HANAFI MAZHAB ME AQEEDA HULOOL KA NAZARIYA: PART-1

Bismillahirrahmanirraheem

HANAFI MAZHAB ME AQEEDA HULOOL KA NAZARIYA: PART-1

ITTEHAAD E SALAASA:

Munaasib Maalum Hota Hai Isi Maqaam Par Aap Ki Khidmat Me Ye Baat Akh Dun Ki Is Silsile Me Aap Ka Mujh Se Quraan Wa Hadith Ki Daleelein Talab Karna Insaaf Nahin Hai, Kyonki Yah Shari’at Ka Maamla Nahin, Ye Toh Deen Tariqat Ka Maidaan Hai Aur In Dono Cheezon Me Mashriq Wa Maghrib  Ka Farq Zameen O Aasmaan Ka  Ki Doori Hai,

Shariat Ki Buniyaad Jis Tarah 3 Cheezon Par Hai, Quran Hadith Wa Ijma Aur Uske Baad Kahin Qayaas Ka Number Aata Hai, Usi Tarah Is Deen Tariqat  Ki Bhi 3 Buniyaaden Hain Jin Ko Ittehaad E Salaasa Kaha Jaata Hai,

Meri  Khwaahish Yah Hai Ki Aapke Saamne Mushtasaran Taur Par Deen E Tariqat Ka Bayaan Saamne Rakh Doon, Use Waakif Ho Jaane Ke Baad Aap Tasawwuf Ke Silsila Ki Har Mushkil Chutkiyon Me Hal Kar Lenge..

1-      HULOOL

Is Nazariye Ki Buniyaad Yah Hai Ki Agar Koi Shakhs Ghair Maamuli Amal Ke Zariye Nafs  Ki Safaayi Aur Rooh Ki Baleedgi Paida Kar Le Ya Kisi Ko Ye Cheezein Wiraasat Me Mili Hon Toh Zaat Khudaawandi Uske Andar Hulool Kar Jaati Hai, Yani Laahoot Naasoot Me Aur Mojid Maujood Me Utar Aata Hai, Isi Liye Hinduon Ke Rishi’muni Aur Budh Mat Ke Maanne Waale  Jungalo Aur Pahaado Me Gosha Nasheen Hokar Shakht Riyaajatein Karte Hain, Yah Nazariya Isaaiyon Ka Bhi Hai Aur Unki Ghair Mamooli Riyaajatein Taareekh Ka  Hissa Ban Chuki Hain, Unke Riyaazat Karne Waale Apne Badan Ko Rassiyon Ke Zariye Sutoon Me Baadh Kar Ek Hi Haalat Me Qaayem Rahne Ki Koshish Karte They, Yahan Tak Ki Din Guzar Jaate Aur Rassi Unke Ghost Ko Kaat Kar Andar Utarti Chali Jaati Aur Zakhm Paida Hokar Unme Keede Pad Jaate Lekin Yah Log Apni Riyaajat Khatam Nahin Karte They Balke Usme Izaafa Ke Liye Lage Rahte, Zakhm Ke Keedon Me Koi Keeda Agar Alag Ho Jaata Toh We Usko Uthaakar Fir Se Zakham Par Daal Dete Aur Kahte ;-“ Kha ! Jo Tujhko Tere Maalik Ne Diya Hai”

Bahut Se Aise Buzurg Jungalon Me Maare Mare Firte Aur Ghaans (Grass) Par Ghuzaara Karte, Kuch Hazaraat Jaanwarpn Ke Bhaton Me, Kuch Puraani Qabaron Me Aur Kuch Kuwon Me Apna Ghar Banaa Lete They, Koi Saalon Chup Rahta Aur Koi Haathon Aur Pairon Me Lohe Ki Zanzeerein  Dale Dikhaayi Deta Tha,

Is Aakhiri Ummat Me Is Nazariye Ki Shuruaat Abdullah Ibn Saba _(Yemeni Yahoodi  Jo Khilaafat Hz Usmaan (Ra) Ke Zamaana Me Munaafikaana Taur Par Islaam Me Daakhil Hua Tha ) Ke Mureedon Se Hui, Unka Aqeeda Yah Tha Ki Allah Taala Ki Zaat Hz Ali (Ra) Ki Zaat Me Aur Unki Aulaad Me Hulool Kar Aaya Hai Aur Is Tarah Ye Hazraat Allah Ke Auwtaar Hain, Fir Hulool Ka Ye Aqeeda Abdullah Bin Saba Ke Maanne Walon Naseeriya, Kisaaniya, Karaamata, Baatiniya, Se Hota Hua Soofiya Ke Andar Daakhil Ho Gaya Aur Yahan Pahunch Kar Wo Asali Fal Fool Paaya,

