DAWATUS SALAFIYYAH

DAWATUS SALAFIYYAH
Elegant Enterprises

Sunday, April 19, 2015

NOOR YA BASHAR KA AQEEDA AUR GUMRAH FIRQE: (PART-4)







Bismillahirrahmanirraheem


NOOR YA BASHAR KA AQEEDA AUR GUMRAH FIRQE: (PART-4)



Ab Main Apko Ek Chamatkar Aur Dikhaata Hoon, Ye Hadith Sunne K Baad Mumkin Hai Ke Logon Ko Malum Karne Ki Khwahish Paida Hoki  Is Noor E Nabi Muhammad Sallalaho Alaihi Wasallam Ko Paida Hue Kitni Muddat Ghuzri, Toh Lijiye Aisi Mauzu (Fake, Jhooti) Hadith Bhi Haazir Hai,


Rasoollullah Sallalaho Alaihi Wasallam Ne Hz Jibreel (As) Se Sawal Kiya Tumahari Umar Kitni Hai Toh Jibreel (As) Ne Arz Kiya

“Aaqa Main Acchi Tarah Umar Nahin Jaanta Magar Itna Jaanta Hoon Ke Chauth Hisaab Se Sitaara Tha, Jo 70 Hazaar Saal Ke Baad Tulu Hota Tha Aur Maine Isko 72000 Baar Dekha Hai”

 Toh Nabi  Akram Sallalaho Alaihi Wasallam Be Farmaya

”Kasam Hai Rabb Ki Wo Sitara Main Hi Hoon”

Ab Dekhiye Hz Jibreel (As)Ne Apni Umar 70000x72000=15400,000 Saal Batlaayi Aur Ye Sitaara Yani Noor E Nabi Sallalaho Alaihi Wasallam Isse Baherhaal Muddaton Pahle Ka Tha, Ye Kitna Pahle Tha Is Mauju Hadith Me Rasoollullah Sallalaho Alaihi Wasallam Ne  Bhi Apne Noor Ki Umar Na Batlaayi, Malum Hota Hai Is Hadith Taraash Ko Isse Zyada Ka Hisaab Aata Hi Na Ho, Yahi Noor E Nabi Ka Wajood Adam (As) Ki Nijaat Ka Zariya Bana, Lijiye Iske Liye Bhi Hadith Taiyyar Hai

Allah Tala Ke Rasool Ne Farmaya

“Jab Adam (As) Jannat Se Nikaal Kar Duniya Me Bheje Gaye Toh Har Waqt Rote Rah Eek Martaba Aasmaan Ki Taraf Muh Kiya Aur Arz Kiya Aiy Allah ! Muhammad Ke Waseele Se Maghfirat Chaahta Hoon

“Wahiyy “ Aayi, “Muhammad Kaun”

Arz Kiya

“Jab Aapne Mujhe Paida Kiya That Oh Maine Arsh Par Likha Dekha Tha La Ilaaha Illallah Muhammadurrasoolluah, Toh Main Samjh Gaya Ke Hz Muhammad Sallalaho Alaihi Wasallam S Unchi Koi Hasti Nahin Jinka Naam Tone Apne Naam Ke Saath Likh Rakha Hai”

Wahiyy Aayi

“Wah Na Hote Toh Tumko Bhi Paida Na Karta”

(Fazail E Aamaal -Fazail E Zikr Jild No.3 Page 143)

Ab Dekhiye Is Mauzu Hadith Me Ye Zikr Nahin Aaya Hai Ke Fir Adam (As) Ki Tauba Qubool Hui Bhi Ya Nahin, Ulta Allah Tala Ne Yah Kah Kar Aur Bhi Mayoos Kar Diya Ki Agar Wah Na Hote Toh Tumko Bhi Paida Na Karta,

Agar Ki Saayel Aisa Jawaab Diya Jaaye Toh Uske Dil Par Kya Beetegi Ab Ye Baat Deobandi Aalim Zakariya Sahab Ko Kaun Batlaaye Ki Ye Hadith Mauzu Hai, Aur Iska Raawi Abdurrahman Zaid Bin Aslam Hai Jo Kazzab Hai, Muhaddiseeno Ne Isko Hadith Ka Gadhne Wala Bataaya Hai

(Meezaan Ul Aitedal Jild No.2 Page 106)

