Bismillahirrahmanirraheem
TAX KI SHA’RAI
HAISIYAT: RULING OF TAXATION IN ISLAM
Tax Wo Rakam (Cash)
Hai Jo Hukumat Chalaane Ke Liye Alag Alag Sooraton (Types) Me Logon Se Wasool
Ki Jaati Hai, Aur Jo Log Taiy (Fixed) Waqt Par Tax Ada Na Karen Unke Khilaaf
Kaanooni Kaarwaahi Ki Jaati Hai,
Kaha Jata Hai Ki
Sabse Pahle Yunaan (Greece) Aur Rome Me
Sab Se Pahle Istemaal Hone Waali Cheezon (Goods) Par Tax Lagaaaya Gaya, Sabse
Pahle Jis Mulk Ne Aam Income Tax Ke Nizaam Ko Apnaaya Wo Britain Hai,
Nepolean Bonaparte Ke
Khilaaf Jung Ladne Ke Liye Britain Hukumat
Ne 1799 CE Me Income Tax Laagu Kiya,1810 Me Jung Khatam Hui Toh 1842 Tak
British Logon Ko Is Tax Ke Bojh Se Azaad Kar Diya Gaya, Lekin Baad Me President
Budget Me Khasaare (Budget Deficit) Ki Wajah Se Dobara Tax Laagu Kar Diya,
1880 CE Tak Log Tax
Ke Aadi (Habitual) Ho Gaye, Isi Tarah Dheere Dheere Germany, France, Italy, Sweden
Aur America Etc Me Be Tax Laagu Ho Gaya, Angrez Hindustan Me Aaya Toh Yahan Bhi
Tax Laagu Ho Gaya,
Islam Ki Aamad Ke
Mauqe Par Jo Mukhtalif (Different) Qism
Ke Tax They Unka Mukhtasar (Short) Bayan Is Tarah Hai
M’sak: Zamana E
Jaahiliyat (Period Of Ignorance) Me Logon Se Zabardasti Wasool Kiye Jaane Wala
Tax, Islam Ne Iski Muzammat Bayan Ki Au Rise Azeem Gunaah Aur Jahannum Me
Daakhile Ka Zariya Qaraar Diya
Jiz’yah: Ye Wo Tax Tha Jog Hair Muslimon (Non- Muslim)
Se Unki Jaan Aur Maal Ki Hifaazat (Security Of Life And Wealth Tax) Ke Badle Me
Wasool Kiya Jaata Tha, Islam Qubool Karne Se Ye Tax Khatam Ho Jaata Hai,
Khi’raaj : Ye Tax Bhi
Ghair Muslims Par Lagaaya That Ha, Dar’asal Ye Unki Zameeno Par Lagan Tha, Jung
Me Jeete Hue Ilaaqon Ko Unke Puraane Maalikon Ke Qabze Me Rahne Diya Jaata Aur
Unke Ilaaqe Ke Aitbaar Se Khi’raaj Wasool Kiya Jaata
Za’reebah : Ye Bhi
Tax Ki Ek Soorat Se Jo Ghulaamon Aur Ghair Muslamano Par Lagaaya Jaata,
Musalmano Se Iska Koi Taalluq Na Tha.
Aa’shar: Is Se Muraad Wo Tijarati Import Duty Thi Jo
Yahood Aur Isaayi Aur Hinduon Ke Un Maalon Par Wasool Ki Jaati Thi Jo Tijaarat
Karne Ki Wajah Se Musalmano Ke Ilaaqe Me
Laaya Karte They,
Waazeh Rahe Musalmano
Par Sirf Zakaat Aur Aa’shoor Ki Hi Paabandi Hai, Iske Elawah Koi Apni Marzi Se
Sadqah Wa Khairaat Karta Hai Toh Who Zyada Ajr Wa Sawaab Ka Mustahiq Hai,
Zakaat Aur A’shar Ke Elawah Musalmano Par
Allah Ki Taraf Se Koi Bhi Tax Waajib (Obligatory) Nahin, Isiliye Imam
Shaukani Ne Naqal Farmaaya Hai Ke
“In (Musalmano) Par
Zaqaat Ke Elewa Koi Tax Ya Us Jaisi Koi Cheez Waajib Nahin”
(Neel Ul Awtar)
Aur Ek Riwayat Me Bhi
Hai Ke
“Jab Tune Apne Maal
Ki Zakaat Ada Kar Di To Jo Tujh Par Farz Tha Who Tone Poora Kar Diya”
(At Targheeb)
Islam Ne In Sab
Zaalimaana Taxes Ke Bar’khilaaf (Opposite) Sirf Saal Me Ek Hi Baar Zakaat Farz
Ki Hai, Aur Ghair Muslimon Se Bhi Un Par Waajib (Obligatory) Tax Se Zyada
Wasool Karne Ki Ijaazat Nahin Di Toh Islami Riyaasat Me Musalmano Se Baar Baar
(Income Tax, Sale Tax, GST, Import Duty, Excise Duty Etc) Ghair Islamic Tax
Wasool Karne Ki Gunjaish Kaise Nikal Sakti Hai ??
Lihaza Waazeh Rah Eke
Is Tarah Ke Tamam Tax Ghair Sharai Hain Islam Ka Inse Koi Taalluq Nahin
#IslamicLeaks
#UmairSalafiAlHindi
