Al Tamur Traders

Wednesday, February 2, 2011

HAM MEELAAD(BIRTH DAY) KYON NAHI MANAATE ???

AS SALAM O ALLAIKUM WR WB



HAM MEELAAD(BIRTH DAY) KYON NAHI MANAATE ???



HZ ANAS (RA) KA BAYAN HAI KI "PEER(MONDAY) KO LOG FAZR KI NAMAZ ME LAGE HUE THEY AUR ABU BAKR NAMAZ PADHA RAHE THEY KI ACHANAK ALLAH KE RASOOL SALLALLAHO ALLAIHI WASALLAM (PBUH) NE HZ AISHA(RA) KE HUJRE KA PARDA UTHAYA AUR SAHABA KIRAAM PAR JO SAFEN BANDHE NAMAZ PADH RAHE THEY, NAZAR DAALI,FIR MUSKURAYE,

IDHAR ABU BAKR AIDI(HEELS) KE BAL PEECHE HATE KI SAF ME JAA MILEN,

UNHONE SAMJHA KI ALLAH KE RASOOL NAMAZ KE LIYE TASHRIF LAANA CHAHTE HAIN,

HZ ANAS KA BAYAN HAI KI ALLAH KE RASOOL (KE ACHANAK ZAAHIR HONE SE) MUSALMAAN ITNE KHUSH HUE KI CHAHTE THEY KI NAMAZ KE ANDAR HI FITNE ME PADH JAAYEN (YAANI AAPKI TABIYAT JAANNE KE LIYE NAMAZ TOD DEN) LEKIN ALLAH KE RASOOL NE APNE HAATH SE ISHAARA FARMAYA KI APNI NAMAZ POORI KAR LO, PHIR HUJRE KE ANDAR TASHRIF LE GAYE AUR PARDA GIRA LIYA"

SAHIH BUKHARI 1/98,99


ISKE BAAD ALLAH KE RASOOL PAR KISI DUSRI NAMAZ KA WAQT NAHI AAYA,

DIN CHADHE CHAST KE WAQT AAPNE APNI SAHABJAADI HZ FATIMA(RA) KO BULAYA AUR UNSE KUCH KAAN(EARS) ME KAHA, WAH RONE LAGI, AAPNE UNHE FIR BULAAYA AUR KUCH KAAN ME KAHA, TOH WAH HASNE LAGI,

HZ AISHA(RA) KA BAYAN HAI KI BAAD ME HAMARE MALUM KARNE PAR UNHONE BATAYA KI(PAHLI BAAR) NABI SALLALLAHO ALLAIHI WASALLAM NE MUJHE KAAN ME BATAYA KI ,AAP ISI ROG(BIMARI) SE WAFAAT PAA JAAYENGE, ISLIYE MAI ROYI,
PHIR AAPNE MUJHSE KAAN ME KAHA KI AAPKE GHARWALON ME SABSE PAHLE MAIN AAPKE PEECHE JAUNGI, IS PAR MAIN HASI,

BUKHARI 2/638

NABI SALLALLAHU ALLAIHI WASALLAM NE HZ FATIMA KO YE KHUSHKHABRI BHI DI KI AAP DUNIYA KI TAMAM AURTON KI SARDAR HAIN

RAHMATULLIL AALIMEEN 1/282


US WAQT ALLAH KE RASOOL (SAW) JIS BECHAINI AUR DARD KE SHIKAAR THEY, USE DEKH KAR HZ FATIMA(RA) BE-AKHTIYAAR PUKAAR UTHI "HAAY ABBA JAAN KI TAKLEEF !"

AAPNE FARMAYA, "TUMHARE ABBA PAR AAJ KE BAAD KOI TAKLEEF NAHI"

BUKHARI 2/282


AAPNE HASAN WA HUSSAIN (RA) KO BULAKAR CHOOMA AUR UNKE BAARE ME BHALAYI KI WASIYAT KI, BIWION KO BULAYA AUR UNHE NASIHAT KI

IDHAR HAR WAQT TAQLEEF BADHTI JAA RAHI THI , AUR US ZAHER KA BHI ASAR ZAAHIR HONA SHURU HO CHUKA THA, JISE AAPKO KHAIBAR ME KHILAYA GAYA THA,

AAP HZ AISHA(RA) SE FARMATE" AIY AISHA(RA)! KHAIBAR ME JO KHAANA MAINE KHA LIYA THA, USKI TAKLEEF BARABAR MAHSOOS KAR RAHA HOON, IS WAQT MUJHE MAHSOOS HO RAHA HAI KI US KE ZAHER KE ASAR SE MERI RAGEN(VEINS) KATI JAA RAHI HAIN"

