Huro k Mahar hai''
[Tabrani]

6-Masjid me Darte - kapte jaye, Dakhil hote waqt AssalamoAlaikum kahe Aur Khamos baith kar es tarah Zikr kijye ki Allah ki Buzurgi Aur Uska Jalal Apne Dil per Chaya hua ho,Haste-Bolte Gaflat k sath Masjid me Dakhil hona Gafilo Aur BeAdbo ka kaam hai,jinke Dil Allah k Khof se khali hai, kuch loog Imaam k sath Ruku mr Saamil hone Aur Rekat paane k leye Masjid me Dourte hai,yah v Masjid k Ehtram k khilaf hai,Rekat Mele ya Na Mele, Sanjidgi,Waqar,Aur Aajiji k sath Masjid me Chalye Aur Vaah-Dor se parhej kijye.

7-Masjid me Sukun se Baithye Aur Dunya ki baat na kejye,Masjid me Soor Machana, Hase -khel (Mazak) karna,Bazaar k Vaaw puchna Aur Batana,Dunya ki Halat per Charcha larna Aur Kharedne wa Bechne k Bazar Garm karna Masjid ki Behurmati hai, Masjid Allah ki Ibadat k Ghar hai, usme Serf Ibadat kijye.

8-Masjid me Ayse Chote Baccho ko Na le jaye jo Masjid k Ehtram k Khayal Na Rakhte ho Aur Masjid mme Pesaab-Pakhana kare ya Thuke.

9-Masjid ko Guzarne k Rasta Na Banaye,Masjid k Darwaje me Dakhil hone k baad Masjid ka yah hak hai k Aap usme Namaz padhe ya Baith ker Zekar Aur Tilawat kare.

10-Ager Apke koi Chiz kahi Bahar Gum ho jaye tou uska Ailaan Masjid me Na kejye, Nabi(s.a.w) ki Masjid me Ager koi Admi es Tarah Ailaan karta tou Aap Naraz hote Aur yah Walimat Faramate :

''Allah Tujhko tere Gum hue Chiz Na Melaye''

11-Masjid me Dakhil hote Waqt pahle Daya (Right,Sedha) paaw rakhe Aur Nabi(s.a.wmm per Darood padhe fer Dua padhe,Nabi(s.a.w) k Irshad hai ki Jab tum me se koi Masjid me Aaye tou pahle Nabi per Darood veje Aur fer yah Dua padhe.

''Allahum-maftah li Ab-wa-ba-rahmatik''

''Aye Allah ! mere leye Apne Rahmat k Darwaje khol de''
[Muslim]

Aur Mmasjid me Dhakhil hone k baad 2 rekat Nafil Namaz Padhe,Es Nafil Namaz ko Tahiyatul Masjid kahte hai,Ese tarah jab Kavi Safar se Wapsi ho tou Sabse pahle Masjid Pahuch ker 2 rekat Nafil Namaz padhe Aur eske baad Apne Ghar jaye,Nabi(s.a.w) jab v Safar se wapas aate tou pahle Masjid me jaker Nafil padte Aur fer apne ghar Tasreef le jaate.

12-Msjid se Nekalte Waqt Baya (left,Ulta) pair bahar rakye Aur ye Dua padhe.

''Allahum-ma Inni Asalu-ka Min Fazlik''

''Aye Allah ! may tujhse tere Fazal wa Karam k Sawal karta hu.''
[Muslim]

Masjid me Azaan aur Namaz Bajamat ka Nazm Qayam kijye Aur Muajin Aur Imaam un logo ko banaye jo Apne Din wa ekhlaak me Kul Melakar Sabse behtar ho,Jaha tak Mumkin ho,kosis kijye ki Ayse log Azaan Aur Imamat k jimmedari Nevaye jo Muwaja Na le Aur Khusi se Akherat k badle ki me un jimme dariyo ko Nevaye.

Next Artical me pure Masail hoge Masjid k InshaAllah.. Jisme puri Dalill o Refrenc k sath her masle k jawab hoga..

Akher me ye Dua hai k , Allah paak hak baat kahne Sunne se jayada hume Deen e hak per Chalna or usper Amal karne ki Toufeeq de.. Aameen.

