WAZU KA TAREEQA

 

 

 

 

✿✿Assalamualaikum Warahmatullahi Wabarakatuhu✿✿

*** Bismillah hir-Rahman nir-Rahim ***

Wazu ka Tarika:
▬▬▬▬▬▬▬▬▬▬▬▬▬▬▬▬

1. Bismillah kehna (sirf Bismillah hi kehna Ar-Rahman Nir-Raheem nahi kuy ki Nabi Sallallahu Aalaihi Wasallam ne itna hi ka hukum diya hai,

2. Nabi "Sallallahu Aalaihi Wasallam" juta pehanne, kangi karne, taharat karne aur garz tamaam kamo mein Dayi (Right) tarf se shuru karna pasand farmate,

3. Phir Dono hath pohcho tak (kalayi tak) 3 baar dhoye,

4. Hataou ko dhote waqat Hataou ki ungliyo ki darmiyaan qalal kare,

5. Phir ek chullu (pani) ley kar aadhe se kulli kare aur aadha naak mein daley aur Nak ko baye (left) hath se jhade, ye Aamal 3 baar kare,

6. Phir 3 baar Mou (face) dhoye,

7. Phir (Mard Hazrat) ek Chullu (pani) ley kar is se Thoddi ke niche daqil kar ke Dadi ka qalal kare,

8. Phir daya (right) hath kohni tak 3 baar dhoye, phir baya (left) hath khoni tak 3 baar dhoye,

9. Phir sar ka masa kare, dono hath sar ke agley hisse se shuru kar ke thuddi tak pichey ley jaye, phir pichey se aage is jagha ley aaye jahan se masa shuru kiya tha,

10. Sar ka masa ek baar karna

11. Phir kano ka masa is tarha kare ke Shahadad ki ungliya dono kano ke suraqo se guzar kar kano ki pusht (back) par Unghotou se masa kare,

12. Phir daya (right) Paou (leg) taqno tak 3 baar dhoye, aur baya (left) Paou bhi taqno tak 3 baar bhoye,

13. Jab wazu kare tou hatou aur paou ki Ungliyo ka qalal kare, Nabi (Sallallahu Aalaihi Wasallam) aapne Paou ki Ungliyo ka qalal hath ki Chungli (choti ungli) se kartey thaye

Wazu ke daleel:
▬▬▬▬▬▬▬▬▬▬▬▬▬▬▬▬

Nasayi Hadees 78
Bukhari Hadees 167
Bukhari Hadees 159
Abu Dawwd Hadees 142
Bukhari Hadees 191
Bukhari Hadees 185, 186, 192
Tirmizi Hadees 31
Bukhari Hadees 1934
Saheeh Bukhari Hadees 185
Ibne Maja Hadees 439
Bukhari Hadees 1934
Tirmizi Hadees 39
Abu dawood Hadees 148

Wazau ke baad ye Dua padhe:
▬▬▬▬▬▬▬▬▬▬▬▬▬▬▬▬▬▬▬▬▬▬▬▬

"Ashhadu Alla'ilaha illallah wahdahu La'sharika Lahu, Wa Ashhadu Anna Muhammadan Aabduhu wa Rasooluh."

[ Saheeh Muslim Hadees 234]

—

US SHAKHS KI NAMAZ BAHIN JISKA WAZU NAHIN

 

 

 

 

✿✿Assalamualaikum Warahmatullahi Wabarakatuhu✿✿

*** Bismillah hir-Rahman nir-Rahim ***

Hazrat Abu huraira Radi Alllahu anhu se rivayat hai ki RASOOLALLAH sallAllahu alaihi wasallam ne farmaya ki

"Us shaks ki namaz nahi jiska wudhu nahi aur us shaks ka wudhu nahi jisney iskey shuru mein BISMILLAH na parhi ho".

Sunan Abu Dawud, Book 1, Number 101

•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´

Ek Sahabi Radi Alllahu anhu rivayat kartey hain hai ki

RASOOLALLAH sallAllahu alaihi wasallam ne ek Shaks ko namaz parhtey huye dekha uskey paaw mein ek Dirham ke barabar jagah sukhi rah gayee thi to AAP sallAllahu alaihi wasallam ne usko wudhu aur Namaz ke lotaney ka hukm diya.

