Al Tamur Traders

Tuesday, July 12, 2011

MAKKA MUKARRAMA AUR MADINA MUNAWWARA ME 20 RAKAT TARAWEEH KA MASLA





Bismillahirrahmanirraheem





MAKKA MUKARRAMA AUR MADINA MUNAWWARA ME 20 RAKAT TARAWEEH KA MASLA




RAMZANUL MUBARAK KI AAMAD KE SATH HI SANJEEDA AUR GHAIR SANJEEDA DEENI HALKO ME YAH SAWAL KASRAT KE SATH HARQAT AUR GARDISH AKHTIYAAR KAR LETA HAI KI MAKKA MUKARRAMA ME NAMAZ-E-TARAWEEH 20 RAKAT ADA KI JAATI HAI....



USOOLI JAWAAB: MUSALMAN KE LIYE DEEN AUR HUJJAT KITAB WA SUNNAT HOTI HAI, KITABULLAH KI BESHUMAR AAYATEN ITTATE RASOOL (SAW) KA HUQM DETI HAIN, AUR SAHIH HADITH ME BIS-SARAHAT RAMADAN AUR GHAIR RAMADAN ME QIYAMULLAIL (TARAWEEH YA TAHAJJUD) KI TADAT 11 BATAYI GAYI HAI, AGAR AHLE HARAMAIN KA AMAL UMMAT-E-MUSLIMA PAR HUJJAT HOTA TO USOOL-E-FIQH ME IMAM MALIK KA YAH MAUQIF DURUST TASLEEM KAR LIYA JAATA KI AHLE MADINA KA AMAL AUR IJMA HUJJAT HAI, LIHAZA HUJJAT KITAB AUR SUNNAT ME HAI NA KI KISI ILAAKE KE LOGON KE AMAL ME




TAFSEEL: QIYAMULLAIL KE BAARE ME KITNI RAKAT PADHNI CHAHIYE ISKE 10(approx.) AQWAL HAIN...



KAM SE KAM DO RAKAT, JYADAH KI KOI HADD NAHI, 47 RAKAT(ASWAD BIN YAZID), 41 RAKAT(QAUL-E-AHLE MADINA), 39 RAKAT (AMAL AHLE MADINA HURRA SE PAHLE), 34 RAKAT ( ZURARAH BIN AUFFA),28 (ZURARAH BIN AUFFA KA EK AUR QAUL), 24 RAKAT ( SAYID BIN ZUBAIR KA QAUL) , 20/23 RAKAT (AHNAF), 16 RAKAT (EK AUR QAUL), 8/11 (IMAM MALIK, HANABILA, AHLE HADITH).



AB IN 10 AQWAL ME SE KISE AKHTIYAR KIYA JAAYE AUR KISE CHHODA JAAYE?



YAQINAN YAH DEEN AUR ISLAM KI BAAT HAI, JAATI PASAND AUR NAPASAND MAMLA NAHI?


AGAR KASRATE TADAT AUR JYADATI SAWAAB KA NUQTA KAARFARMA RAKHA JAAYE TO PHIR 20 YA 23 RAKAT KYON ?


24, 28 , 34 , 39, 41 ,47, AUR LAAM HADOOD KE AQWAL KO 20/23 PAR FAZILAT HONI CHAHIYE,




AB MAMLA SHARIAT KA HAI TO SHARIAT AISE MAUKON PAR KITABULLAH AUR SUNNATE RASOOLLULLAH KI TARAF RUJU KA HUKM DETI HAI : " PHIR AGAR KISI CHEEZ ME IKHTELAAF KARO TO USE LAUTAAU ALLAH KI TARAF AUR RASOOL KI TARAF" (SURAH NISA 59) " AUR ALLAH KI ITTAT KARO AUR RASOOL KI (SURAH MAIDA 96)


" AIY IMAAN WALON! ALLAH KI ITTAT KARO AUR RASOOL KA KAHNA MANO AUR APNE AAMAAL KO BARBAAD NA KARO ( SURAH MUHAMMAD 33) " AUR TUMHE JO KUCH RASOOL DE LE LO AUR JIS SE ROKE RUK JAAO(SURAH HASHR 7) "YAQINAN RASOOLLULLAH TUMHARE LIYE UMDA NAMOONA (IDEAL) HAI (SURAH AHJAB 21),



AUR BUKHARI KI RIWAYAT ME HAI: " AUR MUHAMMAD (SAW) LOGON KE DARMIYAAN (HAQ AUR BATIL ME) FARQ KARNE WALEN HAIN, (SAHIH BUKHARI, KITABUL ITISHAM,HADEES 1852)




AHADITH KI TARAF RUJU KIYA JAAYE TO MUNDARJA BALA AQWAAL ME SE SIRF 8/11 RAKAT WAALE QAUL KE TAAYID SAHI, SAREEH, AUR GAIR MUARIZ RIWAYAT SE HOTI HAI,



1- HADEESE AISHA (RA) "KI AAP (SAW) KI NAMAZ RAMADAN AUR GAIR RAMDAN ME 11 RAKAT SE ZYADA NAHI HOTI THI ( SAHIH BUKHARI:2013,1147, SAHIH MUSLIM ,KITABU SALATIL MUSAFIREEN HADITH 125, SUNAN ABU DAWOOD 1314, TIRMIZI 439, NISAI KIYAMULLAIL 1727, MUATTA SALATULLAIL 9, MUSNAD AHMAD JILD 6 AH: 36 73 104 , BAIHQI AL KUBRA 4614.




