MURDE SUNTE HAIN- (KITAB WA SUNNAT KI ROSHNI ME) PART 2

Bismillahirrahmanirraheem

MURDE SUNTE HAIN- (KITAB WA SUNNAT KI ROSHNI ME) PART 2

kitab Wa sunnat Ki Daleelon Se Yah Baat Saaf Ho Rahi Hai ki Barzakh Ki Zindagi Ek Poori Zindagi Hai, Jisme Murda Khaata Peeta Bhi Hai, Sunta Bolta Bhi Hai, Dekhta Aur Pahchaanta Bhi Hai, Sochta Aur Samjhta Bhi Hai, Raahat Aur Khushi Bhi Mahsoos Karta Hai,

Murda Kaafir Ho Toh Hasrat Aur Nadaamat Mahsoos Karta Hai, Rota Peet'ta Aur Cheekhta Chillaata Bhi Hai,

Lekin Barzakh Me Murde Ka Sunna Duniya Ki Zindagi Ke Sunne Se Alag Hai,

Barzakh Me Murde Ka Bolna Duniya Ki Zindagi Ke Bolne Se Alag Hai,

Barzakh Me Murde Ka Dekhna Aur Pahchanna Duniya Ki Zindagi mrDekhne Aur Pahchaanne Se Alag Hai,

Barzakh Me Murde Ka Khaana Peena Duniya Ki Zindagi Me Khaane Peene Se Alag Hai,

Barzakh Me Murde Ka Sochna Samjhna Duniya Ki Zindagi Me Sochne Samjhne Se Alag Hai,

Barzakh Me Murde Ka Raahat Aur Khushi Mahsoos Karna Duniya Ki Zindagi Me Raahat Aur Khushi Mahsoos Karne Se Alag Hai,

Kaafir Murde Ka Barzakh Me Nadaamat Aur Hasrat Mahsoos Karna Duniya Ki Zindagi Me Hasrat Aur Nadaamat Mahsoos Karne Se Alag Hai,

Barzakh Me Murde Ka Rona Peetna Aur Cheekhna Chillaana Duniya Ki Zindagi Me Rone Peetne Aur Cheekhne Chillaane Se Alag Hai,

Jise Aaj Is Maddi Duniya Me Ham Samjh Nahin Sakte,

Haqeeqat Yah Hai Ki Jis Tarah Aalam E Arwaah Ki Kaifiyat Ka Idraaq Mushkil Hai Isi Tarah Is Maddi Duniya Me Rahte Hue Barzakh Ki Haalat Ko Samjhna Aur Uska Idraak Karna Hamaare Liye Mushkil Hai,

Quraan Majeed Is Haalat Ki Bade Saaf Lafzon Me Bayan Karta Hai,

Allah Taala Ka Irshad Hai

"Aur Jo Log Allah Ki Raah Me Maare Jaayen Unhe Murda Na Kaho Balke We (Barzakh Me) Zinda Hain Lekin Tumhe (Unki Zindagi Ka) Sha'oor Nahin"

(Surah Baqarah 154)

Allah Taala Ke Is Irshad Ke Ba'wajood Jin Logon Ko Is Baat Par Israar Hai Ki Wah Barzakhi Zindagi Ka Sha'oor Rakhte Hain Aur Jaante Hain Ki Murde Waisa Ki Sunte Hain Jaisa Duniya Ki Zindagi Me Sunte They,

Murde Waisa Hi Bolte Hain Jaisa Duniya Ki Zindagi Me Bolte They,

Waisa Hi Khaate Peete HainJaisa Duniya Ki Zindagi Me Khaate Peete They,

Unka Mauqaf Na Sirf Yah ki Aqalan Sahi Nahin Balke We Hazraat Quraan Majeed Ki Is Aayat Me " La Tash'ooroon" Ke Alfaaz Ka Khullam Khulla Inkaar Bhi Karte Hain,

Aakhir Me Ham Marne Ke Baad Ka Sunna Ka Aqeeda Rakhne Waalon Se Yah Poochna Chaahenge Ki

Barzakh Me Har Murde Ka (Chaahe Wah Musalman Ho Ya Kaafir, Nek Ho Ya Badd, Wali Ho Ya Ghair Wali) Sunna, Bolna, Dekhna, Pahchaanna, Momin Ho Toh Uska Raahat Aur Khushi Mahsoos Karna, Qayamat Qayam hOne Ki Dua Maangna Sab Kuch Saabit Hai,

Phir Aakhir Kya Wajah Hai Ki Sirf Auliya Ke Sunne Ko Hi Hamesha Bahes Me Laaya Jaata Hai, Ghair Auliya Ka Sunna Kabhi Zer e Bahes Nahin Laaya Jaata ???

