ILM E GHAIB KA AQEEDA AUR GUMRAAH FIRQE: PART 3

Bismillahirrahmanirraheem

ILM E GHAIB KA AQEEDA AUR GUMRAAH FIRQE: PART 3

GHAIB KISE KAHTE HAIN ?

Ghaib Ke Mane Makhfi ,Poshida ,Or Mastoor Ke Hai ,Istalahan Isse Muraad Har Wah Cheez Hai Jo Malum Na Ho Sake Jis Tak Zaraaye Malumaat Ki Rasaayi Na Ho ,Mazi Mustakbil Ki Jo Bhi Cheezein Logon Se Ghayab Wa Poshida Ho Ya Aankhon Se Ojhal  Ho Use Ghaib Kaha Jaata Hai ,Duniya Me Bahut Si Cheez Hain  Jo Baaz Insane Ke Ilm Me Hai Or Baaz Ke Ilm Me Nahin Or Bahut  Si Cheezein  Aisi Hai Jo Poori Nu E Insaani Ke Ilm Me Nahi ,Na Kabhi Thi  Or Na Hai Or Na  Ainda Kabhi Aayegi,Aisa Hi Maamla Jinno ,Farishton Or Dusri Makhlooq Ka Hai ,Ke Baaz Cheezein  In Me Se Makhfi Or Kisi Ko Maloom Hai Or Be’shumaar Cheezein Hai Jo In Sab Se Makhfi Hai Or Kisi Ko Maloom Nahi Ye Tamam Iksaam Hai Ghaib Jo Sirf Ek Zaat Par Roshan Hai Or Who Zaat Allah Tala Ki Zaat Hai ,

Ja’al Haq Me ,Haji Ahmad Yaar Khan Page No ,37 Me Likhte Hai

“Agar  Koi Zariye Kisi Chhipi Hui Cheez Ko Zaahir Kar De Or Zaahir Ho Jane Ke Baad ,Hum Isko Maloom Kar Le ,Toh Ye Ghaib Nahi Hai ,Kyonki Ghaib Use Kahte Hai Jo Be’gair  Kise Zariye Se Poshida Baato Ko Jaan Le”

Maloom Hua Kise Bhi Zariye Poshida Baato Ka Maloom Ho Jana Ghaib Nahi Hota

ULUHIYYAT ILM E GHAIB KA GAHRA TALLUQ

Uluhiyat Aur Ilm E Ghaib Ke Darmiyaan Aisa Talluq Hai Ki Kadeem Tareen Zamaano Se Insaan Ne Jis Hasti Me Bhi Khudaayi Ke Kisi Shaabe Ka Ghumaan Kiya Hai Uske Mutaallik Ye Ghumaan Zaroor Kiya Hai Ki Iske Paas Hi Sab Qudrat Hai Aur Koi Cheez Bhi Isse Posheeda Nahin Hai,, Goya Insaan Ka Zehan Is Haqeeqat Se  Aagaah  Hai Ki Kismet Kismaton Ko Banana Aur Bigaadhna Duaon Ko Sunna Hajat Poori Karna Sirf Isi Hasti Ka Kaam Ho Sakta Hai Jo Sab Kuch Jaanti Ho Aur Jisse Kuch Bhi Posheeda Na Ho  Isi Bina Par Insaan Jisko Bhi Khudaayi Ikhtiyaar Ka Haamil Samjhta Hai, Aalim Ul Ghaib Bhi Use Hi Samjhta Hai Kyonki Iski Aqal Is Baat Ki Shahadat Deti Hai Ke Ilm Aur Ikhtiyaraat Baahim Laazim Aur Maljoom Hai, Agar Agar Ye Haqeeqat Hai Ki Khaliq Aur Mudabbir Aur  Raaziq Allah Ke Siwa Koi Bhi Dusra Nahin Hai Toh Aap Se Aap Ye  Bhi Haqeeqat Hai Ki Allah Ke Siwa Dusra Aalim Ul Ghaib Bhi Nahin Nhin Hai, Aakhir Kon Ye Apne Hosh O Hawaas Me Tasawwur Kar Sakta Hai Ke Kisi Farishtey Ya Jinn Ya Nabi Ya Wali Ya Makhlooq Ko Bhi Ye Malum Hoga Ke Samundra Me Aur Hawa Me Aur Zameen Ki Taho Me Aur Satah Zameen Ke Ooper Kis Kis Qism Ke Jaamwar Kahan Kahan Hain, Sitaaron Ki Tadad Kya Hai Aur Unmese Hare K Me Kis Tarah Ki Makhlooq Maujood Hai Aur In Makhlooq Ka Ek Ek  Fardh Kahan Hai Aur Kya Uski Zarooriyaat Hain, Ye Sab Allah Ko Laaziman Malum Hona Chahiye Kyonki Inhe Usne Hi Paida Kiya Hai Aur Isi Ko In Mamlaat Ki Tadbeer Aur Inke Haalaat Ki Nigraani Karni Hai Aur Wahi Inke Rizq Ka Intezaam Karne Waala Hai Aur Dusra Koi Apne Mahdood Wajood Me Ye Wasi Ilm Kaise Rakh Sakta Hai ??