LEN-DEIN (TRADING) KE MAAMLAAT LIKH LENE CHAHIYE:

Bismillahirrahmanirraheem

TIJAARAT KI FAZEELAT AUR CHAND ADAAB (MANNER OF BUSINESS)-- PART 5

LEN-DEIN (TRADING) KE MAAMLAAT LIKH LENE CHAHIYE:

Allah Tala Ka Irshad Hai

"Aiy Imaan Waalon ! Jab Tum Aapas Me Ek Dusre Se Muqarrarah Meyyar PaR Farz Ka Maamla Karo Toh Use Likh Liya Karo, Aur Likhne Waale Ko Chahiye Ke Tumhara Aapas Ka Maamla Adal Wa Insaaf Se Likhe, Kaatib Ko Chahiye Ke Likhne Se Inkaar Na Kare, Jaise Allah Tala Ne Use Shikhaaya Hai Pas Use Bhi Likh Lena Chahiye, Aur Jiske Zimme Haq Ho Wah Likhwaaye Aur Apne Rabb Se Dare Jo Uska Rabb Hai, Aur Haq Mese Kuch Kami Na Kare, Haan Jis Shakhs Ke Zimme Haq Hai Wah Agar Nadaan Ho Ya Kamzor Ho Ya Likhwaane Ki Taaqat Na Rakhta Ho Toh Uska Wali Adal Ke Saath Likhwa De Aur Apne Mese 2 Mard Gawaah Rakh Lo"

(Surah Baqarah 282)

TIJAARAT (BUSINESS) KE SAATH SAATH SADQAH WA KHAIRAAT BHI KARTE RAHNA CHAHIYE:

Hz Qais Bin Abu Ghurzah (Ra) Farmate Hain Ke Nabi E Akram (Sws) Hamare Paas Se Ghuzre Toh Farmaya

"Aiy Taajiron Ke Giroh ! Bila'shubah Khareed Wa Farokht (trading) Me Laghu Baatein Aur Qasmein Uthaayi Jaati Hain, Pas Tumhe Chaiye Ke Sadqah Wa Khairaat Karo"

Jame Tirmizi Ki Riwayat Me Ye Lafz Hain Ke

"Aiy Tajiron Ki Jamat ! Bila'shubah Khareed Wa Farokht Me Shaitaan Aur Gunah (Dono) Bhi Maujood Ho Jaate Hain Isliye Tijaarat Ke Saath Sadqah Wa Khairaat Bhi Kiya Karo"

(Abu Dawood 3326 Kitab Ul Buyu, Ibn Majah 2145, Nisai 3797, Tirmizi 1208)

HAMESHA KHAIR'KHWAAHI PAR MUSHTAMAL MASHWARA (GOOD ADVICE) DENA CHAHIYE:

Farmaan E Nabawi Hai

"Jisse Mashwara Liya JaaYe Wah Ameen Hota Hai"

(Sahih Jame Sagheer 6700, Ibn Majah 3745, Tirmizi 2822)

Aur Ek Dusri Riwaayat Me Nabi E Akram Sallalaho Alaihi Wasallam Ne Har Musalman Ke Dusre Musalman Par 6 Haq Zikr Farmaaye Hain, Unmese Ek Haq Ye Hai Ke

"Jab Wah Tujhse Khair'khwaahi Talab Kare Toh Uski Khair'khwaahi Karo"

(Muslim 2162, Kitab Us Salam, Tirmizi 2737)....

The End...

InShaAllah Agle Baab Me Tijarat Aur Saude'bazi (trading) Ke Ahkaam Ke Mutaalliq Se Bayan Hoga....

JazakAllahu Khairan Kaseera...

TABLEEGHI CHILLA (LEAVING HOME FOR 40 DAYS FOR TABLEEGH) KI SHARAI HAISIYAT: PART -1

Bismillahirrahmanirraheem

TABLEEGHI CHILLA (LEAVING HOME FOR 40 DAYS FOR TABLEEGH) KI SHARAI HAISIYAT:

Maulana Zikriya Sahab (Rh) Tahreer Farmate Hain Ke

"Baaz Ahle Ilm Ki Taraf Se Ye Ishkaal (Shaq) Bhi Kaan Me Pada Jisse Zyadah Hairat Hai Ke Chilla Tableegh Waalon Ne Kahan Se Nikaala Hai Aur Uski Asal Kya Hai,

Halaanke Chilla Ki Asal Quran Paak Me Bhi Hai Aur Hadith Paak Me Bhi Hai,"

Iske Baad Maulana Zikriya Sahab Ne Moosa (As) Ki Misaal Quraan Se Pesh Farmaayi Hai,

