Bismillahirrahmanirraheem
KYA AURATON KA
TAREEQA E NAMAZ MARDON SE ALAG HAI ?? PART - 3
MUFTI SAHAB KI BAYAAN
KARDAH HADITH KA JAAYEZA:
Ab Mufti Sahab Ki
Bayaan Kardah Hadith Ka Jayez Liya Jaaye,
NIYYAT BANDHTE WAQT
HAATH UTHAANE ME FARQ ?
Mufti Sahab Likhte
Hain :-“ Ab Is Silsile Me Hadith Zikr Ki Jaati Hain Ke Auratein Haath Kahan Tak
Uthaayen Muazzam Tibraani Me Hz Wail Bin Hujr (Ra) Ki Riwayat Hai Ke Janab Muhammad
Sallalaho Alaihi Wasallam Ne Farmaya Ke:-
Ibn Hajar Jab Tu Namaz Padhe Toh Apne Dono Haathon Ko Apne Dono Kaano Ke
Baraabar Kar Le Aur Aurat Apne Haathon Ko Apne Seen Eke Baraabar Kar Le , Aur Imam Bukhari Ne Apne Ek Mustaqal Risaale
Me Jo Juzz Ul Rafulyadain Hai, Naqal Kiya Hai Ke Abdarbah (Ra) Kahte Hain Ke
Maine Hazrat Umme Darda (Ra) Jo Mashhoor
Sahabiyah Hain Ko Namaz Me Kandhon Ke Baraabar Haath Uthaate Dekha Hai,
Dono Hadithon Par
Amal Is Tarah Hoga Ke Kandhon Tak Haath Uthaane Me Haath Ka Kuch Hissa Seen Eke
Baraabar Bhi Ho Jaata Hai”
JAWAB:
Ye Hain Mufti Sahab
Ke Dalail Is Bare Me Ke Niyyat Baandhte Waqt Auratein Haath Kahan Tak Uthaayen,
Hz Wail Bin Hujr (Ra) Mki Riwayat Se Mausoof Ne
Saabit Kiya Hai Ke Mard Apne Dono Haath Kaano Tak Uthaayen Aur Aurat Seene Tak
! Lekin Hazrat Waazeh Rahe Ke Hazrat Wail Bin Hujr (Ra) Ki Ye Riwayat Hasab
Tasreehaat Muhaddiseen Ke Zaif Hai Jaisa Ke Majmua Ul Zawaid Me Ba’hawala
Tibrani Ye Riwayat Ba’sanad Maujood Hai Aur Wahan Hafiz Haythami (Rh) Ne
Saraahat Ki Hai Ke Is Me Umme Yahya Bint Abdul Jabbar Ek Raawiya Hai Jo Majhool
Hai
“Main Ise Nahin
Jaanta”
(Majmua Ul Zawaid
2/103)
Mufti Sahab Ka Asal
Madar E Istadlal Isi Riwaayat Par Hai Jo Istadlal Wa Hujjat Ke Qaabil Hi Nahin,
Imam Bukhari (Rh) Ke
Risaale “Juz Ul Rafulyadain”Se Abdarbah Ki Jo Riwayat Naqal Ki Hai, Use Mard Wa
Aurat Ke Darmiyaan Farq Ka Wah Pahlu Nikalta Hi Nahin Jo Mufti Sahab Isse
Qaseed Farma Rahen Hain, Isliye Is Par Istadlal Ki Jo Imaarat Khadi Ki Gayi Hai
Wah Be’buniyaad Hai,
Baher’haal Mard Wa Aurat Ke Darmiyaan, Rafulyadain Ke
Farq Ki Baabat Ahnaaf Ke Paas Koi Sahih
Hadith Maujood Nahin Hai, Jaisa Ke Ibn Hajar (Rh) Aur Hafiz Shaukani (Rh) Ne
Bhi Likha Hai, Jinki Nazar Hadith Par Badi Gahri Aur Wasee Hai, Chunanche Hafiz
Ibn Hajar Askalani (Rh) Likhte Hain
“Hanafiyah Jo Ye
Kahte Hain Ke Mard Haath Kaano Tak Uthaaye Aur Aurat Kandhon Tak, Mard Wa Aurat
Ke Darmiyaan Farq Karne Ka Ye Huqm Kisi
Hadith Me Waarid Nahin”
(Fath Ul Bari Kitab
Ul Azaan Bab No 85 Page No. 284, Taba Dar Us Salam Riyadh)
Imam Shaukani (Rh)
Likhte Hain
“Ye Rafulyadain Aisi
Sunnat Hai Jo Mard Wa Aurat Dono Ke Darmiyaan Mushtarkah Hai (Yani Dono Ke Liye
Ek Sa Hai) Iski Baabat Dono Ke Darmiyaan Farq Karne Ka Koi Huqm Nahin Hai, Isi
Tarah Miqdar E Rafulyadain Me Bhi Farq Karne Ki Koi Saraahat Manqool Nahin Hai,
Jaisa Ke Hanfiyah Ka Mazhab Hai Ke Mard Haath Kaano Tak Aur Aurat Kandhon Tak,
Hanafiyah Ke Paas Is Amal Ki Koi Daleel Nahin Hai”
(Neelul Autar 2/198,
Bab Rafulyadain)
HAATH BAANDHNE ME
FARQ ?