KYA ILM E GHAIB KI KOI HADH BHI HAI??

Fir Ye Sifat Qabil E Tajziya Bhi Nahin Hai Ki Koi Banda Maslan Sirf Zameen Me Wah Bhi Sirf Insaanon Ki Hadh Tak Aalim Ul Ghaib Ho, Insaan Ki Takhleeq Se Aaj Tak Jitne Insaan Duniya Me Paida Hue Aur Qayamat Tak Paida Honge Aur Aakhiri Hayaat Tak In Sab Ke Tamam Halaat Aur Kaifiyaat Ko Jaanna Aakhir Kis Bande Ka Kaam Ho Sakta Hai, Aur Wo Kaise Aur Kyon Isko Jaanega, Kya Wo Is Kaaynaat Ka Khaliq Hai ?? Kya Isne Inki Maaon Ke Rahem Me Soorat’giri Ki Hai ?? Kya Isne Inki Zinda Walayat Ka Intezaam Kiya Tha ??

Kya Isne Inmese  Hare K Ki Kismet Banaayi Hai, Kya Wah Inki Maut O Hayat Sehat Aur ,Marz  Khush’haali Aur Bah’haali Ka Faisala Ka Zimmedaar Hai,… Aakhir Ye Kaam Kab Iske Zimme Hua, Sirf Insaan Ki Hadh Tak Iski Zimmedari Mahdood  Kaise Ho Sakti Hai Jo Hasti Kaaynaat Ki Tadbeer Kar Rahi Hai Wahi Toh Insaan Ki Kismaton Ka Bhi Zimmedaar Hai Isi Bina Par Ye Islaam Ka Buniyaadi Aqeeda Hai Ki AALIM UL GHAIB Allah Ke Siwa Koi Dusra Nahin Hai…

To Be Continued

#Islamicleaks

#Irfanali

#Umairsalafialhindi

ILM E GHAIB KA AQEEDA AUR GUMRAAH FIRQE :PART -2

Bismillahirrahmanirraheem

ILM E GHAIB KA AQEEDA AUR GUMRAAH FIRQE :PART  -2

Kasam Hai Allah Tala Ki Jiske Qabze Kudrat Me Meri Jaan Hai Ke Allah Ke Rasool Ko Zarrah Barabar Bhi Ilm E Ghaib Nahi Tha Balki Aap Muhammad Sallallaho Alaihi Wasallam Ne Khud Yahi Kaha Hai Me Ghaib Nahi Jaanta Or Na Hi Mere Paas Allah Ke Khazaane Hain Or Agar Me Ghaib Jaanta Toh Mujhe Kabhi Koi Taqleef Na Hoti,

Qur’an Me Allah Tala Ne Jagah Jagah Muhammad Sallallaho Alaihi Wasallam Se Kahalwa Bhi Diya Hai Ke Aap Khud Sacchayi Bata Dijiye Duniya Walon Ko “Ki Me Ghaib Nahi Jaanta”, Kuch Log Rasoolon Ke Mojezon  Ko Daleel Ke Taur Par Pesh Karte Hai Or Kahte Hai

“Dekho Nabion Ko Ghaib Tha “;

Mujhe Tajjub Ho Ta Hai Ke Inhe Aqal Nahi ;Kiya Qur’an Nahi Padhte Hai ?

