MUSAAFA EK HAATH SE YA DO HAATH SE: MUQALLIDEEN KE JAWABAT KA TAJZIYA

Bismillahirrahmanirraheem




MUSAAFA EK HAATH SE YA DO HAATH SE: MUQALLIDEEN KE  JAWABAT  KA TAJZIYA



Is Post Me Ham Muqallid Alim Abu Bilal Jhangwi Deobandi Ki Kitab Se Liye Gay Ek Unwaan Ka Tajziya Karenge Jise Deobandi Website “Tahaffuz E Ahlesunnatpune” Me Share Kiya Hai, Dar’asal Ye Poora Post Abu Bilal Jhangwi Ki Kitab “Tohfa Ahle Hadith” Se Copy Kiya Gaya Hai, Alhamdulillah Is Unwaan Ko Poora Jawab Ahle Hadith Aalim Abu Shuaib Dawood Arshad Sahab Ne Ek Kitab Ki Shakal Me De Diya Hai Jo “Tohfa Deobandiyyah” Ke Naam Se Mashoor Hai


ABUBILAL JHANGWI (DEOBANDI) KAHTE HAIN


Chunache Imaam Bukhari Rh Ne Sahi Bukhari Me Musafa 2 Hantho Se Karne Ki Hadis or Bazafta Baab Bhi Bandha Hai Par Gair Muqallid Ko imam Bukhari Rh pe Etemad Nhi (Iska jawab pichle article me publish ho chuka hai) Or Jab Hum Sahi Bukhari Se Rafayaden Ki Hadis Lat Hai To Waha sirf Baab Ke Naam Pe Gair Muqallid us Hadis Ka Inkar Kar Dete Hai ZARURI NHI KE 1 BAAB ME SIRF EK HI MASLA HOTA HAI


Chunache Bukhari Sharif Me Hi Ek Hadis Hai Ek Sahabi Rz Ne Masjid Me Qarz Diya Masjid ke Kaam Ke Liye Phir Jab Wapsi Ka Waqt pura Hone Ke Bawajod Bhi Paisa Wapis Na mila To unhone masjid Me Shor Sharaba Shuru Kar Diya fir Nabi KarimS.w Ne Irshad farmaya Ke Masjid Me unchi Awaaz Me Baat Mat Karo or Farmaya Kuch Qarz Ka hissa Maaf Kar do Hadis Lambi Hai maine Mafhom BayaKar Diya ………..


Chunache Yaha Baab Ek Hai Par Masla bahot Nikal Jayega ★ jais Masjid Ke Zaruriyat Ke Liye Qarz Lena ★ Qarz Ko Maaf Karna ★ Masjid Me Unchi Aawaz Se Baat Mat Karna Ab Agar Koi Baab Ki Wajah Se Dusre Masle Ko Na mane To Ye Uski Jihalat Hai Magar Baab Qayam karne Ka Matlb Hai Ke Wo Masla Hai Jo Baab Bandha Gaya Hai Khaaas Par Naam Nihad Ko Sharam Kaha
…




*★HADIS★★


Humse Umar Bin Aasin Ne Hadis Bayan Ki Unae Hamam ne Unse Qatadah Ne Bayaan Kiye Ke Maine Hazrat Anas Rz SE Pucha Kya Musafe Ka Dastur Nabi Karim S.w ke Sahaba Rz Me Tha To Unhone Jawaab diya jeee han


[[ Bukhari Sharif Jild 2 safa 926]]
…
Hazrat Ibn Masuud Rz Farmate hai Ke Muhje Nabi Kareem.S.w Ne Tashawood sikhaya To Meri Dono Hatheli Nabi Karim S.w ki Dono Hatheliyo Ke Darmiyan Thi



Or Kaab Bin Malik Rz Ne Bayan Kiya Ke Mai Masjid Me Dakhil Huwa To Waha Nabi Karim S.w Tashrif Farma The Talha Bin Abdullah Rz Badi Tezi Se Meri Taraf Aaaye Or Tauba Qubul Hone Par Mukhe Mubarak Baad Di


[[ Bukhari Sharif Jild 2 Safa 926 BAAB L MUSAAFAH] ]
…

Hammad Bin zaid Ne Ibn Mubark se Dono Hatho Se Musafa Kiya


[[ Bukhari Sharif Jild 2 safa 926]]

AHLE HADITH:

Sabse Pahle Toh “Tahaffuzahlesunnahpune “ Waale Me Sahih Bukhari Ki Hadith Ke Matan Me Chhedchhaad Ki Hai Unka Ye Kahna Ki

“Meri Dono Hatheli Nabi Karim S.W Ki Dono Hatheliyo Ke Darmiyan Thi”

Is Hadith Hz Abdullah Bin Masood (Ra) Ki Dono Hathelion Ka Zikr Nahin Hai, Agar Dono Hathelion Ko Maan Bhi Liya Jaaye Toh Bhi Musafae Ki Wo Kaifiyat Nahin Banti Jo Muqallideen Ke Yahan Raij Hai

bhai aapki pesh kardah hadith me mulaaqaat ke musaafah ka zikr nahi balke usme hai ke :-" rasoollullah sallalaho alaihi wasallah (pbuh) ne hz ibn masood (ra) to tashud sikhaate hue apne dono Haathon Ke Darmiyaan Liya Tha "


