ILM E GHAIB KI HAQEEQAT AUR GUMRAH FIRQE: (PART 13)

Bismillahirahmanirraheem

ILM E GHAIB KI HAQEEQAT AUR GUMRAH FIRQE: (PART 13)

16 AYATEIN AUR USKA JAWAB:

DALEEL  NO . 9

 

Molwi Sahab Ki Agli Daleel

“Ab ‘Wahiy’ Farmaayi Apne Bande Ko Jo ‘Wahiy’ Farmaayi”

(Surah Namal Ayat No. 4)

JAWAB:

Ab Janaab Is Aayat Se Na Jaane Kaise Nabi Sallallaho Alaihi Wasallam Ko Ghaib’daan Saabit Karne Par Tule Hain Iske Jawaab Me Toh Bas Isi Ke Aage Ki Aayaton Ko Main Likh Deta Hoon Aap Khud Ba’khud Samjh Jaayenge Ke Maamla Kya Hai ??

“Is Qur’an Ko Poori Taaqat Waale Farishte Ne Sikhaaya Hai Jo Jor Aawar Hai, Fir Wo Seedha Khada Hua Aur Wo Buland Aasmaano Ke Kinaaron Par Tha, Fir Nazdeek Hua Aur Utar Aaya Fir Wo Do Kamaano Ke Ba’qadr Faasle Rah Gaya Balke Isse Bhi Kam Pas Isne Allah Ke Bande Ko’wahiy’ Farmaayi Job Hi Pahunchaayi”

(Surah Najam Ayat No. 4-10)

Is Aayat Me Allah Tala Ne Nabi Sallalaho Alaihi Wasallam Par ‘Wahiy’ Kis Tarah Jibreel (As) Lekar Aaye They Wo Kaifiyat Bayan Farma Raha Hai, Isse Nabi Sallallaho Alaihi Wasallam Ko Ghaib’daan Saabit Karna Ilm Se Kora Hone Ki Khuli Daleel Hai,

DALEEL NO. 10

Molwi Sahab Ki Agli Daleel

“Aur Rasool Tumhare Gawaah Honge”

(Surah Baqarah Ayat No 143)

Molwi Sahab Likhte Hain, Dekhi Gawaahi Maani Jaati Hai Suni Nahin, Lihaaza Nabi Sallallaho Alaihi Wasallam Qayamat Tak Ki Saari Baate Jaan Rahen Hain Tabhi Toh Mahshar Me Gawaahi Denge

JAWAB:

Is Ayat Se Ye Janab Aur In Jaise Kai Molwi Ye Saabit Karte Hain Ki Gawaahi Den Eke Liye Dekhna Zaroori Hai Aur Nabi Sallallaho Alaihi Wasallam Qayamat Tak Ke Saare Ummat Ka Haal Ahwaal Yahan Tak Ke Unke Dilon Me Imaan Kis Darje Ka  Hai, Nabi Sallallaho Alaihi Wasallam  Sab Jaan Rahen Hain, Tabhi Toh Gawaahi Dene Aayenge,

Aiyye Quraan Aur Hadith Me Dekhen Ke Yahi Baat Quraan Me Kai Jagah Aayi Hai Jisme Pichhle Saare Nabion Se Gawaahi Li Jaayegi Aur Saare Farishton Se Bhi Gawaahi Li Jaayegi Yahan Tak Ke Ummat E Muhammadia Se Bhi Gawaahi Li Jaayegi, Kya Ummat Ke Log Ghaib Jaante Hain ? Agar Nahin Jaante Toh Gawaahi Kaise Denge,  Aao Dekhen Gawaahi Ka Matlab Kya Hai Aur Gawaahi Ke Liye Ghaib Jaanna Zaroori Hai Ya Nahin, Pahle Wah Aayat Dekhen Ke Gawaahi Kaun Kaun Dega

“Jis Roz Allah Tamam Paighambaron Ko Jama Karega Fir Irshad Farmaayega Tum Ko Kya Jawab Mila, Wo Kahenge Hamko Kuch Khabar Nahin Beshaq Beshaq Tu Posheeda Baton Ko Jaanne Wala Hai”

(Surah Maayeda Ayat No. 109)

“Aur Jis Din Ham Har Ummat Par Unhi Mese Inke Muqaable Par Gawaah Khada Karenge Aur Inhe In Sab Par Gawaah Bana Kar Laayenge”

(Surah Nahal Ayat No. 89)

“Hamne Isi Tarah Tumhe Aadil Ummat Banaaya Take Tum Logon Par Gawaah Ho Jaao Aur Nabi Tum Par Gawaah Ho Jaaye”

(Surah Baqarah Ayat No. 143)

“Rasool Tum Par Aur Tum Logon Par Gawaah Ho Jao”

(Surah Al Hajj Ayat No. 78)