 Inhe Itni Bhi Tameez Nahi Sikhaayi Gayi Ke Mojeza Allah Tala Apne Nabion Ki Nubuwwat Ko Saabit Karne Ke Liye Apni Marzi Or Mansha Par Jab Chahta Hai Nabion Ki Haathon Par Zaahir Farma Deta Hai ;Nabion ko Is Par Koi Zor Or Akhtiyar Nahi Hota Hai ; Ke Wo Log Jab Chahe Apne Marzi Se Mojeza Zahir Karde Jaise Moosa (As) Ka Asa Achaanak Saanp Ban Jata Hai Jise Dekhkar Moosa (As) Darr Jaate Hai , Balke Qur’an Yun Farmaata Hai

“Aiy Moosa ! Tum Apni Chhadi Zameen Par Daal Do Fir Jab Daal Diya Toh Dekha Goya Wah Zinda Azdaha Hai Toh Peeth Fer Ke  Bhaage Aur Peeche Mudhkar Bhi Na Dekha Toh Hamne Farmaya Aiy Moosa Aage Aao Aur Daro Nahin Tum Par Har Tarah Aman Wa Amaan Me Ho”

(Surah Qasas Ayat No 31)

Ye Mojeza Aisa Hua Ke Moosa (As) Ko Khabar Tak Nahin Hui Ke Mere Haathon Par Abhi Mojeza Hone Wala Hai, Warna Wo Bhaagte Hi Kyun ??

 Isse Ye Bhi Pata Chala Ke Itne Jaleelul Qadr Nabi Ko Bhi Ghaib Nahin Tha, Warna Unko Pahle Hi Pata Chal Jaata Ke Abhi Mere Aasa Saanp Ban Jaayega Aur Wo Darrte Hi Nahin , Is Waaqiye Se Pata Chala Ke Mojeza Allah Taala Jab Chaahe Nabion Par Zaahir Kar De, Isse  Ye Bhi Pata  Chala Ke Mojeza Par Nabion Ka Koi Zor Ikhtiyaar Nahin Hota, Yahan Tak Ke Unhe Pata Bhi Nahin Chalta Ke Koi Mojeza Hone Wala Hai, Baaqi Allah Taala Achaanak Nabion Ko Wahiyy Ke Zariye Ittela Kar Deta,

Qur’an Me Bahut Waazeh Bayaanaat Aaye Hain, Magar Chunke Hamara Mauju Ghaib Par Hai Isliye Aapko Samjhne Ke Liye Itna Hi Likhunga,

Inhi Mijezon Ko Pesh Karke Ye Ulemaon Su Awaam Ko Bewaqoof Banaate Hain Aur Wahwaahi Loot’te Hain Aur Kahte Hain,

“Nabion Ko Saara Ikhtiyaar Allah Ne Ata Kar Diya Hai”

Ye Log Nabi Sallallaho Alaihi Wasallam Par Bohtaan Lagaate Hain Ke Nauzubillah Muhammad Sallalaho Alaihi Wasallam Apne Pyaare Jaan’nisaar Sahaba Ke Qaatil Hain !!,

Muhammad Sallalaho Alaihi Wasallam Ne Jaante Boojhte Apne 70 Sahabaon Ko Kaafiron Ke Haathon Qatal Kara Diya!!,

Nabi Ne Jaante Bhoojhte Apne Sahabaon Ko Zehar Bhar Ghost Khilaakar Marwa Diya, Yahan Tak Ki Apni Bholi Bhaali Biwi Ko Sataane Wala Aur Be’wajah Maheeno Pareshaan Karne Wala Ghaib’daan Saabit Karte Hain,