Maulana Abdul Hayy Luckhnawi Hanafi Marhoom Farmate Hain Ke:-" Aur Sahih Bukhari Me Jo Ye Hadith Hz Abdullah Bin Masood (Ra) Se Marwi Hai Ke:- " Mujhe Rasoollullah Sallalaho Alaihi Wasallah (Pbuh) Ne Tashud Sikhaaya, Haalaanke Mera Haath Un Ke Dono Haathon Ke Me Tha, Is Par Wah Musaafa Jo Mulaaqaat Ke Waqt Kiya Jaata Hai Muraad Nahi Hai, Balke Ye Haath Me Haath Lena Waisa Hai Jaisa Ke Buzurg Chhoton Ko Koi Cheez Taleem Dene Ke Waqt Haath Me Haath Le Lete Hai"

(Majmua Al Fatawa Jild 1 Page 119)


Aur Agar Aap Isko Mulaaqaat Ke Musaafa Par Hi Mahmool Karte Hain Toh Zaahir Hai Ke Hz Ibn Masood (Ra) Ne Ek Hi Haath Se Musaafah Kiya Tha, Jaisa Ke Kafi Se Saabit Hota Hai,

Maulana Abdul Hai Lucknawi Ki Is Wazaahat Ke Baad Mujhe Nahin Lagta Ki Is Hadith Par Aur Wazaahat Karne Ki Zaroorat Hai,

ABU BILAL JHANGWI YA TAHAFFUZ AHLE SUNNAH PUNE WALE AHLE HADITH KA DHOKA BAYAN KARTE HUE LIKHTE HAIN:

Dhokha No.1
————————————————
Hazrat Abdullah Ibn Masud Rz Ke 1 Hanth The Isliye Hum.1 Hanth Se Musafa Karte hai
————————————————
★Aqal se Kaam Lo To Iska Jawab Asaam.Hai
————————————————
Jab Koi Kisi Se Musafa karta Hai 2 Hanth Se To Uska (RIGHT) DAYAN hanth Dusre Ke 2no hanth Ke Bich Hi Hoga 2no Ka (RIGHT) Dayan Hanth Hi 1 Dusre Ke Bich Hoga
★Naqli Jawab NABI KARIM S.W Dono Hanth The Hume Bhi 2 Hanth Se Musafa Karna Chahiye
.
Jab admi 2 Hanth Se Musafa Karta hAi To darmiyan Me 1 Hanth Aata Hai Yahi Ibn Masud Rz Farma Rahe Hai Nabi Karim S.w Ke 2 hanth Ke Darmuyan Me Tha ye Kaise Mumkin Hai Nabi Karim S.w 2 Hanth Se musafa Kar Rahe Hai Or Ibn Masud Rz 1 Hanth Bada Rahe Hai aise Karne Se Beadbi gustakhi Hogi Ke Imam ul Ambiya 2no Hanth Bada Rahe Ho Or Ibn Masud Rz 1 Hanth Ye Bat Ko Saaaf Karne Ke Liye Imaam Bukhari Rh Ne Tabe Tabai Ka Amal pesh Kar Rahe Hai HAMMAD bin ZAID NE ABDULLAH IBN MUBARAK SE DO HANTH SE MUSAFA KIYA



AHLE HADITH:

Is Istadlal Me Aapne Kafi Ko Jins Qaraar De Kar Mazkoorah Kaifiyat Musaafah Ki Bayaan Ki Hai, Magar Aapne Isme Ek Ghalti Toh Ye Ki Hai Ke 'Mufrad' Ko ' Tashniyah Banaya Hai Aur Dusri Ye Ki ' Ba'in Kafiyah' Ki Sifat Ko Tark Kar Diya, Kyonke Aap Isse 'Mufrad Muraad Len Ya Tashniyah' Dono Sooraton Me Alfaaz Hadith Ke Mawafiq ' Ba'in Kafiyah' ( Dono Hatheli Ke Darmiyaan) Hona Zaroori Hai,

Magar Aap Ulti Ganga Bahaate Hain Aur Mufrad Se Tashniyah To Banaaya Hi Tha, 'Ba'in Kafiya' Ko Nazar'andaaz Kar Diya,

Phir Is Istadlal Me Aapne Qur'aan Ki Koi Aayat Ya Hadith Se Koi Taa'ed Aimma Lughat Ka Koi Qaul Pesh Nahi Kiya,

Mahaz Aapne Khud Apni Taraf Se Ye Kahkar Jaan Chhuda Li Hai Ke " Ho Hi Nahi Sakta Ke Rasoollullah Sallalaho Alaihi Wasallah (Pbuh) To Donon Haathon Se Musaafa Karen Aur Sahabi Ek Haath Se Musaafa Karen "