In Aayaton Se Pata Chala Ki Sirf Nabi Sallallaho Alaihi Wasallam Hi Nahin Balke Tamam Rasoolon Se Unke Ummaton Par Gawaahi Li Jaayegi Aur Ummate Muhammadi Ko Allah Tala Ne Wo Sharf Bakhsha Hai Ke Ye Ummat Picchli Tamam Ummaton Ki Aur Rasoolon Ki Gawaahi Degi, Ham Gawaahi Kaise Denge Aiyye Nabi Sallallaho Alaihi Wasallam Ka Farmaan Dekhen

Isi Ayat Ki Tashreeh Me Hz Abu Saeed Khudri (Ra) Ki Riwayat Hai, Ki Nabi Sallallaho Alaihi Wasallam Ne Farmaya

“”Mahshar Ke Din Nooh (As) Ko Bulaaya Jaayega, Allah Unse Sawaal Karega Ke Tumne Hamara Paigham Apni Qaum Tak Pahucha Diya Tha, Wah Arz Karenge Haan ! Mere Rabb , Fir Unki Qaum Se Poocha Jaayega Ke Nooh Ne Hamara Paigham Tumhe Pahuncha Diya Tha, Wah Jawab Denge Hamare Paas Koi Daraane Waala Nahin Aaya, Is Par Allah Nooh (As) Se Farmaayega Tere Haq Me Koi Gawahi Dene Wala Hai, Wah Kahenge Muhammad (Sws) Aur Unki Ummat, Fir Ummat E Muhammadiya Gawahi Degi Ke Nooh (As) Ne Tera Paigham Apni Qaum Tak Pahucha Diya Tha, Allah Tala Poochega Tumhe Kaise Malum Tum Us Waqt They Hi Nahin, Tab Ummat Kahegi Aiy Allah Tala  Hamare Darmiyaan Tere Aakhiri Rasool Aaya Tha Aur Us Par Teri Kitaab Naazil Hui Thi Jisme Bayan Kiya Tha Ke Nooh (As) Aur Is Tarah Se Tere Saare Nabion Ne Apni Apni Qaum Tak Mera Paigham Pahucha Diya Tha Fir Allah Ke Rasool Muhammad Sallalaho Alaihi Wasallam Gawaahi Denge Ke Beshaq Maine In Tak Ye Khabar Pahucha Diya Tha”

(Sahih Bukhari, Kitab Ut Tafseer)

Yahi Matlab Hai Gawaahi Dene Ka Jo Nabi Sallalaho Alaihi Wasallam Ne Saaf Lafzon Me Farma Diya, Ab Hamen Bataya Jaaye Is Gawaahi Me Ghaib Ka Kya Lena Dena Yahan Toh Haqaiq Ki Roshni Me Gawaahi Di Ja Rahi Hai, Fir Agar Aap Nabi Sallalaho Alaihin Wsallam Ko Ghaib’daan Saabit Kar Rahen Hain Toh Is Aayat Aur Sahi Hadith Se Toh Pata Chalta Hai Ki Ummat Bhi Gawaahi Degi Toh Kya Saari Ummat Aur Ummat Ka Eke K Baccha Bhi Aur Auratein Sab Ke Sab Ghaib’daan Ho Gaye ??

Ek Baat Aur Agar Aap Dekhi Gawahi Ke Qayel Hain Toh Fir Aap Kalma Kyun Padhte Hain Kya Aapne Allah Tala Ko Dekha Hai ?? Nabi Ko Dekha Hai ?? Jo Aap Anjaano Me Kahte Hain, Main Gawaahi Deta Hoon Ke Allah Ke Siwa Koi Mabood Nahin, Ye Aapko Kaise Malum Pada,

Isi Tarah  Aap Kahte Hain Ke Main Gawaahi Deta Hoon Ke Nabi Sallalaho Alaihi Wasallam Allah Tala Ke Rasool  Hain, Kya Aapne Rasool Ko Dekha Hai ??

Isi Tarah Jannat , Jahannum, Farishtey, Aakhirat Wagerah Kisi Ko Kisi Ne Nahin Dekha Magar Fir Bhi Ye Gawaahi Deta Hai Ki Ye Sab Hai,

Malum Hua Jis Tarah Ham Duniya Me Beghair Dekhe Sirf Allah Ke Qur’an Par Imaan Rakh Kar Dete Hain, Theek Isi Tarah Mahshar Me Bhi Qur’an Ke Mutaabik Ham Aur Nabi Sallallaho Alaihi Wasallam Gawaahi Denge

#Islamicleaks

#Irfanali

#Islamicleaks

ILM E GHAIB KI HAQEEQAT AUR GUMRAAH FIRQE: (PART 12)

Bismillahirahmanirraheem

Ilm E Ghaib Ki Haqeeqat Aur Gumrah Firqe: (Part 12)

16 Ayatein Aur Uska Jawab:

Daleel  No .7

Molwi Ahab Ki Agli Daleel

“Aur Hamne Tum Par Qur’an Utaara Ke Har Cheez Ka Roshan Bayaan Hai”