Dusra Sawaal Yah Hai Ki Auliya e Kiram Ke Sirf "Sunne" Par Hi Bahes Kyon Ki Jaati Hai, Unka Bolna, Dekhna, Pahchaanna, Khushi Aur Raahat Mahsoos Karna, Khaana Peena Aur Dusre Kaamon Ko Zer e Bahes Nahin Laaya Jaata ??

Wajah Saaf Hai Ki Auliya Aur Nek Logon Ke Barzakh Me Sunne Ko Hi Buniyaad Banaakar Unke Mazaaron Par Haajiri Dene, Muraade Maangne, Haajat Talab Karne, Museebat Aur Mushkil Me Unhe Pukaarne aur Unse Gunaah Bakhswaane Ka Yaqeen Qayem Hota Hai Aur Phir Isi Aqeede Ki Buniyaad Par Logon Se Chadhaawe Aur Nazraane Wasool Kiye Jaate Hain,

Agar Logon Ko Yah Saaf Baat Bata Diya Jaaye Ki Murde Sirf Barzakh Me Sunte Hi Nahin Bolte Bhi Hain, Dekhte Bhi Hain, Pahchaante Bhi Hain, Khaate Peete Bhi Hain, Raahat Aur khushi Bhi Mahsoos Karte Hain Lekin Ye Sab Kuch Is Duniya Ki Zindagi Jaisa Nahin Balke Usse Bilkul Alag Hai, Toh Iska Nateeja Yahi Niklega Ki Deen e Khaankahi Ka Saara Karobaar Khatm Ho Jaayega

Mazaaron Ki Raunaqen Aur Mahfilein Veeraan Ho Jaayengi, Dargaahon Ke Bhaari Hukumati Wazaif, Grants, Aur Theke Khatm Ho Jayenge,

Sajjada'nasheen, Gaddi'nasheen, Makhdoom, Durwesh Aur Mujaawar Aam Insaano Ki Tarah Pet Paalne Ke Liye Mahnat Mazdoori Karne Par Majboor Ho Jaayenge Aur Yah Mashaqqat Aur Museebat Aakhir Kaun Mol Le....

Allah Taala Hamen Haq Baat Kahne Aur Sunne Ki Taufeeq Ata Farmaaye...... Aameen

The End

SUNNAT KHULEFA-RASHEEDEEN (RA)

Bismillahirrahmanirraheem

SUNNAT KHULEFA-RASHEEDEEN (RA)

Nabi E Akram Muhammad Sallaho alaihi wasallam ne Farmaya

" Pas Tum Me Se Jo Ye (Ikhtelaaf) Paaye Toh Us Par (Laazim) Hai Ke Meri Sunnat Aur Mere Khulefa e Rasheedeen Ki Sunnat Ko Laazim Pakad Le Use Apne Daanton Ke Saath (Mazboot) Pakad Lo "

(Sunan Tirmizi 2/96 , Hadith 2676)

Is Hadith Ke Baare Me Imam Tirmizi Ne Farmaya

"Yaad Rahe Ke Sayyidena Hz Umar (Ra) Ka Khulefa E Rashid Hona Nas E Sahih Se Saabit Hai Aur Is Par Musalmano Ka Ijma Hai"

Ek DusrI Hadith Me Nabi E Akram Muhammad Sallalaho alaihi wasallam Ne Farmaya

"Mere Baad In Do Shakhson Abu bakr Aur Umar (Ra) Ki Iqteda (Ittaat) Karna"

(Sunan Tirmizi 2/207, Hadith 3662, Ibn Majah 97)

Is Hadith Ke Baare Me Imam Tirmizi Ne Farmaya

"Lihaaza Saabit Hua Ke Ye Farooqui Huqm Bhi Hadith Marfua Ke Huqm Me Hai, Jabke Marfu Hadith Bhi Iski Taeed Karti Hain, Aur Ek Bhi Sahih Marfu Hadith Iske Mukhaalif Nahin Hai

Daleel Ek

Sayyidena Saib Bin Yazeed (Ra) Se Riwayat Hai

" Ham (Sahaba) Hz Umar Bin Khattab (ra) Ke Zamaane Me 11 Rakat Padhte They"

(Sunan Saeed Bin Mansoor Ba'hawala Alhawi Al fatawa 1/349, Haashiya Athar Us Sunan page 250)

Is Riwayat Ke Tamam Raawi Jamhoor Ke Nazdeek Siqa Wa Saddaq Hain

Jalaluddeen Suyuti (911 hijri) Is Riwayat Ke Baare Me Likhte Hain

"Aur Ye (11 Rakat Wali Riwayat) Musannaf Sayeed Bin Mansoor Me Bahut Sahih Sanad Ke Saath Hai"

