Monday, January 18, 2016

HANAFI MAZHAB ME AQEEDA HULOOL KA NAZARIYA: PART-2










Bismillahirrahmanirraheem




HANAFI MAZHAB ME AQEEDA HULOOL KA NAZARIYA: PART-2



ITTEHAAD E SALAASA:



2- WAHDAT UL WAJOOD:

“Ittehaad E Salaasa ” Ka Dusra Hissa  Jisne Quraan Wa Hadith Ke Batlaaye Hue Khaaloq Wa Makhlooq Ke Farq Ko Badal Jaala Hai Wahdat Ul Wajood Ka Nazariya Hai, Iska Kahna Yah Hai Ki Kaaynaat Ki Har Cheez Ek Zaat Ke  Faile Hue Hisson Mese Ek Hissa Hai, Kisi Ek Cheez Me Dusron Se Ghairiyat Nahin Yani Khaliq Wa Makhlooq Me Wahdat Hai Aur Dono Ek Hain,

Is Nazariye Ke Lihaaz Se Kaafir Wa Mushriq, Faasiq Wa Faazir, Momin Wa Muslim, Shaitaan Wa Jinn, Kutta Wa Billi, Nijaasat Wa Ghalaazat Ye Sab Allah Ke Aine Wajood Hain, Unhe Zaat E Ilaahi Se Alag Nahin Kiya Jaa Sakta Aur Na Unme Aur Zaat E Ilaahi Me Koi Ghairiyat Hai Aur Kaaynaat Me Jo Mukhtalif Cheezein Nazar Aati Hain Ye His Wa Idraak Ka Zaahiri Pahlu Hai,

Ibne Araabi Jo Soofiya Me “Sheikh Akbar ” Ke Naam Se Pukaare Jaate Hain, Is Aqeede Ke Mojid Samjhe Jaate Hain, Magar Haqeeqat Yah Hai Ki Bhi Hindu Mat Se Liya Hua Yah Nazariya Shuru Hi Se Fann Tasawwuf Ki Jaan Banaa Raha Hai,

Haan ! Ibn E Araabi Is Ummat E Muslima Ke Andar Iske Aawaahak (Lane Waale) Banker Zaroor Uthe Hain, Futuhaat E Makkiya Aur Fususul Hakam Jaisi Mashoor Kitaabein Likh Kar Isko Haq Saabit Karne Ki Koshish Ki Gayi Hai Aur Apni Poori Zindagi Is Nazariye Ko Failaane Me Laga Di Hai, Unki Koshishon Ka Nateeja Yah Hai Ki Aaj Har Soofi Ke Yahan Is Baat Ki Kisi Na Kisi Shakl Me Numaish Zaroor Hai, Ibne Araabi Kahta Hai

“Parwardigaar Bhi Haq Hai Aur Banda Bhi Haq,
Kaash! Main Malum Kar Sakta Un Mese Mukallaf Kaun Hai?”
(Futuhaat E Makkiya Part 1 Page No.1)

Agar Tum Kaho Ki Mukallaf Banda Hai Toh Banda Murda Aur Mayyat Hai, Agar Tumhara Kahna Yah Hai Ki ”Rabb ” Tu Wah Kaise Mukallaf Ho Sakta Hai?

Aur Likhta Hai

“Kaash ! Ki Mujhe Maalum Hota Ki Mukallaf Kaun Hai? Jabki Yahan Allah Ke Elaawa Kisi Ka Wajood Hi Nahin Hai”

(Rasail Ibn Araabi Kitab Ul Jilaala Page 12)

Apni Kitan Fususul Haqam Me Likhta Hai:

“Pas Aarif Wah Hai Jo Har Cheez Me Haq Ko Dekhe Balke Haq Taala Ko Har Cheez Ka Ain Dekhe”

Aur Fas’hood Me Likha Hai

“Beshaq Allah Taala Cheezon Ka Ain Hai”

Isi Baat Ko Futuhaat E Makkiya Me Yun Kahta Hai

“Pas Haq Me Enul Haq Hai ,Agar Tu Chasm Beena Rakhta Hai Aur Khalq Me Enul Haq Hai Agar Tu Sahib E Aqal Hai”

Is Nazariye Ke Lihaaz Se Har Cheez Zaat E Ilaahi Ka Hissa Hai, Koi Cheez Dusri Cheez Se Ghairiyat Nahin Rakhti, Sirf Farq Maraatib Ki Wajah Se Sooratein Badal Gayi Hain, Koi Insaan Nazar Aata Hai, Koi Jaanwar, Koi Ped Nazar Aata Hai, Koi Pahaad, Koi Wali, Aur Koi Nabi, Lekin Ek Faasiq Wa Faajir Bhi Dar’asal Zaat E Khudaawandi Ka Aisa Hi Hissa Hai Jaisa Ek Buzurg Wali,

Isi Tarah Ek Jaanwar Bhi Zaat E Haq Ka Ek Hissa Hai Aur Ek Parinda Bhi, Isi Liye Is Fann Ke Kaamileen Kabhi Kisi Jaanwar Ke Bolne Par Labbaik Labbaik Ka Naara Lagaate Hain Aur Kabhi Kawwe Kin Aawaaz Par Aur Agar Malum Kiya Jaaye Ki Yah Kya, Ye Toh Jaanwar Aur Kawwe Ki Aawaaz Hai ?? Toh Jawaab Milta Hai Ki

“Mujhe Toh Har Aawaaz, Aawaaz E Khuda’wandi Malum Hoti Hai, Isiliye Main Labbaik Labbaik Ka Naara Lagaata Hoon” (Naozubillah)

Ibne Araabi Ke Is Nazariye Ne Quraan Wa Hadith Ki Saari Qadaron Ko Badal Daala Hai, Aalam E Duniya Haadis Ke Bajaaye Qadeem Ban Gayi, Allah Taala Ko Mu’attal Kar Daala Gaya, Khair O Sharr Ki Tameez Baaqi Na Rahi, Taqleef Utha Li Gayi, Jannat Wa Jahannam Be’mayne Cheezein Ban Gayi,

Aakhir Wah Kaun Sa Ilaah Hai Jo Apni Zaat Ko Jahannum Ke Supurd Kar Dega ??

Ibn Araabi Ka Irshaad Hai Ki

“Jahannum Ki Aag Thandi Hokar Lutf Wa Lazzat Ka Samaan Muhayya Karegi”

Is Nazariye Ne Itna Zor Pakda Ki Saari Duniya Me Uske Haami, Uske Maanne Wale Paida Ho Gaye, Aur Kahin Khaandaan Waliullah Ne Uske Jhande Uthaaye Aur Aaj Islaam Ki Jo Soorat Bani Hai Usme Sab Se Bada Haath Is Nazariye Ka Hai…

Is Usool Ka Teesra Hissa Inshaallah Agle Post Me Share Kiya Jaayega

To Be Continued

#UmairSalafiAlHindi
#IslamicLeaks
#TalashEHaq