(Surah An Namal Ayat No.1)

Jawab:

Iska Jawab Daleel No.8 Me Dekhe

Daleel No.8

Molwi Sahab Ki Agli Daleel

“Rahman Ne Qur’an Sikhaaya”

(Surah Rahman Ayat No.2)

Molwi Sahab Likhte Hain, Qur’an Me Har Cheez Ka Bayan Hai, Lehaaza Ghaib Bhi Toh Ek Cheez Hai, Toh Rabb Ne Qur’an Sikhaaya Toh Roshan Ho Gaya Ke Apne Mahboob Ko Ilm Ghaib Ka Bhi Waazeh Bayaan Sikhaaya,

Jawab:

Pata Nahin Ye Log Kya Padhte Padhaate, Apne Apne Madarson Me Allah Inko Aqal De Aur Theek Farmaya Rabb Ne Qur’an Me

“Inki Ankhen Hain Magar Ye Dekhte Nahin, Kaan Hain Magar Sunte Nahin,Inke Dilon Par Taale Pade Hain”

(Surah Baqarah Ayat No.7)

Itni Saaf Saaf Aayaton Ko Ye Log Mahaz Apni Zid Aur Nafsiyaati Khwahishaat Ke Bina Par Ya Toh Inkaar Kar Dete Hain Ya Fir Un Aayaton Ki Parwaah Kiye Beghair Un Aayaton Par Nazar Karte Hain, Jo Kahin Se Bhi Inke Muwaafiq Nahin Hoti Fir Ye Un Aayaton Ki Ghalat Taweelein Karke Apne Muwaafiq Bana Lete Hain.

Ab Mujhe Batao, Qur’an Me Toh Jadu Ka Bhi Zikr Hai Toh Kya Nabi Sallalaho Alaihi Wasallam Ko Jadu Ka Ilm Bhi Sikhaaya Gaya Hai Ya Nabi Sallalaho Alaihi Wasallam Ko Qur’an Sikhaaya Gaya Toh Kya Nabi Sallaho Alaihi Wasallam Jadu Bhi Seekh Gaye Jabki Allah Tala Yun Fermata Hai

“Ye Log Wah Cheez Sikhaate Hain Jo Inhe Nuksaan Pahunchaayen Aur Nafa Na Pahuncha Sake, Aur Wah Bil Yaqeen Jaante Hain Ke Jadu Sikhne Wale Ka Aakhirat Me Koi Hissa Nahin”

(Surah Baqarah Ayat No. 102)

Isi Tarah Allah Ke Rasool Ne Bhi Farmaya:

“Un Cheezon Se Bacho Jo Halaakat Karne Waali Hai, ”

Logon Ne Kaha:-“Wah Kya Hai”

Toh Aap Sallalaho Alaihi Wasallam Ne Farmaya:-“Allah Ke Saath Shirk Aur Jadu”

(Bukhari, Muslim)

Toh Malum Hua Quran Me Jadu Ka Zikr Toh Hai Magar Nabi Sallalaho Alaihi Wasallam Ne Jadu Nahin Seekha, Aur Na Hi Allah Tala Ne Apne Nabi Ko Jaadu Sikhaaya

Allah Tala Fermata Hai:-“Mera Nabi Jadugar Nahin Hai”

(Qur’an)

Toh Pata Chala Qur’an Me Kisi Cheez Ka Zikr Aa Jaane Se Us Cheez Ka Ilm Ata Nahin Ho Jaata Jaise Qur’an Me Allah Tala Ne Farmaya Hai, Qayamat Ka Zikr, Rooh Ka Zikr, Barish Ka Zikr Wagerah Farmaakar Khud Kaha Ki In Sab Ghaibon Ka Haal Kisi Ko Bhi Malum Nahin Aur Nabi Sallalaho Alaihi Wasallam Ne Bhi Hazaaron Hadeesen Bayan Kar Di Hain Ke Main Ghaib Nahin Jaanta,

Magar Ye Hadh Se Gaye Ghuzre Log Nabi Sallallaho Alaihi Wasallam Ki Baton Ka Bhi Inkaar Karke Khaam’kha Unko Ghaib’daan Banaane Par Tule Rahte Hain, Fir Qur’an Me Allah Tala Ne Saare Ghaibon Ka Bayan Toh Kiya Nahin Hai, Balke Yun Kaha Hai Ke Har Cheez Ka Roshan Bayaan Hai Yani Wo Roshan Bayan Hai Jisse Insaan Ibrat Haasil Kare Jaise Aadmi Apne Aap Ko Dekhe Ki Wo Kaise Paida Kiya Gaya, Kaaynaat Ko Dekhe Ki Uski Haqeeqat Kya Hai, Isitarah Nek Amal Kaise Kiya Jaaye Uska Bhi Roshan Bayan Hai,Isi Tarah Qayamat Kya Hai, Marne Ke Baad Kya Hoga Jannat-Jahannam  Kya Hai ?? Wagerah Yani Wo Baatein Jo Insaan Ko Ek Saccha Tauheed Parast Musalman Banne Me Kaam Aati Hai Un Baton Ka Roshan Bayaan Hai Na Ke Saare Ghaibon Ko Kaise Jaana Jaaye Iska Bayaan Hai,