(Masaabeeh Fi Salaatul taraweeh Lil Suyuti Page 15, al hawi Fatawa 1/250)

Lihaza Saabit Ho Gaya Ke 11 Rakat Qayam Ramzaan (Taraweeh) Par Sahaba Kiram (Ra) Ka Ijma Hai

Daleel-2

Musannaf Ibn Abi Shyba (235 hijri) Me Hai Ke

"Beshaq Hz Umar (Ra) Ne Logon Ko Aur Abi (Bin Kaab) Aur Tamindari (Ra) Par Jama Kiya, Pas Dono 11 Rakat Padhate They"

(Musannaf Ibn Abi Shayba 2/392 hadith 7670)

Is Riwayat Ki Sanad Bilkul Sahih Hai Aur Iske Saare Raawi Bukhari Wa Muslim Ke Hain Aur Bala Ijma Siqa Hain....

AHLE HDITH, AHLE HAQ HAIN

Bismillahirrahmanirraheem

AHLE HDITH, AHLE HAQ HAIN

Muqallid Sahab Din Raat, Ahle Hadith Ko Ghair Muqallideen Kah Kar Khoob Mazaaq Udaaya Karte Aur Ahle Haq, Ahle Sunnat Wal jamaat se Khaarij Qaraar Dete Hain,


Jabke Iske Saraasar Bar'ashq Mufti Kifayatullah Dehlawi Deobandi (1952 E) Farmate Hain

"Haan ! Ahle Hadith Musalman Hain Aur Ahle Sunnat Wal Jamaat Me Daakhil Hain, Inse Shadi Bayaah Ka Maamla Karna Durust Hai, Mahaz Tarq e Taqleed Se Islam Me Koi Farq Ni Padhta Aur Na Ahle Sunnat Wal Jamaat Se Taarak E Taqleed Baaher Hota Hai"

(Kifayatul Mufti 1/325, Jawab No. 370)

1- Mufti Kifayatullah Sahab Mazeed Likhte Hain

"Ghair Muqallideen Ke Peeche Hanafi Namaz Jayez Hai"

(Kifayatul mufti 1/325 Jawab No 370)

2- Muqallidon Ke Mamdoo Aur Tafseer Haqqani Ke Maulaf Abdul Haq Dehlawi Sahab (1336 hijri) Likhte Hain

"Aue Ahle Sunnat, Shafai, Maliki, Hambali ; Hanfi, Aur Ahle Hadith Bhi Unhi Me Daakhil hain "

(Aqaid Islam Page 3)

Tanbiyah: Ye Kitab "Aqaid Ul Islam" Janaab Muhammad Qasim Nanotwi, Bani Firqa Deobandiyah Ki Pasand Farmoodah Hai.

Dekhiye Aqaid Islam pg 264

3- Deobandion Ke Mufti Rasheed Ahmad Ludhiyanwi Sahab, Maudoodi Sahab Ko Jawab Dete Hue Likhte Hain

"Taqreeban Dusri, Teesri Sadi Hijri Me Ahle Haq Me Furui Aur Juzzui Masail Ke Hal Karne Me Ikhtelaaf e Inzaar Ke Pesh e Nazar 5 Makaatib e Fikr Qayem Ho Gaye Yani Mazhab E Arba Aur Ahle Hadith, Us Zamaane Se Lekar Aaj Tak Unhi 5 Tareeqon Me Haq Ko Munhasar Samjha Jaata Hai"

(Ahsanul Fatawa 1/316)

4- Deobandiyon Ke Peer Inaayatullah Shah Gujraati Mamati Apne Qalam Se Mai Dastakhat Likhte Hain

un 4 Gawahon Se Malum Hua Ke Deobandion Ke Nazdeek Bhi Ahle Hadith ; Ahle sunnat Aur Ahle Haq Hain..... Alhamdulillah

MUSLIM MULKON ME INTE'SHAAR KYON??:

Bismillahirrahmanirraheem

MUSLIM MULKON ME INTE'SHAAR KYON??:

Islam Aman Wa Insaaniyat Ka Paigham Ban kar Aaya Aur Nabi e Akram Muhammad Sallalaho alaihi wasallam Ne Sirf Apne 23 Saala Daur E Nubuwwat Me Ek Aisi Mumlakat Banaayi Jiske Saaye Me Poora Jazeera Arab Insaaf Wa Insaaniyat Ka Aisa Maskan Ban Gaya Ke Ghair Muslim Mu'arrikheen (Researcher) Bhi Iski TaareeF Karte Hain,

Ahle Arab Jo Loot Maar Aur Ghaarat Giri Ko Apna Zariya Ma'aash Banaaye Hue They Un Me Aap (Sws) Ne Aisa Inquilaab Barpa Kiya Ke Wah Insaaniyat wa Sharaafat Wa Tahzeeb Wa Tamaddun Ka Namoona Ban Gaye,