Azeez Bhai Ye Haqiqat Hai Ke Sahaba Kiram, Rasoollullah Sallalaho Alaihi Wasallah (Pbuh) Ka Bada Adab Wa Ahteraam Karte They , Magar Kisi Adab Wa Ahteraam Ka Unse Saabit Hona Bhi To Bayaan Kiya Jaaye Aur Ye Bhi Shari'at Ke Waazeh Dalail Se Saabit Kiya Jaaye Ke " Ek Haath Se Musaafah Adab Wa Ahteraam Ke Manaahi Hai "


Ye Saara Aapka Hawaayi Kila Banaya Huwa Hai, Jiska Haqiqat Se Door Tak Ka Bhi Waasta Nahi Aur Dalail Ke Bil'muqaable Uski Haisiyat Kuch Bhi Nahi,


Ye Bhi Aapne Khoob Farmaya Ke:-" Agar Tasleem Kar Liya Jaaye Ke Sahaabi Ne Ek Haath Se Musaafa Kiya Tha Toh Tab Bhi Uswa(Namoona) Rasoollullah Sallalaho Alaihi Wasallah (Pbuh) Hamare Liye Muqaddam Hai"

Ye Mahaz Aapka Dhakosla Hai !!

Kyonke Usool Ki Kitabon Me Saaf Likha Hua Hai Ke:-" Jis Fa'el Par Rasoollullah Sallalaho Alaihi Wasallam (Pbuh) Ki Khamoshi Akhtiyaar Karen Wah Huqman Marfu Hota Hai",

Magar Yahan Sahabi Ka Fael Khaas Rasoollullah Sallalaho Alaihi Wasallah (Pbuh) Ke Saath Hai, Ise Mahaz Hz Ibn Masood Ra Ka Fa'el Qaraar Dekar Radd Karna Aap Jaise Muqallideen Ka Hi Kaam Hai,

Phir Aapne Is Me Kafi Ko Mufrad Tasleem Kar Liya Hai, Jisse Aap Ke Tamaam Dawe Baatil Hokar Zameen Bos Hogaye Hain,

Baqi Raha Ye Amr Ke :-"Rasoollullah Sallalaho Alaihi Wasallah (Pbuh) Ne Toh Dono Haathon Se Hi Musaafa Kiya Tha"

Toh Iske Mutallhk Arz Kiya Ja Chuka Hai Ke Ye Musaafa Mulaaqaat Ke Waqt Par Na Tha


BA’QAULABU BILAL JHANGWI, AHLE HADITH KA DHOKA NO. 2
Dhokha no 2


Musafa ka Matlab Hai 1 am hatheli Dusri Hatheli Ke Sath Milana Pas Lafz Musafa Ka Taqaza Ye Hai Ke Musafa 1 hanth Se Sunnat Hai
————————————u—u
Jawab No 2


★ Jab 2 Hanth Se Musafa Kiya Jata Hai To Aapas Me 1. 1 Hi Hatheli Milti hai Na Ke 2. 2 Hatheli lolll Samjha Kar

AHLE HADITH:

Aapka Ye Jawab Bhi Samjh Se Pare Hai, Jab Musaafe Ka Matlab Hai Batan Kaf Se Batan Kaf Ko Milaana, Iske Liye 2 Haathon Ki Kya Zaroorat, Kisi Bhi Hadith Me 2 Haathon Se Musaafa Karne Ka Zikr Nahin Hai, Hz Abdullah Bin Masood Ra Wali Hadith Ki Tashreeh Uper Ho Chuki, Ab “Loll Samjhakar Kahkar” Baat Zabardasti Manwaane Ki Koshish Na Karen

                                                       

BA’QAUL ABU BILAL, AHLE HADITH KA DHOKA NO.3


Dhokha No 3



★ Baaz Hadiso Me ” ید ” ka Lafz Aaya hai Aur ” ید “Wahid Hai matlab Ye Ke 1 Hanth Se Musa fa Kiya
—————————————
Jawab No 3