Sunan Abu Dawud, Book 1, Number #175:

•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´

Hazrath Abdullah bin UmrRadi Alllahu anhu se riwayiat hai k Hum RASOOLALLAH sallAllahu alaihi wasallam ke sath Makkah se Madinah ki tarf lautey,

Raste mein humein pani mila hum mein se ek Jamat ne Namaz aser ke liye jald bazi mein Wudu kiya piche se hum bhi pahunch gaye dekha ke inki Aediyan Khushk thii inko pani nahi pahuncha tha

RASOOLALLAH sallAllahu alaihi wasallam ne farmaya," Khushk Aediyon ke liye Aag se qarabi hai pas Wudu poora kiya karo".


Sahi Muslim Hadees 241

GHUSL-E-JANABAT

✿✿Assalamualaikum Warahmatullahi Wabarakatuhu✿✿

*** Bismillah hir-Rahman nir-Rahim ***

Halat-e-Janabat:
▬▬▬▬▬▬▬▬▬▬▬▬▬▬▬▬
Wajub Gusul ki halat ko Halat-e-Janabat kehtey hai, 4 halatou mein Musalmaan marad aur Aurt par Gusul karna farz hai.

1. Jhosh ke sath mani qarij hone ke baad, (is mein Ahtelaam bhi daqil hai),

2. Suhbat ke baad,

3. Hais ke baad aur

4. Nafaas ke baad (wo khoon jo pachche ki paidaish par jari hota hai).

Gusl-e-Janabat ka tarika:
▬▬▬▬▬▬▬▬▬▬▬▬▬▬▬▬

Aayesha Radi-Allahu-Anhu se rivayat hai ki Rasoollallah Sallallhu-Alaihi-Wasallam jab ghusal e janabat farmatey to

◄Pahley Aap Sallallahu-Alaihi-Wasallam dono haath dhothey

◄Phir namaz ki tarah wudhu kartey,

◄Phir sir ke baalon ka ungliyon se khilal farmatey yahan tak ki sir ke saaf honey ka yaqeen aur itnimamn ho jata

◄Phir Dono chullu bhar kar teen martaba sir par pani daaltey

◄Iskey baad sarey jism par paani daaltey

Sunan Nasaii, Vol 1,425 ( Sahih)

.•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´

Aayesha Radi-Allahu-Anhu se rivayat hai ki Rasoollallah Sallallhu-Alaihi-Wasallam ghusal karney ke baad wudhu nahi farmatey they (kyunki ghusal karna kafi ho jata hai.)

Sunan Nasaii, Vol 1, 432 ( Hasan)

.•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´

Hazrat Aayesha radi allahu anah se rivayat hai ki Rasoollallahu Sallallahu Alaihi Wasallam jab janabat ka guhusal farmatey to

◄Pahley dono haath dhotey

◄Phir usi tarah wudhu kartey jaisa namaz ke liye Aap Sallallahu Alaihi Wasallam wudhu kiya karte they

◄Phir paani mein apni ungliyan dakhil farmatey aur unse baalon ki jadon (root of hair) ka khilal kartey

◄Phir apney haathon se 3 chullu sir par daltey

◄ Phir tamam badan par paani baha detey.

Sahih Bukhari, wudhu ka Bayan (248)

.•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´

( Ghusal karte waqt ) Aurat ke liye sir ke baalon ko kholna zaruri nahi
▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬

Thawban Radi Allahu Anhu se rivayat hai ki Rasoollallah Sallallahu Alaihi Wasallam se Ghusal e janabat ke baarey mein daryaft kiya to Aap Sallallhu Alaihi Wasallam ne farmaya ki,

Mard ke liye to ye jaruri hai ki wo Apna sir khol kar ( yani baal khol kar) baalon ko dhoye yahan tak ki paani Baalon ki jado tak pahunch jaye magar Aurat ke liye sir ke baalon ko kholna zaruri nahi hai bulki isko chahiye ki wo Dono Haath se 3 martaba paani sir par Daal le".

