Monday, January 3, 2011

KYA HUZOOR (SAW) KA SAAYA NAHI THA





AS SALAM O ALLAIKUM WR WB

SAWAAL: KYA HUZOOR (SAW) KA SAAYA NAHI THA ?


JAWAAB: SAYYIDNA HZ. ANAS (RA) FARMATE HAIN KI EK RAAT NABI SALLALLAHO ALLAIHI WASALLAM NE HAME NAMAZ PADHAI AUR THEEK NAMAZ KI HAALAT ME APNA HATH AAGE BADAYA AUR PHIR JALDI HI PEECHE HATA LIYA, HAMNE ARZ KIYA KI AIY ALLAH KE RASOOL AAJ AAPNE MAMOOL KE KHILAF NAMAZ ME NAYE AMAL KA IZAAFA KIYA HAI? AAP SALLALLAHO ALLAIHI WASALLAM NE FARMAYA NAHI, BALKI BAAT YE HAI KI ABHI ABHI MERE SAMNE JANNAT PESH KI GAYI, MAINE USME BAHUT SE FAL DEKHE TO JEE ME AAYA KI MAIN USME SE KUCH TOD LUN, MAGAR FAURAN HUKM MILA KI PEECHE HAT JAAO,MAIN PEECHE HAT GAYA, PHIR MUJHE JAHANNUM PESH KIYA GAYA, USKI ROSHNI ME MAINE APNA AUR TUMHARA SAAYA DEKHA AUR DEKHTE HI MAINE TUMHE ISHAARA KIYA KI PEECHE HAT JAAO,

(HAAKIM)

ISI TARAH MUSNAD AHMAD, TAKBATUL KUBRA AUR MAJMA AL JAWAID KI RIWAYAT KE MUTABIK EK BAAR AAP HZ SALLALLAHO ALLAIHI WASALLAM HZ. ZAINAB SE NARAZ HO GAYE AUR TAKREEBAN TEEN MAHINE TAK UNKE YAHAN NAHI GAYE, HATTA KI ZAINAB NE APNA SAAMAN BANDH LIYA, SAYYIDAH ZAINAB BAYAN KARTI HAIN,

FA-BAINAMA ANA-YAUMAN BENIS-FIN-NAARE IZA ANA BE-ZIL-LALI MUKBILIN

YANI USI DIN ACHANAK DEKHTI HOON KI DOPAHAR KE WAQT NABI SALLALLAHO ALLAIHI WASALLAM KA SAAYA-E-MUBARAK AA RAHA THA,


YE DONE RIWAYATEN IS BAAT KI KHULI DALEELEN HAIN KI AAP (SAW) KA SAAYA-E-MUBARAK MAUJOOD THA.....