Hz Ali (Ra) Ki Khudaayi Ka Aqeeda Khud Hz Ali (Ra) Ke Zamaane Me Shuru Ho Gaya Tha, “Qaum E Zat” Ke 70 Aadmi Jo Abdullah Bin Saba Ke Chele They, Hz Ali (Ra) Ko Elaaniya “Ilaah” Pukaarte They, Hz Ali (Ra) Ne Unhe Bahut Samjhaaya Lekin Jab We Apna Aqeeda Badalne Ko Taiyyar Nahin Hue Toh Hz Ali (Ra) Ne Unko Aag Me Jhonk Diye Jaane Ka Huqm Diya Lekin Ye Log Apne “Uloohiyat Ali” Ke Is Aqeede Me Inte Pakke They Ki Aag Me Jal Kar Bhi Pukaarte Rahe Ki  :- “Ali Beshaq Hi Rabb Hai” Kyonki

“Aag Ka Azaab Koi Nahin Deta Magar Wah Jo Aag Ka Rabb Hai”

(Sunan Abu Dawood Kitab Ul Jihaad)

Is Tarah Ye Log Apne Aakhiri Lamhon Me Bhihz Ali (Ra) Ki Khudaayi Ki Gawaahi Dekar Mare, Yahi Aqeeda Firqa Sabaiyya Wa Nasiriya Ka Bhi Hai Ki Hz Ali (Ra)  Me Allah Hulool Kar Gaya Hai Aur Isiliye Hz Ali (Ra) Rabb Hain,

Binori Sahab Ne Apne Waalid Sahab Ke Aqad Nikaah Ke Silsile Me Sayyedena Hz Ali (Ra) Ko  Arsh Par Bithaakar Usi Aqeede Ki Rahnumaayi Ka Mauqa Diya Aur Isi Liye Khwaaja Haidar Ali Aatish Lucknawi Farma Gaye Hain Ke

“Dil Mera Banda Naseere Ke Khuda Ho Gaya”

Isi Aqeede Ke Zer E Asar Me Yah Kaha Jaata Hai Ki Hz Moosa (As)  Ne Kohe Toor Par Jo Awaaz Suni Thi Wah Hz Ali (Ra) Ki Awaaz Thi, Soofiya Me Hussain Bin Mansoor Hallaaj Is Aqeede Ke Pahle Aawaahaq Samjhe Jaate Hain, Unka Aqeeda Yahi Tha Ke Lahoot Nasoot Me Hulool Kar Jaata Hai, Khaas Kar Apne Bare Me Toh Unka Khula Daawa  Tha Ke Mujhme Allah Hulool Kar Gaya Hai Aur Isi Wajah Se Aap “Enal Haq” Ka Naara Lagaate They,

“Hulool Mutlaq” Ka Yah Aqeeda Yani Allah Taala Ki Zaat Saari Kaaynaat Me Hulool Kiye Hue Hai, Jo Pahle Jahmiyon Ka Aqeeda Tha, Hussain Bin Mansoor Hallaaj Aur Unke Saathion Ke Zariye Is Ummat Me Ghus Aaya  Aur Aaj Yah Deen E Tasawwuf Ki Ragon Ka Khoon Bana Hua Hai,

Yaad Rahe Ahhmad Raza Khan Barelwi Ne Aqeeda Hulool Ke Qayel Ko Kaafir Kaha Hai (Dekhiye Unka Tarjuma Mai Tafsir Al Maida 17/77)

Junaid Baghdadi Ke Shargird Aur Mureed Shibli Ne Bhi Unhe Saathi Qaraar Diya Hai Aur Apne Se Zyada Aqalmand Thahraaya, Bahre Haal Kuch Ho Unme Himmat Zaroor Thi Ki Apne Aqeede Par Jame Rahe Aur Sar De Diya, Aaj Bhi Yahi Aqeeda Hai Magar Darr Ki Wajah Se Tadti Aur Tajalli Ke Naam Se Usko Bayan Kiya Jaata Hai,

Yah Hai Ittehaad E Salasa Me Se Ek Nazariya Ki Kaar Farmaayi, Raha Is Ittihaad Ka Dusra Hissa Toh Wah Isse Bhi Zyada “Azeem Us Shaan Hai”….