Shubuhaat:

Molwion Ka Ye Kahna Ke Nabi Sallalaho Alaihi Wasallam Ko Jadu Ka Ilm Sikhaaya Gaya, Lihaza Aap Jadugar Bhi Bhi They, Balke Ahmad Yar Khan Sahab Shami Ke Muqaddame Ki Taeed Karte Hue Kahte Hain Jadu Ka Seekhna Farz Hai

(Surah Baqarah Ayat No. 102)

Jawab:

Ye Mahaz Baqwaas Hai ! Kyonki Allah Tala Apne Nabion Ko Jadu Nahin Nahin Sikhaata, Isi Tarah Ka Ilzaam Suleman (As) Par Bhi Lagaaya Tha Ki Sulemaan (As) Ki Taaqat Wa Quwwat Ka Raaz Jaadu Hai Allah Tala Ne Qur’an Me Iski Tardeed Farmaayi,

Allah Tala Fermata Hai

“Suleman Ne Toh Kufr Nahin Kiya, Kufr Shaitaan Karte They Wah Logon Ko Jadu Sikhaate They”

(Surah Baqarah Ayat No 102)

Yani Suleman (As) Na Toh Jadu Jaante They, Na Hi Jadu Sikhaaye Gaye They, Kyonki Jadu Ka Seekhna Kufr Hai Isi Tarah Fir’aon Ne Moosa (As) Ko Jadugar Kaha Tha, Qur’an Fermata Hai

“Fir’aon Kahne Laga Yaqeenan Yahi (Moosa) Bada Jadugar Hai”

(Surah Taha Ayat No. 71)

Malum Hua Nabion Ka Ye Samajhna Ki Inke Paas Jadu Ka Ilm Hai, Yah Kafiron Aur Fir’aonion Ka Kaam Hai, Allah Ne Toh Nabi Aur Momino Ko Jadu Ka Ilm Rakhne Walon Se Allah Ki Panaah Maangna Sikhaaya Hai,  Allah Fermata Hai

“Aap Kah Do ! Main Panaah Me Aata Hoon Kaaynaat Ke Rabb Ki, Girah Lagaakar Phoonk Maarne Waalion Ke Sharr Se"

(Surah Falaq Ayat No. 4)

Girah Me Phoonk Maarkar Jaadu Karna Ye Jaadugaron Ka Kaam Hai, Agar Nabi Sallalaho Alaihi Wasallam Jadu Ka Ilm Jaante Hain Toh Khud Ko Kyon Is Ilm Ke Rakhne Walon Se Panaah Maang Rahe Hain, Is Ayat Me Musalman Bhi Jaadugaron Ke Sharr Se Allah Ki Panaah Maangte Hain Agar Nabi Sallalaho Alaihi Wasallam Jaadu Jaante Hain Toh Goya Wo Nabi Sallalaho Alaihi Wasallam Ke Sharr Se Panaah Maangte Hain.

Hazrat Abu Hurairah (Ra) Farmate Hain Ke Nabi Sallalaho Alaihi Wasallam Ne Farmaya:-“Jo Shakhs Kisi Kaahin Ke Paas Jaata Hai Aur Uski Tasdeek Karta Hai Wo Nabi Sallallaho Alaihi Wasallam Par Jo Kuch Utara Hai Uska Munkar”

(Abu Dawood)

Malum Hua Jadu Ka Ilm Rakhne Walon Ke Paas Jaana Aur Unki Sacchaayi Ki Tasdeek Karna Kufr Hai, Ab Sawaal Uthta Hai Baqaul Aapke Nabi Sallallaho Alaihi Wasallam Jadu Ka Ilm Rakhte Hain Aur Imaan Wale  Aapki Tasdeek Karte Hain Toh Ye Log Kya Hue Momin Ya Kaafir ??

Mera Imaan Hai Ki Allah Ke Rasool Ko Na Toh Ilm Ghaib Tha Aur Na Hi Aap Sallallaho Alaihi Wasallam Ko Jaadu Ka Ilm Tha, Kyonki Rasool Ki Shariat Aur Allah Tala Ka Khatmi Deen Elaan Kar Raha Hai Ki….