Deobandi Alim  Zakariya Sahab Ne Aallah Par Aur Nabi E Akram Sallalaho Alaihi Wasallam Par Kitna Bada Bohtaan Lagaya Hai, Qur’an Me Toh Allah Tala Adam (As) Ki Tauba  Ko Qubool Hone Ke Silsile Me Fermata Hai

“Pas Seekh Li Aadam Ne Apne Rabb Se Kuch Kalimat Fir Mutawajjoh Ho Gaya Allah Us Par, Beshaq Wahi Tauba Ko Qubool Karne Wala Meharbaan Hai”

(Surah Baqarah Ayat No 34)

Adam (As) Aur Hawwa (As) Ne Apne Rabb Se Seekh Kar Is Tarah Dua Ki

“Aiy Hamare Rabb ! Hamne Apni Jaanon Par Zulm Kiya Hai Agar Tune Hamko Na Bakhsha Toh Ham Zaroor Khasaara Pane Walon Mese Ho Jayenge”

(Surah Aaraaf Ayat No. 23)

Qur’an Kahta Hai Dono Ne Apne Rabb Se Ye Dua Ki Jabke Deobandi Alim Zakariya Sahab Kah Rahen Hain Ki Nabi Ka Waseela Pakda, Zakariya Sahab Ne Ek Saath 2 Jurm Kar Dale Ek Toh Qur’an Ki Aayaton Ka Inkaar Dusre Nabi Sallalaho Alaihi Wasallam Ka Waseela Lagaakar Ummat Ko Shirk Ki Taraf Dhakela Ab Allah Hi Jaane Inke Saath Kya Ho Raha Hoga,

Tamam Hanafi Khususan Barelwi Hazraat Taqreer Karte Hain Ki Hz Adam (As) Ka Jism Yani Putla Abhi Paani Me Geela Tha Ke Us Waqt Bhi Nabi They, Yani Allah Ke Rasool Sallalaho Alaihi Wasallam Ne Farmaya Ke

“Adam (As) Abhi Rooh Aur Jism Ke Darmiyaan They,Main Us Waqt Bhi Nabi Tha”

Dar’asal Ye 2 Hadithon Ka Majmua Hai Jo Awaam Khususan Barelwi Hanafi Me Bahut Mashoor Hai

Inshaallah Is Mauju Par Next Post Yani Part-5 Me Guftughu Hogi


To Be Continued…

#Irfanali
#Umairsalafialhindi
#Islamicleaks

Thursday, April 16, 2015

NOOR YA BASHAR KA AQEEDA AUR GUMRAH FIRQE: (PART-3)






Bismillahirrahmanirraheem



NOOR YA BASHAR KA AQEEDA AUR GUMRAH FIRQE: (PART-3)



Ab Dekhen Us Riwayat Ke Mauzu Hone Ke Dalail Jo Hamne Part 2 Me Zikr Ki Hai,

1-Sihah Sitta Me Uska Koi Suraagh Tak Nahin Hai

2-Is Riwayat Ka Makhaz Musannif Abdul Razzaq Hai Jo 3rd Class Ki Kitab Hai Aur Isme Zaiff Matrook Toh Dar’kinaar Mauzu’aat Tak Shamil Hain

3- Iski Isnaad Majkoor Nahin Hai, Lihaaza Mardood Hai,

4-Muhaddiseeno Ne Ise Jaali Qarar Diya Hai, Dusri Baat Ye Ke Ye Riwayat Na Toh Musannif Abdul Razzaq Me Maujood Hai Na Hi Tafseer Abdul Razzaq Me, Balke Bahut Talaash Karne Ke Baad Iski Sanad Nahin Mili,

Aur Ye Qur’an O Hadith Ke Bhi Khilaaf Hai, Is Mafhoom Ki Ek Riwaayat Raafziyon Ki Usool E Kafi Jild 1 Page 442 Number 10 Me Abu Jaafar (Muhammad Bin Ali Bin Hussain Al Bakar) Se Manqool Hai, Lekin Ye Sanad Ahle Sunnat Aur Raafzion Ke Nazdeek Mauzu Hai,

Muhammad Sannan Aur Jaabir Joefi Ke Elawaiski Sanad Me Al’mufsal Bin Saaleh Abu Jameela Al Asadi Hai Jise Ibne Fajari (Rafzi) Wagerah Ne Kaajjab Aur Hadith Ka Gadhne Wala Kaha Hai, Iske Elawa Deegar Raafzi Musannifeen Ka Bhi Ittefaq Hai Ki Ye Shakhs Hadith Gadhne Wala  Aur Jhoota Tha,