Aur Iran Wa Rome Jaise Us Daur Ke Muhzab Mulkon Me Daakhil Hue Toh Wahan Ke Log Bhi Unki Insaaniyat Aur Insaaf Par Aise mutaassib Hue Ke Apna Aabaayi Deen Tak Tark Karke Unke Deen Ko Apna Liya,

Aur Ab Tak Sadiyon Ke Baad Bhi Ye Islam Ke Paaye'daar Ilaaqen Hain,

Unhone Bahut Se Inquilabat Dekhe Lekin Kotaahi Amal Ke Siwa Kabhi Deen Islam Se Nahin Fire, Balke Islam Dushman Taaqaton Ke Hamlon Ne Unke Imaan Me Nayi Jaan Aur Nayi Rooh Paida Kar Di,

Aur Hamesha Apne Deen Islam Ke Liye Baatil Se Ladte Rahe,

Shikasht Bhi Khaaye, Lute Bhi, Unki Khopdi Ke Ghubbare Bhi Bane Lekin Unke Imaan Me Paaye'daari Ke Siwa Koi Kami Nahin Hui,

Muhammad Sallalaho alaihi wasallam Ka Ye Elaan Ke

"Tum Par Aaj Koi Saranjish Nahin Jaao Tum Aazaad Ho"

Islaam Dushmano Yani Ahle Makka Ke Dil Me Aise Asar'andaaz Hua Ke, Badr, Uhud Wa Khandaq Ke Hamlaawar Khud Hi

La Illaha Illallah Muhammadurrasoollullah

Ke Siwa Aap Ke is Insaaniyat Nawaaz Elaan Ka Koi Jawaab Na De Sake,

Aur Phir Poora Jazeera Arab Islam Ke Saaye Me Akhwat Wa Bhai Chaara Ka La'zawaal Namoona Ban Gaya,

Makka Se Yemen, Sona Uchhaalte Hue Ek Shakhs Nihaayat Sukoon Wa Aman Ke Saath Safar Karne Laga,

Jinhe Islam Se Pahle Apne Bacchon Aur Aurton Ke Baare Me Ye Itminaan Nahin Tha Ke Kab Unhen Loot Liya Jaayega,

Ab UskO us Sar'zameen Ke Chhappe Chhappe Par Apne Paasbaan (Protecters) Mil Rahe They,

Aur Iske Baad Khilaafat E Rasheda (Peroid Of First 4 caliph) Me Yahi Soorat E Haal Maujood Rahi,

Lekin Baad Ke Zamaane Me Siyaasat Aur Iqtedaar Ki Ladaiyyon Ne Muslim Mumlakat Me Bahut Se Napasandeedah Fitne Paida Kiye, Lekin Phir Bhi Muslim Mumlakat, Muslim Wa Ghair Muslim Riyaaya (People) Ke Saath Baraabar Insaaf Hota Raha,

Awaam Ki Aksariyat Hamesha Apne Sarbaraah (Caliph) Mumlakat Ki Khair'khwaah Rahi,

Aur Yahi Wajah Thi Muslim Mumlakat Par Jab Bhi Dushmano Ka Hamla Hua Toh Poori Riyaaya Ne Mil Kar Dushmano Ko Paspa Karne Ki Koshish Ki,

Lekin 12 Sadiyon Ke Baad Ye Soorat E Haal Badalne Lagi,

Aur 20wi Sadi Me Ye Soorat E Haal Hai Ke Sabse Zyada Nifaaq Wa Fasaad Muslim Mulkon Ke Andar Maujood Hai,

Aur Un Mulkon Ke Andar Awaam Aur Sarbaraahon (Goverment) Mumlakat Me Jo Baahimi Adaawat Wa Nafrat Ka Jazba Dekha Ja Raha Hai Wah Ghair Muslim Mulkon Me Bhi Dekhne Ko Nahin Milta,

Balke Ghair Muslim Mumalik Me Jo Musalman Rahte Hain Jab Un Muslim Mumalik Ki Soorat E Haal Par Ghaur Karte Hain Toh Itminaan Ki Saans Lete Hain Aur Jab Wahan Ki Be'hayyaion Aur Nangapan Ki Daastaan Sunte Hain Toh Unki Peshaniyan Paseene Se Tarr Ho Jaati Hain,

Yani Jo Muslim Mulk Sadiyon Tak Insaaf Wa Adal , Insaaniyat Wa Sharaafat Iffat Wa Paak'baazi Ka Namoona Rahe , Wahi Ab Adal Wa Insaaf Se Door Aur Islam Se Ghair Muslimon Ki Nafrat Ka Sabab Ban Rahen Hain,