2- HZ UBAI BIN KAAB(RA) KA KHWATEEN AHLE KHANA KE SAATH 8 RAKAT KIYAMULLAIL AUR SATH HI NAMAZ-E-WITR KA AHTIMAM AUR US PAR RASOOLLULLAH SALLALLAHO ALLAIHI WASALLAM KI RAZAMANDI ( QIYAMULLAIL LIL MARWAZI 217)




3- HADEESE JABIR (RA) "KI AAP (SAW) NE HAMARE SAATH 8 RAKAT KIYAMULLAIL AUR WITR ADA KI, USKE BAAD AAP (SAW) AGLI RAAT TASHREEF NA LAAYE, WAJAH DARYAFT KARNE PAR FARMAYA KI MAI ISLIYE NAHI AAYA KI KAHIN YE TUM PAR FARZ NA HO JAYEN (QIYAMULLAIL LIL MARWAZI 217





4- ISI TARAH HADEESE ABU ZAR " KI 23wi, 25wi, AUR 27wi, RAMADAN KI RAAT QIYAMULLAIL KE MUTALLIQ, JIS KE BAAD AAP TASHRIF NA LAAYE KI KAHIN YAH NAMAZ FARZ NA HO JAAYE, (SUNAN ABU DAWOOD 13175, TIRMIZI 1802, NISAI JILD 2 H:1363 , IBN MAJAH 1327, MUSNAD AHMAD JILD 5 H: 159,163, SUNAN DARIMI 1777, SAHIH IBN KHUZAIMA 2206)





5- AAP KI NAMAZE TAHAJJUD AUR RAMADAN ME QIYAMULLAIL EK HI NAMAZ HAI, MULAHZA HO UPER WALI RIWAYAT KA MATAN UPER HAWALA DI GAYI KITABON ME.





6- HZ UMAR BIN KHATTAB(RA) KA ASAR KI UNHONE UBAI BIN KAAB(RA) AUR TAMIM DARI (RA) KO HUKM DIYA KI WAH LOGON KO 11 RAKAT PADHAI ( QIYAMULLAIL LIL MARWAZI 220, MUAATA IMAM MALIK JILD 1 PG 120 H 256)





ISLIYE IN SAHIH WA SAREEH DALEELON KO DEKHA JAYE TO UPER ME LIKHE 10 AQWAL ME SE (8/11) WAALE QAUL KE TAYID KITAB WA SUNNAT SE HOTI HAI,



RAHA 2 RAKAT WALA QAUL TO WAH QIYAMULLAIL KI ADAIGI KI KAIFIYAT BAYAN KARNA HAI NA KI TADAT ,(YANI) RAAT KI NAMAZ DO DO RAKAT PADHI JAYEGI...



RAHE BAAKI AQWAL TO WAH KASRATE TADAT ME AAGE BADNE AUR JAATI PASAND WA NAPASAND KA MASLA HAI, JINKI TAYID KISI EK KA BHI SAHIH , SAREEH AUR GAIR MUARIJ HADEESE PAAK YA USWAI HASNA SE NAHI HO PAI, ISLIYE EK MUSALMAN HONE KE NAATE MIYAR KASRATE TADAT NAHI BALKI USWAI RASOOL (SAW) HONA CHAHIYE AUR WAH (8/11) RAKAT QIYAMULLAIL HAI..





TAREEKHI JAWAB





RAHA YAH SAWAL KI AGAR KITAB WA SUNNAT ME KIYAMULLAIL KI TADAT 11 RAKAT HAI AUR AHLE SAUDIA BHI 11 RAKAT KE QAIL HAIN, TO HARAMAIN SHARIFAIN ME 20 RAKAT NAMAZ E TARAWEEH KYON ADA KI JAATI HAI?

KYA YE KHULA TAJAAT(TAKRAO) NAHI ?

IS SAWAL KE JAWAB KE LIYE HAME KUCH PEECHE TAAREKHI PASHE MANZAR ME JAANA HOGA



EK DAUR THA JAB BAITULLAH ME 4 MUSALLE BICHA DIYE JAATE THE, YUN MARKAZE ISLAM KI MARKAZIYYAT KO 4 TUKDON ME BAAT DIYA GAYA, EK MASLAK WAALE AZAAN DETE TO DUSRE TARAF SE AAWAZ AATI ABHI NAMAZ KA WAQT NAHI HUA, LOGON! APNI NAMAZE KHARAB MAT KARON , DUSRE MASLAK WALE JAB NAMAZ SHURU KARTE TO PAHLI TARAF SE AAWAZE AATI KI NAMAZ KO TAKHEER SE ADA KIYA JAA RAHA HAI,