Jisme Allah Tala Ne Tauraat Ata Karne Ke Liye Moosa (As) Ko 40 Din Toor Pahaad Par Qayaam Ka Huqm Diya Aur Isi Tarah 40 Ke Hindsa Ko Mukhtalif Hadith Ke Hawaale Se Pesh Kiya Hai,

Maslan Maa Ke Pet Me Bacche Ka 3 Chille Mukhtalif Haalaton Me Ghuzarna Aur Masjid Nabawi Ke 40 Namazein Padhne Par Jahannum Se Bara'at Waali Hadith,

Isi Tarah 40 Din Sadqah Karne Ki Hadith, Aur 40 Aadmi Ki Janazah Me Shirkat Se Marne Waale Ki Maghfirat Ki Basharat Waali Hadith,

Iske Baad Maulana Zikriya Sahab Likhte Hain Ke

" Soofiya Ke Yahan Toh Chilla Kashi Maaroof Wa Mash'hoor Cheez Hai, Har Cheez Ke Liye Chille Karaaye Jaate Hain, Ehteqaaf Ke Bhi, Asma Ul Ilaahiya Ke Bhi, Jo Har Shakhs Ke Haal Ke Munaasib Masaikh Tajweez Karte Hain

Aur Hz Thanwi Quddus Sirrahu Ne Toh Chhup Ka Chilla Bhi Tajweez Farmaya,

Hz Quddus Sirrahu Ne Hawa Khori Se Waapsi Ke Baad Farmaya Ke

"Maine Chilla Sukoot Ijaad Kiya Hai "

Log Kahte Hain Ke Kaisa Shakht Chilla Nikaala Hai , Bada Shakht Kaam Leta Hai, Ye Chilla Aisa Nikaala Hai Ke Bahut Hi Mushkil Hai,

Fir Farmaya

Kahne Do Logon Ke Kahne Ki Kahan Tak Parwaah Ki Jaaye,

Alhamdulillah Muqtadmeen Ki Sunnat Zinda Hoti Hai"

Mufti Mahmood Sahab Ne Naqal Farmaya Hai Ke

"Ek Sahab Ne Jin Ke Liye Hazrat Ne Chilla Sukoot Tajweez Kiya Tha Unhone Ek Takhti Tasweer Ki Tarah Gale Me Latkaayi Rakhi Thi Jispar Jali Huroof Se

" Khamosh"

Likha Hua Tha"

Is Ishkaal Ke Aakhir Me Kitab Ke Naasir Janab Anees Sahab Ki Taraf Se Ek Note Bhi Darj Hai Ke

"Jin Hazraat Ko Chille Ke Dalail Ki Tahqeeq Ho Aur Wah Logon Ko Samjhaane Chaahte Hon Unke Liye Ek Bahtareen Mazmoon Hai, Acchi Tarah Zehan'nasheen Kiya Jaaye"

(Book--Jamat E Tableegh Par Aitraazaat Ke Jawabaat By Maulana Zikriya Sahab (Rh))

TAJZIYA WA TAQQUB:

Maulana Zakariya Sahab Ne Tableeghi Chille Ki Jo Asal Aur Sharai Haisiyat Is Mazmoon Me Bayan Farmaayi Hai Uski Padhkar Yaqeen Nahin Aata Ke Ye Janab Sheikh Ul Hadith Zakariya Sahab Ke Kalam Se Nikle Hue Alfaaz Hain,

Kyonki Itni Satahi Aur Ghair Mudallal Tahreer Ek Aalim E Deen Ke Harghiz Shaya Shaan Nahin Hai,

Lekin Jab Ham Imam Shafai Ke Is Qaul Aur Raaye Ko Dekhte Hain Ke

"Agar Koi Shakhs Subah Ko Sufiyat Akhtiyaar Karta Hai Toh Zuhar Ke Waqt Aane Se Pahle Wah Ahmaq Ho Chuka Hota Hai"

Toh Yaqeen Ho Jaata Hai Ke Is Qism Ki Tahreer Ek Sufi Ke Kalam Se Sar'zad Hona Yaqeenan Mumkin Hai,

Aur Ham Jaante Hain Ke Zakariya Sahab Sheikh Ul Hadith Hone Ke Saath Saath Ek Sufi Bhi Hain,