Mulk Ke Andar Khud Mulk Ke Dushman Aur Dushmano Ke Dost Maujood Hote Hain Aur Sab Ki Waahid Wajah Parlimaani Jamhooriyat (Democracy) Ya Isaaiyyon Ka Banaya Hua Naya Deen Hai Jiske Be'ghair Europe Ke Aqaaon Ko Khush Nahin Kiya Ja Sakta,

Na Unse Soodi Qarz Lekar Mulk Ki Maa'aasiyat Aur Mulk Ko Paaye'daar Kiya Ja Sakta Hai,

Jisne Kam Se Kam Mulk Ke Qanoon Ko Deen Aur Dastoor Islam Se Itni Door kar Diya Hai Ke Wahan Is Ittehaad Ka Tasawwur Bhi Nahin Kiya Ja Sakta, Jo Islam Ki Nemat Se Haasil Hota Hai,

Parlimani Jamhooriat Aur Intekhaabaat Ne Har Muslim Mulk Me Itni Badi Tadaad Me Yahoodion Aur Isaaiyyon Ke Kaarkun Paida Kar Diye Hain Jo Jamhooriyat Ke Naam Par Mulk Me Inteshaar Wa Tafreeq Ki Koshish Karte Hain Aur Unhe Isaai Mulkon Ke Zariye Baraabar Ishaarah Kiya Jaata Hai,

Jaise Parlimani Jamhooriyat (Democracy) Ka Thoda Waqfa Bhi Mulk Ke Liye Sabse Bada Tabaah Kun Haadsha Hai, Aur Mulk ne Apne Wajood Aur Paaye'daari Ki Saari Zamaanat Hi Kho Diya Ho,

Mulk Ka Sarbaraah Bhi Yahi Sochta Hai Ke Wah Bade Mulk Ke Ishaaron Par Kaam Karke Hi Apne Iqtedaar Ko Bacha Sakta Hai Aur Uski Khushaamad Ke Beghair Ya Toh Mulk Ke Andar Yahoodion Aur Isaaiyyon Ke Kaarkun (Supporter) Hungama Paida Karke Use Iqtedaar Se Hata Denge Ya Phir Wah Kisi Hawaai Haadsa Wagerah Ka Shikaar Ho Jayega,

Muslim Mumalik Me Mulk Ke Sarbaraah Islam Ka Naam Zaroor Lete Hain Lekin Ye Baatein Zabaani Hoti Hain,

Aur Jab Unhe Mulk Ki Awaam Dastoor Shariat Ke Nifaaz Ki Baat Karti Hai Toh Phir Uske Saath Wahi Sulook Hota Hai Jo Dushmano Ke Saath Kiya Jaata Hai Aur Jab Dushmano Ka Saamna Hota Hai Toh Phir Saari Taaqat Khatm Aur Baazu ShaL Ho Jaate Hain Aur AnjaamKaar Naqaamiyan Hi Haath Aati Hain,

Yah Egypt Wa Syria Me Hua Hai Aur Ab Bhi Ho Raha Hai........

TARAAWEEH--- 8 YA 20 !!!!!!!!

 

 BISMILLAHIRRAHMANIRRAHEEM

TARAAWEEH--- 8 YA 20 !!!!!!!!

.Kuch Hanafi MaslaK Waale ye Samjhte Hain ki Taraaweeh
Ki Rakaat 8 Nahi Balki 20 Hai Jabki Is Maslaq Ke
Motbar Ulema 8 Rakaat Taraweeh Ko Sahih Maante
Hain
1) Deoband Firke Ke Baani Moulana
Qaasim Naanotvi Farmate Hain Ke Rasool (S.A.W)
Se Jo 11 Rakaat mai witr Saabit Hai Wo 20 Rakaat
Se zyada Motbar Hai

(Lataaif
Qasmiya,maktoob suaim safah 18)

2) Allaama zelyi Hanafi Farmate Hain Ki Taraaweeh Ki
Sirf 8 Rakaat Hi Hain.

(Nasab al rayt,fasal fee
Qayaam,shahr ramzaan jild 2,safah-153)

3) Allaama ibn Hamaam Hanafi Farmate hain ke
Taraaweeh Ki 8 Rakaat Hai.

(Fatah al Qadeer, shrah
hidaayat ,fasal fee qayaam ramzaan , jild
no.1,safah 407)

4) Allama Naeemi Hanfi Farmate Hain Ki Hamko
Ye Tasleem Karne Ke Elava Koi Raasta Nahi Ki
Taraaweeh Ki Rakaat Sirf 8 Hai.