“Ye Log Wah Seekhte Hain Jo Inhe Nuksaan Pahunchaaye Aur Nafa Na Pahuncha Sake, Aur Wah Jaante Hain Ke Is (Jadu) Ke Seekhne Walon Ka Aakhirat Me Koi Hissa Nahin Aur Ye Bat’tar Cheez Hai”

(Surah Baqarah Ayat No.102)

To Be Continued

#Irfanali

#Islamicleaks

#Umairsalafialhindi

ILM E GHAIB KI HAQEEQAT AUR GUMRAH FIRQE: (PART 11)

Bismillahirahmanirraheem

ILM E GHAIB KI HAQEEQAT AUR GUMRAH FIRQE: (PART 11)

16 AYATEIN AUR USKA JAWAB:

DALEEL  NO .2

Molwi Sahab Ki Agli Daleel

“Aur Ye Ghaib Ki Khabrein Hain Jo Ham Tumhari Taraf Wahiy Karte Hain”

(Surah Aal E Imraan Ayat No 44)

 JAWAB:

Waqi Ghaib Ki Khabrein Allah Tala Wahiy Ke Zariye Jab Chaahta Hai Nabi Sallalaho Alaihi Wasallam Ko Khabar Kar Deta Hai Zindagi Bhar Ke Liye Ata Nahin Karta Ke Jab Chaho Apni Marzi Se Kuch Bhi Pata Kar Lo, Agar Aisa Hota Toh Nabi Salallaho Alaihi Wasallam Ko Koi Pareshaani Nahin Hoti Aur Na Hi Wo Wahiy Ka Intezaar Karte Balke Posheeda Baton Ko Jaannne Ka Ek Hi Zariya Hai Aur Wo Wahiyy Hai Bas,

DALEEL NO. 3

Molwi Sahab Ki Agli Daleel

“Aur Ye Ghaib Ki Baatein Hain Jo Khufiya Taur Par Tumhe Bataate Hain”

(Surah Aal E Imraan Ayat No 44)

JAWAB:

Yahi Toh Ham Bhi Kah Rahen Hain Ki Baatein Bataayi Jaati Hain, Ghaib Ko Pata Karne Ka Power Yani Quwwat Ata Nahin Kiya Gaya Aur Kisi Ke Kuch Bata Dene Se Baatein Malum Ho Jaana Ghaib Nahin Hai, Aur Khufiya Taur Par Isliye Bataayi Jaati Hain Ki Kahin Sarkash Jinn Na Sun Lein, Isliye Farishton Ka Pahra Laga Diya Jaata Hai,

DALEEL NO. 4

“Allah Ki Shaan Ye Nahin Ki Tumhe (Aiy Sahaba) Ghaib Ki Baton Se Aagaah Karen Balki Allah Tala Apne Rasoolon Mese Jise Chaahta Hai Chun Leta Hai”

(Surah Aal E Imraan Ayat No 179)

JAWAB:

Molwi Sahab Aur Unke Tamam Party Is Aayat Ko Aur Is Daleel Ko Khud Hi Inkaar Kar Dete Hain Yahan Toh Wo Khud Iqraar Kar Rahen Hain Ke Allah Tala Ki Ye Shaan Nahin Ki Sahaba Ko Ghaib Ata Karen, Allah Sirf Nabion Ko Hi Aagaah Karta Hai, Magar Yahi Log Umar (Ra) Ko Aur Tamam Buzurgaan E Deen Ko Ghaib’daan Saabit Karte Hain. Inki Pooroi Ki Poori Kitaabein Awliyaon Ke  Ghaibi Kaarnaamon Se Bhari Padi Hain,

Kya Main Sawaal Kar Sakta Hoon Ki Aap Log Apne Apne Awliyaon Aur Buzurgon Ko Ghaib’daan Saabit Karke Is Aayat Ka Inkaar Karte Ho Ya Is Aayat Ko Qur’an Hi Nahin Samjhte Ho, Yahan Par Toh Aap Log Nabi Sallaho Alaihi Wasallam Ko Ghaib’daan Saabit Karne Ke Liye Ye Aayat Pesh Kar Diya Aur Iqraar Kiya Ki Allah Tala Nabi Ke Elawa Sahaba Ko Bhi Ghaib Ata Nahin Karta, Duniya Me Nabi Sallalaho Alaihi Wasallam Ke Baad Sabse Azeem Hastiyon Ko Yani Sahaba Ko Jab Allah Ghaib Nahin Ata Karta Toh Fir Tumhare Babaon Ko Kahan Se Ata Ho Jaata Hai ?? Jo Sahaba Ke Nakhun Ke Baraabar Bhi Nahin Hain, Nabi Sallallaho Alaihi Wasallam Ke Taalluq Se Upar Jawab Diya Ja Chukka Hai

DALEEL NO. 5

“Ye Nabi Ghaib Bataane Me Bukhl Nahin”

(Surah At Taqweer Ayat No 24)

JAWAB:

