Tuesday, November 4, 2014

SHIA IMAMON KI TARAF SE SHIA KI MUZAMMAT:





Bismillahirrahmanirraheem 


SHIA IMAMON KI TARAF SE SHIA KI MUZAMMAT:

Nahjatul Balagha Me Hz Ali (Ra) Ke Be'shumar Aise Khutbat Ka Zikr Hai Jinme Aap (Ra) Ne Apne Shia Ki Muzammat Ki Hai, Aur Haqeeqat Hai Ke Shia Qaum Koi Aisa Kaarnaama Pesh Nahin Kar Sakti Jo Is Baat Ka Suboot Ho Ke Unhone Islam Ko Toh Dar'kinaar Apne Imamon Ko Hi Faayeda Pahunchaaya Hp, Har Daur Me Unke Imam Shia Se Shaaki Rahe,

Chunanche Shia Ke 7we Imam Moosa Qazim Kahte Hain

"Agar Main Apne Shia Ko Aazmaun Toh Saabit Ho Jaaye Ke Jabaani Jama Kharch Ke Siwa Unke Paas Kuch Nahin, Agar Main Unka Imtehaan Lun Toh Saabit Ho Jaaye Ke Wah Sab Murtad Hain"

(Kitab Roza Ul Kafi Az Kulaini 8/107 Matbua Hind)

Ye Nihaayat Dil'chasp Nas Hai Jisse Shia Qaum Ki Saari Haqeeqat Pata Chal Jaati Hai,

Mulla Baqar Majlisi Hz Musa Qazim Se Riwayat Karta Hai, Unhone Kaha

"Mere Ahkamaat Ki Ita'at Karne Wala Abdullah Bin Ya'azoor Ke Siwa Koi Nahin "

(Majalis Al Momineen, Majalis Al Khamis Page 144 Matbua Iran)

Yahi Riwayat Hz Jafar Sadiq Se Bhi Marwi Hai, Kashi Likhta Hai

Imam Sadiq Ne Farmaya

"Meri Baat Par Amal Karne Wala Sirf Ek Hai Aur Wah Abdullah Bin Ya'joor Hai"

(Rijaal Al Kashi Page 215 Matbua Iraq)

hz Hasan (Ra) Shia Qaum Ka Zikr Karte Hue Likhte Hain

"Hz Mu'awiya In Logon Se Bahut Bahtar Hain Jo Ye Dawa Karte Hain Ke Wah Hamare Shia Hain,

Shia Kahlaane Waale In Logon Ne Mujhe Qatal Karne ka Iraada Kiya, Mujhse Mera Maal Chheen Liya,

Allah Ki Qasam ! Hz Mu'awiya (Ra) Se Sulah Karke Apni Aur Apne Ahl Wa Ayaal Ki Jaan Bachaana Is Baat Se Bahtar Hai Ke Ye Log Mujhe Aur Mere Ahl O Ayaal Ko Qatal Kar Den,

Agar Main Hz Mu'awiya (Ra) Ke Khilaaf Saff'aara Ho Jaata Toh Ye (Shia) Ghaddaar Ban Kar Mujhe Apne Haathon Se Hz Mu'awiya (Ra) Ke Supurd Kar Dete,

Chunanche Maine Samjha Ke Ba'izzat Taur Par Mu'awiya (Ra) Se Sulah Kar Lena Qaid Ki Halat Me Marne Se Bahtar Hai"

(Kitab Ul Ehtejaj Al Tabrisi Page 215 Matbua Iraq)

Isi Tarah Hz Hasan (Ra) Ka Irshad Hai

"Maine Koofa Waalon Ko Aazmaaya Hai Wah Sab Ke Sab Be'wafam Bad'ahad Aur Munaafiq Log Hain, Zabaan Se Kahte Hain Ki Wah Hamare Saath Hain Jabke Unki Talwaarein Hamare Khilaaf Soonti Hui Hain"

(Kitab Al Ehtejaaj Tabrisi Page 149)

Hz Hussain (Ra) Ko Jab Koofa Ke Shiaon Ne Dhoka Diya aur Koofa Me Bilaakar Unhe Dushmano Ke Supurd Kar Diya Toh Aap (Ra) Ne Unhe Mukhaatib Karke Farmaya

"Aiy Koofe Ki Jamaat ! Halaakat, Tabaahi Wa Barbaadi Tumhara Muqaddar Bane, Tumne Hamen Badi Aqeedat Ke Saath Bayyat Ke Liye Bulaaya, Ham Chale Aaye,

Yahan Aake Hamne Dekha Ke Tumne Hamare Khilaaf Talwaarein Soont Rakhi Hain, Aur Tum Hamare Dushmano Ke Saath Mil Chuke Ho,

Halaanke Na Hamare Dushmano Ne Tumse Koi Neki Ki Ke Tum Unka Saath Do Aur Na Hamne Tumhare Saath Koi Buraayi Ki Ke Tum Hamare Khilaaf Ho Jao, Hamari Talwaarein Myaano Me Thi, Tumne Unhe Be'niyaam Karwaya ,

Fiza Pur'aman Thi Tumne Use Jung Wa Jadaal Ka Mahaul Paida Karke Aaloodah Kiya, Hamara Qat'an Jung Karne Ka Iraada Na Tha Tumne Hamen Is Pe Majboor Kiya,

Tumne Jald'bazi Ki Aur Khud Ko Hamare Parwaane Zaahir Karke Hamari Bayyat Ki, Fir Tumne Himaqat Aur Bad'diyanati Ka Muzaahira Karte Hue Is Bayyat Ko Todh Diya Aur Hamare Khilaaf Muhaaz'aara Ho Gaye, Allah Kare Tum Halaaq O Barbaad Ho Jaao "

(Kitab Al Ehtejaj Al Tabrisi Page 145)

Is Tarah Ke Bahut Se Aqwaal Shia Kitaabon Me Mil Jaate Hain JiNme Unke "Masoom Imamon" Ne Apne Pairo'karon Ki Muzammat Ki Hai, Aut Unhe Khiyanat; Bad'diyanati Aur Buzdili Jaisi Sifaat Se Mat'oon Kiya Hai,

Shia Ne In Taano Se Faraar Hasil Karne Ke Liye Ye Aqeeda Waza Kiya Ke Ye Tamam Aqwaal Taqiya They, Imamon Ki Raaye Shiaon Ke Khilaaf Nahin Thi Magar Taqiya Ki Bina Par Unhe Majbooran Aisa Karna Padha Jis Tarah Ke Unse Abu Bakr Wa Umar (Ra) Aur Deegar Sahaba Ki Mada'h Saraayi Me Aqwaal Manqool Hai , Unka Sabab Bhi Taqiya Hi Hai....

Inna Lillahi Wa Inna Ilaihi Rajioon.....



#UmairSalafiAlHindi
#IslamicLeaks