(WAHI,2/637)


AAPNE SAHABA KIRAAM KO BHI WASIYA FARMAYI, "NAMAZ-NAMAZ AUR TUMHARE AADHEEN!(YAANI LAUNDI AUR GHULAM) AAPNE YE ALFAAZ KAYI BAAR DOHRAYE


AAKHIRI PAL:

PHIR KOMZORI( WAFAAT SE KUCH DER PAHLE KI) SHURU HO GAYI AUR HZ AISHA NE AAPKO APNE UPER SAHARA DEKAR TEIK LIYA,

UNKA BAYAN HAI KI ALLAH KI EK NEMAT MUJH PAR YAH HAI KI "ALLAH KE RASOOL NE MERE GHAR ME MERI BAARI KE DIN ME LABBE AUR SEENE KE DARMIYAAN WAFAAT PAYI AUR AAPKI MAUT KE WAQT ALLAH NE MERA LUAAB(SALIVA) AUR AAP KA LUAAB EK(JAMA) KA DIYA,

(WAHI,2/637)

HUWA YAH KI ABDURREHMAN BIN ABU BAKR(RA) AAPKE PAAS TASHRIF LAAYE, UNKE HAATH ME MISWAK THI, AUR MAIN ALLAH KE RASOOL KO TEKE HUE THI,MAINE DEKHA KI AAP MISWAK KI TARAF DEKH RAHE HAIN, MAIN SAMAJH GAYI KI AAP MISWAK KARNA CHAHTE HAIN, MAINE KAHA, AAPKE LIYE LE LUN?

AAPNE SIR SE ISHARA FARMAYA KI, HAAN!

MAINE MISWAK LEKAR AAPKO DI, TOH AAPKO SHAKT MAHSOOS HUI, MAINE KAHA ISE AAPKE LIYE NARM (MULAYAM) KAR DUN?

AAPNE SIR KE ISHARE SE KAHA , HAAN!

MAINE MISWAK NARM KAR DI AUR AAPNE BAHUT ACCHI TARAH MISWAK KI, AAPKE SAAMNE KATORE(BOWL) ME PAANI THA ,AAP PAANI ME HAATH DAALKAR PONCHTE JAATE THEY AUR FARMATE JAATE THEY " ALLAH KE SIWA KOI MABOOD NAHI, MAUT KE LIYE SAKHTIYAN HAIN"

BUKHARI 2/640


MISWAK SE FAARIG HOTE HI AAPNE HAATH YA UNGLI UTHAI, NIGAAH CHHAT(ROOF) KI TARAF BULAND KI AUR DONO HONTHON PAR KUCH HARQAT HUI,

HZ AISHA(RA) NE KAAN LAGAYA TO AAP FARMA RAHE THEY," UN NABION, SIDDIQON, AUR SHAHIDON KE SAATH, JINHE TOONE INAAM SE NAWAAZA, AIY ALLAH MUJHE BAKHS DE, MUJH PAR RAHAM KAR, AUR MUJHE RAFEEQ-E-AALA ME PAHUNCHA DE, AIY
ALLAH! RAFEEQ-E-AALA,

(WAHI,BUKHARI BAAB MARJUNNABI BAAB AAKHIRU MA TAKALLAMANNABI 2/638-641)


AAKHIRI ALFAAZ 3 BAAR DOHRAAYA AUR USI WAQT HAATH(HAND) JHUK GAYA AUR AAP RAFEEQ-E-AALA SE JAA MILE,

INNA LILLAHI WA INNA ILLAIHI RAAJIUN


YE WAQEYA 12 RABI-UL-AWWAL 11 HIJRI DIN SUMWAAR(MONDAY), CHAST KE WAQT HUI, US WAQT AAP KI UMR(AGE) 63 SAAL 4 DIN HO CHUKI THI


YE BAYAN SAHIH HADITH KI ROSHNI ME " AR-RAHIQ-UL-MAKHTOOM" SE LIYA GAYA HAI, JO SEERAT-E-NABWI KE AALIMI MUQABLE ME AWWAL INAAM PAANE WAALI KITAAB HAI.. JISKE WRITER "MAULANA SAFIURRAHMAN MUBARAKPURI (RH)" HAIN

INKA INTEKAAL HO CHUKA HAI

ALLAH INKO JANNATUL FIRDAUS ME AALA MUQAAM ATAA KARE

AAMEEN

TO BE CONTINUED...