Al Tamur Traders

Tuesday, January 31, 2012

KYA GHAIR MUQALLIDEEN SHIA KI CHHOTI BAHEN HAIN???

Bismillahirrahmanirraheem



KYA GHAIR MUQALLIDEEN SHIA KI CHHOTI BAHEN HAIN???


Khaana shaaz(free food eaters) taqleedi mazhab ke waqeel ek deobandi jo " ghazipuri" ke naam se jaane jaate hain, apni fitrat ke mutabik baar baar ye be'buniyaad aur saraarat aameez dawa kiya hai ke

" ghair muqallideen sahaba ka dushman hai, usko sahaba ke amal se chhidh hai, is firqe me raafziyat ka kaafi asar hai"

ek dusri jagah haqiqat ke bar'ishq ye shaitaani dawa kiya hai ke

" ghair muqallideen shiaat ki chhoti bahen hai"


aayen ham thodi der thaher ke raafziyat ka asar bhi talaash kar len aur shiat ki chhoti bahan ke baare me bhi maalumaat haasil kar len,

muqallideen acchi tarah jaante hain ke ahle hadith sirf quraan kareem aur hadith sahih ko aslaaf ki faham wa fikr ke mutaabik maante hain, aur inhi par amal karna baa'as falaah wa nijaat tasawwur karte hain

lekin iske ulta muqallideen ahnaaf ka aqeeda wa amal Sahih hadith nabwi nez khulefa raashideen wa sahaba kiram ke mazhab ke khilaaf hai,

filhaal tafseel me na jaate hue aapki khidmat me muqallideen ahnaaf aur rafziyon ke darmiyan dilchasp aur bar haqiqat mawazaanah pesh kar raha hun taake aapko muqallideen ahnaaf me raafziyat ke asar bilkul saaf taur par waajeh ho jaaye ki muqallideen hi asal me shiat ki chhoti wa badi bahan hai... Aur dono ki mulaqaat ho jaaye


1- sabse pahle baat ye hai ke raafziyon ke 12 imam hain aur muqallideen ahnaaf ke imam 12 se bhi zyada hain, main yahan inke sirf 12 maqbool tareen imamon ki nishaandehi kar raha hun,

agar muqallideen hazraat in me tarmeem karna chahen aur awwaliyat wa ahmiyat ke lihaaz se tarteeb me ulat pher ke khwahish mand ho to unhe aisa karne ka poora haq hai, mujhe koi aitraaz nahi hoga..

a)- imam abu hanifa rh

b)- imam abu yousuf

c)- imam muhammad

d) imam zafar

e)- imam hasan bin ziyaad

f)- imam Karkhi

g)- imam sarkhashi

h)- imam haloiyi

i) imam ibraheem nakhi

j)- imam hammad

k)- imam qaishri

l)- imam zahidi


2- dusri baat ye hai ke shiaon ke 11we imam hasan askari hain aur 12we imam "imam ghaib" hain aur unka poora mazhab "farzi imam ghaib" ke mutabik chalta hai,

isi tarah muqallideen ahnaf ke aise bahut se masail hain jo inke imaamon se saabit nahi hain aur muqallideen ka unpar amal hai, maslan juma wa eidain ki namaz jinki adaayegi ke liye inki fiqhi kitaabon me bahut shakt sharait hain, aur ye namazen unhi shahron aur mulkon me ada ki ja sakti hai jahan islami nizaam qayem ho,

hudood e shariat ka nefaaz ho, uske lihaaz se juma wa eidain ki namaz sirf saudi arab me ada ki ja sakti hai, lekin uske baad matakhireen hanifiya ne mazkoorah sharait me kuch narmi kar di lekin shahr hone ki shart phir bhi bar'qaraar rahi, iske ba'wajood muqallideen ahnaf apne aimma aur fiqhi kitabon ke Bar'khilaaf dehat(town) me jumah ki namaz bhi ada karte hain aur eidain ki namaz bhi padhte hai, isse malum hota hai ke inlogon ke yahan " imam ghaib" ka tasawwur hai


3) teesri baat ye hai ke shiaon ke yahan mutah na sirf jayez hain balke inke yahan kaar sawaab hai.... Mutah ki jagah ahnaf ke yahan " halaala" hai aur bade shauq se ye log kisi makhsoos aadmi ko taiyyar karke halaala karte aur karaate hain


4- chauthi baat ye hai ke raafziyat ke yahan quran wa hadith ke ahkaam se alag ek makhsoos fiqh " fiqah jafariya" hai, to muqallideen ahnaaf ke yahan " fiqah hanafiya" hai jiske masail aam taur se qur'aan wa hadith ke khilaaf hain


5- paanchwi baat ye hai ke shia firqe ke log apne imaamon ko maasoom kahte hain to muqallideen ahnaaf bhi amli taur par apne imamon ko maasoom samjhte hain kyonke jo bhi aqwaal wa masail inki taraf mansoob hain, aankhen band karke in par amal karte hain, khwaah quraan wa Hadith ke ahkaam inke khilaaf hi kyon na hon, aapko maalum hoga ke imam karkhi ne ye usool bana rakha hai

"ke hamare hanafi mazhab ke khilaaf agar koi aayat hogi to uski taweel karli jaayegi, is tarah agar hamare mazhab ke khilaaf koi hadith rasool hogi to uski bhi taaweel karli jaayegi"


6- shia firqah quraan kareem ko tahreef shuda(changed) maanta hai, to ahnaaf bhi quraan ki bahut si aayaton ko mot'aariz saabit karke radd kar dete hain,