Sunan Abu Dawud, Vol 1, # 255

.•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´

(Madhi nikalney) par sirf Wudhu karna kaafi hai (Ghusal farz nahi)
▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬

Sahl ibn Hunayf Radi Allahu Anhu se rivayat hai ki Main Madhi (mazi) ke baar baar nikalne se takleef mein mubtala rahta tha kyunki main aksar iski wajah se Ghusal kiya karta tha mainey Rasoollallah Sallallhu Alaihi Wasallam se is barey mein arz kiya Aap Sallallahu Alaihi Wasallam ne farmaya,

(Madhi nikalney) par sirf wudhu karna kaafi hai mainey arz kiya Ya Rasoollallah allallhu Alaihi Wasallam agar madhi kapdo par lag jaye to kya karu ? Aapney farmaya Ek chullu paani lekar us Muqam par chidak do jahan tumhey mehsus ho madhi lagi hai

Sunan Abu Dawud, Vol 1, # 210

.•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´

Ghusal ki jarurat ho aur paani na ho to Tayyamum karkey Namz parho
▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬

'Imran bin Husain Al-Khuza'I Radi Allahu Anhu se rivayat hai ki RASOOLALLAH Sallallhu-Alaihi-Wasallam ne ek Aadmi ko dekha ki Alag khada hua hai aur Logon ke saath Namaz mein sharik nahi ho raha AAP Sallallahu Alaihi Wasallam ne farmaya ki," Eh falah tumhey logon ke saath Namaz parhney se kis cheez ne rok diya "?

Usney Arz kiya ,"Ya RASOOLALLAH Sallallhu Alaihi Wasallam ! Main Junubi hu (Yani mujhe Ghusal ki jarurat hai) aur pani nahi hai ".

AAP Sallallahu Alaihi Wasallam ne farmaya," Phir tumko paak Mitti se tayyamum karna jaruri tha , wo tumhareyliye kaafi ho jata".

Sahih Bukhari, Vol1, 318

NAMAZ BA'JAMAAT

✿✿Assalamualaikum Warahmatullahi Wabarakatuhu✿✿

*** Bismillah hir-Rahman nir-Rahim ***

Namaz Ba Jamaat
▬▬▬▬▬▬▬▬▬▬▬▬▬▬▬

Hazrath ibn e Masood Radi Allahu Anhu ne farmaya ke beshak RASOOLALLAH Sallallhu-Alaihi-Wasallam ne humein hidayat ke tariqe sikhaye
In hidayat ke Tariqon mein ye baat bhi shamil hai ke is Masjid mein Namaz ada ki jaye jismein Azan di jati hai (aur ek rivayiat mein hai inhone farmaya )agr tum Namaz apne gharon mein padhogey jaise Jamat se piche rehne wala ye Shaks apne ghar mein padh leta hai to tum apne Nabi ki sunnat chorddogey
Aur agr Nabi ki sunat chorddogey to gumrah hojaogey aur (ye baat bhi shamil hai) jab koyi shaks accha Wazoo ker ke Masjid jaye to Allah tala har Qadam ke badle ek neiki likhta hai ek darja buland karta hai aur ek burayi mita deta hai
Jamaat se siwa khule Munafiq ke koyi pichey nahi rehta .Bimar bhi do admiyon ke sahare Namaz ke liye ata hai .
(Muslim 654)
*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´¸
Abu Hurairah Radi allahu anhu se rivayat hai ki Rasoollallah Sallallahu alaihi wasallam ne farmaya,
Maine ye irada kar liye tha ki Namaz ki jammaat qayam karney ka hukm dekar main khud un gharon par jauu jo namaz ke liye jamaat mein hazir nahi hotey aur unkey gharon ko jala du
Sahih Bukhari, Vol 3,2420
*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´¸
Ahu Hurairah Radi-Allahu-Anhu se rivayat hai ki Rasoollallah Sallallhu-Alaihi-Wasallam ne farmaya,
Agar logon ko malum ho jaye ki adhan kahney aur namaz pahli saf mein parhney se kitna sawab milta hai to unkey liye Qurra dalney ke siwa aur koi chara baqi nahi rahta aur us par wo qurra andazi hi kartey aur agar logon ko malum ho jaye ki namaz ke liye jaldi aaney mein kitna sawab hai to uskey liye ek dusrey se aagey barhney ki koshish kartey , aur agar logon ko malum ho jaye ki Isha aur Fajar ki namaz ka kitna sawab hai to ghaseet-tey huye ( by crawling) aana parhta to bhi aatey
Sahih Bukhari, Vol 1, 615
*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´¸
Abu Hurairah Radi-Allahu-Anhu se rivayat hai ki Rasoollallah Sallallhu-Alaihi-Wasallam ne farmaya jisney ek rakaat Namaaz (ba jamaa’t) pa li unsye (ba jama’at ka) Namaz ka sawab paa liya
Sahih Bukhari, Vol1 , # 580