(Aashaar al
sunan,bab al taravi bashmaan rkaat ,safah
398)

5)Imaam Aazam k Shaagirde Aazam hasan al
Shaibaani Moatta Me Farmate hain Ki Taraaweeh Ki
Rakaat 8 Hi Hain Jaisa Ki Hadeeso Se Sabit Hai.

(Moatta Imam muhammad,bab qayaam shahr
ramzaan,vma fee mau al
fazal ,safah-146,matb u qadeem qutub khana
karachi).

AULAAD KE ACCHE NAAM RAKHNA--(AULAAD KE HUQOOQ)

Bismillahirrahmanirraheem

AULAAD KE ACCHE NAAM RAKHNA--(AULAAD KE HUQOOQ)

Bacche ke Is Duniya Me Aa Jaane Ke Baad Waalidain Ki Zimmedari Hai Ki Uska Accha Sa Naam Tazweed Kare,

Acche Naam Rakhne Se Muraad Aise Naam Jinme Abdiyat (Allah Ka Banda Hone) Ka Izhaar Ho,

Sayyedina Abdullah Bin Umar (ra) Riwayat Karte Hain Ki Nabi e Akram Sallalaho Alaihi wasallam ne Farmaya

"Tumhare Naamon Me se Allah Ko Sabse Zyada Mahboob Naam Abdullah Aur Abdurrahman Hai"

(Sahih Muslim 2932)

Nek Logon Ke Naamon Par Naam Rakhna, Jaise Ambiya (as), Sahaba E Kiram (ra), Aur Deegar Salaf Ke Naamon Me se Koi Naam Rakh Liya Jaaye..

Sayyedena Hz Anas (ra) Se Riwayat Hai Ki Nabi e Akram Sallalaho Alaihi wasallam Ne Farmaya

" Raat Mere Yahan Beta Paida Hua Aur Maine Uska Naam Apne baap Ibraaheem Ke Naam Par Rakha Hai"

(Sahih Muslim 2395)

HALAL WA HARAM KA SHA'OOR PAIDA KARNA:

Sha'oor Aa Jaane Ke Baad sabse Pahle Bacche Ko Halal Aur Haram Ke Ahkaam Sikhaane Chahiye,

Sayyedena Abdullah Bin Abbas (ra) Ka Farmaan Hai

" Allah Ki Itaat Karo Aur Uski Nafarmaani Se Bacho, Aur Jin Cheezon Ka Huqm Diya Gaya Hai, Apni Aulaad Ko Un Cheezon Par Amal Karne Aur Jin Hceezon Se Roka Gaya Hai Unse Bachne Ka Huqm Karo,

Isliye Ki Ye Tumhare Aur Unke Liye Aag Se Bachne Ka Zariya Hai Aur Usme Raaz Yah Hai Ki Jab Baccha Bada Ho, Toh Wah Allah Ke Ahkaam Par Amal Karne Waala Ho Aur Unki Baja'aawri Ka Apne Aapko Aadi Banaaye"

(Tafseer Tibri 28/292)

Matlab Yah Hai Ki Jin Cheezon Se Roka Gaya Hai Unse Bacche Ko Door Rakhne Ki Koshish Ki Jaaye,

Jab Bachpan Hi Se Uska Yah Rujhaan Ban Jaayega Toh Wah Islaam Ke Elaawa Kisi Deen Aur Mazhab Ki Taraf Muta'wajjah Ni Hoga...

IBAADAAT KI ADAAYEGI KA HUQM KARNA:

Isse Agla Marhala Hai, Bacche Ko Ibaadat Ka Aadi Banaana,

Sayyedena Abdullah Bin Amr bin Aas (ra) se Riwayat Hai, Nabi e Akram Sallalaho Alaihi wasallam Ne Farmaya

" apni Aulaad Ko 7 Saal Ka Hone Par Namaz Ka Huqm Karo jab Wah 10 Saal Ke Ho Jaayen Toh Unhe Namaz Na Padhne Par Maaro Aur Unke Bistar Alag Kar do "

(Sunan Abu Dawood 465)

Yahan Roze Ko Bhi Namaz Par Qayaas Kiya Jaayega, Jab Baccha Roza Rakhne Ke Qaabil Ho Jaaye To Use Roza Rakhne Ke Liye Bhi Kaha Jaaye,

Aadat Daalne Ke Liye Use Roze Rakhwaaye Jaayen,

Baap Ke Paas Gunjaish Ho toh Bacche Ko Hajj Bhi Karaaya Jaaye, Isi Tarah Deegar ahKaam Ka Maamla Hai, Isme Hikmat Yahi Hai Ke Baccha Shuru Se Hi Yah Ahkaam Seekh Le.