★ Qaraan Hadis Ko Samjhne ke.Liye Jahan Bahot Se Uloom.Ki Zarurat Hai Wahi Arbi Arab Ke Qadim Muhawraat Ko Samjhne Ke Liye Or Arbi ibara tK e istemal. Or Samjhne Ke.Liye Bhi pura Pura Ubur Zaruri Hai Har Zaban Me WAHID KA sega(صیغہ)
2 Tarah Istemal Hota Hai!!!
—————————————
1 Bataur Mufarrad Yani Isse 1 Afraad Murad Hai
—————————————
2 Bataur (جنس)
—————————————
Chand Misale
—————————————
Is Waqt Sega Wahid Ka Hota Hai lekin Usse muta’addad (1se zitada) Afraad Murad Hote hai Jais Hum Kahte Hai MUJHE ANGOOR DE DO MUJHE FALSAFA DO ETC To iska Matlb ye nhi hota ke MUJHR 1 HI ANGOOR DO
MAINE TUJHR APNI AANKH SE KHADA DEKHA MAINE APNRKAAN SE TERI BAT SUNI
★Ab Isse Gair Muqallid Ye murad Lenge Ke Maine Apne 1 Ankh sr 1 hi Kaan Se Dekhi Or Suni????? ★
…
★Isi Tarah Arbi Me Bhi Wahid Ka sega Bataur ( جنس)
Jans Ke istemal Hita Hai
JAISE EK DYWA ME NABI KAREEM S.W NE FARMAYA
…
اللهم اجعل في بصري نورا واجعل في سمعي
نوراـ
…
Aye Allah Meri Aankho Me Noor Paida Farma Mere kaano Me Noor Paida farma
…
المسلم من سلم المسلمون من لسانه ويده
…
MUSALMAN WO HAI JISKE ZABAAN O HANHT SE MUSALMAN SALAMAT RAHE
من راي منكم منكرافليغٌيره بيده
Tumme Se jo Burai Ko Dekhe Pas Wi Apne Hatho Se mitaye
.
Yaha Jitni Bhi M’sak Di Gai hai Yaha Sega Wahid Ke liye Hai Lekin Ye Qat’an Ye Matlab Nhi Ke
MERI SIRF 1 AANKH 1 KAAN ME NOOR PAUDA FARMA ★MUSALMAN SIRF 1 HANRH SE MAFOZ RAHE ★APNU 1 HANTH SE BURAI KO MIRAYE
…
BALKE WAHID se (جنس)
Jans Wala mane Muraad Hai
Usi Tarah


★Gair Muqallid Jis Hadis Se 1 Hanth Se Musafa Muraad Lete Hai Waha ( يد) se (جنس) jans Wala Mana Murad Hai Hadis Pak Me hai ke Musafa Karne Se Gunah Jhadte Hai Kya Sirf 1 hanth ke Gunah Jadhne Ki Zarurat Hai Dono Ki Nhi??
…
Hazrat Anas Bun Malik Rz Se Riwayat Hai Ke Nabi Karim S.w Ne Irshad Farmaya Ke Jab 2 Musalman Mulaqat Karte Waqt Ek Dusre Ka Hanth Apne Hanth Me Lete Hai To Allah Tala Unki Duwa Ko Zarur Qubul Farmate Hai Or Unke Hatho Ko Juda Hine Se Pahle Unki Magfirat Karte Hai
[[Musnad Ahmad jild 17 safa 338]]
…
★★Is Hadis Sharif Me ★ايدي★ Ka Aafz Aaya Hai Jo ★يد★ Ki Jama Hai Or Jama Ka Itlaaq (istemal) kam Se Kam 3 par Hota Hai lehaza Sabit Huwa Ke 2. 2 Hathi Se Musafa Hota Hai
…
AHLE HADITH:

Subhaanallah ! Mere Bhai Ham Ne Kab Dawa Kiya Hai Ke ' Ya'd' Ka Lafz Har Maqaam Par Hi Ek Haath Ke Liye Mus'ta'amal Hai,

Ye Aapko Maalum Hoga Ke ' Qareenah ' Se Maana Badal Jaata Hai, Isi Lafz " Ya'd " Ko Hi Le Lijiye..

Surah Baqarah Ayat No 237 Me Quwwat Qabzah Aur Milkiyat Ke Maane Me Istemaal Huwa Hai,

Aur Surah Mujaadila Ayat 12 Me Ba'maana ' Pahle' Aur Surah Yaseen Ayat No 9 Me Ba'maana ' Saamne' Aur Surah Baqarah Ayat No 66 Me Ba'maana ' Maujood' Ke Liye Istemaal Howa Hai,

Toh Kya Aap In Tamaam Maqaamaat Par 'Ya'd' Ka Maana Do Haath Karenge ??


Surah Maida Ayat 38 Me Chor Ka Haath Kaatne Ka Huqm Hai,

Toh Kya Aap Yahan 'Ya'd' Ka Maana Karenge Ke:-" Chor Ke Dono Haath Kaat Do ?"

Zara Allah Ka Khauff Kijiye, Aakhir Marr Ka Mitti Me Dafan Hona Hai,

Jab Ye Baat Wazeh Suboot Ko Pahunch Gayi Ke:-" Kisi Mustarak Lafz Ke Maana Me ' Qareena' Ki Zaroorat Hoti Hai,"

Toh Aap ' Ya'd' Mufrad Ko Tashniyah Ke Maana Lene Ke Liye ' Qareena' Ka Saboot Den, Warna Ye Asli Aur Sahi Maana Ke Liye Qayem Rahega,

Aur Bila'qareena Aapko Mufrad Se Tashniya Koi Banane Nahi Dega,

Baaqi Aapne Khud Jo Hadith Pesh Karke Uske Maane Ke Saath Mazaaq Kiya Hai Wah Mardood Hai,

Kyonki Hz Anas (Ra) Ki Riwayat Me Jo Ibne Habban (510) Aur Mustardak Haakim 1/11, Musnad Ahmad 3/154, Me Sahih Sanad Se Marwi Ye Alfaz Bhi Hai

" Al Momin Min Am'nah Al Naas"

Trans:-" Yani Momin Wah Hai Jisse Log Mahfooz Hon "