Malum Hua Aisi Riwayat Jo Raafzi Ke Nazdeekbhi Jhooti Aur Gadi Hui Hai, Ahle Ssunnat Ke Nazdeek Toh Maine Pahle Hi Wazaahat Kar Di Hai Ke Is Riwayat Ki Koi Haisiyat Hi Nahin Hai,Aisi Jhooti Baat Ko Jo Qur’an Ke Bhi Khilaaf Hai, Ahmad Raza Khan Sahab Jo Ilm Se Bhi Kore Aur Hadithon Ke Yateem Hai Ne Qubool Kiya Hai (Read Part 2)

 Ab Aiiye Dekhen Is Riwayat Ko Qubool Karne Se Baat Kahan Ki Kahan Ja Rahi Hai, Ab Inke Aqal Ho Toh Ye Sochen Bhi Jab Inke Jism Ke Upper Wali Manzil Khali Hi Hai Toh Khatkhatayen Kisko, Khair Mere Dusre Bhai Jo Aqal Rakhte Hain Unke Nafa Ke Liye Wazaahat Zaroori Hai Dekhen Inki Hadith Kya Kahti Hai

Sabse Bada Shirk Yahi Hai Ke Allah Ne Apne Noor Se Noor E Muahmmadi Ko Banaya Goya Noor E Muahmmadi Allah Ka Tukda (Juzz) Hai, Jis Shakhs Ka Ye Imaan Ho Ki Allah Ka Koi Tukda Hai Ya Allah Ki Zaat E Paak Ka Koi Hissa Ya Juzz Hai Chahe Wo Isa (PBUH), Uzair (PBUH), Ya Muahmmad (PBUH) Ki Ya Unke Nooron Ki Shakal Me Ho Baher’hal Aisa Shakhs Kaafir Hai,

Dusri Baat Ye Ke Is Mauzu Hadith Me Hai Ki Noor Ke 4 Hisse Hue Ek Se Qalam, Dusre Se Loh, Teesre Se Arsh, Fir Chauthe Ke 4 Hisse Hue Ek Se Sooraj, Dusre Se Chand. Teesre Se Sitaare, Chauthe Ke Fir 4 Hisse Hue Ek Se Jinn. Dusre Se Insaan, Teesre Se Jaanwar, Chauthe Ke Fir 4 Hisse Hue…………..

(Al Hadith)

Wagerah Wagerah  Ye 4-4 Hota Chala Gaya Yahan Tak Ki Tamam Kaaynaat Ka Wajood Isi Noor E Muahmmadi Se Hua-

Ab Is Hadith Se Toh Pata Chalta Hai Ki Sirf Muhammad (Sws) Hi Nahin Ham Sab Bhi Noor Ke Hain Fir Muhammad (Sws) Ki Khususiyat Isme Kahan Rahi, Wo Bhi Noor Ke Ham Bhi Noor Ke Fir Ye Bidati Nabi E Kareem Sallalaho Alaihi Wasallam Ko Noor-Noor Ka Kah Kar Kyon Aasmaan Sar Par Uthaate Hain,

Is Aqeede Se Toh Saari Kaaynaat Nabi (Sws) Ke Noor Se Bani Hai, Inki Bala Se Agar Qur’an Kahta Hai Ki Hamne  Insaan Ko Mitti Se Paida Kiya Inki Bala Se, Agar Qur’an Ka Farmaan Ye Ho Ke Jinn Aag Se Paida Kiye Gaye Is Hadith Ki Roo Se Toh Kutta Aur Suwar Bhi Nabi (Sws) Ke Noor Se Hain Yahan Tak Ki Ghalazat Aur Usme Rengne Waala Keeda Bhi Nabi Ka Noor Hai,

Aur Bidation Ne Aisa Kaha Bhi  Hai  Aage Aage Main Aap Logon Dikhaunga,Is Hadith Ki Ru Se Toh Fir’on, Namrood, Saddaad , Abu Jahal, Yahan Tak Ki George Bush, Advani, Modi, Bal Thakery, Mohan Bhagwat Wagerah Isi Noor Se Hain Aur Jitney Kaafir Bina Tauba Ke Mare Sab Jahannum Me Jaayenge Toh Goya Noor E Muhammadi Jahannum Me Gayi Aur Ye Noor Allah Ka Tukda Tha, Goya Allah  Ko Bhi In Zaalimo Ne Nahin Chhoda…

To Be Continued..

