ILM E GHAIB KI HAQEEQAT AUR GUMRAH FIRQE: (PART 9)

Bismillahirahmanirraheem

ILM E GHAIB KI HAQEEQAT AUR GUMRAH FIRQE: (PART 9)

MUHAMMAD SALLALAHO ALAIHI WASALLAM  KO ILM E GHAIB NAHIN:

Muhammad Sallalaho Alaihi Wasallam Bhi Halaanke Aur Rasoolon Ki Tarah Ek Rasool Hain Aur Allah  Ne Farmaya Ki Imaan Waale Toh Wo Log Hote Hain Jo Hamare Bheje Gaye Rasoolon Par Imaan Late Hain Aur Kisi Me Farq Nahin Samjhte Aur Sabhi Rasoolon Ko Allah Ka Banda Aur Rasool Kahte Hain

“Aur Muhammad Sallalaho Alaihi Wasallam Sirf Ek Rasool Hain Au Rinse Pahle Bhi Bahut Se Rasool Ghuzar Chuke Hain”

(Surah Aal E Imran Ayat No.144)

Ek Jagah Irshad Rabbani Hai

“ Aiy Nabi Kah Do Main Anokha Paighambar Nahin Hoon”

(Surah Ahqaf Ayat No 9)

  Toh Jis Tarah Aur Nabi Aaye Aur Tauheed Ki Daawat Di Aur Malik E Haqeeqi Ki Taraf Kooch Kiya Isi Tarah Aap Sallalaho Alaihi Wasallam Bhi Aaye Aur Tauheed Ki Daawat Di Aur Malik E Haqeeqi Ki Taraf Kooch Kiya

“Aur Aap Kah Dijiye Ken A Toh Mere Paas Allah Ke Khazaane Hain Aur Na Hi Main Ghaib Jaanta Hoon Aur Na Hi Main Tum Se Ye Kahta Hoon Ki Main Farishta Hoon, Main Roh Jo Kuch Mere Paas ‘Wahiy’ Aati Hai, Iski Ittela Karta Hoon”

(Surah Anaam Ayat No 50)

Yahan Par Ek Baat Ghaur Karne Ki Hai. Ek Taraf Ye Kaha Jar Aha Hai Ki Main Ghaib Nahin Jaanta Aur Dusri Taraf Kaha Jar Aha Hai Mi Main ‘Wahiy’ Ki Pairwi Karta Hoon, Goya Ghaib Ja Jaanna Alag Baat Hai, Aur Wahiy Ke Zariye Koi Baat Jaanna Alag Baat Hai, Agar Dono Ka Matlab Ek Hota Toh Isko Alag Alag Bayan Na Kiya Jaata, Lihaaza Iska Seedha Matlab Ye Hua Ke Main Ghaib Nahin Jaanta Hoon Aur Jo Kabhi Kabhi Kuch Baatein Bataata Hoon Toh Wo Allah Mujhe Wahiy Ke Zariye Bata Deta Hai Aur Wo Main Tum Logon Ko Bata Deta Hoon, Aur Jo Cheez Kisi Ke Bataane Se Malum Ho Jaaye Wo Ghaib Nahin Hota.

SHUBUHAAT:

Kuch Jhola’chhaap Molwi Yahan Shubuhaat Pesh Karte Hain Ke Nabi Sallalaho Alaihi Wasallam Ne Kahan Kaha Hain Ke Main Ghaib Nahin Jaanta Ye Toh Allah Kahalwa Raha Hai Ke Aap Kahen Ke Main Ghaib Nahin Jaanta, Dusra Ye Ke ‘Wahiy’ Ke Zatiye Khabar Paana Bhi Toh Ghaib Jaanna Hota Hai

JAWAB:

Pahli Baat Ye Ke Main Poochna Chaahta Hoon Un Logon Se Ke Qur’an Me Hi Allah Tala Ne Muhammad Sallalaho Alaihin Wasallam Se Kahalwaya Ke

“Aap Kah Dijiye Ke Allah Ek Hai. Allah Be’niyaaz Hai, Na Isse Koi Paida Hua Na Wo Kisi Se Paida Hua Aur Na Koi Uska Hamsar Hai”

(Surah Ikhlaas)

Mujhe  Batao Is Aayat Me Allah Ne Nabi Se Kaha Ke Aap Kah Dijiye Allah Ek Hai, Toh Kyat Um Is Bina Par Kahoge Ke Ye Toh Nabi Se Kahalwaya Ja Raha Hai Ke Allah Ek Hai Magar Allah Ek Nahin Hai (Nauzubillah), Zara Mujhe Batao Jo Baat Nabi Se Kahalwayi Jaati Hai, Kya Wo Baatein Jhooti Kahalwaayi Jaati Hain ?? Kya Allah Nabi Sallalaho Alaihi Wasallam Se Jhoot Bulwa Raha Hai Ke Nabi Sallalaho Alaihi Wasallam Toh Ghaib Jaante Hain Magar Logon Se Jhoot Bol Dijiye Ki Main Ghaib Nahin Jaanta, Kya Allah Kisi Se Darta Hai (Nauzubillah)..