Imam Hakim, Zahbi, Aur Hafiz Ibn Hajar Ne Fath Ul Bari 1/46 Me Isko Sahih Kaha Hai,


Saaf Zaahir Hai Ke Agar Uske Baayen Haath Se Zeb(Pocket) Kaat Li Jaaye, Ya Chhuri Maari Jaaye To Wah Aman Me Na Hoga,

Is Tafseel Se Malum Huwa Ke Aapki Pesh Kardah Hadith Me Lafz 'Ya'd' Ba'taur Mu'haawra(Idioms) Ba'maana " Quwwat" Istemaal Huwa Hai, Wah Khwaah Siyaasi Ho Ya Akhlaaqi Koi Aur,

Baher'haal Har Soorat Me Tumse Dusra Musalmaan Mahfooz Hona Chahiye, Ye Nahi Ke Tum Zabaan Aur Haath Se Toh Kuch Kaho Na, Magar Akhbaar Me Khabar Shaaye Kar Do Ke Ye Badkaar Hai Wageraah, Ya Police Se Raabta Karke Kisi Par Jhoota Chori Ka Muqaddama Lagwa Kar Uski Chamdi Utarwa Dena Wagerah,

Ye Tamaam Cheezen Is Hadith Ki Zad Me Aati Hai,

Lekin Inki Samjh Ke Liye Andha Muqallid Na Hona Shart Hai,

MUQALLIDEEN KAHTE HAIN SAHIH BUKHARI ME DO HAATH SE MUSAAFA KARNE KA BAAB HAI:

Bismillahirrahmanirraheem

MUQALLIDEEN KAHTE HAIN SAHIH BUKHARI ME DO HAATH SE MUSAAFA KARNE KA BAAB HAI:

Ek Sawaal Kiya Jaata  Hai Ki Do Haath Se Musaafe Ki Daleel Sahih Bukhari Me Hai,

Imam Bukhari Ne Kahan Likha Hai Ki Do Haanth Se Musaafa  karna chahiye maine kahin Nahin Padha, Bukhari Toh Maine Bhi Dekhi Hai,

Accha Shayad Muqallideen Ko Bhaagte Me Kuch Mil Gaya Hoga, Poori Baat Kuch Samjh Me Aayi, Asal Me Hai Kya Imam Bukhari Rh Ne Ek Baad Baandha Hai Bab  Ul Akhzi Bi’yadain 

“Do Haanth Se Pakadne Ka Bayan”

Aur Kya Bukhari Bukhari Ki Ratt Lagaane Waale Kya Ye Jaante Hain, Unko Ye Pata Hai Ki Kisi Muhaddis Ke Baab Ke Kya Matlab Hota Hai,

Dar’haqeeqat Muhaddis Ka Baab Daawa Hota Hai Yaad Rakha Jaaye Aur Aur Us Baab Ke Tahat Jo Hadith Aayi Hai Wo Daawe Ki Daleel Hoti Hai, Ab Ham Ye Dekh Rahen Hai Ki Isse Muqallideen Ko Ye Shubah Laga Ke Dekho Imam Bukhaari Ne Kaha Hai Ki Do Haathon Se Salaam Karna Chahiye, Shubah Kahan Hua Inko Aur Pakad Liya Inhone Ki Bukhari Se Saabit Hai Ki Do Haanthon Se Musaafa Kiya Jaaye,

Pahle Imam Bukhari Baab Baandhe Hain “Bab Ul Akhz Bil’yadain ” Do Haathon Ko Pakadne Ka Baab, Zaahir Hai, Ye Dawa Hai, Ab Jis Daawe Ki Daleel Laani Chahiye, Hadith Laayi Gayi, Beech Me Ek Sahaba Ka Asar La Diya Gaya

“Hz Hammad Ne Ibnul Mubarak Se 2 Hanth Se Musaafa Kiya”

Dekhiye 3 Cheezein Hogayi , Ek Baab Hai Jo Daawa Hai, Baad Me Hammad Ibn Zaid,  Ka Asar Pesh Kiya Gaya Uske Baad Hadith Laayi Gayi,

Daawa Hai Dono Haath Pakadne Ka Baab Hai Aur Hadith Aa Rahi Hai Us Daawe  Ki Daleel Me Ki Hz Abdullah Ibn Masood Ra Ka Ek Haanth Muhammad Sallalaho Alaihi Wasallam Ne Apne Dono Haath Me Liya Hua Tha, Lihaaza Jo Ye Hadith Laayi Gayi Hai Ye Daawa Ke Mutaabik Nahin Hai, Agar Maan Liya Jaaye Ki Dono Haath Se Musaafa Hai Toh Beech Me Ye Asar Kyun Laaya Gaya, Is Wajah Se Laaya Gaya Ki Itna Bada Aadmi Uska  ye Amal Hadith Ke Khilaaf Hai, Lihaaza Uska Ye Amal Nahin Maana Jaayega,