Nabi Sallalaho Alaihi Wasallam Deen Ki Baatein Bataane Me Bukhl Nahin Karte Kyonki Deen Ki Baton Par Imaan Laana Hi Tauheed Hai Aur Imaan Ye Hai Ki Jannat, Jahannum, Mehshar, Barzakh Aur Farishton Aur Allah Tala Ko Beghair Dekhe Sirf Qur’an Aur Nabi Sallalaho Alaihi Wasallam Ke Farmaan Ko Sunkar Imaan Laaya Jaaye Lihaaza Ye Deeni Baatein Jiska Taalluq Islaam Se Hai Aur Jiske Bare Me Allah Taala Ne Qur’an Me Bata Diya Hai Ki Ache Amal Par Jannat Hai Warna Jahannam Jaise Jannat Ki Nematein, Jahannum Ki Holnakiyan, Mehshar Ki Pareshaniyan Is Tarah Ki Posheeda Baatein Jo Allah Taala Ne Nabion Ko Bataayi Aisi Baatein Baataane Me Nabi Bukhl Nahin  Karte, Baaki Raha Ghaib Ka Ilm Ata Karna Toh Ye Power Quwwat Kisi Ko Ata Nahin Kiya Gaya, Tabhi Toh Rabb Ne Farmaya Ke Kah Do

“Mere Paas Allah Ke Khazaane Nahin Hain Aur Na Hi Main Ghaib Jaanta Hoon”

Balke Allah Ne Saaf Kah Diya Ki Zameeno Aasmaano Me Allah Ke Elaawa Koi Ghaib Nahin Jaanta

DALEEL NO. 6

“Aur Sikha Diya Jot Um Nahin Jaante They Aur Allah Ka Tumpar Bada Fazl Hua”

(Surah Nisa Ayat No 113)

JAWAB:

Bechare Molwi Sahab Is Aayat Se Ye Saabit Karna Chaahte Hai Ke Allah Tala Ne Nabi Sallalaho Alaihi Wasallam Ko Ghaib Sikha Diya, Jabke Allah Tala Ne Quraan Me Kai Jagah Saaf Saaf Farma Diya Ke Zameeno Aasmaan Me Allah Tala Ke Siwa Koi Ghaib Nahin Jaanta Magar Ye Molwi Sahab Jo Hai Jo Quraan Ki In Saaf Saaf Aayaton Ka Ya Toh Inkaar Karke Ya Nazar’andaaz Karke Un Ayaton Ki Taraf Rukh Karte Hain Jo Inke Muwafiq Hoti Hi Nahin Hain,

Aiyye Quraan Dekhen Ki Nabi Sallalaho Alaihi Wasallam Ko Allah Taala Ne Kya Sikhaaya, Allah Tala Quraan Me Farmaata Hai

“Aiy Nabi Isse Pahle Aap Jaante Hi Nahin They Ki Imaan Kya Hai, Aur Islaam Kise Kahte Hain”

(Surah Shura Ayat No. 52)

Isse Pahle Nabi Sallalaho Alaihi Wasallam Nahin Jaante They Ki Imaan Aur Islam Ke Bare Me Fir Allah Taala Ne Nubuwwat Ata Farma Kar Aur Wahiyy Bhejkar Nabi Sallalaho Alaihi Wasallam Ko Isse Aagaah Kiya Aur Sikhaya Namaz , Roza, Hajj, Zakaat, Tauheed, Shirk, Bidat Wagerah Wagerah Aur Jo Kuch Is Deen Ke Liye Zaroori Baatein Thi Allah Taala Ne Wo Sab Baatein Nabi Sallalaho Alaihi Wasallam Ko Sikha Di,

Ek Baar Abu Talib Gaar E Hira Ki Taraf Se Guzre Dekha Nabi Sallallaho Alaihi Wasallam Namaz Padh Rahen Hain, Namaaz Ke Baad Chavcha Ne Pooche Bhateeje Ye Kya Kar Rahe They, Nabi Sallalaho Alaihi Wasallam Ne Farmaya Chacha Namaz Padh Raha Tha, Chacha Ne Kaha Is Atarh Namaz Padhna Kisne Sikhaaya ?? Nabi Sallalaho Alaihi Wasallam Ne Farmaya:

“Mere Rabb Ne Jibreel (As) Ko Bhejkar Namaz Padhna Sikhaaya” (Abu Dawood)

Malum Hua Allah Ne Nabi Sallalaho Alaihi Wasallam Ko Namaz , Roza , Hajj Wagerah Ki Wo Baatein Jo Is Deen Ke Liye Zaroori Thi Wo Baatein Sikhaaya Hai Aur Nabi Sallalaho Alaihi Wasallam Ne Ham Ummat Ke Logon Ko Wahi Baatein Sikhaayi Hain Ke Namaz Aise Padho, Roza Aise Rakho, Wgerah, Toh Pata Chala Ki Nabi Sallalaho Alaihi Wasallam Ko In Tareeqon Ke Bare Me Pata Nahin Tha Yahan Tak Ke Nabi Sallalaho Alaihi Wsallam Ko Ye Tak Malum Nahin Tha Ki Imaan Kise Kahte Hain Aur Islaam Kya Cheez Hai Fir Allah Taala Ne Nabi Sallallaho Alaihi Wasallam Ko Nubuwwat Ata Karke In Baton Ko Sikhaaya Take Nabi Sallallaho Alaihi Wasallam Apni Ummat Tak In Baton Ko Aur Ibaadat Ke Tareeqon Ko Sikha Den, Toh Malum Hua Allah Tala Ne Sikha Diya Un Baton Ko Jise Aap Nahin Jaante They Aur Allah Tala Ka Bada Fazal Hua Na Ke Ghaib Ka Ilm Sikhaaya