Baher'haal Ham Is Ishkaal Ke Silsile Me Arz Karte Hain Ke

Moosa (As) Ko Allah Tala Ne 40 Nahin Balke 30 Raaton Ke Liye Talab Farmaya Tha Jo Baad Me 10 Raaton Ke Izaafe Ke Baad 40 Hue,

Nez Moosa (As) Ne Ye Chilla Allah Tala Ke Huqm Se Aur Allah Ke Kalam Ko Haasil Karne Aur Samjhne Ke Liye Lagaaya Tha,

Toh Kya Ye Tabhleeghi Jamaat Waale Bhi Allah Se Ham'kaLaam Hone Ke Liye Aur Kitabullah Haasil Karne Ke Liye Chille Kar Rahen Hain!?,

Aur Kya Tableeghi Jamat Ke Logon Ko Chilla Karne Ka Huqm Diya Hai ??

Aur Kya Moosa (As) Ne Khud Chilla Karne Ke Baad Apne Ummat Ke Liye Bhi Chilla Tajweez Kiya Tha ??

Agar Haan ! Toh Iska Suboot Kahan Hai ??

Aur Kya Nabi E Kareem Sallalaho Alaihi Wasallam Ne Moosa (As) Ki Is Sunnat Par Khud Amal Farmaya Tha Ya Apni Ummat Ko Is Sunnat Par Amal Karne Ka Huqm Farmaya Tha ??

Aur Kya Sahaba Kiram, Tabain, Taba-tabain Ya Aimma Kiram Ya Muhaddiseen Me Se Kisi Ne Kabhi Koi Chilla Kiya Tha ??

Agar Nahin Toh Fir Ye Yaqeenan Ek Bidat Hai Jise Sufiya Ne Ijaad Kiya Hai Jo Allah Tala Ki Raza Aur Khush'noodi Ka Ba'as Kabhi Nahin Ho Sakti..

Iske Baad Zakariya Sahab Ne Likha Hai Ke

"Insaan Ke Tagheer Wa Tabdal Par Asar Andaaz Hone Ka Saboot Hadith Shareef Me Hai Jaisa Ke Hz Abdullah Bin Masood (Ra) Ki Hadith Me Hai Ke Ek Aurat Ke Raham Me Nutfa 40 Roz Tak Apni Asli Haalat Me Rahta Hai, Fir Wah Khoon Se Tabdeel Ho Jaata Hai, Aur 40 Din Tak Usi Haalat Me Rahta Hai, Fir Wah Ghost Me Tabdeel Ho Jaata Hai, Aur 40 Din Tak Usi Halat Me Rahta Hai"

Is Hadith Se Istadlal Karte Hue Zakariya Sahab Likhte Hain Ke

"Insaan Ki Haalat Badalne Me 40 Ki Badi Ahmiyat Hai"

Ab Hamara Sawaal Ye Hai Ke

Aurat Ke Raham Me Pahle 40 Din Jo Nutfa Rahta Hai Kya Use Insaan Kaha Jaata Hai Ya Dusre Chille Me Jab Wah Khoon Hota Hai, Tab Use Insaan Kaha Jaata Hai, Aur Baqi 40 Din Jab Wah Gost Ka Lothda Hota Hai ; Kya Tab Use Insaan Kaha Ja Sakta Hai ??

Nahin Balke Insaan Us Waqt Banta Hai Jab 120 Din Ke Baad Jab Farishta Usme Rooh Phoonk Deta Hai Yani Jo Tagheer Pahle, Dusre Aur Teesre Chille Ke Dauraan Jins (Jins) Me Waaqe Hota Hai Us Tagheer Ko Insaan Ka Tagheer Nahin Balke Us Madde Ka Tagheer Kaha Jaayega Jisse Insaan Ki Takhleeq Ki Jaayegi,

Fir Sawaal Ye Bhi Paida Hota Hai Ke

Kya Insaan Ke Jism Ka Tagheer Mahaz 3 Chillon Ka Mahdood Hota Hai ??

Nahin Balke Ye Tagheer (Chenges) Toh Muqammal 9 Maheeno Tak Maa Ke Rahem Me Jaari Rahta Hai Aur Paidaish Ke Baad Se Lekar Marte Dam Tak Insaan Ke Jism Ka Ye Tagheer Jaari Rahta Hai,

Pas Is Qism Ki Dalail Ki Buniyaad Par Ye Kahna Ki Insaan Ke Tagheer Wa Tabdeel Me Chille Ka Bada Haath Hai Mahaz Jihalat Hai,

Kyonke Agar Kisi Adad Ke Quran Me Aa Jaane Se Wah Adad (Ginti) Kisi Amal Par Daleel Ban Jaata Hai Toh Fir Har Baatil Giroh Aur Mazhab Quran Wa Hadith Se Is Qism Ki Misaalein Pesh Karna Shuru Kar dega..