MUNKIREEN E HADEES KO JAWAAB

MUNKIREEN E HADEES KO JAWAAB
 


Bismillahirrahmanirraheem
 

Munkireen E Hadees ki taraf se Aetraaz kiya jaat hai k baad mai chal kar bahut saari mouzu, manghadat aur zaeef hadeese sahih hadeeso mai mil gayi iska intezaam bhi Allah Tabarak o Ta'ala ne kar diya, Aese aese loogo ko tayyar kiya abhi ek misaal dunga aur aapko hairaan kar dunga Ek Ek raavi k halaat e zindagi ko chaan mara gaya aur Allah ta'ala ne ye farmaya tha k kisi khabar ko accept (amal) karne se pehle uski tehqeeq karlo khabar agar muhaqqaq ho jaye to maan lo muhaddiseen ne raavi-yaan E hadees ka pura kaccha chittha khool dala Mai misaal deta hu us se pehle hadees pad leta hu (yaani likh deta hu)
 
Hadees: AN ABI HURIRATA RAZI ALLAHU TA'ALA ANHU QALA QALA NABIYU SALLALLAHU ALAIHI WA SALLAM QALIMATAANI HABIBATAANI ILAL RAHMAAN KHAFI FATAANI ALAL LEESAAN SAKILATAANI FILMEEZAAN SUBHAN ALLAHI WA BIHAMDIHI SUBHAN ALLAHIL AZEEM 

(SHAHI BUKHARI KITABUT TAUHEED HADEES NO. 7563)
 

Imam Bukhari is Hadees ko bilkul aakhir mai laye hai aur ye Bukhari ki aakhiri hadees hai yaha par Bukhari khatam ho jati hai iske baad koi riwayat nahi hai raavi hazrat e Abu Huraira Razi Allahu Anhu hai Tarjuma: Hazrat E Abu Huraira Razi Allahu Anhu ne kaha k Hazrat Muhammad Sallallahu Alaihi Wa Sallam ne farmaya: Do kalme aese hai jo Allah Tabarak o Ta'ala ko bahut hi pasand hai jo zuban par halke hai aur qayamat k din aamaal ki taraazu mai boojhal ba wazan honge, wo kalmaat e mubaraka ye hai 

"SUBHAN ALLAHI WABIHAMDIHI" "SUBHAN ALLAHIL AZEEM".
 

(Bukhari Kitabut Tauheed Hadees no. 7563)
 

Mene ye hadees Hazrat E Abu Huraira Razi Allahu Anhu se shuru ki, Ab koi Munkireen E Hadees ye kahe k aapne Abu Huraira Razi Allahu Anhu ko dekha hai, mai kahunga Abu Huraira Razi Allahu Anhu ko to dekha nahi lekin "Mujhse lekar Nabi E Kareem Sallallahu Alaihi Wa Sallam tak jitne loog hai sab mere saamne hai (yaani puri sanad mojood hai) isliye k ye hadees Bukhari Shareef mai hai"
 

