Thursday, July 18, 2013

TARAAWEEH--- 8 YA 20 !!!!!!!!

 
 BISMILLAHIRRAHMANIRRAHEEM



TARAAWEEH--- 8 YA 20 !!!!!!!!



.Kuch Hanafi MaslaK Waale ye Samjhte Hain ki Taraaweeh
Ki Rakaat 8 Nahi Balki 20 Hai Jabki Is Maslaq Ke
Motbar Ulema 8 Rakaat Taraweeh Ko Sahih Maante
Hain

1) Deoband Firke Ke Baani Moulana
Qaasim Naanotvi Farmate Hain Ke Rasool (S.A.W)
Se Jo 11 Rakaat mai witr Saabit Hai Wo 20 Rakaat
Se zyada Motbar Hai

(Lataaif
Qasmiya,maktoob suaim safah 18)

2) Allaama zelyi Hanafi Farmate Hain Ki Taraaweeh Ki
Sirf 8 Rakaat Hi Hain.

(Nasab al rayt,fasal fee
Qayaam,shahr ramzaan jild 2,safah-153)

3) Allaama ibn Hamaam Hanafi Farmate hain ke
Taraaweeh Ki 8 Rakaat Hai.

(Fatah al Qadeer, shrah
hidaayat ,fasal fee qayaam ramzaan , jild
no.1,safah 407)

4) Allama Naeemi Hanfi Farmate Hain Ki Hamko
Ye Tasleem Karne Ke Elava Koi Raasta Nahi Ki
Taraaweeh Ki Rakaat Sirf 8 Hai.

(Aashaar al
sunan,bab al taravi bashmaan rkaat ,safah
398)

5)Imaam Aazam k Shaagirde Aazam hasan al
Shaibaani Moatta Me Farmate hain Ki Taraaweeh Ki
Rakaat 8 Hi Hain Jaisa Ki Hadeeso Se Sabit Hai.

(Moatta Imam muhammad,bab qayaam shahr
ramzaan,vma fee mau al
fazal ,safah-146,matb u qadeem qutub khana
karachi).

Tuesday, July 16, 2013

AULAAD KE ACCHE NAAM RAKHNA--(AULAAD KE HUQOOQ)






Bismillahirrahmanirraheem

AULAAD KE ACCHE NAAM RAKHNA--(AULAAD KE HUQOOQ)

Bacche ke Is Duniya Me Aa Jaane Ke Baad Waalidain Ki Zimmedari Hai Ki Uska Accha Sa Naam Tazweed Kare,


Acche Naam Rakhne Se Muraad Aise Naam Jinme Abdiyat (Allah Ka Banda Hone) Ka Izhaar Ho,

Sayyedina Abdullah Bin Umar (ra) Riwayat Karte Hain Ki Nabi e Akram Sallalaho Alaihi wasallam ne Farmaya

"Tumhare Naamon Me se Allah Ko Sabse Zyada Mahboob Naam Abdullah Aur Abdurrahman Hai"

(Sahih Muslim 2932)

Nek Logon Ke Naamon Par Naam Rakhna, Jaise Ambiya (as), Sahaba E Kiram (ra), Aur Deegar Salaf Ke Naamon Me se Koi Naam Rakh Liya Jaaye..

Sayyedena Hz Anas (ra) Se Riwayat Hai Ki Nabi e Akram Sallalaho Alaihi wasallam Ne Farmaya

" Raat Mere Yahan Beta Paida Hua Aur Maine Uska Naam Apne baap Ibraaheem Ke Naam Par Rakha Hai"

(Sahih Muslim 2395)

HALAL WA HARAM KA SHA'OOR PAIDA KARNA:

Sha'oor Aa Jaane Ke Baad sabse Pahle Bacche Ko Halal Aur Haram Ke Ahkaam Sikhaane Chahiye,