 Aise Anokhe Shubuhaat Pesh Karne Walon Ko Chahiye  Apne Imaan Ki Khair Manaayen Aur Tauba Karen, Dusri Baat Ittela Ke Zariye Khabar Paana Ghaib Nahin Hota, Aur Inshaallah Iski Wazahat Agle Posts Me Hogi

“Aap Kah Dijiye Ke Agar Main Ghaib Jaanta Toh Bahut Si Bhalaaiya Kama Leta Aur Mujhe Koi Taqleef Bhi Na Pahunchti Main Toh Sirf Daraane Wala Hoon”

(Surah Aaraaf Ayat No.188)

Lafz Bata Raha Hai Ki “Agar Main Ghaib Jaanta Toh” Yani Ghaib Ka Ilm Nahin Hai, Tabhi Toh Kaha Ja Raha Hai Ki Agar Main Ghaib Jaanta Toh Bahut Si Bhalaiya Kama Leta, Saabit Ho Gaya Ki Nabi Ghaib Nahin Jaante

“Aiy Nabi Kuch Munaafiq Jo Nifaq Me Pade Hain, Aap Unhe Nahin Jaante, Unhe Ham Jaante Hain, Inko Ham Duhri Saza Denge”

(Surah Tauba Ayat No 101)

“Paak Hai Wo Zaat Jisne Sair Karaayi Apne Bande Ko Raaton Raat Masjid E Haram Se Masjid E Aqsa Tak Take Ham Apni Qudrat Ke Baaz Namoone Dikhaayen”

(Surah  Bani Israel Ayat No.1)

Muhammad Sallalaho Alaihi Wasallam Ko Itna Sataya Ja Raha Tha, Pareshani Ki Wo Kaifiyat Likhi Nahin Ja Sakti Isse Aap Sallalaho Alaihi Wasallam Mayoos Ho Gaye They Tab Allah Tala Ne Aap Sallalaho Alaihi Wasallam Ko Meraaj Kara Kar Dikhaaya Ki Aap Sabr Karen Aur Apne Sahaba Ko Jaakar Bataayen Ki Kya Kuch Hamne Taiyyar Kar Rakha Hai,  Is Tarah Aap Sallalaho Alaihi Wasallam Ko Meraaj Karke Dili Sukoon Mila Aur Aap Sallalaho Alaihi Wasallam Ko Kuffaron Ke Zulm O Sitam Ko Bardaasht Karne Me Ek Nayi Taqat Mil Gayi Thi, Is Waqye Ka Asal Maqsad Ye Hai Ki Agar Muhammad Sallalaho Alaihi Wasallam Ko Ilm E Ghaib Hi That Oh Fir Allah Ko Dikhaane Ki Kya Zaroorat Thi, Ghaib Nahin Hai Tabhi Toh Dikhaaya Jar Aha Hai.

Is Tarah Ke Be’shumaar Ayatein Qur’an Majeed Me Maujood Hain Jisse Saabit Hota Hai Ki Muhammad Salallaho Alaihi Wasallam Ko Ilm E Ghaib Nahin Tha, Maslan Surah Saad Ayat No. 69.70.71, Surah Al Fath Ayat No. 25, Surah Ahzaab Ayat No,63

To Be Continued

#Umairsalafialhindi

#Islamicleaks

#Irfanali

ILM E GHAIB KI HAQEEQAT AUR GUMRAH FIRQE: (PART 8)

Bismillahirahmanirraheem

ILM E GHAIB KI HAQEEQAT AUR GUMRAH FIRQE: (PART 8)

NOOH (AS) KO ILM E GHAIB NAHIN

“Main Tumse Nahin Kahta Ke Mere Paas Allah Ke Khajaane Hain, Suno Main Ghaib Bhi Nahin Jaanta, Na Hi Main Ye Kahta Hoon Ki Main Farishta Hoon, Na Hi Main Ye Kahta Hoon Ki Jin Par Tumhari Nigaahein Zillat Se Padi Hain Unhe Allah Tala Koi Nemat De Ga Hi Nahin, Inke Dil Me Jo Kuch Hai Allah Khoob Jaanta Hai, Agar Main Aisa Kahun Toh Yaqeenan Mera Shumaar Zaalimon Me Hoga”

