Al Tamur Traders

Wednesday, April 22, 2015

NOOR YA BASHAR KA AQEEDA AUR GUMRAH FIRQE: (PART-5)








Bismillahirrahmanirraheem



NOOR YA BASHAR KA AQEEDA AUR GUMRAH FIRQE: (PART-5)


Tamam Hanafi Khususan Barelwi Hazraat Taqreer Karte Hain Ki Hz Adam (As) Ka Jism Yani Putla Abhi Paani Me Geela Tha Ke Us Waqt Bhi Nabi They, Yani Allah Ke Rasool Sallalaho Alaihi Wasallam Ne Farmaya Ke


“Adam (As) Abhi Rooh Aur Jism Ke Darmiyaan They,Main Us Waqt Bhi Nabi Tha”

Dar’asal Ye 2 Hadithon Ka Majmua Hai Jo Awaam Khususan Barelwi Hanafi Me Bahut Mashoor Hai

Lekin Ye Dono Riwayatein Mardood Hain, Pajli Hadith Me Allah Ne Sabse Pahle Mera Noor Banaya Pichle Post Par Iska Jawab Diya Ja Chuka Hai, Nez Ye Saabit Shuda Hai Ki Aap Hz Adam (As) Ki Aulaadon Mese Hain ( Yani Unki Jurriyat Se) Aura Adam Mitti Se Paida Kiye Gaye Hain Na Ki Noor Se (Tirmizi Hadith No.3955, Abu Dawood Hadith No. 5116),

Nez Ye Quran Aur Sahih Hadith Ke Bhi Khilaaf Hai Jisme Farmaya Gaya Hai Ki Adam (As) Ki Takhleeq, Zameeno, Aasmano Aur Farishton Yahan Tak Ki Shaitan Ke Baad Hui Hai (Sahih Muslim Bab Ibteda E Khalq Wa Khalq Adam 4/2149 Hadith No.4789)


Dusri Hadith Ke Mutaalliq Mulla Ali Qari Hanafi  Ne Siraajam Muneer Jild 3 Page No 94 Me Mauju Riwaayat Kaha Hai (Tazkiratul Mauju’aat Page No 80)


Albatta Ye Hadith Kai Sahabiyon Se Motbar Sanadon Se Marwi Hai (Ibne Saad, Tareekh Ul Kabeer) Wagerah Me Ye Riwayat Aayi Hai, Halaanke Ye Teesri Aur Chauthe Darje Ki Kitabein Hain, Is Par Jirrah Na Karke Sirf Riwayat Par Ki Baat Ki Jaaye Toh  Bhi Isse In Bidation Ka Masla Hal Na Hoga Kyonki Qur’an Aur Sahih Hadith Pahle Hi Elaan Kar Rahen Hain Ki
1-     
  
Allah Ne Aasmaan O Zameen Ki Takhleeq Ke 50000 Saal Pahle Sari Taqdeerein Likh Di Thi  (Sahih 
Muslim Kitab Ul Qadr)

Dusri Hadith : Hz Ubada Bin Saamit (Ra) Se Marwi Hai Ki Nabi E Akram Sallalaho Alaihi Wasallam Ne Farmaya Sabse Pahle Allah Ne Qalam Paida Kiya, Fir Farmaya Likh ,Isne Kaha Kya Likhun, Farmaya Taqdeer Likh Isne Allah Ke Bataane Se Qayamat Tak Ki Saari Cheezon Ke Bare Me Likha

(Akhraj Abu Dawood Hadith No.4700. Tirmizi Hadith No.2155)

Ek Aur Ahdith Me Hai


“Hz Ali Bin Abu Talib (Ra) Se Marwi Hai Ki Nabi E Akram Sallalaho Alaihi Wasallam Ne Farmaya, Har Shakhs Ka Thikaana Uske Jannati Aur Jahannami Hone Ka Ya Nek Aur Bad Hone Ka Allah Ne Likh Rakha Hai”

(Bukhari, Muslim)

Isi Tarah Qur’an Me Allah Tala Fermata Hai

“Har Daana, Har Khushki Aur Pani Ki Cheezein Likhi Hui Hain (Loh E Mahfooz Me)”

(Surah Ana’am Ayat No 59)