7- raafzi log chand sahaba kiram ra ke elawa sabhi ko murtad aur gumrah maante hain, to muqallideen ahnaf bhi unhi dekha dekhi me sahaba kiram ko faqeeh nahi maante aur unki riwayat karda hadithon ko apni raaye wa qayaas ke mutabik na hone par tark kar dete hain, jaise kaseer riwayat hz abu hurairah ra aur hz anas bin malik ra,


8- raafzi firqa ke log sahaba kiram ra ke khilaaf tabarra karte hain aur unki shaan me gustaakhiyan karte hain, usi tarah muqallideen Ahnaaf in sahaba kiram ra se bugz rakhte hai, jinhone unke khaana shaaz mazhab ke khilaaf ahaadith mubaarka riwayat ki hain, maslan muqallideen ke bade alim maulana muhammad manzoor nomani ne sahaba rasool hz umar bin aas ra ko " amr o ayaar" likha hai,

ye shiaon se kaseed ki huwa aqeeda hai, isse maalum hota hai ke muqallideen ahnaaf androoni taur par poori tarah raafziyon ke naqshe qadam par chal rahi hai


9- hz muawiya ra wa yazeed rh aur hz hussain ra ke baare me jo raafziyat ka aqeedah hai bilkul wahi aqeeda wa amal aksar ahnaaf ka bhi hai, aur jis tarah shia hazraat muharram ke pahle ashrah me hz hussain ra ki yaad me taaziye aur aalam wagerah nikaalte hai, maatam wa seena kobi aur marsia khwani karte hain, nez hz muawiya ra aur inke bete yazeed rh ko bura bhala kahte hain, bilkul isi tarah aksar muqallideen ahnaaf bhi is aqeede wa amal ka muzaahera karte hain


10- Sab jaante hain ke shia firqa ke log hz hussain ra ki shahadat par nauha karte hain aur marsia padhte hain, isi tarah muqallid afnaaf ke yahan bhi marsia apni poori khasusiyaat ke saath nazar aata hai,

chunanche deobandion ke sheikh ul hind maulana mahmood hasan sahab ne apne peer wa murshid maulana rasheed ahmad gangohi ki shaan me jo marsia likha hai uske chand as'haar mulaheza karen

" murdon ko zinda kiya zindon ko marne na diya

is masihaayi ko dekhen zari ibn maryam"

(page no 23)

yani hz isa as ko khuda ki taraf se mojeza ata kiya gaya tha ke uske huqm se wah murdon ko bhi zinda kar diya karte they.

Lekin maulana raseed ahmad gangohi ka darja hz isa as se bhi badh kar hai, kyonki wah sirf murdon ko zinda karte hain balke zindon ko marne bhi nahi dete..

Isliye marsia yani maulana mahmood hasan sahab farmate hai ke-" hz isa as apni masihaayi me bahut mashoor hain lekin zara maulan gangohi ki Masihaayi ko dekhen ke unke andar dono khususiyaat hain yani murdon ko zinda bhi karte hain aur zindon ko marne bhi nahin dete,

is mubaalagah raaye ka andaaza kijiye ke deobandion ke peer ke muqable me hz isa as naozubillah kamtar saabit hote hain


" phire they kaaba me bhi poochte gangoh ka raasta

jo rakhte they apne seeno me they zauq wa shauq irfaani"

(pg no 13)


is ashaar ka mafhoom bilkul waazeh hai ke jo log kaaba shareef hajj ke iraadah se gaye they, unme se jin ke andar maa'rifat ka zauq wa shauq tha wah wahan bhi gangoh ka raasta pooch rahe they, kyonki deobandion ke sheikh ul hind ki nazar me ilm wa maa'rifat ka saara khazaana gangoh me posheeda tha aur shayad ab bhi hoga, yani deobanion ke nazdeek gangoh ka darja kaaba shareef se ba'darja bahtar hai

" khuda inka marbi wah marbi they khalaaiq ke

mere maula mere haadi they beshaq sheikh rabbani"

(page 12)


marsia ke is ashaar me kaha Gaya hai ke maulana gangohi ka marbi aur paalanhaar khuda tha lekin wah khud saari makhlooqaat ke murabbi they is tarah deobandi ke peer ko uluhiyat ke darzah par faiz karne ka shikiya jurm kiya gaya hai, kyonke ye saraahat ke saath kaha gaya hai ke maulana gangohi tamaam makhlooqaat ke paalanhaar they


" zabaan par ahl huwa ki hai oo'al hahbal saayed

utha aalam se koi baani islam ka saani"

(page 4)


baani islam to khud khalik qaaynaat hai, ab baani islam ka saani yani deobandion ke liye dusra khuda maulana gangohi ki zaat giraami hai,

agar inki zabaan me ya mukhalifeen islam ke nazdeek baani islam hz muhammad(sws) ki zaat e aqdas ko farz kar liye jaaye to is soorat me maulana gangohi dusre rasool saabit hote hain, jab ke rasool akram(sws) khaatim ul ambiya hain ,

isse malum huwa ke deobandi hazraat , nabi akram(sws) ko khaatim ul mursaleen nahi maante kyonki inke yahan gangohi sahab dusre rasool Ban kar tashreef laaye they.... Naozubillah


is qism ke ashaar aur bhi hain lekin tafseel se bachte hue inhi par khatm kar raha hun,

aur in 10 point ko pesh karke ghaazipuri and company se poochta hun ke in haqaiq ki roshni me kya ye waajeh nahi ho raha hai ke raafziyat ke aqaid wa jarasheem apni poori quwwat ke saath aapke khaana shaaz mazhab me shaamil nahi hai???

Ye bhi saaf ho gaya ke shiat ke chhoti ya badi bahan( muqallidiya) hai aur ye rishta aap log badi khush asloobi ke saath sadiyon se nibha rahe hain



ALLAH HAMEN HAQ BAAT KAHNE KI TAUFEEQ DE ...... Ameen