Inshaallah Allah Agle Post Me Bayan Karenge…

To Be Continued…

#UmairSalafiAlHindi

#TalaashEHaq

#IslamicLeaks

ILM E GHAIB KI HAQEEQAT AUR GUMRAH FIRQE: (PART 15)

Bismillahirahmanirraheem

ILM E GHAIB KI HAQEEQAT AUR GUMRAH FIRQE: (PART 15)

16 AYATEIN AUR USKA JAWAB:

DALEEL  NO .16

Molwi Sahab Ki Agli Daleel

“Isi Tarah  Ham Dikhaate Hain Saari Baadshahi Ibraheem (As) Ko Zameen Aur Aasmaan Ki”

(Surah Anaam Ayat No. 75)

Mo;Wi Sahab Ka Kahna Hai Ki Jab Ibraheem (As) Ko Zameen Aur Aasmaan Ki Cheez Dikhaayi Gayi Toh Nabi E Akram Muhammad Sallallaho Alaihi Wasallam Ka Kya Kahna !

JAWAB:

Is Ayat Se Toh  Saabit Hota Hai Ke Ibraheem (As)  Ko Bilkul Bhi Ilm E Ghaib Nahin Tha, Pata Nahin In Molwion Ki Aqal Ko Kya Ho Gaya Hai, Kuch Sochte Aur Samjhte Hi Nahin Bas Wahi Murge Ki Ek Taang Apne Hi Dhun Me Rahte Hain, Are Molwi Sahab Zara Sa Bhi Dimaagh Ka Istemaal Kar Liya Kijiye,

Khair Jawab Suniye Agar Hz Ibraheem (As) Ko Ilm Ghaib Hi That Oh Fir Allah Taala Ko Kya Zaroorat Thi Aasmaan Aur Zameen Ki Cheezon Ke  Dikhaane Ki, Agar Bhi Diya Toh Kya Koi Cheez Dikhaa Dene Se Us Cheez Ka Ghaib Bhi Maalum Ho Jaata Hai,,

Maslan Koi Shakhs Kisi Gaaon Ya Jungle Chala Jaaye Ya Koi Usko Jungle Wagerah  Ki Shair Karaane Le Jaaye Toh  Jab Tak Wo Wahan Shair Kar Raha Hai Ya In Cheezon Ko Dekh Raha Hai Ya Wahan Ki Makhlooq Ko Dekh Raha Hai, Use Tab Tak Wahan Ki Khabar Hai Jab Tak Unhe Wo Dekh Aur Sun Raha Hai, Magar Kya Wo Shakhs Ghar Aakar Bhi Us Jagah Ya Us Makhlooq Ki Khabar Rakhta Hai ?? Kea B Us Jungle Me Aag Lagi Ya Nahin, Paani Barsa  Ya Nahin Ya Kahin Sookha Toh Nahin Pad Gaya, Un Jaanwaron Ka Kya Haal Hai, Jise Usne Dekha Tha ?? Wo Zinda Hai Ya Marr Gaye Kya Unhe In Baton Ki Khabar Hoti Hai ??

Zaahir Si Baat Hai, NAHI !!!

Bas Isi Tarah Allah Taala Ne Aone Nabion Ko Posheeda Cheezon Ko Dikhaa Kar Apni Jabbariyat, Rahmaniyat Ki Chand Nishaaniyan Dikha Di, Un Nabion Ke Andar Itni Taaqat Nahin Thi Ke Khud Se In Cheezon Ko Dekh Saken Ya Ghaib Se Jaan Saken, Isi Tarah Hz Ibraheem (As) Ko Bhi Dikhaaya Gaya Aur Nabi Muhammad Sallallaho Alaihi Wasallam Ko Bhi, Inki Jab Hi Tak Wahan Ki Khabar Thi Jab Tak Dikhaaya Gaya Uske Baad Is Duniya Aur Isme Basne Waali Makhlooq Ke Bare Me Kuch Khabar Nahin, Toh Ye Ilm E Ghaib Jaanna Kahan Raha ?? Ghaib Ka Jaanna Toh Tab Hota Hai Jab Be’ghair Allah K Eke Dikhaaye Dekh Lete, Jaisa Ke Maulana Sahab Ne Khud Likha Hai Ki