(Surah Hood Ayat No 31)

Ye Ayatein Khuli Daleel Hain Ke Saare Nabi Aur Rasool Ki Yahi Sunnat Rahi Hai Ke Wp Ghaib Sirf Allah Hi Ki Taraf Mansoob Karte They Aur Koi Nabi Ya Rasool Ye Kahne Ki Zurrat Mahsoos Nahin Karta Ke Main Ghaib Jaanta Hoon Ya Mujhe Ata Ho Gaya Hai Balke Yahi Kahte Nazar Aayenge Ke Main Kuch Nahin Jaanta, Saara Ghaib Allah Hi Ke Liye Hai Aur Agar Main Apne Ko Ghaib’daan Kahunga Toh Main Zaalimon Me  (Jahannamion Me) Se Ho Jaunga,

Hamara Aqeeda Wahi Hai Jo In Sab Nabion Ka Aqeeda Hai Ke Ghaib Sirf Allah Hi Jaanta Hai Aur  Ham Un Sabhi Nabion Ki Sunnat Par Amal Karte Hain,

Allah Tala Fermata Hai Qayamat Me Wo Shakhs Usi Ke Saath Uthaaya Jaayega Jo Jis Kisi Ke Taur Tareeqe Par Chalta Hoga Lihaaza Hamara Aqeeda Nabion Le Aqeede Par Hai, Inshaallah Ham Nabion Aur Sacche Allah Walon Ke Saath Hi Uthaaye Jaayenge Aur  Jo In Nabion Ke Khilaaf Aqeeda Rakhte Hain Who Apne Apne Maboodon Ke Saath Uthaaye Jaayenge

IBRAHEEM (AS) KO ILM E GHAIB NAHIN:

“Ibraheem Ke Paas Khush’kahbri Lekar Pahunche Aur Salaam Kaha Inhone Bhi Salaam Kaha, Beghair Takheer Gaaye (Cow) Ka Bhuna Ghost Le Aaye. Ab Jo Dekha Ke Inke Haath Bhi Iski Taraf Nahin Badhte Toh Inko Ajnabiyat Samajh Kar Dil Hi Dil Me Khauff Karne Lage Inhone Kaha Daro Mat Ham Qaume Loot Ki Tarah Bheje Hue Aaye Hain ”

(Surah  Hood Ayat No, 69-70)

Malum Hua Itne Jaleelul Qadr  Paighambar Bhi Ye Na Jaan Sake Ke Ye Inaan Nahin Balke Farishtey Hain Aur Ghost Le Aaye, Khana Na Khaane Par Darr Gaye Ke Kahin Ye Log Ghalat Iraade Se Toh Nahin Aaye Ke  Hamara Khaana Nahin Kha Rahe,

Jab Farishton Ne Bataya Ke Ham, Farishte Hain Tab Ibraheem (As) Ko Raahat Mili Aur Tab Hi Wo Jaan Paaye Ke Ye Insaan Ki Shakal Me Farishtey Hain Aur Unka Darr Khatam Ho Jaata Hai, Lihaza Itne Jaleelul Qadr Paighambar Ke Saamne Farishtey Baithey Hain Aur Unko Khabar Tak Nahin Ke Ye Insaan Nahin Balke Farishtey Hain

NOTE: Farishtey Noor Ke Bane Hain  Aur Noori Makhlooq Agar Inaani Shakal Me Me Duniya Me Aayega Tab Bhi Wo Khana Peena Nahin Khaayega, Kyonki Noori Makhlooq Ko Khaane Peene Ki Zaroorat Nahin Hoti, Toh Saabit Hua Koi Noori Makhlooq Insaani Shakal Me Nabi Banker Nahin Aaya Agar Aata Toh Wo Khaata Peeta Nahin

LOOT (AS) KO ILM E GHAIB NAHIN :

“Aur Jab Hamare Farishtey Loot Ke Paas Pahunche Toh Wah Unki Wajah Se Bahut Ghamgheen Hue Aur Dil Hi Dil Me Kudhne Lage Aaj Ka Din Bahut Hi Museebat Ka Hai Aur Inki Qaum Inke Paas Aa Pahunchi, Wah Toh Pahle Hi Se Badkaarion Me Mubtela Thi, Loot Ne Kaha Aiy  Meri Qaum Ke Logon Ye Meri Betiyan Jo Tumhare Liye Bahut Hi Pakeeza Hain, Allah Se Daro Aur Mujhe Mere Mehmano Ke Bare Me Ruswa Na Karo, Kya Tumme Ek Bhi Bhala Aadmi Nahin ?”