AALE SAUD KI HUKUMAT AATE HI MUSALMANO KE MARKAZ SE IS TAKLEEF DEH SURATE HAAL KA KHATIMA KIYA AUR USKI MARKAZIYYAT BAHAAL KARTE HUYE 4 MUSALLON KI RASM KO KHATM KAR DIYA, AUR TAMAM MUSALMANO KO EK WAQT, EK JAMAAT AUR EK IMAM PAR IKATTHA KAR DIYA, YUN POORI DUNIYA NE ISLAM AUR MUSALMANO KI MARKAZIYYAT AUR YAK ZAHTI KO APNI AANKHON SE DEKHA



KUCH ARSA BAAD RAMZANUL MUBARAK AAYA, AIMME HARAM 11 RAKAT NAMAZ E TARAWEEH PADHKAR JAATE RAHE TO 20 RAKAT KE KAILEEN NE IMAM E HARAM BANNE KE SHAUK ME JAGAH JAGAH GROUPS KI SHAKL ME JAMATE KARWANA SHURU KAR DI..



YAH BAAT JAB HUKUMAT TAK PAHUNCHI TO IS SURATE HAAL KE PESHE NAZAR FAURAN ULAMA KIRAAM KI MEETING BULAI GAYI AUR EK AMR PAR MUTTAKIF HONE KA AGENDA RAKHA GAYA TAAKI MARKAZ E ISLAM KI SHAAKH PAR HARF NA AAYE, JIS PAR POORI DUNIYA KI NIGAH HOTI HAI.




BE SHUMAR KOSHISHON KE BA WAJOOD 20 RAKAT KE QAILEEN ISRAR KARTE RAHE KI UNHE TO BAS 20 RAKAT HI PADHNI HAI, LIHAZA HUKUMAT NE INTEZAMI AMR KE PESHE NAZAR DO IMAMON KO MUKARRAR KA DIYA, EK IMAM 10 RAKAT PADHA KAR CHALA JAAYE AUR JISKO MASNOON TADAT KI ADAIGI KARNA HO WAH BHI APNA KIYAM IS PAHLE IMAM KE SAATH POORA KAR LE, AUR JISE MAJEED RAKATEN PADHNI HON WAH JAGAH JAGAH TOLIYON AUR GROUPON KI SHAKL ME NA BAITHE, UNKE LIYE DUSRE EK IMAM KA IHTIMAM KAR DIYA GAYA, AUR YUN INTEJAMI NUKTA E NAZAR SE HARAMAIN ME 20 RAKAT TARAWEEH DO IMAMON KE SAATH ADA KARNE KA SILSILA CHAL NIKLA.....




WAQIYATI AUR MUSHAHDATI JAWAB:



AAM LOGON ME YAH BAAT MASHOOR KAR DI GAYI HAI KI AHLE SAUDIA 20 RAKAT TARAWEEH KE QAIL HAIN, JABKI HAQIQAT YAH HAI KI AHLE SAUDIA 20 RAKAT NAHI 11 RAKAT KE QAIL HAIN, USKI AMLI DALEEL YE HAI KI HARAMAIN KE ELAWA POORE MULK KE MASJID ME 11 RAKAT ADA KI JAATI HAI YAHAN TAK KI MASJIDUL HARAM KE BABUL UMRA SE CHAND KADAM KE FAASLE PAR EK AUR MASJID ME, POORE MAKKA AUR MADINA KI DEEGAR MASAJID AUR MADINA UNIVERSITY MADINA MUNAWWARA KI JAMA MASJID ME BHI 11 RAKAT TARAWEEH KA EHTIMAM HOTA HAI..





ILZAMI JAWAB:




ILZAMI JAWAB KA MAQSAD KATTAN KISI PAR KICHAD UCHALNA NAHI BALKI SIRF HAQ BAAT KO ZAAHIR KARNA AUR SAHI SURATE HAAL SE AAGAH KARNA HAI



AAM TAUR PAR AHNAAF KI YE KOSHISH HOTI HAI KI IS BAAT KO AAM AUR KHAAS LOGON KE JEHAN ME BITHA DI JAAYE KI AHLE HADITH KA MAUKIFF GHALAT HAI, JABKI UNKA 20 RAKAT KA MAUKIFF SAHI HAI, KYONKI YE AMAL HARAMAIN SHARIFAIN ME JAARI HAI JISE POORI DUNIYA TELEVISION PAR DEKHTI HAI,



HAMARA KAHNA HAI KI HAQ KA DOHRA MIYYAR NAHI HONA CHAHIYE BALKI USKA MIYYAR TO EK HOTA HAI, ISLIYE AGAR AHLE HARAMAIN SHARIFAIN MIYYAR E HAQ HAIN JAISA KI INKA MASLA TARAWEEH ME HAWALA DIYA JAATA HAI TOH SIRF ISI MASLA ME UNKI UNKI MUKHALFAT KYON KI JAATI HAI AUR BAAKI BE-SHUMAR UMOOR ME HARAMAIN KI MUKHALFAT KYON?