Mene yani SHEIKH JALALUDDIN QASMI NE BUKHARI PADHI APNE USTAAD MOLANA SAEED AHMAD PALANPURI SE MOLANA SAEED AHMAD PALANPURI NE BUKHARI PADHI APNE USTAAD BAKHRUDDIN MURADABAADI SE BAKHRUDDIN MURADABAADI NE BUKHARI PADHI APNE USTAAD MEHMOOD UL HASAN DEOBANDI SE MEHMOOD UL HASAN DEOBANDI NE BUKHARI PADHI APNE USTAAD MOLANA QASIM NANOTAVI SE MOLANA QASIM NANOTAVI NE BUKHARI PADHI APNE USTAAD SHEIKH ABDUL GANI MUJADDADI SE SHEIKH ABDUL GANI MUJADDADI NE BUKHARI PADHI APNE USTAAD SHAH ABDUL AZEEZ MUHADDIS DEHALVI SE SHAH ABDUL AZEEZ MUHADDIS DEHALVI NE BUKHARI PADHI APNE USTAAD SHAHI SAAB DEHALVI SE SHAHI SAAB DEHALVI NE BUKHARI PADHI APNE USTAAD SHAH WALI ULLAH MUHAADIS DEHALVI SE SHAH WALI ULLAH MUHAADIS DEHALVI NE BUKHARI PADHI APNE USTAAD SHEIKH ABU TAHIR QURDI SE SHEIKH ABU TAHIR QURDI NE BUKHARI PADHI APNE WALID IBRAHEEM QURDI SE IBRAHEEM QURDI NE BUKHARI PADHI APNE USTAAD SHIEKH AHMAD KASH'SHSHI SE SHIEKH AHMAD KASH'SHSHI NE BUKHARI PADHI APNE USTAAD SHEIKH AHMAD SHANNAAVI SE SHEIKH AHMAD SHANNAAVI NE BUKHARI PADHI APNE USTAAD MUHAMMAD IBNE YOUSUF RAMLI SE MUHAMMAD IBNE YOUSUF RAMLI NE BUKHARI PADHI APNE USTAAD ZAKARIYA ANSARI SE ZAKARIYA ANSARI NE BUKHARI PADHI APNE USTAAD HAZRAT E HAAZIF IBNE HAJAR ASKALAANI SE HAZRAT E HAAZIF IBNE HAJAR ASKALAANI NE BUKHARI PADHI APNE USTAAD IMAM IBRAHEEM TANOOKHI SE IMAM IBRAHEEM TANOOKHI NE BUKHARI PADHI APNE USTAAD AHMAD IBNE ABI TALIB SE AHMAD IBNE ABI TALIB NE BUKHARI PADHI APNE USTAAD SARRAAJ AL HUSSAIN IBNUL MUBARAK SE SARRAAJ AL HUSSAIN IBNUL MUBARAK NE BUKHARI PADHI APNE USTAAD SHIEKH ABDULLAH HARVI SE SHIEKH ABDULLAH HARVI NE BUKHARI PADHI APNE USTAAD SHIEKH ABDULLAH IBNE MUZAFFAR DAWOODI SE SHIEKH ABDULLAH IBNE MUZAFFAR DAWOODI NE BUKHARI PADHI APNE USTAAD SHIEKH ABDULLAH SARAKHTI SE SHIEKH ABDULLAH SARAKHTI NE BUKHARI PADHI APNE USTAAD MASH'HOOR MUHADDIS MUHAMMAD IBNE YOUSUF THARAPHARI SE MASH'HOOR MUHADDIS MUHAMMAD IBNE YOUSUF THARAPHARI NE BUKHARI PADHI APNE USTAAD HAZRAT E IMAAM MUHAMMAD IBNE ISRAEEL AL BUKHARI SE HAZRAT E IMAAM MUHAMMAD IBNE ISRAEEL AL BUKHARI KEHTE HAI HADDASANA AHMAD IBNE ISKAAB, HADDASANA MUHAMMAD IBNE FUZAILIN, AN UMARATA IBNUL QAAQA'E, AN ABI ZUR'ATA, AN ABI HURAIRATA
 
Hazrat E Imaam Muhammad Ibne Israeel Al Bukhari Kehte hai hum se Ahmad Ibne Iskaab ne bayan kiya, kaha k hum se Muhammad Ibne Fuzailin ne, un se Umara Bin Qaaqa'e ne, unhone ne Abu Zur'ah se, unhone Hazrat Abu Huraira Razi Allahu Anhu se "Hazrat E Abu Huraira Razi Allahu Anhu ne kaha k Hazrat Muhammad Sallallahu Alaihi Wa Sallam ne farmaya: Do kalme aese hai jo Allah Tabarak o Ta'ala ko bahut hi pasand hai jo zuban par halke hai aur qayamat k din aamaal ki taraazu mai boojhal ba wazan honge, wo kalmaat e mubaraka ye hai 

"SUBHAN ALLAHI WABIHAMDIHI"
"SUBHAN ALLAHIL AZEEM". 