Aur Ek Daleel Se Aur Saabit Karun Ke Ibn Shubruma Ra Ki Ek Baat Ko Hz Imam Bukhari Rh Sahih Bukhari Ke Andar Late Hain Kitab Ul Fazail E Quran Me Ki

“Ibn Shubruma Kahte Hain Ki Maine Nahin Dekha Ki Poore Quran Me Koi  Soorat 3 Aayat Se Kam Bole, Agar Namaz Me 3 Ayat Se Kam Padhna Durust Nahin Hai” Kisne Kaha “Ibn Shubruma”  Lihaaza Namaz Me 3 Ayat Se Kam Tilaawat Nahin Karna Chahiye, Kam Se Kam 3 Aayat,

Ab Ibn Shubruma Ka Ye Qaul Hz Imam Bukhari Baab Me Zikr Karte Hain Aur Uske Baad Hadith Late Hain Ki Hz Muhammad Sallalaho Alaihi Wasallam Ne Namaz Me 3 Ayaton Se Kam Bhi Padha Hai, Aur Daleel Pesh Ki Ki Ye 2 Ayatein Aap Muhammad Sallallaho Alaihi Wasallam Ne Padhi Hai,

(sahih bukhari jild no 6 kitab no. 61, hadith no. 571)

Pata Ye Chala Ki Hadith La Karke Ibn Shubruma Ka Wo Qaul Radd Karna Chaahte Hain Imam Bukhari Rh, Toh Daleel Mili Ke Imam Bukhari Rh Ke Baab Ko Samjhna In Kam Se Kam In Muqallideen Ke Bas Me Nahin Hai, Warna Aisi Himaakat Na Karte

Ab 2 Haath Se Musaafa Ya Ek Haanth Se Aiyye Dekhte Hain

EK HAATH SE MUSAAFA KARNE KI MARFU HADITH:


Hz Abdullah Bin Bisr (Ra) Farmate Hain Ke:-” Tum Log Mere Is Haath Ko Dekhte Ho, Maine Isi Haath Se Rasoollullah Sallalaho Alaihi Wasallah (Pbuh) Se Musaafa Kiya Hai Aur Hadith Ko Zikr Kiya”


( Tamheed Lama Fi Mauta Minal Ma’aafi Jild 12 Page 247)


Ye Hadith Sahih Ek Haath Se Musaafa Karne Ki Khuli Daleel Hai,

Hz Amr Bin Al’aas (Ra) Bayaan Karte Hain Ke Jab Taala Ne Mere Dil Me Islam Daala Toh Main Rasoollullah Sallalaho Alaihi Wasallah (Pbuh) Ke Paas Aaya Aur Kaha :-” Rasoollullah Sallalaho Alaihi Wasallah (Pbuh) Apne Daayen (Right) Haath Ko Badhaaiye Ke Main Aap Se Bait Karun, Pas Rasoollullah Sallalaho Alaihi Wasallah (Pbuh) Ne Apna Daanya Haath Badhaaya, Ke Maine Apne Haath Ko Sameit Liya, 


Aap Rasoollullah Sallalaho Alaihi Wasallah (Pbuh) Ne Farmaya Ke:-” Amr Tujhe Kis Cheez Ne Rok Liya Hai “, 


Maine Arz Kiya Ke Kuch Shart Karna Chahta Hun, Aap Rasoollullah Sallalaho Alaihi Wasallah (Pbuh) Ne Farmaya:-” Kis Baat Ki Shart Karna Chahte Ho “, Maine Kaha Ke:- Mujhe Bakhsh Diya Jaaye, Aap Rasoollullah Sallalaho Alaihi Wasallah (Pbuh) Ne Farmaya Ke:-” Tujhe Malum Nahi Ke Islam Qubool Karne Se Pahle Jitne Gunaah Hote Hain Unko Islaam Mita Deta Hai”


( Sahih Muslim Jild 1 Page 76)


Goya Ye Riwayat Baiyyat(Allegiance) Musaafa Ke Baare Me Hai, Lekin Baiyyat Me Bhi Musaafa Hi Hota Hai,

Hz Umaimah Bint Ruqaiyyah (Ra) Farmati Hain Ke :-” Ham Bahut Si Aurtein Deen E Islam Par Baiyyat Karne Ke Liye Rasoollullah Sallalaho Alaihi Wasallah (Pbuh) Ke Paas Aayin Aur Ham Ne Baiyyat Ke Waqt Musaafa Ki Darkhwast Ki Toh Aap Rasoollullah Sallalaho Alaihi Wasallah (Pbuh) Ne Farmaya Ke :- ” Main Aurton Se Musaafa Nahi Karta”


(Moatta Imam Malik Bab Maja Fil Bayyah )


Hafiz Ibn Abdul Barr (Rh) In Alfaz Ki Sharah Me Farmate Hain Ke :-” In Alfaz E Nabi Sallalaho Alaihi Wasallah (Pbuh) Me Daleel Hai Ke Rasoollullah Sallalaho Alaihi Wasallah (Pbuh) Baiyyat Wagerah Ke Waqt Mardon Se Musaafa Karte They “


(Tamheed Jild 12 Pg 243)