Sayyedena Abdullah Bin Abbas (ra) Ka Farmaan Hai

" Allah Ki Itaat Karo Aur Uski Nafarmaani Se Bacho, Aur Jin Cheezon Ka Huqm Diya Gaya Hai, Apni Aulaad Ko Un Cheezon Par Amal Karne Aur Jin Hceezon Se Roka Gaya Hai Unse Bachne Ka Huqm Karo,

Isliye Ki Ye Tumhare Aur Unke Liye Aag Se Bachne Ka Zariya Hai Aur Usme Raaz Yah Hai Ki Jab Baccha Bada Ho, Toh Wah Allah Ke Ahkaam Par Amal Karne Waala Ho Aur Unki Baja'aawri Ka Apne Aapko Aadi Banaaye"

(Tafseer Tibri 28/292)

Matlab Yah Hai Ki Jin Cheezon Se Roka Gaya Hai Unse Bacche Ko Door Rakhne Ki Koshish Ki Jaaye,

Jab Bachpan Hi Se Uska Yah Rujhaan Ban Jaayega Toh Wah Islaam Ke Elaawa Kisi Deen Aur Mazhab Ki Taraf Muta'wajjah Ni Hoga...

IBAADAAT KI ADAAYEGI KA HUQM KARNA:

Isse Agla Marhala Hai, Bacche Ko Ibaadat Ka Aadi Banaana,

Sayyedena Abdullah Bin Amr bin Aas (ra) se Riwayat Hai, Nabi e Akram Sallalaho Alaihi wasallam Ne Farmaya

" apni Aulaad Ko 7 Saal Ka Hone Par Namaz Ka Huqm Karo jab Wah 10 Saal Ke Ho Jaayen Toh Unhe Namaz Na Padhne Par Maaro Aur Unke Bistar Alag Kar do "

(Sunan Abu Dawood 465)

Yahan Roze Ko Bhi Namaz Par Qayaas Kiya Jaayega, Jab Baccha Roza Rakhne Ke Qaabil Ho Jaaye To Use Roza Rakhne Ke Liye Bhi Kaha Jaaye,

Aadat Daalne Ke Liye Use Roze Rakhwaaye Jaayen,

Baap Ke Paas Gunjaish Ho toh Bacche Ko Hajj Bhi Karaaya Jaaye, Isi Tarah Deegar ahKaam Ka Maamla Hai, Isme Hikmat Yahi Hai Ke Baccha Shuru Se Hi Yah Ahkaam Seekh Le.

Aur Na'umri Hi Se Unko Ada Karne Ka Aadi Ban Jaaye,

Isi Tarah Allah Ki Itaat Aur Uska Shukr Ada Karna Seekh Jaaye Aur Uske Har Huqm Par Gardan Jhukaane Ka Aadi Ban Jaaye, Alaawa arzi Use Maalum Ho Jaaye Ki Madad Sirf Allah Hi Se Maagni Hai,

Bharosa Sirf Usi Zaat Par Karna Hai Aur Har Mushkil Ke Waqt Sirf Aur Sirf Usi Ki Taraf Ruju Karna Hai,

KOSHISH KE SAATH ALLAH SE DUA KARNA:

Accha Tarbiyat ke Saath Saath Waalidain Ki Zimmedari Hai Ki wah Apni Aulaad Ke Liye Kasrat Se Dua Kare,

Kyonki Unki Duayon Ne Allah Taala Ne Qubuliyat Ki Taaseer Rakhi Hai,

Sayyedena Hz Abu Hurairah (ra) Se riwayat Hai Ki ; Nabi e Akram Sallalaho Alaihi wasallam Ne Farmaya

" 3 Duaon Ki Qubuliyat Par Koi Shaq Ni, Mazloom Ki Dua, Musaafir Ki Dua, Aulaad ke Liye Waalidain Ki Dua"

(Sunan Ibne Maja 3862)

In Duaaon Me Waalidain Ko Chahiye Ki Sirf Duniya Ko Hi Pesh E Nazar Na Rakhen Balke Duniya Ke Saath Saath Apni Aulaad Ki Aakhirat Ki Bhi Fiqr Karen, Jo Dar'haqeeqat Hamesha Ka Maqaam Hai,

surah Ibraaheem Me Allah Taala Ne Sayyedena Hz Ibraaheem (as) Ki Ye Dua Zikr Ki Hai