(Bukhari Kitabut Tauheed Hadees no. 7563)

" pata chala ye hai Hadees bicharo ne kahi se ulti palti chand kitaabe padhli idhar udhar se aur hadeeso par aetraaz karne lage Hadees ka ilm hasil karo Hadees kitna azeem ilm hai hairaan reh jaoge ek ek hadees ko parakhne k liye ek ek hadees ko 100, 100 meyaaraat se guzarna padta hai aur muhaddiseen ki pehli nigaahe kisi na kisi maiyaar par gadbad raavi ko padkad leti thi. ummat k zaheen tareen loog muhaddiseen hai, samajh mai aya ye hai hadees.
 

Ab dekhiye kitne waaste hai mujhse (Sheikh Jalaluddin Qasmi) se hazrat e Abu Hurairah Razi Allahu Anhu tak aur phir Hazrat e Abu Huraira Razi Allahu Anhu se lekar Janab E Muhammadur Rasoolullah Sallallahu Alaihi Wa Sallam tak aur Muhammadur Rasoolullah Sallallahu Alaihi Wa Sallam se lekar Jibraeel Alaihis Salaam tak aur Jibraeel Alaihis Salaam se le kar
 
"ARRAHMAANU ALAL ARSHIS TAWA

" Allah Tabark o Ta'ala jo arsh par mujtavi hai us tak, ye sanad kaha tak pahunchi arsh tak pahunchi k nahi Muhammadur Rasoolullah Sallallahu Alaihi Wa Sallam us waqt tak nahi bolte jab tak Jibraeel Alaihis Salaaam nhi bolte aur jab tak Jibraeel Alaihis Salaam nhi bolte jab tak Allah Tabarak o Ta'ala unse na keh de, ye mai nhi keh raha ye to Allah Tabarak o Ta'ala ne irshaad farmaya: 

"WAN NAJMI IZA HAWA, MA ZALLA SAHIBUKUM WAMA GAWA, WAMA YANTIKU ANIL HAWA IN HUA ILLA WAHYUN YUHA

" Mera Nabi jab bolta hai to uski kisi baat mai uski khawaish e nafs ki aamezish nhi hoti (yaani apni taraf se kuch nhi boolte) zuban uski hoti hai aur baat meri hoti hai. (ALLAHU AKBAR)
 

Allah Tabarak o Ta'ala Sheikh ki hifazat farmaaye aur unke ilm mai izafa ata famaye, Aur mere ilm mai bhi izafa ata farmaye. (AAMEEN YA RABBAL ALAMEEN)

SALATUT TASBEEH KI NAMAZ

Alhamdulillhi rabbil aalameen,was salaatu was salaamu ala ashrafil ambiyaaee wal mursaleen, ammaa baad:

Asslamu Alaikum Wa Rahamatullahe Ta'la Wa Barkathu..

Bismillahirrahmanirraheem ..

***Salaatut Tas‍beeh k Bayan***

Nafil Namazo me se ek Namaz ''salaatut tas‍beeh'' v hai, jiske Rasul Allah (s.a.w) ne apne Chacha Hazrat Abbas bin Abdulmutalib r.a ko Targeb de the, Hazrat Abdullah bin Abbas r.a Farmate hai k Rasul Allah (s.a.w) ne Apne Chacha Hazrat Abbas bin Abdulmutalib r.a se Farmaya tha k Aye Chacha jaan !

''Kya may Apko Ata na karu? Kya may apko Khair Na pahuchau? Kya may apko Na du? Kya may apko 10 Ayse Baate Na batau jab unper Amal karne lage ge tou Allah Tala Aap k Agle Aur Pichle Naye Or Purane , Dahista Aur Gair-Dahista ,Choti Aur Bade,Chupe hue Aur Kule' Saare Gunah Maaf Farma dega' wo Amal ye hai :