Hafiz Ibnul Barr Is Hadith Ko Naqal Karne Ke Baad Farmate Hain Ke :-” In Masail Ke Elawa In Hadith Me Is Baat Ki Daleel Hai Ke Baiyyat Kaifiyat Wa Tareeqa Me Musaafa Hai Aur Is Silsile Me Aasaar E Nabwi Me Koi Ikhtelaaf Nahi”


( Tamheed Jild 12 Page 352)


In Dalail Se Saabit Huwa Ke Baiyyat Aur Mulaaqaat Ke Waqt Musaafa Ki Kaifiyat Wa Tareeqah Ek Hi Hai,

#UmairSalafiAlHindi
#IslamicLeaks
#ShaikhJalaluddeen Qasmi

ILM E GHAIB KI HAQEEQAT AUR GUMRAH FIRQE: (PART 13)

Bismillahirahmanirraheem

ILM E GHAIB KI HAQEEQAT AUR GUMRAH FIRQE: (PART 13)

16 AYATEIN AUR USKA JAWAB:

DALEEL  NO . 9

 

Molwi Sahab Ki Agli Daleel

“Ab ‘Wahiy’ Farmaayi Apne Bande Ko Jo ‘Wahiy’ Farmaayi”

(Surah Namal Ayat No. 4)

JAWAB:

Ab Janaab Is Aayat Se Na Jaane Kaise Nabi Sallallaho Alaihi Wasallam Ko Ghaib’daan Saabit Karne Par Tule Hain Iske Jawaab Me Toh Bas Isi Ke Aage Ki Aayaton Ko Main Likh Deta Hoon Aap Khud Ba’khud Samjh Jaayenge Ke Maamla Kya Hai ??

“Is Qur’an Ko Poori Taaqat Waale Farishte Ne Sikhaaya Hai Jo Jor Aawar Hai, Fir Wo Seedha Khada Hua Aur Wo Buland Aasmaano Ke Kinaaron Par Tha, Fir Nazdeek Hua Aur Utar Aaya Fir Wo Do Kamaano Ke Ba’qadr Faasle Rah Gaya Balke Isse Bhi Kam Pas Isne Allah Ke Bande Ko’wahiy’ Farmaayi Job Hi Pahunchaayi”

(Surah Najam Ayat No. 4-10)

Is Aayat Me Allah Tala Ne Nabi Sallalaho Alaihi Wasallam Par ‘Wahiy’ Kis Tarah Jibreel (As) Lekar Aaye They Wo Kaifiyat Bayan Farma Raha Hai, Isse Nabi Sallallaho Alaihi Wasallam Ko Ghaib’daan Saabit Karna Ilm Se Kora Hone Ki Khuli Daleel Hai,

DALEEL NO. 10

Molwi Sahab Ki Agli Daleel

“Aur Rasool Tumhare Gawaah Honge”

(Surah Baqarah Ayat No 143)

Molwi Sahab Likhte Hain, Dekhi Gawaahi Maani Jaati Hai Suni Nahin, Lihaaza Nabi Sallallaho Alaihi Wasallam Qayamat Tak Ki Saari Baate Jaan Rahen Hain Tabhi Toh Mahshar Me Gawaahi Denge

JAWAB:

Is Ayat Se Ye Janab Aur In Jaise Kai Molwi Ye Saabit Karte Hain Ki Gawaahi Den Eke Liye Dekhna Zaroori Hai Aur Nabi Sallallaho Alaihi Wasallam Qayamat Tak Ke Saare Ummat Ka Haal Ahwaal Yahan Tak Ke Unke Dilon Me Imaan Kis Darje Ka  Hai, Nabi Sallallaho Alaihi Wasallam  Sab Jaan Rahen Hain, Tabhi Toh Gawaahi Dene Aayenge,

Aiyye Quraan Aur Hadith Me Dekhen Ke Yahi Baat Quraan Me Kai Jagah Aayi Hai Jisme Pichhle Saare Nabion Se Gawaahi Li Jaayegi Aur Saare Farishton Se Bhi Gawaahi Li Jaayegi Yahan Tak Ke Ummat E Muhammadia Se Bhi Gawaahi Li Jaayegi, Kya Ummat Ke Log Ghaib Jaante Hain ? Agar Nahin Jaante Toh Gawaahi Kaise Denge,  Aao Dekhen Gawaahi Ka Matlab Kya Hai Aur Gawaahi Ke Liye Ghaib Jaanna Zaroori Hai Ya Nahin, Pahle Wah Aayat Dekhen Ke Gawaahi Kaun Kaun Dega

“Jis Roz Allah Tamam Paighambaron Ko Jama Karega Fir Irshad Farmaayega Tum Ko Kya Jawab Mila, Wo Kahenge Hamko Kuch Khabar Nahin Beshaq Beshaq Tu Posheeda Baton Ko Jaanne Wala Hai”

(Surah Maayeda Ayat No. 109)

“Aur Jis Din Ham Har Ummat Par Unhi Mese Inke Muqaable Par Gawaah Khada Karenge Aur Inhe In Sab Par Gawaah Bana Kar Laayenge”