To Be Continued

#Umairsalafialhindi

#Islamicleaks

#Irfanali

ILM E GHAIB KI HAQEEQAT AUR GUMRAH FIRQE: (PART 10)

Bismillahirahmanirraheem

ILM E GHAIB KI HAQEEQAT AUR GUMRAH FIRQE: (PART 10)

16 AYATEIN AUR USKA JAWAB:

Ek Maulwi Sahab Hain Jinka Naam Saabir Hussain Hanafi Barkati Hai Inhone Nabi Sallalaho Alaihi Wasallam Ko Aur Awliyaon Ko Ghaib’daan Saabit Karne Ki Naqaam Koshish Ki Hai, Unhone Qur’an Ki 16 Ayatein Urdu  Akhbaar Siyaadad Jaded Me Shaya Kiya, Ye Daleelein Unhone Ek Kitaab Jaal Haq Se Li Thi Jiske Musannif Ahmad Yaar  Khan Naemi Hai, Aur Ye Kitaab Nagpur Se Chhapi Hai,

Jaisa Ki Maine Bayan Kiya Hai Ki Pata Nahin Kyon Ye Log Allah Ki Qibriyaai Aur Badhayi Aur Tareef Sunna Gawaara Nahin Karte Jahan Kisi Ne Allah Ki Shaan Uski Qudrat Taqat Wa Quwwat Ki Badhayi Ki Fauran Hi Ye Log Wahi Shaan Wahi Quwwat Apne Apne Babaon Me Saabit Karna Shuru Kar Dete Hain, Ab Babaon Ko Itna Taqat Wala Wa Ikhtiyaar Wala Agar Bana Denge Toh Duniya Sawaal Karegi Ke

“Inse Afzal Toh Nabi Wa Rasool Hote Hain, Unme Ye Taqat Toh Hai Nahin Fir In Babaon Me Kahan Se Aa Gayi”

Is Sawaal Se Bachne Ke Liye Ye Log Sabse Pahle Nabion Ko Ghaib’daan Saabit Karne Ki Naqaam Koshish Karte Hain, Fir Apne Aap Inka Raasta  Saaf Ho Jaata Hai,

Qasam Hai Rabbe Qaaba Ki In Logon Ne Apne Apne Babaon Ko Itna Badawa Diya Hai Ki Saare Nabi Milkar Bhi Inke Sirf Ek Baba Ki Barabari Nahin Kar Sakte, Aap Hairaan Nah On Inshaallah Agle Posts Me Main Inki Jhalak Dikhaunga Aap Daanton Tale Ungali Daba Lenge Aur Hairaan Wa Pareshaan Ho Jaayenge, Aiyye Dekhen Ye Hanafi Sahab Kya Pesh Kar Rahern Haim

DALEEL NO. 1

“Ghaib Ka Jaanne Wala Apne Ghaib Par Kisi Ko Zaahir Nahin Karta Siwaaye Apne Rasoolon Ke Jise Wah Pasand Kar Le”

(Surah Jinn Ayat No. 26-27)

Maulwi Sahab Likhte Hain

“Allah Nabion Ko Ghaib Ata Kar Deta Hai Yahan Tak Ke Apne Nabion Ko Qayamat Ka  Ilm Bhi Ata Kar Diya”

JAWAB:

Maulana Sahab Ne Poori Ayat Nahin Likhi , Agar Poori Ayaton Ko Likh Dete Toh Ye Ayat Khud Hi Masla Saaf Kar Deti, Poori Ayat Is Tarah Hai

“Ghaib Ka Jaanne Wala Apne Ghaib Ko Kisi Par Zaahir Nahin Karta Siwaaye Apne Rasoolon Ke Jise Wah Pasand Kar Le, Aur Unke Aage Peeche Pahre’dar Muqarrar Kar Deta Hai”

(Surah Jinn Ayat No. 26-27)

Is Ayat Se Toh Pata Chalta Hai Ki Nabi Sallalaho Alaihi Wasallam Ko Ilm E Ghaib Ata Hi Nahin Kiya Gaya, Agar Ghaib Ata Hi Kar Diya Gaya Hai Toh Fir Hz Jibreeel (As) Ko Aakar Khabar  Dene Ki Kya Zaroorat  Aur Us Khabar Ko Itni Nigraani Ki Kya Zaroorat Ki Aage Peeche Farishtey Un Baton Ki Hifaazat Karen Aur Sarkash Jinn Ko Nabi Sallalaho Alaihi Wasallam Se Door Rakhen,