Isi Tarah Ke Aur Ilzaam Pyaare Nabi Sallalaho Alaihi Wasallam Par Ghaib’daan Banaakar Ye Ghustaakh Log ilzaam Lagaate Hain, Aur Aap Muhammad Sallalaho Alaihi Wasallam Ki Tauheen Karte Hain Aur Jo In Ilzaamon Ko Nabi Muhammad Sallalaho Alaihi Wasallam Par Se Hatata Hai Aur Ye Kahta Hai Ki

“Hamare Nabi Ghaib’daan Nahin They, Isliye Aap Sallalaho Alaihi Wasallam Ne Dhoke Se Zaher Kha Liya Tha Aur Apne Sahabaon Ko Bhi Khila Diya Tha, Agar Pyaare Rasool Muhammad Sallalaho Alaihi Wasallam Ko Maloom Hota Ke Is Ghost Me Zehar Hai Toh Aap Kabhi Wo Ghost Na Khate Na Khilaate, Lihaaza Jitney Bhi Isi Tarah Ke Waqeye Hue Hain Wo Mahaz Na Maloom Hone Ki Wajah Se Hue Hain,”

Toh Ye Log Hamae Gaaliyen Dene Lagte Hain Aur Wahabi Ghair Muqallid Aur Na Jaane Kya Kya Laqab Dete Hain, Agar Ham Log Inke Saamne Khaalis Tauheed Ki Baat Kar Den  Ya Allah Ke Shaan Me Kuch Kah De Toh Ye Log Sar Se Paon Tak Aise Dekhte Hain Aur Ek Dusre Se Kahte Hain Ke

“Ye Zaroor Wahabi Hai, Ghair Muqallid Hoga , Jo Allah Ki Baat Kar Raha Hai Chalo Yahan Se Nahin Toh Ye Log Sabko Gumraah Kar Denge,”

Jahan Kisi Tauheed Parast Ne Allah Tala Ki Shaan Ki Baat Kahi Ki Allah Tala Hi Saari Taqaton Ka Maalik Hai, Saari Kaaynaat Par Isi Ka Huqm Chalta Hai Wahi Maarta Hai, Wahi Jilaata Hai, Wahi Bigdi Banaata Hai, Wahi Beti Aur Beta Ata Karta Hai , Wahi Mushkil Kusha Hai,  Haajat Rawa Hai, Aur Wahi Ameero Aur Ghareebo Dono Ko Nawaazta Hai Aur Wahi Allah Saari Baton Ko Jaanne Waala Hai Akeela Ghaib’daan Hai, Toh Ye Log Kahte Hai

“Falan Hazrat Bhi Mushkil Kusha Hain, Falan Hazrat Bhi Haajat Rawan Hain, Yahan Tak Ke Naali Kinaare Baithne Wala Paagal Jo Namaz Aur Shariyat Se Koshon Door Rahta Hai, Ghalazaton Se Mashgool Rahne Wala , Chilam Peene Wala, Inke Yahan Awliya Hota Hai, Sunnat Se Door Rahne Wale Faasiqon Faajir Bhi Saara Ikhtiyaar Rakhta Hai, Aur Kahta Hai Jab Uska Aalam Ye Hai  Toh Ghaus Ka Aalam Kya Hoga ??, ”

Ab Itna Sunkar Jaahil Awaam Jise Kuch Pata Hi Nahin Deen Ke Bare Me Naare Risaalat Ghaus Ka Daaman , Khwaja Ka Daaman , Jaane Kya Kya Bechare Naare Lagaate Hain,

To Be Continued

#IslamiLeaks

#IrfanAli

#UmairSalafiAlHindi

 

ILM E GHAIB KA AQEEDA AUR GUMRAAH FIRQE: PART -1

Bismillahirrahmanirraheem

ILM E GHAIB KA AQEEDA AUR GUMRAAH FIRQE: PART -1

Tamam Qism Ki Hamd O Sana Qibriyaai Aur Badhai Us Allah Ke Liye Layeq Aur Zeba Hai Jisne Hamen Saari Qaaynaat Ko Paida Farmaya Aur Durood O Salaam Janaab Muhammad Sallalaho Alaihi Wasallam  Par Jo Saari Qaaynaat Ke Liye Rahmat Banaakar Bheje Gaye

