.Bismillahirrahmanirraheeem
QEEMATEIN CONTROL KARNA : (ISLAMIC RULING FOR PRICE CONTROL)
Control Ki Hurmat:
Hz Anas (Ra) Se Riwayat Hai Ke Nabi E Akram (Sws) Ke Ahad (Period) Me Madeene Munawwara Me Ashya (Product) Ka Bhaao (Rate) Chadh Gaya,
Logon Ne Arz Kiya :-"Aiy Allah Ke Rasool (Sws) ! Ashya Ke Bhaao Bade Tezz Ho Rahen Hain , Aap Hamare Liye (Unke) Bhaao Muqarrar Farma Den,"
Rasoollullah Sallalaho Alaihi Wasallam Ne Farmaya
"Bhao Ka Ta'een Karne Waala Allah Tala Hai Wahi Arzan (Mahenga) Wa Sasta Karta Hai, Wahi Giraan Karta Hai, Aur Rozi Dene Wala Wahi Hai Aur Main Chaahta Hoon Ke Allah Tala Se Is Haal Me Mulaaqaat Karun Ke Koi Shakhs Tum Mese Mujhse Khoon Me Aur Maal Me Zulm Wa Nuqsaan Ka Mutaalba Karne Waala Na Ho"
(Ghayatul Maram 323, Abu Dawood 3451 Kitab Ul Buyu, Ibn Majah 2200, Darimi 2/324, Ahmad 3/156)
"Is Hadith Se Saabit Hota Hai Ke Narakh (Rate) Muqarrar Karna Zulm Hai Aur Zulm Haram Hai "
(Sabeelul Islam 3/1089, Imam San'ani Rahimahullah)
CONTROL KI SOORAT AUR NUKSAAN:
Narakh (Rate) Muqarrar Karne Ki Soorat Ye Hai Ke Hukumat Ki Taraf Se Elaan Kar Diya Jaata Hai Ke Falan Cheez Itni Qeemat Se Zyada Par Farokht Na Ki Jaaye,
Aur Ye Bhi Huqm De Diya Jaata Hai Ke Sarkari (Govenmental) Rate List Dukaano Kar Laga Di Jaati Hai, Taake Khareedaar Unhe Dekh Saken Aur Fir Hukumati Ahal'kar (Govenment Officers) Waqtan Fa'waqtan Chhaape Bhi Maarte Rahte Hain,
Iska Nateeja Ye Hota Hai Ke Ek Toh Taajiron Ko Nuksaan Hota Hai, Lihaaza Wo Khaalis (Pure) Ashya Bhi Bajaaye Milawati , Naaqis, Aur Ghatiya Ashya Farokht Karna Shuru Kar Dete Hain Aur Agar Koi Umdah Aala Ashya Ka Mutaalba Kare Toh Usse Qeemat Bhi Zyada Usool Karte Hain,
Aur Baaz Auqaat Taajir Hazraat Ashya Ki Farokht Hi Rok Dete Hain Jisse Awaam Zarooriyaat E Zindagi Se Mahroom Hokar Rah Jaate Hain,
Baaz Auqaat Hukumat Muqarrarah Narakh (Rate) Par Ashya Farokht Karne Ke Liye Jagah Jagah Apne Store Ya Depot Bhi Banaati Hai,
Lekin Wahan Bhi Lambi Lambi Lino Me Lagna Har Ek Ke Bas ME nahin Hota,
Toh Black Marketing Ka Ek Naya Darwaaza Khul Jaata Hai Aur Black Me Bechne Waale Apni Marzi Ke Rate Par Cheez Farokht Karte Hain Jo Majbooran Na Chaahte Hue Bhi Logon Ko Khareedna Padhti Hai,
Aur Yun Saude Ki Buniyaadi Shart (Fariqain Ki Raza'mandi) Hi Mafqood Ho Jaati Hai
CONTROL KI JAYEZ SOORAT:
Ahle Ilm Ka Kahna Hai Ke Agar Taajir Hazraat Ne Zakheera Andozi (Placing Goods In Warehouse N Cold Storage) Waqerah Ke Zariye Ashya E Zaroorat Ki Masnui (Banawati) Qillat Paida Karke Qeematon Me Izaafa Kar Rakha Ho Toh Fir Hukumat Ko Ikhtiyaar Hai Ke Wah Ashya Ki Qeematein Muqarrar Kar De..
Balke Aise Halaat Me Hukumat Zaalim Taajiron Se Zakheerah Kardah Ashya Zabar'dasti Usool Karke Bhi Bazaaron Tak Pahunchane Ki Mijaaz Hai...