Aap 4 Rekat Naam padhe 'Her ek Rekat me Sureh Fatiya Aur koi ek Sureh padhe'jab pahle Rekat ki Qirat kar le tou halat e Qayam he me 15 martaba : ((sub‍haanaal‍laa e valaham‍dolil‍laahe valaailaahaail‍lal‍laaho val‍lal‍laahoakabara)) kahe' fer ruku kare tou yahi kalemat halat e Ruku me 10 baar kahe' fer jab Ruku se Sir Uthaye tou yahi kalimat 10 baar kahe ' fer jab Sajda me jaye tou halat Sajda me 10 baar yahi kalimat kahe' Fer Sajda se sir uthaye tou yahi kalimat 10 baar kahe ' jab dusra Sajda kare tou yahi kalimat 10 baar kahe Aur fer jab dusre sajde se Sir uthaye tou yahi kalimat 10 baar kahe ' tou es tarah ye her rekat me : 75 baar hoge ye Amal Aap 4ro rekat me kare' ager pad sake tou her Roz 1 Martaba ese padhe Warna her Juma ko ek baar pad le ' aysa v Na kar sake tou her Mahine me ek baar ' ya fer Mumkin na ho tou Saal me 1 baar' Aur Ager ye v Mumkin Na ho tou Umar me ek baar Jarur pad le.''

[Sunan Abu Daood jild-1 safa-184 kitab al salat hadees no-1105,1297, Jamai Tirmizi jild-1 safa-63 kitab Al salat hadees no-443,479, Sunan Ibn Maza jild-1 safa-100 kitab Ikamat Al salat hadees no-1387,1386,1376,3177 (ASanad sahi) ]

Es hadees k bare me Allama Abdul Rahmane Mubarak Puri r.al Farmate hai :

''Yaani Mere Nazdeq ye hak hai k hazrat Abdullah bin Abbas r.a ki Hadees zaif Nahi hai' Chunanche Moudu ho' balke eske Hasan hone me mere Nazdeq koi Sak o Subah Nahi hai , hatta k Sawahid ki benah per esko Sahi lagreya karar dena v baeed Nahi hai''

[Mura'at al mufa teh Sareh Miskat Al musabiya jild-4 safa-374]

Salaatut Tas‍beeh Kaa Aasaan Tareekaa :

Aap 4 Rekat Namaz es Tarah Ada kare k Her Rekat me Sureh Fatiya Aur koi Sureh ki Tilawat k Baad 15 Martaba Aur uske Elawa Ruku wa Suzud Wagaira ki Tasbeh k Baad 10 Martaba padhe :

Wo Dua ye hai :

''Sub‍haanaal‍laa e Valaham‍dolil‍laahe Valaailaahaail‍lal‍laaho Val‍lal‍laahoakabara''

Step by Step Asan tareka Samjhe :

1. Aaujobil‍laaheminash‍shaitaanirrajim Bismil‍laaheerrahamaanirrahim
Soore faatihaa (al‍ham‍dolil‍laahe rabbil aalameen....Aur koi Surat padne k baad)
Soore ke baad 15 Maratabaa

2. Rooku men 10 Maratabaa (Sub‍haanarabbilaajeem ke baad)

3. (rookua se khade hokar, yaani Halat e Qayam me)
kaadaa men 10 maratabaa (samial‍laaholemanahamedaa rab‍banaalakalaham‍d ke baad)

4. saj‍da e Awla men 10 Maratabaa (sub‍haan rabbil aalaa ke baad)

5. (2 saj‍de ke dar‍miyaan, yaani 2no sajda k bich me jise Jalsa kahte hai )
jal‍saa men 10 Maratabaa (Rabbig ferle dua k baad)

6. Doosare saj‍de men 10 Maratabaa (sub‍haana rabbil aalaa ke baad)

7. Dono Sajdo k baad ''Jalsa e Isterahat'' ki baithaq me 10 Maratabaa

is tarah pahalee rakaat men 75 maratabaa,
doosaree rakaat men 75 maratabaa
3sri Rekat ko khade hote hee(al‍ham‍dolil‍laahe rabbil aalameen....Aur koi Surat padne k baad) 15 baar
fir rookooa men 10 baar
fir kaadaa men 10 baar
fir sajade men 10 baar
fir jalasaa men 10 baar
fir doosare sajade men 10 baar
fir jalsa e Isterahat men 10 baar
is tarah 75 maratabaa tas‍beeh padhen.
teesaree rakaat men 75 maratabaa aur
chauthee rakaat men 75 maratabaa tas‍beeha padhen.
is tarah chaar rakaat men kul 300 maratabaa tas‍beeh padhee jaaegee.