" Aiy Mere Rabb ! Mujhe Aur Meri Aulaad Ko Namaz Ka Paband Bana, Aiy Hamare Rabb ! Meri Dua Qubool Farma"

(Surah Ibraaheem 40)

Nabi e Akram Sallalaho Alaihi wasallam Ne Sayyedena Hz Abdullah Bin Abbas (ra) Ke Liye Ye Dua Farmaayi Thi

" aiy Allah Ise Kitaab Ka Ilm Sikha De"

(Sahih Bukhaari 75)

Ek Martaba Fazal Bin Zaid (rh) Ne Ek Dehaati Aurat ke Bacche ko Dekha Aur Bahut Hairaan Hue,

Unhone Us Aurat Se Bacche Ke Baare me Poocha Toh Usne Kaha

Jab Us Bacche Ki Umar 5 Saal Ho Gayi Toh Maine Use Ustaad Ke Hawaale Kar Diya Aur Usne Quraan e Kareem Yaad Kar Liya , Tilaawat Aut Tajweed Seekh Li Phir Use Umda Ashaar Yaad Karaaye Gaye,

Apni Qaum Ke Qaabil E Fakhr Kaarnaamon Ki Taaleem Di Gayi, Uske Aaba Wa Ajdaad Ke Kaarnaame Use Bataaye Gaye,

Jab Yah Bulughat Ki Umar Tak Pahunch Gaya Toh Use Ghodon Par Sawaar Karaya Gaya, Is Tarah Yah Bahtareen Sah'shwaar Ban Gaya,

Phir Hathyaaron Se Lais Hokar Muhalle Ke Gharon Ka Muhaafiz Ban Gaya Aur MadaD Ke Liye Pukaarne Waalon Ki Taraf Mutawajjah Hone Laga,

Matlab Yah Hai Ki Baccha Fitratan Tawheed Aur Allah Par Imaan Ki 
Haalat Me Paida Hota Hai, Isme Us Waqt Buraayi Ni Hoti,

Uske Baad Ghar Me Acchi Aur Umdah Tarbiyat Aur Mu'aashre Me Acche Nek Saathi Aur Islaami Mahaul Mayassar Aa Jaaye Toh BIla'shubah Yah Baccha Pukhta Iman Waala Ban Jaata Hai,

Nabi e Akram Sal
lalaho Alaihi wasallam Ka Farmaan Hai

" Har Baccha Fitrat e Saleema Par Paida Hota Hai, Phir Uske Waalidain Use Yahoodi Bana Dete Hain, Ya Esaayi bana Dete Hai Ya Majoosi Bana Dete Hain"

(Sahih Bukhari 1385)

Ab Zara Ghaur Karen , Waalidain Apne Bacchon Ke Ghair Muslimon Ke Schools Aur Missionnary Idaaron Me Taaleem Dilwaate Hain,

Wahan Baccha Esaayi Ustaad Se Taaleem Wa Tarbiyat Haasil Karte Hain,

Wah Wahan Isaaiyat Ke Asraat Qubool Karenge Ya Ni ??

Dusri Taraf Agar Ham Unhe Acche Deeni Idaare Me Taaleem Dilwaayen Jahan Deeni Taaleem Ke Saath Saath Duniyawi Uloom Ki Taaleem Vhi Di Jaati Hai,

Toh Wahan Use Quraan Aur Hadith KA ilm Saath Saath Milega Aur Uski Fitrat Me Islaam Hi Rach Bas Sakega, Na Ki Isaaiyat Aur Majoosiyat....

In sha Allah Next Post Bacchon Me Akhlaaq Wa Kirdaar Ki Islaah Ke Baare Me Hoga.......