(Surah Nahal Ayat No. 89)

“Hamne Isi Tarah Tumhe Aadil Ummat Banaaya Take Tum Logon Par Gawaah Ho Jaao Aur Nabi Tum Par Gawaah Ho Jaaye”

(Surah Baqarah Ayat No. 143)

“Rasool Tum Par Aur Tum Logon Par Gawaah Ho Jao”

(Surah Al Hajj Ayat No. 78)

In Aayaton Se Pata Chala Ki Sirf Nabi Sallallaho Alaihi Wasallam Hi Nahin Balke Tamam Rasoolon Se Unke Ummaton Par Gawaahi Li Jaayegi Aur Ummate Muhammadi Ko Allah Tala Ne Wo Sharf Bakhsha Hai Ke Ye Ummat Picchli Tamam Ummaton Ki Aur Rasoolon Ki Gawaahi Degi, Ham Gawaahi Kaise Denge Aiyye Nabi Sallallaho Alaihi Wasallam Ka Farmaan Dekhen

Isi Ayat Ki Tashreeh Me Hz Abu Saeed Khudri (Ra) Ki Riwayat Hai, Ki Nabi Sallallaho Alaihi Wasallam Ne Farmaya

“”Mahshar Ke Din Nooh (As) Ko Bulaaya Jaayega, Allah Unse Sawaal Karega Ke Tumne Hamara Paigham Apni Qaum Tak Pahucha Diya Tha, Wah Arz Karenge Haan ! Mere Rabb , Fir Unki Qaum Se Poocha Jaayega Ke Nooh Ne Hamara Paigham Tumhe Pahuncha Diya Tha, Wah Jawab Denge Hamare Paas Koi Daraane Waala Nahin Aaya, Is Par Allah Nooh (As) Se Farmaayega Tere Haq Me Koi Gawahi Dene Wala Hai, Wah Kahenge Muhammad (Sws) Aur Unki Ummat, Fir Ummat E Muhammadiya Gawahi Degi Ke Nooh (As) Ne Tera Paigham Apni Qaum Tak Pahucha Diya Tha, Allah Tala Poochega Tumhe Kaise Malum Tum Us Waqt They Hi Nahin, Tab Ummat Kahegi Aiy Allah Tala  Hamare Darmiyaan Tere Aakhiri Rasool Aaya Tha Aur Us Par Teri Kitaab Naazil Hui Thi Jisme Bayan Kiya Tha Ke Nooh (As) Aur Is Tarah Se Tere Saare Nabion Ne Apni Apni Qaum Tak Mera Paigham Pahucha Diya Tha Fir Allah Ke Rasool Muhammad Sallalaho Alaihi Wasallam Gawaahi Denge Ke Beshaq Maine In Tak Ye Khabar Pahucha Diya Tha”

(Sahih Bukhari, Kitab Ut Tafseer)

Yahi Matlab Hai Gawaahi Dene Ka Jo Nabi Sallalaho Alaihi Wasallam Ne Saaf Lafzon Me Farma Diya, Ab Hamen Bataya Jaaye Is Gawaahi Me Ghaib Ka Kya Lena Dena Yahan Toh Haqaiq Ki Roshni Me Gawaahi Di Ja Rahi Hai, Fir Agar Aap Nabi Sallalaho Alaihin Wsallam Ko Ghaib’daan Saabit Kar Rahen Hain Toh Is Aayat Aur Sahi Hadith Se Toh Pata Chalta Hai Ki Ummat Bhi Gawaahi Degi Toh Kya Saari Ummat Aur Ummat Ka Eke K Baccha Bhi Aur Auratein Sab Ke Sab Ghaib’daan Ho Gaye ??

Ek Baat Aur Agar Aap Dekhi Gawahi Ke Qayel Hain Toh Fir Aap Kalma Kyun Padhte Hain Kya Aapne Allah Tala Ko Dekha Hai ?? Nabi Ko Dekha Hai ?? Jo Aap Anjaano Me Kahte Hain, Main Gawaahi Deta Hoon Ke Allah Ke Siwa Koi Mabood Nahin, Ye Aapko Kaise Malum Pada,

Isi Tarah  Aap Kahte Hain Ke Main Gawaahi Deta Hoon Ke Nabi Sallalaho Alaihi Wasallam Allah Tala Ke Rasool  Hain, Kya Aapne Rasool Ko Dekha Hai ??

Isi Tarah Jannat , Jahannum, Farishtey, Aakhirat Wagerah Kisi Ko Kisi Ne Nahin Dekha Magar Fir Bhi Ye Gawaahi Deta Hai Ki Ye Sab Hai,

Malum Hua Jis Tarah Ham Duniya Me Beghair Dekhe Sirf Allah Ke Qur’an Par Imaan Rakh Kar Dete Hain, Theek Isi Tarah Mahshar Me Bhi Qur’an Ke Mutaabik Ham Aur Nabi Sallallaho Alaihi Wasallam Gawaahi Denge

#Islamicleaks

#Irfanali

#Islamicleaks