(Surah Hood Ayat No. 77-78)

Loot (As) Un Aane Wale Mehmano Ko Pahchaan Na Sake Aur Unko Apni Qaum Se Bachaane Ke Liye Apni Betiyan Tak Dene Ko Taiyyar Ho Gaye Ki Tum Meri Beti Se Nikaah Kar Lo Aur Apni Khwahish Poori Karo Magar Wo Badkaar Qaum Un Mehmaan Ladkon Ke Peeche Hi Padi Rahi, Isse Loot (As) Bahut Gham’gheen Hue Fir Jab Farishton Ne Bataya Ke Aap Daren Nahin Ham Allah Ki Taraf Se Bheje Gaye Farishtey Hain, Tumhari Qaum Ko Azaab Dene Bheje Gaye Hain, Tab Loot (As) Ko Malum Hota Hai, Isse Saabit Hua Ke Jab Nabion Ko Itna Bhi Ilm E Ghaib Nahin Diya Gaya Ke Wo Ye Jaan Saken Ke Saamne Aane Waala Shaks Kaun Hai Aur Kyon Aaya Hai Toh Bhala Iske Aage Sochna Hi Fuzool Hai ..

To Be Continued

#Umairsalafialhindi

#Irfanali

#Islamicleaks

ILM E GHAIB KI HAQEEQAT AUR GUMRAH FIRQE: (PART 7)

Bismillahirahmanirraheem

ILM E GHAIB KI HAQEEQAT AUR GUMRAH FIRQE: (PART 7)

NABION KO ILM E GHAIB NAHIN :

Ab Aiyye Un Ayaton Ko Dekha Jaaye Jinse Saaf Ho Jayega Ki Kisi Bhi Nabi Ko Ilm E Ghaib Nahin Tha Na Ata Kiya Gaya Tha Isse Aqal Walon Ki Islaah Karne Me Kaafi Madad Milega.. Inshaallah

ADAM (AS) KO ILM E GHAIB NAHIN:

“Fir Shautaan Ne In Dono Ko Bahkaaya Ke Inki Sharmgaahein Be’pardah Kar Den Aur Kahne Laga Tumahare Rabb Ne Tum Dono Ko Is Darakht Se Aur Kisi Sabab Mana Nahin Kiya Magar Mahaz Is Wajah Se Ke Tum Kahin Farishta Na Ho Jao Ya Kahin Hamesha Zindah Rahne Walon Mese Na Ho Jao Aur Kasmein Kha Li Ke Yaqeen Jaano Main Tum Dono Ka Khair’khwaah Hoon”

(Surah Aaraaf Ayat No. 20-21)

Is Ayat Se Malum Hua Kea Dam (As) Ko Malum Nahin Tha Ke Is Fal Ko Khaane Se Ham Farishta Ban Jaayenge Ya Hamesha Zinda Rahenge, Isi Wajah Se Unhone Fal Khaya Yani Fal Ki Taaseer Tak Ka Ilm Nahin Ke Ye Kis Kaam Aayega Aur Ye Bhi Nahin Malum Ki Ye Hamesha Ki Zindagi Dilwaayega Ya Hamesha Ke Liye Jannat Se Nikalwaayega Aur Shaitaan Unka Doat Hai Ya Dushman, Ye Bhi Nahin Jaan Paaye Ke Jo Shaitaan Ne Qasam Khaayi Wo Sacchi Hai Ya Jhooti,

Lihaaza Saabit Hua Adam (As) Ko Ilm E Ghaib Na Toh Tha, Aur Na Hi Ata Kiya Gaya Tha, Tabhi Toh In Sab Baton Ka Pata Nahin Chal Saka Aur Aadam (As) Dhoka Kha Gaye.