Allah paak kahne Sunne se jayada hume Amal karne ki toufeeq de Aameen.


Via- Imran khan salafi.

MASJID KE AHKAAM

MASJID KE AHKAAM


 ✿✿Assalamualaikum Warahmatullahi Wabarakatuhu✿✿

*** Bismillah hir-Rahman nir-Rahim ***

Masajid Ke Ehkaam
▬▬▬▬▬▬▬▬▬▬▬▬▬▬

Hazrath Abu Hurairah Radi Allahu Anhu rivayiat karte hain ke Rasoollallah Sallallhu Alaihi Wasallam ne farmaya,

" Allah ko Masjidein bahut ziyada Mehbub hain aur Bazaar intehayi Napasand hain".


(Muslim Hadees 671)

*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´¸

Hazrath Abu Hurariah Radi Allahu Anhu rivayiat karte hain Rasoollallah Sallallhu Alaihi Wasallam ne farmaya,

" Jo koyi Din ke Awwal hisse mein ya Din ke akhri hisse mein Masjid ki taraf jaye Allah uske liye Bahisht mein Mehmani tayyar karta hai ".

(Bukhari 662 , Muslim 669)

*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´¸

Hazrath Abu Qatada Radi Allahu Anhu rivayiat karte hain Rasoollallah Sallallhu Alaihi Wasallam ne farmaya,

" Jab tum Masjid mein Daqil ho to Baithne se pahle do Rakaat (Nafil Tehtul Masjid ke tawr per) padha karo".


(Bukhari 444, 1163, Sahi Muslim 714)

*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´¸

Rasoollallah Sallallhu Alaihi Wasallam ne Piyaz aur Lehsan se mana kiya hai aur farmaya,

Jo koyi in dono ko khaye to Masjid ke qarib na aye aur farmaya agr tum ne inhein khana hi hai to inko paka ker inki Boo maar lo

Kiu k isey Farishton ko bhi Aeza pahunchti hai .

(Abu Dawood 382, Muslim 564)

*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´¸

Rasoollallah Sallallhu Alaihi Wasallam ne farmaya,

Mujhper meri Ummat ke acche aur burey amaal pesh kiye gaye Maine dekha ke neik amaal mein raste se taklif dechiz ko dur kerna bhi hy aur bure amaal mein Masjid mein Thukna bhi hy jisper mitti na daligayi ho

(Muslim 553)

(Aaj kal Masajid se thuk ko pani ya kapde waghyra se saf kiya jayega)

*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´¸

Hazrath Abu Hurariah Radi Allahu Anhu rivayiat karte hain ke Rasoollallah Sallallhu Alaihi Wasallam ne farmaya,

Jab tum kisi shaks ko Masjid mein kuch bechta ya qareedta dekho to kaho Allah teri saudagari mein nafa Na de

Aur jis waqt tum kisi shaks ko Masjid mein gumshuda chiz ka elaan kete huwe dekho to kaho Allah tujhe wo chiz Na laotaye.

Pas beshak Masjid is maqsad ke liye to nahi banayi gayi .

(Tirmidhi 1324 ,Hakim sahih )

*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´¸

Hazrath Abu imama Radi Allahu Anhu rivayiat karte hain ke Rasoollallah Sallallhu Alaihi Wasallam ne farmaya,

Jo shaks apne ghar se Ba wazoo ho kar Farz ada kerne k liye Masjid ke liye nikalta hai pas isko Haj ka ihram bandhne wale ki manind Sawab milta hai

(Abu Dawood 558 Hasan )

*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´¸

Hazrath Abu Saeed Qazri Radi Allahu Anhu rivayiat karte hain ke Rasoollallah Sallallhu Alaihi Wasallam ne farmaya ,

Jab tum kisi shaks ko Masjid ki Qabrgiri karte huwe dekho to iske Imaan ki Gawahi Do

(Tirmidhi 2622, Ibn e Majah 802. Ibn e Habban 310 Sahih )