Paak Hai Wo Zaat Jisne Insane Ko Paida Farmaakar Usko Aqal Bakhsi Aur Sochne Samjhne Ki Salaahiyat Ata Farmaayi Taaki Insaan Soche Samjhe Aur Kaayanaat Me Maujood Allah Ki Nishaanion Par Gaur Karen,  Yaqeen Karen , Gawahi Den Ke Allah Ek Hai Aur Uska Koi Bhi Shareek Nahin Hai Na Toh Uski Zaat Me Na Sifaat Me, Aurna Hi Uski Ibaadat Me Wo Allah Ek Hai, Saari Kaaynaat Par Bas Usi Ka Huqm Chalta Hai,

Allah Ki Sifaaton Me Ek Sifaat Hai Ghaib Jo Ki Hamari Kitab Ka Asal Mauju Hai, Allah Hi Ki Ye Shaan Hai Ki Wo Ghaib Ka Janne Wala Hai Zameeno Aasmaano Me Allah Ke Elaawa Koi Makhlooq Ghaib Nahin Jaanti, Wo Hamara Rabb Har Cheez Se Ba’khabar Hai, Kaali Raat Me Pahaad Par Kaali Cheeti Bhi Agar Chalti Hai Toh Hamara Rabb Us Raat Me Bhi Chalne Waali Cheeti Ki Awaaz Bhi Sunta  Hai Aur Usko Dekhta Bhi Hai, Allah Hi Ki Pak Zaat Hai Jo Samundar Ke Andar Taho Me Basne Waale Makhlooq Ko Dekhta Bhi Hai Aur Usko Bhi Rizq Deta Hai,

Makhlooq Chaahe  Satah Zameen Ke Upper Ki Ho Ya Aasmano Me Hone Wali Ho, Allah Sabko Dekhta Hai Suntan Hai, Aur Rizq Deta Hai, Satah Zameen Par Rahne Wali Saari Makhlooq Ko Chaahe Wo Jaanwar Ho Ya Fir  Jinn Ya Insaan Ho Allah Bas Ba’khabar Hai , Raat Ki Taareeki Lahraate Fasalo Me Kis Khet Me Kab Kaun Sa Daana Zameen Par Girta Hai Allah Us Daane Se Bhi Ba’khabar Hai, Kab Kaun Sa Patta Pedh Se Girta Hai Aur Uske Girne Wale Patton Ko Kaun Kaun Makhlooq Khaakar Apni Zindagi Ghuzarengi Allah Khoob Jaanta Hai , Kaun Kab Kis Zameen Par Marega, Kaun Kal Kya Kamaayega, Kab Kahan Par Sookha Padega, Aur Yahan Tak Ke Maa Ke Pet Me Palne Wala Baccha Paida Hokar Kya Banega Jannati Ya Jahannami, Jaahil Ya Aalim, Allah Hi In Baton Ka Jaanne Wala Hai,

Allah Ke Siwa Aur Koi Zaat Nahin Jo Ye Jaan Sake Kaun Shakhs Kitni Saans Lega, Kitni Umar Paayega , Kis Tarah Marega , Kahan Par Marega,, Allah Kle Siwa Koi Bhi Makhlooq Chaahe Wo Chhoti Se Chhoti Ho Ya Badi Nse Badi , Zameen Par Ho Ya Aasmaan Par Ghaib Nahin Jaanta Hai, Ye Sifaat Sirf Aur Sirf Allah Ke Hain,

Agar Koi Shakhs Allah Ke Elaawa Bhi Kisi Ko Ghaib’daan Jaane Ya Mane Toh Usne Is Sifat Me Allah Aur Us Makhlooq Ko Baraabar Kar Diya, Toh Bas Us Shakhas Ne Allah Or Us Shakhs Ko Ya Us Makhlooq Ko Barabar Karke Shirk Kiya Qki Allah Tala Ki Zaat Me Sifat Me Or Ibadat Me Koi Sajhidar Ya Sharik Nahi Ho Sakta Na Hi Barabar Ho Sakta Hai, Lihaza Wo Shakhs Kafir HoT Jata Hai