SULEMAN (AS) KO ILM E GHAIB NAHIN:

“Main Hud Hud Ko Nahin Dekhta Kya Wo Ghair Haazir Hai, Yaqeenan Main Use Shakht Saza Dunga Ya Use Zibaah Kar Dunga  Ya Fir Mere Saamne Koi Sareeh Daleel Pesh Kare , Kuch Zyada Der Na Ghuzri Thi Ke Aakar Isne Kaha Ki Main Aisi Khabar Laaya Hoon Jo Tujhe Iski Khabar Hi Nahin, Main Saba Ki Ek Sacchi Khabar Tere Paas Laaya Hoon”

(Surah Saba Ayat No. 20,21,22)

Is Ayat Me Saaf Saaf Bayan Hai Ki Suleman (As) Ko Ye Tak Khabar Na Thi Ke Hud Hud Kahan Par Hai Aur Kyon Ghair Hazir Hai, Dusri Tarah Hud Hud Ne Aisi Sacchi Khabar Laakar Di Jiska Ilm Waqai Suleman (As) Ko Nahin Tha, Teesri Aura Ham Baat Ye Hai Ki Allah Tala Ki Ek Adna Makhlooq Tak Ko Itni Salaahiyat Thi Ki Suleman (As) Ko Ilm E Ghaib Nahin Tabhi Toh Usne Itni Bebaaqi Se Kah Diya Ki Wo Khabar Laaya Hoon Jiska Ilm Tujhe Nahin, Aur Ye Insaan Us Adna Makhlooq Se Bhi Gaye Guzra Hai Jo Nabiyon Aur Walion Me Ilm Ghaib Dhoodhta Firta Hai,

ISA (AS) KO ILM E GHAIB NAHIN :

“Jab Isa Se Allah Poochhega Ki Kya Tone Kaha Tha Ki Mujhe Aur Eri Maa Ko Mabood Qarar Do Toh Isa Kahenge Ki Main Aisi Baat Kyon Kahunga Jiska Mujhe Haq Nahin, Agar Maine Aisi Baat Kahi Hai Toh Tujhe Malum Hoga Tu Mere Dil Ki Baat Bhi Jaanta Hai Aur Main Tere Nafs Me Kya Hai Nahin Jaanta Tamam Ghaibon Ko Jaanne Wala Tu Hi Hai”

(Surah Maaida Ayat No. 116)

Fir  Isa Yun Farmaayenge

“Aiy Allah Jab Tak Main Inke Beech Raha Tab Tak In Par Nazar Rakhe Tha Magar Jab Tune Mujhe Utha Liya Tab Main Inke Bare Me Kuch Nahin Jaanta Fir Toh Tu Hi In Par Nigraan Tha ”

(Surah Maida Ayat No 117)

 Malum Hua Is A (As) Ko Pata Nahin Ki Unke Uthaaye Jaane Ke Baad Unke Maanne Wale Yani Unke Ummati Unki Aur Unki Maa Ki Pooja Kar Rahen Hain, Jab Tak Wo Duniya Me Logon Ke Beech Rahe Toh Dawat Ke Zariye Logon Ki Nigraani Karte Rahe Aur Unki Islaah Karte Rahe Aur Jab Allah Tala Ne Unhe Utha Liya Toh Unhe Kuch Bhi Pata Nahin Kea B Unki Ummat Kya Kya Khurafaat Me Mubtela Hai Aur Unhone Saaf Kah Diya Ke Aiy Allah Main Ghaib’daan Nahin Ke In Ke Aamaal  Par Nazar Rakhta Saare Ghaibon Ka Jaanne Wala Sirf Tu Hi Hai

MOOSA  (AS) KO ILM E GHAIB NAHIN:

“ Moosa Ne Kaha Aiy Allah Mujhe Apna Deedaar Kara De Ke Main Tujhe Ek Nazar Dekh Lun, Irshad Hua, Tum Mujhe Harghiz Nahin Dekh Sakte”

(Surah Aaraaf Ayat No. 143)

Sabse Bada Ghaib Is Aalam Me Toh Khud Allah Hai, Use Koi Nahin Dekh Sakta, Aur Moosa Us Waqt Kaanp Uthte Hain Sajde Me Gir Kar Maafi Maangte Hain Jab Toor Pahad Jal Kar Khaak Ho Jaata Hai, Moosa (As) Ko Allah Apni Kudrat Se Bacha Leta Hai, Aur Wah Gidgida Uthte Hain, Aiy Allah Mujhe Maaf Kar De  Jo Maine Itne Bade Ghaib Ko Jaanne Ki Khwaahish Ki, Isi Tarah Moosa (As) Ke Kai Waaqyaat Hai Jisse Saabit Hai Ke Unko Ghaib Ka Ilm Nahin Tha, Maslan Machhli Ka Zinda Hokar Paani Me Bhaag Jaana Aur Moosa (As) Ko Iski Khabar Na Hona, Khijr Ka Kashti Me Chhed Karna, Ladke Ko Qatal Karna Wagerah (Padhe Surah Kahf) Aur Moosa (As) Ko Iska Ilm Nahin Hona, Saabit Hua Moosa (As) Ko Ilm E Ghaib Nahin Tha.