Fir Isi Tarah Qur’an Farmaata Hai

“Allah Ne Nabiyon Se Ahad Liya Ke Main Tumhe Kitab Wa Hikmat Dun, Fir Tumhare Paas Who Rasool Aaye Jo Tumhare Paas Ki Cheezon Ki Sach Bataaye Toh Tum Is Par Imaan Laana Aur Iski Madad Karna Kyat Um Iqrar Karte Ho ?? Sabne Kaha , Ham Iqrar Karte Hain”

(Surah Aal E Imran Ayat No 81)

Ek Jagah Aur Irshad E Bari Hai

“Rabb Ne Adam Ki Pusht E Inki Aulaad Ko Nikaala Aur Inse Inh Ke Mutaalliq Iqrar Kiya Ke Kya Main Tumhara Rabb Nahin Hoon? Sabne Jawab Diya Kyon Nahin! Ham Iqrar Karte Hain”

(Surah Aaraaf Ayat No. 172)

In Ayataon Aur Hadithin Se  Malum Hua

1-      Allah Ne Aasmano Aur Zameen, Chand Aur Tare Wagerah Se Pahle Qalam Qalam Paida Farmaya Aur Qayamat Tak Ki Cheezon Ki Taqdeer Likh Di,

2-      Alam E Arwah  Me Allah Tala Ne Tamam Nabiyon Se Iqrar Liya Ke Main Tumhe Nubuwwat Aur Kitab Dun  Aur Jab Mera Aakhiri Nabi Aaye Toh Tum Uski Tasdeek Karna Aur Madad Karna, Sabne Iqrar Kiya Goya Abi Adam (As) Ka Putla Nahin Bana Aur Abhi Rooh Aalam E Arwaah Me Hai Us Waqt Tamam Nabiyon Ko Nubuwwat Aur Kitab Ki Bashaarat Mil Chuki Thi, Goya Adam (As) Jism Aur Rooh Ke Darmiyaan They Us Waqt Ye Sab Bhi Nabi They

3-      Allah Tala Ne Adam (As) Ki Pusht Se  Tamam Zurriyat Ko Nikaala Aur Iqrar Liya Ke, Kya Main Tumhara Rabb Nahin ?? Adam Se Lekar Qayamat Tak Aane Wali Tamam Roohon Ne Iqrar Kiya, Beshaq Tu Hamara Rabb Hai, Goya Abhi Adam (As) Rooh Aur Jism Ke Darmiyan They Us Waqt Bhi, Fir’on, Namrood , Shaddad, Abu Jahal , Yahan Tak Ki George Bush, Narendra Modi, Bal Thakeray, Advani Maujood They, Aur Wo Kafir They, Kyonki Zameeno Aur Aasmano Aur Tamam Arwahon Ke 50000 Saal Pahle Sab Ki Taqdeerein Likh Di Gayi Thi Toh Jis Tarah Se Adam (As) Abhi Rooh Aur Jism Ke Darmiyaan They Aur Muhammad Sallalaho Alaihi Wasallam Us Waqt Bhi Nabi They, Toh Agar Isi Tarah Ye Kaha Jaaye  Us Waqt Modi Aur Bal Thakery, George Bush Etc Maujood They Aur Kafir They Toh Isme Hairat Kaisi

Toh Malum Hua Agar Nabi Sallalaho Alaihi Wasallam Ne Ye Baat Kahi Bhi Ke

“Abhi Adam (As) Rooh Aur Putla Ke Darmiyan They, Main Us Waqt Bhi Nabi Tha”

 , Toh Is Baat Par Ahle Bidat Ko Zyada Udham Machaane Ki Zaroorat Nahin Hai, Kyonki Qur’an Ke Bayan Ke Mutaabik Tamam Nabi Us Waqt Nabi  They Aur Sab Ne Iqrar Kiya Yahan Tak Ke Qayamat Tak Paida Hone Wale Tamam Insaan Us Waqt They Aur Taqdeer Likhe Ke Mutaabik, Yahood, Nasaar, Momin, Kafir, Narendra Modi Ya Shahrukh Khan Sab They, Jaisa Ke Nabi E Akram Sallalaho Alaihi Wasallam Ne Aur Pichhle Kai Nabiyon Ne Dajjal Ki Pesan’goyi Ki, Goya Alam E Arwaah Aur Taqdeer Ki Rooh Se Dajjal Hai Halaanke Wo Abhi Tak Aaya Bhi Nahin, Isi Tarah Hz Imam Mehdi Bhi Aayenge Jabki Unki Aane Ki Bashaarat Tab Mili Jabki Unke Pushten Bhi Paida Nahin Hue They, Goya Alam E Arwaah Aur Taqdeer They Likhe  Se Adam (As) Pusht Se Abhi Jurriyat Bhi Nahin Nikli Aur Wo Rooh Aur Jism Ke Darmiyaan They Us Waqt Mehdi Imam Mehdi Hi They,