#Irfanali
#Islamicleaks
#Umairsalafialhindi

Monday, April 13, 2015

NOOR YA BASHAR KA AQEEDA AUR GUMRAH FIRQE: (PART-2)








Bismillahirrahmanirraheem



 NOOR YA BASHAR KA AQEEDA AUR GUMRAH FIRQE: (PART-2)


Dar’asal Barelwiayat Majmua Jihaalat Ke Saath Saath Isme Ajeeb O Ghareeb Taaweelaat Aur Unaani Falsafa. Aqaid Yahoodiyat Aur Nasraaniyat, Hulool, Kasq, Tasawwuf, Baatniyat Aur Na Jaane Kin Kin Cheezon Ka Murabba  Hai


Janab Ahmad Raza Khan Barelwi Ki Ek Ibaarat Dekhte Hain, Lokhte Hain


“Aalam Nor E Muhammadi Ka Ibtedaye Wajood Me Mohtaaj Tha,
Ke Wah Na Hote Toh Kuch Bhi Nab Anta Yun Hi Har Shayy Apni Baqa Me
Iski Istagar Hai Aaj Iska Qadam Darmiya’n Me Nikaal Le
Toh Alam Daf’atan Fana Ho Jaye Wah Jo Na They
Toh Kuch Na Thawah Jo Na Ho Tph Kuch Na Ho”


(Salawatus’safafi Barelwi Mandarja, Majmua Risala Page No. 37-60)

Andaza Lagye Is Qism Ki Taaleemat Kis Qadr Quran Ke Khilaaf Hain, Qur’an Ki Kisi Ayat Me Is Tarah Ke Baatini Tasawwurrat Aur Falsafiyana Afkaar Aur Nazariyat Ka Wajood Nahin Hai.

Ahmad  Raza Khan Apne Ek Aur Risaale Ke Khutbe Me Likhte Hain

“Tamam Tareef Us Zaat Ki Jisne Tamam Ashya Se Pahle Hamare Nabi Ka Nor Paida Farmaya Fir Maqam E Anwar Aap Ke Zahoor Ki Kirnon Se Paida Farmaya, Aap Sallalaho Alaihin Wasallam Nooron Ke Nor Hain, Tamam Sooraj Aur Chand Aap Se Nor Haasil Karte Hain, Isiliye Rabb E Qareem Ne  Aap Ka Naam Noor Aur Sirajammuneer Rakha Hai, Agar Wah Na Hote Toh Sooraj Roshan Na Hota, Din Raat Ka Tameez Na Hoti Aur Na Hi Namazon Ka Pata Chalta”

(Naïf Alfi Aman Anaar E Kulshay, Barelwi Mandarja Majmua Rasail Page 199)

Bhaiyyon Dekh Rahen Hain Tamasha Agar Nabi Na Hote Toh Sooraj, Chand, Din, Raat Kuch Na Hota Isilye Nabi Ka Nor Sooraj Chand Se Pahle Wajood Me Aaya Balke Tamam Ashya Se Pahle Wajood Me Aaya, Ye Tamasha Yahan Rukne Wala Nahin Hai, Pahle Toh Nabi Sallalaho Alaihi Wasallam Nor Ke They, Fir Ye  Silsila Badhta Hai Aur Aap Sallalaho Alaihi Wasallam Ke Khaandaan Nor Ke Ho Jaate Hain Aur Fir Ye Silsila Badhte Badhte Yahan Tak Jaata Hai Ki Kaaynaat Ki Tamam Shay Noor Ki Ho Jaati Hai,


Aiyye Ye Tamasha Bhi Aapko Dikhaata Hoon , Ahmad Raza Khan Sahib Fir Likhte Hain

“ Teri Naslen Paak Me Hain Baccha Baccha Noor Ka
Tu Hai Aine Noor Tera Sab Gharaana Noor Ka”