Misal Ke Taur Par Quraan Me 12 Adad (Number) Aaya Hai Ke JAB moosa (As) Ne Apne Asaa Ko Zameen Par Maara Toh Zameen Se 12 Chasme Foot Nikle,

Ab Agar Is Adad Ko Daleel Banaakar Shia Apne 12 Imamon Ka Saboot Quran Se Dena Shuru Kar Den Toh Kya Use Tasleem Kar Liya Jaayega ??

Isi Tarah Quraan Me Hai Ke Yosuf (AS) ne Khwaab Me 11 Sitaare Dekhe,

Toh Ab Agar Hanafi Barelwi Hazraat Isko 11wi Shareef Ki Daleel Bana Len Toh Kya Ye Bhi Tasleem Kar Liya Jaayega ??

Isi Taraf Deegar Batil Mazahib Bhi Apne Apne Mazhab Ko Saabit Karne Yani Apne Kisi Ghair Sharai Amal Ko Shariat Saabit Karne Ke Liye Quran Wa Hadith Se Daleel De Sakte Hain,

Lekin Malum Hona Chahiye Ke Kisi Bhi Amal Ko Sharai Amal Saabit Karne Ke Liye Zaroori Hai Ke Us Amal Ko Nabi E Kareem (Sws) Ya Sahaba Kiram Se Saabit Kiya Jaaye, Ya Koi Dusra Amal Aisa Saabit Kiya Jaaye Jispar Apne Is Amal Ko Qayaas Kiya Ja Sake,

Nez Ye Qayaad Dhaeef Ya Mauzu Hadith Ki Buniyaad Par Nahin Balke Sahih Hadith Ki Buniyaad Kar Hona Chahiye,

Magar Zakariya Sahab Ne Is Cheez Ka Ehtemaam Farmaane Ki Kabhi Takleef Gawara Nahin Karte,

Jaisa Ke Chille Ki Fazeelat Me Bhi Baaz Zaeef Aur Mauzu Riwaayaat Se Istadlal Kiya Gaya Hai,

Maslan Ek Hadith Ye Naqal Farmaayi Hai Ke Nabi E Akram (Sws) Ne Farmaya

"Jo Shakhs 40 Din Tak Ikhlaas Ke Saath Us Tarah Namaz Ada Karke Takbeer Oola Faut Na Ho Toh Usko Parwaane Milte Hain Ek Jahannum Se Azaadi Ka Aur Dusra Nifaq Se Bara'at Ka"

Is Hadith Ko Imam Tirmizi Ne Sunan Me Riwayat Kiya Hai Aur Ye Kaha Hai Ke Ye Riwayat Hz Anas (Ra) Se Maufooqatan Marwi Hai Yani Ye Allah Ye Rasool (Sws) Ka Kalam Nahin Balke Hz Anas (Ra) Ka Apna Qaul Hai,

Isko Sirf Qutbiya Bin Ta'mah Bin Umro Se Marfu'an Riwayat Kiya Hai

Nez Hafiz Ibn Hajar (Rh) Ne Kaha Hai Ke Imam Tirmizi (Rh) Ne Is Hadith Ko Munqata Sanad Se Riwayat Kiya Hai,

Is Jarrah Se Malum Hua Ke Is Hadith Ka Nabi E Akram (Sws) Ka Farmaan Hona Sahih Sanad Se Saabit Nahin Hai,

Maulana Zakariya Sahab Ne Baaz Deegar Hadith Bhi Pesh Farma Kar Chilla Ko Qayaas Se Saabit Karne Ki Koshish Ki Hai, Magar Un Hadith Ka Haal Me Mandarja Bala Hadith Se Zyada Mukhtalif Nahin Hai

Nez Un Hadith Se Kisi Bhi Muhaddis Ya Imam Ya Faqeeh Ne Chilla Ki Fazeelat Saabit Nahin Ki Balke Wah Toh Is Chille Se Waaqif Bhi Nahin They Jo Jaahil Sufiya Ne Ijaad Kiya Aur Tableeghi Jamaat Ke Akaabireen Ne Apne Aur Apni Jamat Ke Liye Akhtiyaar Kiya Hai,