Malum Hua Isse Muhammad Sallalaho Alaihi Wasallam Ka Wajood Sabse Pahle Hona Saabit Nahin Hota

Allah Ne Qur’an Me Farmaya

“Aiy Nabi ! Log Tumse Rooh Ke Bare Poochte Hain, Kah Do Rooh Allah Ka Qalimah (Hukm) Hai”

(Surah Bani Israel Ayat No. 85)

Malum Hua Tamam Roohon Ko Allah Tala Ne Qalma “Kun” Kah Kar Paida Kiya Koi Bhi Rooh Allah Ke Noor  Se Nahin Bani Hai Balke Qalimah “Kun” Se Bani Hai Adam (As) Aur Tamam Jism Mitti Se Bane Hain, Muhammad Sallalaho Alaihi Wasallam Bhi Adam (As) Ki Mittin Se Bane Hain Aur Unki Auladon Mese Hain, Lihaza Aap Bhi Mittin Se Bane Hain, Jaisa Ke Barelwi Firqe Ke Imam Ahmad Raza Khan Barelwi Likhte Hain Ke Allah Ke Rasool Ne Farmaya

“Har Shakhs Ki Naaf Mese Is Mitti Ka Hissa Maujood Hai, Jisse Uski Takhleeq Hui Hai Aur Isi Me Wo Dafan Hoga Aur Main, Abi Bakr Aur Umar Ek Hi Mittin Se Paida Kiye Gaye Hain Aur Isi Me Dafan Honge”

(Fatawa Afreeca Page 85. 1236 Hijri, Hawala Barelwiyat)

Khan Sahab Ke Qaol Se Bhi Muhammad Sallaho Alaihi Wasallam Mitti Se Bane Hain Balke Nabi, Abu Bakr, Umar (Ra) Teeno Ek Hi Mitti Se  Bane Hain Aur Wo Mitti Madeene Kit Hi, Malum Hua Nabi Ki Rooh Aur Jism Noor Ka Nahin Hai Iske Ba’wajood Aap Sallalaho Alaihi Wasallam Ko Noor Kahna Jihaalat Nahin Toh Aur Kya Hai ??


Aur Wo Bhi Allah Ke Noor Ka Hissa Kahna Sone Pe Suhaaga, Pahle Aqeede Ki Rooh Se Qur’an Ka Inkaar Aur Kafir, Dusre Aqeede Ke Aitbaar Se Allah Ki Zaat Me Shirk Aur Dakhil E Jahannum

Allah Ke Rasool Sallalaho Alaihi Wasallam Ko Basher Hote Hue Basher Na Maanne Ka Aitraaf Karte Hue Barelwi Mujaddid Likhte Hain


“Aap Sallalaho Alaihi Wasallam Ke Noor Hone Ki Kaifiyat Allah Tala Ne Bayan Nahin Ki Aur Na Hi Ham Samjh Sakte Hain, Bas Be’ghair Soche Samjhe Is Par Imaan Laana Farz Hai”

(Manhua Ahmad Raza Barelwi Al Hindi, Shuja’at Ali Barelwi Page No 39, Ba;Hawala Barelwiyat)

Yani Aqal Wa Fiqr Aur Faham Wa Tadabbur Se Kaam Lene Ki Zaroorat Nahin Kyonki Ghaur O Fikr Karne Se Barelwiyat Ki Saari Imaarat Munhadim (Destroyed) Ho Kar Rah Jaati Hai, Ise Qayem Rakhne Ke Liye Soch Vichar Par Paabandi Zarooriyat E Barelwiyat Me Se Hai..

To Be Continued..

#Irfanali
#Islamicleaks
#Umairsalafialhindi