Kuch Log Muhammad Salllallaho Alaihi Wasallm Ko Ghaib’dan Sabit Karke Or Unka Sahara  Lekar Apne Apne Buzurgon Jin Ko In Logo Ne Awliya Allah Bana Rakha Hai Ui Ko Bhi Ghaib’dan Sabit Kate Hai

Jo Log Muhammad Sallallho Alaihi Ko Gaib’dan Kehte Hai Ye Log Gustakhe Nabi Hote Hai,,Ye Muhammad Sallallho Alaihi Wasallam Ki Farman Ke Khilaaf Aqida Rakhte Hain. Ye Muhammad Sallallho Alaihi Wasallam Ke Qoul Or Fa’el Par Amal Nahi Karte Unke Farman Ke Khilaaf Warji , Ye Qur’an Or Hadith Ka Inkar Kar Te Hai Or Is Ke Alewa Batil Or Be’buniyaad Mouju Haditho Se Ye Log Apna Batil Aqida Sabit Karne Ke Nakam Koshishkarte Hai ,

Qur’an Or Muhammad Sallallho Alaihi Wasallam Ke Farman Ke Muqabli Me Ye  Apne Apne Imamon Ke Qoul Or Jhooti Qisse Kahani Or Un Ki Likhi Neeli.Peeli Qitaben Jisme Qur’an Or Sahih Hadithon Ke Hawale Nahi Hote  Wo Pesh Karte Hai Or Jab Use Bhi Kaam Nahi Chalta To Qur’an Ki Aayaton Ko Kheench’taan Apne Mawafik Banana Ke Nakaam Koshish Karte Hai .

Main Challenge Karta Hoom Ke Ek Bhi Qur’an Ki Aayat Ya Ek Bhi Sahih Hadith Koi Shakhs Dikha De Jisme Allah Ke Rasool Muhammad Salllallaho Alaihi Wasallam Ne Kaha Ho Ki Main Ghaib Janta Hoon.

To  Be Continued….

#Umairsalafialhindi

#Islamicleaks

#Ifranali

AHLEHADEES KE WAJOOD PAR MUKHALIFIN KO QARARA JAWAB

AHLEHADEES KE WAJOOD PAR MUKHALIFIN KO QARARA JAWAB


Ahlehadees Ka Wujood Kab Se Hai? Is Sawal Ke Jawab Mein Bohat Saaray Log Ghalat Rukh Par Tahqeeq Karne Lagtay Hain, Aur Naam' ' Ahlehadees' ' Ke Peechay Pad Jate Hai‌ Ke Yeh Naam Kab Se Istemaal Ho Raha Hai! ! !

Sab Se Pehlay Hamein Yeh Samjhna Chahiye Ke Kisi Cheez Ke Wujood Ki Tareekh Maloom Karne Ka Sahih Tareeqa Kya Hai? Kya Kisi Cheez Ki Tareekh Is Ke Naam Ke Zareya Maloom Ki Jati Hai Ya Is Ki Khoobiyon Wa Awsaaf Maadey Ke Zareya ?

Seedha Saadha Jawab Yeh Hai Ke Kisi Bhi Cheez Ke Wujood Ki Tareekh Maloom Karna Ho To Sirf Is Ke Naam Se Yeh Cheez Hargiz Maloom Nahi Ki Ja Sakti, Balkay Hamein Is Ke Awsaf Aur Khoobiyon Aur Maadon Ko Dekh Kar Hi Pata Lagana Hoga Ke Is Cheez Ka Wujood Kab Se Hai ?

Aayiyae Isi Baat Ko Hum Chand Misalon Se Samajte Hain .
Sarzameen Ki Misaal :
Sarzameen Ki Misaal Lijiye Agar Koi Pouchye Ke Duniya Mein Sarzameen Pakistan Ka Wujood Kab Se Hai? To Kya Is Ka Jawab Yeh Hoga Ke Taqseem Hind Ke Baad??