“Ghaib Use Kahte Hain Jo Be’ghair Kisi Zariye Se Kisi Cheez Ka Malum Karna Ho,”

Isi Tarah Aaj Kal Science Ke Zariye Samundra Ke Andar Ki Ajeeb O Ghareeb Makhlooq Discovery Channel Par Dikhaate Hain Jinka Pata Aaj Tak Duniya Ko Nahin Tha , Toh Kya Ghar Baithey Ye Sab Dekh Lene Se Aap Bhi Ghaib’daan Ho Gaye,

Malum Hua Kisi Ke Dikhaane Se Ilm E Ghaib Nahin Hota, Warna Ghar Baithey Baithey Aadmi Duniya Ki Sair Karta Rahta Hai Aur Ajeeb Ajeeb Cheezein Channels Se Dekhta Rahta Hai, Toh Aaj Saari Duniya Hi Ghaib’daan Ho Jaati, Baaaqi Ibraheem (As) Ke Bare Me Daleel Di Ja Chuki Hai Ki Unko Itna Ghaib Bhi Nahin Tha Ke Saamne Farishtey Khade Hain Aur Wo Unko Pahchaan Tak Na Sake

(Surah Hud Ayat No. 70)

KHULAASA E QALAAM:

Molwi Sahab Ne Job Hi Aayatein Pesh Ki U  Aayaton Se Ghairullah Me Ghaib Ki Sifat Ka Hona Saabit Nahin Hota Agar Nabi Muhammad Sallalaho Alaihi Wasallam Ghaib Hi Jaante Toh “Wahiyy” E Ilaahi Ke Muntazir Na Rahte Ke Kab “Wahiyy” Lekar Zibreel (As) Aayen Aur Kab Sahih Baat Ka Pata Chale, In Sab Baton Ki Kai Ek Misaalein Aur Daleel Maine  Pahle Bayan Kar Di Hai, Ham Toh Dekhte Hain Ke Wahi Nabi Jo Ghaib Ki Khabar Bataata Hai  Wahi Nabi Thodi Hi Der Me Lachaar Aur Majboor Ho Jaata Hai, Aur Kuch Bhi Bataane Se Aajiz Nazar Aate Hain,

Kya Pata Hone Ke Baad Bhi Jibreel (As) Ko Bataane Ki Zaroorat Baaqi Rahti Aur Agar Baaqi Hi Rahti Hai Toh Fir Is Ataayi Ilm Ka Faayeda Hi Kya ???

THE END

Allah Tala Ham Sab Ke Imaan O Aqaid Ko Durust Rakhen Aur Hamen Sacche Maano Me  Quran Wa Hadith Par Amal Karne Waala Banaaye…. Aameeen Ya Rabbul Aalameen

#IslamicLeaks

#UmairSalafiAlHindi

#IrfanAli

IMAM E KAABA SHAIKH ABDURRAHMAN AL SUDAIS RAHMATULLAH ALAIH KE IRAAN KE KHILAAF JOSHEELE BAYAAN KA TARJUMA:

Bismillahirrahmanirraheem

IMAM E KAABA SHAIKH ABDURRAHMAN AL SUDAIS RAHMATULLAH ALAIH KE IRAAN KE KHILAAF JOSHEELE BAYAAN KA TARJUMA:

TARJUMAN: NAYAB HASAN

Iran Ke Khilaaf Hamari Jung Shia Sunni Ki Jung Hai, Ye Do Jamaaton Ki Jung Hai, Ye Jung Imaan Aqeeda, Sunnat Aur Sahaba Ke Mutaallik Nifaaq, Jhoot, Kazzab Aur Maker O Fareb Se Hai, Iran Se Hamari Jung Deeni, Mazhabi Imaani Aur Tauheed Wa Sunnat Ki Jung Hai, Bila’shubah Ye 2 Firqon Ki Ladaayi Hai, Agar Aisa Nab Hi Ho Toh Ham Yahi Samjhte Hain, Aur Is Silsile Me Poori Koshish Karenge Ke Ahle Sunnat Musalmano Ko Iski Haqeeqat Se Ba’khabar Karen, Iran Hamse Kya Chaahta Hai Aur Ham Iran Se Kya Chaahte Hain ??