Is Zaman Me Zakariya Sahab Ne Apne Murshid Thanwi Sahab Ke Ijaad Kardah Chhup Ke Chille Ka Bhi Tazkirah Kiya Hai Aur Tasweeb Farmaayi Hai Jo Is Baat Ka Saboot Hai Ke Ye Sufi Hazraat Sirf Shariat Muhammadi (Sws) Ko Apne Liye Layeq Itteba Nahin Samjhte Balke Ghairon Ke Taur Tareeqon Me Panah Dhoondhna Ya Khud Hi Ijaadaat Karte Rahna Unki Aadat Hai,

Jaisa Ke Yahan Khud Zakariya Sahab Ne Aitraaf Kiya Hai Ke Chhup Ka Chilla Thanwi Sahab Ki Ijaad Kardah Bidat Hai,

Aur Har Bidat Gumraahi Hai Aur Har Gumrahi Jahannum Me Le Jaane Wali Hai

Aur Wah Majnoon Shkahs Jisne Peer Sahab Ke Kahne Par " Khamosh" Ki Takhti Gale Me Latka Rakhi Thi Jab Log Usko Is Haal Me Dekhte Hon Toh Kya Kahte Honge,

Magar In Ahmaqon Ko Fakhr Hai Ke Wah Neki Ka Amal Kar Rahen Hain,

Halanke Ye Neki Nahin Balke Neki Se Mahroomi Ka Sabab Hai,

Maslan Kya Ye Shakhs Jisne Chhup Ki Takhti Gale Me Latka Rakhi Thi, Kya Kisi Salaam Karne Waale Ke Salam Ka Jawab Deta Tha Ya Nahin Aur Khud Kisi Ko Salam Karta Tha Ya Nahin, Agar Nahin Toh Neki Se Mahroomi Hui Ya Nahin ??

Isi Tarah Amr Bin Maroof Nahi Anil Munkar Bhi Neki Hai , Ab Kya YE shakhs Is Haalat Me Kisi Ko Neki Ka Huqm Deta Tha Ya Buraayi Se Rokta Tha Ya Nahin ??

Aur Kya Ye Apne Waalidain Aur Biwi Bacchon Se Baat Karta Tha Ya Nahin ??

Agar Nahin ! Toh Fir Uska Ye Chilla Uske Liye Neki Se Mahroomi Ka Sabab Bhi Laazim Hoga....

To Be Continued.... InShaAllah

GALTI MARD KARE AUR SAZA AURAT BHUGTE YE KUNSA DEEN HAI?? HALALA KYA HAI ?? BY-Ayan Khan Salafi

Halala Aise Nikah Ko Kahte Hai Jis Me Koi Admi 3 Talaq Wali Se Sirf Talaq Ki Niyat Se Nikah Wa Mubashart Karta H Taki Wah Aurat Pahle Shauhar Ke Liye Halal Ho Jaye Ise Mansha Se Nikah Ko Halala Kahte Hai
.
YANI GALTI MARD KARE AUR SAZA AURAT BHUGTE HAI HANFIYO YE KUNSA DEEN HAI??
.
Rasulullah ka Farman
.
Rasulullah s.a.w Ne Halala Karne Wale Aur Jis Ke Liye Halala Kiya Jaye Dono Par Lanat Farmai
.
Tirmizi 894, Nasai, Darmi Baiheqi , Ahmad
.
Rasul s.a.w Ne Farmaya Me Tumhe Udhar Ke Sand Ki Khabr Na Du Sahaba Ne Kaha Q Nahi To Ap Ne Farmaya Wah Halala Karne Wala Hai Allah Ne Halala Karne Wale Aur Jis Ke Liye Halala Kiya Jaye Dono Par Lanat Farmai
.
Ibne Majah 1936, Dare Kutani 3/251, Hakim, Baiheqi
.
Note:- Ye Hadis Halala Haram Hone Ki Dalil Hai Kyo Ki Lanat Sirf Haram Karne Par Hoti Haram Kam Mana Hota Aur Har Mana Kam Aqd Ke Nirast Hone Ka Haqdar Hai
.
Subulssalam 3/1336
.
Hazrat Umar r.a Farmate Hai Ahade Risalat Me Log Halale Ko Badkari Kaha Karte The
.
Hakim 2/199 Tabrani Ausat Kama Fil Majma 4/264 Imam Haismi rh Ne Is Rijal Ko Sahi Rijal Kaha Hai
.
Hazrat Ibne Umar r.a Se Halale Ke Bare Pucha To Unhone Kaha Dono Badkar Hai
.
Ibne Abi Sheeba 4/294 Shaikh Sabahee Hallaq Ne Ise Sahi Kaha
Attaleeq Alrauztunndiya 2/38
.
Hazrat Umar r.a Ne Farmaya Mere Pas Halala Karne Wala Jiske Liye Halala Kia Jaye Dono Laye Gaye To Me Dono Ko Rajam Kar Dunga
.
Ibne Abi Sheeba 4/294, Abudurrajzak 6/218
.
Bhaisb Ne Jhuth Mara Ki Jamhoor Ke Nazdik Halala Jaiz Hai Jb ki Jamhoor Ke Nazdik Halala Haram Hai
.
Ibne Taiymmiya rh - Halale Ke Nikah Ke Jhuthlane Par Par Ummat Ka Ijma Hai
.
Fatawa Annisa Li Ibne Taiymmiya Page 242
.
Ibne Qayyim Rh Halala Karne Wale Ka Nikah Kisi Deen Me Kabhi Bhi Jaiz Nahi Hua Aur Na Hi Kisi Ek Sahabi Ne Aisa Kia Aur Na In Me Se Kisi Ne Iska Fatwa Dia
.
Aalamul Moqieen 3/41-43