To Be Continued

Monday, July 8, 2013

ISLAAH E MU'AASHRAH




Bismillahirrahmanirraheem



 ISLAAH E MU'AASHRAH
 
★ "Hamare Mua’ashre main ye aik Badi hi be sharmi ki logon ko Aadat pd gayi hai, Nikah se Pehle jo Ladki Apne hi   Maa Baap Bhai aur Rishtedaro se Jo Parda karti hai wo Nikah k Baad khatam kardeti hai".
 
 •► Kya Allah ka Farman sirf Nikah se Pehle tak
hi hai?
 
 •► Kya Parda karna Nikah k Baad Aourat ko Muaaf hai? 
★ To phir jo Ladki jis ka Nikah na hua ho wo Nikah se Pehle apne sare Wujoode jism ko Parde main chupa kar rakhti hai Poore Libaas main aur Jab Nikah hojata hai to Saaree Pahen leti hai Astagfirullah aur sab k Samne apna Pait aur Peet dikhati phirti hai Bhai se Baap se Rishtdar Na Mahram mardo se, Kuch to gairat honi chahiye. Ye Islam nahi sikhata ye Saaree ka Pahenna to Hinduana Rasam hai.
 
 ★ Meri Pyari Bahno tum aik din budhi ho hi jaogi Lekin Shari’at Pehle bhi Jawan thi aaj bhi hai aur Ta Qayamat tk rahegi Islam main apne shohar k ilawa kisi aur ko Apna jism dikhana Haram Qarar diya hai. Toba kare Allah se aur jo is Gunah main hai unhe Samjhaye aur AaP khud bhi is par Aml kare ye Saaree pahenna chhode Islam ne jis tarah ka libas aourat k liye rakha hai us par aml paira hojaye
 ●══════════════════════◄►═════
═════════════════●
⇨ "O Children of Adam! We have bestowed
raiment upon you to cover yourselves (screen your private parts, etc.) and as an adornment,
and the raiment of righteousness, that isbetter. Such are among the Ayat (proofs,
evidences, verses, lessons, signs, revelations,etc.) of Allah, that they may remember 
(i.e. leave falsehood and follow truth)". 
(Qur'an 7:26)
 
 ★.....:: Islamic Hijab kya Hai Shariah k Mutabiq!! ::.....★
 
1. Sara jism dhanpna (COVER ) cahiye siwaye uske jo Allah Tala ne ijazat di hai masalan  aankh hatheliyan.
 (Quran 24:31, 33:59)
 
2. Kapdey aisey na ho jisey Dosron ki tawajja  jaye (attractive na ho).
(Quran 33:33)
 
3. Patla na ho jisey Jism ya Jism ka Shape nazer aye. 
(Sahih Muslim 2192 :: Ahmed 205)
 
4. Perfume ya Itr se mahekta na ho.
(Muslim 328 :: Abu Dawood 4175 :: Al Nasaai 154)
 
5. Kafiron ya Mardon k kapdon se milta julta na ho.
 (Abu dawood 4099, 4098 :: Ahmed 352 :: Sahih bukhari 39 :: Sahih Muslim 222)
 
6. Crosses na ho. 
(Sirat al Mustaqeem p 51)
 
7. Tasweerein na ho. 
(Sahih Bukhari 81)
 
8. Paak ho kisi bhi napak janwer k skin se bana na ho aur Na tiger aur dosrey gosht khane walA
 janwaron ki jild se bana ho.
 
 (Sahih Bukhari 111, 81 , 82 :: Sahih Muslim 1667, 1670)
 
9. Aisa NA ho jisey ghamand wa takabbur zaher ho.
  (Abu dawood 4129 :: Ibn majah3656 :: Sahih Bukhari 54 :: Sahih Muslim 1653)
 
10. Fuzool kharchi se kharida huwa Na ho.
 
(Sahih Bukhari 54 :: Sahih Muslim 1653)
 
11. Fashionnable Na ho . (Ahmed 181 :: Ibn Majah 3605)
 
 Allah Tala Har Muslimah ko Sahih HIjab Pahenne ki Toufeeq Ata kare.
 