Aur Na'umri Hi Se Unko Ada Karne Ka Aadi Ban Jaaye,

Isi Tarah Allah Ki Itaat Aur Uska Shukr Ada Karna Seekh Jaaye Aur Uske Har Huqm Par Gardan Jhukaane Ka Aadi Ban Jaaye, Alaawa arzi Use Maalum Ho Jaaye Ki Madad Sirf Allah Hi Se Maagni Hai,

Bharosa Sirf Usi Zaat Par Karna Hai Aur Har Mushkil Ke Waqt Sirf Aur Sirf Usi Ki Taraf Ruju Karna Hai,

KOSHISH KE SAATH ALLAH SE DUA KARNA:

Accha Tarbiyat ke Saath Saath Waalidain Ki Zimmedari Hai Ki wah Apni Aulaad Ke Liye Kasrat Se Dua Kare,

Kyonki Unki Duayon Ne Allah Taala Ne Qubuliyat Ki Taaseer Rakhi Hai,

Sayyedena Hz Abu Hurairah (ra) Se riwayat Hai Ki ; Nabi e Akram Sallalaho Alaihi wasallam Ne Farmaya

" 3 Duaon Ki Qubuliyat Par Koi Shaq Ni, Mazloom Ki Dua, Musaafir Ki Dua, Aulaad ke Liye Waalidain Ki Dua"

(Sunan Ibne Maja 3862)

In Duaaon Me Waalidain Ko Chahiye Ki Sirf Duniya Ko Hi Pesh E Nazar Na Rakhen Balke Duniya Ke Saath Saath Apni Aulaad Ki Aakhirat Ki Bhi Fiqr Karen, Jo Dar'haqeeqat Hamesha Ka Maqaam Hai,

surah Ibraaheem Me Allah Taala Ne Sayyedena Hz Ibraaheem (as) Ki Ye Dua Zikr Ki Hai

" Aiy Mere Rabb ! Mujhe Aur Meri Aulaad Ko Namaz Ka Paband Bana, Aiy Hamare Rabb ! Meri Dua Qubool Farma"

(Surah Ibraaheem 40)

Nabi e Akram Sallalaho Alaihi wasallam Ne Sayyedena Hz Abdullah Bin Abbas (ra) Ke Liye Ye Dua Farmaayi Thi

" aiy Allah Ise Kitaab Ka Ilm Sikha De"

(Sahih Bukhaari 75)

Ek Martaba Fazal Bin Zaid (rh) Ne Ek Dehaati Aurat ke Bacche ko Dekha Aur Bahut Hairaan Hue,

Unhone Us Aurat Se Bacche Ke Baare me Poocha Toh Usne Kaha

Jab Us Bacche Ki Umar 5 Saal Ho Gayi Toh Maine Use Ustaad Ke Hawaale Kar Diya Aur Usne Quraan e Kareem Yaad Kar Liya , Tilaawat Aut Tajweed Seekh Li Phir Use Umda Ashaar Yaad Karaaye Gaye,

Apni Qaum Ke Qaabil E Fakhr Kaarnaamon Ki Taaleem Di Gayi, Uske Aaba Wa Ajdaad Ke Kaarnaame Use Bataaye Gaye,

Jab Yah Bulughat Ki Umar Tak Pahunch Gaya Toh Use Ghodon Par Sawaar Karaya Gaya, Is Tarah Yah Bahtareen Sah'shwaar Ban Gaya,

Phir Hathyaaron Se Lais Hokar Muhalle Ke Gharon Ka Muhaafiz Ban Gaya Aur MadaD Ke Liye Pukaarne Waalon Ki Taraf Mutawajjah Hone Laga,

Matlab Yah Hai Ki Baccha Fitratan Tawheed Aur Allah Par Imaan Ki  Haalat Me Paida Hota Hai, Isme Us Waqt Buraayi Ni Hoti,

Uske Baad Ghar Me Acchi Aur Umdah Tarbiyat Aur Mu'aashre Me Acche Nek Saathi Aur Islaami Mahaul Mayassar Aa Jaaye Toh BIla'shubah Yah Baccha Pukhta Iman Waala Ban Jaata Hai,

Nabi e Akram Sallalaho Alaihi wasallam Ka Farmaan Hai

" Har Baccha Fitrat e Saleema Par Paida Hota Hai, Phir Uske Waalidain Use Yahoodi Bana Dete Hain, Ya Esaayi bana Dete Hai Ya Majoosi Bana Dete Hain"

(Sahih Bukhari 1385)

Ab Zara Ghaur Karen , Waalidain Apne Bacchon Ke Ghair Muslimon Ke Schools Aur Missionnary Idaaron Me Taaleem Dilwaate Hain,

Wahan Baccha Esaayi Ustaad Se Taaleem Wa Tarbiyat Haasil Karte Hain,

Wah Wahan Isaaiyat Ke Asraat Qubool Karenge Ya Ni ??

