Al Tamur Traders

Tuesday, September 13, 2011

KYA FARZ NAMAZON KE BAAD IJTEMAAI DUA KARNA BID'AT HAI?????

Bismillahirrahmanirraheem




KYA FARZ NAMAZON KE BAAD IJTEMAAI DUA KARNA BID'AT HAI?????(IJTEMAI DUA)




Beshak yah bid'at hai,

bahut hi hairat ki baat hai ki aap(sws) madina munawwara me 10 saal rahe, 5chon waqt ki namazen padhi magar unme se koi ek bhi ijtemaai dua ka zikr na karen, to yah uske jhoot ki saaf daleel hai.


Maulana abdurrahman mubarakpuri rh kahte hain ki agar koi personally(akela) roop se namaz ke baad haath uthakar dua maang leta hai to usme koi harz nahi, imam ibne taimiyya rh, ibne qaiyyam rh, ibne hajar rh, aur bahut se muhaqqeen ulma ne farz namaz ke baad mashoor ijtemaai dua ka inkaar kiya hai aur ise bid'at kaha hai.


Aap sws ne farmaya:-" jald hi meri ummat me aise log paida honge jo paani ke istemaal me aur dua karne me haddh se bada karenge"


(abu dawood 1480,imam haakim aur imam zahbi ne ise sahih kaha hai)


ijtemaai dua ki daleel me Bayaan ki jaane waali tamaam riwayate zaeef hai... Isko bhi dekhte chalen


1- hz anas ra se riwayat hai ki jo banda har namaz ke baad apne dono haath faila kar dua kare allah taala uske haathon ko naamuraad nahi lautaata.


(ibnul sani 138)

iski sanad me

a) ishaq bin khaalid hai jo munkir ahadith riwayat karta hai

b) imam ahmad bin hambal rh farmate hai ki (iske ek aur raawi) abdul aziz abdurrahman ki khaseef se bayaan ki gayi riwayat jhooti aur mangadant hoti hai

c) khaseef ka anas ra se samaa malum nahi

d)iske elawa is riwayat me ijtemai dua ka koi zikr nahi


2- yazeed bin aswad aamiri ra kahte hai ki rasullah sws ne namaz e fajr ka salaam phera aur dono haath uthakar dua maangi


(fatawa nazeeria)


is hadith ki sanad hasan hai magar maulana ubaidullah rahmani marhoom likhte hai:-" hadith ki kitabon ke ander asal hadith me ' wa-ra-fa-aa yadaihi fa-da-aa' (dono haath uthakar dua maangni) ka Alfaaz maujood nahi hai " iske elawa isme bhi ijtemaai dua ka zikr nahi


3- hz abdullah bin umar ra aur hz abdullah bin zubair ra dua karte they aur (aakhir me) apni dono hatheliyan apne muh par pherte they


(al adbul munfarad bukhari)


iski sanad bukhari ki shart par hai. Is silsile me pesh ki jaane waali takriban tamam riwayatein na sirf shakht zaeff hain balki unme ijtemaai dua ka zikr tak nahi hai aur kuch hadison ka matlab to kuch aur hai magar unhe zabardasti ijtemaai dua ke saath jod kar diya gaya hai......


Sawal paida hota hai ki kya nabwi daur me farz namazon ke baad haath uthakar ijtemaai dua ka ehtemam karne me ko rukawat thi???

Beshak hi nahi thi, phir bhi agar kisi farz namaz ke baad uska kabhi ehtemam nahi kiya gaya to isse malum huwa ki iska ehtemam na karna sunnat hai kyonki namumkin hai ki ek cheez deen bhi ho aur nabwi daur me kar sakne ke bawajood use koi na kare ya use kiya Gaya ho magar maqbool hadeeson ke zakheere me wah kisi ko kahin nazar na aaye....


Insan naturally taur se aasaani pasand hai, use masnoon duwayen yaad karna "bhaari" guzarta hai aur jabki uski "masroofiyat"(busy rahna) bahut zyada hai, isliye wah farz namazon ke baad sukoon ke saath 5 ya 6 min nahi nikaal sakta isliye us sunnat ke pahlu bachaane ke liye uska badal ijaad kar liya gaya yani " maulwi sahab salaam pherte hi haath uthayen kuch masnoon duwayen etc. Masnoon alfazon par based chhote chhote alfaz bolen aur muh par haath ferkar tamaam namaziyon ko "faarigh" kar den jiske baat we sab (masnoon azkaar padhe bina) uth khade hon"

asal me yah duwa nahi, rasm hai jo bahut hi nek niyyati se har farz namaz ke baad ada ki jaati hai aur is tarah be samjhe bujhe ek sunnat ko mitaane ka gunaah kiya ja raha hai, afsos ki logon ko bid'aton par amal karne ke liye to bada waqt mil jaata hai magar sunnat ko Apnane ke liye waqt nahi milta, jo shakhs bid'at ko radd kare use sire se dua hi ka munkir bana diya jaata hai jabki sunnat ka chhodne waala, ahle sunnat wal jahiliya hai...

Isliye hamen unhi azkaar aur duwaon par bas karna chahiye jin par hamare pyare nabi sws aur unki sahaba kiram ra hamesha amal karte rahe hai, allah taala ham sabko taufeek de AMEEN