Ham Ye Bardaasht Nahin Kar Sakte Ke Allah Aur Uske Rasool Ki Shaan E Aqdas Me Gustaakhi Ki Jaaye, Sahaba Ki  Takfeer Ki Jaaye, Allah Ke Saath Kisi Ko Shareek Thahraaya Jaaye, Amma Ayesha Raziallahu Tala Anha Ki Izzat Par Ungali Uthaaya Jaaye, Bila’shubah Iran Se Hamari Ladaayi Shia-Sunni Ki Ladaayi Hai, Aksari Satah Par Bhi Iran Se Hamari Ladaayi Isi Buniyaad Par Hai, Warna Iram Yemen Me Houthion Ki Himayat Kyon Kar Raha Hai ??

Hizbullah Ke Dast Wa Baazu Kyon Ko Kyun Taaqat Pahuncha Raha Hai ?? Iraq Me Raafzion Ki Madad Kyun Kar Raha Hai  ? Aurv Wah Baaz Un Sunni Jamaaton Ki Imdad Kyun Karta Hai Jo Use Muhabbat Aur Dosti Ka Dam Bharne Waali Hai  ?? Sirf Is Liye Ke Maamle Sirf Shia –Sunni Jung Ka Hai, Aap Aalami Media Me Aane Waali Baton Baton , Khabron Aur Tajweezon Par Tawajjoh Na Den, Ye  Sab Bakwaas Hain Aur Aur Media Waale Mahaz Apni Duniyan Banaane Aur Apne Apne Mafadaat Ke Tahat Kuch Bhi Bolte Aur Likhte Hain, Magar Hamare Dilon Me Khauff E Khuda Hai, Hamari Ladaayi Iraan Ke Saath Shia-Sunni Ki Ladaayi Hai,

Ye Baat Aap Bhare Majmon Me Kahen Aur Social Sites Par Ise Failaayen, Log Firqa’parasti Ki Baat Karte Hain, Unhe Malum Hona Chahiye Ke Ye Log Hamare Mulk Me Daakhil Hue Aur Yahan Kea Man O Amaan Ko Todhne Ki Koshish Kin Unhone Sham Me Sunnion Ki Zindagiyan Tabaah Ki,  Yamen Me Jo Kuch Wah Kar Rahen Hain Wah Sab Ke Saamne Hai, Unhone Bahrain Me Shaajishon Ka Jaal Bichaaya Aur Saudi Arab Ko Bhi Narge Me Lena Chaahte Hain, Ye Urdun (Jordan) Ko Agent Kahte Hain,  Iulzamaat Aur Tohmaat Lagaate Hain, Kya Ye Baatein, Ye Shaajish, Iraan Ki Ye Sargarmiyan Mahaz Siyaasi Bartari Ke Liye Hain , Ya Ye Mahaz Geographiyai Aur Qaumi Bila’dasti Ka Maamla Hai ??

Nahin Harghiz Nahin !, Iran Ke Saath Hamari Ladaayi Usi Waqt Se Hai Jab  Ummat Me Shiyyat Ki Paudh Zaahir Hui Hai, Ye Log Ahle Sunnat Ko Kaafir Qarar Dete Hain, Halaanke Ham Unhe Kaafir Qarar Nahin Dete, Ye Sunnion Ko Bura Bhala Kahte Hain, Sunnion Ko Murtad Aur Napaak Hone Ki Tohmat Lagaate Hain, Ye Hamare Khoon, Hamari Izzat Aur Amwaal Ke Saath Zulm Wa Ziyadati Ko Apna Haq Samjhte Hain, Unhone Apni Zabaan Se Kaha Hai Ke Islaami Muqaddassaat (Makka, Madeena) Ko Dusre Darje Ke Sahyoonion (Zionis) Aur Yahoodi Hukumat Se Paak Karne Ki Zaroorat Hai, Aur Isse Unki Muraad Saudi Hukumat Hai,, Wo Kahte Hain Ki Ham Makkah Aur Madeena Ki “Hazeeriyah” Islam Me Daakhil Karenge, Goya Haramain Sharifain Abhi Musalmano Ke Paas Nahin Hain , Unhone Elaaniyah Kaha Hai Ke Wah Hazaar O Hazaar Missile Aur Afwaaz Ke Zariye Saudi Par Chadhaayi Karenge, Kya Ye  Sab Mahaz Bila’dasti Haasil Karne Ke Liye Hai??