 
★•.•´¯`•.•★ A A M E E N ★•.•´¯`•.•★

AULAAD KI TAALEEM-- AULAAD KE HUQOOQ (PART-2)










.Bismillahirrahmanirraheem

 


AULAAD KI TAALEEM-- AULAAD KE HUQOOQ (PART-2)

 


Aulaad Ka Ek Haq Yah Hai Ki Waalidain Unhe Acchi Taaleem Dilaayen,

Aulaad Se Muhabbat Ka Jazba Toh Insaano Ke Saath Saath Haiwaanat Me Bhi Hai,

Gaaye, Bhains, Bakri Aur Jumla Haiwaan Bhi Apne Bachhon Ko Dhoodh Pilaate Hain, Unhe Muhabbat Se Choomte Hain, Unki Judaayi Mahsoos Karte Hain,

Unka Baccha Marr Jaaye Toh Gham Ki Shiddat Se Dhoodh DenA Band Kar Dete Hain,

Unke Bacche Jab Tak Chalne Firne Ke Qaabil Na Ho Jaayen, Unki Dekh Bhaal Me Lage Rahte Hain,

Yah Fitri Jazba Haiwaanaat Aur Insaano Me Mushtarak Hai,

Insaan Ashraful Makhlooqaat Aur Kaaynaat Me Allah Taala Na Naayab hai, Use Bahut Se Faraiz Saunpe Gaye Hain, Unme Aulaad Ki Taaleem Wa Tarbiyat Bhi Shamil Hai,

Hafiz Ibne Qayyim (rh) Ne Baaz Ahle Ilm Se Naqal Kiya Hai Ki

Allah Rabbul Izzat Qayamat Ke Din Aulaad Se Waalidain Ke Mutallik Sawal Karne Se Pahle Waalidain Se Aulaad Ke Mutalliq Sawaal Karega.

Kyonki Jis Tarah Waalidain Ka Aulaad Par Haq Hai Usi Tarah Aulaad Ka Waalidain Par Haq Hai

Hafiz Ibne Qayyin (rh) Mazeed farmate Hain

" Jisne Apni Aulaad Ki Acchi Tarbiyat Karne Me Kotaahi Ki Aur Usko Nazar'andaaz Kar Diya toH Usne Bahut Badi Ghalti Ki.

Kyonki Aulaad Me Aksar Fasaad, Waalidain Ki Taraf Se Hi AatA Hai Aur Agar Unhone Be'parwaahi Se Kaam Liya Aur Deen Ke Faraiz Sunan Ki Taaleem Na Di Toh Aisi Aulaad Na Toh Apne Aapko Fayeda De Sakegi Aur Na Apne Waalidain Ke Liye Khair Ka Zariya Saabit Hogi,

Ek Baap Ne Apne Bete Ko Uski Bad'sulooki Par Daanta Toh Usne Kaha--

Abba Jaan ! Aapne Bachpan Me Haqqe Khidmat Ada Ni Kiya Toh Maine Bade Hokar Aap ki Na'farmani Ki Hai, Aapne Mujhe Bachpan Me Zaaya Kiya Toh Main Aap Ko Budhaape Me Zaaya Kar Raha Hoon "

(Tohfatul Maudood 193)

Sayyidina Hz Anas Bin Malik (ra) Se Riwayat Hai Ki Nabi E Akram Sallalaho Alaihi Wasallam Ne Farmaya

" Ilm Haasil Karna Har Musalman Par Farz Hai"

(Sunan Ibn Maajah 224)

Waalidain Par Farz Hai Ki Wah Khud Bhi Ilm Haasil Karen Aur Apni Aulaad Ko Bhi Ilm Ki Daulat Se Maalamaal Karen,

Maa Ki Goad (Lap) Bacche Ke Liye Pahli Aur BahtareeN Dars'gaah Hai, Haqeeqat Me Insaan Ki Seerat Maa Ki Goad Me Banti Aur Sawarti Hai, Bacche Ka Sabse Zyada Raabta Maa Ke Saath Hota Hai Aur Baccha Maa Aur Uske Mahaul Ka Asar Qubool Karta Hai,