BY- ayan khan salafi

QAYAMAT KE QAREEB HALAL WA HARAM KI TAMEEZ NAHIN KI JAAYEGI

Bismillahirrahmanirraheem

QAYAMAT KE QAREEB HALAL WA HARAM KI TAMEEZ NAHIN KI JAAYEGI

Farmaan e Nabawi Hai

"Logon Par Ek Waqt Aayega Ke Aadmi Parwaah Nahin Karega Ke Usne Kis Tareeqe Se (Maal) Haasil Kiya, Halal Tareeqe Se Ya Haram Tareeqe Se"

(Bukhari 2059 Kitab Ul Buyu)

ROZE QAYAMAT KAMAAYI KE TALLUQ SE KHUSUSI SAWAAL HOGA:

Hz Muaaz (Ra) Se Riwayat Hai Ke Nabi E Akram (Sws) Ne Farmaya

"Qayamat Ke Din Kisi Bande Ke Dono Qadam Harqat Bhi Na Kar Sakenge Hatta Ke Usse 4 Cheezon Ke Mutaalliq Sawaal Kiya Jaayega,

1- Uski Umar Ke Mutaalliq Ke Usne Kahan Fana Ki ??

2- Uski Jawani Ke Mutaalliq Ke Usne Kaha Bosheeda Kiya ??

3- Uske Maal Ke Mutaallik Ke Usne Kahan Se Kamaya Aur Use Kahan Kharch Kiya ??

4- Uske Ilm Ke Mutaalliq Ke Usne Apne Ilm Ke Mutaabik Kiya Amal Kiya ?? "

(Hasan Lagheerah : Sahih Targheeb 1726 Kitab ul Buyu, Baiheqi Fi Shoebul Imaan 1875)

HARAM KHOR JAHANNUM ME JAYEGA

Hz Jabir Bin Abdullah (Ra) Se Riwayat Hai Ke Nabi E Akram (Sws) Ne Farmaya

"Aiy Kaab Bin Ujrah (Ra) ! Bila'shubah Jannat Me Wah Ghost Daakhil Nahin Hoga Jo Haram Se Uga Hai"

(Sahih Lagheera: Sahih Targheeb 1728 Kitab Ul Buyu, Bab Targheeb Fi Talab Halal, Ibn Habban 5541)

Hz Abu Bakr (Ra) Se Riwayat Hai Ke Nabi E Akram (Sws) Ne Farmaya

"Jannat Me Wah Jism Daakhil Na Hoga Jise Haram Ke Saath Ghiza Di Gayi Ho"

(Sahih Lagheerah : Sahih Targheeb 1730 Kitab Ul Buyu, Abu Yayla 1/83-84, Baiheqi Fi Shoebul Imaan 5759)...

The End... InShaAllah Aage Ke Post TIJAARAT KI FAZEELAT AUR ADAAB KE TALLUQ SE HONGE....