To Be Continued

#Islamicleaks

#Irfanali

#Umairsalafialahindi

ILM E GHAIB KA AQEEDA AUR GUMRAAH FIRQE: PART 6

Bismillahirrahmanirraheem

ILM E GHAIB KA AQEEDA AUR GUMRAAH FIRQE: PART 6

JINNO AUR SHAYATEEN KO ILM E GHAIB NAHIN:

Shaitaan Bhi Halaanke Jinn Hote Hain Magar Jaise Momin Aur Kaafir Alag Alag Hote Hain Isi Tarah Momin Jinn Ko Jinnat Ya Jinn Kahte Hain Aur Allah Tala Ki Nafarmani Karne Wale Ko Shayateen Kahte Hain Inmese Kisi Ke Paas Bhi Ilm E Ghaib Nahin Hota

Allah Quran Me Fermata Hai

“ Aur Jinn Kahte Hain Ki Ham Aasmaano Me Jaakar Farishton Ki Baatein Sun Liya Karte They Magar Ab Ham Wahan Jaate Hain Toh Dahakta Hua Aag Apni Taak Me Paate Hain, Ham Nahin Jaante Ke Zameen Walon Ke Saath Kisi Buraayi Ka Iraada Kiya Gaya Hai Ya Inke Rabb Ka Iraada Inke Saath Bhalaayi Ka Hai”

(Surah Jinn Ayat No.8.9.10)

 Jinn Aasmano Me Jaakar Farishton Ki Baat Chori Se Sunte They, Agar Unhe Ghaib Ki Hota Toh Chori Se Sunne Ki Kya Zaroorat Unhe Waise Hi Khabar Ho Jaati Aur Fir Unhe Ye Tak Khabar Nahin Ke Un Par Pahra Kyon Laga Hai, Jab Bhi Wo Aasmano Ki Taraf Jaane Ki Koshihsh Karte Dahakta Hua Aag Apni Taak Me Paate, Who Yahi Sochte Ki Ham Par Pahra Kyon Laga Diya Gaya, Yahan Tak Ke Unhe Ye Tak Pata Nahin Chalta Ki Isme Zameen Walon Ki Bhalaayi  Ka Iraada Kiya Gaya Hai Ya Buraayi Ka, Unhe Kuch Pata Hi Nahin Chalta Lihaaaza In Logon Ko Ghaib Ki Kuch Khabar Hi Nahin

“ Hamne Suleman Par Maut Ka Huqm Bhej Diya Toh Iski Khabar Jinnaat Ko Kisi Ne Na Di Siwaaye Ghun Ke  Keede Ke Jo Unki Asaa Ko Kha Raha Tha Pas Jab Sulemaan Gir Pade Is Waqt Jinno Ne Jaan Liya Ke Agar Wo Ghaib Jaante Toh Is Zillat Ke Azaab Me Mubtela Na Rahte”

(Surah Saba Ayat No. 14)

Is Aayat Se Saabit Hai Ki Jinno Ko Ye Tak Nahin Pata Ki Suleman (As) Ki Maut Waaqe Ho Chuki Hai, Aur Wo Un Kaamon Ko Anjaam Dene Me Lage Rahe Jiska Huqm Unhe Suleman (As) Ne De Rakha Tha, Fir Jis Chhadi Se Tek Lagaaye Sulemaan (As) They Usme Ghun Pad Jaata Hai Aur Na Jaane Kitne Din, Kitne Maheene Ya Saal Ke Baad Chhadi Bilkul Khokhli Hokar Toot Jaati Hai Aur Suleman (As) Gir Padte Hain Tab Jaakar Jinno Ko Pata Chalta Hai Ki Suleman (As) Marr Chuke Hain, Tabhi Toh Who Kahte Hain Ke, Kaash Ham Ghaib Jaante Toh Itne Din Zillat Ke Azaab Me Na Pade Rahte Yani Yun Hi Din Raat Kaam Na Karte, Yahan Wo Khud Iqraar Kar Rahe Hain Ke Agar Wo Ghaib Jaante Toh Is Azaab Me Na Pade Rahte.