Yani Na Sirf Ye Ke Nabi Sallalaho Alaihi Wasallam Ki Bashariyat Ka Inkaar Balke Aap Sallalaho Alaihi Wasallam Ki Saari Aulaad Aur Saare Gharaane Ko Noori Makhlooq Bana Daala, Baat Yahin Khatam Nahi Hoti Balke Khan Sahib Saari Haden Paar Karke Ek Khutba Likhte Hain, Uska Asloob Ajeeb O Ghareeb Aur Na Faham Hai Jiska Tarjuma Kuch Is Tarah Hai

“ Aiy Allah Tere Liye Sab Tareef Hai Tu Nooron Ka Noor Hai, Sab Nooron Se Pahle Noor, Sab Nooron Ke Baad Noor, Aiy Wah Zaat Jiske Liye Noor Hai, Jiske Saath Noor Hai, Jisse Noor Hai, Jiski Taraf Noor Hai, Aur Jo Khud Noor Hai, Durood Wa Salaamati  Aur Barkaten Naazil Farma Apne Roshan Noor Par Jise Toone Apne Noor Se Paida Kiya Shujaaon Par Uski Aal O Ashaab Aur Iske Chadon Par ”

(Salatul Safafi Noor E Mustafa, Barelwi Mandarja Majmua Rasail Page No 23, Ba’hawala Barelwiyat)

Is Ghair Mantaki Aur Baid Azfaham Khutbe Ke Baad Ek Mauzu Aur Khud Saakhta Riwayaat Se Istadlal Kiya Hai,

Hafiz Abdurrazaq Ki Taraf Se Allah Ke Rasool Ki Hadith Bayan Ki Ke Rasoollullah Sallalaho Alaihi Wasallam Ne Hz Jabir (Ra) Se Farmaya

“Aiy Jabir Beshaq Allah Ne Tamam Ashya Se Pahle Tere Nabi Ka Noor  Apne Noor E Kudrat Se Jahan Daura Karta Raha, Us Waqt Loh Wa Qalam, Jannat , Jahannum, Farishte , Zameen Aasmaan, Chand ,Sooraj, Aadmi, Kuch Na Tha Fir Allah Ne Makhlooq Paida Karna Chaaha Toh Is Noor Ke 4 Hisse Kiye…………….”

(Salatus Safafi Barelwi- Mandarja Majmua Tur Rasail Page No. 33)

Is Mauju Hadith Ko Naqal Karne Ke Baad Likhte Hain-

“Is Hadith Ko Ummat Ne Qubool Kar Liya Hai Aur Ummat Ka Qubool Kar Lena Wah Shay Azeem Hai Jiske Baad Kisi Sanad Ki Haajat Nahin Rahti Balke Sanad Zaif Bhi Ho Toh Bhi Harj Nahin Karti”

Khan Sahib Is Ummat Se Kaun Si Ummat Muraad Le Rahen Hain, Agar Isse Muraad Khan Sahib Jaise Ashaab E Bidat Aur Gumraah Logon Ki Ummat Hai Toh Khair, Aur Agar Isse Murad Muhaddisseen Aur Mahireen  Hadith Hain Toh In Logon Ne Ise Mauju Aur Deen Ke Dushmano Ki Gadi Baatein Qarar Diya Hai, Aur Is Riwayat Par Baatein Karna Fane Hadith Aur Isma O Rijaal Ki Tauheen Samjhte Hain,

Muhadiseen Ka Qaul Toh Ye Hai Ki Y6e Bhi Koi Riwayat Hai Jis Par Koi Jirrah Ki Jaaye Yani Unke Nazdeek Yah Hadith Jirrah Ke Qaabil Hi Nahin, Aisi Riwayat Jo Qur’an Wa Hadith Ke Sareeh Khilaaf Aur Aqal Tark Aur Ijma Ke Khilaaf Ho Usko Khan Sahib Kah Rahen Hain Ki Ummat Ke Qubool Kar Lene Se Sanad Ki Haajat Nahin Rahti,

Ab Unki Tarah Na’ahal Log Deen Ke Theke’dar Aur Mujaddid E Deen E Millat Banne Lagenge Jinko Itni Bhi Salaahiyat Nahin Ke Ghalat Baton Ko Khwah Kitne Hi Log Maan Len Wo Sahih Nahin Ho Sakti Agar Logon Ke Maanne Se Hadithen Sahih Hone Lagen Toh  Fir Jisko Jo Samjh Me Aaye Dhadalle Se Karta Fire,