Kya Ye Mahaz Sarhadi, Mulki Aur Geographiyayi Ladaayi Hai ?? Nahin  ! Ye Sirf Aur Sirf Mazhabi Jung Hai, Ye Sunnion Aur Shion Ka Ladaayi Hai, Allah Sultan Salahuddeen Ayyubi Rah. Par Apni Rahmatein Naazil Farmaaye, Jab Wah Misr Ke Hakim Banaaye Gaye, Unhe Aakhiri Abbasi Khalifa Ne Bheja That Oh Salahuddeen Ayyoubi  Ne Misr Me Aane Ke Fauran Baad Ismaelion Aur Faatimion Ki Shaajishon Aur Aur Unke Androoni Fitna Parwarion Ka Khaatma Kiya, Kyonke Wah Jaante They Ke Androone Mamlakat Me Paaya Jaane Waala Zehar Zyada Nuksaan’deh Hai Aur Daakhili Kamzori Wa Bimaari Zaahiri Dushmano Se Ladne Me Diwaar Khadi Karegi, Yahoodi Islam Aur Musalmano Ke Khule Dushman Hain Aur Ba’khuda Unke Zillat  Wa Khwari Ke Din Bhi Aane Waale Hain, Wah Din Bhi Aane Waale Hain Jab Ummat E Muslima Rome Ko Apne Qadamon Se Payaab Karegi, Ye Main Nahin Kah Raha Ye Hamare Nabi Saadiq Wa Saddooq Sallalaho Alaihi Wasallam Ki Baat Hai, Ek Martaba Aapne Farmaaya Ke

“ Rome Fatah Hoga Aur Qustuntuniya Fatah Hoga”

Toh Sahab Ne Daryaaft Farmaya:-“Pahle Rome Fatah Hoga Ya Pahle Qustuntuniya Fatah Hoga ?”

Toh Aapne Farmaya:-“

Pahle Qustuntuniya Fatah Hoga”

 Sab Jaante Hain Ke Musalmano Ne Qustuntuniya Ko Bahut Pahle Fatah Kar Liya, Lekin Rome Ab Tak Fatah Nahin Hua Hai, Pas Maamla Ye Nahin Hai Ke Ham Yahoodion Se Darrte Hain Ya Ham Apne Aap Me Magan Hain, Maamla Ye Hai Ke  Hamari Kuch Tarjeehataat Hain, Ham Unhi Ke Tarjeehaat Ke Mutaabik Amal Karenge, Unhi Tarjeehaat Mese Ek Ye Hai Ke Hamen Iran Ki Safwi, Shiyee Aur Zalimaana Siyaasat Ke Failaao Ka Muqaabla Karna Hai,

Yahoodi Kam O Pesh Ghujashta 70 Saal Se  Pelestine Par Qaabiz Hain, Wahan Fasaad Macha Rahen Hain, Zulm Wa Zyadati Kar Rahen Hain, Magar Unke Mazaalim Bhi Iran Ke Un Mazaalim Se Kam Hain Jo Unhone Iran Wa Iraq Me Sirf 3 Saal Ke Andar Kiye Hain,

Aiy Musalmano ! Aiy Allah Ke Bandon ! Iran Aur Rawafiz Ke Saath Hamari Ladaayi, Mazhab , Deen, Aqeeda Aur Tauheed Ki Ladaayi Hai, Rawaafiz Ke Saath Hamara Ikhtelaaf Us Waqt Tak Baaqi Rahega Jab Tak Is Ru E Zameen Par Ye Fitna Baaqi Hai, Jab Tak Unki Hukumat Baaqi Hai, Jab Tak Hamari Saanse Baaqi Aur Hamari Palkein Jhuk Rahin  Hain ?? Jab Tak Wah Amma Aisha (Ra) Ki Asmat Wa Iffat Par Apni Napaak Ungaliyan Uthaate Hain, Jab Tak Wah Shirk Aur Qabar’parasti Ki Tableegh Wa Ishaa’at Karte Rahenge, Na Rawafiz Se Hamara Ikhtelaaf Khatam Hoga Na Un Se Hamari Ladaayi Aur  Unki Shaajish Aur Maker O Fareb Ko Chaak Karne Ki Raah Me Hamari Qurbaani Ka Silsila Khatam Hoga, Ye Ladaayi Us Waqt Tak Khatam Nahin Hogi Jab Tak Ke Ru E Zameen Se Ya Toh Unka Khaatma Ho Jaaye Ya Ham Jaan Haar Ho Jaayen ,

