Al Tamur Traders

Sunday, January 23, 2011

WAHIDUZZAMAN AUR NUZULUL ABRAR KI HAQIQAT

AS SALAM O ALLAIKUM WR WB



first i want to tell u
imam abu hanifa was also ghair muqallid


Ashraf Ali Thanvi Deobandi said (hum khud aik ghair muqallid kay motaqid aur muqallid hain kion kay imam e azam ka ghair muqallid hona lazmi hai.


(majalis hakeem ul ummat az mufi muhammad shafi deobandi page 345)



regarding waheed ul zamaan

first mai pehley hi keh chuka hun aik taraf deobandi hiyati muqallid humien ghair muqallid kehtey hain doosri taraf kehtey hain tumharey aalim nay yeh likha wo likha specially waheed ul zamaan.


bhai hamarey liye daleel Quran aur hadith hai aur sahaba ka ijma hai us kay baad koi aur kuch bhi kahey hum par paish na karien.


waheed ul zamaan nay naz lul abrar mai khud likha hai yeh wo book hai jis ka naam aap nay liya hai ghour say parhna.

(wa la bud lul aami mun taqleed mujtahid ao mufti)

"aadmi kay liye mujtahid ya mufti ki taqleed zroori hai ".

(naz lul abrar mun fiqah un nabi al mukhtaar page 7)


kya khyaal hai janab wo to ahl e hadith nahi tha kion kay ahl e sunnat taqleed nahi kartey.


wo to aap ka hi muqallid bhai niqal aaya. kya khyaal hai us ki baatien tum par hujjat kay torr par paish na kar dee jaien??

Latifa deobandioon nay sahih bukhari ki sharah fasal ul bari likhi hai jis mai waheed ul zamaan ka tarjuma apni marzi aur khushi say tasleem kar kay likha hai


"chuinancha muhammad yahya saddiqi deobandi (moulana shabbir usmani kay damaad) likhtey hain "tay hua kay molana waheed ul zamaan ka urdu tarjuma doosrey column mai diya jaye ga. is tarjuma ki shamooliat mai mera bhi mashwara shamil hai kion kay khud allama usmani ko yeh tarjuma pasand tha"


(fasal ul bari jild 1 p23)


kyon janab ab bolo


aur aik aur point aaj tuk waheed ul zamaan ki kitab nazlul abrar jis nay bhi chapi hai wo hanafi hazraat hain. koi ahl e hadees nahi chapta. to janab wo aap ka hi banda hai.


aur maan lo for sake of argument kay wo ahl e sunnat tha bhi to us ka hisaab ALLAH lay ga.yeh sirf ilzami jawab tha jawab pehley day diya hai. aur waheed ul zamaan ko bohet ahle sunnat(salafi) ullema nay bura kaha hai daleel bhi mil jayegi


lastly i want 2 know brother agar ye book hamari nahi hai toh humlog publicity ye announce kyun nahi karte ki we r not following dis book at all, nd finally many confusions will come 2 an end..


Bhai nazlul abrar ko to waheed ul zamaan kay hi zamane mai bohet ahle sunnat(salafi) ullema nay mannaney say inkaar kar diya tha. waheed ul zamaan nay khud likha hai

(mujh ko merey aik dost nay likha kay jub say tum nay kitab hadiya tul mahdi likhi hai to ahl e hadees ka aik bara giroh jesey shams ul haq, marhoom azeem abadi, aur molvi muhammad hussain lahore, aur molvi abdullah sahib ghazi puri, aur molvi faqeer ullah punjabi, aur molvi sana ullah amrit sari, waghera tum say bud dil ho gaye hain.

aur aaima e ahl e hadees ko tum say aiteqaad jata raha. mai nay jawab diya

"Alhumdulillah koi mujh say aiteqaad na rakhey...(lughat ul hadees kitab ul sheen page 50 jild 2)"


yeh muqallid (brelvi o deobandi) becharey hamari koi baat pakar nahi saktey to waheed ul zamaan ki taraf bhagtey hain aur hadiya tul mahdi aur nazlul abrar ko quote kartey hain.


in ko kya pata hamari daleel Quran aur hadees hai us kay muqablay hum nay abu hanifa rahimullah ki baat nahi mani

wahed ul zamaan to kuch hai hee nahi...


"Zubair ali zai nay likha hai in mardood kitaboon ko ahl e hadees kay khilaaf woh hee paish karta hai jo khud bara zaalim hai".

( deen mai taqleed ka masla page 59)


Mufti obaid ullah afif (bani jamiyet ahl e hadees pakistan) nay kaha hai woh fiqh mai sab say anari banda tha.


yeh hee moqaf Abu suhaib molana Muhammad dawood arshad ka hai(deen al haq ba jawaab ja al haq) aur mufti Mubashar Ahmad Rabbani aur shaykh ul hadees Abdul ghaffar madni(fazil madina university)

aur sab Ahl e sunnat ullema ka yeh hee moqaf hai kay us ki kitabien hamarey khilaaf nahi [paish ki ja saktien.

aur molana khawaja muhammad qasim rahimullah ni apni kitab hadees e rasool par aiteraazaat aur ghair e ahl e hadees ki galiyoon kay jawabaat kay page 11 par likha hai.

"(banda nay mutalia kay liye hiyat e waheed ul zamaan haasil ki hai jisey molana abdul haleem sahib chishti sahib nay likha hai aur noor muhammad alsah al mutabiq karachi waloon nay chapaya. is mai un ki 26 tasneefat ka zikr hai magar nazlul abrar ka kaheen zikr nahi."

Wallah u alam.

is ki kya waja hai bawajood talash kisi ahl e hadees aalim say is ka koi nuskha nahi mil saka.

such poochiye to banda nay is kitab ka naam he pehli martaba suna hai. ab yeh aik maktaba mai dekhi hai jisey lahore kay aik hanfi idarey nay shaaie kiya hai. is liye yeh kitab lazman ahnaf kay pass ho gee.


okarwi sahab ka yeh farmana kay is kitab ko sirf ghair muqallideen nay qabool kiya hai ajeeb baat hai.


aur aagey ja kay page number 14 par likhtey hain jahaan tuk hamara mamla hai hamara mazhab hai Quran aur hadees hai........


jo baat Quran aur hadees kay khilaaf ho chahe wo fiqh ahnaf nay likhi ho ya waheed ul zamaan nay ya kisi aur ahl e hadees nay isay beshak chulhay mai dalo.


aur jahan tak nazlul abrar ke masaail ya gandi batien hain to wo to fiqah hanafi mai bhi hain.


fatwa aalam geeri jild 1 mai mojood hain


1. janwar ki sharamgaah mai jama kiya to ghusal farz nahi.


2. janwar ki dubar(back side) mai jama kiya to ghusal farz nahi


3. murda Aurat say jama kiya to ghusal farz nahi


4. ala tanasul par kapra lapait kar jama kiya jama ki lazzat na aai to ghusal farz nahi.


in becharoon ko chahiye kay pehley apni fiqa ki kitaabieen uthaien us ko parhien wohi batien hain jo nazlul abrar aur hadiya tul mahdi mai hain.


ALLAH HAMEN HAQ BAAT KAHNE AUR SUNNE KI TAUFEEQ DE

AAMEEN



DUAON ME YAAD RAKHIYE...

AUR JITNA HO SAKE IS POST KO LOGON ME AAM KARIYE.... TAAKI KOI DEOBANDI AUR BARELWI DOBARA NAZLUL ABRAR AUR WAHIDUZZAMAN KI KITABON KA HAWAALA NA DE