Al Tamur Traders

Thursday, March 20, 2014

KYA NAMAZI KE LIYE YE JAIZ HAI KE FARZ NAMAZON ME ARKAAN PURE HONE KE BAAD DUA MAANGE






Question :
 


kya namazi k liye yh jaiz hai k woh farz namazo mein arkaan pury kerny k bad dua mangy maslan sajdo mein "SUHAN RABBI YAL ALLA" parhny k bad jaisi dua parh lay? umeed hai


Answer :


Momin k liye yh jaiz hai k woh namaz mein dua k maqaam per dua kery namaz khuwah farz ho ya nafil aur namaz mein dua ka maqam sajda' 2 sajdo k dermiyan' tash'had aur RAsool Allahki zaat grami per darood-o-salaam k bad namaz ka akhri hissa hai. hadis sy sabit hai k Nabi kareem s.a.w dono sajdo k dermiyan dua kerty aur Allah Ta'ala sy magfirat talab farmaty thy. yh bhi sabit hai k app dono sajdo k dermiyan yh dua parha kerty thy:
 

"Aye Allah! to meri magfirat farma aur mujh per raham farma aur mujhy hadayat day aur meri bagri bana day aur mujhy rizq ata farma aur mujhy afiyet ata farma."
 

Abu Dawud no. 850 and At-Trimithi no. 874.

Nabi s.a.w ny farmaya:
 

"Roku mein Allah Ta'ala ki ta'azeem biyan karo aur sajdah mein khub koshish sy dua karo' umeed hai k tumhari dua sharf qaboliyet sy nawazi jaye gi."
 

Muslim no. 479.

Aur Hazrat Abu Hererah R.A. sy marvi hai k Nabi kareemny farmaya:
 

"Bandah apny Rab k sab sy ziadah qareeb us wqt hota hai jab woh sajdah ker raha hota hai lehaza sajdah mein kasrat sy dua karo"
 

Muslim no. 482.

sahiheen mein Hazrat Abdul Allah Bin Masood R.A. sy ravayat hai k NAbi kareemny jab inhen tashhad sikhaya to farmaya:
 

"Is k bad namazi jo chahy apny Rab sy dua kery"
 

Muslim no. 402.

Aur aik ravayat mein ilfaz yh hain k:
 

"Phir is dua ko muntakhib kery jo issy sab sy ziadah pasand ho aur is k sath dua kery."
Al-Bukhari no. 835.


Is mafhom ki ahaadis bohat hain jo is bat per dalalat kerti hain k in maqamat mein musalman jo dua kerna chahy' is ki ejazat hai khuwah dua ka ta'aluq akhrat sy ho ya deenvi masaleh sy ba shart yh k dua ka ta'aluq kisi gunaah ya qata'a rehmi sy na ho aur afzal yh hai k in duaon ko kasrat k sath manga jaye jo Nabisy manqol hain.
 

Shaikh ibn Baz