Ye Wah Ladaayi Hai Jiske Liye Hamen Saf Bastah Ho Jaana Chahiye, Muttahid Ho Jaana Chaahiye, Is Dushman Ko Qaabu Karne Ke Liye Har Qism Ki Tadbeer Akhtiyar Karni Chaahiye, Ba’khuda Allah Aise Logon Ki Zaroor Madad Karega Jo Uske Deen Ki Mudafi’at Wa Hifaazat Ke Liye Uthenge……

ALLAHU AKBAR

#ShaikhSudais

#IslamicLeaks

#UmairSalafiAlHindi

ILM E GHAIB KI HAQEEQAT AUR GUMRAH FIRQE: (PART 14)

Bismillahirahmanirraheem

ILM E GHAIB KI HAQEEQAT AUR GUMRAH FIRQE: (PART 14)

16 AYATEIN AUR USKA JAWAB:

DALEEL  NO .10

Molwi Sahab Ki Agli Daleel

“Aur Koi Daana Nahin Girta Zameen Ki Andheri Me Magar Roshan Kitab Me Darj Hai”

(Surah An Anaam Ayat No.59)

DALEEL NO,12

Molwi Sahab Ki Agli Daleel

“Hamne Is Kitaab Me Kuch Utha Na Rakha”

(Surah Anaam Ayat No. 114)

DALEEL NO. 13

Molwi Sahab Ki Agli Daleel

“Aur Har Cheez Hamne Gin Rakhi Hai, Ek Bataane Waali Kitaab Me”

(Surah Yaseen Ayat No 12)

DALEEL NO. 14

Molwi Sahab Ki Agli Daleel

“Aur Har Chhoti Aur Badi Cheez Likhi Hui Hai”

(Surah Qamar Ayat No 53)

DALEEL NO. 15

Molwi Sahab Ki Agli Daleel

“ Aur Jitney Ghaib Hain Aasmaano Aur Zameeno Me, Sab Ek Bataane Waali Kitab Me Darj Hain”

(Surah Namal Ayat No 75)

Daleel No. 11,12,13,1,15 Ke Liye Maolwi Sahab Ka Kahna Hai Ke Is Kitaab Se Muraad Quraan Hai Jisme Har Cheez Ka Bayan Hai Choti Se Choti Ho Ya Badi Se Badi, Lihaaza Nabi Muhammad Sallalaho Alaihi Wasallam Kp Quraan Sikhaaya Gaya Toh Aap Hi Aap Ye Sab Ka Bhi Ilm Ho Gaya.

JAWAB:

Sabse Pahli Baat Ye Ke Quraan Seekhne Se Nabi Muhammad Sallallaho Alaihi Wasallam Ne Ghaib Ka Ilm Nahin Seekh Liya Na Toh Qayamat Ka Ilm Na Hi Marne- Jeene Ka Ilm Na Hi Zameen Ka Haal Na Hi Jaadu Ka Ilm Wagerah Wagerah, Dusri Baati Ye Ke Ye  Saari Baatein Loh E Mahfooz Ke Mutaallik Hain Kisi Bhi Muhaddis, Muhaqqiq, Aimma Kiraam Ya Tabai Yahan Tak Ke Sahaba Ne Kisi Ne Bhi In Aayaton Se Muraad Quraan Ko Nahin Liya Jaisa Ke In Aayaton Me Likha Hai Ke Is Kitaab Me Allah Ne Kuch Bhi Uthaa Nahin Rakha Yani Har Cheez Ka Bayaan Is Kitab Me Likh Diya Hai, Kisi Par Koi Museebat Ka Aana Ya Kisi Ka Marna Jeena Ya Beemaar Hona Ya Sehat’mand Hona Ya Koi Daana Zameen Par Girna, Al’gharz Duniya Ya Aalam Me Jo Kuch Ho Gaya Ya Ho Raha Hai Ya Hone Waala Hai, Sab Kuch Choti Se Choti Ho Ya Badi Se Badi Ye Sab Loh E Mahfooz Me Darj Hain,