Farishton Ki Itni Shakht Nigraani Is Baat Ki Daleel Hai Ki Aap Sallalaho Alaihi Wasallam Ko Ghaib Ata Nahin Kiya Gaya Balke Jibreel Un Posheeda Baton Ko Bataate Hain Tab Nabi Ko Maalum Hota Hai, In Baton Se Pata Chala Ki Jis Tarah 2 Log Aapas Me Koi Khoofiya  Baatein Karte Hain Toh Raaz Ko Bar’qaraar Rakhne Ke Liye Teesre Shakhs Ke Paas Aane  Par Pabandi Laga Di Jaati Hai Take Raaz Faash Na Ho Jaaye,   Theek Usi Tarah Sarkash Jinno- Shaitano Par Pabandi Laga Di Jaati Hai Take Wo Paas Jaakar Baatein Na Sun Saken Kyonki Wo Sarkash Jinn Chupke Se Baton Ko Sunkar Kisi Kaahin Ya Najoomi Ko Wo Baatein Bata Deta Jise Sunkar Ye Faasiq Log Jhooti Nubuwwat Ka Daawa Kar Sakte They Ya In Aayaton Me Fer Badal Kar Sakte They Aur Logon Me Apni Maqbooliyat Qayam Kar Lete,

Isi Tarah Kai Wujuhaat Ki Bina Par Jise Allah Hi Khoob Jaanta Hai Ke Tahat Pahra Laga Diya Jaata Tha, Malum Hona Chahiye Ki Shaitaan Logon Ko Gumraah Karne Ke Liye Faasiq Wa Faajiron Aur Kaahin Wa Najoomion Ko Aur Shobda’bazon Ko Apna Elchi Banaayen Rakhte Hain Aur Unse Ulte Seedhe Kaam Karwa Kar  Logon Ke Aqeede Ko Barbaad Karte Hain Isi Baat Ko Allah Tala Ne Yun Farmaya

“Suno Main Bataun Shaitaan Ki Par Utarte Hain,  Har Jhoote Gunahgaar Par Utarte Hain Jo Suni Hui Baat (Inke Kaan Me) Daalte Hain Aur Wo Aksar Jhoote Hain”

(Surah Ash Shura Ayat No. 221,222,223)

Is Ayat Se Pata Chala Ki Agar Shaitaano Ko Farishton Se Door Na Rakhen Toh Wo Log Bhi In Posheeda Baton Se Aagaah Ho Jaate Jo Nabion Ko Bataayi Jaati Thi, Toh Kya In Baton Ko Chupke Se Sun Lene Se  Ya Un Posheeda Baton Ke Pata Chal Jaane Se Wo Bhi Ghaib’daan Ho Jaate ??

Zaahir Si Baat Hai Kisi Ki Koi Baat Sun Lene Se Koi Ghaib’dan Nahin Ho Jaata Fir Nabi Sallalaho Alaihi Wasallam Se Pahle In Baton Ko Jibreel (As)  Ne Suna Aur Un  Baton Ko Sunkar Nabi Ko Baataane Aaye Toh Kya Jibreel (As) Ko In Baton Ka Pata Ho Jaane Se Wo Bhi Ghaib’daan Ho Gaye ??

Balke Unhone Toh Nabi Sallalaho Alaihi Wasallam Se Pahle Un Baton Ko Jaana Toh Kya Jibreel (As) Nabi Sallalaho Alaihi Wasallam Se Bhi Bade Ghaib’daan Ho Gaye Kyonki Unhone Nabi Sallalaho Alaihi Wasallam Se Pahle Un Baton Ko Jaana Jabki Allah Tala Qur’an Me Farmaata Hai

“Zameeno Aasmano Aur Saari Kaaynaat  Me Allah Ke Siwa Koi Ghaib Nahin Jaanta”

Jinno Aur Farishton Ke Mutaallik Maine Pahle Hawaale Pesh Kar Diya Hai Ki Unhe Ghaib Ka Ilm Nahin Hai Toh Pata Chala Ki Allah Apne Rasoolon Ko Posheeda Baatein Batata Toh Hai Magar Unhe Ghaib Jaanne Ki Ya Ghaib Ki Pata Karne Ki Quwwat Nahin Ata Karta Balke Farishton Ke Zariye Khabar Bhejta Hai Aur Ye Baat Sab Jaante Hain Ki Jo Baatein Jibreel (As) Ne Nabi Sallalaho Alaihi Wasllam Ko Bataayi Wahi Baatein Nabi Sallaho Alaihi Wasallam Ne Ummat Ko Bataayi Toh Jab Nabi Sallalaho Alaihi Wasallam Un Baton Ko Sunkar Ghaib’daan Ban Sakte Hain Toh Ummat Wahi Baton Ko Jaan Rahi Hai Toh Inhe Aap Kya Kahenge ??

To Be Continued

#Umairsalafialhindi

#Irfanali

#Islamicleaks