Fir Toh Riwayatein Zaif, Mauzu, Mursal, Tawatar. Batin, Hasan, Ghareeb, Ghareeb Sahih, Mutawaffiq Etc Sab Paimane Bekaar Aur Muhaddideeno Ka Hadithon Ke Liye Tahqeeq Karna, Asma O Rijaal Ki Shakht Bandishen Us Par Jirrah Wagairah Sab Bekaar Koi Bhi Yahoodi, Nasrani. Soofi, Munaafiq, Bidati, Raafzi Shia Etc Jo Chaahe Hadith Ke Naam Par Bakwaas Gadh De Chahe Wo Qur’an Aur Nabi Sallalaho Alaihi Wasallam Ki Shari’at Ke Kitne Hi Khilaaf Ho Aur Inke Jaise Islam Ke Dushman Molwi Maan Le Toh Bas Wah Sahih Hadith Ho Gayi Tab Toh Deen-Deen Na Rahega Chun Chun Ka Murabba Ban Kar Rah Jaayega..

Inshaallah Is  Mauzu Hadith Par Jirrah 3rd Part Me Bayan Karenge

To Be Continued

#Irfanali
#Umairsalafialhindi
# Islamicleaks

Friday, April 10, 2015

NOOR YA BASHAR KA AQEEDA AUR GUMRAH FIRQE: (PART-1)










Bismillahirrahmanirraheem


NOOR YA BASHAR KA AQEEDA AUR GUMRAH FIRQE: (PART-1)


Tamam  Tareef Allah Ke  Liye Layeq Aur Zeba Hai, Jisne  Insaano Ki Hidayat Ke Liye Nabiyon Ko Maboos Farmaya, Aur Croron Durood O Salaam Ho Muhammad Sallalaho Alaihi Wasallam Par Jo Saari Kaaynaat Ke Liye Rahmat Bana Kar Bheje Gaye


Bhaiyyon  Is Maheene Ka Hamara Mauzu Nor Ya Basher Par Hai, Chunke Is Aqeede Ke Zariye Log Allah Ki Zaat E Paak Me Shirk Karke Naar E Jahannum Ke Mustahiq Ho Rahen Hain, Aur Maine Aqeede Ki Durustagi Ke Liye Silsile Waar Muhim Chhed Rakhi Hai, Kyonki Agar Aqeeda Kharab Hoga Toh Tamam Ki Tamam Nekiyan, Namaz , Roze, Hajj, Zakaat Aur Deegar Ibaadat Muh Par Maar Di Jayegi Aur Koi Amal Qubool Nahin Kiya Jaayega, Aur Bani E Adam Jahannum Me Fenk Diya  Jayega,


Allah Tala Shirk Ko Kabhi Nahin Bakhsega, Allah Rabbul Izzat Ka Irshad Hai

“ Allah Shirk Ko Na Bakhsega Iske Elawa Jiske Liye Chahe Maaf Karde”

(Surah Nisa Ayat No 65)
“ Sun Lo Jisne Bhi Shirk Kiya Toh Jaan Lo Allah Ne Uspar Jannat Ko Haram Kar Diya Hai Aurv Uska Thikaana Jahannum Hai Aur Un Zaallimo Ka Koi Madadgaar Na Hoga”

(Surah Mayeda Ayat No. 72)

Toh Dekha Aapne Allah Tala Shirk Kabhi Maaf Nahin Karega, Baqi Gunaahon Ki Ummeed Hai Maaf Karde, Chunki Bidat Aur Kufr Bhi Usi Zaat E Paak Se Talluq Rakhta Hai Isliye Ye Isi Jurm Me Aata Hai

Rabb Ne Farmaya

“Kya Ain Logon Ne Allah Ke Aise Shareek Bana Rakhe Hain Jinhone Aise Ahkaam E Deen Muqarrar Kar Diye Hain Jo Allah Ke Farmaye Hue Nahin Hain”

(Surah Ash Shu’ara Ayat No.21)


Malum Hua Deen Ke Ahkaam Allah Hi Bana Sakta Hai Aur Hamen Allah Ke Hi Banaye Hue Deen Par Amal Karna Hai Agar Kisi Ne Kisi Dusre Ke Banaye Hue Deen Par Amal Kiya Toh Goya Us Shakhs Ne Naya Deen Banana Waale (Bidati) Ko Rabb Bana Liya Aur Allah Taala Ke Elawa Kisi Aur Ko Rabb Banana Wala Mushrik Hai , Kafir Hai, Isi Tarah Kufr Karne Wala Bhi Kaafir Hota Hai Aur Wo Bhi Hamesha Ke Liye Jahannum Ka Mustahiq Hai,