NOTE:

Suleman (As) Ke Zamaane Me  Jinnaton Ke Bare Mashoor Ho Gaya Tha Ke Ye Ghaib Ki Baatein Jaante Hain, Allah Tala Ne Suleman (As) Ki Maut Ke Zariye Is Aqeede Ke Fasaad Ko Wajeh Kar Diya

(Hashiya Quran Saudi Arabiya Surah Saba Ayat No 14)

To Be Continued

#Irfanali

#Islamicleaks

#Umairsalafialhindi

ILM E GHAIB KI HAQEEQAT AUR GUMRAH FIRQE: PART 5

Bismillahirrahmanirraheem

ILM E GHAIB KI HAQEEQAT AUR GUMRAH FIRQE: PART 5

FARISHTON KO ILM E GHAIB NAHIN :

DALEEL NO. 1

 Ab Aiiye Main Quran Ki Wo Daleelein Pesh Karta Hoon Jisse Saabit Hota Hai Ke Zemeen O Aasmaan Me Allah Ke Siwa Koi Ghaib Nahin Jaanta, Allah Tala Quran Me Fermata Hai

“Allah Ne Aadam Ko Tamam Naam Sikhaakar Un Chezon Ko Farishton Ko Saamne Pesh Kiya Aur Farishton Se Kaha, Agar Tum Jaante Ho Toh Batao, In Sab Ne Kaha Aiy Allah Teri Zaat Paak Hai, Hamen Toh Sirf Itna Hi Malum Haijitna Tone Hamen Sikha Rakha Hai, Poore Ghaibon Aur Hikmat Ka Jaanne Wala Toh Sirf Tu Hi Hai”

(Surah Baqarah Ayat No. 31-32)

Ye Aayat Is Baat Ki Daleel Hai Ke Farishton Ko Malum Hi Nahin Tha Ki Allah Ne Duniya Me Kya Kya Bana Rakha Hai Aur Ye Sab Allah Tala Ne Adam (As) Ko Sikhaaya Ke Falan Ka Naam Ye Hai Aur Falan Ka Ye Tab Jaakar Adam Ko Malum Hua Ki Kis Cheez Ka Kya Naam Hai? Aur Wo Usi Tarah Naam Gina Dete Hain Jaise Allah Ne Unhe Sikhaaya Tha Aur Farishtey La’jawab Ho Jaate Hain, Aur Iqrar Karte Hain Ke Aiy Allah Hamen Nahin Malum Ki Teri Kya Hikmat Hai, Adam (As) Ko Paida Karne Ki Beshaq Beshaq Saare Ghaibon Ka Jaanne Waala Sirf Tu Hi Hai,

NOTE:

Allah Tala Ne Tamam Cheezon Ke Naam Sikhaaya, Iski 2 Wajah Toh Zaahiri Hain

1-     

 Kaafir Ye Na Kahen Ki Us Waqt Un Cheezon Ke Naam Hi Na Pade Hon Jin Cheezon Ke Mutaallik Poocha Ja Raha Tha. Maslan Pahad Jharna, Nadiyan Wagerah, Agar Farishtey Sahih Naam Bata Bhi Dete Toh Kah Diya Jaata Ki Iska Naam Ye Nahin Balke Dusra Hai, Kaafiron Ke Is Shubuhaat Ko Allah Tala Ne Is Tarah Door Kiya Ki Adam Ko Pahle Hi Sabke Naam Bata Diye, Taaki Adam Gawah Rahen Ki Agar Farishton Ne Sahih Jawab Diya Toh Unke Saath Dhoka Nahin Kiya Jaayega.

2-       Dusri Zahiri Wajah Yah Thi Ke, Aiy Farishton Agar Tum Ghaib Jaante Ho Toh, Maine Jo Kuch Aadam Ko Sikhaya Hai Tum Ghaib Se Malum Kar Lo Ki Maine Adam Ko Kya Sikhaaya ? Aur Agar Ye Bhi Nahin Kar Sakte Toh Adam Ke Dil Me We Tamam Baatein Mahfooz Hai, Jo Ghaib’daan Hota Hai Wo Dilon Ki Baton Ko Bhi Jaanta Hai, Lihaaza Agar Tum Ghaib Jaante Ho Toh Adam Ke Dil Ka Raaz Jaan Lo, Ayr Bata Do, Itni Aasaani Aur Sahooliyat Ke Baad Bhi Farishte Naam Bataane Se Aaziz Rahe,

Ghair Muslim Sawaal Karte Hain Ki Allah Ne Adam Ko Kyun Sikhaaya ?? Jab Farishton Ko Sikhaaya Hi Nahin Toh Poocha Kyon ?? Kya Ye Chalaaki Nahin Hai ??