LihaazA Waalidah Hi Bacche Ko Ibtedaayi Taaleem De Taaki Use Deen e Fitrat Yaani Islam Ki Khoobiyon Ka Ilm Ho Aur Uski Zindagi Islam Ke Saanche Me Dhhal Sake,

Uske Elaawa Bacche Ko Scienci Taaleem ki targheeb Bhi Di Jaaye, Kyonki Scienci Uloom Ko Haasil Karne Se Insaan Kaar'khaane Kudrat Me Uske Kawaaneen Se Aagaah Hoga Aur Allah Ke Ahkaam Ke Mutaabik Kaaynnaat Ki Taskheer Ka Fareeza Anjaam De Sakega Aur Is Tarah Haqeeqe Maano Me Zameen Me Khaleefa Hone Ka Khud Ko Haqdaar Thahra Sakega..

Aulaad Ka Aham Haq Hai Akhlaaq Ki Tarbiyat.

Islam Me Sirf Zaati Nijaat Kaafi Ni hai, Islam Ye Zimmedari Har Shakhs ke Supurd Karta Hai Ki Wah Dusron Ke Nijaat Ka Bhi Bando'bast Kare,

Khaandaan Ke Sar'barah Ka Yah Farz Hai Ki Wah Ahlo Ayaal Ki Aisi Tarbiyat Kare Ki Waah Allah Ki Azmat Ke Qaayel Hon, Allah Ke Ahkaam Ko Maane Aur Aakhirat Ki Fiqr Karen,

Dunyawi Khush'hali Ke Elaawa Abdi Zindagi Me Sur'khuru Ka Khyaal Karen, Jaisa Ki Allah Taala Ka Farmaan Hai,

" Aiy Imaan Walon ! Tum Apne Aapko Aur apne Ahl O ayal Ko Us Aag Se Bachaao Jiska Eeindhan (fuel) Insaan Aur Patthar Hain"

(surah Tahreem 6)

Nabi e Akram Sallalo Alaihi Wasallam Ne Farmaya

" Baccha Jab 7 Saal Ka Ho Jaaye Toh Use Namaz Padhne Ka Huqm Do Aur Jab 10 saal Ka Ho Jaaye Aur Namaz Na Padhe Toh Use Maar Kar Namaz Padhao Aur Unhe Alag Alag Sulaaya Karo"

(Sunan Abu dawood 495)

Nabi E Akram Sallalaho Alaihi Wasallam Ke Is Irshad Ke Pesh e Nazar Waalidain Ko Chahiye Ki Wah Apne Bacchon Ko 7 Saal Ki Umar Tak Namaz Aur Akhlaaq Ke Buniyaadi Usool Sikha Den,

Aam Tayr Par Waalidain Ki Tarbiyat Ka Asar Inki Aulaad Me Zaroor Hota Hai,

Misaal Ke Taur Par Nabi E Akram Sallalaho Alaihi Wasallam Ki Saahab'zaadi Sayyida Hz Fatima (ra) Ki Shakhsiyat Se Andaaza Lagaya Ja Sakta Hai Ki Nabi E Akram Sallalaho Alaihi wasallam Ne Inki Kis Qadr Be'misaal Tarbiyat Ki Thi,

Hz Fatima (ra) Sab Aurton Se Badhkar Daana Thin, Aapke Baat Karne Ka Andaz, Husn e Akhlaaq, Waqaar Aur Mataanat Me Nabi e Akram Sallalaho Alaihi wasallam Ka Aks Jhalakta Tha,

Isi Tarah Sayyidina Hz Ali, Hz Hussain Hz Hasan (ra) Bhi Nabi E Akram Sallalaho Alaihi Wasallam Ke Tarbiyat Yaafta They, Unki Zindagiyan Islami Akhlaaq Ki Aaala Namoona thi,