Kya Taqseem Hind Se Pehlay Is Sarzameen Ka Wujood Nahi Tha?? Yaqeenan Is Sarzamen Ka Wujood Tha Lekin Is Ka Naam Pakistan Baad Mei Para Aur Baad Mein Yeh Alag Naam Parh Jane Se Yeh Sarzameen Nai Nahi Hojaye Gi .
Shehar Ki Misaal :
Hindostan Ka Shehar Mumbai Poori Duniya Mein Mashhoor Hai Agar Koi Sawal Kere Ke Hindustan Mein Is Ka Wujood Kab Se Hai To Kya Yeh Jawab Diya Jaye Ga Ke Satrah Athaara 17-18 Saal Se? Kyun Kay Is Se Qabal Is Ka Naam' ' Bombay ' ' Tha' ' Mumbai ' ' Nahi, Yaqeenan' ' Mumbai ' ' Yeh Naya Naam Hai, To Kya Is Shehar Ke Naam Mein Tabdeeli Aajany Is Shehar Ke Wujood Ki Tareekh Badal Jaye Gi? Hargiz Nahi .

]Ashkhaas Ki Misaal :
Bohat Saaray Log Islam Qubool Karte Hain To Musalman Honay Ke Baad Apna Naam Badal Dete Hain, Yani Abdullah Ya Abdul Rahman Waghera Naya Naam Rakh Letay Hain, To Kya Is Naye Naam Ki Wajah Se Un Ki Tareekh Paidaiesh Bhi Badal Jaye Gi ?

Ek Non Muslim Jis Ne Qubool Islam Ke Baad Apna Naam Abdullah Rakh Liya Agar Kisi Se Sawal K Is Duniya Mein Woh Kab Se Hai? To Kya Woh Tareekh Batlai Jaye Gi Jab Is Ne Abdullah Naam Rakha Ya Woh Tareekh Jab Woh Peda Howa ?

Mazhab Ki Misaal :

Agar Koi Sawal Kare Ke' ' Christian' ' ( Christian ) Mazhab Is Duniya Mein Kab Se Hai To Kya Yeh Jawab Diya Jaye Ga, Ke Jab Se Is Lafz Ka Wujood Huwa Hai? Ya Yeh Ko Jab Se Eesa Aleh Salam Ki Bassat Hui Hai? Yaqeenan Mazhab Esaiyat Ka Yeh Naam Baad Mein Ikhtiyar Kya Gaya Hai, Is Ka Yeh Matlab Nahi Ke Is Se Qabal Is Mazhab Ka Wujood Nahi Tha .

Maslak Ka Bhi Yahi Maamla Hai .

Kisi Maslak Ke Naye Puranay Ka Faisla Is Ke Naam Se Hargiz Nahi Hoga Balkay Is Ke Manhaj, Aqaed Aur Usoolon Se Hoga, Agar Koyi Giroh Naye Manhaj Aur Usoolon Ka Pa Pand Hoto Woh Bhalay Apne Liye Koi Purana Naam Muntakhib Karle Aisa Karne Se Is Ka Maslak Purana Nahi Hojaye Ga, Isi Terhan Agar Koi Giroh Qadeem Manhaj Aur Usoolon Par Gamzan Hoto Garchey Woh Apne Liye Koi Naya Naam Chunn Le Is Se Is Ka Maslak Naya Nahi Hojaye Ga, Is Liye Jab Bhi Yeh Pata Lagana Ho Ke Kon Sa Maslak Kab Se Hai To Is Ke Naam Ke Peechay Parney Ke Bajaye Is Ke Manhaj Aur Usoolon Ka Pata Lagayiyae Ke Un Ka Wujood Kab Se Hai,