Arz Ye Hai Ki Imtehaan Farishton Ka Tha, Adam Ka Nahin, Farishton Ki Isliye Nahin Bataya Ki Agar Jawab Hi Bata Diya Jaaye Toh Sawaal Ka Faayeda Hi Kya, Dusre Ye Ki Farishtey Ghaib’daan Hote Toh Unhe Batao Ya Na Batao Khabar Ho Hi Jaati,

SHUBUHAAT:

Maolwion Ka Ye Kahna Ke Jab Adam Ko Tamam Kaaynaat Ka Ilm Sikhaaya Gaya , Toh Mere Nabi Ka Kya Kahna ??

JAWAB:

Arz Hai Agar Kisi Shakhs Ko Koi Cheez Dikhaakar Uska Naam Bataya Jaaye,  Ke Ye Falan Cheez Hai Aur Ye Falan Cheez, Kya Ye Ghaib Hai ?? Jabke Ja’al Haq Ke  Musannif Khud Likhte Hain Ke Kisi Ke Baatne Se  Kisi Cheez Ka Malum Ho Jaana Ghaib Nahin Hai,

Dusri Baat Ye Tamam Naam Sikhaakar Un Cheezon Ko Farishton Ke Saamne Pesh Karne Ka Matlab Yah Nahin Ki, Allah Apni Saari Sultanate Aur Apni Tamam Rubuwiyat Ke Tamam Poshida Raaz Adam Ko Sikhaaye, Balke Agar Kuwen Ke Mendak Se Sawaal Kiya Jaaye Toh Sirf Kuwen Ke Andar Ka Hi Maamlaat Ke Bare Me Poocha Jaayega, Samundar Ke Bare Nahin,

Allah Tala Ke Ilmi Samundar Kea Age Farishton Ka Ilm Kuwen Ke Mendak Sa Hai, Isliye  Allah Ne Sirf Is Kuwen Jaisi Choti Cheezon Ke Andar Ka Haal Aadam Ko Sikhaaya Hai, Aur In Cheezon Ko Farishton Kea Age Pesh Karke In Tamam Cheezon Ke Naam Ke Bare Me Poocha, Ke In Cheezon Ke Naam Ki Bata Do Jo Tumhari Rasaayi Ke Andar Hai,

Isi Tarah Agar Kisi Primary Ke Bacche Se Paper Liya Jaayega Toh Un Tamam Cheezon Ke Bare Me Poocha Jaayega Jo Uski Primary Kitab Me Hai Ye Nahin Ke BA, B.COM, M.COM, Ke Bare Me, Ya Duniya Ke Jitney Bhi Taalimi Ilm Hain Inke Bare Me Poocha Jaayega,

Primary Ke Bacchon Ke Liye Ye Class Aur Kitaben Ki Poori Duniya Hai Ab Ye Kya Baat Hui Ki Is Class Wala Ilm Toh Seekha Hi Nahin, Aur BA, B.ED, YA DR. Engineer, Ke Course Ke Mutaallik Ilm Hone Ka Dawa Kar Do, Aur Jab Master Daawe Ke Imtehaan Ke Liye Tumhare Hi Class  Ki Kitabon Ke Bare Me Kisi Dusre Ladke Ko Bataakar Tumhara Imtehaan Le Toh Tum Lachaar Ho Jao, Toh Master Yahi Kahega Ki Tumhe In Cheezon Ka Ilm Toh Hai Hi Nahin, Jo Tumhare Saamne Aur Tumhari Rasaayi Ke Andar Hai Aur Daawa Tamam Jahan Ka, Lihaaza Ye Kahna Kea Dam Ko “Ma Kaan Aur Ma Yaqoon” Ka Yani Saari Kaaynaat Ka Ilm Diya Gaya Tha Mahaz Jihaalat Hai,

DALEEL NO. 2

“Allah Tala  Qayamat Me Farishton Ko Jama Karke Poochega, Kya Tumne Kaha Tha Mujhe Poojo Aur Aur Allah Ki Betiyan Qarar De Do, Farishtey Kahenge, Aiy Allah Hamen Kya Khabar Ke Ye Hamen Pukaarte They Ye Toh Mahaz Shaitan Ko Poojte They”

(Surah Saba Ayat No.40-41)

Is Ayat Se Poori Tarah Wazahat Ho Gayi Ki Farishton Ko Ye Tak Khabar Nahin Ki Kuffar Unko Poojte Aur Allah Ki Betiyan Qarar Dete They Aur Aaj Tak Kaafir Farishton Ko Devta Ke Roop Me Poojte Hain Qayamat Me Jab Allah Unko Batayega Tab Un Logon Ko Malum Hoga Aur Wo Shakhti Se  In Pooja Path Ka Inkaar Kar Denge…

To Be Continued

#Islamicleaks

#Irfanali

#Umairsalafialhindi