Imaam Ke Baad Dusra Darja Amal e Suwaleh Ka Hai, Quraan Kareem Me Kai Maqamaat
Par Yah Alfaaz Aaye Hain

" Beshaq Wah Log Imaan Laaye Aur Unhone Nek Amal Kiye"

Maalun Hua Ki Sahih Islami zindagi Ki Gaadi Un 2 Pahiyon ke Be'ghair Ni Chal Sakti,


Lihaza Waalidain Ko Chahiye Ki Aulaad Me Amal E Swaleh Ka Jazaba Paida Karen Aur Uska Bahtareen Tareeqa yah Hai Ki Waalidain Khud Khuli Kitab Ki Tarah Rahen, Unka Zaahir Aur Baatin Ek Ho, Qaul Aur Fel Me Koi Tazaad Na Ho, Taaki Wah Aulaad Ke Liye Namoona Hon Aur Aulaad Khud Unhe Dekhkar Apni Islaah Karti Rahe,

Ab In sha allah Next Post Me Ham Bacchon Ke Wah Huqooq Tarteeb waar Bayan Karenge Jinka Ada Karna Maa Baap Ke Liye Zaroori Hai...

To BE Continued....

ROZE'DAAR KHWATEEN KE NAAM:





 Bismillahirrahmanirraheem

 

ROZE'DAAR KHWATEEN KE NAAM:

 

Islami Bahno ! Ramzan Apni Nawazishon Aur Rahmaton Aur Barkaton Ke Saath Ham Par Saaya Fighan Hone Waala Hai, Is Azeem Maheena Ki Khair O Barqat Ke Liye Tamam Musalman Mard Aur Aurat Ko Mubarak Bad Deta Hoon Aur Saath Hi Saath Rabbul Aalameen Se Dua go Hoon Ke Is Mah Mubarak Ki Barkaton Me Hamen Shaamil Hone Ki Sa'aadat Naseeb Farmaaye

(Aameen)

Khaaliq E Kaaynaat Ne Bani E Nu E Insan Ko Maah E Ramzaan Ki Shakl Me Azeem Tareen Tohfa Ata Farmaya Hai Taake Uski Barkaton Ke Phuwware Se Gunaahgaar Insaan Apne Daaghdaar Daaman Ko Dhul Le..

Islami Bahno ! Is Maah E Muqaddas Ki Aamad Par Kuch Mufeed Wa Sood'mand Paigham Pesh Khidmat Hain Taake ilm E Hidayat Wa Shaoor Ki Roshni Me Ramzaan Ul Mubarak Ki Barkatein Sameti Ha Saken..

1- Is Maah Mubarak Ke Ek ek Lamha Keenti Samjhkar Iski Poori Qadr Karen Aur Apna Keemti Waqt Yun hi Zaaye Na Karen..

Allah Taala Ka Irshad Girami Hai

" Jis Baat Ki Khair Ki Na Ho Uske Peeche Na Pado , Kyonke Kaan ,Aankh, aur Dil Hain In mese Har Ek Se Pooch Gachh Hone Waali Hai "

(Surah Bani Israel 36)

Isliye Is Ba'barkat Maheene Ko Ghaneemat Jaankar Koi Lamha Barbaad Ni Karna Chahiye, Subah Wa Sham Zikr O azkaar Me Lage Rahna Chahiye

Allah Taala Ka Farman hai

" Zikr Karne Waale Mard Aur Zikr Karne Waaliyan un ( Sabke Liye) Allah Taala Ne Wasie Maghfirat Aur Bada Sawaab Taiyyar Kar Rakha Hai"

( Surah Ahzab 35)

Is Maheene Me Quran Ki Tilawat, Waaz Aur Taqreeri Cassette Sama'at Farmati Rahen.

Ghair Mufeed aur Ghair Zaroori Rasail Padhne Ki Bajaaye Islami Wa deeni Rasail Padhen,

Apna Waqt Fahash Aur Munkiraat wa Baqwaas Me Zaaya Na Karen.