Agar Aap Isse Muraad Quraan Ko Le Rahen Hain Toh Saari Makhlooq Ke Bare Me Toh Chhodo Aap Sirf Apne Ki Bare Me Dikha Dijiye Ke Quraan Me Kahan Likha Hai Ki Aap Kab Paida Honge, Aap Naam Kya Hoga ?? Aapke Maa Baap Kaun Honge ? Kitni Taleem Haasil Karenge, Kitni Umar Paayenge, Kiske Saath Nikaa Hoga, Kitne Bacche Honge , Kis Zameen Par Marenge, Kahan Dafnaaya Jaayega, Kitna Daana Khaoge, Kitna Paani Piyoge ?? Yani Apne Mutaallik Chhoti Se Chhoti Aur Badi Se Badi Aap Saari Baateinquraan Me Dikha Dijiyhe Jaisa Ki Allah Ne Kaha Hai Ki

“Har Chhoti Se Chhoti Aur Badi Se Badi Cheezein Yahan Tak Ki Yahyan Tak Ki Zameen Par Girne Waala Daana Bhi Is Kitaab Me Darj Hai”

Hamen Malum Hai Aap Marte Mar Jaoge Magar Dikha Nahin Paoge Na Hi In Aayaton Se Muraad Quraan Ko Hi Saabit Kar Paoge, Ab Aaiyye Main Aapko Rasool Muhammad Sallalaho Alaihi Wasallam Ka Farmaan Sunaata Hoon

“Allah Taala Ne Aasmaan Wa Zameen Ki Takhleeq Ke 50,000 Saal Pahle Saari Taqdeerein Likh Di Hain”

(Sahih Muslim Kitab Ul Qadr)

Ek Dusri Hadith Me Dekhen

“Hz Ubaada Bin Saamit (Ra) Se Marwi Hai Ke Nabi Ke Akram Muhammad Sallallaho Alaihi Wasallam Ne Farmaya:-“Sabse Pahle Allah Ne Kalam Ko Paida Kiya Fir Farmaya, Likh Isne Kaha Kya Likhun, Farmaya Taqdeer Likh, Isne Allah Ke Bataane Se Qayamat Tak Ki Saari Cheezon Ke Bare Me Likha”

(Abu Dawood Hadith No 4700, Tirmizi Hadith No. 2155)

Ek Hadith Aur Sune

Hz Ali (Ra) Se Marwi Hai Ke Nabi E Akram Muhammad Sallalaho Alaihi Wasallam Ne Farmaya:-“Har Shakhs Ka Thikaana Iske Jannati Aur Jahannami Hone Ka Ya Nek Aur Bad Hone Ka Allah Ne Likh Rakha Hai”

(Bukhari, Muslim)

‘Ye Kitaab Yani Loh E Mahfooz Ke Mutaallik Quraan Me 3 Tarah Ki Maalumaat Milti Hai

1-      Ye Lohe Har Tarah Ki Darst’ras Se Mahfooz Hai

2-      Ye Kitab E Maqnoon Bhi Hai Yani Is Tarah Posheeda Kea As Paas K Muqarribeen Farishtey Bhi Nahin Dekh Sakte

3-      Ye Ummul Kitaab Hai Aur Allah Tala Ke Hi Paas Hai Aur Dusra Koi Iske Paas Nahin Pahuch Sakta

Allah Tala Ne Quraan Me Irshad Farmaya

“Ye Quraan Badi Shaan Waala Hai Jo Loh E Mahfooz Me Likha Hai”

(Surah Buirooj Ayat No. 21-22)

Malum Hua In Aayaton Se Muraad Loh E Mahfooz Hai Jisme Chhoti Aur Badi Saari Baatein Likhi Hui Hai Yahan Tak Ki Quraan Bhi Loh E Mahfooz Me Likha Hua Hai, Aur Ye Kitaab Ummul Kitaab Hai, Jo Sirf Allah Ke Paas Hai, Ise Aas Paas Ke Farishtey Bhi Nahin Chhoo Sakte Magar Allah Jise Ijaazat De, Aur Loh E Mahfooz Ka Ilm Kisi Ko Bhi Nahin Diya Gaya…

To Be Continued..

#Umairsalafialhindi

#Islamicleaks

#Irfanali