\Agar Manhaj Aur Usoolon Naya Hai To Maslak Naya Hai Aur Agar Manhaj Aur Usoolon Qadeem Hai To Maslak Bhi Qadeem Hai .
Jahan Taq Naam Ka Maamla Hai Toh Ek Alag Masla Hai Is Par Sirf Is Pehlu Se Guftagu Hosakti Hai Ke Yeh Naam Durust Hai Ya Nahi, Lekin Yeh Chiz Qadamat Wa Hadasat Ki Daleel Kabhi Nahi Ban Sakti .
Yani Agar Naam Naya Ho Lekin Aqaayed Wa Usool Qadeem Hon To Maslak Qadeem Hi Hoga, Aur Agar Naam Qadeem Ho Lekin Aqaayed Wa Usool Naye Hon To Maslak Naya Hi Hoga, Purana Naam Rakh Lainay Se Nahi To Koi Jadeed Maslak Qadeem Hojaye Ga Aur Na Hi Naya Naam Rakh Leney Se Koi Qadeem Maslak Jadeed Ban Sakta Hai, Behar Haal Maslak Ke Naamon Ka Un Ke Wujood Ki Tareekh Se Koi Talluq Nahi Hota Hai .
Ab Agar Maslak Ahlehadees Ki Tareekh Dekhni Ho Aur Yeh Maloom Karna Ho Key Yeh Maslak Kab Se Hai To Is Maslak Ke Aqaed Wa Usool Dekhen Un Ka Manhaj Wa Tarz E Istedlaal Dekhen, Un Ke Dainee Aamaal Ki Kefiyat Dekhen, Un Ki Namaz Dekhen, Un Ka Roza Wa Haj Dekhen Un Ka Har Dainee Amal Dekhen .

Is Ke Baad Phir Pata Lagayen Ke Ahad Nabuwat Mein Un Ke Aqaayed Wa Usool Ka Wujood Tha Ya Nahi? Ahad Nabuwat Mein Un Ke Manhaj Wa Tarz E Istedlaal K Hain Ya Nahi, Un Ke Dainee Aamaal, Ahad Nabvi Ke Aamaal Se Muwafiqat Rakhtay Hain Ya Nahi, Agar Haan Aur Be Shak Haan To Yeh Maslak Qadeem Hai, Is Ka Wujood Ahad Nabvi Se Hai
والحمدللہ .

isi kasoti par har maslak ki tareekh maloom ki jani chahiye, dagair jitne bhi maslak hain khuwa un ke naam naye hon ya puraney , un ke aqaed manhaj aur usoolo dekhen ge to ahad nabvi mein un ka saboot qat'an nahi miley ga, balkay yeh khoobi sirf aur sirf maslak ahlehadees ki hai ke is ke har aqeeda wa usool ka ahad nabvi mein wazeh taur saboot par milta hai.

Algaraz Yeh Ke Maslak Ahlehadees Koi Naya Maslak Nahi Hai, Duniya Ka Koi Bhi Shakhs Usay Naya Saabit Nahi Kar Saktha Ziyada Se Ziyada Is Baat Par Bahas Kar Sakta Hai Ke Yeh Naam Kab Se Chal Raha Hai .

Lekin Jaissa Ke Arz Kiya Gaya Ke Agrih Farz Bhi Karlen Ke Yeh Naam Asar E Hazir Mein Akhtiyar Kiya Gaya Hai ( Halaanki Is Naam Ki Qadamat Par Be Shumar Shawahid Mojood Hain ) Tou Bhi Is Maslak Ko Naya Maslak Nahi Bawar Karaya Ja Sakta, Yeh Bavar Karane Ke Liye Zurori Hoga Ke Ahlehadees Ke Manhaj Aur Sahaba K Manhaj Mein Ikhtilaaf Saabit Kardiya Jaye, Aur Yeh Namumkin Hai .

\Lehaza Maslak E Ahle Hadees Ka Wujood Tab Se Hai Jab Se Is Duniya Mein Hadees ( Farmaan Ellahi Wa Farman Rasool Sallallahu Alahi Wasalam ) Ka Wujood Hai Kyunkay Yahi Ahlehadees Ka Aqeedah Wa Usool Hai,


▶Tauheed●Library◀