Iske Baad Mufti Sahab
Farmaate Hain
“Haath Baandhne Me
Bhi Huzoor E Akram Muhammad Sallalaho
Alaihi Wasallam Se Dono Tareeqe Saabit
Hain, Mardon Ke Naaf Se Neeche Haath Baandhne Aur Auraton Ke Seeene Par Haath
Baandhne Se Dono Qism Ki Riwayat Par Amal Ho Jaata Hai”
Yahan Par Mufti Sahab
Ne 2 Riwayatein Naqal Farmayi Hain, Ek Hazrat Ali (Ra) Ki Jisme Zer E Naaf
Haath Baandhne Ka Bayan Hai, Aur Dusri
Hazrat Wail Bin Hujr (Ra) Ki Jisme Unhone Farmaya Hai Ke Maine Rasoollullah Muhammad
Sallalaho Alaihi Wasallam Ke Saath Namaz Padhi, Maine Aap Muhammad Sallalaho
Alaihi Wasallam Ko Dekha Ke Aap Sallalaho Alaihi Wasallam Ne Seene Par Haath
Baandhe,
Mufti Sahab Ne Dono
Riwayaat Me Ye Tatbeeq Di Hai Ke Tahtus Sarah (Zer E Naaf) Waali Riwaayat Par
Mard Amal Karen Aur Aali Sadr (Seene Par Haath Baandhne) Waali Riwayat Par
Auratein Amal Karen,
Halaanke Jama Wa
Tatbeeq Ki Zaroorat Us Waqt Pesh Aati Hai Jabke Dono Riwayat (Jo Ba’zaahir
Muta’aariz Hai) Sanad Sahih Hon, Agar 2
Mutaa’aariz Riwaayat Aisi Honk E Sanadan Ek Sahih Ho Aur Dusri Zaif Ho, Toh
Muhaddiseen Ke Usool Ke Mutaabik Amal Sahih Ul Sanad Riwaayat Par Hoga, Zaif
Riwaayat Ko Sahih Ke Muqaable Me Tarq Kar Diya Jaayega, Isliye Mufti Sahab Ka
Pahla Farz Ye Tha Ke Haath Baandhne Waali Dono Qism Ki Riwaayaton Ke Mutaalliq
Ye Saabit Kart Eke Sanadan Dono Sahih Aur Ek Si Haisiyat Ki Haamil Hain, Lihaaza
Tatbeeq Ke Be’ghair Chaarah Nahin,
Iske Baad Hi Mufti
Sahab Ki Tatbeeq Qaabil E Tasleem Ho Sakti Hai !!
Bina Haisiyat Is Tatbeeq Se Pahle Dono Riwayaton
Ki Sanadi Haisiyat Dekhne Ki Zaroorat Hai,
Hz Ali (Ra) Ki
Riwaayat Sunan Abu Dawood Ke Us Nuskhe Me Nahin Hai Jo Pak Wa Hind Me Mutaddid
Awwal Hai, Taaham Abu Dawood K Eek Nuskhe ( Ibn Al Araabi ) Me Ye Riwaayat
Maujood Hai, Lekin Wahan Imam Abu Dawood (Rh) Ne Iske Zaif Hone Ki Bhi Saraahat
Kar Di Hai (Aunul Mabood 1/275),
Ye Bhi Mufti Sahab Ki
Ilmi Diyaanat Ka Ek Shahkaar Hai Ke Riwaayat Ke Liye Toh Sunan Abu Dawood Ka
Hawaala Diya Hai Lekin Riwaayat Ke Saath Hi Uske Zaif Ki Jo Saraahat Usme Hai,
Use Gol Kar Gaye,
Iske Elaawa Hazrat
Wail Bin Hujr (Ra) Jo Sahih Ibn Khuzaima
Me Hai Aur Bulugh Ul Maram Me Hafiz Ibn Hajar (Rh) Ne Use Naqal Kiya Aur Use Sahih Qarar Diya
Hai, Fath Ul Baari Me Bhi Us Riwaayat Ko Sahih Batlaaya Hai, Nez Deegar
Muhaddiseen Ne Bhi Usko Sahih Kaha Hai, Hatta Ke Kai Hanafi Ulema Ne Bhi Hadith
Hz Ali (Ra) Ko Zaif Aur Hadith Hz Wail Bin Hajr (Ra) Ko Sahih Qarar Diya Hai,
Chunanche Chand
Hawaale Inshaallah Next Post Me Mulaaheze Honge..
To Be Continued…
#UmairSalafiAlHindi
#IslamicLeaks
