Al Tamur Traders

Wednesday, February 3, 2016

KYA AURATON KA TAREEQA E NAMAZ MARDON SE ALAG HAI ?? PART 1










Bismillahirrahmanirraheem



KYA AURATON KA TAREEQA E NAMAZ MARDON SE ALAG HAI ?? PART 1



Auratein Namaz Kis Tarah Padhen ?? Bilkul Mardon Ki Tarah Ya Inse Mukhtali Tareeqe Se ??


Ye Masla Har Musalman Ke Liye Qaabil E Ghaur Hai, Hamare Mulk Ki Aksariyat Iqh Hanai Ki Pairokaar Hai Aur Unki Auratein Mardon Se Mukhtali Namaz Padhti Hain, Iqh Hanafi Ke Hawaale Se Toh Unka Tarz E Amal Ek Mantaqi Pahlu Apne Andar Rakhta Hai Ke Ahnaaf Apni Iqh Ke Paaband Hain Ya Ba’qaul Unke Unhe Iqh Hanafi Hi Ki Pairwi Karni Chahiye,


Lekin Kya Auraton Ka, Mardon Se Mukhtali Tareeqe Se Namaz Padhna Hadith Sahiha Se Bhi Saabit Hai ?? Aisa Harghiz Nahin , Ek Hadith Bhi Aisi Nahin Hai Jisse Ye Saabit Hota Ho Ke Auraton Ke Haath Baandhne, Haath Uthaane, Aur Ruku Wa Sujood Ki Kaifiyat Mardon Se Mukhtalif Hai, Lekin Ulema E Ahnaa Apne Awaam Ko  Mutmain (Satisfy) Karne Ke Liye Yahi Daawa Karte Hain Ke Farq Wa Akhtelaaf Hadith Se Saabit Hai,


Halaanke Ye Daawa Be’buniyaad Bhi Hai Aur Amaanat Wa Diyaanat Ke Khilaa Bhi (Jaisa Kea Age Ke Posts Me Bataaya Jaayega Inshaallah)


KYA AURATON KA TAREEQA E NAMAZ MARDON SE MUKHTALI HAI ??



EK HANAFI MUFTI SAHAB KE DALAIL KA JAAYEZA:



Is Post Aur Ainda Post Me Karachi K Eek Hanafi Mufti Sheikh Ul Hadith Maulana Subhaan Mahmood Sahab Ke Mazkoora Bala Unwaan  Par Dalail Ka Jaayeza Liya Gaya Hai, Jisme Mard Wa Aurat Ka Tareeqa E Namaz Alag Alag Sabit Karne Ki Koshish Ki Gayi Thi, Halaanke Nabi E Akram Muhammad Sallalaho Alaihi Wasallam Ka Farmaan Hai


“Tum Us Tarah Namaz Padho Jis Tarah Mujhe Padhte Hue Dekhte Ho”


(Sahih Bukhaari Kitab Ul Azaan)


Nabi E Akram Muhammad Sallalaho Alaihi Wasallam Ka Ye Huqm Aam Hai Jisme Har Musalman Mard Wa Aurat Shaamil Hain, Is Lihaaz Se Jo Tareeqa E Namaz Mardon Ka Hai Wahi Aurat Ka Hai, Siwaaye Un Cheezon Ke Jin Ki Saraahat Nabi E Akram Muhammad Sallalaho Alaihi Wasallam Ne Farmaa Di Hai,


Maslan

1-      Auraton Ko Huqmdiya Gaya Hai Ke Wah Odhni Ke Beghair Namaz Na Padhen
2-      Masjid Me Jaakar Namaz Padhna Auraton Ke Liye Farz Nahin Wagerah Wagerah

Baaqi Auratein Haath Kahan Baandhen, Aur Kahan Tak Uthaayen, Qaayeda Wa Qayaam Unka Kis Tarah Ho, Sajdah Kaisa Karen ??? Inke Bare Me Jo Huqm Mardon Ke Liye Sahih Hadith Se Saabit Hai Wahi Huqm  Auraton  Ke Liye Hai, In Cheezon Me Us Waqt Tak Mard Wa Aurat Ke Darmiyaan Farq Karne Ki Koi Maqool Wajah Wa Buniyaad Nahin Hai, Jab Tak Sahih Hadith Se Saabit Na Kar Diya Jaaye..