Television Par Serial Aur Filmen Dekhne Se Parhez Karen,

2- Is Ba'barqat Maheene Me Husn Sulook Ka Muzaahira Karti Rahen, Roza Ka Poora Poora Ajr Paane ke Liye Is Maheene Me Khaas Taur Se Gheebat, Chugli, Fahash Kalaami Se Ijtenaab Karen, Apne Ahl Wa Bachhon Ke Liye Aap Kuch Uswa Wa Namoona Bane,

Sirf Khaane Peene Ko Chhod Dene Ka Naam Roza Ni Hai , Balke Behuda Harkaton Ko Tark Karna Zaroori Hai,

Aapse Koi Fahash Kalaami Par Utar Aaye Toh Nabi E Akram Sallalaho Alaihi Wasallam Ke Is Qaul Ko Yaad Kar Lo,

" Roza Ki Haalat Me Tumse Agar Koi Gaali Galoch Kare Ya Qitaal Kare (Jihaalat Kare) Toh Tum Kah Do Ke Main Roza Hoon"

Ramzan Ul Mubarak Ke Fazail Me Ek Fazeelat Ye Bhi Hai Ke Is Muqaddas Maheene Me Allah Taala Apne Bandon Ki Duwaayen Sunta Aur Qubool Karta Hai,

Lihaaza Is Mubarak Maheene Me Nihaayat Aajizi Wa enksaari Se Duniya Wa Aakhirat Ki Falaah Ke Liye Dua Kare Aur Dua Ki Qabooliyat Ka Yaqeen Rakhen,

Dil Se Nikli Hui Duwaayen Qubuliyat Se Zaroor Nawazi Jayengi,

Apne Bete, Bhai, Bahno Par Bad'dua Karne Se Parhez Karen,

3- Meri Pyaari Bahno ! Waqt Allah Ki Nematon Mese Ek Nemat Hai, Is Waaste Besh Qeemat Lamha Ki Qadr Karen,

Ramzaan Ki Raaton Me Bazaar Jaane Se Ijtenaab Karen, Ramzan Ka Poora Maheena Khair O Barkat Ka Maheena Hai, Khususan Aakhiri Ashrah (aakhiri 10 Din) Badi Fazeelat Waale Hain..

Sahihain Me Ummul Momineen Hz Aisha (ra) Se Marwi Hai Ke

Jab Ramzan Ka Aakhiri Ashrah Aa Jaata Toh Aap Apni Kamar Kas Lete (Yani Biwion Se Alag Thalag Hokar Ibaadat Me Lag Jaate, Apni Raat Ko Zinda Rakhte They, Ibaadat Me Masroof Rahte) Aur Apni Biwion Ko Bhi Jagaate they.

Aakhiri Ashrah Allah Taala Ki Jaanib Se Ek Besh Qeemti Tohfa wa Inaam Hai, In Qeemti Raaton Ko Namaz. Tilaawat Quraan, Zikr wa Azkaar Waaz Wa Naseehat, Tauba Wa Istaghfar Me Ghuzaarein Aur Allah Ke Zikr Se Zinda Rakhen,

Kyunke Ye Raatein Ibaadaat Wa Itaa'at Mahnat Ki Raatein Hain, Beqaar Baith Kar Waqt Ghuzaari , Khel Kood,, Jaagne, Jashn Manaane, Bazaaron Wa Aam Jagahon Me Waqt Ko Zaaye Karne Ki Raatein Nahin Hain...

Koi Zaroori Nahin Ke Ye Qeemti Aur Anmol 10 Raatein Zindagi Me Dobara Hamen Milen,

Lihaaza Susti Wa Kaahili Chhod Kar Poore Ashrah Wa Aakhir Me Zyadah Se Zyadah Ehtemam Karen Aur Mauqa Ko Ghaneemat Samjh Kar Jitna Faayeda Uthaana Hai Utha len,

Zindagi Ka Kya Bharosa !!!!