Dusri Taraf Agar Ham Unhe Acche Deeni Idaare Me Taaleem Dilwaayen Jahan Deeni Taaleem Ke Saath Saath Duniyawi Uloom Ki Taaleem Vhi Di Jaati Hai,

Toh Wahan Use Quraan Aur Hadith KA ilm Saath Saath Milega Aur Uski Fitrat Me Islaam Hi Rach Bas Sakega, Na Ki Isaaiyat Aur Majoosiyat....

In sha Allah Next Post Bacchon Me Akhlaaq Wa Kirdaar Ki Islaah Ke Baare Me Hoga.......

To Be Continued

ISLAAH E MU'AASHRAH

Bismillahirrahmanirraheem

 ISLAAH E MU'AASHRAH

 

★ "Hamare Mua’ashre main ye aik Badi hi be sharmi ki logon ko Aadat pd gayi hai, Nikah se Pehle jo Ladki Apne hi   Maa Baap Bhai aur Rishtedaro se Jo Parda karti hai wo Nikah k Baad khatam kardeti hai".
 

 •► Kya Allah ka Farman sirf Nikah se Pehle tak
hi hai?
 

 •► Kya Parda karna Nikah k Baad Aourat ko Muaaf hai? 

★ To phir jo Ladki jis ka Nikah na hua ho wo Nikah se Pehle apne sare Wujoode jism ko Parde main chupa kar rakhti hai Poore Libaas main aur Jab Nikah hojata hai to Saaree Pahen leti hai Astagfirullah aur sab k Samne apna Pait aur Peet dikhati phirti hai Bhai se Baap se Rishtdar Na Mahram mardo se, Kuch to gairat honi chahiye. Ye Islam nahi sikhata ye Saaree ka Pahenna to Hinduana Rasam hai.
 

 ★ Meri Pyari Bahno tum aik din budhi ho hi jaogi Lekin Shari’at Pehle bhi Jawan thi aaj bhi hai aur Ta Qayamat tk rahegi Islam main apne shohar k ilawa kisi aur ko Apna jism dikhana Haram Qarar diya hai. Toba kare Allah se aur jo is Gunah main hai unhe Samjhaye aur AaP khud bhi is par Aml kare ye Saaree pahenna chhode Islam ne jis tarah ka libas aourat k liye rakha hai us par aml paira hojaye

 ●══════════════════════◄►═════
═════════════════●
⇨ "O Children of Adam! We have bestowed
raiment upon you to cover yourselves (screen your private parts, etc.) and as an adornment,
and the raiment of righteousness, that isbetter. Such are among the Ayat (proofs,
evidences, verses, lessons, signs, revelations,etc.) of Allah, that they may remember 

(i.e. leave falsehood and follow truth)". 

(Qur'an 7:26)
 

 ★.....:: Islamic Hijab kya Hai Shariah k Mutabiq!! ::.....★
 

1. Sara jism dhanpna (COVER ) cahiye siwaye uske jo Allah Tala ne ijazat di hai masalan  aankh hatheliyan.

 (Quran 24:31, 33:59)
 

2. Kapdey aisey na ho jisey Dosron ki tawajja  jaye (attractive na ho).

(Quran 33:33)
 

3. Patla na ho jisey Jism ya Jism ka Shape nazer aye. 

(Sahih Muslim 2192 :: Ahmed 205)
 

4. Perfume ya Itr se mahekta na ho.

(Muslim 328 :: Abu Dawood 4175 :: Al Nasaai 154)
 

5. Kafiron ya Mardon k kapdon se milta julta na ho.

 (Abu dawood 4099, 4098 :: Ahmed 352 :: Sahih bukhari 39 :: Sahih Muslim 222)
 

6. Crosses na ho. 

(Sirat al Mustaqeem p 51)
 

7. Tasweerein na ho. 

(Sahih Bukhari 81)
 

8. Paak ho kisi bhi napak janwer k skin se bana na ho aur Na tiger aur dosrey gosht khane walA

 janwaron ki jild se bana ho.
 

 (Sahih Bukhari 111, 81 , 82 :: Sahih Muslim 1667, 1670)
 

9. Aisa NA ho jisey ghamand wa takabbur zaher ho.

  (Abu dawood 4129 :: Ibn majah3656 :: Sahih Bukhari 54 :: Sahih Muslim 1653)
 

10. Fuzool kharchi se kharida huwa Na ho.
 

(Sahih Bukhari 54 :: Sahih Muslim 1653)
 

11. Fashionnable Na ho . (Ahmed 181 :: Ibn Majah 3605)
 

 Allah Tala Har Muslimah ko Sahih HIjab Pahenne ki Toufeeq Ata kare.
 

 

★•.•´¯`•.•★ A A M E E N ★•.•´¯`•.•★