Rabb Ne Farmaya

“Jin Logon Ne Kufr Kiya Wp Ahle Kitab Hon Ya Mushrik Wo Jahannum Me Jayenge Aur Wahan Hamesha Rahenge”

(Surah Bayyinah Ayat No. 6)

Is Buniyadi Tambeeh Ke Baa Dab Dekhen Ummat Ke Kuch Firqon Ne Kis Qadr Udham Macha Rakha Hai Aur Allah Ki Zaat Ne Paak Me Aisa  Shirkiya Aqeeda Gadha Hai Ki Zameen O Aasmaan Tharra Uthe Hain Aur Inka Ye Mushrikaana Aqeeda Hai, Allah Ki Zaat E Paak Ka Hissa Karna

Chunanche Unka Aqeeda Hai Ki Muhammad Sallalaho Alaihi Wasallam Allah Tala Ke Nor Ka Hissa Hain, Ye Log Nabi Muhammad Sallalaho Alaihi Wasallam Ko Daayere Insaaniyat Se Khaarij Karke Noori Makhlooq Me Daakhil Kar Dete Hain Aur Ye Ghair Mantaqi Aur Ghair Aqali Aqeeda Hai Aur Aadmi Ke Faham Se Balaatar Hai,

Shari’at E Islamiya Saada Aur Aam Fahem Shari’at Hai, Is Qism Ki Na’qabil E Faham Aur Khilaaf E Aqal Aqaid Se Iska Koi Taalluq Nahin Hai, Lihaaza Qur’ani Ayat Me Is Baat Ki Waaze Tashreeh Maujood Hai Ke Nabi E Akram Sallalaho Alaihin Wasallam Basher (Insaan) They, Aur Isi Tarah Quran Hamen Ye Bhi Batata Hai Ki Kuffar Pahle Aaye Hue  Ambiya Aur Rasool Ki Risaalat Par Jo Aitrazaat Karte They Wah Yahi Tha Ki Ye Kaise Mumkin Hai Ki Allah Ne Kisi Basher Ko Apni Tarjumaani Ke Liye Muntakhab Farma Liya Ho Aur Uske Sar Par Taj E Nubuwwat Rakh Diya Ho Is Kaam Ke Liye Zaroori Tha Ke Allah Noori Makhlooq Mese Kisi Farishte Ko Mantakab Fermata Toh Goya Ambiya Aur Rasool Ki Bashariyat Ko Allah  Tala Ne Kuffar Ki Hidayat Me Mane Qarar Diya

Malum Hua Ki Ye Aqeeda Rakhna Ki Koi Basher Rasool Nahin Ho Sakta Aqeeda E Kuffar Tha, Farq Sirf Itna Hai Ki Kuffar Kahte They Bashariyat Risaalat Ke Manaafi Hai- Aur Aaj Ke Mushrik Kahte Hain Risaalat Bashariyat Ke Manaafi Hai,

Baherhaal Is Aqeede Me Dono Baraabar Hain Ki Bashariyat Aur Risaalat Ka Ijtema Na’mumkin Hai Yani Basher Ko Risaalat Nahin Mil Sakti

Barelwion  Ne Ambiya Aur Rasool Ki Nubuwwat Ka Inkaar To Na Kiya Magar In Logon Ne Kuffar Aur Mushrikeen Ki Taqleed Me Inki Bashariyat Ka Inkaar Kar Diya Halaanke Insaaniyat Ko Risaalat Ke Qabil Na Samjhna Insaaniyat Ki Tauheen Hai,

Aur Is Aqeede Ke Baad Insaan Ashraful Makhlookaat Se Afzal Bhi Ho Aur Isme Nubuwwat Aur Risaalat Ki Ahliyat Bhi Na Ho Ye Inki Inki Kaisi Mantak Hai. Jisko Samjhna Tedhi Kheer Hai, 
Barelwiyat Jaisi Mutzaat Wa Afkaar Aur Khilaaf E Fitrat Aqaid Ke Majmue Ka Naam Hai Jinhe Samjhna Aam Insaan Ke Bas Ki Baat Nahin Hai

To Be Continued..

#Umairsalafialhindi
#Islamicleaks
#Irfanali