Is Silsile Me Jo Fatawa Mufti Sahab Ka Shaya (Publish) Hua Hai, Is Post Me Uska Jaayeza Pesh Kiya Ja Raha Hai Jisse Waajeh Ho Jaayega Ke Biraadraan E Ahnaaf Ke Paas Apne Maslak Ke Asbaat Me Koi Mazboot Daleel Nahin Hai,

MUFTI SAHAB KE FATAWE KE SHURU’AAT ME HI KAMZORI KA AITRAAF:


Sabse Pahle  Mufti Sahab Ne “Dalail” Zikr Karne Se Pahle Ba’taur Tamheed Ye Irshaad Farmaaya Ke

“ Fuquha E Hazraat Job Hi Masla Bayaan Karte Hain Uski Asal Quran E Kareem Aur Hadith Se Hoti Hai, Albatta Ye Maalum Karna Ke Quran Wa Hadith Me Uski Asal Kahan Hai? Ye Hark Is Wa Naakis Ka Kaam Nahin Hai Balke Iske Liye Mujtahidaana Salaahiyat Ki Zaroorat Hai, Isliye Aam Logon Ke Liye Yahi Huqm Hai Ke Wah Apne Maslak Ke Fuquha Aur Imam Ke Bayaan Kiye Hue Masail Par Amal Kare, Usi Me Unke Liye Aafiyat Hai Kyonke Awaam Khud Quraan Wa Hadith Ko Sahih Tareeqe Se Samajh Kar Masail Malum Nahin Kar Sakte, Albatta Mujtahideen Aur Fuquha Hazraat Uski Asal Ko Talaash Karte Hain Aur Asal Ke Be’ghair Kuch Nahin ”

(Roznama Jasaarat , Karachi)

Pahle Iske Ke Mufti Sahab Ki In Tamheedi Guzarishaat Par Kuch Arz Kiya Jaaye, Pahle Us Aurat Ka Sawaal Bhi Padh Liya Jaaye Jiske Jawab Me Mufti Sahab Ne Ye Kuch Irshaad Farmaya Hai,

Sawal Ye Tha

“Maulana Ashraf Ali Thanwi Aur Baaz Deegar Ulema E Deen Ne Ye Farmaaya Hai Ke Mard Niyat Baandhte Waqt Kaan Ki Lau Tak Anguthe Le Jaaye Aur Aurat Sir Andhe Tak, Mard Ze E Naaf Haath Baandhe Aur Auratein Seene Par, Ruku Me Mard Ungaliyan Yun Rakhe Aur Khwaateen Is Tarah, Mard Kamar Ko Uthaa Kar Sajda Kare Aur Auratein  Bilkul Dab Kar Aur Zameen Se Chipakkar Sajda Karen

Maine Yahi Masla Malum Karne Ke Liye Hadith Bukhari Aur Mishkaat Shareef Me Bab Ul Salat Khaas Taur Par Mutaala Kiya, Mujhe Toh Koi Hadith Unme Is Bare Me Nahin Mili, Suna Hai Ke “Durre Mansoor”  Me Ek Hadith Is Bare Me Waarid Hai, Aaj Kal Yahan  Auraton Me Ye Bahes Chal Rahi Hai, Agar Waqi Me Mard Saahbaan Aur Auraton Ki Namaz Ki Hiyyat Me Itna Bada Farq Hota Toh Hazrat Aisha (Ra)  Jinhone 2000 Se Zyaada Hadithen Bayaan Farmaayi Hain (Jinme Khwateen Ke Mutaalliq Hadithen Khaas Hain) , Toh  Aap Is Farq Ke Bare Me Zaroor Waajeh Taur Par Hadithen Bayan Farmaati, Mumkin Hai Aap Ne Bayaan Farmaayin Hon  Jo Meri Nazar Se Na Ghuzri Ho”

(Begum Abdul Ghani, Karachi)


To be continued

#IslamicLeaks
#UmairSalaiAlHindi